استمر على هالحضن تقريبا خمس دقايق لينقطع الصمت بصوت قوي هز كيانهن هز.. زرع بقلوبهن وقلوب الكتيرين خوف كبير .
هالصوت سلب أرواح كتير ...اخد أطفال وفرق حبايب ..هالصوت يتم كتير ولاد هالصوت شرد العالم من بيوتها
انمحت البسمة من وجوه العالم ليرتسم بدالها خوف...صار الخوف مزروع بقلوبهن الخوف من المستقبل ..الخوف من الموت ...اي رغم انو الموت حق علينا...إلا انو الكبير قبل الصغير صار يخاف منو ....صار اكبر حلم عند أيا أم انها تعيش فترة طويلة لتقدر تكبر ولادها وما تيتمهن ع صغر ...
..
وطبعا أكبر خوف بقلبها كان بأنو تفقد ضناها بأي لحظة ...لعنة كبيرة حلت عَ الوطن ...لتمحي البسمة من وجوه كل شخص عايش فيها وترسم بدالها تجاعيد ..تجاعيد الهم والحزن
تجاعيد بتشرح قصة تعب ..وجع...حرمان .
الناس عم تموت عالبطيئ وكأنو عايشة #على_قيد_الوجع .
لحظات قليلة من الصمت والكتيرة من الخوف الظلام صار دامس بسبب قوة الأنفجار يلي ولد دخان قوي ..انمحت ريحة الياسمين وانتشرت ريحة الدم ،، وشو صعبة هاللحظة .
سيارات الأسعاف تجمعت وصياح الرجال عالي .
براءة شالت أيدها من أدنها وصارت تصرخ وركدت ناح الباب
.
براءة: اهلي ..اهلي ....زيد بترجاااك اهلي صلن شي
ياربي دخيلك شو هالصوت .
زيد : طولي بالك رح اتصل فوتي لجوااا
براءة: بدي روح عالبيت زيد بترجاك خايفة كتير .
زيد وهو ماسك الموبايل عم يحاول يتصل بأهل براءة
.
روقي عم قلك مستحيل اسمحلك تنزلي بهالوقت .
فتح الخط أحمد أبوها : زيد احكي ووينكن ...انتو مناح
عزيزة عم تبكي: دخيلك زيد طمني عن براءة
.
زيد : عمي مرت عمي اهدو شوي نحنا كتر مناح كنا بالسوق ولما سمعنا هالصوت ،، الحمدالله كنا بجنب بيتنا فَ طلعنا لهون .
لاتاكل همنا ..طمنوني انتو مناح
.
احمد: حسبي الله بس ..لكن لي ما بسمحلها تطلع من البيت، ،نحنا بوقت مالازم نطلع كتير من البيوت الا للضرورة
.
احمد عصب وضرب أيدو عالطاولة يلي إدامو وبسرعة مسح الدمعة يلي هربت من طرف عينو .
احمد : دير بالك براءة بأمانتك اليوم اوووعك ثم اوعك تخطو عتبة البيت مو ناقصنا نكون بشي نصير بشي
زيد: امرك عمي وهاد يلي رح اعملو الجو برا مكركب ،، شكلو انفجار بجنب المدرسة .
احمد :اطمنت ع أهلك
زيد : هلأ رح اتصل ...بدك شي عمي لازم سكر .
احمد :نتبهو ع حالكن
.
سكر الخط بسرعة واتصل بأمو وتطمن عليها وكانو كتير مناح حتا الصوط مو واصلهن بحكم المنطقة بعيدة شوي عليهن .
سكرت الخط من عند أمو وضرب حجر عينو عالبلكون كانت براءة واقفة عالبلكون...وبسرعة البرق طلع لعندها .
مسكها من أيدها وبقوة وفوتها لجوا
.
زيد:لك شووو عم تعملي برا بهيك وقت،، ممكن يصير اشتباكات ب أي وقت
.
براءة كانت عم تشهق وتبكي بوجع وغصة شهقاتها عم تنكتم من الغصة .
كا...كا...كانت عم تبكي زيد ام فقدت ابنها زيد فهمتني شو قلت
.
