فا

لسوسو وفهم شو عملت .. هز براسو هديك الهزة وهو مزعوج .. وعم يقلي شو عملتي ..

وانا هزيتلو براسي انو لسا ما شفت شي ..
وسوسو عم تصرخ وايدا ع عينااا ..

سوسو: اااااااايّ .. الله لا يوفقك شو عملتي فيني

غنى: لك وانا شو دخلني .. انت يلي قاعدة بالطريق خرجك

ولؤي صار يحوص ويلوص ومانو عرفان شو يعمل ..
لؤي: شو صرلك .. سوسو .. اطلعي فيني

وبلشت تتلوى عليه متل السحلية ..
سوسو: كيف رح اطلع فيك .. خلص .. ما عاد احسن اطلع فيها .. راحت عيني راحت 😭😭😭

لؤي: طولي بالك يا روحي .. رح روح جبلك مي لغسلك ياها وتلج

وانا مباااشرة تدخلت بالموضوع ..
غنى: لا لا يا روحي .. وين بدك تروح .. انا بروح انا

لؤي: تسلميلي يا روحي .. بس عجلي شوي

غنى: من عيوني يا روحي

اطلعت ببليس يلي كان لساتو بالزاوية وهو عم يطلع في هيك 😳😳 .. غمزتو ورحت ..

نزلت ع مطبخ الشركة .. طالعت التلج .. وفتحت التلاجة لشوف شو عندن .. وشفت الشي يلي قلبي بيحبو .. الششششششششطة الحااااااااااارقة ..

جبت الشطة وفركت اديي التنين فيها .. واخدت المي والتلج ورحت ..
بليس كان مجهز العدة .. ارجيلة ومتة وقاعد عم يستنى ..

لؤي: عزبتك يا روحي

غنى: ايا عزاب يا روحي .. بعد بعد لغسلا

وانا بحسن نية وبكل حب بليت ايدي بالمي وفركتلا عينا .. وما بعرف ليش نطت هديك النطة وصارت شبه الهنود الحمر .. عم تنط وتنط .. ولؤي وقت شافا هيك بلش ينط معا وهو عم يحاول يفهم شو صار ..

غنى: لك شبك شبك

سوسو: راااحت عيني رااااحت .. الله لا يوفقك

لؤي: لك شو عملتي فيها 😡

غنى: وليش عم تصرخ بوشي .. اساسا الحق مو عليكن الحق علي انا يلي بدي ساعدا .. تضربو تنيناتكن

وضربتا ع اجرا التانية بالتلج يلي كان معي ورشيت المي بنص وشو للؤي .. وطلعت ..

وابليس مانو حسنان يثبت حالو من الضحك .. وطالع دفتر وبلش يسجل عليه اول يوم مع ضرتك ..

#ضرتي_سوسو_بقلم_امل_احمد
(الجزء الثالث)

تركتن تنيناتن عم ينطو متل لهنود الحمر وعم يغلو غلي وطلعت وانا مرتاحة ..

بس النار يلي جواتي لساتا عم تكبر اكتر واكتر .. خلص .. لؤي ما عاد الي .. اجت وحدة تانية لتشاركني فيه .. اجت تشاركني زوجي وبيتي وحياتي .. ما عاد الي حياة خاصة مع لؤي .. كلشي بعد اليوم رح يتغير ..

رجعت ع البيت وانا مخنوقة ومخي رح يطق من التفكير ..

غليت ركوة قهوة وقعدت لاشربا .. وما حسنت احبس دمعتي .. من اليوم صار لازم اتعود اشرب القهوة من غير لؤي .. تمن سنين وانا ما بشربا غير معو .. وهلا .. صار لازم اشربا من دونو ..

وفجاة وحدة حسيت حالي انهرت وما عدت تحملت .. مسكت الركوة وضربتا بالارض وبلشت جوح ونوح ..

اجت تالا من غرفتا وهي مرعوبة ..
تالا: شبك امي .. ليش هيك القهوة بالارض

غنى: وقعت من ايدي

تالا: وليش عم تبكي

غنى: ببكي شنو وقعت منييييي ... حاااج اسئلة .. حاااج

تالا: اسفة امي

وتركتني وراحت ..

هديت حالي وقمت نضفت القهوة .. وما كان عندي حل غير روح عند جارتي الكهينة ام موسى لاشكيلا وابكيلا ..

رحت لعندا .. فتحتلي الباب وانصدمت وقت شافتني ..

ام موسى: لك شبك .. ليش هيك وشك متل السحلية المفعوسة

وانا سمعتا قالت هيك وما بعرف كيف فلتو دموعي مني ..

ام موسى: لك شبك .. تعي قعدي تعي

قعدت ع الكنبة وجابتلي كاسة مي شربتا لالقط نفسي ..

غنى: لؤي يا ام موسى .. لؤي .. راح مني .. سرقتو مني ام تنورة .. سرقتو 😭😭😭

ام موسى: شو عم تحكي انت 😳😳😳

غنى: متل ما عم قلك يا ام موسى .. زوجي راح من ايدي .. رااح

ام موسى: اي طبعا رح يروح .. مالك شايفة حالك كيف صايرة

غنى: 😭😭😭😭

ام موسى: فيكي تقليلي ايمت اخر مرة شتريني تياب جديدة .. ايمت اخر مرة عملتي ماسك لوشك .. ايمت اخر مرة سشورتي شعرك
مسحت دموعي بطرف كمي واطلعت فيها ..

غنى: بس زوجي ما بيهتم بهيك شي وبيعتبرن تفاهة

ام موسى: تفاهة ؟؟؟ لكن ليش ركض وراها لسوسو .. فهميني ليش

غنى: ليييش 😭😭😭
..
ام موسى: كرمال التفاهة يلي عم تقولي عنا .. ليكي وشك وعيونك .. شعرك .. اي والله لو انا مطرحو لاعمل متلو

غنى: 😭😭😭😭

ام موسى: لك حاج عم تجوعري حااج .. وين كهانتك ويناااااا .. بعدي عنا ورجعي لالك

غنى: لك كتبو كتابن .. خلص كلشي انتهى

ام موسى: الله لا يوفقووووو .. عم تحكي جد

غنى: رح موت يا ام موسى .. رح موت

ام موسى: والله يا غنى شغلك صار اصعب .. وقفيلي هالجوعرة وركزي معي .. شغليلي كل حواسك .. رح اعمل قهوة لوقت تروقي حالك

حاولت هدي حالي .. وبعد بشوي جهزت القهوة ..

ام موسى: شربي شربي لقلك

غنى: ..........

