قصة اليوم: #شتاء_ساخن
.............
قراءة ممتعة🦋💙"
#ⴅÂÐЄĦÂ

#شتاء_ساخن
الجزء الأول
للكاتبة روز سعد الدين
Telegram:@rwayate
في ليلة من ليالي هذا الشتاء البارد التي لم تكن بالطبع أشد برودة من شتاء علاقتنا المزمن
كنت جالسة بالقرب من نافذة منزل والداي المتهالك ، احتسي كوباً من الشاي ، لمحت طيف سيارته التي ركنت بجوار باب المنزل ، رقص قلبي من الفرحة ، قد اشتقت كثيراً لأطفالي ، إني لم أرهم منذ سبعة أيام ، منذ آخر شجار لي مع والدهم لم أتحدث إليهم ، كدت أموت من كثرة التفكير بهم و بحالهم ، هل هم دافئون؟ هل يذهبون الى مدارسهم؟هل تطعمهم جدتهم جيدا؟!
اقتربت من النافذة أكثر ، فرأيته يترجل سيارته ، ركضت نحو المرآة و ما أن رأيت وجهي المتورم
من كثرة الضرب حتى اختفت ابتسامتي ، تلمست شفتاي المجروحتين بكلتا يداي ……
سمعت صوت طرقاته على الباب ، رتبت شعري سريعاً و ذهبت لافتح الباب
عياش : ……
ورد : ما في مسا الخير …… ااه فهمت باينتك تفاجئت من شكل وشي
عياش : مو وقت مسخرتك هلأ ، ما جيت لاخد و اعطي معك
ورد : لكن جيت حتى تشوف اثار ضرباتك الي؟
عياش : ……
Telegram:@rwayate
سكت و انا مسكت لساني و سكتت ، صح انا مقهورة كتير من تصرفو بس كنت مشتاقة كتير
لولادي ، و ما حبيت استفزو اكتر بالحكي ، كان بدي تمضى الليلة على خير و يرجعني على بيتي
بعدت عن باب البيت و قلتلو يفوت ، قعدنا قبال بعض بالصالون ، عياش هالمرة كان ساكت على غير عادتو ، لهيك انا يلي بلشت الحديث لاكسر حاجز الصمت يلي بينا
ورد : ليش طولت هالمرة حتى جيت ، شو ما شتقتولي انت و الاولاد
عياش : انا جيت يا ورد حتى خبرك شي مهم بخصوص علاقتنا
ورد : عم اسمعك
عياش : انا ما بعرف لف و دور ، بس ما عاد فيني كمل معك ، بدي نفترق و كل واحد من طريق
و يا ريت بهدوء و بدون شوشرة و فضايح مو ناقصني حكي العالم
ورد : ……
عياش : شبك ليش سكتي
سكتت بوقتا لأنو الخبر نزل عليي متل الصاعقة ، أكيد عياش عم يمزح ، ما قصدو الطلاق مو هيك ، لا أكيد في سوء تفاهم
ورد : عياش ما عم افهم عليك ، شو قصدك
عياش : قصدي واضح بدي نتطلق ، لانو ما عاد اقدر عيش معك اكتر
القصة صارلا أسبوع براسي عم فكر فيها ، و شفت انها الحل الانسب النا
ورد : بس انا ما بدي اتطلق ! ما بدي عزب ولادي و شنطتهم بيناتنا ! انت كيف بتاخد هيك قرار لحالك ، ما فكرت فيني و بولادك
عياش : ولادي ما رح يصير عليهم شي رح يبقو ببيت ابوهم معززين مكرمين و ما رح يتشنطتو
انا و انتي يلي رح ننفصل و كل واحد فينا حيشوف حياتو بعيد عن التاني
ورد : انت سمعان حالك شو عم تحكي ، بدك تاخد ولادي مني؟!