زيد قربها لعندو وغمرها : هيك القدر يا عمري هاد يلي كاتبو الله
براءة: لااا ...مابصير هاد مو عدل ياربي ليش طعمتها هالطفل مشان تحرمها منو .
زيد : استغفري ربك ...بعرفك أوعى من هيك ...الله عطى والله أخد ...وفي كتير كتيير ناس عم تموت .
إذا بدنا نزعل ع كل شخص هيك ما منقدر نكمل
براءة : شو ذنبهن ياربي ليييش ما بتموت يلي كان السبب بموتهن ...ياربي دخيلك حرام هالأم تتوجع هالقد .
زيد : استغفري ربك يرضى عليكي الله ،، ربك رح يعطي كل حدا جزائو بعدين اديش صلك مو قارئة بالمصحف لحتى تنسي هالآية .
براءة :بعرفها
زيد : قوليها لشوف
براءة مسحت دموعها ومن بين شهقاتها قرأت هالآية
.
﴿ وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ ﴾
.
زيد : صدق الله العظيم ....برافو هيك بدي ياكي .
مسحت دموعها براءة وقربت ع حضن زيد
.
براءة :غريب كيف هيك بابا قلك
زيد : يعني احلا شي منعملو نطلع بهالوقت المكركب ،،اكيد بدو يقلي خليكن .
أما بمكان تاني عند أبو براءة أحمد كان عم يروح ويجي بالصالون وباين من ملامحو متوتر كتير .
عزيزة:شبك يارجال دوختني ،، دخيلك قعود بقا
احمد : كيف بدي أقعد وانا اليوم كان ممكن اخسر بنتي
هاد الوضع ماعاد ينسكت عنو
عزيزة:والعمل
احمد:انا مافيني عرض بناتي للخطر ،، رح احكي مع أبو جواد
من الصبح لازم نسافر .
عزيزة:طول بالك دخيلك وين نسافر وبراءة
احمد : براءة بنتي اذا متذكرة وما بطلع إلا واجري ع اجرها
.
عزيزة : ياربي لك بدك تجننها للبنت مو باقي لعرسها شي كيف بدنا نسافر .
احمد عصب كتير مع رجفة بسيطة بأيديه خبط عالطاولة يلي إدامو ....شووو يعني نزوجها بهالوضع انتي بتقدري تعيفيها وتسافري ...لا ورب العزة ما بزوجها الا مطرح ما بكون ..والا الغو كلشي

الجزء الثامن

جواد بحبك واهتمامو واضح والأيام بتثبتلك ومن هالحكي
.
يلي خلا جوري فعلا حابة تخوض هالتجربة بس للأسف ماكانت مفكرتها صعبة هالقد
.
وبالذات بعد فترة من الزواج لما اكتشفو انها ما بتجيب ولاد
انقلب جواد معها كلياً صار يعيرها بأنو مأعدها عندو عم يطعميها ويشربها ،، وكلمتو الشهيرة يلي كان دائما يقلها ياها
.
انتي مو محسوبة عالنسوان ،، هالكلمة زرعت جواتها وجع وحسرة وضعف ما كانت عم تتحمل الضربات يلي اجتها بالوقت يلي هي لازم تكون عم تحقق حلمها
.
واحيانا كان الله يصبرها ويعطيها سكينة وهدوء لتتحمل نتيجة قرارها
.
بعد مرور كم اسبوع بهدوء.. الوضع روتيني جدا
.
كانت زينة عم تنيم بنتها ميار سرحانة بهالدنيا ليقطع شرودها صوت سهى ..فتحت عليها الباب بهدوء
.
سهى: شوو ما غفيت
زينة: لسااا
سهى: يلا ولو هلأ بتغفي معا ، بدنا نسهر متل ايام زمان
.
جهزت أواتير السهرة وحاكيت براءة
زينة: شو قالتلك
سهى: قال بجوز يجيبها زيد مو أكيد يعني
زينة : طيب يلا روحي بسطح ميار وبلحقك
.
راحت زينة عالمطبخ تجهز المكسرات وهالقصص وزينة عم تسطح بنتها ع مهلا
.
وقبل ما تطلع من الغرفة بيجيها اتصال من سامي
فتحت الخط بلهفة
.
