يل. شوف اخي نجد مو حلو هالفستان على ايمان الزهر كتير لابقلا
(تجمد بمكانو اول ما شافا) يزن. آااه ما ما بعرف قصدي عكيفكون خلص خدي حلو ..حلو كتير
اسيل. ههههههه ياخ بتفرط ضحك شوفي كيف خجل خلص رح اخدو بغصب عنك

طبعاً اسيل غصبتها لأيمان انو تاخد الفستان بس ايمان ما كانت مرتاحة ابداً لتطليعات يزن الها وحاسة بشي غريب كتير بعد جهد جهيد وطول مسايرة وتكسير رجلين خلص مشوارون وتكسرت رحليهن من الفتل بالمحل كل واحد طالع وبأيدو كوم كياس

اسيل. ييي رح موت من الجوع
يزن. هههههه يالله وصلنا عالبيت
قلتلك طعميكي شاورما ما قبلتي
(تطلعت عليه بحقد) اسيل. ما قبلت مو هيك صرلي ساعة عم بترجاك تفوتنا عشي مطعم
يزن. لك يا بنت افهمي فلستوني يالله يالله فوتو على مطعم ام يزن أمري لألله

ام يزن. اهلا وسهلا شو طمنوني كيف كان مشواركون
يزن. أوووه غير شكل
ام يزن. كتير منيح لكن فوتو تغدو
يزن. اي والله رح نفطس من الجوع

تجمعو كلايتهون عسفرة الأكل وبلشو اكل كان منظر الأكل بيشهي وايمان كتير حبتو وحستو قريب من أكل امها

يزن. ايمان صحي شو بدي قلك
ايمان. ايي
يزن. بكرا عازم رفقاتي كلون عالغدا شي 15 شخص
(بأستغراب)ايمان. شوو!
ام يزن. بس بكرا انا وابوك مسافرين علوس انجلوس مين بدو يساعدها
اسيل. وانا بكرا عندي موعد عند الدكتورة ومتأملة حط ولادي عند ايمان خلص اخي الغي العزيمة
يزن. لا والله صعب كتير لانو كلون عندون اشغال ومافي غير بكرا فاضين
ايمان. لا مستحيل ما بقدر لحالي
يزن. خلص حبيبتي انا بساعدك ولا يهمك
ايمان. طيب حبي ممكن تعطيني تلفوني من جيبتك
يزن. لا مو معي شوفي وين حاطتي
(وهي شايفة طرف الموبايل) ايمان. لا ليكو انا من شوي حطيتو بجيبتك
(بتوتر)يزن. آااه اي ما شفتو خدي

اخدت الموبايل منو وصارت تلولحلو في وهي عم تجاكرو اول ما فتحتو وصلها مسج منو

يزن. ايمان اوعك اوعك تلعبي معي بقتلك
ايمان. تعال انا ليكني جمبك
يزن. لا تستفزيني عم قلك اتركي الزفت من ايدك

ايمان طنشتو وصارت تفرجي انو فتحت عالرسائل وعملت حالا عم تكتب

مسج يزن. انا بفرجيكي يا ايمان مانك قدي

كان باعت كل صورهون الي مع بعض لأهلا حكت مع اهلا وطمنتون عنها فجأة قرب منها يزن وحط ايدو عكتفها

يزن. يالله حبيبتي ما بدنا نطلع عالبيت
ايمان. آااه يالله بس شوي خليني ساعد مرت عمي بالمطبخ
ام يزن. لا خلص طلعو ولا يهمك
(مسكها من ايدا وشدا)يزن. يالله امشي اكيد تعبتي من السوق

اول ما طلعو عشقتهون سندها عند الباب وتطلع فيها بكيد كان كتير قريب وهي تشم انفاسو بقرف
ايمان. يزن شو عم تسوي بعد عني...#يتبع
#علقم_القلب_بقلم_رومانتيكا
الجزء السادس.......

ايمان. يزن شو عم تسوي بعد عني تركني بقى
يزن. ههههه اتركك لكن هلق اتركك
(بلعت ريقا) ايمان. شو بدك مني؟!
(ببرود) يزن. شو شبك شو ليه خفتي خلص هدي هدي ريلاكس عكلن ما بدي منك شي وحتى ما بدي حذرك تلعبي معي مرة تانية

(توجه عالبراد عبا كاسة عصير وزت حالو عالصوفا) يزن. اي وبالمناسبة مشان بكرا ورق عنب وجاج بالفرن ومقلوبة وسلطات وشوية مقبلات متبل على حمص على بطاطا مقلية يعني في شي تاني ببالك بيكون احسن

(قعدت عالصوفا جمبو) ايمان. تطلع عليي يزن انا عم بستحمل مثل على اهلك لانو ما عندي خيار تاني ماشي بس مافي اي سبب يخليني انجبر لأعمل الي بدك ياه

(مسك ايديه وصار يسقف) يزن. براڤو براڤو ايمان الي عم تشغل مخا كتير بهاليومين
(غمزها) يزن. اهلك جامعتك شو نسيتيهون بهالسهولة
(قاطعتو بخوف) ايمان. شبهون اهلي
يزن. ما فيهون شي بس شو نسيانة اني رح طالعلك ياهون ولا ذكرك وجامعتك الي رح تبلشيها بعد اسبوع احكي معهون وقلون بطلنا😉
ايمان. يعني بفهم منك الشي الي عم بعملو معك تمثيلي على اهلك مقابل اهلي وجامعتي
يزن. تمثيلك على اهلي وتسمعي الكلمة
ايمان. يعني فيني اعتبرو اتفاق
(صار يطبطبلا على كتفا) يزن. براڤو واخيراً شغلتي مخك
ايمان. طيب تمام موافقة بس رجعلي موبايلي
يزن. وشو الي بيضمنلي
(قاطعتو) ايمان. خلص عم قلك اتفقنا
(شال الموبايل وعطاها ياه) يزن. ماشي يا ايمان هي موبايلك ولا تنسي مشان بكرا
(هزتلو براسها) ايمان. خلص ماشي

تركتو وراحت عغرفتها سكرت عحالا الباب وعم تفكر بالشي الي صار طيب هو ليه عم يعمل هيك اكيد في شي غريب بالقصة مو معقول حدا عاقل يتصرف هيك ويوهم اهلو انو متزوج لامت حالا لانا لساتا ماشية معو وعم تعمل الي قلا عليه بس ما كان بأيدا خيار تاني تنهدت تنهيدة طويلة ونامت من التعب

تاني نهار الصبح فاقت على صوت يزن فركت عيونا منيح وفتحتلو الباب

ايمان. شو بدك يزن
يزن. ما بدي شي بس قومي شوفي ولاد اسيل صرعولي راسي تعي سكتيهن اهلي سافرو واسيل راحت عالدكتور ورح يصير الضهر ولساتك نايمة
ايمان. انا شو دخلني ولاد اختي ولا ولاد اختك اصلاً هلق يا دوبني قوم جهز الاكل لرفقاتك وانت بتنتبه عولاد اختك
يزن. طيب ماشي ماشي بس تحركي
ايمان. اي خلص لا تعيط

فاتت ايمان عالمطبخ وهي محتارة شو بدا تطبخ واول مرة بحياتا بتفكر تطبخ تزكر

ان من التعب عم يتقلب يمين ويسار ومو قادر ينام يزن حاسس بشعور الذنب تجاه ايمان كان من جوا نار ومن برا بارود ليحرقها بس ما بأيدو يغير شي وكأنو في شي جابرو ليستمر

اما ايمان كانت حاسة بخوف مو طبيعي معقول تخلي قلبا يخونا لاء مستحيل هي قوية وما رح تسمح بهيك سم ابداً

تنيناتون مسكو موبايلاتون بنفس الوقت
مسج يزن. جارتي
(دقتلو عالحيط الفاصل بيناتون وبصوت واطي) ايمان. اي جاري الاشبهي!!.....#يتبع
#علقم_القلب_بقلم_رومانتيكا
الجزء السابع...........

