لك عليا!!!
بحبك ديري بالك عحالك
عليا:وانا بحبك يلا باي
ام علي:شو كنتي عم تعملي اه؟؟
عليا:اي امي ماكنت عم اعمل شي
ام علي:كنتي عم تحكي مع ابن البيك؟
عليا:انا؟لا...لاوالله
ام علي:الله يصبرني بس الله يصبرني...انقبري عالبيت لشوف
////
(بعد اسبوع)
كنان:لا تتأخرو اليوم يا جماعة عحفل الافتتاح
احمد:لا ابني ما منتأخر ان شاء الله
وليد:رح جيب كم رفيق معي اخي
كنان:(طلع فيه بطرف عينو)ايه...جيب البدك ياه...يلا بالاذن
امل:(بعصبية)يعني ليكون مفكر المشفى الو لحالو؟؟ماخبرتو انو حصة اخوه نفس حصتو؟
احمد:لك يااااا امل لاتفرقي بين الاخوات...كنان ماعمل شي
امل:لك كيف ماعمل شي كيف؟؟ماشفتو كيف طلع بطرف عينو!شومفكر حالو يعني ازا اخوه اصغر منو بيتمقطع فيه
احمد:هفففففف...انا رايح جهزي حالك انتي وامي المسا لنروح
امل:بس...
احمد:خاطرك ياااا
وليد:امي كرمال الله لا تعصبي مافي شي حرزان
امل:لك اساسا" انت متل ابوك تشتوش...تعلم من اخوك قوة الشخصية...لك تعلم تكون قد حالك متلو لاتكون لابوك
وليد:هي هيييي علينا رجعنا لنفس الموال

لك امي كل بني ادم بطبع بهالدنيا
امل:لا...بدك تتعلم من كنان..بكرا بيلف ع ابوك لحالو وانت بيطالعك برا
وليد:كنان موهيك...ليش بحسك اوقات مابتحبي
امل:مو مابحبو...بس هو قوي زيادة وقوتو بتخوفني اوقات
وليد:لاتخافي مافي حدا بيئذي امو
امل:ايه مزبوط
وليد:يلا سلام
امل:الله معك
(راح وليد وبقيت امل وحدها عم تفكر بعد دقايق اجت ام احمد لجنبها)
ام احمد:انتي عم تنفريهن منك
امل:مرت عمي!هاتي ايدك لساعدك
ام احمد:مابدي تساعديني عكازتي موجودة..بس انتي على مين بدك تتعكزي بكرا؟؟؟ع كنان و لا ع وليد؟ولا احمد؟؟
امل:شوقصدك؟
ام احمد:قصدي حببيهن فيكي..ولاتبعدي كنان عنك كرمال افكار فاضية مزروعة براسك...كنان ابنك انتي مربيتيه والام يلي ربت وكبرت مو يلي حملت و ولدت
امل:بس...
ام احمد:بدون بس يا امل...تقربي منو..نسيتي انك ضليتي 19سنة لخلفتي؟و جبتي وليد بعد 9 سنين من كنان...اديش تعبتي عليه و اديش سهرتي الليل عليه؟اللي بشوفك هلا كيف اخلاقك مابيقول انك امل يلي طار عقلها بكنان وربتو على دموع عيونها
امل:بس يامرت عمي كنان ماعاد تحاكى كتير صاير مغرور
ام احمد:بس عندو رضاكي بالدنيا..سأليني انا دوم بيقلي عندو انتي بكوم والدنيا بكوم تاني :الله يرضا عليكي
/////
#عليا نحنا لازم نتجوز
عليا:بس....انت مابتقدر...ظروفك و عيلتك
منكتب كتاب براني...كتاب شيخ و منجوز و وقت بصير الوقت مناسب منعلن زواجنا
عليا:و امي؟
ماحدا رح يعرف...خلي الموضوع سر بيناتنا...بينما تمشي الامور
عليا:طيب...متل مابدك
بكرا جهزي حالك منروح عند محامي منكتب كتابنا ومنتزوج...وبحجز غرفة بفندق...بتطلعي بوقت متأخر و منروح سوا اتفقنا
عليا:اتفقنا
رح جهز كل شي كرمالك...بحبك والله العظيم بحبك
عليا(بخجل)و انا بحبك
//////

.الجزء الخامس :-
@rwayate
((نزلت القطة من على السرير ومرقت من جنبي وطلعت برا الغرفة..والله العظيم ...من اول مامرقت القطة من جنبي ..حسيت بحرارة فظيعة متل يلي شي مولع مرق من جنبي .. انا ماهمني وين راحت بكفي انها طلعت انا ركض على اختي ....علا ما كانت نايمة .. كانت قاعدة على السرير وشبه غايبه عن الوعي ....
.
#علياء : علاااا علااا علاا..
.
(( علاء اختي ماكانت بترد عليه ...فاتحة عيونها وكانت صافنة برعب ...كانو عيونها لفووق باتجاه السقف وبوبو عينها كان رايح يمين وشمال وكانو في شي بالسقف عم يروح ويجي ...بلشت انا انادي على امي اللي اجت مفزووعة على الصوووت :-
.
#امي :- شووو في شوووو في ...
..
...
مو عرفاني شو احكي لالها...كل يلي عملنا انو جبنا الدكتور..
.
#الدكتور :- اختك مافيها وكل يلي صار معها صدمة عصبية... او شافت كاابووس ... لازم ترتاح شوية .. وتعطوها الادوية بالميعاد واذا صار شي رح ننقلها على المستشفى..

.(( انا ماحبيت قلو شو صار معها او شو شافت... امي طبعا منهارة وقالت طبعا هالشي مابصير.. واختي اللي بقيت على هاد الحال يومين ...لا بتحكي ولا بتاكل ولا بتشرب حتى الادوية بالعافية عم تاخدهن...ولا شي صار ..ولا تغير.. والقطة طلعت ومارجعت ...
.

#امي:- علياااء انا زهقت انا مافيني ضل ع هالحال لازم اخدها على شي شيخ يقرأ عليها ...لازم نعالجها ...

((بلشت اجادل امي بهيك مواضيع وقالت لالي انا ماعم ناقشك لتجادليني لان مابدي بنتي تبقى ع هالحال ...
.

.بس انا ماكنت جادل مو مشان شي او امي بكذب انا كنت خايفة من تبعات اللي ممكن يصير ...انا كنت حاسة انو في شر جديد رح يصير وجاي على الطريق ...واجا فعلا الشيخ للبيت ....
.
.الراجل اول مادخل حسيت فعلا اني ماني مرتاح... مافي شي مزبوط فيني
.
#الشيخ :- انتي شووو مالك

#علياء :- انا ممم مانو مالي مافي شي
.
#الشيخ :- في عيونك شي مانو مزبوط

#عليا :- مالهن عيوووني ..#الشيخ :- شكلكن كامشينوو انتو كمان...
.
#علياء :- هني مين
.
(( بقي واقف يصفن فيني بنظرات مخيفة....دخلتو للبيت وطلب مني ادخلو لغرفة اختي...
.
#الشيخ :- هي من متى هيك ...

#امي :- والله يا شيخ ماعم تاكل ولا عم تشرب ...
.
((الشيخ ما اعطى امي فرصة تكمل كلامها ورجع اطلع فيني وقلي ...
.
#الشيخ :- انتو شووو فيكي...

#علياء :- والله مافيني شي انا منيحة...

((قرب من اختي وبلش يفتح عيونها بالعافية ...وبلش يقرأ قرءان بصوت هااادي ..بلشت اختي جسمها يتشنج ...
.
.