#الجزء _السادس (6):
@rwayate
بقينا واقفين بعيد وبس بابا دق الباب أول ما أنفتح سمعت صوت طفلة عم تقول( جدو )
ما بقدر أوصفلكن هالشعور أبدا أبدا ومافي ولا كلمة بتعطيه حقو يمكن في منكن عم يبكي معي أنا بعرف الضنا غالي والله غالي .. بسرعة ركضت وحضنتا ما عرفتني بالاول لان كنت مخمرة رفعت خماري ووقعت بالارض وانا عم ضما لحضني وهيي تبكي معي هاي بنتي الكبيرة تسنيم بعد سنتين كبرت واتغيرت وصارت تجاريني بالطول .. ع صوت شهقاتي طلعو الولاد يلي عم يجهزو للروحة ع المدرسة وضميتن كلن وانا عم ابكي ولمحت فراس واقف ع طرف باب وبأيديو سكينة بقيت هيك عم أبكي لحتى هدوني أهلي قعدت بالارض مع ولادي وانا عم أتاملن واتحسس ملامحن ما رفعت عيني عنن ولا شفت فراس لان كنت رح أسحب السكين من أيدو وطالعلو كل شي جوا بطنو .. ماما وبابا بقيو معي وعم نحكي الولاد أبني الصغير قصي ما عرفني بالاول لان راح وهوي صغير وبسنتين نسيني بس الكبار كلن عرفوني .. وفراس بقي عم يراقب كل شي من بعيد واقف ع باب المطبخ وساند جسمو عليه طلب بابا من فراس يدخلو الرجال يلي اجا معنا لان رح يموت من الشوب تحت وهوي أستقبلو .. دخلت انا وماما ع غرفة الصغار وبابا وفراس والرجال بقيو برا .. كنت عم دور بعيوني ع غرفة نومو بدي شوف مرتو .. يمكن تقولو مجنونة عم فكر بهيك شي بعد تعب كل هالايام بس أي الغيرة كانت لسا فايرة جواتي وقلبي رجع ينبض من جديد رغم كل الكره يلي جواتي اتجاهو .. قربت لعند بنتي وسألتا إذا أبوها أتزوج بس هيي قالتلي لأ .. انو معقول ما أتزوج كيف قدر يصبر سنتين ولما كنت معو أنا ما صبر عليي أنا متأكدة تزوج بالسر.
كان بيت صغير ومرتب فيه كل شي وغرفة ولادي كاملة مكملة وعرفت انو فراس كان عم يجهز اكل سندويش للصغار لياخدوه معهن ع المدرسة وعرفت انو كان حامل هوي كل مسؤوليتهن بس كان وحدة تجي بغيابو لتنظف البيت والولاد كلهن عليه.
أنو معقول رجال يعمل كل هالشي وانا امهن ما كنت اعرف نظم حياتي معهن!!!
ولا بس ليفرجيني أنو بيقدر يستغني عني!!!
صوت الرجال وصل لعنا وصوت بابا كان أعلى الشي خفت يتخانقو ويغلط بحق بابا بس هوي كان متفهم وبقي ساكت وبابا ما خلى ولا كلمة عليه .. وقفنا ورا الباب عم نسمع وبابا لساه عم يحكي بعصبية فش كل تعبو فيه .. وأول ما خلص كلامو قلو ( حقك عليي ياعمي )
قرب منو وباسو من راسو وهوي عم يعتذر شو نفع الإعتذار بعد كل شي صار!!
طلع بابا لعنا ودخلنا ع غرفة الولاد وقلي لبس الولاد رح ناخدن معنا ومنحجزلن بالمطار وقد ما كلف التكت يكلف .. بس وقف هوي وقلو: مستحيل يطلعو الولاد هني رح يبقو هون وبتقدو تبقو لتشوفوهن
بابا: هلق كنت عم تعتذر مني شو يلي صار
فراس: عمي كل شي لحال الولاد ولادي وبدي خليهن عندي
وقفت وقلتلو: وولادي كمان وأنا بخاف عليهن منك
فراس: مني!!!
غزل: أي شو نسيت شو عملت حضرتك وانا بخاف ع بناتي
فراس: انتي جنيتي هدول بناتي
بهاللحظة ماما اخدت الولاد وطلعو احسن مايفهمو ع كلامنا وسحبت بابا معا يلي طلع بالغصب .. بقيت واقفة مكاني وانا عم هز بجسمي
سمعت صوتو ونبرتو الحنونة يلي اشتقتلا وهوي عم يقلي: كنت عم استناكن .. ضعفانة كتير اكيد اتعذبتي انا اسف لان تعبتك معي كنت معصب من عملتك ومالقيت إلا هالحل
صدمني لسا ماحكينا شي وبلش يعتذر هاد تمثيل ولا شو!!