يزن. جارتي
(دقتلو عالحيط الفاصل بيناتون) ايمان. اي جاري الاشبهي
مسج يزن. تاكلي اندومي جوعان
ايمان. شوو😳😳
ليه شقد صرلك أكل
يزن. مو كتير بس حاسس حالي جوعان شو اعمل
ايمان. لا انا ما بدي تصبح عخير
يزن. طيب ستني

ايمان طنشت رسائلو وحطت راسا ونامت تاني نهار الصبح فاقت على زقزقة العصافير والشمس الي ضاربة بعيونا فاقت نشيطة كتير فجأة لاحظت الباب الي بغرفتها اول مرة بيخطرلا تفتحو كان عبارة عن باب حديد مخرج لبلكونة واسعة كتير ومطلة عالجبل

كان فيها مرجوحة واسعة محيوكة من القش وغير عن الزرايع الي معبية البرندا ايمان كتير حبتا وحستا فسحة راحة وقفت عالحرف وصارت تراقب حركة الغيوم والعصافير شافت حسام عم يأشرلا من بعيد من الحديقة اشرتلو وابتسمت

يزن. صباحوو
ايمان. يزن!!
يزن. هههه اي شبك ليه هيك استغربتي
ايمان. ههههه لا ولا شي بس نقزتني
يزن. ما بدك تشربي قهوة معي
ايمان. كيف عرفت اني هون
يزن. شفتك من شباك غرفتي
ايمان. اهااا

ايمان قعدت عالمرجوحة وصارت تطقطق بأصابيعها ويزن حطلا فنجان القهوة عالطاولة وقعد جمبا

(غمزها) يزن. مو حاسة انو اليوم كتير مميز وحلو
ايمان. عادي مافي شي جديد بس يعني اليوم الجو مميز ومريح
يزن. يعني مو حاسة انو في شي جديد اليوم
(اخدت رشفة من فنجانا القهوة عم تطلع بموبايلا وكأنو مو منتبهة) ايمان. شي متل شو يعني (بأبتسامة مسطنعة) يزن. هههه ما بعرف عم امزح معك يالله انا رح اطلع هلق رح غيب طول النهار عندي شغل كتير بالمشفى
ايمان. اي مو مشكلة

بعد ما راح يزن ايمان ضلت قاعدة لحالا عالبلوكونة الهوا عم يلفح حجابها وكل شوي عم تنرسم صورة يزن قبالا وهي عم تتفاداها كان شي صعب كتير عليها لازم تفكر بشي يحسس يزن بغلطتو معها لازم تنتقم منو وتبعدو عنها بس مافي ولا اي طريقة هالمرة قطع تفكيرها صوت اسيل

اسيل. صباح الخير ايمان قلي يزن انك هون قلت لاجي لعندك
ايمان. صباح النور ومية اهلا وسهلا
اسيل. حبيبتي فيكي اكتر شو طمنيني شو تجهيزاتك لليوم
(تجلست بأستغراب) ايمان. ليش شوفي اليوم
اسيل. لك شبنا ايمان معقول ما بتعرفي انو اليوم عيد ميلاد يزن ايمان. هههه لا لا شو ما بعرف اليوم الصبح عايدتو
اسيل. انتي جدبة شي لك كيف بتعايدي
(حكت راسا) ايمان. ليه يعني وازا عايدتو
اسيل. لك قصدي لازم كان تعمليلو مفاجئة
(شدتا من ايدا) اسيل. امشي معي بسرعة يا دوب نلحق
ايمان. لك لوين
اسيل. لكك شو لوين ركزي معي لازم ننزل عالسوق لحتى نشتري غراض لعيد ميلاد يزن يالله استعجلي فوتي بدلي اواعيكي مزال ولادي بالروضة او اقلك خلص بلا ما ننزل هلق بحكي مع السواق وبيحيب كل شي بدنا ياه يا دوب نلحق نجهزك
ايمان. طيب متل ما بدك

بعد عدة محاولات بائت بالفشل ما قدرت ايمان تتخلص من اسيل ورضخت للأمر الواقع كان لازم تمثل بمهارة لحتى ما تنكشف لعبتها وبالفعل قدرت تنجح

بعد ساعات من الشغل اختيار الفستان ،وضع الميك اب تجهيز الأكسسوار كانت ايمان متل الملكة بفستانها الخمري

اسيل. واووو يسلم ايدي خرج اشتغل كوافيرة
ايمان. يسلم ايديكي حبيبتي عزبتك
اسيل. بس برأيي السنسال لازم نغيرو
(بأبتسامة ناعمة) ايمان. لا هادا ما بشلحو
اسيل. من يزن مو هيك
ايمان. اي صح
اسيل. امم هلق ضل تزيين الصالون وغرفة النوم
(قاطعتها) ايمان. بس مافي داعي تعزبي حالك انا بزينون
(بأيدا البوالين وعم تعلقون) اسيل. هههه لاء من شوي ساعدتيني بنفخ البوالين ما ضل غير تعليقون والاكل والكيك بعد نص ساعة بيوصلو يعني كل شي تمام
ايمان. اي كتير منيح خلص ما ضل شي حبيبتي خليني انا كمل ازا بدك روحي شوفي زوجك
اسيل. لك ما زوجي طالع من الصبح لك رح يجنني لسا مبارح رجع من السفر وبيضل حايص
(ناولتا بالونة)ايمان. ههههه طولي بالك
اسيل. ولا يهمك وهي خلصنا تزيين وينك ايمان من هلق بدي قلك ما بروح قبل ما صوركون وأكل كيك ها
(بتوتر وبكلمات مقطعة) ايمان. اي اي أأكييدد
اسيل. لا يكون ما عجبك
ايمان. لا شو ما عجبني
اسيل. فكررت

بعد ساعة ونص كان موعد جية يزن ايمان كانت متوترة كتير وحاسة حالا رح تموت من الخوف اول مرة بيصير معها هيك شي مع كل دقة ثانية قلبا عم يعلى دقاتو

الورد الي بالأرض البوالين الحمر الي عالسقف الشموع الي معبية المكان الكيك الي عالطاولة والأميرة الي واقفة بالنص وحاملة بوكية ورد أحمر الأميرة الي سيطرت على كل عقلو وخلتو ينسحر بجمالا بعد ما شافا ما كان مركز عشي تاني غيرا وما كان ببالو شي تاني غير انو مضيع

عنوان بيتو
مضيع عقلو معو مضيع كل شي بس قلبو عم يرفرف من الفرح حس حالو بعالم تاني هو وأميرتو

كل ما عم يقرب خطوة ودقات قلبا عم تتسارع اكتر واكتر كانت مغمضة عيونا وعم تحس بأيدين عم تتغلغل بشعر بلطف حاولت تبعد شوي عنو لتخلي مسافة بيناتون بس هو كان محاصرها بأيديه

(طبع بوسة عجبينا وبصوت واطي) يزن. فتحي عيونك انا هون
ايمان. كل عام وانت بخير
(تطلع عليها بحب والدمعة موقفة براس عينو بضحكة سريعة وباردة) يزن. هههه بخير كيف بدك ياني ضل بخير
(قاطعتو وبأيدا الموبايل) اسيل. احم احم نحنا هون
(بتعجب) يزن. اسييل!!😅
اسيل. شوفو هالصور وانتو مو منتبهين
يزن. انتو شو عاملين
اسيل. هههه ولا شي سلامتك بس العجي انسطل شو خيي كنو لساتك تحت تأثير الصدمة
يزن. لا ههههه بس استغربت

اسيل. طيب شو رأيكون نقطع الكيك😁
يزن. يا ام كرش مو عرفانة كيف يتقطع الكيك
اسيل. ههههه اي لانو تأخرت عبيتي خلصونا

بعد ما قطعو الكيك اسيل خلتون يقعدو جمب بعض واخدتلون كم صورة اكلت قطعتها وراحت عبيتا بعد ما طلعت اسيل الجو توتر أكتر ايمان لاحظت ايد يزن الي لساتا على كتفا مما زاد توترها

ايمان. يزن خلص شيل ايدك عني راحت اختك
(قرب منها شوي) يزن. عفكرة طالعة بتجنني كتيير حلوة اليوم
(بصوت عالي) ايمان. خلص يزن بيكفيي عم قلك راحت
(قبل ما تمشي من جنبو مسكلا أيدا) يزن. اي وازا راحت
ايمان. يزن بيكفي بقى اصحى عحالك شو نسيان انو زواجنا
(حط ايدو عتما وقاطعها بنظرة حزن) يزن. خلص لا تكفي

شدت ايدا منو بقوة وفاتت عغرفتها ساعات وهي بغرفتها عم تبكي بلا سبب حست حالا عم تختنق عم تموت كل يوم بقربو منها
حطت حجابا عراسا وطلعت عالبلكونة حطت راسا عالحرف وتنهدت تنهيدة طويلة كانت الشمس عم تغيب
المشهد القصير الي حسسها شوي بالراحة كان قصير كتير متل الحلم فجأة لما سمعت هداك الصوت صحت من حلمها على كابوس أسود بشع كتير كان عم يوصل لأدنها متل السهم فجر كل بقاياها ودخلها بصراع مع الجحيم.....#يتبع
#علقم_القلب_بقلم_رومانتيكا
الجزء الثامن..........

ايمان كانت واقفة عحرف البلكونة قبل ما يواجها صوت يزن الي ركزت كل انتباها عليه

يزن. لك شريك انا عم موت كل يوم رح جن ما بقى فيني اتحمل اكتر من هيك
-لكك تخيل مبارح لما شفتا هيك عاملتلي خلص حسيت حالي استسلمت تمنيت اني موت بهديك اللحظة قبل ما شوف حالي ضعيف
-يا ريت يا ريت موت لريحها وريح ضميري
-لك فهام عليي ما فيني ما فيني اعترفلا بهالشي لكك تخيل اني خايف عليها من حالي بس كيف بدي كرها بحالي كييف؟!!