لا انا ما رح اسمحلك ، هدول ولادي يلي تحمتلك بسببهن سنين طويلة ، مشان تجي بالاخر تاخدهم
عياش : و فرضاً اخدتيهم وين رح تعيشيهم بالزريبة هاي
ورد : عم تعيرني بفقري ! يعني لانو معك شوية مصاري بدك تشوف حالك عليي
لهون وصلت معك جاي تهيني بنص بيتي
عياش : ورد اسمعيني منيح ، مالي خلق للمشاكل
Telegram:@rwayate
خلينا ننفصل بالحسنى احسن النا و للولاد ، انا و انتي عايشين مع بعض متل الاغراب
مشاكل و نكد و قرف برأيك هالشي ما رح يأثر على نفسية ولادنا
مو احسن لالن يربو ببيت ما في مشاكل
ورد : لو كتير خايف على نفسياتن ما بتضربني قدامن ، و الاحسن للولاد يبقو مع امن
صح بيت اهلي الله يرحمن على قد الحال ، بس ما رح خليهن يعتازو شي
عياش : شو بدك تحكي عني العالم ، معو مصاري ما بتاكلا النيران و تارك ولادو يعيشو ب……
ورد : خلص عياش لا تكملا ، حاج تجرحني اكتر
بعرف انا و انت تزوجنا زواج تقليدي و ما قدرنا نحب بعض ولا نتفاهم ، بس على الأقل
فينا نضحي شوي مشان ولادنا ، بترجاك عياش أجل موضوع الانفصال ليكبرو الاولاد شوي
عياش : ورد ما فيني ضيع عمري و شبابي انا و عم استنى الاولاد ليكبرو ، صار عمري تلاتين سنة ،
من لما تزوجتك و حياتي الملل و الكآبة عم يتفننو بقتلا
ورد : حكيني بصراحة ، انت في بحياتك مرا تانية
عياش : ……
ورد : لا تسكت مشان الله
:
:
عياش : رح وكل محامي لحتى يمشيلي باجراءات الطلاق
ورد : انا بعرفا شي …
عياش : ……
لا
Telegram:@rwayate
ورد : بتشتغل عندك بالشركة يعني
عياش : اي
ورد : و بدك تطلقني حتى تتزوجا
عياش : تأخرت كتير ، و صار لازم روح
ورد : لا تتجاهلني و جاوبني لمن احكي معك قلتا بصوت عالي
عياش ما عجبتو نبرة صوتي و بلش يصرخ فيني
عياش : اي بدي اتزوجا عجبك هيك
مشان الله تركيني عيش و اتنفس شوي
حاج من يوم ما تزوجتك ما شفت غير النكد و الهم
قال جملتو، طلع من البيت و خبط الباب بصوت عالي
انا نهرت ، وجعني كتير بحكيو ، حتى لو ما كان بطيقني ما مفروض يحكيني هيك
انا ام ولادو ، ولازم يحترم عشرة السنين يلي بيناتنا
رجليي ما عادو حملوني ، وقعت على الأرض و ما قدرت قوم على حيلي
بقيت نايمة على الأرض و غفيت مطرحي لطلع النهار
فقت عضام رقبتي عم يجعوني و راسي كان بدو ينفجر
عملت كاسة قهوة لمن شربتا صحصحت شوي ، غيرت تيابي و رحت على بيتي

الجزء الثاني
#شتاء_ساخن
للكاتبة روز سعد الدين
Telegram:@rwayate
صوت العصافير هيي و عم تزقزق كل يوم الصبح احلى معزوفة موسيقية ممكن انو تسمعا بحياتك
الطبيعة هيي مصدر راحتنا النفسية ، قلال هنن يلي بيدركو أهمية هالمعلومة
انا وحدة من هدول الناس يلي بتحب الاسترخاء و الطبيعة و الموسيقى الهادية ، و القهوة السادة
بس اليوم تحديداً ما كان عندي وقت أبداً لبدايات يومي المثالية
فقت من نومي متأخرة عن موعد طيارتي ، و من العجلة لبست بكل رجل جراب مختلف عن التاني
شعراتي كانو منكوشين ، ما لحقت تربن منيح ، و وشي كان باين عليه النعس
ورد : الحمدلله يا رب انو رتبت غراضي و تيابي من مبارح والا ما كنت بعرف شو رح اعمل