#صفحتة_مروةآغا
ورجع كمل: ماكنت بحياتي فكر أوصل لهون عنادك وعنادي خلونا نتعذب .. بعرفك عنيدة وشو ما صار رح توصليلي وخصوصاً قالولي اهلي انكن سافرتو تعملو عمرة وانتي ماحاكيتي ولادك دقيتلك ع الواتس وبعتلك العنوان بس انتي مافتحتي ابدا وحتى قلت لاخي يحاكيكي بس انتو ماكنتو عم تردو ع أي حدي وراح لعند اخوكي ومافتحلو الباب
من التعب يلي قضيناها بهالاسبوعين مافطنت لابجوال ولا بشي ولما فتحت جوالي شفت الواتس بدو تحديث ليشتغل وكنا عم نحاكي اهلنا اتصال عادي او ماما تحاكي اخواتي من واتسها وماحدا بيعرف فيه لان لساه جديد واخي من هديك الحادثة قطع العلاقة بعيلة فراس وبس بابا بقي يحكي مع ابوه لفراس كرمالي وكرمال الولاد .. حدثت الواتس وبالفعل كان وصلني رسالة منو على العنوان بالتفصيل .. انو معقول غبائي من تعبي وتفكيري مافتحت جوالي ابدا وهوي كان باعت كل شي لعندي وانا متت لأوصلو !!
حركت شفايفي ونطقت: بعرف كان بنفسك موت طقيق ع غياب ولادي وتشوفني عم اتعذب بس انا طلعت أقووى منك ووصلتلك
فراس: لا ابدا انا كنت بدي نزلهن لعندك بس تخلص المدرسة
غزل: بكير استنى عشر سنين تانية انا قوية ومابحاجة عطفك وحنانك
فراس: بعرف انك قوية من دون ما تحكي لان الشي يلي عملتيه قبل بدو قوة جبارة
غزل: قبل!!
فراس: لما نشرتي الصور مافي أي وحدة بتعمل هالشي وانا اتيقنت انك عملتي هيك لتحافظي عليي وأنا اجيت لهون لحافظ ع حالي وعليكن
ما رديت عليه لان ما بدي اتذكر هديك الأيام التعيسة بس قلتلو: كام وحدة صارو
فراس: مين؟
غزل: كام حساب فيس وكام بنت؟
فراس: ما عاد في فيس ولا حتى جوال ليكي الجوال بدرج الخزانة روحي شوفيه
@rwayate
بقينا واقفين بعيد وبس بابا دق الباب أول ما أنفتح سمعت صوت طفلة عم تقول( جدو )
ما بقدر أوصفلكن هالشعور أبدا أبدا ومافي ولا كلمة بتعطيه حقو يمكن في منكن عم يبكي معي أنا بعرف الضنا غالي والله غالي .. بسرعة ركضت وحضنتا ما عرفتني بالاول لان كنت مخمرة رفعت خماري ووقعت بالارض وانا عم ضما لحضني وهيي تبكي معي هاي بنتي الكبيرة تسنيم بعد سنتين كبرت واتغيرت وصارت تجاريني بالطول .. ع صوت شهقاتي طلعو الولاد يلي عم يجهزو للروحة ع المدرسة وضميتن كلن وانا عم ابكي ولمحت فراس واقف ع طرف باب وبأيديو سكينة بقيت هيك عم أبكي لحتى هدوني أهلي قعدت بالارض مع ولادي وانا عم أتاملن واتحسس ملامحن ما رفعت عيني عنن ولا شفت فراس لان كنت رح أسحب السكين من أيدو وطالعلو كل شي جوا بطنو .. ماما وبابا بقيو معي وعم نحكي الولاد أبني الصغير قصي ما عرفني بالاول لان راح وهوي صغير وبسنتين نسيني بس الكبار كلن عرفوني .. وفراس بقي عم يراقب كل شي من بعيد واقف ع باب المطبخ وساند جسمو عليه طلب بابا من فراس يدخلو الرجال يلي اجا معنا لان رح يموت من الشوب تحت وهوي أستقبلو .. دخلت انا وماما ع غرفة الصغار وبابا وفراس والرجال بقيو برا .. كنت عم دور بعيوني ع غرفة نومو بدي شوف مرتو .. يمكن تقولو مجنونة عم فكر بهيك شي بعد تعب كل هالايام بس أي الغيرة كانت لسا فايرة جواتي وقلبي رجع ينبض من جديد رغم كل الكره يلي جواتي اتجاهو .. قربت لعند بنتي وسألتا إذا أبوها أتزوج بس هيي قالتلي لأ .. انو معقول ما أتزوج كيف قدر يصبر سنتين ولما كنت معو أنا ما صبر عليي أنا متأكدة تزوج بالسر.