كانت واقفة من بعيد وعم تسمع كل هالحكي عنها عم تصارع افكارها عم تقتل شعورها حست بشي عم يخنقها ببطئ طيب شو السر ليه عم يعمل معها هيك؟؟

(بتوتر) يزن. ايمااان انتي هون ايمتى صحيتي
(بكلمات مقطعة) ايمان. هلقق انا هلق اجييت
يزن. اممم طيب ايمان مزالك صحيتي روحي بدلي تيابك لانو عندك اليوم مقابلة بالجامعة وحتبلشي دوام

فاتت عم تبدل تيابا وتحاول توقف شلالات الدموع الي عم تخون عيونها لساتا مصدومة من كلام يزن يا ترى الجامعة ممكن تنسيها الي عم تمرق في !!

ايمان. يالله يزن انا جاهزة ليه لهلق مو لابس
يزن. لا انتي رح تروحي مع اخي حسام هلق حكيت معو وهو رح ياخدك
ايمان. اوك مو مشكلة
يزن. هاا ليكو اجا
حسام. صباح الخير كيفكون
يزن وايمان. صباح النور
حسام. شو مرت اخي جاهزة خلينا نمشي لكن
ايمان. اي ليكني جاهزة
يزن. طمنوني شو بيصير معكون كنت بتمنى روح بس الشغل
(بأبتسامة ناعمة) ايمان. مو مشكلة خيرا بغيرا

طول الطريق وايمان ما عم تفتح تما بحرف كانت هادية بشكل فظيع وحسام مستغرب من هداوتها

قدمت اوراقا للجامعة وعملت مقابلتا حست حالا ارتاحت شوي وبعد المقابلة تفرجت عالجامعة ولاحظت انو في كتير عرب موجودين بهالمكان تعرفت على كتير بنات ودغري اندمجت معهون وحبت الكل كان الوقت عم يمرق بسرعة حتى انو ما حست بالدوام

حسام. شو ايمان طمنيني ان شاء الله عجبتك الجامعة
ايمان. كتيير كتيير حبيتا
حسام. ههههه حلو كتير شو شفتك دغري اندمجتي مع الاجواء وتعرفتي عرفقات بسرعة
ايمان. هههه اي صرلي فترة تاركة الجامعة واشتقت لهيك اجواء
حسام. حلو الله يوفقك واي صعوبة بتلاقيها رح تلاقيني جمبك انا جارك
ايمان. اي اكيد شكراً

بعد ما رجعت ايمان عالبيت فاتت عغرفتها وبدلت تيابا تسطحت عتختا وكالعادة صوت اسيل وهي عم تحكي عالهاتف ما خلاها تنام مو معقول شقد بتحكي مع زوجا فجأة ايمان تخدرت لما سمعتا عم تقول هالكلمتين

اسيل. يا حبيبي يا حياتي يا قلبي الف مرة قلتلك اني عايشة مع اهلي يعني ما فيك تجي ايمتا ما بدك بعدين اليوم زوجي بالبيت
-لاء بيبي لا تزعل بلييزز خلص بوعدك لما يسافر لخبرك
-اوك باي بيبي بحبك

ايمان. العمى وانا طول هالفترة عم قول قديه بتحبو لزوجا ههههه

هي لاول مرة ايمان ما انصدمت من الشي الي سمعتو بالصدفة خلص تبخر الأحساس عندا بس مو معقول هالصدفة قديه بتكشفلنا ناس انغشينا فيهون دائماً المظاهر بتكزب

بعد ما تذكرت انو موعد جية يز

ن بعد ساعة قامت بسرعة لبست فستانا الازرق القصير المزين بألماس عند الخصر حطت كحلتها وشوية حمرة عشفايفها رشت عطرا الي بتحب ريحتو ووقفت عند الباب لتستنا بعد ما عرفت نقطة ضعفو ليزن قررت تنتقم منو بهي الطريقة

اول ما سمعت صوت يزن عالدرج قعدت عالصوفا وسوت حالا مو منتبهة

(حامل بأيدو الشنتة وعم يطلع عليها بأستغراب) يزن. مرحبا
(رفعت راسا عم موبايلا) ايمان. اهلين يزن
يزن. فوتي بدلي تيابك ما بتعرفي انو انا اجيت
ايمان. ليه لبدل تيابي بيتي وبلبس في الي بريحني بعدين ليه شايل البوالين وانا مبارح ضليت 3 ساعات وانا عم انفخ فيهون
يزن. ايمان لآخر مرة بقلك فوتي بدلي وما بدي شوفك بهالمنظر اي صح اهلي قربو يجو روحي ساعدي اسيل بالطبخ
ايمان. بس ما قلتلي عجبك الفستان هادا جبتو لما رحنا مع اسيل
(بعصبية) يزن. ايمااانن

اتسللت من قدامو بهدوء شوي شوي وهي عم تستفزو بحركتها وعم تستلذ بتعزيبو
متل ما تركها تصارع لحالها عم تتركو بعد ما اقسمت عالانتقام

راحت لعند اسيل وهي مرتاحة كتير ومبسوطة

ايمان. شو اسيل بشو فيني ساعدك
(بصوت عالي) اسيل. لك يا امي خلص بقى ترك اختك وروح لعاب بعيد من هون
ايمان. ههههه لك شبك اسيل هلكتيني بصوتك العالي
اسيل. انا صوتي عالي😳
(بضحكة باردة) ايمان. كتييير وخصوصي عالتليفونات😉
اسيل. عنجدد وبيوصل حكيي لعندكون
(استنت شوي وتطلعت بأسيل) ايمان. لااا لا تخافي انا ما بدقق بس صوتك عالي كتير😉
(بتوتر) اسيل. ههههه اول مرة حدا بيقلي هيك
ايمان. ههههههههه عم بمزح معك شبك صدقتي
اسيل. عم قول ههههه اي شو بدنا نطبخ
ايمان. شاكرية
اسيل. حلو كتير يزن كتير بيحبا على فكرة
ايمان. اممم اي منيح
ايمان. اسيل بدي اسألك كيف تزوجتي انتي وزوجك عن حب ولا زواجة اهل
اسيل. هههه لا شو عن حب بابا بيعرف زوجي ولما طلبني منو دغري وافق وتم النصيب
ايمان. اهاا يعني حبيتي بعد الزواج
(بتوتر) اسيل. شووو!
ايمان. هههه يعني حبيتي زوجك بعد ما تزوجتو شو شووو😅
اسيل. اي يعني هيك شي بس كنت شاردة شوي ما انتبهتلك
ايمان. اها مو مشكلة

ايمان مصرة تستفز اسيل واسيل عم تحاول كل جهدا لتسكر عالموضوع وما تفتحلا مجال طول مانون عم يطبخو وايمان عم تسمع حكي لأسيل وتلمح لتمت هالطبخة على خير

بعد ما اجو ابو يزن وام يزن تغدو كل العيلة بعدين تركوهون يرتاحو من السفر وكل واحد راح على بيتو

طبعاً ايمان من اول ما فاتت عالبيت راحت على غرفتها وسكرت عحالا الباب فردت كتبا وبلشت تدرس كان عليها ضغط كبير بما انو كل الطلاب مبلشين قبلا

هلق فينا نقول انو الجامعة غيرتلا حياتا لأيمان وقلبتها وحدة تانية الشي الي خلا يزن ينبسط ويزعل بنفس الوقت بلشت تتعود عحياتا الجديدة وكان بأستفزاز يزن واللعب بأعصاب أسيل كل فترة متعة بالنسبة ألها

بس كان اغلب تركيزا عجامعتا وما بقى تهتم كتير متل اول

حسام. ايمان ايمان بشو شاردة
ايمان. هههه لا ولا شي شو وصلنا
حسام. عم قلك رح امرق عالمشفى تفوتي معي ومنو بتشوفي يزن
ايمان. اي اوك ليش لاء بروح
حسام. اي تمام ماشي بفوت معك وبشوف المشفى

فاتو ايمان وحسام عالمشفى كانت مشفى كبيرة كتير واسعة وديكوراتا كتير حلوة

ايمان. ماشاء الله كل هي المشفى ألكون
حسام. هههه اي ليه استغربتي
ايمان. ما استغربت بس حبيتا حلوة
(أشر بأيدو) حسام. حدا بيحب المشفى ليكي ايمان هاد مكتب يزن
ايمان. اي لكن رح فوت لعندو شوي بين ما تخلص
حسام. اوك بس خلص بمرق لعندك
ايمان. اي تمام

ضلت ايمان مكفية بطريقها لوصلت لمكتب يزن اجت لتفتح الباب وتفوت فجأة قطعها صوت أنثوي ناعم