ام موسى: هلا انت بدك تشتغلي ع لتنين .. بدك ترجعي لؤي لعندك وبدك تطفشي سوسو .. وانت عندك نقطة لصالحك هو حب لؤي لالك

غنى: راح الحب يا ام موسى رااااااح .. خد قلبي وراااااح .. راااااااااااااااااااح 😭😭😭😭

ام موسى: لك حااااج سكتييييي .. ما راح شي .. لؤي متدايق منك ومن تصرفاتك بس اكيد حبك لساتو بقلبو

غن

ى:

ما بعرف 😭😭

ام موسى: بس انا بعرف

غنى: طيب وهلا شو بدي اعمل

ام موسى: اول شي بتعملي هو تغيري من روتين حياتك يلي عايشة فيه .. وتغيري من شكلك وترجعي لغنى القديمة

غنى: بعد هالعمر كلوو والولاد

ام موسى: لك ايا عمر وايا ولاد .. عمرك لساتو بالعشرينات وما عندك غير بنت وحدة .. عملي يلي عم قولو ووقت بتمشي فيه بنكمل

غنى: ماشي 😔

ام موسى: لك حااج عابسة بهالوش .. قومي قومي لنرقص شوي

غنى: لا مستحيل .. ما فيني

ومسكتني من ايدي وعم تشدني لقوم بالغصب .. هي تشد وانا شد .. هي تشد وانا شد ..

ام موسى: اي براحتك لا تقومي

تركت ايدي وشغلت المسجلة .. ويا ويل قلبي شو حطت ع المسجلة .. (عيونا ولوووو .. صحكاتا ولوووو .. رموشا ولوووووو)

وانا سمعت يلي سمعتو وما بعرف كيف نطيت من مطرحي وبلش كل جسمي يتحرك تلقائي ونسيت لؤي وسوسو ويلي خلفوهن كمان ..

ام موسى: 😂😂😂😂 لك هدي هدي حااج عم ترقصي متل الغسالة الخرابانة حااج

غنى: لك مو انا يلي عم اتحرك .. جسمي عم يتحرك لحالووووو 💃💃💃💃💃💃

ام موسى: 😂😂😂😂😂😂

ضليت ارقص وهز من غنية لغنية لوقت نقطع نفسي وما عدت قادرة وقف ع رجلي ..

غنى: اووووووو لك زمااان عن الرقص زماان

ام موسى: اي لهيك جسمك مدلدل دلدلة متل العجايز

غنى: اناااا .. لا ولووو مو لهالدرجة

ام موسى: غنى .. حاج عم تضحكي ع حالك .. لك وينا غنى يلي عرفتا من سنين يلي كل صبايا الحارة كانت تغار منا ويناااا

غنى: والله ما عدلي خلق ع شي والله

ام موسى: اي انت حرة .. تركي سوسو تتمتع بلؤي وتشحطو شحط لعندا

ووقت ذكرت اسما حسيت بسيخ نار فات لقلبي ونطيت متل الزمبرك .. لاااااا والله بشرب من دما والله

ام موسى: اي ورجيني شطارتك

تركتا لام موسى ورجعت ع بيتي ومليون فكرة وفكرة براسي ..

فتت ع غرفتي ووقفت مقابيل لمراية .. واطلعت بحالي ..
مسكت مشبك الشعر وفردت شعري .. ياااه من زمان ما فردتو .. زمان كتير ..

حاولت مشي اصابيعي فيه بس ما مشيو .. يمكن من يومين ما مشطتو ...

اخدت روب الحمام وفتت ع الحمام تحممت وطلعت لبست بنطلون جينز قديم عندي .. بس ما كان يسكر عليّ .. ضليت شد وشد وشد لوقت سكرر ..

ومشطت شعري وتركتو مفرود وحطيت شوية كحلة ومسكارة وملمع شفايف ..

وتعطرت وقعدت استنى ليجي لؤي .. بس ما كان يجي لؤي ..

صارت الساعة 12 وما اجى .. هو عندا .. اكيد عندا .. نار عم تغلي بقلبي ..

مسكت التلفون ودقيتلو ..

لؤي: اي شو في

غنى: وينك

لؤي: شو بدك

غنى: جعت وانا عم استنى

لؤي: جعتي !! اي كلي .. ليش انت ايمت بتستني

غنى: ل.....

ولسا بدي كمل حكيي سمعت صوتا للمقوصة حدو ..

سوسو.. تعا بيبي .. بردت القهوة

وانا سمعتا وبلشت كل الشياطين تنط بخلقتي ..

غنى: لك وينك انت .. معا .. انت معااا يا لؤي وانا ناطرتك من الصبح !!

لؤي: اي معا .. عم نحتفل بكتب كتابنا ونخطط للعرس

وقت سمعتو قال عرس ما عاد طلع الحكي معي وسكرت الخط بوشو ..

غنى: عرس!! عرس!!! لا .. لااااا لؤي راح .. خلص راح .. راح مني .. راااااح

وما بعرف شو صرلي بلشت متل المجنونة اشلح بتيابي وزتن هون وهون ومسكت المقص وقصيتو لشعري ..

مسكتو بئيدي .. ووقت شفتو قديش حلو تزكرتو للؤي بايام الخطبة ..

لؤي: لك قديش شفت شعر حلو بس بحياتي ما شفت اجمل من شعرك .. طويل وناعم وريحتو بتجننن .. ما بينشبع منو بنوووب

تزكرت قديش كان مفتون فيه وكيف عطول يمسكو بئيدو يشمو ويبوسو ..

ووقتا انهرت ووقعت بالاارض .. وضليت ابكي وابكي وابكي .. لوقت حسيت بئيد ع ضهري ..

لؤي: لك غنى .. شبك .. شو صرلك

رفعت حالي عن الارض واطلعت في بعصبية ..

غنى: ما صرلي شي .. بعد عني .. بعدددددد

لؤي: ولي مجنونة شو عاملة بحالك .. ليش هيك بلا تياب .. وليش قاصة شعرك

غنى: هههههههه كتير بيهمك لانو شعري مووو .. لؤي انا بكرهككك .. بكككككرهك

لؤي: لك طولي بالك ولي مجنونة

غنى: ما بدي طول بالي .. بعد عني بعددد واياك تلمسني مرة تانية

وتركتو واقف ومصدوم ولبست الروب وطلعت من الغرفة ونمت ع الكنبة متل القتيلة ..

#ضرتي_سوسو_بقلم_امل_احمد
(الجزء الرابع)

فقت تاني نهار ع صوت الباب وقت سكر بعد ما طلع لؤي ..

فتحت عيوني بصعوبة .. راسي عم يفتل وجسمي مكسر ..

قمت عن الكنبة وفتت ع المطبخ جهزت قهوتي وطلعت ع البرندة شربتا ..

ووقت خلصت فتت ع الحمام .. وقفت مقابيل لمراية وشفت شعري كيف صار وبلشو دموعي ينزلو ..

شغلت المي وتحممت .. طلعت من الحمام لبست تيابي وطلعت لعند ام موسى ..

فتحتلي الباب وفرطت ضحك وقت شافتني ..
ام موسى: لك شو عاملة بحالك 😂😂😂😂😂😂
ليش هيك شعرك

غنى:....... ....

ما حكيت ولا كلمة وفتت ع البيت وقعدت ع الكنبة وهي لساتا واقفة عند الباب وعم تضحك ..
سكرت الباب واجت لعندي ..

