علي_وعلى_أعدائي - خزانة الفوائد

" #علي_وعلى_أعدائي "
-1-

بتعرفوا قصة المثل "اللي ما بعرف بقول كف عدس"؟ قصة ھاد المثل بنطبق علي تماما.. القصة بتحكي إنه في واحد لقى مرته بتخونه مع زلمة ثاني.. و لما إكتشفھم متلبسین؛ ھرب الخاین و طلع الزوج یركض وراه بده یقتله.. و أثناء ركضھم؛ مروا بأرض الزوج اللي مزروعة عدس.

لما كان الخاین بركض؛ حمل بإیده شویة عدس على قد كفه.. و الزوج المغدور بركض وراه قدام العالم.. بوقتھا صارت الناس تحكي عن الزوج: یا ویله من الله راكض وراه عشان كف عدس!!!.. فصار الزوج یحكي: "اللي ما بعرف بقول كف عدس".

أنا ھاي قصتي.. اللي ما بعرفھا بكل تفاصیلھا أكید راح أكون بعینه شیطانة على ھیئة بشر.. بس اللي صار معي ما خلا للملائكة مكان جواي.. إحنا البشر بنمتلك إمكانیات ھائلة أحیانا بتفوق إستیعابنا و بنتفاجأ بحالنا.. بس مصیبتنا إننا مرات بنضیع الحدود و بنبطل نعرف متى نوقف و عند أي حد.. و أنا بالآخر بشر.

حیاتي كانت مثالیة لما كنت طفلة صغیرة.. بنت وحیدة أھلھا و كان الدلال كلھ إلھا.. و لحكمة معینة ربنا ما أراد لأھلي یكون إلي أخ أو أخت.. فكانت الدنیا بطولھا و عرضھا ساحة إلي لحالي.. لما كنت أفتقد وجود أخ صغیر یلعب معي؛ كان أبوي یلبي إحتیاجي.. و لما كنت أشتھي ألعب بالباربي ما كنت ألاقي أحسن من أمي.

ھیك وعیت عالدنیا.. و ھیك بتذكر أھلي.. ما كنت أعرف إنھم بحاولوا یجیبولي أخ أو أخت إلا لما صار عمري ست سنوات.. كان الصیف الأخیر قبل ما أدخل المدرسة.. بھداك الصیف كنت أكبر شوي و بحضّر حالي أكثر لعید میلادي.. المناسبة اللي كنت أحبھا أكثر من عید الفطر و الأضحى.. و أھلي ھم اللي كانوا یخلوھا إشي كثیر ممیز.

بكل سنة؛ كانوا یعملوا من عید میلادي مناسبة كبیرة.. بتحضیراتھا و ضیوفھا و ألعابھا و زینتھا.. بس فاجأوني سنتھا إنھم راح یأجلوا الحفلة لإنھم مسافرین للعمرة.. فھمتني أمي إنه ھناك راح تدعي ربنا یرزقنا بنوتة ثانیة.. و لإني ما كنت حاسة حالي محتاجة أخت، بالإضافة لموعد حفلة عید میلادي اللي راح یتأجل بسبب سفرھم؛ زعلت منھم.

حطولي أغراضي بشنتة صغیرة و تركوني ببیت عمتي بثینة.. مع إني كنت أحب خالتو روعة و بیتھا و دلالھا أكثر؛ بس كانت ھي الوحیدة اللي عندھا بنت أصغر مني بسنة وحدة، و كانت فعلا ھي أقرب وحدة علي من بنات العیلة.. "علا".

علا كانت معي بنفس الحضانة و الروضة اللي كنت فیھا.. و كنا ننبسط و إحنا صغار لما نرجع نلتقي بزیارات أھالینا.. فكانت نوعا ما ھي الأخت اللي سدت ھاد الفراغ جنب أمي.. و ھاد اللي خلاني أزعل من أھلي بزیادة.. أنا مش محتاجة أخت.. كل اللي كانت بدھا ایاه بنت ال6 سنوات ھو حفلة عید میلادھا.

رفضت حتى أودع أھلي رغم الوعود بالھدایا الكثیرة اللي راح یجیبولي ایاھا.. و حتى بعد ما وصلوا مكة و المدینة؛ حاولوا أكثر من مرة یحكوا معي و كنت أھرب من عمتي بثینة لما أشوفھا بتحكي معھم.. لغایة ما أجى یوم عید میلادي اللي كان المفروض یكون فیه حفلتي الكبیرة.. و كانوا أھلي بجھزوا حالھم یرجعوا ثاني یوم.

إستنیت یرنوا على عمتي حتى أحكیلھم الكلام اللي كنت بحضره من یوم ما سافروا.. و فعلا إتصلوا الصبح و ردیت علیھم أنا: "بتعرفوا إنه كان لازم تعملوا لي حفلتي الیوم؟ لأ خلص.. ما بدي حفلة بس تیجوا ولا بدي ھدایا.. إعملوا حفلة للبنوتة الجدیدة اللي بدكوا تجیبوھا معكم.. أحكیلكم، ضلكم ھناك ولا ترجعوا بالمرة".

عیطت كثیر یومھا.. كنت أفكر إني كنت أعیط لإنھ ما انعملت لي حفلة.. بعدین حسیت حالي متضایقة لإني لأول مرة بحكي مع أھلي ھیك.. و صار بكائي بحرقة أكثر و أكثر.. لغایة ما وعدتني عمتي تعمل لي حفلة باللیل بس عشان أھدأ شوي.. و فعلا بعد ما عتمت الدنیا صاروا ناس كثیر ییجوا لبیت عمتي، و رحت لبست فستان من اللي حطتلي ایاھم أمي.

الغریب إنه ما كان حدا مبین علیه مبسوط بالمرة.. و ما علقوا زینة زي ما كانوا یعملوا أھلي.. صرت أدوّر على الكیكة اللي راح یحطوا علیھا الشمع و ما لقیتھا.. كل شي كان غریب.. و بعمري ھاد ما كنت راح أفھم شو بصیر لغایة ما حدا یحكیلي ایاه.. و ھاي المھمة أدتھا عمتي لما خبرتني إنه أھلي خلص.. ما عاد ییجوا.. سمعوا كلامي و ما راح یرجعوا.. و على قولھا: "راحوا عالجنة".

صحیح كانوا دایما یعملوا اللي بدي ایاه.. بس لیش ھالمرة ردوا علي ما بعرف.. أكید ما كان قصدي إنھم لا یرجعوا.. صرت أصرخ على عمتي "مش قصدي.. والله ما كان قصدي.. خلیھم ییجوا و والله ما بزعل منھم مرة ثانیة".. ھاد الیوم بعمري ما بنساه.. مع إني مش كنت أفھم عن الموت إشي غیر إنه اللي بیجیه بروح عالجنة.. بس یومھا عرفت عنه شي ثاني.

عرفت إنه قاسي و بوجع من جوّا و بحرق.. ما حدا كان فاھم شو اللي بصیر معي حتى أنا، و لا خالتي روعة اللي ركضت علیھا و حكیتلھا "ساعدني مشان الله في إشي بحرق جوّا یا خالتو".. و ھي تمسح على راسي و تسمّي علي، بس اللي بحرق كان

📚قصص||روايات||منوعة📚