م. يا مدام الدكتور هلق عندو اجتماع
ايمان. عفواً
م. ليال انا ليال سكرتيرتو للدكتور يزن وهو هلق بالاجتماع وفيكي تستني هون ازا بدك
(مدت ايدا) ايمان. ايمان زوجتو ليزن
ليال. تشرفنا
ايمان. لكن رح بستناه عندك
(بأبتسامة ناعمة) ليال. اكيد هو شوي وبيخلص
كأنو انتي ما سبق واجيتي عالمشفى
ايمان. لا هي اول مرة بس ان شاء الله رح تصيري تشوفيني
(بتردد) ليال. هههه بتمنى صراحة بدي اسألك سؤال ومترددة
ايمان. لا اتفضلي اسألي
ليال. يا ترى انتي فحصتي دم
ايمان. هههه ليه لأفحص
(بكلمات مقطعة ) ليال. يعنييي ققصدي انو يكون الدكتور ناقلك العدوى
ايمان. عدوى!!
ليال. عدوى الايدز

تبدلت ابتسامتها بسرعة هي آخر كلمة كانت مركزة عليها ايمان ومن بعدا صارت تسمع حكي مو مفهوم وتنطق بكلمات مبعثرة كأنو فقدت الوعي بهالكلمة الي غيرت كل موازينها ورجعتها لصراع اكبر بكتير من صراعها الماضي هالمرة ممكن يكون صراعها مع الموت؟!!.....#يتبع
#علقم_القلب_بقلم_رومانتيكا
الجزء التاسع............

بعد دقايق قدرت تجمع حروفا بعد ما شافت يزن طالع هو وواحد تاني من مكتبو ستنت لصار يزن لحالو ودخلت عمكتبو سكرت الباب وعيونا عم يقدحو شرار

(رفع راسو وتطلع عليها بأستغراب) يزن. ايمان ليه ما قلتيلي انك جاية لهون
(بصوت مبحوح) ايمان. ليه عملت فيني هيك
(قرب منها وحط ايدو عراسها) يزن. شبك ايمان فيكي شي
(بصوت عالي) ايم

10+11+12+13+14(كاملة)
#علقم_القلب_بقلم_رومانتيكا
الجزء العاشر............

(حطت ايدا عتما) ايمان. شوو هاد

(ببرود) يزن. صورك

ايمان. بعرف انون صوري شو جابون عموبايلك

(بضحكة باردة) يزن. بيكفي ايمان حاجة تغشمي حالك ههههههه هههههه
شكلك ما كنتي متوقعة هالشي من حبيب القلب

(ضغطت عسنانا بقوة) ايمان. يزن هلق بدك تفهمني شو قصدك

سحبت الهاتف من ايدو وهو استسلملا بسهولة حطت ايدا عتما وصارت تقرأ محادثات لأول مرة بتشوفا بحياتا كانت وسخة كتير

ايمان. اسيل والله هي اسيل اسيييل

زتت الهاتف ليزن وصارت تركض وتصرخ بأسم اسيل صارت تدق الباب بقوة لحتى فتحتلا حبستا من رقبتا وثبتتها عالحيط

اسيل. لك مجنونة بعدي عني لك شو عم يصير معك عم قلك بعدي
حاج تنجني

ايمان. ما بسمحلك اسيل ما بسمحلك تطعني بشرفي فهمتي انا صبرت عليكي كتير بس ما توقعت توصل وساختك لهون

(بعصبية) اسيل. ايمان ما بسمحلك تغلطي عليي فهمتي

ايمان. ههههه لا يا حبيبتي بدك تسمحيلي يا محترمة انا الي ما رح اسمحلك تعملي عملتك وتزتيها عليي
لك كيف كيف طاوعك ضميرك تبعتي صوري يااا بنت حمايي يا اختي كيف سمحتي لحالك تحكي بأسمي كيييف

اسيل. هههههه مرت اخي عنجد ضحكتيني قصدك مرت اخي عالورق مو هيك مبالك ما بعرف يااا هههههه مرت اخي المحترمة

(ضربتها كف على وجها) ايمان. انتي فعلاً بلا شرف هلق بدك تعترفي بالحقيقة وقدام الكل

(حطت ايدا عوجها ونزلت دمعة من عيونها) اسيل. عم تضربيني هيك يا ايمان وانا وحدة بلا شرف وانا طول عمري بقول عنك مؤدبة وما بيطلع منك هيك شي

(بصوت عالي) يزن. ايماااان
انقلعي من بيتي

(حطت ايدا عكتفو بشماتة) اسيل. طول بالك اخي يمكن ايمان معصبة شوي

يزن. اسيل لا تدخلي وانتي انقلعي من خلقتي

لملمت جروحها فاتت عغرفتها وتطلعت عمرايتها بتحدي ضبت تيابها وحملت شنتتها وطلعت مرقت من قدامو بقوة بتحدي وبسحرها المتعارف كان ساكن متل الحجر غمض عيونو وستناها لمرقت فتلت وشا لعندون

ايمان. بخاطركون

صارت تتفتل بالشارع وحيدة ما الها حدا غير حالها حاولت تتواصل مع اهلها بس كانت الشبكة ضعيفة ضلت عم تمشي لحتى حست بأيد عكتفا

ايمان. حسام هادا انت
حسام. ايمان انتي منيحة
ايمان. اي كتير منيحة
حسام. طيب ليش طالعة لحالك لوين رايحة
ايمان. ما بعرف
حسام. كيف يعني ما بتعرفي
ايمان. تركني بحالي كمل طريقك
حسام. ايمان طلعي عالسيارة خلص انا رح وصلك
(فتحت باب السيارة وقعدت جمبو) ايمان. لوين رح توصلني فيك توصلني لعند أمي فيك ترجعني لعند عيلتي
(بتعجب) حسام. ايمان شو صاير معك ؟!
(مسحت دموعا) ايمان. سلامتك ما صاير معي شي
حسام. طيب برأيي خلينا نروح عشي مكان نشرب قهوة بتهدي اعصابك وبرجعك عالبيت
ايمان. لاء ما بدي ارجع عالبيت فهمت عليي خلي اسيل تتهنا ويزن يرتاح حسام ما بدي عزبك معي خلص وقف السيارة وانا بدبر حالي

حسام ضل سايق وما رد على حكيا طول الطريق وهو صافن لحتى وصلو على بناية كبيرة

حسام. يالله نزلي
(لحقتو وهي ساكتة)
حسام. فيكي تضلي هون مبدئياً صح صرلي زمان ماني جاي على هالمكان وكلو غبرا بس مبدئياً ماشي حال
(متفاجئة) ايمان. كتيير حلوة لمين هالشقة بتجنن
حسام. الي بس صرلي فترة ما عم بجي لهون
ايمان. شكراً كتير حسام عنجد انا لولاك ما كنت رح اعرف شو اعمل بحالي عنجد بتشكرك من كل قلبي
(بأبتسامة) حسام. ولوو ولا يهمك هي المفاتيح والسوبر ماركت براس الشارع طبعاً اي شي بتحتاجي لا تتردي انا موجود
ايمان. اوك شكراً
حسام. اوك بخاطرك انتبهي عحالك
ايمان. الله معك

سكرت الباب وصارت تتفتل بالبيت الي عبيان غبرا مسحت الغبرا وفتحت كل الشبابيك ليتعقم البيت بعد ما نضفت كان البيت كتير انيق ومرتب بس شعور الوحدة كتير صعب عليها وانها تقدر تعيش بهالمكان لحالا كان شي شبه مستحيل بالنسبة لألها وخصوصاً انو ما كان عندا دخل ليعيشها وما رح تقدر تتأقلم مع يزن بنفس المكان بعد ما قررت انا تشيلو من قلبا ومن عقلا

الأفكار عم تتخبط براس ايمان وحاسة حالا مربطة ومو قادرة تعمل شي حست انو احسن خيار بالنسبة لألها هلق انو ترجع عبلدها بس تزكرت انو جوازا السفر مع يزن خافت يستغلا في دغري دقت لحسام

ايمان. الو مرحبا حسام

(بصوت مبحوح) حسام. اهلين ايمان كيفك

ايمان. الحمدلله تمام بس ليه هيك صوتك

حسام. لا تهتمي تخانقنا انا وأخي

ايمان. يمكن اتصلت بوقت غير مناسب كنت بدي اطلب منك طلب بس ولا يهمك مو ضروري هلق

حسام. لا ابداً طلبي ولا يهمك

ايمان. حسام بدي ياك تساعدني لو سمحت بعرف عم تقل عليك بس والله مضطرة

حسام. لا ولو اكيد ما بقصر

ايمان. الصراحة انا قررت ارجع لعند اهلي خلص انا مستحيل اقدر عيش هون بس المشكلة جوازي السفر عند يزن وما بعرف كيف رح جيبو ف بدي مساعدتك

