الحلقة الثانية
@rwayate
#غائم_جزئيا_بقلم_كنانة_غميان

صابرين لمحتو قدامها عم يحمل الأوراق ودقت عينها فيه و ابتسملها : تفضلي وراقك آنسة صابرين
صابرين استحت ووقفت : أحم اي يسلمو أديك ...عذبتك معي
الشب وقف : لا ولو مو مشكلة آنسة صابرين .....المهم أنتي ما أنأذيتي
احم ...شكرا ع أهتمامك ...مابدك تفوت ع المحاضرة سيد علاء !
علاء : اكيد يلا من بعدك ....صحي(مسك بأيدو يعطيها ) هي وراق المحاضرة اللي أخدتهم منك المرة الماضية ....تفضلي
صابرين: اي والله بوقتهم ...شكرا كتير .... خلينا نمشي تأخرنا
علاء : يلا تفضلي ....

فاتت صابرين وعلاء ع القاعة ....واستقصد علاء هالمرة يقعد قريب من صابرين بحجة مافي مكان هون ولا هنيك ......أما حسنا عم تتفرج ع اللي عم بيصير وأجتها الضحكة بقلبها .......
وبس خلص دوام الجامعة طلعت صابرين مع حسنا وهنن عم يحكو فجأة طلع بوجههم : علاء: مرحبا صبايا
حسنا : أهلا علاء ...
علاء : اهلين حسنا ...بس عفوا من بعد اذنك بس بدي أحكي مع صابرين كلمة ع انفراد
حسنا : يعني أنا أنقلع مثلا
علاء: هههه لا أنتي الأصل بس هنن كلمتين بس
صابرين : خلص @rwayate حسنا روحي تركينا شوي (غمزتها محرقصة )
حسنا(والله شكلك إلك تلتين الخاطر يا صابرين بس مو هيك ):ممممم طيب ماشي ....يلا أنا رايحة ..بس يعني أنا روح ع البيت ولا شو ست صابرين ؟؟؟
صابرين : لا استنيني شو.(قاطعها علاء): لا روحي حسنا اسبقيها ....
حسنا انطمزت شوي : طيب أنا رايحة ...بخاطرك صابرين ...
صابرين : لا لك استني...استني (راحت حسنا )...حسنا ...حسنا ..يا الله
علاء: تركيها شوي ..وخليكي معي
صابرين : عفوا ؟؟؟
علاء: هههههه لك عم بمزح ...بس بدي قللك انو حابب أشرب فنجان قهوة معك على رواق ...
صابرين :طب ليش هيك يعمي مافيك تحكيهم قدام حسنا ؟؟؟
لا لأن في موضوع وحابب حاكيكي فيه
صابرين : قصدك عن وراق المحاضرات ؟؟
ههههه لا لا ....غير غير ...
طيب امشي لشوف ....أمري لله

