#قلوب_بيضاء_سوداء_بقلم_حنين_طه
Telegram:@rwayate
الجزء الاول

ليالي الصيف الحلوة الكل سهران وفرحان شي قاعد عسطح البيت وعم يسهر هو وولاده وشي قاعد مع رفقاته قدام ابواب البيوت وجزء قاعدين جوا عم يلعبو شدة الكل بكون ناطر الصيف على احر من الجمر حتى يجي ويقضوها فرح وحب الا بيت واحد بكل البلدة ما فيه الا الحزن

( قرب مني يا ابني)
عيونه متل الجمر حمر كتير على قد ما بكي قرب من عند بيه ووطى لعنده مسك ايديه وباسهم

سيف: ابي لا تروح وتتركني انا ما عندي حدا غيرك

الاب: لكل شي بهالدنيا يا ابني في نهاية وانا الي سنين عم قاوم هالمرض اللعين وما في الا عم ياكل بجسمي حاولت كون قوي دايما عشانك بس انا نهايتي اجت
سيف اطلع فيني لا عاد تبكي ابني هون ما في مكان للضعف ( كان عم يأشر على صدره لسيف )
هون القوة القسوة الجبروت اعرف شغلة كتير مهمة اليوم الي رح تضعف فيه رح تخسر كل شي بنيته بحياتك وبنيته انا كرمالك
اوعى تنسى تارك يا سيف اوعى تنسى الي بيوم فهمتك عليه وعرفتك اياه فهمان علي يا ابني
هز راسه سيف بكل حزن وما في ثواني الا ايدين ابوه بردو فجأة وما عاد حاسس سيف بالدفا تبعهم

———- بعد فترة طويلة ————-

ايهاب: اليوم الجو حلو بتحب جهزلك سيارة لترجع تداوم بالجامعة يا بيك

سيف : لا انا ما عاد داوم بالجامعة خلص رح اتركها

ايهاب: بس ابوك وصاك عدراستك لازم ما تتركها

سيف: ايهاب ابي توفى وهلا انا هون ما عاد بدي كمل دراسة خلصنا

ايهاب: حاضر متل ما بدك

سيف: قول لام جلال تحضرلي الفطور لاني طالع بعد شوي اتفقد البلدة

ايهاب: بتأمر يا بيك

قام من مكانه بدل تيابه لبس قميص اسود وبنطلون اسود مع جاكيت من نفس اللون ونزل ليفطر ويكمل طريقه عالبلد
Telegram:@rwayate
ام جلال : صباح الخير يا بيك

سيف: فطوري جاهز ام جلال

ام جلال : ايه ايه يا بيك تفضل ليكه عالطاولة

بعد ما راح سيف شوي قربت الخادمة نهيل من ام جلال ووشوتها بدانها

نهيل: كنا نقول عن ابوه قاسي وظالم شكله هاد ابوه نقطة ببحره

سيف من بعيد : نهيل من اليوم وطالع اذا بدك تقولي شي بتقوليه عالملا ما بحب الاسرار في بيتي انا
اطلعت ام جلال بنهيل وكزت عسنانها بمعنى الله سترنا هالمرة

انهى فطوره بهدوء وطالع نظارته الشمسية حطها على عيونه وطلع من البيت
ركب بسيارته من ورا وطلع ايهاب قدام ليسوق فيه

ايهاب: وين مشوارك يا بيك

سيف: على وسط البلدة

ايهاب: بتأمر

سيف: ايهاب بدي اسالك سؤال انت الك زمان بهالبلد صح

ايهاب: انا ابنها جدودي واهلي كلهم منها

سيف: اه يعني لو سالتك عن اي حدا هون بتجاوبني صح

ايهاب: اكيد طبعا بعرف كل بيت وكل عيلة كم عدد افرادها وكم دخلهم وكل شي يا بيك

سيف: مممممم حلو كتير قلي لكان شو بتعرف عن عيلة اللبان

بلع ريقه ايهاب وتوتر

سيف: شو صرلك انتبه للطريق قدامك وجاوبني عقد سؤالي ولا في شي بتعرفه عنهم انا ما بعرفه

ايهاب: لا ابدا مو هيك بس
كل الي بعرفه انهن عيلة كبيرة كبيرهم ابو عثمان مختارهم وعنده تلت اولاد مزوجين

سيف: ايوا طيب عندهم بنات بهالعيلة

ايهاب: ايه طبعا عندهم وبناتهم حلوات كتير

زوره سيف بعيونه
وكمل طريقه عالبلدة شاف بعض التجار الي هناك وقابل بعض المسؤولين انهى شوية امور من شغله ورجع عالبيت
Telegram:@rwayate
المسا وقت كانت ام جلال عم تحضر العشا فات سيف لعندها عالمطبخ

