#قنبلة_الغدر_الكاتبة_روان_الشبلاق
الجزء الاول
كي أتفادى صدماتي بكم معشر البشر، صنعت قلباً جديداً لي من قطعة حجر
مريم عندها شباب 2 تؤام و واحد ابن جوزها بس هيا ربتو
ابن جوزها موسى عمره 26 متزوج من بتول عمرها 20
اولادها
قاسم متزوج من فرح و مسافرين بالبنان بسبب اوضاع البلد
و سليم عمره 25 متزوج من منال عمرها 22 وعندهم ولد
في غرفة موسى
بتول. والله معاد اتحمل هالحياه بالبلد لك صابني مرض نفسي
كل يوم على نفس الحالة كوابيس بالليل بسبب الخوف تعبت تعبت
موسى. اي والله الوضع لا يطاق قاعدين بالبيت لا شغلة ولا عملة بس يخلصو الكم الف البقيانين معنا شو بدنا نعمل
وماحدا لحدا بهالأيام
بتول. اي قلتلك كتير خلينا نطلع برات البلد وهنيك بتشتغل وبنعيش احلا حياه
موسى. مابعرف صرت فكر بالموضوع بس برجع بحسبها بقول كيف بدي ارجع من الصفر بدنا بيت هنيك وبدي شغل وغير هيك رح نطلع تهريب مو نظامي
بتول. هي اهلي عايشين ومكيفين ولاتهكل هم الشغل ابي قال بس توصل بكون شغلك جاهز
موسى. المشكلة لو اهلي يرضو يطلعو معنا برتاح اكتر انو رح يبقى بالي مشغول عليهم
بتول. الي بسمعك بقول اهلك بحبوك اذا مرت ابوك بتموت مني ومنك وابوك نفس الشي
مابتطالع منهم الا سليم ومنال اشوا شوي
موسى. بعرف انهم بيكرهوني وبيكرهوكي انتي اكتر مني وظالمينك وبدك تطلعي من قهرك منهم
وانا حاسس فيكي حابب ريحك حتى لو ماسافرنا رح استأجرلك بيت صغير
بتول. لا مابدي البيت الي بدك تستأجرو هون من وين بدك تدفع اجارو
اما برات البلد بتشتغل وبنستأجر بيت
موسى. خليني فكر لاني قرفت حالي 24 ساعة قاعد بالبيت وبعدين مع هالحالة
بتول. اي فكر ع مهلك
موسى. وبحاول اقنع اهلي يطلعو معنا
بتول. اي متل مابدك
بعد مرور ساعتين
موسى. بتول .. بتول
بتول. نعم
موسى. جهزي حالك للسفر
بتول. عم بتمزح
موسى. لا والله بحكي جد
بتول. واووووو هيييييييي
موسى. كل هالقد فرحانة
بتول. اي واكتر مابتتصور
الله يخليلي ياك ياحياتي انت
بس خبرت اهلك ؟
موسى. هلأ رح خبرهم و ع الحالتين رايحين اذا بدهم يروحو معنا اهلا وسهلا واذا مابدهم يسطفلو
بتول. ياعمري والله هاد احلا خبر بحياتي
واخيرا معاد اسمع صوت قصف ولا شوف الطيران ولاااااشي رح ارتااااح
موسى. ههههههه ماتخافي اكيد رح تسمعي قبل مانطلع
لأن موعدهم كل يوم بالليل
بتول. ليش ايمتا رح نطلع
موسى. بعد بكرا ان شاء الله وانا اليوم بحكي مع صحابي وبسألهم عن الطريق انتي بلشي ضبي الشناتي من هلأ بس لاتكتري يعني الضروري فقط
بتول. اي ماشي
موسى. ولا قلك تعي هلأ خلينا نطلع نسألهم ونشوف شو بقولو
بتول. اي بس انت بتحكي انا مادخلني مابدي اعلق بلسان مرت ابوك
موسى. اي انا بحكي
انتي لا تحكي شي حتى مايقولو منك