اول ما سمعت صوت زمور سيارة التاكسي ، طلعت فوراً
ورد : صباح الخير يا عم
السائق : اهلين بنتي صباح النور
ورد : معلش تساعدني بحمل هالشنتاية
السائق : اي طبعاً
بعد ما حطلي الشنتاية بالصندوق طلعت بالتاكسي و تنفست شوي
مشي التاكسي و انا بلشت حس براحة نفسية غريبة ، يمكن لانو حسيت حالي متل يلي
كانت بجورة وحل و عرفت تطلع منا اخيراً
اي لهالدرجة كانت مشاكلنا انا و عياش عم تسحبني للقاع بدون ما حس
طول الطريق كنت سرحانة و عم اتخيل انو بعد هالسفرة كل مشاكلي و معضلاتي بالحياة
رح تنحل ، شفت حالي مع نيسان و يزن ببيت كبير لحالنا
شفت حالي صرت وحدة من سيدات المجتمع الراقي يلي بحلم كون منن
عندي شغلي و استقلالية بذاتي
تمنيت لو معي عصا سحرية لحقق كل شي أحلام عم تدور براسي
ما بعرف سر هالتفاؤل هاد ، كان متل احساس بالنشوة سيطر عليي ، لدرجة انو صرت اضحك مع حالي
السائق : خير يا اختي في شي
ورد : لا ابدا تزكرت شي بضحك
السائق : اي ، نحن وصلنا ،رح نزلك الشنتاية
لمن وصلت باب المطار كانت الساعة تسعة و ربع بالضبط و كان قدامي اجراءات تسجيل و تفتيش كتيرة
لهيك خبرت الموظفين العاملين بالمطار ، انو رحلتي بعد ربع ساعة حتى يعجلو بأموري
الموظفة :بعتزر منك يا مدام ، لظروف خاصة اليوم في تدقيق
و تفتيش لكل المغادرين ، و ما فينا نمشي حدا
ورد : بس هيك انا رح بتأخر
الموظفة : شوفي فينا نأجل حجزك للرحلة الجاية
ورد : طيب و ايمتى هاي الرحلة
الموظفة : بعد ساعتين
ورد : اي كتير منيح
Telegram:@rwayate
الموظفة : اي بتكوني خلصتي اجراءاتك للمغادرة
ورد : ماشي شكراً الك
متل ما قالتلي الموظفة عملت ، وقفت بطابور طويل لحتى اختم جوازي (الباسبورت)
و نطرت الشنتاية لطلعت من التفتيش و شحنتا على الطيارة
اشتريت بسكويت و عصير لانو كنت جوعانة كتير و قعدت انطر موعد طيارتي
انتبهت على مرا قاعدة مقابيلي عم تطلع فيني و تضحك
طلعت على حالي شفت انو لابسة تيابي بالعكس ، و جراباتي كل وحدة فيهن لون و شكل
حسيت بالاحراج ، و حاولت خبي رجليي عنا
المرا حست باحراجي ، و اجت قعدت جنبي ، تبسمتلي و قالت : باينتك كنت مستعجل كتير
لفت انتباهي لهجتا المكسرة
ورد : اي فقت متأخرة ، عفواً على تدخلي بس باينتك مو من هون
…… : اي انا من برازيل ، اسمي تاليا سررت بلقائك
ورد : و انا ورد
تاليا : جميل اسمك
ورد : كلك زوق ، انتي برازيلية الأصل بس بتحكي عربي كتير منيح
تاليا : اي حبيب انا عربي ، هوي علمني
استغربت اديش هالعالم صغير ، يعني هاي البنت ما لقيت بكل البرازيل شاب يحبها
و اجت تحب واحد عربي ، متل ما بقولو نصيب
تاليا : ممكن اترك اغراض انا بجوارك ، بدي فوت حمام
ورد : اي طبعاً خدي راحتك
:
:
راحت تاليا و تركتلي غراضا و شنتايتا و تزكرتا ، صارلا اكتر من تلت ساعة
ورد : يا ربي هاي وين اختفت ، امنتني على غراضا و راحت
سمعت صوت النداء للمسافرين ، كان النداء لطيارتي
لهيك وقفت و بلشت دور بعيوني عليها
ما بدي ضيع الطيارة مرة تانية
شفتا جاية من بعيد
ورد : تاليا
تاليا : اعتذر، تأخرت
ورد : مو مشكلة