ام موسى: هههههههه شبك ولي جدبة .. ليش هيك عاملة بشعرك

غنى: لؤي عم يجهز لعرسو

ام موسى: كيييف

غنى: لؤي .. عم يجهز لعرسو

ام موسى: طولي بالك .. ل

سا م

عنى وقت

غنى: خلص .. ما عاد بدي ياه .. رح اطلب الطلاق

ام موسى: ولي جدبة صحصحي واطلعي في .. شو طلاق ما طلاق .. صحصحي

غنى: ما عاد بدي ياه .. ما فيني اتحمل والله .. رح اطلق وابعد .. وبعدا يعمل يلي بدو ياه

ام موسى: لك طولي بالك شبك .. ليش وقت تطلقي رح ترتاحي يا بعدي !!! رح تطقي وتموتي من قهرك .. حااج علاك وقومي معي .. تحركي

غنى: ما بدي روح ع مطرح .. تعبااانة ومالي خلق ع شي

ام موسى: لك قوميييي .. يالاااا

شحطتني من ايدي شحط واخدتني لعند الكوافيرة ..

غنى: لك ما بدي .. والله مالي خلق والله

ام موسى: انت سكتي وما تحكي شي

ولفت وشا ع الكوافيرة ..
ام موسى: ليكي .. بدي ترجعيلي هالمخلوقة لورى عشر سنين

غنى: لك يا ام موسى .. قبل عشر سنين كنت لساتني مالي بالغة

ام موسى: وعم تنكتي كمان !! قلتلك سكتي انت

وبلشت لكوافيرة تشتغل فيني .. وانا مالي حاسة ع شي .. كنت بعالم تاني .. عالمي الوردي يلي عشتو مع لؤي ..
ما بعرف قديش ساعة قعدت ع هداك الكرسي ..

الكوافيرة: خلصنا

وجابت لمراية وحطتا قدامي ..
اطلعت بالمراية وفرطت بكي ..

ام موسى: لك حاااج ولووو .. ليكي وربي هلا بشلح من رجلي وبقطعا ع راسك يلي ما بدو يفهم ويستوعب

غنى: لك هاي غنى .. غنى يلي حبا لؤي وعشقا .. هاي هي هي

ام موسى: اي يا بعدي هي .. هي يلي حبا ولساتو بيحبا .. ويلي كرمالا رح يتركا لسوسو ويرجعلا ركيض

مسحت دموعي .. وحاسبت الكوافيرة وطلعنا ..

غنى: قولتك رح يتركا لسوسو

ام موسى: اي اكيد رح يتركا .. هدي اعصابك انت وخليكي قوية

ضميتا لام موسى بنص الشارع وبوستا .. (ما بعرف من غيرك شو كان صار فيني )

ام موسى: لك بعدي عني بعدي .. روحي ضمي للؤي مو تضميني لالي

غنى: ههههههه ماشي رح روح لعندو ع المكتب .. ادعيلي ما شوفا للكلبة

ام موسى: اي روحي ولا تخافي .. روحي

تركتا لام موسى ورحت ع المكتب لعند لؤي .. واستقبلتني السكرتيرة يلي كانت علامات الانبهار باينة بوشا ..

السكرتيرة: استاز لؤي مو هون

غنى: بتعرفي لوين راح

السكرتيرة: ها .. اي .. اي راح مع ست سوسو ليشترو فستان العرس

سحبت نفس عميق واستجمعت قوايي واتبسمت بوشا ..
(ماشي يسلمو )

تركتا واطلعت من المكتب وانا عم فكر شو لازم اعمل .. ولسا عم انزل الدرج وفكر .. ما شفتن غير طلعو تنيناتن بوشي عم يضحكو ومبسوطين واديهن بادين بعض ..
ووقت شافوني انصدمو تنيناتن ..

لؤي: غنى 😍

قربت منو وبستو من خدو .. (اي حبيبي .. شتقتلك واجيت لشوفك)

لؤي: شو عاملة بحالك

غنى: ولاشي .. عم جهز حالي لعرسك

سوسو: وشو بدك بعرسو انت .. خليكي بعيدة بكون افضل

غنى: شو امرتي يا بعدي .. بعيدة !! وين بعيدة يا قلبي .. هاا وين

وعشوي كنت رح امسكا من خوانيقا واشرب من دما .. بس لؤي حس علي وع تفكيري ومسكني باخر لحظة .
لؤي: اي كتيير كتيير حلو .. اشتريتي شي لتلبسي ؟؟

جحرتو سوسو هديك الجحرة ..

غنى: لا يا روحي لسا ما اشتريت

طالع كمشة مصاري من جيبتو وعطاني ياهن وسوسو عم تطلع في وبدا تنجلط ..

سوسو: لؤي!!!

غنى: يسلمنننن .. لك الله يخليلي ياك

وبوستو ع الخدين ودفشتا من كتفا ونزلت ع الدرج غندرة ..

وصواتن طلعت من ورايي وهي عم تصرخ عليه ..

#ضرتي_سوسو_بقلم_امل_احمد
(الجزء الخامس)

مشيت بالسوق وقلبي عم ينزف من وجعو ودموعي مجمعين بطرف عيوني .. وع شوي رح ينزلو .. مريت من حد فاترينا وكانت صورتي عاكسة عليها ..

اطلعت بحالي ...وتزكرت غنى القديمة .. غنى القوية يلي ما بيكسرا شي .. مسحت دموعي المعلقين واخدت عهد ع حالي ما ابكي بعد هاللحظة ..

وفتت للمحل واخدت من عندو اجمل فستان لعرس لؤي .. واشتريت بيجامات وتياب جديدة .. ورجعت ع البيت .. كبيت كلشي تياب قديمة عندي .. ورتبت البيت وطبخت الطبخة يلي بتحبا بنتي تالا وتحممت ولبست من تيابي لجديدة وتمكيجت ورتبت حالي ..

اجت تالا من مدرستا .. فتحت الباب وفاتت ..

اطلعت في ورجعت لورا لتتاكد انو بيتنا ومالا مخربطة ..

تالا: لك والله هاد بيتنا

غنى: شبك ولي جدبة

تالا: امييييييييييييي

غنى: لك اي امك .. شبك

تالا: والله ما عرفتك .. شو هالحلا امي .. بتشليييي

غنى: اي وهلا عرفتي انو انا بشل ست تالا

تالا: لك لا امي .. يعني انت عطول بتجنني وحلوة .. بس يعني كتير متغيرة .. خليكي هيك امي .. والله ليطقو عقلاتو لابي

غنى: اي ان شاء الله يطقو .. يااااا رب .. يورجيني فيك يوم يا لؤي يا ابن نجية 😭😭 .. ان شاء الله بالساحق ...

تالا: اميييييي .. سكتي سكتي هسسسسس .. روحتي لبرستيج كلو

اطلعت فيها بعيوني المليانين دموع وتزكرت العهد يلي قطعتو ع حالي .. مسحت دموعي ..

غنى: معك حق .. لازم حافظ ع برستيجي

بقيت للمسا وانا ع نار وعم فكر شلون رح اتصرف بهالمصيبة .. لؤي مستحيل يتراجع عن زواجو بسوسو .. ما بيعملا .. بحياتو ما رجع عن قرار اخدو .. وبحياتو ما اخلف وعد قطعو مع مخلوق ..

غنى: شو رح اعمل با ربي .. شو رح اعمل

ضليت

عم فكر وفكر لوقت اجى لؤي ..
فتحتلو الباب وانا عم اتبسم بوشو ..