طلعو موسى وبتول ع الصالة كانو الكل موجودين ابوه ومرتو وسليم ومرتو
قعدو شوي وظلو ساكتين
موسى. احم احم
ابو موسى. خير اللهم اجعله خير
موسى. بدي قول انو عاجبكم وضعنا هيك
ام قاسم. شو بتقصد يعني
موسى. الي بقصدو خالتي انو خلينا نطلع برات البلد
هي قاسم طلع ومرتاح وعم بيشتغل ومبسوط هنيك ف ليش مابنطلع كلنا لشو نبقى هون
ام قاسم. شيل هالفكرة من بالك
موسى. ع فكرة انا ماعم باخد رأيكم عم بسألكم اذا بتطلعو معي او لا لأن فيكم وبلاكم طالع
ابو موسى. واذا قلتلك مافي طلعة
موسى. انا اخذت قراري ومابتراجع عنو
هي قاسم ليش ماعارضتوه وقت طلع
ابو موسى. قاسم طالعناه لانو مطلوب بس انت شو صاير عليك
موسى. الي عندي قلتو بعد بكرا مسافر بتحبو تروحو معنا ماعندي مشكلة
سليم. ع لبنان طالع
موسى. لا ع الاردن
ام قاسم. اهاا يعني هاد كلو من مرتك حتى تروح عند اهلها
موسى. مرتي مادخلها بشي
ام قاسم. لكن ليش مابتطلع لعند اخوك او ع تركيا ليش ع الاردن حصرا
موسى. انا هيك بدي
سليم. انا بطلع معك
موسى. بتحكي جد
ام قاسم. لا شو تطلع معو هوا يسطفل يروح وين مابدو انت شو مطلعك وتتركنا لحالنا هون
سليم. والله يا امي قرفت حالي هون ع الاقل هنيك بنحس بالامان
منال. اي سليم الله يوفقك خلينا نطلع معهم
سليم. رح نطلع وانتو كمان بتطلعو معنا
ابو موسى. انا رح ابقا هون الي بدو يطلع بالناقص منو
موسى. والله هنيك احسن النا والكم
يعني كل الي بقيو معي هون 1000 الف شو بدهن يعملن بالغلا بس يخلصو شو رح يصير بحالنا
سليم. اي انت معك انا فلست صرت اشحد حق باكيت دخان
هنيك بشتغل وبنعيش كل يوم بيومو
ام قاسم. سليم مافي طلعة
سليم. بدي اطلع
موسى. اي بنصحك تطلع
ام قاسم. انت ريح حالك ماحدا طلب منك نصيحة
موسى. مصلحة اخي من مصلحتي
ام قاسم. وابوك مو هامك رح تطلع وتتركو
موسى. بزبط وضعي هنيك وبيلحقني اذا مابدو يطلع هلأ
ابو موسى. انقلع اطلع درب يسد مايرد
سليم. ليش مابدكم تطلعو مو فاهم
ام قاسم. من طول عمرنا عايشين هون ومو صاير علينا شي
نجي بأخر هالعمر نطلع ونغترب
سليم. بس انا رح اطلع
ومارح يبقى حدا عندكم
ام قاسم. موسى قلبو قاسي
بس انت بهون عليك بأمك وابوك

#قنبلة_الغدر_الكاتبة_روان_الشبلاق
الجزء الثاني
الكل سهرانين ببيت اهلها لبتول وموجود معهم اولاد عمامها ايهم وادهم
اتصلت ام قاسم من سوريا بأبنها سليم
ام قاسم. ضجة عندك ماعم بسمعك
سليم. طيب لحظة لأطلع لبرا
ام قاسم. اي
سليم. هيك منيح واصح صوتي
ام قاسم. اي واضح
بس وين انت مين الي كانو عندك
سليم. انا ببيت ابو رامي اهلها لبتول
ام قاسم. شو عم تعملو عندكم
سليم. سهرانين
ام قاسم. اها يعني هيك نسيت اهلك وبعتهم
سليم. مين قال هالحكي
ليش بقدر انساكم