…… : النداء الأخير للمسافرين الى البرازيل عليهم التوجه الى البوابة ألف
تاليا : طيارتي
اخدت تاليا غراضا و راحت
لتفتتلي و لوحتلي بايدا و انا رديت بالمتل
…… : على المسافرين الى السعودية التوجه للبوابة جيم ، هذا هو النداء الأخير
لمن سمعت النداء ، توجهت لبوابة المسافرين
عطيت تزكرتي لحارس الأمن الواقف على الباب
الحارس : مدام مو هاي رحلتك ، انتي مخربطة
روحي على البوابة اللي مقابيلي
ورد : ماشي شكراً
رحت على البوابة يلي قلي عنها الحارس و ركبت بالطيارة
و لأنو انا انجليزيتي ضعيفة ما قدرت افهم شو كانو عم يحكو بالطيارة
و حمدت الله انو في مضيفات بتفهم عربي ، حتى اقدر اتفاهم معن
كان المفروض انو رحلتي تستغرق ست ساعات
بس طولت، يمكن بسبب المطبات الهوائية ، ما كنت عم افهم شو بيحكو على السماعة
بس هبطت فينا الطيارة ، نزلت و كنت دايخة كتير
اول شغلة عملتا فتحت جوالي حتى حاكي اختي ، مشان تاخدني من المطار
بس ما كان في تغطية و البطارية رح تخلص
Telegram:@rwayate

الجزء الثالث
#شتاء_ساخن
للكاتبة روز سعد الدين
Telegram:@rwayate
تامر : ورد انتي تعرفي ازاي تطبخي
ورد : اي طبعا، بطبخ كلشي
تامر : يبقى هتكوني مساعدتي في المسابقة دي
و ازا كسبنا ، حديلك ربع الجايزة
ورد : اي اتفاق منيح
(سيداتي و سادتي ، ايها المتسابقون و المتسابقات ، استعدو جيداً ، فالمسابقة على وشك البداية ، خمسة ، اربعة ، ثلاث فلللللتبدأو ……
ورد : شو عم يقول
تامر : المسابقة ابتدت
ورد : شو لازم نعمل
تامر : بصي ، دلوقتي حيقولولنا نعمل ايه
(الطبق الأول : اعداد وجبة افطار خفيفة لشخص لواحد
ملاحظة يمنع استخدام الشوكولاتة )
تامر : ورد احنا لازم نعمل طبق فطار مندون شوكولاتة
ورد : لو نعمل فطاير البانكيك بالزبدة و العسل
ابني يزن بحبا كتيييير
تامر : برافو عليكي ، فكرة هايلة
هاتي الدقيق و لحقيني
ورد : يلا فوراً
تامر : حطي شوية مي
ورد : اي ، خلطا منيح
تامر : كده كويس ؟
ورد : لا جامدة كتير ، لازم يكون قواما كريمي
تامر : ده انتي بتفهمي اوي في الطبخ ماشالله عليكي
ورد : اي ربيت طفلين
تامر : شغلي الفرن و ابعدي
مش هنحطها كتير ، يا دوبك كم دقيقة كده و تنخبز
ورد : اي انا رح حضر العسل و المسكرات
(بقي لديكم خمسة دقائق )
:
:
تامر : جهزت يا ورد هاتي العسل هنا
ورد : رح حطو من فوق و عن جنب واحد
تامر : هايل
(بدأ العد التنازلي
عشرة
تسعة
تمانية
:
:
انتهى الوقت )
تامر : ورد اديني الطبق ، حسلمو للجنة التحكيم
Telegram:@rwayate
ورد : و هلأ شو
تامر : حيدوقو اطبقنا و يسجلو العلامات و في نهاية المسابقة بيعلنو عن الفائز
ورد : كتير حلوة هالمسابقة ، حبيتا
(انتهى الحكام من تذوق اطباقكم و ترصيد علاماتكم
و الان استعدو لتجهيز الطبق الثاني
عليكم اعداد طبق المعكرونة كطبق أساسي
انطلقو )
تامر : ورد بدنا نحطر معكرونة
ورد : ما كتير بعرف اعملا
تامر : ماشي يبقى انا اعملها و انتي جهزيلي المكونات
هعمل لازانيا
ورد : اي شو جبلك
تامر : جيبي شرائح معكرونة ، بندورة و جبنة
ورد : يلا فوراً
بلش تامر يحضر الطبق و انا كنت عم اتفرج عليه و ساعدو ازا طلب مني شي