زينة: لك سامي وينك غلي قلبي عليك
سامي: ياعمري لا ينشغلك بال ،، مطفي الموبايل ومافي كهربا اشحنو
زينة : كيفك عمري
سامي : مشتقلك
زينة : وانا أكتر ،، عم فكر ارجع بهاليومين شو رأيك
سامي: لا شه ...مالك غير كم اسبوع شبعي من أهلك
زينة : يا روحي...مافيني بدي دير بالي عليك
سامي: كم مرة قلتلك إلي الله مابينساني
زينة : ولو كان ..دير بالك ع حالك سامي أمانة
سامي: انشالله...كيفا ميمي
زينة : بتبوس خدك
فجأة طلع صوت قوي متل كأنو انفجار قريب او شي قذيفة
.
زينة : سامي ...سامي ...الووو
سامي: برجع بحاكيكي طمني انا بخير
زينة : سامي استنى شو هالصوت ،،ياربي دخيلك
.
صحيت ميار ع صوط زينة وصارت تبكي
.
زينة: لا يا أمي مافيشي كلو تمام رجعي كفي نومتك
.
لالا يا قلبي انتي كمان مشغول بالك عبابا ..مو اتفقنا نضل ندعيلو ربي يحميه
.
بعد صعوبة غفيت ميار واخدت زينة موبايلها وطلعت من الغرفة ..كان البيت ظلام يمكن الساعة كانت بحدود 11 بالليل ...وضو كتير ناعم عالبلكون
.
عرفت انو السهرة عالبلكون ،، طلعت بسرعة ووجها كان مخطوف لونو
.
سهى : أعدي لشوف والله مشتاقتلك ..شافت سهى عيون زينة كانو منفخين
.
لك زينة شبك بكيانة
.
ماردت زينة وشلفت حالها عالمرجوحة يلي آعدة عليها سهى
.
تنهدت تنهيدة مليانة قهر وهي مغمضة عيونها
.
سهى: احكيلي شبك لاتقلبيا نكد لي بكيانة
.
زينة ضحكت بأستهزاء : هههه انا والبكي اصلا ماعد في دموع
بس مدري ليش بيضلو عيوني يتنفخو
.
قولك عيوني تعودو عالزعل
.
سهى: وضعك مو عاجبني زينة وكأنك جنيتي ليكون اشتقتي لسامي
.
خانتها دمعتها ونزلت ع خدودها لتحرقن بنهارها
.
ياريت يا سهى كون مشتاقتلو ل سامي الشعور يلي جواتي اكبر بكتير من الحب
سهى: كيف يعني بتكرهيه
زينة : ههه لك انا بعشقو بس طلع العشق مابكفي الحب مابكفي يا سهى العلاقة بدها كتير اشيا لتكون مثالية
.
سهى : احكيلي شبك فضفضي سامي زاعجك بشي
.
زينة : انا خايفة عليه ،، من وقت يلي تزوجنا وشعور الخوف ما عم يتركني ..بخاف اخسرو بشي يوم
.
لما بيطلب منو الضابط يرافقو لشي عملية
.
بحس بقلبي عم ينشلع وينكوى لوقت يرجع انا متت بهالزواج
مابعرف شعور الحب ماقدرت حس فيو قد مابخاف
.
حتى الأمومة ماني واعية عليها للحد يلي بيخليني اشعر فيها مع بنتي ....الأوضاع المأساوية يلي بالبلد الخطف والأغتصاب والقتل والأغتيال هاد كلو بكفة ومئات العساكر يلي عم تموت بدون ذنب بكفة تانية
.
خايفة يكون سامي واحد منن بشي يوم انا عم موت سهى
عايشة #على_قيد_الوجع
.
اشرت ع قلبها: هون عم يوجعني ياريت لو يخف شوي الوجع
.
سهى : معك حق بكل كلمة قلتيها وحياة الله حاسة فيكي
.
زينة : ماحدا حاسس فيني سهى،، انتي بتعرفي انا بشو مريت
كم عاصفة مرت علي وانا واجهتها لحالي من تم ساكت
.