حسام. كييف بدك ترجعي لعند اهلك؟!
لك والله انتو رح تجنوني

ايمان. خلص حسام انسى اني طلبت منك مو مشكلة رح دبر حالي

حسام. لحظة لحظة
طيب انتي بتعرفي وين حاطو

ايمان. الصراحة لاء بس عالاغلب بخزانتو في شنتة حاطط في

ها كل اوراقو المهمة

حسام. طيب رح حاول جبلك ياه بس بالأول بدي اعرف شو صاير بينك وبين زوجك صراحة ما كنت حابب اتدخل بس شكلو الموضوع كبير

(بأستهتار) ايمان. ههه مو لحتى يكون زوجي بالاول

حسام. شو قصدك ايمان فهميني

ايمان. ههه مو مهم رح تفهم كل شي بوقتو لا تشغل بالك

حسام. طيب بشوف شو بيصير وبحكي معك

ايمان. طيب بتشكرك كتير على وقفتك معي

حسام. اهلا وسهلا رح مر الصبح وصلك عالجامعة

ايمان. اوك ...تصبح عخير

حسام. وانتي بخير

بعد ما سكرت ايمان ضلت تتقلب بالفرشة ومو جاييها نوم بعد الي صار معها كل الاحداث اجت عليها ورا بعضا الشي الي خلا ايمان القوية تظهر و الي خلا قلبا متل الحجر ما بيهزو ريح
ضلت عم تتقلب بالفرشة وتقنع حالها انها مو وحيدة بهالمكان الفاضي لقدرت تسيطر على كل افكارها وتغفى

تاني نهار الصبح فاقت نشيطة شربت فنجانها القهوة وصارت تستنى بحسام ليجي بس مرقت اول ساعة وحسام ما بين حاولت تتصل عليه بس كان موبايلو مغلق الشي الي شغل بالا وخلاها مو مرتاحة

بعد نص ساعة سمعت دق عالباب راحت تركض وفتحت الباب وحتى قبل ما تسأل مين

ايمان. لك حسام ليه هيك طولت انش

انقطعت حروفا لما لاحظت انو الواقف عالباب مو حسام كانو واقفين ومنظرهن مو طبيعي......#يتبع
#علقم_القلب_بقلم_رومانتيكا
الجزء الحادي عشر..........

ايمان. اهلا وسهلا ليش واقفين عالباب اتفضلو

ايمان كانت مستغربة من جية بيت عما مع حسام قبل ما يحكي ابو يزن

ابو يزن. كيفك يا بنتي طمنينا كيف وضعك

ايمان. الحمدلله انا تمام انتو كيفكون

ام يزن. الحمدلله نحنا بخير

ابو يزن. يا بنتي الصراحة نحنا اجينا لعندك لنحكي معك بموضوع مهم

(قاطعتو) ايمان. عمي ازا جايين بخصوصي انا ويزن ف بحب قلكون انو الموضوع انتهى عندي

(تنهد تنهيدة طويلة وتابع حكيو) ابو يزن. ما دخل يزن نحنا جايين بخصوص شي تاني

ايمان. تفضل عمي عم بسمعك

ابو يزن. يا بنتي نحنا منعرف انو ايمانك بالله قوي وانو الله ما اخد مننا شي الا ليعوضنا بالأحسن

(بكلمات مقطعة وخوف ظاهر) ايمان. عمي شو قصدك لو سمحت وضح

ام يزن. يا بنتي انتي ايمانك بالله كبير وبتعرفي انو الموت حق على كل البشر

ايمان. مين مات ميينن؟!!

ابو يزن. العمر الك يا بنتي اهلك عطوكي عمرون الله يرحمهن ويتقبلهون من الشهداء

وقعت الكلمة عقلبا متل السم الي عم يستنا فرصتو ليقتلها بالكامل كانت صدمة ما بتنوصف صارت تصرخ ومو وعيانة عحالا شو عم تحكي
صوت اما الي عم تقلا كوني قوية لساتا عم تسمعو جنانها عأبوها لما لفت المحرمة وقالتلتو انك مقمل حضن اما الدافي لسا عم تحس في كل المشاهد عم تتخربط براسا وضحكات عم تطوف بمسمعها فجأة تحولت لصرخات من القهر والوجع

هالمرة ما كانت قادرة تطالع صوتا او حتى تبكي كان صوتا اضعف من انو يصرخ فاقت لقت حالا بالمشفى بين اجهزة الانعاش والدكاترة والممرضين

كانت عم تشوف يزن قدامها او يمكن خيالها رسملا يزن اول ما فتحت عيونا

يزن. ايمان ردي عليي انتي منيحة ايمان
(بصوت مبحوح) ايمان. يزنننن انا شو جابني لهون
(حط ايدو عأيدها وضغط عليها بقوة) يزن. انا هون ايمان انا هون
ابو يزن. الحمدلله فاقت
ايمان. يزنن انت هون
يزن. انا هون ايمان بوعدك ما رح اتركك
ايمان. عمي عمتي حسام لا تصدقو كزاب عم يكزب عليكون هو رح يتركني ورح يتركنا كلايتنا

ام يزن. خلص بنتي لا تحكي وتتعبي حالك يزن خليك برا احسن

(بصوت متقطع) ايمان. لاء شبعو منو الموت صعب صعب كتيير هو عم يكزب عليكون ما قلكون انو رح يموت

ابو يزن. عمي الله يوفقك حاج تحكي

ايمان. عمي انا عنجد عم بحكي هو معو ايدز رح يروح لعند اهلي ويتركون

(حطت ايدا عتما) ام يزن. شوووو

(ضغط عشفايفو بقوة) يزن. امي لا تصدقيها هي تعبانة مو وعيانة عحالا

(والدمعة براس عينا) ايمان. لا تصدقو عم يكزب كزب عليي وقلي رح يجبلي اهلي وعم يكزب عليكون صدقوني

يزن. مستحيل تكون وعيانة

ايمان. صدقوني هي اكتر لحظة بوعا فيها وازا مو مصدقيني خلو يحلل دم وتأكدو

جيبولي امي الله يوفقكون مستحيل تكون تركتني لحالي خدو ابنكون وجيبولي امي

عم تحكي بكلمات مو مفهومة عيلة ابو يزن عم يحاولو يكذبو الشي الي سمعو يزن عم يحاول يتفادى نظرات الكل مافي شي طبيعي بهاليوم وكم الصدمات كان كبير كتير عالكل

ايمان ضلت يومين بالمشفى وبيت عما ما تركوها لحالا حتى بعد ما عرفو بمرض ابنون الي قصم ضهرون الا انون ما تركو ايمان بمحنتها ما بقى شافت يزن بعد هداك اليوم

بعد ما طلعت من المشفى ضلت شهر حابسة حالا بالبيت ما قبلت تروح عبيت عما مشان ما تواجه اسيل او يزن حسام كان يزورا كل فترة ويجبلا كل شي ناقصها بس ما حب يضغط عليها

حسام. ايمان كيفك اليوم طمنيني
ايمان. الحمدلله ماشي حالني انت كيفك
حسام. الحمدلله
ايمان. شو ليه هالمرة جاي لحالك
حسام. الصراحة اهلي مسافرين اخدو يزن على دكتور كتير شاطر
ايمان. اهاا وكيف صار يزن
(بحزن) حسام. متل ما تركتي اول كم سنة ما بتضهر اعراض المرض
بس بعدين ما بعرف شو بي

صير
ايمان. اي بيعين الله
(حاول يتفادى الموقف ببسمة) حسام. عفكرة اليوم لازم تنبسطي
ايمان. وليش بقى
(طالع اوراق وجواز سفر من جيبتو وعطاها ياهون) حسام. اتفضلي هدول الك
ايمان. جوازي السفر !!
حسام. اي يزن قلي رجعلك ياه
ايمان. هههه خلي معك او رجعلو يا ما بقى ينفعني
(تطلع عليها بأستغراب) حسام. !!
ايمان. لا تستغرب انا ما بقى بدي ارجع الي كنت رح ارجع مشانن تركوني وراحو ما عندي القدرة ارجع عمكان يزكرني بتفاصيلون عم تفهم عليي
(بأبتسامة هادية) حسام. طولي بالك
(غيرت الموضوع) ايمان. ولشو هدول الأوراق شو فيهون
حسام. افتحيون بتعرفي شو فيهون
(اول ما فتحتهون ترددت بمشاعرها ما عرفت حالا متدايقة او لاء اخفت كل شي بقلبا بأبتسامة باردة) ايمان. اوراق طلاقي!!
حسام. اي المفروض يعطيكي ياهون يزن بس هو بيتمنالك حياة سعيدة من كل قلبو
(بتردد) ايمان. اهاا شكراً وانا كمان هيك
حسام. ازا بتحبي وقعيون وخلينا نسلمهون لحتى تكوني حرة
(مسكت القلم بأيدا الي عم ترجف القلم كان عاجز يرسم توقيعها دغري حطت ايدا ععيونا ومنعت دموعها انون ينزلو رسمت توقيعها بصوبة ووجهت الورق لحسام) ايمان. اتفضل حسام هي الاوراق
حسام. يالله لكن بشوفك بعدين ايمان برأيي لازم امرق عليكي بكرا مشان تكملي جامعتك
(هزت راسا برضا) ايمان. ماشي رح ارجع
(قبل ما يمشي وقفتو) ايمان. لحظة حسام
(التفت بأتجاهها) حسام. خير ايمان في شي
(بتردد) ايمان. اسيل
حسام. شبها اسيل!!
ايمان. انت بتعرف الشي الي صار بيني وبين اسيل مو هيك
(هز راسو وبأبتسامة) حسام. لا تخافي رح يبين كل شي
ايمان. يعني اسيل قالتلك بيلي صار
حسام. مو مهم حكي اسيل المهم الحقيقة اسيل حكت للكل وحتى على زواجكون انتي ويزن
ايمان. يعني انت مصدقني
(غمزها) حسام. طبعاً تأكدي انو رح تبان الحقيقة صدقيني
(برضا) ايمان. ان شاء الله