فات ع البيت وهو عم يصفررر ..
لؤي: شو هالحلا كلو

غنى: ضحكاتك بيشلووووو .....

وانسجمت بالغنية وصرت زقف وغني بصوت عالي .. وما بشوفو غير ركض لعندي وحط ايدو ع تمي ..

لؤي: هسسسسس .. لك تضرب الساعة يلي فكرت اتغزل فيكي فيها ... منيح هيييك .. سكتييي

وشال ايدو عن تمي وراح ع الحمام ليتحمم ..

غنى: اي حملني جميلة بكلمتين .. انا بورجيك 😡 (بيني وبين حالي)

جهزت الاكل واكلنا وبعدا قعدنا سوا ..

غنى: اي لؤي .. ايمت عرسك ووين رح تسكنو

لؤي: العرس!! اي العرس بعد يومين .. استاجرت شقة ورح نضل فيها

غنى: استاجرت !! لك انت مجنون شي

لؤي: لييه .. لكن وين رح نقعد

غنى: شلون يعني وين .. رح تستاجر وانت عندك بيت بهالحجم !! بيتنا كبير وما في حدا غير انا وانت وتالا وكمان بتعرفني ما بأمن نام وما في رجال بالبيت

شحط ابليس الكرسي وقعد عليها وحط اجر ع اجر واتصفن في ..

ولؤي اطلع في هديك التطليعة ..
لؤي: انت متاكدة؟؟

غنى: طبعا متاكدة .. شبك ليه مستغرب

لؤي: ما بعرف .. يعني لسى مبيرح كنت رح تموتي واطقي

غنى: اي .. كان .. كان الخبر لساتو جديد .. وانا شو ما صار ما بقبلك البهدلة والتعتير وبتضل زوجي وابو بنتي

ابليس تاثر ونزلو دموعو وبلش يصفقلي .. ولؤي ضمني وبوسني ..
لؤي: لك تقبري قلبي شو انك فهيمة

وانا نااار وشاعلة جواتي وعم خطط كيف رح طفيها ..

ومشيو هاليومين بالزور وتخانقو لؤي وسوسو كرمال السكنة عندي بالبيت .. واجا لؤي ووشو ما بيتفسر ..

غنى: شبك يا روحي شبك

لؤي: سوسو ما بدا تسكن هون

غنى: وليش يا بعدي .. شبو البيت هون .. وبعدين من ايمت الست بتقرر وين رح تسكن ولا مفكرة حالا آخدة طرطور لا بيحل ولا بيربط

لؤي: فشرت بنص عينا ولا كون طرطور .. حبت تسكن هون اهلا وسهلا ما حبت مع ميت سلامة

وانا قلبي صار ينط وينط وينط من فرحتو ورحت للؤي وضميتو وانا عم غني من جواتي .. تعا اشبعك حب اشبعك دلال ... تعا يا ابن الحلال .. بس انت طلقا لسوسو وتعااال تعااااال

غنى: لك رجال وسيد لرجال كمان .. تؤبر قلبي ان شاء الله

#ضرتي_سوسو_بقلم_امل_احمد
(الجزء السادس)

نمت هديك الليلة بحضنو للؤي وقلبي عم يرقص ويغني من فرحو .. بس يا فرحة ما تمت ..

فقت ع وش الصبح ع صوت جوالو للؤي عم يدق .. وكانت السرنوة ام تنورة عم تتصل ..

فتح لؤي الخط وكان صوتا عم تبكي .. وانا عملت حالي نايمة لاسمع شو رح يحكو ..

لؤي: لك شبك ليش عم تبكي .. اي خلص خلص اهدي .. وانا كمان شتقتلك .. لك لا ما هنتي علي بس انا قلتلك انا الرجال وكلمتي يلي لازم تنسمع مو كلمتك انت .. اي وشبى غنى .. لا مو مزبوط .. غنى ما فيها تئزي نملة فحاج عاملتيا حجة .. يعني موافقة .. اي يسلملي هالتم يلي عم ينقط عسل .. اي ركض رح اجي .. سلامات يا حلوة

سكين وانغرست بقلبي من جديد .. هالغضيبة وافقت ورح تجي تقعد ع قلبي 😭😭

طلع لؤي من البيت وقلبي عم يغلى غلي .. هديت حالي وحاولت روق وفضيت الغرفة يلي قلي عليها لؤي ورتبت البيت وعطرتو ولبست فستان قصير نيلي ورتبت حالي وجهزت حالي لاستقبال السرنوة ام تنورة ..

سمعت صوت سيارة النقل وقفت تحت البيت وقلبي بلش يدق ويدق ..

شوي وكان لؤي ع باب البيت ..

لؤي: فوتي لجوا معي عمال

غنى: وليش لفوت

لؤي: مانك شايفة حالك شو لابسة

غنى: اي بس هاللبس سوسو بتطلع في بالشارع

قرب مني وضمني من خصري .. (بس سوسو مالا مقومات متلك ) وباسني بوسة ناعمة ع خدي ولف وشو عني وانا مصدومة ..

وما صحيت من صدمتي غير ع صوتا للسرنوة ..
سوسو: ما شاء الله ما شاء الله

كانت واقفة ع الباب والنار طالعة من عيونا ..

غنى: اهلا بالعروس اهلا وسهلا تفضلي

لؤي تلبك وقت شافا .. (تعي تعي يا روحي .. نورتي نورتي .. فوتي شوفي غرفتك)

غنى: انا رح فوت جوا حبيبي لوقت يروحو العمال ببقى بجي لعندكن

وبستو ع الهوا وفتت لجوا .. وانا كتييير مبسوطة انو عصبت ام تنورة ..

بقيو بالساعات وهني عم يرتبو باثاث الغرفة وبالتياب وانا حابسة حالي بغرفتي لحتى ما شوف شي ويزعجني .. لوقت اجا لؤي ..

لؤي: غنى يا روحي .. تعي عمليلنا شي ناكلو .. رح موت من جوعي

غنى: من عيوني يا روحي

فتت ع المطبخ وبلشت جهز بالاكل .. وطبخت الطبخة يلي بحبا لؤي .. وسكبت الاكل ورتبتو ع طاولة المطبخ .. وباااخر لحظة ضرب نظري ع ابليس يلي قاعد ومستغرب مني ..

غنى: لك كنت رح انسى .. هلا بتشوف شو رح اعمل

وجبت قزازة دوا الاسهال (اجلكم الله ) وحطيت بصحن السرنوة شي ملعقة كبيرة وحركتو ..

وهون ابليس غمزني انو هااا هيك صرتي غنى ..

ورحت وندهتلون ليجو ياكلو ..

اجو ع المطبخ وطبعا لؤي قعد ع كرسيو وانا ع كرسييي .. وتالا ع كرسيا ..

لؤي: تفضلي سوسو .. هالمقعد صار الك

غنى: اي تفضلي تفضلي يا روحي ما تخجلي .. هالبيت صار بيتك .. تفضلييي

وتالا عم تطلع في ومانا مصدقة عيونا ولا ادنيهااا ..

