قصة اليوم: #سنيوريتا
.............
قراءة ممتعة🦋💙"
#ⴅÂÐЄĦÂ

#سنيوريتا
#بقلم_جمايكا_أحمد
@rwayate
الجزء الاول..السادس والعشرون انتهت..

شوية ادوات نحاس واطباق مكسورة ..وفراش اكلهن العتة..وبيت لابيقي من برد ولا من حر ..مافيو غرف اشبه بالكوخ. هاد يلي قدروا الناس يساعدونا لنأوى فيه...واطفال صغار حوالين امي العجوز..يلي عم تروي قصص وحكايات الاميرات.. يمكن هاد الشي الوحيد يلي بقدر يسعدها بعد مافقدت نظرها بحرب الخليج.. مو بس هيك حكايتنا بلشت .من كنت صغيرة بعدني مولودة صرلي شهرين. بعد ماقررت زيارة خالي المصاب...تركتني امي مع عمتي كوثر ..واصرت تروح تطمن على خالي. هي وابي واخواتي عائد وعبد الله يلي مابنعرف عنهن شي..انفقدوا من السيارة وقت نزلت القذيفة عليهن شي بقولوا احتمال يكون اجسادهن اتجزئت ومابقي منهن شي..وشي بقول انو سحبتهن وحوش الليالي..وهاد كلو بعد مانقلو حالة امي وابي للثلاجات..واعلان خبر موتهن. بس هالشي كان كلو قدر ومكتوب وقت سمعو بغرفة الثلاجات ..ضربات امي ع الباب ..وقتها عرفوا انو بعدا عايشة ..حالتها كانت يوم عن يوم تتحسن وبعدها فقدت النظر..عمتي كوثر بهاي الفترة كانت تعتني فيني..بس بيوم تركتني جنب امي بسرير المشفى وهي كمان اختفت شي بقولوا شافوها بإيران وشي بقولوا شافوها بالكويت ..وماحد بيعرف عنها شي..بقيت بالمشفى معي امي تحت عناية الممرضات لوقت ما والدتي تحسنت وقدرت تعتني فيني رغم انها كانت فاقدة النظر..ومرقت الايام ووعيت على حالي وانا بهاد البيت يلي عايش ع مساعدة الناس ..طبق اكل من هون شوية تياب من هون ..وكنا نمشي حالنا انا وامي..وكبرت فينا الايام وامي من همها عمر بعدو صغير خرفنت وصابا زهايمر..وكل اعتقادا انو عبد وعائد هني يلي حواليها هلاء عم تحكيلن القصص وانا عبارة عن مخدة بحضنا عم تغنيلي..زينب هو اسم امي..وانا بتول..حكاية اسم سنيوريتا رح اقلكن اياها بين السطور..

بتول ..بشتغل بتبيض انواني النحاس..بجوب البيوت ..لاحسن جيب قوت يومي..شفت وحوش كثير واتحملت عذاب كتير ..كرمال احسن اخر هاليوم جيب دوا امي المسكينة..ماكنت بعرف بالدني الا هي وحكاياتا يلي كانت تحكيها لاولاد الحارة.. كنت اغفى على الحيط وانا عم احلم كون شي مرة اميرة من اميرات قصصها او شي ملكة او حتى خادمة بقصر..بس حظي كان ع شوية ثياب بالية ريحتهن من صدا الاواني بتوجع القلب..ورجلين ع طول حافيين واصابع متومرمين من حر الرمل وبرد الثلج.. ..كنت شوف الاحذية ببتارين المحلات واشتهي البس وحدة..كنت احلم واحلامي كانت بسيطة..

زينب :- عبد عبد

بتول :- امي هلاء بيجي

زينب :- لك كوثر انتبهي ع البنت..

(( رغم انها ربتني ..بس بعد الصدمة هي بتعتقد اني كوثر اخت ابي..وع طول عم تسأل عن عبد وعائد..يلي ع حسب الكلام يلي عرفتو من الناس ماتو او اختفو ..
كنت ع طول اركض وراها بالشوارع لاحسن احميها من شي يأذيها ماكانت بتعرف شو عم تعمل غير انها تلحق الاطفال الصغار وتاخدهن معها باعتقادها اخواتي.. ماكانت تشوف شي ع احساسها وصوت الاطفال تركض ..حالا كان يوجع القلب بس ماكان بإيدي شي اعملو..احيانا بس روح اشتغل اربط رجليها بالباب..واجي لاقي الدم عم ينزف منها .. هالشي كان يعذبني عليها ..ماكان فيني اعمل شي احسن احميها فيه اذا بدي ابقى بالبيت ..مارح احسن جيب اكل يوما ودواها..واذا بدي اتركا رح اجي لاقيها ع هاد الحال..يا اما بالشوارع يا اما اذية حالا..

سهاد :- بتوووول بتووول..شو جابك هون هاي منطقتي .

بتول :- انا بدي

سهاد :- اذا مامشيتي من هون رح نادي ع اخي ليضربك..

بتول :- بس اسمعيني انا ماجاي اشتغل تبيض هون..

سهاد :- لكان شو جاي تعملي..

بتول :- بدي اغسل سيارات..

سهاد:- اها شغل جديد

بتول:- لاء بس ماعاد بالحارة حد بدو بيض لالو نحاس الكل استغنى عن هالشي ..

سهاد :- وقديش بتكسبي

بتول :- يلي في النصيب عن اذنك..

(( خرقة وشوية صابون ..ومن سيارة لسيارة عم اركض ..شي بيصرخ عليه لاني عطلت سيروا وشي ماعم يعطيني تعبي..وشي كان يكبلي المصاري ويروح..بس كل هالشي كان يهون كرمال شوي دوا لامي..كانت هاديك الايام شهور برد وثلج ..بعدني متذكرا..

...ياغبية لاتمسحي ماحد طلب منك..

...مامعي فراطة الله معك..

بتول :- لو سمحتي لاتصوريني..

.. رح صورك كرمال يشوفوا عمالة الاطفال لوين..

سهاد :- بعدك مارجعتي ع البيت..

بتول :- هلاء بصير شغل كثير

سهاد :- بس كثير برد..وماحد رح يوقف بالمطر يغسل سيارتوا 😂.

بتول :- اها

سهاد :- وين كندرتك..يلي لقيتها بحاوية البلدية

بتول :-انقطعت مامشي حالا ..حاولت خيطا بس مازبطت..

سهاد :- تعي بدي اعطيكي وحدة..

بتول :- من وين..

سهاد :- هلاء صلاة ظهر ..والنسوان عند المسجد بيتركوا جزمن..تعي شوفي وحدة..

بتول :- بس لاء مابدي بخاف حرام..

سهاد :- نحنا فقرا وربنا بسامحنا

بتول :- بس بلا يكشفونا

سهاد ؛- شايفة هاديك ..اكيد ع مقاسك .رح يبلشو بالصلاة وانتي خديها واهربي..

بتول:- بخاف..

سهاد :- ليكي روحي هلاء ..بسرعة بسرعة