#صانعات_الدمى_6 #صانعات_الدمى
الحلقة السادسة
@rwayate
سكّر أديب الخط وتطلع فيه بذهول وأنا نفس الشي.. وقلي نحنا علقنا !!.. لو طلعنا الشرطة رح تشوفنا ولو ضلينا رح تيجي عابدة وتثبت التهمة علينا.. فأنا كان لازم أقوّي قلبي!.. أخدت تلفونه وضويت الكشاف ودخلت للمخزن وسحبت الكرتونة الكبيرة.. وبدقيقة وحدة كانو كل الألعاب فيها.. قلي بترجاكي راما ما تخربي بيتنا وحلمنا أكتر من هيك.. حكيتله هدول لازم يكونو معنا!.. وأنا ما بطلع من هون إلا وهمه معي.. فتحنا الباب بهدوء وشفنا الشرطة دخلت للمطعم ولأنه المطر اشتد بشكل رهيب.. كان معنا فرصة نطلع بدون ما حدا يشوفنا.. حمل أديب الكرتونة بوزنها الخفيف وهربنا لبعيد ومن شارع كنا متأكدين انه صعب تيجي منه عابدة.. الشوارع كانت فاضية ونحنا تبللنا.. كنا نوقف تحت البيوت ننتظر ليخف المطر ونرجع نمشي بسرعة.. لحتى الكرتونة تبللت متلنا.. وبعد وقت من المشي والتعب وصلت حارتنا.. ما كان فيها ولا إنسان.. قلتله أنا رح أدخل لبيت محسنة وانت ارجع على بيتك.. ما بعرف شو رح يصير بس نحنا ما دخلنا بشي.. حكا لا تخافي كل شي رح يعدي على خير.. ودعني وراح.. وأنا دخلت العمارة يلي ساكنة فيها جارتنا محسنة.. طرقت بابها بعد ما سحبت الكرتونة على الدرج بصعوبة.. طلعت وقالتلي حبيبتي راما.. ليش هيك منظرك؟.. جسمك كله مي وشو هالكرتونة الكبيرة ؟!.. حكيتلها دخليني هلأ.. بس احكيلي زوجك جوا ؟.. قالت ايوه هون.. حكيتلها وبناتك ملاك ولارا وينهم؟.. قالت تعشو ونامو.. ادخلي لسه عم تحكي وانتي متجمدة.. دخلتني للبيت وشفت زوجها قاعد جنب الدفاية وبياكل سندويشة وبتطلع على التلفزيون.. صرّخت عليه محسنة وحكتله يلا.. راما رح تنام الليلة هون قوم نام عند صاحبك.. حكا وين أطلع بهالوقت وبهالجو!.. انتي مجنونة!.. خليها تنام واذا بدها تاخد الغرفة كلها انا بنام بالصالة وما بتحرك من مكاني.. قلي عمو البيت بيتك اسمحيلنا بهالليلة وبكرا الصبح بطلع عنده اذا حابة تنامي أكتر من ليلة.. قلتله شكراً ورجعت للباب وسحبت الكرتونة لجوا.. تطلع بإستغراب وحكا شو هي هدية إلنا ؟؟.. قلتله لأ.. بقي يسأل بس أنا سكتت وحكيت لمحسنة وين رح أنام؟!.. قالت اذا بتحبي في سرير بغرفة لارا وملاك وفي غرفتي انا وزوجي كبيرة وتختها واسع.. حكيت لأ بنام بغرفة البنات ما بدي أزعجك.. دخّلت الكرتونة جوا وأمنّت انهم نايمين.. ودخلت معها عالمطبخ لأتعشى.. عرفت انه بالكرتونة في الألعاب.. وطلبت مني ما افتحها أبداً.. حطتلي كل شي بالتلاجة وبعد ما ملحتلي الأكل رمت بزوايا المطبخ ملح.. حكيتلها شو بتعملي؟.. قالت عطول بعمل هيك لأنه الملح بطرد الشياطين وبحصن البيت من السحر!.. أكلت وقلتلها انا تعبانة كتير لازم أنام.. شافتني خايفة ومتوترة سألتني اذا صاير شي جديد معي!.. قلتلها لأ بس عشان شهم وخايفة عليه.. حكتلي بكرا لا تروحي على الجامعة ولا على المحل.. بدنا نعرف شو قصة هاللعبة يلي حاملها أخوكي وشو عملت فيه.. حكيتلها الشرطة عرفت انها مسحورة من خلال شيخ.. وشهم متعلق فيها وما بعرف شو بتأمره.. امي بتقول انه بحكي معها !!.. بهاللحظة رن تلفون محسنة.. قالت بسم الله مين يلي برن بهالوقت!.. تطلعت على التلفون وحكتلي امك!.. ردت عليها متوترة واعطتني التلفون.. قلتلها نعم امي؟.. حكتلي تلفونك مغلق خفت عليكي انتي شو عاملة شو صاير بالمحل وشو الحكي يلي حكوه الشرطة!!.. حكيتلها شو في؟.. قالت اجو الشرطة سألو عنك بالمستشفى وأخدو فاضل على البيت ليفتشوه.. قالوله إنك مرتكبة جريمة