سهى : استهدي بالرحمان وسلمي لواحد أحد
زينة : اكيد مسلمتو ل ربو وانشالله بحسنة هالطفلة الله مابدو يضرنا
.
سكتو شوي وهنن عم يتأملو جمال الليل والنجوم
كسرت الصمت سهى وحكت
سهى: ندمانة
زينة : مابينفع الندم
سهى : معقول تزوجتي حب حياتك وندمانة
زينة : انا تعبانة مليت من المقاومة وبالذات بعد ما ولدت ميار بخاف تربى بدون أب
سهى : شايفة قلب الأم يا زينة اديش امك منعتك
زينة : اااخ يا سهى أمي غصة قلبي الوحيدة ،،كسرت كلمتا وجرحتها مشان مشي كلمتي ..وشو كنت لومها ليش ماعم تفهمني طلعت انا الغبية

بس دغري قالتلو : مقتطف من رواية عم اقرأها اسمها
#على_قيد_الوجع .
زيد : هفففف فكرت عنجد عم تأشعري ،، عن شو بتحكي
هالرواية حسيتها حلوة
.
اطلعت فيو سهى وحاولت تخترع رواية من عقلها .
لانو الأقتباس يلي حكتو من شوي كان نابع من قلبها ابدا ما قرأتو برواية .
اممم بتحكي عن الحب بس الحب من طرف واحد .
لما تكون مستعد تقدم كلشي عندك مقابل نظرة او كلمة
.
اوحتى لمسة بالغلط ...لما تكون عم تتبع السراب .
بس بتعرف شو بالآخر هالسراب رح يوديك لمكان مظلم
مافيو حدا الا انت ...وحيد مجرد من كلشي .
اما الطرف التاني فَ مابكون حتى مكترث أو دريان بيلي
عم يصير .
بالمختصر نهاية هالقصة مأساوية .
زيد : دخيلك لا تكأبيني هلأ خلينا مروقين بهالبليلات .
بلا رواية بلا بطيخ .
سهى : تكرم زيد أفندي .
_باليوم التاني_____
.
باليوم التاني تحديداً ببيت جوري .
صحيت جوري ع صوت ياسمين وشام كانووعم يبكو
ويصيحو .
جوري : يا ربي ليش الجيران ماعم يسكتو ولادهن .
بعد تلت دقايق :افففففففف
.
بعد خمس دقايق :لك سكتوووووو
.
بالدقيقة الخامسة فزت جوري بأربعتها:لك ياسمين وشاام
كيف نسيتكن ..تعو ياروح خالتو ياعمري انتي .
ولله مو متعودة عالضجة الصبح .
جوري كان بالها طويل أو يمكن لأنها محرومة من الأطفال
ما كانت تنزعج من ضجة الولاد رغم انو نزعجت نومتها
من بكير ،، بس بنظرها كان احلا يوم .
قامت من سريرها وعملتلن حليب وقطعتلن فواكة متل ما خبرتها براءة ،، وعملت الها فنجان قهوة
.
طالعتهن وطلعت عالبلكون حطتهن عالطاولة مشان ياكلو
وأعدت حدهن تراقبهن بكل حنية وحب .
جوري :شام يا شام قلبي انتي ،، شو مشتاقة للشام
وانتي ياسمين ..ياسمين الشام امكن عرفت بأنو هالأسماء
نقطة ضعفي مشان هيك سمتكن بهالأسماء .
بس مابرضى وحياتكن وما بسكتلها ،، هي اختارتلكن اسمائكن
وانا رح اخترلكن المهنة يلي رح تفوتو فيها تمام
.
شام : مام (تمام)
.
جوري: ياسو وانتي شو بتقولي بتوافقي اخترلك مهنتك .
ياسمين : وافي(بتوافقي)
.
جوري: هههه لك انا عم اسألك بتوافقي قولي بوافق
.
ياسمين :وافت (بوافق)
.
جوري دمعو عيونها : ياعمري انتو اي هيك تمام خليكن قوايا
وكملو دراستكن لا تكونو متلي .
بتعرفو شو انا بأول مطب استسلمت ،، حطو ببالكن تحققو
كل احلامكن لا تتراجعو مافي شي مستحيل .