(وصلت صابرين وعلاء ع أقرب كافيه ...وبعد ما طلبو عصير وقعدو مواجه بعض ....علا ء يتأملها شوي ضامم أديه ع بعض شابكهم ع الطاولة ويصفن وهي تلبكت
صابرين : أحم ....شو سيد علاء ..هي قعدنا ولهلا ما قلتلي شي عن موضوعك المهم !!!
علاء بضحكة وقوة : ههه لك شبكي خايفة
لا ولا شي ...بس لأفهم شو بدك ...
علاء بقوة بعينو : يا ستي ...أنتي بتعرفي إني عم بخطب
ممم اي ...سمعت بهيك شي!
طيب وأكيد سمعتي بأني ماباخد مين مانكان ...وبدي وحدة تفهم عليي وتكون من نفس تفكيري ...وبعمري كمان @rwayate
صابرين : لا مابعرف... بس مافهمت ...يعني أنت لقيت وحدة وبدك ياني حاكيلك ياها ...؟؟؟!
رجع ظهروا لورا واجتو الصحكة : ههههههه أي هيك شي ....
صابرين كننت شوي : أي عرفتها ...خلص بحاكيلك ياها
علاء : لك مين هي ....
صابرين : حسنا ...مو قصدك عن حسنا ؟؟؟
من قلبو لعلاء ضحك: هههههههههعع
صابرين انكمشت : لك شبك فرطت .....فضحتنا ...أنا قايمة
علاء مسك ايدها : لا لا ..شو تقومي قعدي قعدي .....عنجد أنتي بطيري العقل يا صابرين
لك يا الله يا علاء حاج تاخدني بالحكي ...مو بدك حسنا اطلبلك ياها وأسالك عنها و هيك؟؟؟!
لا ياستي ...مو هيك
لك لكن شو ؟؟؟؟
علاء: لك يا صابرين ...أنا بدي ياكي إلك
صابرين بحلقت بعيون متفاجأة: أنا ؟؟؟؟
لم أي أنتي ...شبكي تلبكتي .....!!!
صابرين : .....
علاء: لك دخيل الخجول والخجل @rwayate لأجلك ...وكل شي بيلبقلك ....لك طلبي اللي بدك وأنة جاهز
صابرين : علاء ....إذا عم تمزح بلا هالمزح
علاء : لا ماعم أمزح ...جد أنا معجب فيك وبأدبك وبكل شي بيخصك ...وبدي أخطبك رسمي ....بس ماعم أسترجي قدم على هالخطوة قبل ما....
قبل ما شو
قبل ما أعرف انتي شو رأيك فيني .....
صابرين تلبكت وفاتت ببعضها سحبت غراضها وقامت من مكانها .....وطلعت من الكافيه ...ومشيت ...أجتو نص ابتسامة لعلاء .....حط مصاري ع الطاولة ولحقها ....

الحلقة الثالثة
@rwayate
#غائم_جزئيا_بقلم_كنانة_غميان

وصلت صابرين ع بيتها ملبكة بحالها لأن راكضة هربانة من حمدان يشوفها ....لما وصلت ع غرفتها بر الأمان ...صارت تتنفس بسرعة كبيرة .....
عند وقت الغدا .....رن جوال صابرين لتلاقي حسنا باعتتلها رسايل ع الواتس ...
صابرين ...وصلتي 😑😑...حاكيني .....قوليلي شو صار معك ....ألووووو ....اتصلي فيني أحسن ما جن عليكي وأصرع الدنيا ها ....
صابرين شافت الحكي من هون واتصلت فيها من هون ...
ألو ....حسنا
أهلا صابرين
صابرين بتوععد : بشلل أملك إذا بتحكي حرف لحدا فهمتي وليه
حسنا: هههههه لك تزاولت منك ...كيف هيك إلك خاطر تتركيني وتروحي مع هاد اللي اسمو علاء ....لك صحي شو بدو منك ؟؟؟
ههههه حزري ...بتكوني رفيقتي عنجد لو حزرتي ...
لاااا عم تمزحي
والله
يعني خلص ....طبس هههه
اي والله طبس طبسة ماكنة لقراقيط أدانو هههههه
حلو ......لك احكيلي التفاصيل
بعدين ...بكرة بخبرك كل شي ....
لك صابرين ...الصبح كان صاير معك شي ياترى
لا ....ليش عم تسألي
لك كان وضعك مو طبيعي ....مكركبة مدري ليش....احكيلي إذا في شي
اي يا ستي في ...
شووووو قولي
هاد حمدان ...
شبو
تجرأ وحاكاني الصبح
شووووو لك كيف ؟؟
لقيتو لاطعلي بالبناية ...وقال بدو ياني وبيحبني ومن هالحكي المصدي
اوف ....وشو قلتيلو؟؟؟
شو بدي قللو يعني ....قلتلو يمهلني شهر لفكر
طب وعلاء ...قحطيلو ؟؟
لك علاء بدي ياه ...وقلتلو يجي يخطبني بهل الأسبوع
ووووووو ....بهل السرعة ..والتنين بيوم واحد ....هههههه شو القصة!!
شو بيعرفني
مالك خايفة
من شو
من حمدان
صابربن بشوفة حال: لا ....مالي خايفة يعمل اللي بدو ياه ...أنا بحب علاء ....حزري شو وهو كمان بحبني كتير.....
عنجد ....هيك قلللك
اي ....يا الله شو هالشعور بيجنن .....حاسة حالي بمنام مابدي أصحى منو بنوب...لك لو تشوفي عيونوا كيف وهو عم يقللي ويحاكيني
حسنا : الله يهنيكي ياعمي .....أبقي خبريني شو بيصير معك ...لأن شايفتلك هاد علاء خلص رح يخطفك مني
ههههه لا ولوووو أنتي الأصل
اي لنشوف ....يلا بدك شي
لا سلامتك
يلا باي
باي ...الله معك