بعد ما راح حسام ايمان قعدت عالصوفا وصارت ترتب افكارها حسام قلا رح تبان الحقيقة ويزن طلقها يعني رح تصير حرة بس ليش في غصة بقلبا مو قادرة تروح مسكت دفترها الي كان صرلا اكتر من شهر ما ماسكتو وصارت ترسم بحروفا

((ما زال الطريق طويل ومتاهاته كثيرة لا اعلم من انا وكيف وصلتُ إلى هنا أأنا في الفراغ !!
ما زلت ابحث عن بقايا رمادٍ متلاشي عن اللاشيء في الوجود ابحث عن سكون داخل الصخب وسمفونية في السكون يقيني انني سأجد ذاتي في اقصى معاناتي وما بعد الطوافُ إلا أجملَ حياتي))

سكرت دفترها ونامت بعمق بعد ما قدرت تتخلص من كل افكارها وتطردها برا راسها

كان المفروض تبلش دوامها بالجامعة من جديد الكل كان عم ينتظرها وهي متفائلة من هاليوم

ايمان. صباح الخير حسام
حسام. صباح النور شو كيف الهمة
ايمان. الصراحة متفائلة وحاسة براحة
حسام. اي حلو كتير اي صح بدي خبرك هلق انتي صرتي حرة
(بتوتر) ايمان. يعني شو قصدك
حسام. يعني خلص تطلقتي ومقدمك ومأخرك رح تاخدي كامل
(خفت توترها بأبتسامة ناعمة) ايمان. اي كتير منيح بتشكرك حسام لوقفتك معي بعد ما عرفت بالحقيقة وانو زواجنا ما كان حقيقي
حسام. لا تحكي هيك انتي ما كان الك ذنب بهالشي الحق على اخي لحتى ما يعرفو اهلي الحقيقة تزوجك ومالك ذنب واستخدمك اداة لكزبو
(بحزن) ايمان. لا تحكي هيك عأخوك انا عنجد ما بدي يصير بينك وبينو مشاكل بسببي هو صح غلط غلطة كبيرة بس بيضلو اخوك الكبير
حسام. ولا يهمك لا تشغلي بالك
ايمان. اي صح حسام انا ما بدي اقعد بشقتك بلا مقابل
حسام. هههههه شو قصدك
ايمان. يعني بدي ادفع اجار قعدتي لحتى كون مرتاحة لانو صراحة حاسة حالي مو مرتاحة
حسام. لك بربك ما هي فيكي وبلاكي كانت مسكرة
ايمان. حتى ولو خليني كون مرتاحة
حسام. طيب وكيف رح تدفعيلي الأجار
ايمان. ما قلتلي رح اخد مقدمي ومأخري بدفعلك منو لبين ما لاقي شغل مبدئياً
حسام. اووف ما اعندك
ايمان. حسااام
حسام. خلص متل ما بدك

قطعهون رنة موبايل حسام
(تبدلت معالم وشو) حسام. الو اي انا حسام
ايمان. حسام شبك شوفي
حسام. يزن
ايمان. شبوو!!.....#يتبع
#علقم_القلب_بقلم_رومانتيكا
الجزء الثاني عشر.........

((بعد سنتين))

كنت متخيلة انو الطريق وقف عند هديك النقطة كان بيتهيألي انو وقفت حياتي عند يزن الناس عم تمشي وانا واقفة بنص الطريق ما توقعت ابداً انو الظروف رح تجبرني كمل طريقي وانو الحياة ما بتوقف عند اي حدا حتى لو كان المعبر الرئيسي بحياتنا رح نضطر نكفي طريقنا ونقطعو
مع الوقت رح ننسى انو كان موجود اصلاً ونواجه مطبات طريقنا بدون ما نتأثر

طلعت من مكتبها عم تنادي للسكيرتيرة

رؤى. أمري دكتورة
ايمان. شفتيلي جدول مواعيد اليوم
رؤى. اي طبعاً ضل عندك موعد واحد وبتخلصي
ايمان. اي ساعة الموعد
رؤى. الصراحة بعد ساعتين
ايمان. كتير منيح الموعد هاد مهم ولا مو كتير
رؤى. لا مو مهم كتير
ايمان. طيب فيكي تأجليلي ياه لو سمحتي
رؤى. اي طبعاً فيني أجلو بس خير مدام فيكي شي حاستك مو عبعضك
ايمان. ههههه لا ما فيني شي بس رح روح اليوم زيارة عالمصح
رؤى. حلو كتير الله يوفقك يا رب
ايمان. تسلمي

الجزء الأول+الثاني+الثالث+الرابع
#علقم_القلب_بقلم_رومانتيكا
الجزء الأول.......

ام سيف. شو امي شو قلتي؟!!
ايمان. لاء امي لاء يعني لاء
ام سيف. لك ليش لاء ليش ؟؟
ايمان. امي انتي بتعرفي شو وجهة نظري بالزواج ما بدي
ام سيف. بس هادا مو ايا زواج
ايمان. لانو مو متل ايا زواج زاد أصراري بالرفض
ام سيف. طيب لييشش
ايمان. شو ليش كيف رح سافر برا البلد واتركون والله بجن لحالي بعدين جامعتي مستقبلي طموحي كيف بدك ياني استغني عن كل هي الشغلات
ام سيف. لك بنتي البلد على كف عفريت وازا ما طلعنا منا اليوم رح نطلع بكرا وانتي بتعرفي هالشي انتي كبرتي لم شمل ما بقى يحقلك وبالنسبة للدراسة انتي بتعرفي انو فرصتك للدراسة هناك احسن بمليون مرة
ايمان. طيب كيف بدك ياني اتركون وروح لعند واحد ما بعرف عنو شي
ام سيف. الجماعة انا بعرفون وجايين هلق زيارة عالبلد كانو جيرانا قبل ما تطلع المنحة لأبنون ويسافرو برا البلد يعني هلق بتنخطبو فترة وبتتعرفي عليه
ايمان. قصدك على جيرانا بيت ابو يزن الي سافرو من عشر سنين
ام سيف. ايوا بالزبط كان عمرك عشر سنين لما سافرو امي فكري بالعقل ما ممكن نحنا كمان نلحقك ونسافر لعندك
ايمان. طيب هيك من دون ما نشوف بعض حتى
ما لازم نشوف بعض نقعد مع بعض نشوف ازا عقولنا بتطابق او لاء
ام سيف. هو شافك بالمكتبة وعجبتي وازا بدك بفرجيكي صورتو لانو مو حلوة اقلون تقعدو مع بعض
ايمان. كييف شافني بالمكتبة؟!
ايمان. طيب خلص قوليلون اني موافقة بس بشرط كمل تعليمي

بعد اصرار واقناع من ام سيف اقتنعت ايمان بهالجوازة مع انو كان صعب عليها تترك اهلها وتسافر بس كان عندا يقين انو بهي الخطوة رح تشيل عبئ عن اهلها الي يا دوب عم يقدرو يأمنو لقمة الخبز
بعد يومين ام سيف ردت خبر للجماعة انون موافقين واتفقو يجو ليلة الجمعة يتفقو عالتفاصيل ويقرأو الفاتحة
بيت ابو يزن كان عندون ولدين وبنت يزن وحسام واسيل كانت حالتهون المادية كتير منيحة وولادون كلون دكاترة ومهندسين

اما ايمان كانت تشتغل بمكتبة المسا بعد دوام الجامعة لحتى تقدر توفي اقساط جامعتا داخلة طب بمعدل عالي بس ما كان الحظ حليفها بهالدنيي كانت مراهنة على نفسا انو اهم الشي بهالدنيي دراستها دراستها وبس

م. أووووو انتبهي يا أنسة
ايمان. أسفة والله مو بقصدي وقع الكتب عليك
بصوت عالي م. شو ما بقصدك شوفي شو عملتي
ايمان. اي ما صار شي مافي داعي للصراخ
م. اسف ما كان بقصدي صرخ عليكي
ايمان. ماشي ولا يهمك مو مشكلة