كان بيت صغير ومرتب فيه كل شي وغرفة ولادي كاملة مكملة وعرفت انو فراس كان عم يجهز اكل سندويش للصغار لياخدوه معهن ع المدرسة وعرفت انو كان حامل هوي كل مسؤوليتهن بس كان وحدة تجي بغيابو لتنظف البيت والولاد كلهن عليه.
أنو معقول رجال يعمل كل هالشي وانا امهن ما كنت اعرف نظم حياتي معهن!!!
ولا بس ليفرجيني أنو بيقدر يستغني عني!!!
صوت الرجال وصل لعنا وصوت بابا كان أعلى الشي خفت يتخانقو ويغلط بحق بابا بس هوي كان متفهم وبقي ساكت وبابا ما خلى ولا كلمة عليه .. وقفنا ورا الباب عم نسمع وبابا لساه عم يحكي بعصبية فش كل تعبو فيه .. وأول ما خلص كلامو قلو ( حقك عليي ياعمي )
قرب منو وباسو من راسو وهوي عم يعتذر شو نفع الإعتذار بعد كل شي صار!!
طلع بابا لعنا ودخلنا ع غرفة الولاد وقلي لبس الولاد رح ناخدن معنا ومنحجزلن بالمطار وقد ما كلف التكت يكلف .. بس وقف هوي وقلو: مستحيل يطلعو الولاد هني رح يبقو هون وبتقدو تبقو لتشوفوهن
بابا: هلق كنت عم تعتذر مني شو يلي صار
فراس: عمي كل شي لحال الولاد ولادي وبدي خليهن عندي
وقفت وقلتلو: وولادي كمان وأنا بخاف عليهن منك
فراس: مني!!!
غزل: أي شو نسيت شو عملت حضرتك وانا بخاف ع بناتي
فراس: انتي جنيتي هدول بناتي
بهاللحظة ماما اخدت الولاد وطلعو احسن مايفهمو ع كلامنا وسحبت بابا معا يلي طلع بالغصب .. بقيت واقفة مكاني وانا عم هز بجسمي
سمعت صوتو ونبرتو الحنونة يلي اشتقتلا وهوي عم يقلي: كنت عم استناكن .. ضعفانة كتير اكيد اتعذبتي انا اسف لان تعبتك معي كنت معصب من عملتك ومالقيت إلا هالحل
صدمني لسا ماحكينا شي وبلش يعتذر هاد تمثيل ولا شو!!
#صفحتة_مروةآغا
ورجع كمل: ماكنت بحياتي فكر أوصل لهون عنادك وعنادي خلونا نتعذب .. بعرفك عنيدة وشو ما صار رح توصليلي وخصوصاً قالولي اهلي انكن سافرتو تعملو عمرة وانتي ماحاكيتي ولادك دقيتلك ع الواتس وبعتلك العنوان بس انتي مافتحتي ابدا وحتى قلت لاخي يحاكيكي بس انتو ماكنتو عم تردو ع أي حدي وراح لعند اخوكي ومافتحلو الباب
من التعب يلي قضيناها بهالاسبوعين مافطنت لابجوال ولا بشي ولما فتحت جوالي شفت الواتس بدو تحديث ليشتغل وكنا عم نحاكي اهلنا اتصال عادي او ماما تحاكي اخواتي من واتسها وماحدا بيعرف فيه لان لساه جديد واخي من هديك الحادثة قطع العلاقة بعيلة فراس وبس بابا بقي يحكي مع ابوه لفراس كرمالي وكرمال الولاد .. حدثت الواتس وبالفعل كان وصلني رسالة منو على العنوان بالتفصيل .. انو معقول غبائي من تعبي وتفكيري مافتحت جوالي ابدا وهوي كان باعت كل شي لعندي وانا متت لأوصلو !!
حركت شفايفي ونطقت: بعرف كان بنفسك موت طقيق ع غياب ولادي وتشوفني عم اتعذب بس انا طلعت أقووى منك ووصلتلك
فراس: لا ابدا انا كنت بدي نزلهن لعندك بس تخلص المدرسة
غزل: بكير استنى عشر سنين تانية انا قوية ومابحاجة عطفك وحنانك
فراس: بعرف انك قوية من دون ما تحكي لان الشي يلي عملتيه قبل بدو قوة جبارة
غزل: قبل!!
فراس: لما نشرتي الصور مافي أي وحدة بتعمل هالشي وانا اتيقنت انك عملتي هيك لتحافظي عليي وأنا اجيت لهون لحافظ ع حالي وعليكن
ما رديت عليه لان ما بدي اتذكر هديك الأيام التعيسة بس قلتلو: كام وحدة صارو
فراس: مين؟
غزل: كام حساب فيس وكام بنت؟
فراس: ما عاد في فيس ولا حتى جوال ليكي الجوال بدرج الخزانة روحي شوفيه