وبلشنا باسم الله بالاك

ل .. وبلشت السرنوة .. لسا ما اكلت لقمتين وحطت ايدا ع بطنا ..

سوسو: لك شو حاطة بالاكلللل

غنى: شو بدي حط في الاكل يعني

لؤي: شبو الاكل والله بيشهي .. يسلمو هالادين يا عمري

ووقت سمعتو حكالي هيك ضربت بايدا ع الطاولة وبلشت صريخ ..

سوسو: لك رح مووووت .. بطنييييييي .. حماااام

غنى: ولي عليكي .. قومي قومي .. ليكو الحمام .. قوومي

وراحت ركيض ع الحمام ..
اطلع في لؤي وديق بعيونو ..

لؤي: شو حطيتي بالاكل .. احكي لشوف

غنى: لك شو بدي حط في الاكل يعني .. ليكنا عم ناكل واسم الله علينا .. تالا امي بطنك عم يجعك شي

اطلعت بتالا ويلي كانت عم تطلع في بنظرات متل نظراتو للؤي ومديقة عيونا ..

ضربت المعلقة ع الطاولة بعصبية ووقفت ..
غنى: اي لا بقى .. كلشي رح تحطو برقبتي .. روح شوفا شو آكلة وبعدين ابقى احكي .. او بتكون ست الحسن متلبكة من لزواج .. حاااج كلشي عم تتهموني فيه

وحسيت عليا لسوسو ورايي .. حملت صحن الشوربة يلي كان عم يغلي واخدت معلقتي ..

غنى: تاركتلكن السفرة ورح كمل اكلي بغرفتي

ولفيت حالي بسرعة ع اساس انو مو منتبهة لسوسو ودلقتو لصحن الشوربة عليها ..

سوسو: ااااااه يا امييييي ااااااااه 😭😭😭

وانا عملت حالي انو عصبت بزيادة وضربت الصحن بالارض ..

غنى: لك تضربي ان شاءالله

وتركتن كلن مصدومين وابليس فارط ضحك ومطالع دفتر ملاحظاتو ليسجل عليه .. ورحت ع غرفتي لاضحك براحتي .. وكمل مخططي ..

غنى: الله لا يهنيني ازا بدي هنيكي بلؤي يا سوسو يا كلبة

#ضرتي_سوسو_بقلم_امل_احمد
(الجزء السابع)

واجا اليوم الاسود .. يوم عرس لؤي وضرتي سوسو .. غمامة سودا مغيمة ع قلبي وعيوني وكلشي بهاليوم ..
لؤي: بدي ياكي اليوم تنوري كل الحفلة .. ما تتاخري ماشي ؟؟!!

غنى: ماشي تمام

طلع لؤي وانا ع شوي رح طق من توتري ومن النار يلي شاعلة في ..

فتت ع غرفتن وتصفنت فيها .. تخيلتن وهني نايمين ع التخت .. تخيلنا لسوسو وهي بحضنو لحبيبي .. ناار شعلت وما عاد شي يطفيها ..

ركضت ع غرفتي جبت المقص لقص كلشي بهالغرفة .. بس ابليس مسكني باخر لحظة وغمزني .. انو انت اذكى من هيك .. ضربت كفي بكفو وركضت ع الصيدلية يلي حد اابيت وجبت دوا حكة ..

ورشيتو ع تيابا للمقوصة .. وطلعت من الغرفة .. واخدتا لتالا ورحت ع الكوافير لزبط حالي ..

وانا طالعة شفتا لام موسى ..

ام موسى: لك شبك وين غاطة

غنى: بالبيت .. عم جهز لعرس جوزي

ام موسى: لك صحيح انك رح تقعديها عندك

غنى: لكن وين بدك قعدا

ام موسى: والله مانك قليلة .. اي هيك ها .. طالعيلي هالكهانة وحاج جدبنة

وبلشت خبرا لام موسى بمقالبي .. وهي فارطة ضحك ..
ام موسى: لك ايييي قال علمناهن ع الشحدة سبقونا ع البواب 😂😂

غنى: اي لكن .. بعجبك انا

ام موسى: اي روحي روحي هلا بتتاخري هههههه

رحت ع الصالون وزبطت حالي ولبست فستاني وطلعت متل الاميرة ..

الكوافيرة: اسم الله اميرة من اميرات قصص الخيال. عرس اخوكي مو ؟؟

غنى: هههههه لا عرس زوجي

انصدمت الكوافيرة واطلعت فيني . (عم تمزحي مو)

غنى: لا والله ما عم امزح هههههه

الكوافيرة: صدقيني هو الخسران .. لك بتشلي انت والله

غنى: يعني .. هيك النصيب هههههه

وتركتا ورحت ع العرس .. ما عرفت ك

يف رح فوت .. وما بعرف ازا كنت رح ثبت وقت شوفن سوا عم يرقصو ..

قويت قلبي وفتت ع الصالة وكانو قاعدين ع الكوشة واديهن بادين بعض وعم يحكو سوا ..

وقت فتت عيون الكل توجهت علي .. عيون مليانة اعجاب وشفقة بنفس اللحظة ..
تجاهلت نظرات الكل وطلعت لعندن ع الكوشة .. وقت شافني لؤي تلبك وانصدم ووقف فورا ..

لؤي: غنى

تبسمت بوشو وقلبي عم ينزف .. وسلمت عليه وبوستو .. وحاولت بعد عنو بس هو ضمني قدام الكل وبوسني ..

لؤي: طالعة بتجنني متل العادة

غنى: شكرا حبي .. رح روح انا بلا ما ازعجكن

لؤي: وين رح تروحي .. تعي حدي هون

وقلبي صار يرقص ع جنو نطو جنو نطووووووو ..
غنى: لا لاا حبيبي بلا ما تدايق ضرتي

لؤي: لك شو بدك فيها تعي تعي

وسحبني من ايدي وقعدني حدو وسوسو عم تغلى غلي وتجحرني وانا عم رقصلا بحواجبي ..

والاغاني شغالة والناس عم ترقص .. وصار وقت رقصة العرسان .. ونزلو ليرقصو سوا .. تركتن يتهنو شوي ورحت لعند الديجي وطلبت منو غنية .... لارقص مع زوجي ..

خلصت الغنية وحطلي الديجي غنية يا احلا منهم .. وبلشت ارقص وهز واتمايل ع لؤي .. ولؤي يغني مع الديجي ويرقص .. وسوسو من قهرا طلعت ع الكوشة وعيونا تضرب شرار ..

خلصت الغنية وبلشت غنية لرقصة سلو .. وقفت سوسو لتنزل لعند لؤي وترقص معو .. بس انا كنت اسرع منا .. ومسكتو من ايدو وضميتو وبلشت ارقص معو ..

خلصت الغنية وتركتو للؤي ليروح لعند عروستو خطي .. حاكم ع شوي كان رح يغط ع قلبا مدري ليه ..

طلع لعندا ع الكوشة وانا بقيت ع ساحة الرقص ارقص وهز وعيوني ع لؤي وسوسو يلي كانو متخانقين ..