تاني يوم هربت هريبة صابرين من بيتها قبل موعدها الأساسي حتى تهرب من عيون حمدان المراقبة إلها بالرايحة والجاية ...حتى صارت تغيير مواعيدها كلها ....لاحظ حمدان هالشي وفكر إنها خجلانة منو ..........وبعد كم يوم فعلا أجى علاء وأهلو ع الحارة قدام عين حمدان وسامر .....مبينين ناس جدد بالحارة من السيارة الفخمة والتيب ع العيلة حتى علاء فايت مطقم بالكحلي ولا أحلى من هيك مع باقات ورد كتيرة و فايت ع بناية صابرين ...هالشوفة خلات سامر يضرب أخماس بأسادس ...وحكى لرفيقو حمدان اللي عم يطلع عادي مو ببالو شي ..
سامر : لك شفت هنيك
حمدان : وين هنيك
لك شوف هالشوفة لك شووووف يالطيف
اي والله .....صح السيارة حلوة ....
لك يا أجدب...مو السيارة
لكن شو ؟؟؟
أنت شكلك مافهمت لسى ماهيك ...الفوقاني مسطل ع الآخر
لا ليش ليكني صحيان ....
لكن قللي شو قالتلك صابرين هداك اليوم ؟؟؟
قالتلي أصبر عليها شهر
سامر مو عاجبو : ممممم شهر ....لك مو كتار يا هبيلة ؟؟؟!!
حمدان: لك هيك بدها وأنا مابدي أضغط عليها .....شكلها خجولة بتعرف البنات مابيحبو كتير الدبقة ...ومابدي أخسرها
سامر بعصبية : ممممم هيك لكن ... قلتلي ....أي خليك نايم على ودانك ....صحي أجدب أنت
لك شبك سامر ...ليش هيك عم تحاكيني
لك يا أهبل هالشب اللي شفتو فايت مع أهلو بالسيارة الفخمة ....جايين يطلبو أيد صابرين إذا الله ماكذبني خبر
هاااه ..شو هالحكي هاد اللي ما بينسمع .....أنت بدك ولعب بأعصابي ...بعرف حركاتك .....
أنا ...ليش شو مصلحتي ؟؟؟؟
طب وشو عرفك يعني بهل المعلومة الخطيرة ؟؟؟!!!
طيب هات مخك شوي لزفكر أزا وياك بعقل ...
تفضل
لك مين في بالبناية هديك صبايا غير صابرين ...؟؟؟!!!!(صفن حمدان)
سامر عم يكمل متل كونان : أي وكل البناية شي مسافر شي متجوز ....لك حارتنا ديقة ومنعرف شو فيها ......
انفلج حمدان بصاعقة قوية ضربت ع راسو
سامر : لك وين عقلك ؟؟؟؟!!!ألووووو
حمدان: لك أي والله صح
اي نعيما
معقول تعملها فيني ....معقول تكون ضحكت عليي
سامر سعل سيجارة : والله يا صاحبي ضحكت وخلصت ...شكلها هي مابدها ..(أنسمع صوت قوي )
سامر عم يكمل وينفخ : سمعت .....سمااااع منيح ...صوت زلاغيط ......شوف كيف ...من عند بيت صابرين طالع ....وهاه ...ليكها كملت طلعت غنية مباركات للخطيبين .....لك شبك ..(كب السيجارة حمدان ...دعس عليها ومشي حاطط أيدو بجيبو عم ينفخ متدايق كتير وجهه ماعاد تفسر بنوب )..شو صرلك ...ألو حمدان
حمدان هو ماشي متدايق : خلص تركني سامر لاتلحقني ......