انا كانت احلامي كتير كبيرة بس شوفو وين انتهى فيني المطاف
.
(اخدت رشفة قهوة وكملت كلامها)
.
انتهى فيني ببيت زوجي ،، انا يلي كنت اتمسخر ع رفقاتي
يلي يتركو دراستهن مشان الزواج طلعت اضرب منهن
.
بتعرفو شو كانت احلامي او حلم واحد كان كل يوم يراودني
.

.
كنت احلم بأني فايتة عالمشفى بس مو كَ مريضة كَ طبيبة
كَ أكبر جراحة بالبلد كنت شوف حالي فايتة عالمشفى
.
وعيون الكل عليي .. بتعرفو شو كانو يقولو لما فوت .
ليكو هي الجراحة جوري القاسم ،، كلن عم يتهامسو ع العمليات الصعبة يلي أجريتها ،، عن الحلم الكبير يلي وصلتلو .
كنت رافعة راسي بشموخ ..الغرور باين بعيوني بفوتي هي
لفتت نظر كل الدكاترة
.
بس بوووووم بصحى من الحلم بلاقي حالي ع سرير زوجي .
عم يغتصبني بالحلال ،، ما ذنبو هو بس انا ماقدرت حبو .
بتعرفو شو أحيانا بحط الحق على أمكن ،، يلي عملتلي البحر طحينة ،، بس بعدين بقول يلي ببالو يوصل لشي بيوصلو
لو كل الدنيا قنعتو يغير فكرو ،، بضل ع وجهة نظرو وحلمو
.
الحق علي انا ،، تخليت عن حلمي وبذات اللحظة حلمي تخلى عني ،، بتعرفو لي ..كنت مفكرة جواد يسمحلي كمل دراسة .
ونحنا متزوجين بس مدري لي ما سمحلي وانا تماشيت مع الوضع ،، فجأة شفت حالي بعالم همي الوحيد فيو
ارضي زوجي متل ماخبرتني امي .
كلما رضي عليكي اكتر بحبك اكتر ،، مو معقولة كمية الجهل
بهالجملة ،،يلي بتخلي أغلب نسوان البشرية .
راكدين ورا رضا زواجهن وحاملين بأيدهن حقهن الضايع
.
تحت مسمى ما بدي اخرب بيتي وصير مطلقة"
.
شو ذنبي أنا هلأ حتى ولاد الله ماطعمني مشان ينكسر راسي أكتر ،، ياريت لو العذر منك ياجواد .
دائما بمنني أني عايشة عندو عم آكل وأشرب ونام .
معقول الولاد كلشي بهالدنيا وبدونهم مابتكمل العلاقة
.
صار يضربني بعد زواجنا ،، بكره حالي لاني بسكتلو .
أنا ضعيفة للحد يلي عم اكل فيه قتلة وحط ع جرحي ملح .
انجرحت كتير من جواد ،، بس ما بلومو اذا امي يلي هي
امي جرحتني بأبشع كلام حتى ما شعرت ولا شافت الندبة
يلي علمت بقلبي بسببها .
بتعرفو شو قالتلي امي ...منيح منو حاويكي غيرو واحد
كان تزوج عليكي من زمان،، شو بيضمنلي اصلاً
.
ما يكون متزوج عليي هففففف بكرههكككككككن كلكن .
بهاللحظة جوري طالعت كلشي ضعف جواتها بكيت كتير
دموعها نشفو وشهقاتها زادت .

.
ركدت براءة بسرعة قوية ع برندة بلكونتها ورفعت أول أجر عالشرفة بس دغري زيد سحبها
.
زيد : مجنونة انتي شو عم تعملي
براءة :رايحة عند بناتي
زيد : اذا رحتي بهالطريقةاتأكدي مكانك رح يكون جهنم وبئس المصير
.
صدمة كبيرة صابتها لبراءة وندم اقوى تغلغل جواتها ماعم تخطرلا غير الأيام يلي قسيت فيها عليهن الأيام يلي قالتلن فيها انتو دمرتوني ...هنن هلأ دمروها بغيابن
.
صارت متأكدة اكلت عقابها لانت قتلت روحين بريئة جواتها
.
