قصة: #صرخه_روح
قراءة ممتعة🦋💙"
#ⴅმძ3Һa

#صرخه_روح

علاء : بعدي عني ... اتركيني بحااالي شو بدك مني ليش بدك تأذيني !!!!!!
انتي كيف طلعتي من القبر انتي شووووو!?????
#قبل 6 شهور
اشعر اني في قمة السعادة ..وكأنني اقف على اعالي قمم الجبال لأشعر أني في قمة ألحرية ...وكأنني طير يحلق بلا حدودية....كطير يحلق باعالي السماءأشعر كأنني سندريلا...هو أميري...الامير الذي سأعيش معه اجمل لحظات العمر ...الامير الذي دائما يجعلني اسعد أنسانة ...انه يشعرني باجمل شعور...وياله من شعور...انه الامير الذي يشعرني دائما اني الفتاة الاكثر حظا على الكرة الارضية...لا بل على كل المجرات الكونية....
هيك گانت أمل عم تقول بقلبا وهي عم تلبس محبس علاء وعم يجمعون رابط حب وزواج مقدس بعد قصة حب دامت سنتين..
ودعوا العرسان اهاليون باست أمل إيد منتهى حماتها امو لعلاء
منتهى : مبروك ياعرسان تتهنو انشالله (بنظره مزعوجة مو عاجبها شي)
أمل : الله يبارك فيكي ويخليلنا ياكي
علاء : الله يخليلنا ياكي يامو
منتهى : الله يرضا عليك يامو
طلعو العرسان ع الغرفه الي حجزها علاء بنفس الأوتيل يلي عملو فيه العرس وحملها لأمل وحطها ع التخت
قرب وجهو عند وجها وهمس بصوت مستسلم : اخيرا
أمل ابتسمت بخجل وغمضت عيونها وكانت اول ليله حب حقيقي عاشوه سوا بيسوا السنتين الي حبو فيها بعض
#بعد فتره ...
علاء : أمل حبيبتي أمل شبك شو صرلك لك حكيلي فتحي عيونك
أمل مرمية ع الأرض متل ورقة من شي دفتر لا من تمها ولا من كمها
.......................
الجزءالأول

علاء شب بعمر ال28 وسيم شوي متخرج وبيشتغل هندسة كومبيوتر اتعرف على أمل بالمكتب يلي بيشتغل فيه وحبيو بعض سنتين عاشو فيها كتير تفاصيل حلوه وصل علاء بعدها إنو أمل هي شريكة حياتو المستقبلية ..
أمل كانت بنت خجولة وناعمة جدا بملامحها هدوءها ملفت للنظر وطباعها تقليدية يعني حتى لما حبت علاء فورا حطت ببالها انو هوي الشخص المناسب لتكمل حياتها معو ..
علاء : أمل تتجوزيني ??
أمل غصت برشفة العصير يلي كان بايدا وبلشت تسعل وتقول أأن أنا
علاء: بس يا مجنونه فهمت هههههههه خلص بعرف موافقه
أمل حمرت وصفرت وخضرت وابتسمتلو ابتسامه خجوله كتيير
بعد كام يوم كانو أهل ببيت أهل أمل وهنن قاعدين ..
منتهى عم تتطلع بشوفة حال على أمل ومو عاجبتها أبدا وكان واضح إنها مغصوبه ع هالخطبه
اتطلعت أمل بانكسار على علاء يلي لاحظ فورا تصرفات امو وكسر قالب التلج يلي كان طاغي ع القعدة..
علاء: عمي أنا بيشرفني أطلب إيد أمل منك وشرحلو شوي عن حالو وظروفو
وامو لعلاء ضلت قاعدة ولا حرف متل يلي رايح يعزي مو يخطب .
مشيت هالليلة ع خير..
تمت الخطبة وكانت بسيطة كتير ببيت أهلها لأمل لبسو في المحابس لأن العرس كان قريب بعد شهر من الخطبة ماكان في داعي أبدا يأخروها وتقرر إنهن يسكنو عند إمو بالبيت ..
منتهى كانت مقهورة گتيير علاء گان وحيدها وكانت حابه تجوزو بنت أختها لانا طبيعي كانت تعجبها لإن لانا كانت بنت حلوة گتيير شقرا وبيضا وعيونا زرق ووساع وطول عمرا بتحبو لعلاء وهوي بيعرف هالشي بس بعمرو ما عاملها أگتر من أختو ..
مرقو الأيام وإجا موعد العرس وأمل وعلاء گانو طايرين من الفرحة
ودعوا العرسان اهاليون باست أمل إيد منتهى حماتها امو لعلاء
منتهى : مبروك ياعرسان تتهنو انشالله
أمل : الله يبارك فيكي ويخليلنا ياكي
علاء : الله يخليلنا ياكي يامو
منتهى : الله يرضا عليك يامو
طلعو العرسان ع الغرفه الي حجزها علاء بنفس الأوتيل يلي عملو فيه العرس وحملها لأمل وحطها ع التخت
قرب وجهو عند وجها وهمس بصوت مستسلم : اخيرا
أمل ابتسمت بخجل وغمضت عيونها وكانت اول ليله حب حقيقي عاشوه سوا بيسوا السنتين الي حبو فيها بعض...
بعد أسبوع عسل قضوه وهنن مرق عليهون ساعة كانت أمل عم تضب التياب بالشناتي
أمل : حبيبي أنا گتير خايفه
علاء: ليش حبيبتي خير من شو ??
أمل: بقلك بس ما بتزعل مني ..
علاء : قولي حبيبتي عليكي الأمان ههههههههه
ضمتو أمل وخبت راسا بصدرو وحضنها وقلها قوليلي حبيبه قلبي في حكي بتمها وبدي أعرفو وباسها من جبينها ..
أمل رفعت راسها عن صدرو بتوتر واتطلعت بالأرض وقالتلو : خايفة من مرت عمي كلشي صار مو برضاها ومابعرف كيف بدي أتعامل معها ..
علاء : حبييتي ماما طيوبه وبكرا بتتعودو على بعض نكشلا شعراتها بايدو وقرصا من خدودها وقلها : وبعدين أنا بعرف مرتي شطوره واي حدا بيحبها إزا انا اخدتيلي عقلي نا رح تقدري تخليها تحبك هههههه
أمل : يالله منك بحبك
علاء: وأنا بعشقك
................................................................................