ام قاسم. والله يا سليم بعتنا وخلصت
ماعم تسأل ع ابوك مابتقول اذا معتاز شي او لا
مين بيصرف عليه
كيف مدبر حالو
سليم. حقكم عليي بس امهلوني فترة حتى زبط وضعي هلأ مضغوطين شوي
بدنا نجهز البيت ناقصو اغراض كتير وبدنا ندفع اجارو
وبعدا ببعتلكم مبلغ منيح
ام قاسم. ليش كيف عايشين كل واحد ببيت ولا مع بعض
وشو اخبار المغضوب
سليم. قصدك موسى
منيح وعايشين ببيت واحد
غرفتين لكل واحد غرفة
ام قاسم. غريب كيف قبلانة مرت اخوك تسكن مع سلفتها
سليم. متفقين كتير هيا ومنال متل الاخوات مافي مشاكل بينهم
ام قاسم. ايه اخذن حريتهن بعد ما تركنا
سليم. كلها شهر وبحكي مع ابي خليه يطلع لعنا
ام قاسم. اي ان شاء الله
بس اسمع المصاري لا تبعثهن منك اخذ من اخوك وابعث ولا هوا مو معترف بأبوه وفيني انا الي ربيتو وبلشت فيه من وهوا صغير
سليم. ماشي ماشي
ام قاسم. اي يلا تصبح ع خير
سليم. وانتي بخير
ام قاسم. ماشي مبسوطات هنيك وتاركات الشقى ع مين بقا
والاحلى انو اهلها لبتول اخدو ابني مني
صارو هنن اهلو عم يروح يسهر عندهم
بس لاكن مارح اتركهن يتهنن لا والله
وبالاخص بتول
دخل سليم ع البيت
رامي. بتول روحي اعملي قهوة او شاي
بتول. اي رايحة
راحت بتول ع المطبخ ولحقها ايهم ابن عمها
ايهم. شو بدك تعملي
بتول. شاي
ايهم. اعملي قهوة
بتول. اي متل مابدك
ايهم. هاد سليم ليه عم يجي معكم كل ما اجيتو لهون
بتول. وشو عرفك انو عم بيجي كل مره
ايهم. هيك سمعت
مو حلوة مشان اخواتك البنات شوفي كيف ابوكي وقت تيجو مابخليهم يطلعو من الغرفة
يعني حرام ينحبسو بسببو
بتول. لك والله هنن مابيرضو يجو بس انا بقول حرام ما الهم حدا بيتسلو
احسن مايظلو لحالهم
وابي مكبر القصة كتير يعني شو فيها اذا طلعن اخواتي وقعدن معنا
ايهم. كيف شو فيها هدول بنات مابصير من وين لوين يقعدو معو
بتول. انت عقلك متل عقل ابي
متشددين كتير بهيك امور
ايهم. وحتى انتي مالازم تسكنو ببيت واحد
كيف بتاخدي راحتك ببيت مشترك يعني ماعم بفهم
بتول. اسمعو ع هالحكي لك لكن كيف كنا ببيت حمايي ساكنين مع بعض
ايهم. هنيك كنتي مجبورة هون مالك مجبورة
بتول. لك ناويين نسكن كل واحد لحال بس ليتحسن وضعهم شوي لسا مو قدرة انو كل واحد يفتح بيت
ايهم. هي مو حجة
بتول. اخوتي ماحكو هالحكي
ليش انت متدايئ
ايهم. هيك انت بنت عمي ومابصير هالشي
بتول. طيب وطي صوتك لايسمعك مو حلوة
خلص رح خفف زيارتي لهون
ايهم. ماقصدي انك تخففي الي بدي وصلك ياها انو سلفك غريب عن خواتك
تعي انتي ومرتو مو ضروري هوا يجي
بتول. امرك غريب ليش هيك بتحكي يعني ماشفنا منو شي
ايهم. ماشفنا بس سمعنا
بتول. شو بتقصد
ايهم. من ونحنا بسوريا بعرف عيلتهم عندهم وساخة كتير
ابوه ومرتو انجس خلق الله