نفض تيابو من الغبرة وطامل عالأرض رتب الكتب وعطاها ياهون

ايمان. شكراً
مافي داعي تعزب حالك

تجاهل كلاما وببرود اختار كتاب من بين الكتب وقعد على طاولة على جنب بهدوء

ايمان (بعقلها). العما حتى ما قال اهلاً على شو شايف حالو

كان شب أسمر طويل وكتافو عريضة عيونو لحالن بتحكي قصة وأناقتو بتسحر بعد ما فاقت ايمان من سرحتها انتبهت انو خلص دوامها
صار لازم ترجع عالبيت وتجهز حالها لحتى يجو بيت ابو يزن ويشوفوها

لبست فستانها الطويل السماوي الي بيعكس شخصيتها وحطت حجابها كانت متلبكة كتير وخايفة وقفت ورا باب غرفتها وصارت تراقب اهلها وتستنا لتناديلا اما ركزت نظرها عالجماعة حتى شافت شي غريب كان نفسو نفس الشب الأسمر الطويل الي شافتو بالمكتبة مو معقول على هالصدفة ما كانت متوقعة تشوفو ابداً كان متغير كتير حتى انو ما عرفت تميزو حسام او يزن بس يا ترا هو الي رح يخطبها ولا التاني

فاتت عالصالون بعد ما نادتلا اما عملت قهوة وضيفتهون وبعدا قعدت عالصوفا وعيونا بالأرض من الخجل اتفقوا عالتفاصيل حددو المهر المقدم والمأخر وموعد كتب الكتاب بس كان عندون طلب واحد انو ما يعملو حفلة خطبة والعرس يتمو بيوم واحد لانو ما معون وقت غير شهر ليضلو بالبلد مع انو شهر واحد مو كافي لايمان ولسا ما جهزت حالا بس وافقو على طلبهون كانت ايمان مزعوجة من هالموقف ومدايقة من اهلا كيف وافقو انو الخطبة تتم شهر واحد بس وبنفس الوقت عم تستنا اشارة لتعرف مين هو الي رح يصير زوجها لحتى نطقت ام يزن

ام يزن. يا جماعة انا برأيي نخلي العرسان يقعدو مع بعضون لحالون شوي
ابو سيف. اي طبعاً خليون يقعدو لحالون
تطلعت ام يزن وأشرت على يلي قاعد جمبا ام يزن. ماما يزن اتفضلو انت وخطيبتك قعدوا عالبلكونة برا

كان هو نفسو نفس الشب الي شافتو بالمكتبة طول ما هنن قاعدين وهو ساكت ايمان عم تفكر انو يمكن خجلان او هيك طبيعتو ساد الصمت بيناتون لدقايق بعدين قطعو يزن

يزن. انا يزن عمري 25 سنة طولي 180 ودارس طب
بعقلا ايمان. ما اغلظك شو بدي بطولك انا😒
يزن. ؟؟!
بأبتسام ناعمة وبصوت واطي ايمان. تشرفنا
وانا ايمان عمري 20 سنة وعم بدرس طب
يزن. حلو كتير متلي منتساعد بالمستقبل😉
انتي تخصص قلب وشرايين وانا جراحة
ايمان. اها الله يوفقك
يزن. يوفقنا😊
ايمان. عفكرة استغربت لما شفتك اليوم
يزن. ههههه قصدك بالمكتبة ولا هون
ايمان. لا اكيد هون يعني ما توقعت ارجع التقي فيك
يزن. عفكرة كانت مو اول مرة بروح عالمكتبة
ايمان. اهاا وان

ا عم قول كيف امي قالت انو شفتني بالمكتبة بس انا ما كنت شوفك
يزن. ما بحب بين😉
بس اليوم قصداً بينت لحتى خليكي تستغربي😊

مضت السهر وهنن قاعدين مع بعض ما كانو حاسين بالوقت كان عم يمرق بسرعة كبيرة اتفقو اهلون انو بعد يومين يروحو يشترو الدهبات ويكتبو كتابون بنفس اليوم مرت الساعات بسرعة وكل واحد مخبي يلي براسو
كانت ايمان واقفة قدام المراية وعم تلف حجابها سرحانة بمستقبلها

ام سيف. يالله بنتي استعجلي شوي لانو ابوكي قاعد مع بيت حماكي لحالون
ايمان. ليكني خلصت

طلعت ايمان عالصالون ومنزلة عيونا عالأرض سلمت وقعدت بهدوء

ام يزن. شو ايمان كيفك اليوم
بخجل ايمان. الحمدلله خالتي تمام
ام يزن. شو جاهزة يا بنتي
ايمان. اي خالتي جاهزة
ام يزن. يالله لكن يا بنتي هي اجا يزن فتحيلو الباب
يزن. مرحبا ايمان
ايمان. اهلين يزن
يزن. كيفك
بأبتسامة ناعمة ايمان. الحمدلله تمام اتفضل
يزن. السلام عليكم يا جماعة
الكل. وعليكم السلام
ابو يزن. يالله لكن خدو ايمان وام سيف ونزلو عالسوق بين ما انا واخي ابو سيف نحكي مع شيخ ونرتب الامور هون
ابو سيف. التيسير على الله
ابو يزن. ونعم بالله

وفعلاً انقسمو قسمين قسم بالبيت وقسم مع ايمان بعد ما اشترو الدهبات وكل شي تم على أكمل وجه ومتل ما بدون ايمان اشترت اواعي بحياتا ما كانت تحلم فيهون وحماتا بس بدا رضاها حستا كتير حنونة معها وما تقلا غير يا بنتي انكتب كتابون وايمان بين شعور الفرح والخوف الي متملكها لحياتا الجاية الي رح تكون بلا اهلا
يزن جبلا موبايل وسجلا عليه رقمو مر أسبوع على خطبتهون وهنن عم يحكو مع بعض ويتعرفو عشخصية بعض بأسبوع صار تغيير كبير بحياة ايمان بلشت تعجب بشخصية خطيبا و كانت تنتظر رسائلو بفارغ الصبر كانت عم تلعب بالموبايل وزهقانة بالسهرة اتفاجأت ولا بيرن موبايلا فتحت وهي طايرة من الفرح على امل انو يكون يزن بس الي باعتلا كان رقم غريب

م. الو مساكي يا حلوة
يا حلوة مين ممكن يكون
ايمان. اهلين ..مين معي؟؟
م. ههههه مين معك انا حبيبتو ليزن...
ايمان. خير ليه عم تحكي معي
م. هيك بدون سبب قلت بطمن عخطيبة حبيبي ممنوع؟؟
ايمان. ازا بقصدك تستفزيني فبتكوني مخربطة بالنمرة لانو خلص حبيبتي انتي صرتي ماضي ومافي شب ما كان يحكي مع بنات
م. ههههههه يحكي عنجد ضحكتيني هههههههههه
ايمان. ؟؟
م. ولا شي يا قلبي لا تشغلي بالك بس حبيت احكي معك لخبرك انو انا مو بس ماضي ليزن انا حاضرو ومستقبلو كمان😍😍
ايمان. اي الله معك باي بيبي احلام سعيدة
م. ههههه طيب ابقى سلميلي على يزن اوك😉
وثبتي رقمي عندك خلينا عتواصل انا ميرة...ميرة الأميرة هههههههه

ايمان دغري وبدون ما تفكر صورت الشاشة عندا وبعتتا ليزن

ايمان. الو يزن مسالخير
يزن. اهلين مساكي
ايمان. يزن مين هي مين ميرة؟؟!
يزن. ههههه ميرة!!
يا ستي ميرة ماضيي وحاضري ومستقبلي....#يتبع
#علقم_القلب_بقلم_رومانتيكا
الجزء الثاني.........