كان عم يشتغل من قلبو و بكل شغف و حب
كان باين عليه انسان بيعرف شو عم يعمل ، عندو هدف بهالحياة
دعيتلو يتوفق بحياتو بقلبي
تامر : مالك بتبصلي كده ليه
ورد : لا ابدا ما في شي
تامر : ابشريلي الجبنة
ورد : اي فوراً
تامر : حدخلها الفرن
ورد : ماشي ، شغلتو
تامر : خلينا نجهز الطاولة بتاعتنا و ننضف الكركبة دي ، لحد ما تجهز
ورد : انا رح نضفا و انت زين الطبق
تامر : تمام
( بقي لديكم خمسة دقائق )
ورد : طالعا من الفرن ؟
تامر : ايوا هاتيها
بلش تامر يقطع و يزين و انا منبهرة بشكل اللازانيا يلي عملا
ورد : انت مبدع
تامر : دا من زوقك
سلمنا الطبق و رصدو علاماتنا و يا حزركن شو كان الطبق الأخير يلي نطلب منا نعملو
جاتوه ، لهيك طلبت من تامر يتركني اعملو ، اصر حتى يساعدني بس انا ما خليتو يقرب على شي
بأناملي السحرية متل ما بقولو اضفت نكهتي الخاصة
سلمنا الطبق و قعدنا ننتظر بالنتيجة ، و انا كنت مركزة على ردة فعل وجوه الحكام
حسيت الانبهار ارتسم على وجوهن بس اكلو من الجاتوه
ورد : قولتك بنفوز
تامر : مش عارف ، بس احنا عملنا اللي علينا
ورد : ليك عم يحطو العلامات و يتشاورو
Telegram:@rwayate
تامر : اي شايفن
ورد : خالة عفاف شكلا متوترة اكتر منا
تامر : هههههه اه ماما كدا دايما
(حان وقت اعلان النتيجة ، يرجى من جميع المتسابقين التقدم الى منتصف الساحة)
تامر : بيقولو اننا لازم نقف بنص الساحة
ورد : اي خلينا نروح
( اسمحو لنا بأن نهنئكم جميعاً على جهودكم الرائعة
لقد ابدعتم جميعاً و لكن بعضكم كان اوفر حظاً من غيره فربح معنا
و الان سنقدم لكم الفريق الفائز بالمرتبة الثالثة
تهانينا ل نيكولاس سميث و شريكته ساندرا )
شفت فريق من المتسابقين بلشو ينطو يصفقو
ورد : هدول اللي فازو ،يلا ما النا نصيب
تامر : ههههههه مجنونة
لا دول الربحانين بالمركز التالت
ورد : يعني لسا قدامنا فرصة ، قلتا بحماس
تامر : اي
(تهانينا للفريق الفائز بالمركز الثاني ، السيد و السيدة سينغر )
ورد : يا الله توتري عم يزيد
تامر : اهدي ، لو خسرنا عادي ، نبقى كسبنا شرف المحاولة
(و اخيراً نقدم لكم الفائز بالمركز الأول
الفريق الذي تألق باعداد كل أطبقاه
تامر العربي و مساعدته ورد
نهنئكم )
ورد : سمعتن عم يقولو اسمي ، قلي انو عم احلم
اااااااه ما عم صدق
بلشت نط و اقفز من فرحتي
تامر : ههههههه اعقلي يا بت بتعملي ايه
مجنونة و ربي
ورد : بتصدق هاي اول مرة بفوز فيها بمسابقة
شو حلو احساس النجاح
تامر : اهدي ، بس بقى ، خلينا نستلم جايزتنا
سلمو تامر درع ، و عطوه مغلف ، و انا كنت واقفة جنبو عم شوف العالم بتصفقلنا
و كمان كانو عم يصورونا ، كتير نبسطت
لو انو حدا اجاني مبارح و قلي رح سافر على البرازيل و افطر مع شاب وسيم و فوز بمسابقة طبخ

الجزء الرابع
#شتاء_ساخن
للكاتبة روز سعد الدين
Telegram:@rwayate
سارة : انس رجعلي لعبتي ، لا تاخدا
انس : لا ما رح اعطيكي اياها
سارة : رح اشكيك لبابا
انس : خلص برجعلك اياها ، بس لعبي معي
سوسن : خلصنا يا اولاد ، روحو لعبو بغرفكن يلا
خالتكن نايمة لا تزعجوها