ام جلال : سيف بيك شو جابك لهون

سيف: ولا شي جيت لاشرب مي فيها شي

ام جلال: ابدا بس يا عيب الشوم منك كنت انا بجبلك اياها براسي لعندك

تناول كاسة مي وقعد عالكرسي مقابيل ام جلال حست عليه انه بتمه حكي وجاي يقوله

سيف: ام جلال انتي بتعرفي ابي كتير منيح وبتعرفي حياته ونظامه وقوانيه بهالدنيا

ام جلال: صحيح

سيف:وبتعرفي انه اهم شي عنده لابي ما حدا يكذب عليه وانا متله

ام جلال:.....

سيف: بدي اعرف كل شي عن عيلة اللبان
كل اسماء بناتهم ونسوانهم ورجالهم
الحوامل من نسوانهم المطلقات الارامل كل شي ولا تنسي ولا اي معلومة
تعي اقعدي قبالي واحكيلي
بعد ما عرف سيف كل المعلومات الي بتلزمه قام ليطلع على غرفته

سيف: صحيح ام جلال انتي ابنك بعده مريض

ام جلال: الحمد لله عكل حال بعده مرمي بهالفرشة تعبت يا بيك قد ما طاردت فيه من مشفى لمشفى وكل مشفى بده كومة مصاري

سيف: طيب من هاللحظة اي شي بيحتاجه ابنك لعلاجه خبريني فيه كل تكاليف علاجه علي ولا يهمك

ام جلال: روح ربي يفتحها بوجهك وينور طريقك يا رب

طلع سيف عغرفته ومباشرة فات ايهاب لعند ام جلال

ايهاب: ام جلال ام جلال

ام جلال: لك ايه

ايهاب: شو كان بده البيك منك

ام جلال: لك تصور بده يتكفل بعلاج ابني جلال كله

ايهاب: ايه الف الحمد لله شو بدي قلك بس هيك قلك

ام جلال: لا امبلى كمان سألني عن عيلة اللبان وعن بناتها ونسوانها وكل شي بخصها

#قلوب_بيضاء_سوداء_بقلم_حنين_طه
الجزء السادس والاخير
Telegram:@rwayate
حط ايديه على وجهه ورجع اطلع فيها قرب منها مسكها بين ايديه
سيف: يعني انتي ما نزلتيه للولد

مريم: سيف اترك ايدي لك عم توجعني

سيف: جاوبيني بسرعة بلا ما اطلع بروحك

مريم: رح احكي كل شي بس اصبر
بهديك الليلة الي طلبت فيها من الدكتور يعطيني دوا لحتى نزل الولد انا ترجيته بيني وبينه ما يعملها ووعدته ابعد عن حياتك نهائيا وما عاد قرب صوبك ولا خليك تحس ابدا انه تركت الولد ببطني
كان متردد كتير بس حزنه علي خلاه يوافق واوهمنا الجميع وقتها اني اخدت الدوا واجهضت وتاني نهار تركت القصر ورحت اختفيت طلعت من البلد كلها كملت اشهر حملي وخلفت وكبرته لابني بعيد عن هون وهلا رجعت لانه ما بقى قادرة اسكت ولا بقى قادرة خليك انت بمطرح وابنك بمطرح خاصة انه كبر ووعي وهو ما بيعرفك

كان سيف معصب كتير ووجهه صار احمر كتير عروق رقبته برزت مسك مريم من رقبتها وشد عليها

سيف: الله ياخدك استغفلتيني انتي وهالحقير لكن انا بعرف حاسبكم بطريقتي

كانت عم تختنق بين ايديه تركها على اخر نفس ورماها عالارض

سيف: يا ويلك اذا هالمرة بتكوني عم تكذبي علي حسابك معي عسير يا مريم والله
وباعلى صوته نادى على ايهاب

ايهاب: نعم نعم يا بيك

سيف: من تحت الارض بتجبلي الدكتور الحمار الي كان هون وقت نزلت مريم

ايهاب: نص ساعة وبكون عندك

طلع ايهاب من البيت وطلع سيف وراه عغرفته وبفيت مريم قاعدة بالصالة لحالها بعد شوي اجت ام جلال لعنده

ام جلال: بتسمحلي فوت يا بيك

سيف: اكيد ام جلال طبعا فوتي

ام جلال: انا بعرف انه اكتر شي بزعلك وبدايقك بهالدنيا حدا يكذب عليك او يفكر يغدر فيك بس الي صار صار وهي الملحوشة تحت بتكون امه لابنك حرام هيك