وشفت ابوه لزوجك مره بسوريا كيف قاعد قدامك انتي وسلفتك بتيابو الداخلية مابيستحي وماعندو احترام
قسما بالله لو ماكنتي لساكي عروس جديدة ومابدي اعملك مشاكل لكنت حطيت فيه كتل ليقول كافي
بتول. بعرف هالشي
ايهم. اي منيح لكن اكيد فهمتي علي
زوجك اهلا وسهلا فيه ايمتا ما اجا لانو غير عنهم وشب محترم وفهمان اما اخوه خليه بعيد بكون احسن
بتول. ايه خلص متل مابدك مع اني ما اقتنعت بحكيك انا بعرف ابوه وبعرف شغايلو بس من سليم ماشفت شي
ايهم. مو ضروري تقتنعي
وخليلي قهوتي ساده
ضيفتهم بتول القهوة وقعدت تفكر بحكي ايهم
بتول في نفسها. الي من يوم تزوجت ساكنين ببيت واحد وماشفت منو شي حركات هيك او هيك ايهم مكبر الموضوع
ع كلا انا بريح راسي وبخفف زياراتي لانو مابقدر قوللهم لا تجو معنا
وابي اكيد بيزعل ومو قادر يحكي
مع انو كل كم يوم او كل اسبوع حتى نجي مره
بعد مرور كم يوم
بتول ماراحت عند اهلها
موسى وسليم بالشغل ومنال وبتول قاعدين بغرفتها لمنال و مالين
منال. بتول شو رأيك تعلميني ع الرقص
بتول. اي ليش لا خلينا نتسلا شوي
منال. طيب هي شغلت الاغاني
بتول. عليلو كمان ويلا قومي
منال. اووف ع الحظ هي قعد حمودة من النوم هلأ وقتو
بتول. اي قومي معليش خليه يبكي شوي
منال. لا خلينب ارجع نيمو بالاول
بتول. لكن رح ارقص بهدوء وانتي احفضي الحركات كيف
منال. اي يلا
بلشت بتول رقص ومنال تتعلم منها
دخلو الشباب ع البيت لانو خلصو شغل بكير
موسى. يالله يالله
راح سليم ع غرفتو ومابيعرف انو بتول بالغرفة شافها وهي مفرعة وعم ترقص
بتول. وووولي
سليم. اسف اسف وطلع برات الغرفة
بتول. الله ياخدك يا منال
كلو منك

#قنبلة_الغدر_الكاتبة_روان_الشبلاق
الجزء الثالث
سليم. شو .. شو مين بقول هيك
مافهمت كيف بتحرش فيها
ام قاسم. لك اي صرت سامعة من اكتر من بنت من قراباتها لبتول انو انت بتتحرش فيها
سليم. مين قال الكي هاد
ام قاسم. قراباتها
سليم. مين بالزبط بدي اعرف
ام قاسم. بنات عمها ومرت اخوها
وانا سمعت من الناس مو منهن ولو مابعرف اني مربيتك مزبوط وانك مابتعمل هيك كنت سدئتهن
لهيك يا ابني الله يرضا عليك اطلع من البيت مو ناقصنا حكي كذب
سليم. كيف يعني بنات عمهاومرت اخوها بيحكن هيك
مين مخبرهن انو هالحكي صحيح
ام قاسم. هنن واصلهن الحكي من بتول انها مو مرتاحة بوجودك بالبيت وبدها تطلع بس زوجها مو راضي قال مابترك اخي
سليم. لا اكيد هاد تأليف من بنات عمها
ام قاسم. اي يمكن بس ع الحالتين انت اطلع شو مقعدك معهم
مشان مايطلع عليك حكي
سليم. هي مرت اخي وكنا ساكنين بسوريا سوا ويسترجي واحد يفتح تمو بكلمة العمى ع هالشغلة لهون لاحقيتنا المشاكل
سكرت ام قاسم بعد مارمت شرارة حقدها وكرها
لتنتقم من بتول ومن الكلام الي بعتتلها ياه