سارة : حاضر ماما
سوسن : انس روح مع اختك ، يلا ماما
جاسم : سوسن حبيبتي ، عملي قهوة و خلنا نشربها في الحديقة
سوسن : من عيوني جسومتي
جاسم : فديتاها مرتي الحلوة
سوسن : ههههه
رح اعملا فوراً
عملت سوسن القهوة و طلعت على الحديقة ، تفاجئت بأختا قاعدة
سوسن : اه ورد انتي مو كنتي نايمة
ورد : فقت من شوي و حبيت شم شوية هوا
سوسن : اي ، ما شفتي جاسم ، قلي بدو يطلع على الحديقة
ورد : اي كان هون من شوي ، بس اجا تليفون شغل ضروري و طلع
قلي حتى خبرك
سوسن : اي على طول مشغول ، الله يحميلي اياه
ورد : الله لا يفرقكن
سوسن : لكن منشرب القهوة سوا و منحكي شوي ، شو رأيك
ورد : اي ما بقول لا
سوسن : ما رح تقليلي ليش تضاربتو انتي و عياش
ورد : ضربني كف ، و انا خرمشتو و ضربتو بالفازا
اسفة لانو كسرتا
سوسن : فداكي
يعني لهالدرجة الوضع متأزم بينكن
ورد : بتعرفي انا صرت بدي الطلاق
Telegram:@rwayate
يعني انا مو ناقصني شي حتى اقبل بحياة الإهانة مع عياش
انا فيني كون ورد البنت الناجحة و المميزة بدونو
بس تركتو ، شفت العالم ، ربحت مسابقة و كسبت الف دولار بساعتين
برأيك انا بحاجتو شي ؟!
سوسن : حبيبتي ، انا بعرف انك زكية و مميزة كتير حتى لو عياش ما شاف هالشي
بس مو كأنك عم تبالغي شوي ، بالنهاية انتي ما الك غير زوجك و ولادك
صح عم تمرو بفترة صعبة ، بس رح تقطع و تكملو سوا
ورد : عياش ما بدو اياني ، حب بنت مراهقة ، لك يمكن عمرا 18او 19سنة
كل ما بتزكر شكلن بهداك اليوم بتلعي نفسي
سوسن : كل الرجال عندن نزاوتن يا ورد ، بس بالاخر مرجوعو لبيتو
ورد : نزوة شو يلي خلتو يقلي بدك طلقك و اتزوجا
سوسن : قال ، بس ما طلق ، ليكي رح يطق لانو مانك سائلة عنو
ضل يبحبش وراكي لعرف مكانك و اجا يشوفك
برأيك هاد ما الو معنى ، عياش لسا بدو اياكي ، بس كرامتو ما عم تسمحلو يقول
ورد : سوسن ما فيني اغفرلو حتى لو اجا و اعتزر
جرحني و ازاني كتير ، بعدين انا كمان ما عم حس بشي تجاهو
و طول هالسنين متحملتو مشان الاولاد
سوسن : شو هالحكي يا ورد ، منين عم تجيبيه ، لو امك كانت عايشة كانت بهدلتك
احنا ما تربينا حتى نتمرد على رجالنا و نطلب الطلاق و الحكي الفاضي
ورد : يعني رح تقنعيني انو لو جاسر جابلك بنت و قلك بدي اتزوجا ، رح تتابعي
حياتك معو بشكل طبيعي
دمعو عيون سوسن و قالتلي : ليش مين قلك انو ما عملا
ورد : شوووو ، جاسم قلك رح يتزوج عليكي
ليش ما خبرتيني
سوسن : هالحكي من زمان ، جاسم تزوج عليي وحدة بالسر و اكتشفت عن طريق الصدفة
ورد : اي و شو عملتي
سوسن : شو بدي اعمل ما عملت شي ، خفت صارحو يتركني و يرحلا
خبيت بقلبي و صرت اهتم في اكتر و اعملو كلشي بيطلبو
و راقبو و بالاخر عرفت انو طلقا و كل واحد فيهن راح بحال سبيلو
جاسم رجعلي و هاد اهم شي
ورد : يا عمري ، كيف قدرتي تتحملي كل هالشي
انا بالاول متلك حاولت رجعو لبيتو حتى انو عرضت حالي عليه و رفضني
بس بوقتا حسيت قديش انا وحدة تافهة ما عندا كرامة
لهيك لملمت شو ضل من فتات كرامتي و انسحبت من حياتو
و بعدها القدر كتبلي شوف العالم من برا القوقعة يلي كنت معيشة حالي فيها