أما زيد قلبو عم ينحرق بس لازم يكون واحد من الطرفين قوي ومتماسك واكيد زيد يلي كان متماسك وكابت حزنو جواتو
.
مرقت الليلة وصارت الساعة سبعة الصبح ما حدا قدر ينام
.
بس بهالأثناء غفيت براءة وشافت بنومها بناتها عم يندفنو وكيف عم ينخنقو من التراب
.
نأزت بأربعتهاا وهي عم تصرخ وقلبها عم يخفق
.
فعلا صار وقت الدفن ،، اللحظة يلي الكل مو قدران يسدقها العالم متجمعة بالشارع وناطرين لبآجرو
.
زيد كان مشغول بأجرائات المشفى أما براءة ف كانت عم تبكي كانت عم تحترق كانت عم تنطفي شوي شوي مع طلعة بناتها
.
ركدت بسرعة عالغرفة لتشوف كيف الممرضة عم تلفهن بشاش أبيض عم تكفنهن بدون حمام
.
براءة : كيف هيك بدون حمام
الممرضة : ليش بدك تعزبيهن اكتر من هيك وتحمميهن حرام عليكي
.
براءة صارت تبكي ووجعها قلبها ماهان عليها بناتها يلتفو بالكفن بدون ما تحممهن وتعطرهن
.
ترجت أمها تقنع الممرضة تسمحلا تحممهن
.
وفعلا دغري اخدتها ع الحمام يلي بحممو فيه الموتى
.
براءة : ممكن بآخر لحظاتهن بهالدنيا كون معهن لحالي
.
ممرضة : اكيد ،، بس لا تطولي
براءة : تمام
.
فوتتهن وسطحتهن بهدوء عم تتمعن وتحفظ كل ملامحهن
.
رافضة تتقبل الواقع بس مجبورة تقبلو
.
حممتهن بدموع عيونها بكل لحظة كانت عم تمرق ذكرياتهن الحلوة معها ضحكاتهن العالية صداها عم يرن بمسمعها
.
عم تمسح ع شعراتن بحنية وتشوف الجروح والحروق المتناثرة بجسدهن
.
لاتخافو يا ئلبي انتو رحتو لعند يلي احن مني عليكن
.
بس كمان لا تشكوني ل الله..بس قابلتو احكولو اني بحبكن كتير قلولو اني بستاهل هالعقاب يلي عطاني ياه
.
رح ادعي ربي ياخدني لعندكون بأقرب وقت
.
قربت ع جبينهن وطبعت بوسات
.
سطحت راسا جنب راسهن وصارت تمسح ع وجههن وتغنيلهن
.
يالله تنام يالله تنام لاهديلك طير الحمام ..روح يا حمام لا تسدق عم غنيلن لحتى تنام
.
لحظات واجت الممرضة المختصة بالتكفين وكفنتهن
.
براءة :لاتغطيلن وجهن حبابة
ممرضة :بس مابصير هيك
براءة :ببوس ايدك والله بيختنقو
ماناقشتها كتير الممرضة لانها شايفة حجم وجعها وألمها
.
توجهو الكل عالمقبرة ليدفنو هالطفلتين يلي راحو ضحية التشتت الأسري ..يلي ضاعو بين مشاكل أمهن وأبوهن
.
راحو بدون ذنب ..بس مع ذلك تركو وجع وندم بقلب اهلهن ما ممكن الزمن يمحيه
.
براءة كانت متماسكة طول الفترة كانت بتعرف انو البكاء عالميت والنواح كتير حرام ..لهيك مابدها تعزب بناتها ببكاها
.
بس انهارت كلياً لما شافتن عم ينزلو عالقبر كان كتير ديق
.
قلبها راح معهن لما نزلو ما عم تسدق انو خلص ماعاد رح يكونو موجودين
.
عم تشوف كيف التراب عم ينصب عليهن
.
براءة : زيد ببوس ايدك شوف لي هيك عم يعملو بناتي عم يختنقوو انا بعرف
زيد :اهدي ببوس إيدك مرقيلي هالشوي ع خير
.