سامر : لا حول ولا قوة إلا بالله ...شو هالشغلة هي ....وهي الجو بلش يغيم كمان.....كأنها رح تمطر ....الله يجعلها سقية رحمة ....الله يكون بعونك ياحمدان مو سهلة والله .....

الحلقة الخامسة والسادسة والأخيرة
@rwayate
#غائم_جزئيا_بقلم_كنانة_غميان

الكل صار بالمشفى ....من عيلة علاء وعيلة صابرين عم يستنو الدكتور ليطلع من غرفة العمليات
ام علاء : يعلى آمتي يا ابني .....
أم صابرين : طولي بالك يا أختي .....طولي بالك
لك كيف بدي طول بالي السيارة مطحمشة فوق أبني ....
صابرين قدام حماتها عم تبكي : كيف صار الحادث
كان ماشي بسرعة وطلع بوجهه طفلة راكضة ...منشان ما يصدمها ...انعكف ..ولفت السيارة وطارت بالجو لاااافة كم لفة ووقعت ع الأرض ...بس بهلل اللفات تكسرت تكسير ...لو تشوفي علاء يا صابرين .....(تبكي )....رح يتقطع قلبك عليه .....
صابرين(يارب مايكون صاير فيك شي ياعلاء .....ولي يعلى آمتي أنا ....لأن إذا صار شي رح روح فيها دبلكة ......)
طلع الدكتور أخير ...بس وجهه صاير مغبر ومعفر بالدم .......قرب ناح العيلة وهنن كلهم هجمو عليه
أبو علاء: شو دكتور طمنا بترجاك....
أبو صابرين : خير دكتور أحكي
الدكتور زاح الكمامة عن تمو ...وعينو بالأرض ...هزز راسو بأسف ....هون صرت أم علاء بالمقلوب ....ماعاد تعرف شلها ...وانشلش الكل ....علاء مات تارك عيلة وراه ....وحبيبتو عروسة المستقبل
الصاعقة كانت على صابرين أكتر الشي ....راحت ع البيت عم تبكي وتبكي : ياربي ...ليش عيك صار ...ليش ماكملت فرحتي ...لك مو بقيان غير أسبوع واحد بس ....وااااحد ...
الأم أجت وفتحت الباب ع بنتها صابرين ...اللي طمت راسها بالمخدة مصدومة ....جاييتها الجمدة
طولي بالك يا بنتي ....الله يرحمو ويحسن إليه ....شو بدنا نعمل قدر الله وما شاء فعل ...حسبي الله ونعم الوكيل دعيلو بالرحمة
صابرين ماعاد حكت شب ....كانت متل الحجر ع هالتخت
أم صابرين : الله يرضى عليكي استهدي بالرحمن ...قومي يا بنتي شربي مي ....صرلك من وقت ما أجينا وأنتي مو رضيانة تعملي شي
صابرين : أمي الله يوفقك تركيني لحالي .. أنا
لك بعرف ...صدقيني بعرف
اطلعت صابرين بأمها ...بعيون ساكتة بس من جواتها نار عم تغلي وتحكس (لا يا أمي ما بتعرفي ...لو بتعرفي كنتي ذبحتيني بأرضي هلأ ) وصارت تبكي ....قربت الأم عانقتها : أهدي لمس أهدي (بس صابرين عم تبكي بنشوقة وحرقة كبيرة ....والأم فهمت أنو زعلانة ع غياب وفراق الحبايب ....تركتها غفيلمة ع هالتخت من القهر وطلعت لبرا

بس صابرين ماناكت ماغمضلها جفن ..مرر أسبو على موتت خطيبها علاء وهي بعالم تاني ....كيف كانت فرحانة والأحواء حوليها ما بتجيب غير الفرح .....أما هلأ مالها حاسة غير بالغم والهم سوا ...وتبكي ع مخدتها : ..يا الله تصبرني على بلوتي ......والله مصيبة هالشغلة ....والحل هلأ ....كيف بدي أستر حالي ....يارب ترحمني وتغفرلي ....أنا غلطت ياربي ... واستور عليي ياربي .....يارب ..يارب .....

