#ضحايا_العصر
@rwayate
الجزء الاول.. الثاني ..الثالث..
سدقيني ..انا اتعس رجال ممكن انك تسمعي قصتو..انا مش ضعيف ولاتقولي عني ماني رجال..انا يلي عملتو هو الصح عملت كرمالا كل شي..بس ..بس..هي مانها لالي..اتخيلي من صار عرسا واجى يلي اخدها مني لياخدا..وقفت بين الحضور بين اهلا يلي عم يرقصوا على جروحاتي مبسوطين ..شافني عمي وحرك شفافوا ..لمح شي بعيونوا قلي اضحك ..ومن اجيت اجاملن واضحك نزلت دمعتي وقبل لحد يشوفني تركن وهربت..ومن اسمعت زغاليط النسوان عرفت انها طلعت من بيت اهلا ما قدرت دير ظهري وشوفا للمرة الاخيرة اجمدت بأرضي..اكيد هو هلاء كامش ايدا واقف جنبا وعم يتهامس بإذنا على ليلتن سوا..كنت عم مووت .. كان لازم كون انا محلو .انا دقيت بابها مرة واثنين وثلاثة ..امي كرمالي اتوسلت لالهن...وهي تعذبت ..و جرحت ايديا كانت بدا تنتحر ..بس ماحد رحمني ولا حد رحمها ..قطبوا جروحاتناا بقطب من حد ...ليوجعني ويوجعها...وكان ذنبي اني فقير ..مامعي جبلا بيت تعيش في لحالا.مثل ماابوها بدو..يادوبوا بيتنا الصغير عم يكفيني انا واخواتي...يلي تركوا لالي غرفتهن وصاروا ينامو بقلب الصالة كرمال يفرحوا فيني انا اخوهن الكبير يلي شايل همهم وعم اشتغل ليل نهار لادرسهن ليكملو.بالجامعة يلي كنت نفسي فوتا ويصير لكل واحد مكانتو بالمجتمع ومايصير فيهن تعتير مثل ماصار معي..انا لا عم اشكي حالي ولا عم ابكي على وضعي..انا زعلان على كل شي غلط من بعدا عملتو..عمري صار 27 سنة ..بس تعي شوفيني شعري غزاه الشيب ودقني صارت طويلة وعيوني الحزينين وشفافي الزرق يلي اتلونوا من ادمان الدخان..من تشوفي حالي قبل زواجها بسنة وبعد زواجها بسنة ..تقولي هاد شخص تاني مانو انت...
امي :- ابني حاجتك حابس حالك بهالغرفة الله يخليك انسى عيش حياتك ..شو بدك بهالعذاب .
رعد :- اتركيني امي بحالي ..في عنا قهوة..
امي :- حبيبي طيب كل لقمة ..شوف جسمك من النحافة شلون صار ..
رعد :- انا طالع بدك شي..
امي:- لا خلص خليك مارح ازعجك بس لاتطلع مع هالشلة الفاسدة الله يسعدك..
رعد :- يسعدني ..ااخ قولي ياخدني وارتاح ...
امي :- رعد انطر ياحبيبي انطر ...
رعد :- سلام امي..
(( بهرب من نظراتن ..من عتابن من ملامتهن .من التعب يلي انا فيه ..بقعد مع رفقاتي هاد بقلي في صبية هيك اتعرف عليه والثاني بقلي والله بجوزك اختي ..بس مامنيح يلي بتعملو بحالك ..لاء منيح انتو لو حاسيين فيني ماحد بقلي هيك..انا مابدي من بعدا حدا ماعم تزبط يكون بدالا حد ..ماعم احسن قول لشخص غيرا حبيبتي ..ماحد بيعرف شو هي بالنسبة لالي..
(ميسون هي بنت عمتي .. ..صبية ناعمة عيونا عسلية وشعرا عسلي مثل عيونا الله خلق الجمال فيها ..ملامح وجها الناعمة ..و عيونا الكبار وشعرا الطويل وبياضها الصافي مثل ملاك صغير ..من وهي صغيرة كنت حبا ..بس ماتوقعت شي يوم يكبر هالحب البرئ لشي اكبر ..ويوصل لاكبر مراحل العشق...
ميسون :- رعد شو بدي قلك ..
رعد :- قولي عم اسمعك .
ميسون :- انت صح بتحبني..
رعد :- مابدا سؤال..
ميسون :- طيب ليش مابتقولا لالي ..
رعد :- شو هي..
ميسون :- كلمة بحبك او حبيبتي..
رعد :- بس لتصيري لالي ..كل شي بوقتو حلو..
ميسون :- انا بس خايفة ..
رعد :- شو يلي مخوفك هاتي لاشوف ياحلوة..
ميسون :- خايفة امي توقف معي ابي وترفضك هي كمان..
رعد :- الله كريم...يلي كاتبو الله منيح..
(( هي وحيدة عمتي من البنات رغم انو اخواتها الشباب كثار بس ماكان حد مهتم فيها قدي ..تروح للمدرسة وترجع وهي تحت نظري ..كنت خاف من شي يلمس شعرا منا..لدرجة خنقتها بالنقاب ..من خوفي والله ...ماكنت بدي حد يشوف جمالا ويغرم فيها او يتقدملها ويعجب اهلا ويرفضوني كنت عم خبيها حتى من عيون الشمس لتشوفا..هالحكي كان من كانت هي بالكالوريا وانا كان عمري 24 سنة ..
عمتي :- طيب شو قلا لمرت اخي صارت بدها البنت غصب عنا..
ابو سيف :- اي قليلا بالمشرمحي مابدنا نجوز ابنك لميسون.
عمتي :- يارب طيب قلا انت..انا بخجل..
ابو سيف :- انتي يلي فتحتيلا الباب روحي دقيلا وقليلا مافي نصيب..
..
ميسون :- امي الله يخليكي حاولي مع ابي مرة واثنين..
ام سيف :- شو بدك قولوا هلاء بسمعنا وبيجي بنكد علينا خلينا ساكتين احسن..بكرة بحي يلي احسن منو..مو لانهن دار اخي بس والله يامو وضعهن ميت لك مو حسنانين يجيبو اكلن ..وانا سالت خوالك قالو حتى مهر مامعو..
ميسون :- بس امي انا مابدي الا رعد الله يخليكي قليلن مابدي الا رعد ..
ابو سيف :- شو عم تقولي اسمعي بغضب عليكي ليوم الدين ولاتحلمي هاد ياخدك فهماني انا يلي هون بقول وبتنفذ كل كلامي رعد مابناااسبك..
((وبعدا اسمعت انها نحرت ايديها ..قمت اركض مثل المجنون على المشفى..وقفولي اولاد عمتي واضاربنا ومن بعدها انحرمت من شوفتها حتى الجامعة هي ماعادات تروح عليها..لوقت ما اسمعت انها اتزوجت ابن عما ..
امي :- برضاي عليك سيبها بحالا امي نحنا مو قد عيلة الزين ..
رعد :- لا