و صرت مصرة على الطلاق
بدي أسس ذاتي و ابني مستقبلي بايدي
للأسف اهلنا ربونا على انو بيت زوجا قبرا و حياتا ، بس هالشي غلط
انا انسانة و من حقي عيش الشي يلي بدي اياه و عم شوفو صح
سوسن : يعني خلص ، حسمتي امرك نهائياً
ورد : اي
رح ارجع بأول طيارة خلص اجراءات الطلاق
سوسن : و الاولاد
Telegram:@rwayate
ورد : بس يعرف عياش انو متنازلتلو عنن و بدي سافر و اتركلو ياهن ، لحالو رح يعطيني اياهن
سوسن : و ازا ما عطاكي ياهن ، يا ستي فرضي اخدتيهن
، كيف رح تشتغلي و تعيشيهن ، انتي حتى شهادة ما معك
والا رح تطلبي نفقة من عياش
ورد : ما رح اطلب شي منو ، بكرا رح تشوفي كيف بدي اعمل المستحيل
سوسن : انا بثق فيكي كتير و بعرف انك مثابرة و عندك عزيمة ، و الشي يلي بتحطيه براسك
بتعمليه ، بس بدي منك تفكري مرة تانية بالقرار
اه شو هالصوت ، جوالك يلي عم يرن
ورد : اي جوالي
سوسن : مين هاد
ورد : الو
اهلا تامر ، اي وصلت
الله يسلمك ، كيفكن انتو
حدي اختي ، بيوصل
لا ابداً ما ازعجتني ، شكراً لاتصالك ، بيباي
سوسن : مين هاد وليه
ورد : صديق
سوسن : ايوا
ورد : شبك اختي ، هادا تامر يلي ربحنا المسابقة سوا انا و اياه
بسلم عليكي
سوسن …
الله يسلمو

الجزء الخامس و الأخير
#شتاء_ساخن
للكاتبة روز سعد الدين
Telegram:@rwayate
النهايات ، احيانا كتيرة النهاية بتكون بداية لحياة جديدة ما منتوقعها ، لهيك لازم على طول نتشبث بالأمل حتى لو كان بصيص بس ، لأنو ما منعرف شو مخبالنا بالمستقبل ،
ما لازم نيأس و نفقد ايمانا عند اول عقبة بتواجهنا بالحياة ، الاصرار و العزيمة و الصبر هن الحل
لكل مشاكلنا ، بالإضافة للثقة بالنفس و الإيمان بقدراتنا ، كل إنسان عندو موهبة او شغلة بتميزو عن غيرو من الناس و بتخليه ينفرد فيها عن سواه ، و نحنا لازم ندور على هالموهبة حتى نقدر انو نبدع
و تزكرو دائماً انو طريق النجاح مزدحم دائماً بس طريق التميز قلال يلي بيسلكوه ………

ورد : ابتهال معلش تحطي هاد الرز بالعلب
ابتهال : يلا رح حطو ، طفيلك تحت الفرن
ورد : يا الله نسيت الكعك جواتو
مرق اسبوعين على معرفة الحي بشغلي ، و بلشت توصلني طلبات كتيرة حتى من الأحياء يلي حوالينا
خلال هالفترة القصيرة ، حتى انو احياناً ما كنت لحق على الشغل و كنت اطلب مساعدة ابتهال
طبعاً ما كانت تساعدني لسواد عيوني ، كنت اكرما كتير بس اقبض و اعطيها حق تعبا معي و زيادة كمان ، اكيد حابين تعرفو شو صار بقضية طلاقي ، القاضي ما رضي يطلقنا بأول جلسة مع انو انا و عياش تنيناتنا كنا موافقين عليه ، بس لانو هيك العادة بالمحاكم ، ما بصير الطلاق من اول جلسة حتى يعطو الزوجين فرصة للتفكير ، ما عندي مشكلة لو تأخر الموضوع شوي طالما انو النتيجة رح ترضيني
Telegram:@rwayate
ابتهال : يا ورد بشو صفنتي ، زياد وصل بدو ياخد الاكل يوصلو
ورد : يلا رح طلعو على السيارة
:
زياد : يعطيكن العافية
ورد : اهلا زياد الله يعافيك ، تعال ساعدني بنقل الاغراض
زياد : فوراً مدام
ورد : قلتلك انو بكرها للكلمة
زياد: نسيت يا مدام
ورد : ما في فايدة منك ههههه