واخيراا خلصت الحفلة ورجعنا كلنا سوا بسيارة العرسان .. انا ولؤي وضرتي سوسو وبنتي تالا

..

وصلنا البيت وسوسو لساتا معصبة .. وانا مروقة آخر روقان ..

نزلنا من السيارة واطلعنا ع البيت .. ووقتا مدري شو صرلي .. بلشت النار تشعل من جديد .. هلا لؤي وسوسو رح يكونو سوا .. وما فيني اعمل شي ..

تركتن من غير ولا كلمة وفتت ع غرفتي تحممت ولبست بجامتي وتسطحت ع تختي .. وغفيت من التعب ..

فقت تاني نهار ع صواتن .. سحبت نفس طويل ونزلت دمعة من عيني ..
مسحتا بسرعة وقمت من تختي وطلعت لبرا ..
ويا ويل قلبي ع يلي شفتو 😂😂😂😂

سوسو كانت كلا من راسا لساسا حبوب حمرااا وعم تهرش هرش ..

حطيت ايدي ع بطني وفرطت ضحك ..
غنى: شبك ضرتي شبككك

سوسو: روحي من وشي مالي ناقصتك

غنى: تضربي بهالشكل فوق ماني عم اسال عنك

وقربت من لؤي وبوستو .. (صباحية مباركة يا عريس)

لؤي: عريس !!

سوسو: ليش انت خليتي فيا عريس 😡

غنى: لك شبك شبك .. انت عروس ما بصير تعصبي هيك

سوسو: لك روحي من وشي وحاج عم تدخلي فينا .. روحي نضفي بيتك لمعفن .. ليكي شو صار فيني بسبب عفنك

وانا سمعتا قالت هيك .. وحمدت ربي مليون مرة يلي اجتني هالفرصة لعندي ..
شغلت صفارات الانذارات كلا جواتي .. وبلشت طبول الحرب تقرع .. والجراس عم تضرب تضرب ..

قربت منا شوي شوي ..
غنى: شو قلتي يا بعدي .. شبو بيتي

سوسو: معفنننن .. بيتك معفنن

غنى: ليكي .. رح قلك شي .. ما زالك يعني رح تعيشي معي .. اصحك .. اصحك هاا بيوم من الايام تشككي بنضافتي .. ماشي .. وهاي خليا للذكرى

ومسكت راسا بئديي التنتين وضربتا براسي هديك الضربة ..

خلتا تقلب بعيونا قلب ووقعت بارضا ..

لؤي: لك شو عملتي يا مجنونة

غنى: لكن انا بيتي معفن .. فيقا استاز لؤي وفهمااااا مين انا .. فهما منيح

وتركتن ورحت ع المطبخ وغليت فنجان قهوة لالي وشربتو بكل روااق لحالي ..

#ضرتي_سوسو_بقلم_امل_احمد
(الجزء الثامن)

طبعا لؤي اخدا لسوسو ع المشفى كرمال الحكة يلي عندا وكرمال الضربة يلي اكلتا براسا ..

وبعد بساعتين رجعو ع البيت ..

لؤي: غنى الله يرضى عليك عمليلنا شي لناكلو .. والله فرطنا من الجوع

غنى: نحنا اكلنا يا روحي .. خلي عروستك تعملك اكل .. حاكم انا تعبانة كتير اليوم من رقص مبيرح وبدي نام

وتركتن وفتت ع غرفتي لنام .. وسحبتا نومة للمغرب ..

فقت وما لقيتن بالبيت ..
غنى: تالا امي وينو ابوكي والسرنوة مرتو

تالا: سمعتن عم يقولو رح يطلعو ياكلو بمطعم

غنى: بمطعم لكن .. اي ماشي انا بورجيا لهالسرنوة ازا ما ربيتا

رحت اخدت علبة لاصق وفتت ع غرفتا .. ومسكت علبة المسكاراة وحطيت اللاصق فيا ..

غنى: الله لا يهنيني ازا بخليكي تتهني يوم واحد

وبعد بشي ساعة شرفو العرسان وهني مروقين اخر رواق .. وانا عملت حالي مشغولة بفلم وعم احضر ومنسجمة ..

لؤي: مسا الخير

غنى: هلا حبيبي مسا الورد

سوسو: كيفك ضرتي .. والله اشتهيتك معنا بالعشا .. يسلم اديه حبيبي لؤي شي بيشهي والله

غنى: انا ما باكل بمطاعم حبيبتي .. انا باكل من شغل اديي .. لهيك لا عاد تشتهيني معك مرة تانية

سوسو: اي اساسا ما بيلبقلك اكل المطاعم ههههههه

لؤي: سوسو .. شو هالحكي

سوسو: شبك يا روحي عم امزح مع ضرتي حبيبتي

وفاتت ع غرفتا ..

لؤي: كيفك

غنى: منيحة (هزيت بكتافي)

لؤي: اكيد منيحة؟

غنى:

ههههه شبك .. بس ما يكون ضميرك تحرك .. نيمو لضميرك نيمو .. ما عاد ينفع هلا

وشلفت الريموت ع الكنبة وفتت ع غرفتي ..

مضت هالليلة بصعوبة كبيرة وبوجع ما بينوصف .. ما حسنت اغفى لوش الصبح ..

وفقت ع الساعة عشرة ع صريخا لضرتي ...

غنى: لك شبك عم تصرخي .. من وقت اجيتي ما عاد عرفنا انام متل الخلق

اطلعت فيها وما حسنت ثبت حالي وفرررطت ..
غنى: لك شو هاد .. شبن عيونك شبن ههههههه

سوسو: لؤؤؤي هاي هي انا متاكدة .. هي حطت شي بعلبة المسكارة .. هي والله هي

غنى: شلون شلون يا روحي .. حلو كتير والله .. شو بعد في اتهامات عندك .. ليكي والله بقصو للسانك والله

لؤي: طولو بالكن وخلينا بهالمصيبة

كانو رموشا مسكرين ع بعضن ومالا حسنانة تفتح ..

غنى: معك حق يا روحي .. خدا خدا ع المشفى 😂😂😂

لؤي: لك والله صرت اخجل من الدكاترة .. كل يوم قصة

غنى: شو بدك تعمل يعني .. هاي حياة يلي بياخدا لسوسو

غابو شي ساعتين ورجعو وكان منظرا لسوسو بفرررط ضحك اكتر من قبل .. قاصينلا رموشا .. وهي عم تبكي وتجوح وتنوح ..

لؤي: لك حاج صرعتيني .. سمعتي الدكتور شو قلك .. بيرجعو بيرجعو

غنى: سلامتك ضرتي سلامتك .. زعلتيني عليكي يا قلبيى

ومشت ايامي مع سوسو ع هالمنوال .. كل الكهانة والنورنة يلي جواتي طالعتا .. كنت استغل غيابو للؤي لاعمل فيا العمايل وهالغضيبة كل مالا عم تلزق بلؤي اكتر ..
لك ما خليت شي ما عملتو .. لك حتى فااار وحطيتلا بغرفتا ..