الحلقة السادسة
@rwayate
سكّر أديب الخط وتطلع فيه بذهول وأنا نفس الشي.. وقلي نحنا علقنا !!.. لو طلعنا الشرطة رح تشوفنا ولو ضلينا رح تيجي عابدة وتثبت التهمة علينا.. فأنا كان لازم أقوّي قلبي!.. أخدت تلفونه وضويت الكشاف ودخلت للمخزن وسحبت الكرتونة الكبيرة.. وبدقيقة وحدة كانو كل الألعاب فيها.. قلي بترجاكي راما ما تخربي بيتنا وحلمنا أكتر من هيك.. حكيتله هدول لازم يكونو معنا!.. وأنا ما بطلع من هون إلا وهمه معي.. فتحنا الباب بهدوء وشفنا الشرطة دخلت للمطعم ولأنه المطر اشتد بشكل رهيب.. كان معنا فرصة نطلع بدون ما حدا يشوفنا.. حمل أديب الكرتونة بوزنها الخفيف وهربنا لبعيد ومن شارع كنا متأكدين انه صعب تيجي منه عابدة.. الشوارع كانت فاضية ونحنا تبللنا.. كنا نوقف تحت البيوت ننتظر ليخف المطر ونرجع نمشي بسرعة.. لحتى الكرتونة تبللت متلنا.. وبعد وقت من المشي والتعب وصلت حارتنا.. ما كان فيها ولا إنسان.. قلتله أنا رح أدخل لبيت محسنة وانت ارجع على بيتك.. ما بعرف شو رح يصير بس نحنا ما دخلنا بشي.. حكا لا تخافي كل شي رح يعدي على خير.. ودعني وراح.. وأنا دخلت العمارة يلي ساكنة فيها جارتنا محسنة.. طرقت بابها بعد ما سحبت الكرتونة على الدرج بصعوبة.. طلعت وقالتلي حبيبتي راما.. ليش هيك منظرك؟.. جسمك كله مي وشو هالكرتونة الكبيرة ؟!.. حكيتلها دخليني هلأ.. بس احكيلي زوجك جوا ؟.. قالت ايوه هون.. حكيتلها وبناتك ملاك ولارا وينهم؟.. قالت تعشو ونامو.. ادخلي لسه عم تحكي وانتي متجمدة.. دخلتني للبيت وشفت زوجها قاعد جنب الدفاية وبياكل سندويشة وبتطلع على التلفزيون.. صرّخت عليه محسنة وحكتله يلا.. راما رح تنام الليلة هون قوم نام عند صاحبك.. حكا وين أطلع بهالوقت وبهالجو!.. انتي مجنونة!.. خليها تنام واذا بدها تاخد الغرفة كلها انا بنام بالصالة وما بتحرك من مكاني.. قلي عمو البيت بيتك اسمحيلنا بهالليلة وبكرا الصبح بطلع عنده اذا حابة تنامي أكتر من ليلة.. قلتله شكراً ورجعت للباب وسحبت الكرتونة لجوا.. تطلع بإستغراب وحكا شو هي هدية إلنا ؟؟.. قلتله لأ.. بقي يسأل بس أنا سكتت وحكيت لمحسنة وين رح أنام؟!.. قالت اذا بتحبي في سرير بغرفة لارا وملاك وفي غرفتي انا وزوجي كبيرة وتختها واسع.. حكيت لأ بنام بغرفة البنات ما بدي أزعجك.. دخّلت الكرتونة جوا وأمنّت انهم نايمين.. ودخلت معها عالمطبخ لأتعشى.. عرفت انه بالكرتونة في الألعاب.. وطلبت مني ما افتحها أبداً.. حطتلي كل شي بالتلاجة وبعد ما ملحتلي الأكل رمت بزوايا المطبخ ملح.. حكيتلها شو بتعملي؟.. قالت عطول بعمل هيك لأنه الملح بطرد الشياطين وبحصن البيت من السحر!.. أكلت وقلتلها انا تعبانة كتير لازم أنام.. شافتني خايفة ومتوترة سألتني اذا صاير شي جديد معي!.. قلتلها لأ بس عشان شهم وخايفة عليه.. حكتلي بكرا لا تروحي على الجامعة ولا على المحل.. بدنا نعرف شو قصة هاللعبة يلي حاملها أخوكي وشو عملت فيه.. حكيتلها الشرطة عرفت انها مسحورة من خلال شيخ.. وشهم متعلق فيها وما بعرف شو بتأمره.. امي بتقول انه بحكي معها !!.. بهاللحظة رن تلفون محسنة.. قالت بسم الله مين يلي برن بهالوقت!.. تطلعت على التلفون وحكتلي امك!.. ردت عليها متوترة واعطتني التلفون.. قلتلها نعم امي؟.. حكتلي تلفونك مغلق خفت عليكي انتي شو عاملة شو صاير بالمحل وشو الحكي يلي حكوه الشرطة!!.. حكيتلها شو في؟.. قالت اجو الشرطة سألو عنك بالمستشفى وأخدو فاضل على البيت ليفتشوه.. قالوله إنك مرتكبة جريمة