سليم في نفسه معقول بتول تكون حاكية هيك
لا لا مو مصلحتها تحكي هيك شي وتطلع سمعة ع حالها
بس امي لو ماسمعت الحكي مابتحكيه
كيف بدي اعرف شو القصة
خليني انسى احسن شي
بالليل بالمطبخ بتول عم تجلي وموسى واقف عندها
اجا سليم ع المطبخ لقاهم عم يحكو حب يتسمع عليهم
موسى. ماقلتيلي ليش مابدك نروح نسهر عند اهلك زمان مارحنا عليهم
بتول. اذا لحالنا بنروح اما اذا سليم معنا بلا الروحة
موسى. هااا ليش بقا
بتول. بتعرف انت مشان سليم وخواتي البنات وهيك يعني
موسى. يعني اهلك كانو ينزعجو من سليم وقت يروح عليهم
بتول. لا والله ابدا بس هيك افضل
موسى. ايه تسطفلي بكرا بس كون تعبان بتقولي خلينا نروح
رجع سليم ع غرفتو ومصدوم من الحكي الي سمعو
سليم. يعني حكي امي صحيح وهي بتول خايفة ع خواتها مني ومابدها ياني روح عليهم
بس ليش .. ليش لتحكي هيك
انا ما اذيتها بشي
العمى بقلبا بتشوه سمعتها كرمال تسكن لحالها
يالطيف ان كيدهن عظيم
وانا الغبي ماسدئت حكي امي
سليم. منال روحي قولي لموسى اني مو طالع بكرا ع الشغل حاسس حالي تعبان
منال. اي رايحة
سليم. الحق عليي انا شو اخدني ع بيت اهلها
معقول يكونن خواتها هنن الي حاكيات انو انا بتحرش ببتول
بس لا اكيد هيا قالت هيك لانو مابدها ياني روح لعند اهلها سيدي وبالناقص يلعنها ويلعن اهلها
باليوم الثاني طلع موسى ع شغلو وسليم بقي بالبيت
وصلو رسالة رقم سوري غريب ع الواتس مكتوب فيها
انت مابتستحي ع حالك بتتحرش بمرت اخوك يا واطي
سليم. مين انت .. مين الي بحكي .. شو مابدك ترد
كانت هي امو اشترت اكتر من خط لتبعتلو رسائل منهن
بعد مرور ساعتين سليم راسو رح ينفجر من كتر التفكير
وصلو رقم تاني وباعتلو
مالقيت الا مرت اخوك تتحرش فيها الله يجيرنا من هالزمن
سليم. مين انت .. ميييين فهمني يا احكي مين يا لا تبعث
بعد ساعة بعثتلو امو
ام قاسم. سليم شو الحكي الي سمعتو كل الناس مطووشة فيه والشاطر الي عم يجي يدق بابنا ويبهدلنا
سليم. عن شو بتحكي
ام قاسم. عن مرت اخوك ماتحطلها حد ليش ساكتلها وين رجولتك
انفضحنا بين الناس انفضحنا
ليكون الحكي صحيح وانت بتخبي عني
سليم. لا والله شو صحيح وهلأ وصلني رقمين وحكولي نفس الحكي شو القصة
ام قاسم. لا قصة ولا شي هي مرت اخوك متل ماقلتلك بدها تطلعك من البيت مو ملاقية حجة غير هالطريقة
سليم. خايف فاتحها بالحكي ويطلع كذب شو رح يكون موقفي
ام قاسم. لك ماظل حدا هون ماسمع وانت بتقلي كذب بهدلها وامسح فيها الارض لا تسكتلها
سليم. سمعتها من يومين تحكي انو مابدها ياني روح عند اهلها مشان خواتها
ام قاسم. بعرف سمعت كمان بهاد الحكي
انو مابدها ياك تروح لانو بتخاف ع خواتها منك
سليم. العمى لكن هي هيا اكيد لأن سمعتها بأذني وهي تحكي الحكي هاد