بتزكر بوقتا كان لؤي بشغلو .. وهي لساتا نايمة .. جبتو للفار يلي جابتلي ياه ام موسى وحطيتو بغرفتا مع قطع جبنة هههههه

بوقتا وقت شافتو صريخا عبا الحارة وانا اجيت متل دايو الشجاع قال يعني لساعدا .. وضربت الش

#ضرتي_سوسو_بقلم_امل_احمد
(الجزء الاول)

من الصبح وانا عم حوص ولوص .. من وقت خبرني هالخاين انو رح يتزوج علي وانا الدنيا مسكرة بوشي .. وعم جوح ونوح ..

لؤي: لك حااج عم تجوعري متل البقرة .. حاااج 😡

مسحت دموعي والاشياء يلي عم تنزل من انفي بطرف كمي واطلعت فيه بعيوني لمعمصة من البكي ..

غنى: لك بدي جوووعر .. بدي جووعر ليروح صوتي ويطقطعو حبالي الصوتية .. واااااااااااع

لؤي: لك وعم تلوميني انو بدي اتزوج عليكي .. لك في انثى بتبكي بهالطريقة هاي غيرك .. لك في انثى بتنزل من انفى كل هالقرف هاد وبتمسحو بطرف كمااا
غنى: هلأ ما عاد عجبك صوتي وجعيري .. لك الله يرحم ايام كنت تبوس ايدي لطالعلك هالجعير 😭😭

لؤي: لك حمااار .. كنت حمااار وغبي وجحش ومليون جحش كمااان .. خرسييي طرشتيني

غنى: ماااا رح اخرس .. رح ضل جووووعر .. واااااااااع ... وااااااع ... تعي يا امي شوفي شو صار ببنتك .. واااااع .. تعا يابي شوف شو صار بدللولتك .. واااااع .. تعى يا اخي يا قبضاي شوف شو صار باختك .. تعا خلصلا عليلي قهرلا قلبااا .. واااااع .. لك تعو يا عالم كلكن .. تعا يا ترامب ضربو نووي للخاين .. تعا يا هتلر طلاع من قبرك واحرق يلي حرقلي قلبي ... وااااااع .. لك تعا يا جزاار واقطع راسو ليلي نزلي دموعي .. واااااع

ومن وسط هالدموع والاشياء المقرفة يلي عم تشرشر ما بشوف غير بشحاطة بنص خلقتي ..

لؤي: حاااااج ... صرعتيني 😡

غنى: وعم تضربني كمان .. واااع .. وبالشحاطة كمان .. واااااع .. لك وبدك تنقبر وتتزوج ما لقيت غير سوسو ام تنورة لتتزوجااا .. واااااع .. واااع

لؤي: ع الاقل ما بتجوعر متلك سوسو .. تفه عليكي بهيك شكل وصوت .. تاركلك البيت جوعري براحتك

وتركني المغضوب وطلع من البيت .. وانا لساتني ع حالي .. لوقت اجت بنتي ..

تالا: امي .. اميي .. امييييييييي

غنى: لك ايييي .. ليش عم تجوعري هيك .. طرشتيني

تالا: والله يا امي انا يلي طرشت .. حاااج صرعتينا

غنى: لك ابوكي رح يجبلك سوسو مرت اب وما بدك جوووعر .. وااااع

وبتسرح هديك السرحة .. وبتطلع بالافق البعيد ..

تالا: ياااه .. والله يا امي حياتنا رح تتغير .. ورح نفرفش سوااا .. سوسو النغشة النعومة رح تكون امي .. يااه

وانا سمعتا قالت هيك وكل الاجراس بلشت تضرب براسي وتعلى وتعلى وتعلى وتعلى .. لوقت وقفت وقفة الرجل الآلي وكلشي فيني طفى فرد مرة ..

تالا: امي .. امي .. شبك .. ليش جمدتي .. امي .. امي .. صرلك شي

غنى: شو قلتي قبل شوي ؟؟ احكي بسرعة بالحرف الواحد

تالا: شبك امي .. كنت عم قول عن سوسو النغشة رح تصير امي وتعيش معنا .. رح نقضيها رقص وهز .. والله لنكيف امييي

وبلش الدخان يطلع من انفي وادنيي .. وقلبت للرجل الناري ..

غنى: روحي من وشي ولييي قبل لارتكب فيكي جريمة .. روووحي 😡

تالا: اي اي امي .. ر.. رح .. رح روح .. طولي بالك

غنى: لك روووووحي

وبلمح البصر .. بلمح البصر هاا .. كانت تالا مختفية من قدامي ..
وبلشت راجع بحكيا كلمة كلمة وحرف حرف .. بكل هدوء .. وعم حلل وقيس وافحص .. واتخيل بحياتي مع سوسو ..

غنى: وااااع 😭😭 .. الله يصطفل فيكي يا سوسو

بقيت ع هالحالة طول لنهار لوقت بالفعل راح صوتي وعيوني معو .. وبطلت احسن لا شوف ولا احكي .. صرت زمر تزمير متل سيارة الغاز .. وعيوني تنفخو وصارو طابات ..

اضطريت وقتا اسكت وحاولت وقف بكي ودموع ..
كان الوقت صار اخر ليل والغضيب لسا ما رجع .. اكيد عندا وسهران معا 😭😭 .. حرقلي قلبي ..
المهم طفيت كلشي ضو بالبيت بعد ما بنتي ملت مني ونامت وتسطحت بتختي ..

وبعد بشوي سمعت صوت الباب عم ينفتح وتسكر بكل هدوء .. بالعادة خلال ثواني من تسكيرة الباب لؤي بكون صار ع التخت .. بس مضى شي خمس دقايق وما اجى ..
قمت من تختي شوي شوي وعم امشي بالعتمة واتلصص متل الحرامية لشوفو شو عم يعمل ...

مشيت بهدوء للصالة .. ورحت لمكبس الكهربا .. وبسرعة شغلتا ..
وما بشوف غير وش بخلقتي وبلش صريخ ..
لؤي: اااااااااااااااااااه

وانا متت من رعبتي.. هو عم يصرخ وانا عم صرخ معو ... ولطشتو هداك الكف بنص خلقتووو
غنى: اااااااااااااااااااااااه

لؤي: لك شوووو عم تعملي .. وليش هيك شكللللللك

غنى: مااااا عم اعمل شي .. وشبو شكلي بالله .. اه .. شبو

اطلع في هديك التطليعة .. ومسكني من ايدي وهو قرفان وكانو ماسك سحلية ..

غنى: لك تركني .. لوووين عم تشحطني وراك متل ديلك .. لك تركنييييي ... تركني

لف وشو علي وهو معصب ولساتو عم يشحطني ..
لؤي: لك خرسي .. خرررسي

شحطني لغرفة النوم ووقفني مقابيل لمراية .. وياااااااااا لطيييييف ششششششو شفت ..

نقزت وصرخت هداك الصوت ..
غنى: لك مين هاااااي

لؤي: ما عرفتيها مووووو .. هاي غنى خانم .. غنى

اطلعت بالمراية غصب عني لركز بيلي شافتو عيني .. بلشتا بلمحات سريعة .. اطلع لمحة بس ولفو لوشي بسرعة .. عدتا شي عشر مرات .. وبعد ما تقبل قلبي الصدمة شوي رجعت اطلعت وركزت بالشي يلي قدامي بالمراية وي

لي ما عم لاقيلو اسم .. ولؤي واقف حدي مكتف ايديه وعم يطلع ...