براءة :يا جماعة ليش ساكتين شوفو كيف عم يخنقوهن عم يصبو تراب ع بناتي
.
بابا شوف شو عم يعملوو امي ببوس ايدك خليهن يطلعوهن هنن عم يختنقو الحفرة كتير ديقة رح يخافو لحالون
.
كل الموجودين عم يقنعوها انو اكرام الميت دفنو وانو ربنا هيك قال ما كانت عم تستوعب ...عاطفتا غلبت عليها
.
ركدت لعند يلي عم يطمو التراب وترجتهن يبعدو
.
براءة : ببوس ايديكن فهموني هدول صغار حرام يندفنو
.
بترجاكن والله بدفنن عندي بالبيت بحطن بغرفة وبقفل عليهن
المهم يبقو جنبي..بترجاكن خلو القبر مفتوح
.
زيد بترجاك عالأقل كنت حطلهن ضو بالقبر...بناتنا بخافو من العتمة
.
براءة: ااااااخ ياربي دخيلكن اسمعو مني خلونا نعمرلن غرفة كبيرة بالمقبرة احسن من الحفرة لك شباك مافيها كيف بدن يتنفسو
.
الموقف نفسو عم ينعاد بذاكرتي كل يوم انا ما عم اقدر انسى
.
النار بقلبي ماعم تطفى العروق بجسمي من هداك النهار
لهالنهار بعدا شاعلة ماعم تطفى،،تعبت ياربي
.
تعبت والتعب مل مني ،، أنا جثة بشكل أنسان عم أتحرك
.
عايشة #على_قيد_الوجع....الألم...الندم...الحرقة
.
كانت أمي عندي امبارح ...اجت وهي مبتسمة متل كل مرة
.
جابتلي اكتر أكلة بحبها...ما بتتخيلو أديش وجعتني مو لأنها اهتمت فيني ...لأنها هي أكتر اكلة كانو بحبوها بناتي
.
ما تذكرتهن ولا تذكرت تترحم عليهن

.
بعد مرور شهر ....صحيت براءة بكير كتير صحاها صوط العصافير
.
قامت من مكانها وغسلت وجها ووقفت عالشباك عم تتأمل السما وتستنا إمتى رح تطلع من هالسجن
.
بهاد اليوم كان براءة رح تطلع من المشفى بالعادة ما بتقوم من تختها الصبح بتفضل تضل متسطحة وغارقة بذكرياتها
.
بس كان بدها تنهي قصتها بعد ما كتبت كلشي صار معها من بداية حبها لنهايتو صار لازم تكتب كلماتها الأخيرة
.
توجهت عالخزانة وطلعت دفترها وقلمها وأعدت عالطاولة يلي حد الشباك وبلشت تكتب
.
اليوم رح اطلع من هالسجن ...رح بطل شوف الدكاترة والممرضات يلي فعليا عملولي مغص بمعدتي من شوفتهن المتكررة
.
قصتي انتهت لهون بتمنى من كل قلبي تنطبع بشي كتاب ويقرأوها اكبر عدد من الناس متل ما وعدتني جوري انو تخلي جواد يساعدني لنطبعها بكتاب ...صحيح يلي رح يقرأها رح يتمنى انو تنتهي بنهاية سعيدة ..رح يتمنو حبنا انا وزيد يدوم ويضل للأبد
.
ممكن تكون نهايتي السعيدة لما صير اقوى من هلأ لما ربي يرضا عليي ويغفرلي عن يلي عملتو ممكن نهايتي السعيدة
تكون لما موت وقابل ولادي الأربعة بالجنة وأأعد احكيلن اديش تعذبت ببعدهن
.
بس بأكدلكن رح تاخدو عبر كتيرة من قصتي لا سمح الله كل ما تمرئو بشي موقف مشابه للمواقف يلي مريت انا فيها
.
رح تتذكروني وتقولو لا ما بدنا نصير متل براءة
.
بقصتي رح تشوفو الجانب الآخر للحياة الزوجية يلي اغلب البنات بشوفوها كلها حب وسعادة ومثالية
.
الحب ما بكفي يا بنات الغزل والكلام الحلو ما بكفي
.