ام قاسم. شو رح تعمل هلأ
سليم. مابعرف والله راسي رح ينفجر
ام قاسم. بس بهدلها وخليها تعرف حدودها وتوقف عندها وماتطالع عليك حكي طالع نازل
سليم. طيب هلأ بدي سكر سلام
ام قاسم. الله معك
بالليل رجع وصلو رقم غريب
انت وسخ وكلب وتافه م عليب عليك تتحرش بمرت اخوك الي معتبريتك متل اخوها
راح سليم وهوا معصب ع غرفة موسى وبدو يحط حد لهالمهزلة دء الباب فتحلو موسى
موسى. خير سليم شبك
سليم. بدي .. انو .. يعني
ماعرف سليم شو بدو يحكي ولا شو بدو يقول لأخوه
موسى. شبك مو عارف تحكي
سليم. ولشي جايي قلك انو بكرا ماني طالع عالشغل لساتني تعبان
موسى. اي ماشي سلامتك
سليم. الله يسلمك
رجع ع غرفتو وظل طول الليل يفكر
سليم. لو هيا مو حاكية شي ماكان انتشرت الاشاعة
وانا سمعتها بأذني عم تقول مابدها ياني روح ع اهلها
بسيطة يابتول مابكون اسمي سليم اذا مابورجيكي
ثاني يوم ظل سليم يفتل بالبيت
من الغرفة للمطبخ للبرندة وهو معصب
وبدو فرصة يحكي مع بتول بدون ماتكون منال موجودة
في غرفة سليم
سليم. سكتيه للولد صرعني
منال. شبك معصو و شو ما الو اسم

#قنبلة_الغدر_الكاتبة_روان_الشبلاق
الجزء الرابع
في بيت سليم
منال. غريب شو صرلا هي
سليم. شو في
منال. بتول كأنها جنت طلعت من البيت ركد وانا حاكيها وماترد عليي وين بتكون راحت
سليم. تنقلع وين مابدها لا تتدخلي فيها
منال. شبك سليم ليش هيك عم تحكي عنها
سليم. اخرسي خليني اعرف نام ساعة
في بيت اهلها لبتول
ام رامي. اهلا وسهلا شو وين هالغيبة معاد شفناكي ولا سمعنا صوتك
شبك ليش هيك عم ترجفي
لك شبك احكي
بتول. ما .. ما مافي شي
ام رامي. امبلا صاير شي احكي لا تخوفيني
بتول. وينو رامي
ام رامي. راح مع ايهم ابن عمك
ها اولاد حلا هي اكيد هما رح افتحلهم
دخلو رامي وايهم
رامي. بتول عنا كيف عملتيها واجيتي
ايهم. كيفك
ام رامي. من وقت اجت وهي عم ترجف
هي رامي اجا ليش عم تسألي عنو
رامي. خير بتول شبك
بتول. بدي قوللكم شي
ام رامي. لك قولي لعيتي قلبي
بتول. سليم دخل ع غرفتي وقرب مني
ايهم ورامي. شووو
بتول. باسني من خدي وطلع وانا فورا اجيت لهون
ايهم. وينو هلأ
بتول. بالبيت
رامي. والله لأشرب من دمو
امشي ايهم
راحو ايهم ورامي لعندو ع البيت والشر بعيونهم
ام رامي. من وين اجتنا لمصيبة هي نحنا ناقصنا ياربي دخيلك
تربايتها لمريم الوسخة لمين بدو يطلع
احكيلي بالتفصيل شو صار وليش عمل هيك
وبس هيك عمل ولا صار شي تاني
بتول. كنت بغرفتي دخل هجم علي باسني وطلع وانا سكرت الباب
ام رامي. طيب مرتو وين كانت وجوزك وين
بتول. موسى بالشغل
ومرتو طلعت تشتري لأبنها
وصلو ع بيت سليم وصارو يخبطو ع الباب
فتحتلهم منال ودخلو بسرعة ع غرفتو
هوا خاف بس شافهم
حطو فيه كتل لقال كافي