الحلقة السادسة والأخيرة
#غائم_جزئيا_بقلم_كنانة_غميان
@rwayate
صابرين فاتت ع غرفة حمدان شافتو نايم غفيان ..وشخيرو لبرا .....تأملتو شوي كيف نايم تعبان ...الذنب عم ياكلها تجاههو كل هالفترة وبنفس الوقت مو طالع بأيدها تعمل شي ....تحرك حمدان من طرف لطرف فوقع نص الحرام...وتكشف ..فقربت وغطتو على مهلها ....وحملت حالها وطلعت لغرفتها ...غرغرت الدمعة بعينها وبكيت شوي ...
ورجعلها الزمن لورا ....ليوم هديك الحادثة اللي صارت مع علاء
😶😶😶😶😶😶😶😶😶😶😶😶😶😶

صابرين : يسلم دياتك ع الغدا كان كتير طيب ياعلاء ...وهلأ لوين رايحين حبيبي
علاء: رح نطلع أنا وياكي لفوق شوي
لوين لفوق
لك ع بيتنا ...بيت المستقبل
وشو طالعني أنا معك
ليش شو فيها ما أنتي مرتي قدام كل الناس ....يللا قومي
بس.....
لك بس بتساعديني بالغراض أقل شي منحطهم ومننزل مابدي شي تاني منك بنوب ....
بس ....؟؟؟!
لك حاج تبسبسي شو ...مابدك تعرفي الغراض وين بدنا نحطها وتعرفي أماكنها أي نص الغراض اللي معي بينحطو بالمطبخ ..
صابرين مغصوبة: طيب ماشي رح أطلع منظبطهم ومننزل
أي هيك ها ...دخيل المرضي ....يلا أمشي نزلي لقلك .....خدي هي الكياس .. مشي قدامي لقلك (بعد دقايق)

صابرين : أخيرا وصلنا ...تعبت من طلعت الدرج .....يضرب حظي مافي كهربا كنا طلعنا بالمصعد ...يلا فتاح الباب خلينا نحط الكياس فطست
وهي فتحتو ...يلا فوتي برجلك اليمين لقلك ....
ياييييي مو معقول . شو هالجمال هاد
عجبك
لك بيجنن .. متل الكتالوكات بالضبط ...بس الواقع احلى عنجد .....
تعي شوفي المطبخ ....
واو سوبر ديلوكس . هيك أنا بدي ياه ......
مابدك تشوفي غرفة النوم
أمبلى ..بس لوضب الغراض
طيب يللا جايي ساعدك

وهيك تمام ...خلصنا ...شبك علاء ..ليش هيك عم تطلع فيني
يا الله يا صابرين طالع بتجنني لمعة عيونك ماعم بقدر قاومها .....تعالي لقلك
لا لا شو عم تعمل
لك شبكي خايفة أنتي حلالي
حتى ولو ...مالازم هيك يصير
لا بيصير ...هلأ ولا بعدين نفس الشي...لك مشتقلك مووووت صدقيني
مصدقتك
طب وأنتي ....مالك مشتقتيلي
أمبلى بس
لك تعالي حاج تدللي عليي والله ماعم صدق كيف هيك صرنا لحالنا أخيرا بدون مراقبة أمك .. ..
لاااا ليش شبها أمي ....
لك ع طول طالعتلي بالسحبة ...ومابدها ياهني قرب منك مدري كيف .....تعالي شوفي غرفة النوم لقلك ..حاطط فيها مسجلة بدقة صوت بتسطل ...تعي ..لك يلاااااا حاج دلال....تقبريني ريتك أي .......بحبك صابرين
وأنا بحبك علاء .....
😣😣😣😣😣