سيف: جابته لهالولد وانا ما بدي اياه جابته غصب عني

ام جلال: لانها بتحبك وبدها اياك

سيف: هلا مو رايقلها نفسي فجرها وارتاح منها


ام جلال : طيب والولد ما جاي عبالك تشوفه تحكي معه
Telegram:@rwayate

سيف: شعور حلو انه يكون عندك ابن بس يكون من حدا بتحبه انا بعمري ما حسيت شي اتجاه مريم
ما عمري حبيتها يا ام جلال

ام جلال: هلا خليها تفوت عشي غرفة من هالغرف ترتاح وبعدين بحلها الف حلال

بعد وقت قليل اجا ايهاب وشاحط قدامه الدكتور
نزل لعنده سيف بسرعة مسكه من تيابه ولزقه بالحيط

سيف: مريم كذبت علي لانها حبتني انت شو مبررك يا خاين

الدكتور( عم يلقط انفاسه) : مين مريم
سيف: ما عارفها ولاه الي ساعدتها لتحافظ عجنينها وضحكت علي انت واياها

الدكتور: ت ت ترجتني هي ترجتني كتير قالتلي ما رح تدايقك بهالولد ولا رح تقرب منك ورح تختفي من حياتك عالاخر شفقت عليها الله يخليك تسامحني يا سيف بيك

سيف: اخرس اوعى تغلط وبعدها تطلب السماح
بقانوني انا الي بيغلط بتحاسب ما بتسامح

الدكتور( يبكي) والله ما كان بدي اخدعك بس هي الي لعبت بعقلي الله لا يسامحها

دفشه سيف بعيد عنه ونادى على ايهاب
( تصرف معه )

هداك اليوم ما طلع سيف لعند مريم وحاكاها ابدا بس بالمسا نزل من غرفته وراح عالحديقة مشي كم خطوة باتجاه بيت سالي ورد رجعهم

سيف: والله ما عاد بعرف امشي او ارجع

كمل طريقه ودق الباب

ابو صطيف: البيك بذاته عنا شرفتنا يا بيك

سيف: كيفك يا ابو صطيف

ابو صطيف: بخير من الله

سيف: شو وينها ام صطيف

ابو صطيف: راحت عندك عالقصر تساعد ام جلال بالعشا

سيف: اها طيب خد هي الرشيتة فيها دوا نط عالصيدلية جبلي اياهم

ابو صطيف : حاضر من عيوني بس كنت بعتلي اياهم مع ايهاب

سيف: قلت بمر عليك عادي ما صار شي

لبس ابو صطيف برجله ورد الباب وراه وسيف راح عن الباب ووقف ورا الشجر لحتى شاف ابو صطيف شغل السيارة وراح قرب عالبيت وفتح الباب وفات مباشرة عغرفة سالي كانت نايمة ووجها اصفر كتير شعرها مغطي كل المخدة وعم تتعرق وبتحلم
وطول الوقت تقول( هي الي قالتلي اجي لعندك هي )
قرب منها وقعد حنبها عالتخت حط ايده ورا راسها وقرب منها فتحت عيونها شوي شافته قدامها اجت لتصرخ حط ايده عتمها واشرلها تهدى

سالي( تبكي) : انا مستعدة احلفلك الف يمين انه فرح هي الي قالتلي اجي لعندك

سيف: مع انه بكل هالقصر ما في وحدة بتشتغل هون اسمها فرح بس انا مصدقك

هديت شوي ومسحت دموعها بكفة ايدها

سالي: بتعرف طيب ليه عاقبتني اذا بتعرف

سيف: لاني قادر ميز عيونك ما بتكذب وقصة فرح رح اعرفها واعرف مين وراها بس عاقبتك لانك رديتي ولبستي هاللبس الفاضح
لو مين ما كان بالدنيا بيأمرك تلبسي هيك لبس اوعي تقبلي حتى لو كنت انا
كان لازم تتعاقبي لتتعلمي
Telegram:@rwayate
بلعت ريقها وسألته بعفوية
سالي: بتغار علي ؟

تلبك وتوتر من سؤالها

سيف: انتي صغيرة على هالكلام

سالي: انا مو صغيرة وبعرف الغيرة منيح

سيف: شو بتعرفي عنها

سالي:......

سيف: طيب ما رح احرجك بدي روح قبل ما يرجع ابوكي او تيجي امك
وقف بده يطلع التفت عليها