#شغف_الجزء_التاني_بقلم_رند_محمد 2
Telegram:@rwayate
وصلنا ع البيت .. حطوني بتختي وطلعو لبرى بقيت معي نسمة حطتلي مخدات و سندتني وغطتني بعدين اعدت جنبي : بتول اي شي بتحتاجيه انا معك احكي معي فوراً

بتول : اكيد نشالله ..

نسمة : لازم روح هلئ امي مريضة مافيي ضل اكتر

بتول : اوك..

طلعت نسمة من عندي، انا سندت راسي وغمضت عيوني .. غفيت شي عشر دقايق بعدين صحيت ع صوت جيهان : بتول اومي كلي عملتلك شوربة و لحمة بالصحن مشان تتغذي

بتول : يسلمو ايديكي ..

جلست حالي شوي وحطيت الصينية بحضني وصرت اكل ع مهلي ..

جيهان : اتصلو الخطابين وقال مارح يجو لان عرفو انك عاملة حادث وقالو الوضع مكركب.. الحمدلله

بتول : وليه ع شو فرحانة انو عملت حادث

جيهان : هههه مصائب قوم عند قوم فوائد

بتول : هههه سئيلة .. تعي شربيني الدوا و ايمي الصينية شبعت

جيهان : اي ما اكلتي شبك

بتول : والله مافي قابلية
Telegram:@rwayate
اخدت الدوا ومسكت موبايلي و انا عم اتفرج ع الصور والفيسبوك ... بعد شوي رن موبايلي
بتول : الو

نورس : الحمدلله ع سلامتك بتول

بتول : الله يسلمك .. مين معي

نورس : لك انا نورس زميل الشغل شبك ماعرفتيني

بتول : اها اهلا وسهلا .. منين جبت رقمي

نورس : من هبة رفيقتك، ازا زعجتك باتصالي بسكر

بتول : مم عادي بس انا بدي نام هلئ اخدت دوايي.. تصبح على خير

نورس : تلاقي الخير ..
_______________
( باليوم التاني )
Telegram:@rwayate
امي : صباح الخير ياحلوة .. لا اليوم شكلك احسن

بتول : اي والله احسن بكتير مبارح عضامي كانو عم يوجعوني

امي : تعي لساعدك تعدي معنا بأرض الديار انا و اختك بدنا نشرب القهوة لحالنا ابوكي من الصبح طلع ع شغلو

بتول : اي اوك طالعة عادي رح اتعكز بالعصاية و اعد ع الكرسي برا

_ اعطتني فنجان القهوة..

امي : بتول حكيتي معو للشب يلي دعسك؟

بتول : لاء

امي : مابصير ماما احكي معو وطمنيه انك صرتي بخير لان هو ماقصر معك

بتول : طيب رح دقلو هلئ

فتحت تلفوني و اتصلت فيه : الو

وليد : اهلا مين؟

بتول : استاذ وليد هي انا بتول يلي مبارح ضربتا بسيارتك

وليد : اهلا وسهلا، طمنيني نشالله تحسنتي.. خبريني فيكي شي؟

بتول : الحمدلله وضعي مستقر وحبيت اتصل طمنك و اتشكرك ع وقفتك معي

وليد : ولو يا انسة .. بكفي انا يلي غلطت ومانتبهت .. تعطيني عنوان بيتكن بدي اجي شئ عليكي انا والوالدة اذا مافيا ازعاج

بتول : لا اكيد مافيا ازعاج بتشرفونا ..

- سكرت التلفون وقلتلا لامي انو وليد و امو رح يجو يتعرفو علينا ويشقو عليي ..
Telegram:@rwayate
----------------------

جيهان : انا رح حط فطور جعت كتير .. وبدي اطلع اتمشى طاقق قلبي

بتول : اي اختي ل..

امي : شو هاد ؟؟ تطلعي تتمشي والله لان مافي مين يضبك بدك تتمشي عدي نقبري بالبيت وبلا هالحكي

جيهان : لك ليش هيك بتعاملوني ليش، هي بتول بتطلع وبتفوت على كيفا الا انا من كلشي ممنوع حرام عليكم هيك تعاملوني انا انسانة وبحس

امي : خلص خرسي لاترفعي صوتك بوشي

بتول : شو صرلكن اهدو شوي

جيهان : رايحة انقبر بغرفتي..

نطبق باب البيت بقوة : وينكن هيام بتول بطيخة جيهان

امي : يعطيك العافية ابو احمد

ابي : الله يعافيكي .. يلا سخنولي اكل جوعان بدي اتسمم وروح

امي : طوول بالك شبك معصب زيادة

ابي : حطي اكل عم قلك

خلال ثواني كانت جيهان جاية ومعها صينية الاكل : تفضل بابا

ابي : حطي من ايدك وعلى غرفتك

امي : بكرا بدو يجينا ضيوف

ابي : خير انشالله مين هالضيوف مابتعرفي اني بكره استقبل حدا ببيتي

امي : هاد وليد يلي ضرب بتول بسيارتو بدو يجي يتطمنو عن صحتا خو و امو

ابي : طيب
Telegram:@rwayate
- هيك ابي هاد الرجال النزء العصبي يلي مابيتحمل كلمة ، مابسايرنا وببهدلنا وبفش خلقو فينا وبالاخص بفش خلقو بأختي جيهان .. عقلية التخلف يمكن مسيطرة بالنسبة لقصة جيهان وماعم يقتنع انو يلي صار كان غصب عن جيهان ومالها رضيانة فيه..

----------------
----------------
كنت تعبانة وحاسة جسمي حاطت ومو قادرة ارفع راسي فتت تسطحت و غمضت عيوني .. اول ماغمضت رن موبايلي : الو

سليم : الو

بتول : اهلين استاذ سليم، ا اا طمني كيفك

سليم : الحمدلله

بتول : و انا الحمدلله كتير صرت منيحة وتطمن مافيني شي خطير رضوض بسيطة

سليم : ايييي مين قلك اني متصل اسأل عنك او كتير مهتم لأمرك ..

- حسيت حالي نخزيت ونزعجت من اسلوبو .. خجلني بطريقتو

سليم : سمعي، بكرا بعتي مفتاح مكتبك رح يعد نورس بدالك هالكم يوم لبين ماترجعي .. المكتب لازم يمشي مامنقدر نسكر شغلو

بتول : طيب امرك .. بكرا ببعتو مع نسمة

سليم : يلا مع السلامة

سكرت الخط و انا حاسة بكسرانية خاطر

"" باليوم التاني ""
Telegram:@rwayate
فئت وكنت احسن من قبل مافي وجع كتير و ادرانة اتحرك ع مهلي ، لبست وطلعت ع ارض الديار : ماما شو عم تعملي