مسكت أديها صابرين على وجهها وتلطم فيهم عم تبكي تعصور أديها وتفرك من قهرها ع هالذكرى المأساوية ...أنو شو كان صار لو استنت الوقت المحدد ...ومتل ما بيقولوا كل شي بوقتو حلو
وإذ حست بهمس ع الباب ..فشافتو واقف :
شبكي صابرين ؟؟؟
صابرين مسحت دموعها وتسطحت دايرة وجهها : مافي شي ...تصبح على خير
حمدان سكت وصفن شوي ...ماعجبو هالوضع والأيام عمر تمر ببطئ كبير كل يوم عم يمر سنة عليه ....فتجاهل شوي حالو وقرب لعندها واقف قدامها : صابرين أنتي منيحة
اي منيحة ...كيف بدي كون غير متل كل يوم عم أتعايش مع ذنبي اللي لايغتفر .....
طب أنا شو طالع بأيدي أعملك
ولا شي خلص .....بقي عضة كوساية ورح نخلص من بعض .....وكل واحد فينا رح يروح بحال سبيلو ..مو هيك بدك
لأ ....بدي غير هيك
مافهمت
قصدي رح تفهميه بعدين يا صابرين ......تصبحي على خير .... .
صابرين ما ردت عليه ...بس حست في شي لسى مابتعرفوا ....بس اللي بتعرفو منيح أنو رح يفترقو بنهاية الطريق والطلاق رح يصير خلص .....

#غائم_جزئيا_بقلم_كنانة_غميان

عن قصة واقعية 😗😗😗😗
@rwayate
الحلقة الأولى
#غائم_جزئيا_بقلم_كنانة_غميان

عند الحارة... وبوقت الظهر بينما خلص وقت الدوام و رجوع الكل ....وهالحارة القبيلية معباية ناس أشكال ألوان ياريان ..بلشت تنعجق بين طلاب المدارس وغيرهم من الناس راجعة ع بيوتها ...

سامر نكش رفيقو وهنن ماسكين سيجارة بأيدهم :
سامر : لك شوف شوف هنيك هههه وصلت حبيب ..وصلت هههه شوفها
حمدان : اي والله وصلت
سامر: ههههه لك شبك هههه
عم ركز شعري ...شوفني بالله كيف طالع .....؟؟؟!
سامر: ههههه حلو متل اللي حاطط زيت ع راسو ومسبل منو القمل ههههههه
لك سكوت بلا غلاظتك شكلها رح تمر من هون مو هيك؟؟؟؟
ممممم لا مو شكلها شوف هي صاحبتها معها ....ههههه زورتك وراحت ...شكلها رح تروح ع بيتها من الطرف التاني هههههه يمكن من اللحظة اللي طستك فيها هربت هههههه .....لك تعال لهون وين رايح .....
حمدان راكض مستعجل : رايح شوفها .....
مسك أيدو سامر بقوة : لك ما مليت من أنك تلحقها من مكان لمكان ...آه لك أجدب ...أهدى بقى وحاج جنان @rwayate
وقف لحظة حمدان : بحبها يا سامر فهمني بقى .....
سامر: لك طالما بتحبها لهل الدرجة ما تروح تقلها وتحاكيها .....مو أحسن من أنك تلحقها كل يوم هيك ....لك حاجتك يا زلمة والله بلشت أزعل عليك
حمدان: لك المشكلة أنو هي على طول بتفكرني عم اتحركش فيها .
بس انت مو هيك
صح أنا مو هيك .و عنجد حابب احكي معها .........
سامر: طيب روح جرب حاكيها يا أخي
حمدان : انا بدي بس
لك بس شو يا اجدب
خايف
من شو؟؟
لك ماهية صدتني أكتر من مرة
سامر: اي طبيعي لأن مبين عليك أزعر وهالمناظر الظريفة ههههه .....لك روح ظبط وضعك متل الأكابر وطلبها شو خسران
انهز حمدان وتحرقص بدو يمشي : ولا شي ......بدك شي ...رايح شوفها إذا وصلت ع بيتها ولا لأ .....
ههههه مسكين ...وعلقان بسلة تين ...روح رووووح لشوف آخرتها معك لوين رح توصل ......(راح حمدان )

