صفاء_الروح - خزانة الفوائد

#صفاء_الروح الجزء الأول + الجزء الثاني + الجزء الثالث #انتهت
بقلم #حلا_الشويكي

صفاء :

كان عمري 19 سنه لما توفت امي .. ما عندي اخوة ولا اخوات .. لأنه ابي وامي انفصلو وانا عمري شهرين
ربتني امي لوحدها ورفضت تتزوج كرمالي .. كانت تعتبرني احلا شي بحياتا
مرضت امي بمرض السرطان وتوفت .. عتمت سما حياتي كأنه ما فيها لا قمر ولا نجوم .. ضاقت حيطان البيت وصار الهوا يخنقني
كنت انا من عيلة متشددة .. امي وأبي كانو منفصلين وابي ما بعرف عنو شي الا يلي كانت تخبرني ياه امي الله يرحمها .. صرت عايشة وحيدة ما معي حدا بالبيت

اجتمعو اخوالي وخالاتي ليلاقو حل لهالمصيبة .. بنت تعيش لوحدها !! كنت عم اسمعهن عم يتناقشو مين بدو يلملم هالكارثه يلي تركتلهن ياها امي الله يرحمها .. ما بكذب لو اقول كان نفسهن يدفنونني جنبها ما حد فيهن فكر ياخدني عيش عندو بنفس البيت بس صارو بدهن يتخلصو مني بأسرع وقت !!

خالي محمد : ابنك يا محمود كم عمرو ؟
خالي محمود : ابني بدو يكفي دراستو ما بدو يتجوز شوف احمد عندو 3 شباب
خالي احمد : 3 شباب ؟؟!! اي واحد بكلوريا والتاني سنه اولى جامعة والتاني سنه تالته جامعة ومانهن جاهزين ليتجوزو

سكت الكل واتطلعو بخالتي سميرة ..

سميرة : بس انا ولادي صغار والشب بيحب بنت وبدو اخطبلو ياها ابن سمر دارس ومتعلم ومانو خاطب ولا عشقان

الوحيدة يلي ماكانت مجتمعة معهن هي سمر اتصل فيها خالي محمد وقلها انو بدو يروح لعندها يحكي معا بموضوع

وفعلا راح لعندها ورجع مبتسم ومرتاح .. وزف لخالتي واخوالي هالخبر السعيد ( فادي رح يتجوز صفاء .. اقنعتهون)

اقنعتهون !! طيب ليش ما حدا اخد رأيي ؟؟ اخر حدا يقرر زواجي هو انا ؟؟ طيب واحلامي !! بدي كفي دراستي بدي نفذ وصية امي وكفي تعليمي ولاقي دوا لعلاج السرطان مشان ما حد يموت بعد هيك بسبب هاد المرض ويصير متلو متل اي مرض بسيط وعلاجو سهل
=======================================
بعد الخطبة ...

فادي : شبك مبوووزنه هيك ع أساس انا طايقك يعني ؟؟
صفاء : بالله شو .. انت مو طايقني !! وليش قبلت تخطبني لكن ليش ما رفضت وريحتني وارتحت؟
فادي : مزاااج .. تغيير جو
صفاء : بالله شو !! طيب انا بدي كفي دراستي
فادي : لأ
صفاء : ما دخلني بدي كفي دراستي بدي كفي دراستي (تبكي)

فادي كان ضعيف رغم قوتو طيب رغم خباثتو كان مزيج بين الخير والشر ..

فادي : بس نتزوج بيصير خير حاج تنوحي

مسحت دموعي وابتسمت بعفوية .. جرعة امل احييت السعادة بقلبي .. كل الأشياء الحلوة ماتت واندفنت مع امي كانت كلشي بحياتي .. تمنيت لو اخدتني معا

قرب موعد العرس .. كل لقائاتنا كانت باردة الا اللقاء الأخير قبل الزواج

صفاء : فادي نحنا مخطوبين صح؟
فادي : للأسف
صفاء : طالما قلت للأسف معناها متفقييين
فادي : على شو؟
صفاء : مابدي تلمسني
فادي : فوق الموت غصة قبر !!
صفاء : (تبكي)
فادي : بالناقص ما بدي المسك اجت منك وما اجت مني

فرحة وحزن اجتمعو جوات قلبي
فرحت لأنه ما رح يلمسني .. وزعلت انه نصيبي عيش مع حدا لا بطيقو ولا بيطيقني
=======================================
فادي :

انا ما كنت بدي اظلم البنت واخطبها وانا قلبي مع غيرا .. بس خالي ضغط على امي وامي ضغطت علي .. انا بحب بنت من 4 سنين .. وبدي ياها بس كنت أسس حالي وجمع مصاري لأخطبها ما كنت متوقع بيوم وليلة تموت خالتي وابتلي انا بزواج بنتها .. البنت مؤدبة وخلوقة بس ما كنت حسها الا اختي .. ما كنت بقدر عاملها كزوجة ابدا

ندى حبيبة فادي :

بس خطب فادي بنت خالتو .. انا حاولت انتحر ودخلت المشفى .. ما توقعت منو هيك تصرف لأنه هو كتير منيح .. ومو نذل ابدا هو كتير حدا صادق ما توقعت يخذلني ويجرحني بهالطريقة .. بس لما فهمت منو القصة اقتنعت انه كلشي بهالدنيا نصيب

صفاء :

لك اي هو خبرني انه كان يحب بنت وانا حرمتو منها ..حتى بيوم عرسنا :

فادي : بعدي ايدك لا تمسكي ايدي
صفاء : بس قدام الناس
فادي : بعدي هيك
صفاء : مين هالبنت يلي عم تطلع عليك من بعيد وبتبكي ؟
فادي : امشي بلا كتر حكي

مضيت الحفلة بيومها والكل عم يتطلع فيني نظرة شفقة .. البنت اليتيمة يلي تركت جامعتا من اول سنة وتجوزت مشان تنستر .. لأنه بنت ما بيصير تعيش لوحدها .. شو ذنبي ازا امي ماتت وتركتني وحيدة ؟ ليش بس كانت امي عايشة ما حد كان يسأل عني او شايفني ؟؟ ليش ما حد تذكر وجودي الا بس امي ماتت .. بس راحت سندي بالدنيا !!
=======================================
فادي : لا تفكري حالك جيتي على قصر .. انتي جيتي هون لتخدميني بس
صفاء : ما عاد يفرق معي شي .. اغلا شي بحياتي خسرتو
فادي : شو هو؟
صفاء : امي .. وتعليمي
فادي : قلتلك التعليم بنتفاهم عليه ما حرمتك منو
صفاء : بدي ارجع سجل بالجامعة
فادي : بفكر بالموضوع
=======================================
سمر :

انا بس وافقت انو ابني يتجوز صفاء وافقت من باب حبي لأختي الله يرحمها .. وحسيت انه البنت رح تنظلم كتير ازا ما ضحيت واجبرت ابني يتجوزها هي بنت خلوقة وط

📚قصص||روايات||منوعة📚

📚قصص||روايات||منوعة📚