كانت مخلوقة غريبة كتير يلي قدامي .. شعرا منكوش لاممتو بملقط .. عيونا متل الطابة وحواليهن كلو اسود .. حواجبا عاملين انتفاضة غير منتهية .. انفا احمر ومنفووووووخ كتير .. وشي مقرف نازل منو .. وتيابا .. ياااه شو شنعين تيابا .. لابسة بجامة شبه بجامة ستي الله يرحما ولونا رايح ..

لؤي: خلصتي تأمل ؟؟

اطلعت في من المراية واشرتلو ع المخلوقة يلي قدامي ...
غنى: مين هاي 😯

لؤي: ما عرفتيها صح؟؟ وانا ما عاد عرفتا .. ولا عاد بدي اعرفا .. مليييت وطق قلبي منا

وتركني واقفة متل العمود المايل واخد تيابو وراح ع الحمام ..
رجعت اطلعت وتاملت هالمخلوقة ..
المفروض وقت اطلع بالمراية شوف حالي بس ما بعرف ليش عم شوفا لهاي ..

ضربت عراسي بايدي وفرطت ضحك...

غنى: لك هاي انااااا😂😂😂😂😂 .. اي والله انااااا

بس ايمت صرت هيك .. وكيف صرت هيك .. ما عم بعرف .. اساسا مالي متزكرة ايمت اخر مرة شفت حالي بالمراية ..

غنى: لك كيف لؤي كل يوم عم يتصبح ويتمسى بهالخلقة هاي يعني لؤي لهالسبب بدو يتزوجا لام تنورة !!
بس لااااا .. ولو شو ما كان وشو ما صار بيتي انا ما لازم ينخرب بسببا .. لازم خرب عليهن وفركش هالجوازة وبايا طريقة .. وكلشي بيتعدل .. لك اي بيتعدل

غنى: قولتكن بيتعدل هيك شي ؟؟؟!!!

#ضرتي_سوسو_بقلم_امل_احمد
(الجزء الثاني)

تحمم لؤي ولبس تيابو واجا ع الغرفة وانا لساتني مقابيل لمراية ..

لؤي: لساتك واقفة .. طفي الضو بدي نام

غنى: هاا .. اي .. اي ماشي

طفيت الضو .. وخلال ثواني كان لؤي عم يشخر .. وانا ما حسنت نام .. طول الليل وانا عم اتقلب .. عم اتخيلا لسوسو ام التنورة نايمة بحضنو للؤي .. عم اتخيلو وهو عم يتغزل فيها متل ما كان يتغزل فيني .. وسرحت بخيالي لبعيد ..

قبل تمن سنين .. قديش كان لؤي مفتون فيني .. وكيف كان ع طول عم يتغزل فيني .. كيف كان ما يغفى الا وانا بحضنو وعم يلعبلي بشعراتي .. عم اتخيل وابكي متل المجنونة .. دموعي عم يهرو ع مخدتي ..

وبقيت ع هالحالة لوش الصبح .. وغفيت عيني .. فقت ع صوتا لتالا ..

تالا: امي .. امي .. امي

غنى: اي .. اي .. اي امي شبك

تالا: امي متت جوع .. بدي آكل .. صار الظهر

غنى: هاااا

اطلعت بالساعة كانت الساعة وحدة الظهر .. ونطيت متل الجندب من لسرير .. ومتل المجنونة ع الخزانة ..طالعت تيابي لالبس ..

تالا: امي .. امي .. لوييين

غنى: لك اليوم كتب كتابو لابوكي ع ام تنورة

تالا: وانت رايحة معن 😍

غنى: يعدمني ياها امك الهي .. روحي من خلقتي .. روووحي 😡

طلعت تالا ركيض من عندي وكملت لبس .. وطلعت من البيت مع بنتي متل المجنونة .. مالي عرفانة لوين بدي روح ولا شو رح اعمل ..

وما بعرف كيف رجليي شحطوني لعندو ع الشغل .. فتت ع المكتب وبشوف هديك الشوفة 😭😭

كانو قاعدين سوا وماسكلا ايدا وعم يهمسلا وهي عم تسبلو بعيونا يلي شبه عيون الحرباية ..

وانا شفت هالشوفة وبراكين شعلت جواتي .. وقررت احرقن تنيناتن بحمم هالبراكين وسيحن تسييح متل الزبدة ..

فتت لعندن وانا رافعة مناخيري لفووووق .. فوووق كتييير كتييييير ..

وصلت لعندن وهني لساتن مو حاسين علي .. لوقت تالا حكت ..
تالا: كيفك بابا

نقزو تنيناتن وقت شافوني .. واطلعو في هديك التطليعة ...

لؤي اطلع في وهو عم يتصنع ابتسامة صفرا ع وشو .. وسوسو اطلعت في بقرف ..

قربت منن وضربت عيني ع ايدا .. كانت لابسة المحبس .. ووقت انتبهتلي صارت تلعب في وهي عم تضحك ..

سوسو: اهلا بضرتي .. اهلا

مشيت من حدا وكانو مو شايفتا .. ورحت لعند لؤي وبستو من خدو .. وهداك صار شكلو هيك 😳 .. وهي صار شكلا هيك 😡 .. وانا لساتني عم اغلي غلي ..

غنى: مبرووك حبيبي

ارتبط لسانو وما قدر يرد علي ..واتفاجأ انو عم باركلو ..
لؤي: هاا .. اي .. اي .. مبروك .. مبروك

ومشيت لروح جيب كرسي ومريت من حدا لسوسو ودعست ع رجلا هديك الدعسة .. وهي صرخت هداك الصوت ..

سوسو: ااااااااااايّ

غنى: يييي كانو دعست ع رجلك بالغلط .. يالا معلش .. الدعس ع الرجلين مفيد

سوسو: لؤي 😭

لؤي: لك كلا دعسة اجر .. طولي بالك روحي

غنى: اوووف شو نعنوعة .. لك انت كيف رح تصيري زوجة ... اه .. كيييف

سوسو: ما دخلك انت .. ولا عاد تعيديها والا رح يكون حسابك تقيل معي

وانا سمعتا قالت هيك .. وبلش ابليس الي جواتي يمسك فيني ويهدّيني لحتى ما نفذ مخططي .. بس انو ابليس هاد يلي رح اسمع منو .. مستحييل .. انا ما بسمع من ابليس .. فلتتت حالي من ابليس وانا عم اتبسملو هديك البسمة يلي فهما مباشرة .. لدرجة انو خاف ع حالو مني وهرب ع الزاوية ..
رحت ع جهة المكتب التانية واخدت كرسي وحملتا لروح عند لؤي ..

وانا ماشية من حدو ما بعرف كيف .. مااا بعرف هاا كيف اجر الكرسي فاتت بعينا لسوسو ..

ابليس كان لساتو بالزاوية ومغمض عيونو لحتى ما يشوف شو رح يصير .. ووقت سوسو صرخت هداك الصوت فتح عيونو واطلع في .. ووقت شا