زياد : اي والله يا مدام
ورد : رح اطلع معك بالسيارة بدي توصلني على المدرسة ازا ما فيها ازعاج
زياد : اي طبعاً ، تفضلي
طلعت مع زياد بالسيارة وصل طلبات الأكل و بعدها وصلني على المدرسة
كان في اجتماع لأهالي الطلبة ، فتت المدرسة و تفاجئت بعياش موجود
ولا مرة بكل حياتو حضر اجتماع اولياء الأمور بالمدرسة لانو بنظرو هالشي مانو من مسؤولياتو
لانو اللي متلو عندو مهمات عظيمة بحياتو متل اجتماعاتو و صفقاتو ، هوي بيشوف
انو الاب ما عندو غير مسؤولية واحدة تجاه البيت و هيي انو يجيب مصاري و باقي الامور
مسؤولية الام من تربية و تعليم و اهتمام و غيرا
ورد : صدفة حلوة طليقي
عياش: اي يا طليقتي المستقبلية
والله فكرت سفراتك و صدقائك نسوكي مسؤوليتك كام تجاه ولادك و ما توقعت شوفك هون
قلت بجي بحضر الاجتماع ، حتى ما تضايق نيسان
ورد : منيح لكن هالسفرات و الاصدقاء زكروك شوي بمسؤولياتك تجاه ولادك
شافت نيسان اما و ابوها واقفين سوا بساحة المدرسة ، لهيك راحت لعندن ركض
نيسان: ماما ، بابا تنيناتكن هون
ورد : اي حبيبتي ، جينا مشان الاجتماع
نيسان: ما توقعتكن تجو
ورد : يا حبيبتي انا بترك كلشي و بجي كرمال عيونك الحلوين
عياش: تعي لعندي بابا
ما رح تفرجيني اساتزتك حتى اسألن عنك
ورد : اي اكيد ، و رح يقلولك انو نيسان شاطرة كتير
مسكت نيسان بإيد اما و ابوها و فاتت على المدرسة ، كانت فرحانة كتير انو اهلا اجو سوا
مشاكل الاهل الكتيرة و العلاقة المتوترة بين الام و الاب دائماً بتنعكس على الاطفال
ازا البيت هادي و الاهل علاقتن منيحة ، الاطفال بكون سعداء و مرتاحين نفسياً حتى انو
انتاجيتن و نشاطن بكون عالي مقارنة بالأطفال يلي على طول عايشين ببيت جوو مشحون
بالمشاكل و الاكتئاب
Telegram:@rwayate
فاتت ورد مع عياش حضرو و الاجتماع و بعدا حبو يسألو المدرسين عن بنتن
الانسة: نيسان طفلة كتير مؤدبة و شاطرة بكل دروسا
بس بصراحة بآخر فترة عم لاحظ عليها انو اغلب وقتا عم تشرد بالدرس
و عم حس انها حزينة عدا عن انو صايرة انطوائية بعد ما كانت طفلة محبوبة و مرحة
و بالنسبة لعلاماتا معدلا نازل شوي بس لساتها من طلبتنا المتفوقين و المتميزين
عياش: و برأيك يا انسة شو السبب يلي قلب البنت فجأة
الانسة : بصراحة انا اول شي تبادر لذهني انو ممكن يكون من الطلاب عم يتعرضلا
او عم يتنمر عليها ، لهيك خليت مرشدة المدرسة تحكيها و اتضحلنا انو
عفواً على تدخلي بس على الاغلب السبب هوي المشاكل العائلية يلي عم تمرو فيها
المرشدة عرفت من نيسان انو عم تمرو بفترة صعبة و عم تطلقو
و يبدو هالشي مأثر على نفسيتا ، طبعا لانو بالنهاية طفلة
عياش : نحن رح نحل الموضوع باقرب وقت ، و نيسان رح تتعود على الوضع
هاي فترة مؤقتة
طلعت ورد من المدرسة هيي و زعلانة كتير على وضع بنتا
اما عياش لبس نضارتو و ركب سيارتو بس قبل ما يروح وقفتو ورد و طرقت على شباك السيارة
فتحلا الشباك ، عياش: بدك توصيلة؟
ورد : لا
عياش: ……
ورد : ……
عياش: طلعي ، خلينا نحكي شوي
ركبت معو ورد و راحو لمكان هادي حتى يحكو شوي
عياش: تشربي شي؟