(بهداك الطرف )
@rwayate
حسنا اطلعت ع الحارة واطلعت برفيقتها اللي انسم بدنها ....مسكت ايدها صابرين بقوة ومشيت ...
صابرين : تعالي ع الطريق التاني اريح لي واريح لبالي
حسنا : ههههههالمعناتها شفتي مين كان ناطرنا بالحارة
صابرين: أي شفت ...يضرب هو وياه .لك قرفت الحارة من ورا هالتنين بس ....
حسنا: أي روقي ...هههههه بس شكلو مو حالل عننا .....
صابرين: لك رح طق منهم ومن زناختهم ....لسى الحارة مليانة شباب مصاريع بين تلطيش واللهم عافينا من مناظرهم ....الله يتوب عليي من هالحارة هففففف
حسنا: هههههه لك وين بدك تهربي ...شوفي شحو ليكو عم يطلع فينا من آخر الحارة ....ليكي ليكي
صابرين : ديري وجهك حاج ...رح يفكرني عاجبني كتير هلأ ......(لمحتو صابرين )ييييي شو سقيل ....أمشي أمشي لقلك .....
حسنا : لك اي اي حاج تشدي بمشي لحالي ...شو صرلك شفتي بعبع ....هههههه

صابرين: وهي وصلنا أخيرا ع البيت ....آخ قلبي رح يوقف من الركض
حسنا: لك شبكي ...والله عادي ...شب معجب وعم يلحقك ...معو حق يعني ..
صابرين مسمومة : شو قصدك؟؟
حسنا : لك قصدي أنو .....أنتي ماشاء الله طول وكسم حلو وشعر ولبس وغير هيك من عيلة كويسة ...ودارسة سنة تانية أدب عربي ...شوفي شوفي ...
شوووووبدي شوووغ
حسنا: راح ....كأنو كان لاحقك ليطمن عليكي وصلتي ع البيت !!!!
شو بيعرفني يمكن ...اصلا هو كل يوم هيك
طب هو شو بدو منك
ما بعرف .....بيكون فعلا معجب ....
ههههه طيب وأنتي شو @rwayate
شو شو ....مستحيل وافق على هيك أشكيلات
يعني لو لنقول بدو ياكي مثلا بترفضي ....؟؟؟؟
مابعرف مالك شايفتيه عم يتسلى ...وكل يوم عاملني ملطشة قدام الكل ....
بهي معك حق ....بس إذا لاحظتي مو هو اللي بيعمل هيك ....بس الشباب اللي حوليه يعني مو هو .....
صابرين : المهم أنا مالي بهل الموال بنوب
حسنا دقرت شوي وبعدين طلع هداك الصوت بعين قوية : آه هااااااا ...هلأ فهمت
شو فهمتي احكي ولك حسنا ؟؟؟
حسنا : هههههه عينك على الشب اللي بياخد منك محاضرات ...ا بالجامعة ....لا تكلعي فيني هيك وأصحك تقولي لأ ....مبين من نظراتك شو ....شبكي حمريتي وخضريتي آه
صابرين: يييي علينا حسنا صار لازم أطلع أتأخرت ...
اهربي لقلك اهربي
لك مالي عم بهرب بدي أدطلع تعبت عنجد
حسنا: طيب منحكي بعدين ...يلا باي حبيبتي ....
باي

طلعت صابرين ع البيت بسرعة ...وهي عم تفكر بحكي حسنا .....ورن جوالها وردت مبسوطة (.....)

(بالحارة)
حمدان رجع لعند سامر
شو يابو ...شو صار معك
حمدان: أخ . ......مافي غير مشنكلة رفيقتها حسنا
وشو المشكلة
لك لازم حاكيها ع انفراد ....وهديك لزقة فيها ....
سامر : ممممم طيب حاكيها بكرة الصبح
هيك قولتك
أي ....مالك غيرهيك ...سماع شو رح قللك ..
قول لشوف هات احكي أستاذ سامر