الدمعة وقفت براس عينها وصارت افكار تاخدها وافكار تجيبها

يزن. هههههه شبك وين رحتي شكلك غرتي😉😊
عم امزح معك ما هي هيك عم تقول
ايمان. هون ما رحت اي طيب مين هالبنت
يزن. طنشيها لا تردي هي بنت كنت احكي معها من زمان وما بتعتقني كل فترة بترجع بتحكيني وانا ما برد عليها
ايمان. طيب شو كان قصدا بانو انت حاضرها ومستقبلها
يزن. طنشيها حبيبتي هي عم تستفزك
ايمان. حبيبتك؟!
يزن. اي انتي حبيبتي وين الغريب بالموضوع
ايمان. لا مو غريب بس انو لحقت تحبني
يزن. اصلاً تأخرت انا حبيتك من لما شفتك اول مرة بالمكتبة
كنت قاعد عكرسي عجنب وعم بقرأ رواية عن الحب كانت اول مرة بروح عالمكتبة شفتك من بعيد حسيت فيكي كل الصفات الي مكتوبة بالرواية هدوئك ثقتك بنفسك وحتى عيونك وطلتك
خلتيني كل يوم اجي عالمكتبة ما اشتريت الرواية او استعرتا خليتا بالمكتبة وخبيتا عجنب صرت استمتع وانا عم بقرأها وراقب تفاصيلك من بعيد
ايمان. عنجد كل هاد طيب ليش ما كنت شوفك
يزن. لخلصت الرواية قررت اني ألحقك واعرف وين بيتك استغربت لما عرفت انو انتي نفسا ايمان الي كانت تنط بالحارة وتعبي الدنيي بصريخها الي كانت ما تخلينا ننام من صوتها
ايمان. طيب ما قلتلي ليش ما كنت شوفك
يزن. قلتلك بحب الزوايا بكره اني بين حتى اخر مرة قصدت انك تشوفيني وحتى انا الي خليتك توقعي الكتب
ايمان. ههههه شرير
يزن. خبرت امي عنك وهي انبسطت كتير لانو كان الها فترة عم تنق عليي مشان تخطبلي
ايمان. وتم النصيب
يزن. الحمدلله
بس ايمان حابب خبرك على شغلة مدايقتني
ايمان. شو هية؟
يزن. المكتبة ماني حابب انك تشتغلي فيها يعني انا لما حبيتك فيها شو بيضمنلي انو ما يحبك حدا تاني
استغربت ايمان من صراحتو
ايمان. بس انا ما بقدر اترك المكتبة
يزن. وليش بقى
ايمان. انت بتعرف انو صرلي شهر موقفة جامعة لانو اهلي ما معون يدفعولي اقساط الجامعة
يزن. بس انا بساعدك
ايمان. ما بدي شفقة من حدا انا بساعد حالي لحالي
بحزن. يزن. طيب متل ما بدك
ايمان. لا تكون زعلت!
يزن. لا ابداً بالعكس انا فرحت لان

شي عليها حتى بلشت تشك انو ما بقى بدو ياها طول هالأسبوعين ما تطلع من غرفتها غير لتاكل وتفوت عالحمام لحتى قررت توقف هالعزلة خلص ما بقى يهما شو ما بدو يصير يصير رتبت خصل شعرا المتناثرة وطلعت عالصالون

ابو سيف. لك ايمان تعي بنتي تعي ولك والله والك وحشة اشتقنالك يا بنت معقول الخطبة بتعمل كل هالشي
ايمان. باباااا
ابو سيف. تعي بنتي تعي فليني حاسس راسي عم يحكني
قربت ايمان من ابوها وصارت تفلي بين شعرو مسكت شقفة محرمة صغيرة كتير كعورتها وحطتها بين اصابيعها وصارت تنط وتصرخ
ايمان. لك قملة قملة لك امييي تعي تعي بسرعة شوفي زوجك مقمل ماما😂😂
ابو سيف. لك بس يا بنت بسس لك خلص زوقي
بصوت عالي. قملة قملة هي هييي قملة😂
رن هاتف ابوها ابو سيف(بعصبية). لك بس😡

رد ابو سيف عالاتصال وكل مالا معالم وشو تتبدل اكتر واكتر....#يتبع
#علقم_القلب_بقلم_رومانتيكا
الجزء الثالث.......

رد ابو سيف عالاتصال وكل مالا معالم وشو تتبدل اكتر واكتر

ابو سيف. اهلين اخي ابو يزن كيفك
ابو يزن. اخي حكيت معك لقلك انو حددنا موعد العرس بعد يومين
ابو سيف. شو عم تقول موعد العرس بعد يومين
طيب ليش ما خبرتونا قبل بوقت نحنا لسا ما مجهزين شي
ابو يزن. اخي نحنا مخبريكن من اول ما خطبنا بنتكون انو العرس بعد شهر
ابو سيف. اي بعرف انكون قلتو بعد شهر بس ما حددنا موعد نهائي
ابو يزن. هلق خبرنا انو رح نسافر بعد اسبوع وما ضل وقت غير بعد يومين نعمل العرس
ابو سيف. طيب اجلو سفرتكون كمان شوي
ابو يزن. لا ما منقدر ضروري نرجع
ابو سيف. طيب اخي متل ما بدكون

ايمان كانت عم تتسمع عأبوها ومصدومة من الي سمعتو شو يعني متل ما بدكون ليش هيك عم يصير معها لييشش؟!

ايمان. بابا شو متل ما بدكون
ابو سيف. عرسكون بعد يومين
ايمان. شووو؟؟
طيب كيف ليش مالي خبر ليش؟
ابو سيف. قال لازم يسافرو بعد اسبوع ضروري وما كان معهون خبر
ايمان. بابا بترجاك ما بقى بدي خلص انا ما بدي اتزوج
ابو سيف. شو عم تقولي انتي هلق فطنتي شو بدك الناس تحكي علينا بعدين مافي سبب مقنع

ايمان تركت ابوها وفاتت عغرفتها طمرت حالها بحرامها مسكت موبايلا وقررت هالمرة تكسر نفسها وتحكي مع يزن

ايمان. مسالخير
يزن. اهلين
ايمان. انت ايمتا رجعت من امريكا
يزن. من اسبوع
ايمان. الحمدلله عالسلامة بس كان خبرنا😉
بعد يومين عرسنا؟؟
يزن. اي وين المشكلة
ايمان. يزن ممكن افهم ليه عم تعاملني بهالطريقة وليش متغير هيك
يزن. اسف بس مضغوط بالشغل
ايمان. طيب مانك حاسس انو مستعجلين بالعرس وليش ما اخدت رأيي
يزن. اهلي الي حددو العرس مو انا وما ضل وقت لانو لازم نسافر
ايمان. اوك تصبح عخير
يزن. وانتي بخير

طفت هاتفها وحست حالا ضايعة ما عم تعرف شو بدا تعمل يعني بعد يومين عرسا مسحت الدمعتين العالقين براس عينا وطلعت لعند اهلا قررت تستغل كل ثانية معهون وما تتركهون ولا دقيقة لانو قرب الوداع المجهول

مرو اليومين بسرعة على ايمان وحاولت قد ما بتقدر ما تفكر بعرسها الي جاي وصار الموعد صار لازم تجهز حالا للوداع اليوم عرسها لازم تبين انو مبسوطة كتير وخصوصي قدام اهلها

راحت مع اما عالصالون عملت شعرا كيرلي وحطت مكياج ناعم لبست فستانها الابيض وحطت تاجها كانت متل الملكة

ايمان. امي كيف طالعة
مسحت دموعها ام سيف. بتجنني يا روحي
قربت عأمها وحضنتا بقوة وباست ايدا ايمان. الله يخليلي ياكي
ام سيف. انتبهي عحالك كتير منيح اوعك تخلي حدا يستغلك كوني قوية يا ايمان واوعك تضعفي
ايمان. ولو امي مافي داعي توصيني
الكوفيرة. اللهم صلي عالنبي طالعة بتجنني
ايمان. شكراً

مافي حدا بيشوفا الا بيصلي عالنبي كانت عهيئة ملاك مو بشر عادي
بعد ما خلصت بالصالون اجو يزن وامو واخدوها عالصالة كانت طالعة غنية وصلو العرسان لفارس كرم يزن مسك أيدا وباسها

يزن. طالعة بتجنني
ايمان. شكراً
ام يزن. بس يا ولد انا موجودة

ابتسم ابتسامة عريضة وفاتو عالصالة بلشو يرشو عليهون الورد حتى ملي فستان ايمان ورد مين ما شافون من بعيد بيفكرهن اسعد عرسان عوجه الارض

طلعو رقصو على اغنية اليسا عبالي حبيبي واهلون كانو عم يسقفولون من بعيد ومبسوطين فيهون

بعد ما قطعو الكيك خلصت الحفلة وصار وقت الوداع ايمان قربت لعند اهلا وحضنتهون بقوة ودموعا مغرقين عيونا

ابو سيف. دير بالك عليها
يزن. تكرم عمي ولو
ام سيف. الله يوفقك انتبه عليها ولا تزعلها

مسك ايد عاروستو وراحو عبيتون رح يقعد بفندق هاليومين بين ما يسافرو فاتو عغرفتهون الي كانت معباية بالبوالين الحمر والشموع عالأرض

ايمان. ياايي شو عامل
يزن. عجبتك
ايمان. كتيير حلوة انت عامل كل هاد
يزن. امي الي اهتمت بالتزيين
قرصها من خدودا يزن. مقدمة
ايمان. اهااا شكراً
يزن. انا رح فوت عالحمام ادا بدك تبدلي تيابك
ايمان. اوك ماشي

ايمان كانت خجلانة كتير بدلت تيابا بسرعة وستنتو لحتى يطلع

يزن. شو هالحلا ما عم اعرفك
بخجل ايمان. شكراً
قرب عليها شوي حط راسو عأيدها وصار يلعبلا بخصلات شعرا

يزن. ايمان
ايمان. اي
يزن. بدي تسامحيني
اي