الحب بدو مسؤولية بدو اهتمام الحب بدو رعاية بدو صدق وثقة الحب ما بينهمل لانو رح يدبل مع الأيام
.
لا تتزوجو إذا مانكن حمل تربو ولاد لا تظلمو حالكن وولادكن
.
الولاد بدها اهتمام لا تضيعو حالكن متل ما أنا ضيعت حالي
.
اهتمو بيلي بتحبوهن لانو يمكن مافي بكرا
.
سكرت الكتاب يلي بين أيديها وهي عم تضرب أخماس بأسداس
معقول هي القصة واقعية
.
نيسان : #على_قيد_الوجع أكتر رواية رح تبقى مأثرة ومحفورة بقلبي الله ينتقم منك ياسهى متل ما قبلتي تخوني رفيقتك
.
نجم وهو بالمطبخ : قهوة ولا نسكافيه متل بطلة روايتك
نسيان : قهوة ولا تتمألس عليي
.
اجا نجم من المطبخ وحامل فنجانين القهوة
.
اصلا بعرف بدك قهوة بس حبيت أتمألس...نيسان عم تبكي
.
نيسان: عم اتمنى تكون القصة مو حقيقة ع قد مو موجعة
نجم : #على_قيد_الوجع بظن الروايات الحزينة من اختصاصي ليش اخترتي تقريها
نيسان: حبيت شوف شو السبب يلي بخلي الأنسان يعيش #على_قيد_الوجع
نجم : اكيد عرفتي شو السبب
نيسان : الفقدان هاد أقوى سبب ممكن يخلي الأنسان يعيش
نجم :صحيح...وقيل في فقدان الأحباب مثل الموت البطيئ يقتُل ولايُقتل ...موت ولكنه وجع على قيد الحياة
.
نيسان غمرت نجم بقوة وقالتلو :نجمي انا بحبك ورح ضل حبك بوعدك
.
نجم : وانا بوعدك يا ئلبي يضل حبنا للأبد ..ولا تتأثري بهالقصة مو كل العلاقات هي هي نبذة صغيرة عن بعض العلاقات الفاشلة
.
نيسان : مابدي توعدني بدي تحلفلي انك ما ح تتركني ولا تفكر تخذلني لو شو ما صار
.
استنشق عطرها وهمس بأذنها :بحلفلك بحياة كل شي حلو مر علينا بحلفلك بأطهر علاقة و زواج ع وجه الدنيا يلي هي علاقتنا
.
انو يدوم حبنا للأبد وينحكى بقصتنا لأولاد أولادنا
.
نيسان :بحبك نجمي
نجم : بحبك أكتر نبضي
.
#انتهت_بعون_والله
.
لا تبخلو عليي بأرائكن أكتر قصة اخدت معي وقت و مشاعر ملخبطة
.
بتشكر كل يلي وصلو لهون بقرائتهن فرداً فرداً دمتم لي شيئاً جميل
.
لاتنسو تقلولي شو العبرة يلي استفدتو منها من خلال قرائتكن
. ‏ الحب ليس تشابك أيادي وكلامٌ من عسل وتبادل أحضانٍ وقُبل ، الحب اهتمام تضحية احتماء من العالم ، الحب مسؤلية ومن لا يستطيع تحملها ستكون نهايته وخيمة ، العالم الالكتروني ليس سوى شيطان يُلهينا عن واقعنا ومن فيه ليأتي يوم سنأكل أصابعنا ندامةً على ما فعلناه ، وان كانت الامرأة عاقر هذا ليس بيدها فالله اذا احب عبداً ابتلاه والله ابتلاها في ضناها ، كلام الأمهات ليس كالتراب وعليه تدوس بل كالتيجان يُوضع على الرؤوس ، مصائبنا من فعل ايدينا ومن يدري ولطف الله فينا يجري وايضاً لا احد يدري ، إن الانسان يظهر عند المحن والمواقف كفيلة لترينا العدو من الصديق ، الندم سيأكلنا جميعاً دون استثناء و وحده الله القادر على انتشالنا من كل آلامنا ♥️♥️
#الى_اللقاء بقصة جديدة بقلم الكاتبة:#حياةالروح♡
.
مع كامل حبي الكم♡