تورم وجهو والدم صار ينزل منو
منال. لك اتركوه شبكن عليه شو صاير
ايهم. اي يا كلب ليش عملت هيك
اقسم بالله ما انشفى غليلي منك
رامي. ليش هيك عملت احكي احسن ما اخلص عليك
سليم. هي ليش لتفضحني بين الناس وتقول انا بتحرش فيها
وانا ماعملتلها شي
ايهم. مين الي فضحك احكي بوضوح والا ببتلا فيك
سليم. هيي مطالعة اشاعة انو انا بتحرش فيها وانا عملت هيك لخليها تندم ع الحكي الي قالتو
ايهم. رامي اتصل بالشرطة
سليم. انا ماغلطت هي الي بلشت
ايهم. اخرس وسد حلقك هلأ بس تجي الشرطة احكيلهم هالحكي
اتصل رامي بالشرطة واعطاهم عنوان البيت
اجو الشرطة واخدوه لسليم وقالو بدهم بتول لياخدو افادتها
رجعو رامي وايهم ع البيت
ام رامي. شو صار
رامي. اخدوه الشرطة
وانتي بتول صحيح الحكي انو كاين يتحرش فيكي وانتي ساكتة
بتول. لا والله هيك فجأة دخل عليي وصار الي صار
ايهم. ماعملك شي تاني
بتول. لا ابدا
ايهم. جهزي حالك يلا لنروح بدهم ياخدو افادتك وانت رامي خليك هون بس يجي عمي خبرو
راحت بتول ع المركز الامني مع ايهم ودخلو ع المكتب
اخذها واحد من الشرطة ع مكتب تاني وخلاها تحكي كل شي صار وهوا يكتب
الشرطي. ماعرفتي شو السبب انو عمل هيك
بتول. لا
الشرطي. اذا عملك شي تاني قولي ولا تخافي من اهلك
بتول. لا ما عمل شي
الشرطي. انتي متأكدة
بتول. اي
رجعت بتول ع المكتب الي موجود فيه سليم وكانو عم يضربوه
الشرطي. عم تعتدي ع مرت اخوك ياكلب ومفتخر بحالك واعترفت بهالشي
رح تتحاسب ورح تروح فيها 3 سنين بالسجن وبعدها تسفير ع سوريا يا حيوان
مشان تعرف انو الي بيغلط بهالبلد بدو يتحاسب
طلعو بتول وايهم من المركز
ايهم. مو قلتلك ديري بالك منو ما الو امان
بتول. انا مابعرف ليش هيك عمل والله فجأة صار هالشي
كان يعتبرني متل اختو
ايهم. لسا بتحكي هالحكي ع كلا منيح ماعمل اكتر من هيك وهي اخرتو الحبس مفكر ما الك حدا هالحيون
بتول. خايفة من ابي بس يعرف وكمان موسى شو رح يصير فيه
ايهم. اقلعيه شو بدك منو خلص اطلبي الطلاق
بتول. شو عم تحكي انت انا بحبو لموسى وانت بتعرف انو غير عنهم
ايهم. اي شو استفدنا شوفي اخوه شو عمل الحق عليه ليش ليسكنك معو وهوا بيعرف او وسخ
بتول. هوا مابيعرف انو رح يصير هيك
وصلو ع البيت وسمعت صياح ابوها واصل لبرات البيت
بتول. ولي شو رح يصير هلأ
ايهم. فوتي ماتخافي
دخلت بتول وبس شافها ابوها
ابو رامي. والله لألعن ابوكي يا بنت الكلب
والله لأرجع ربيكي من اول وجديد
الله يلعن ابو البنات
ليش ماحكيتيلنا انو بتحرش فيكي ليش سكتي لهلأ
ولك ليش احكي
بتول. ماكان يتحرش فيني
في بيت سليم
رجع موسى من شغلو ودخل ع البيت شاف منال عم تبكي
موسى. السلام عليكم شبك ليش عم تبكي
منال. سليم سليم
موسى. شبو سليم وبتول وينهة
منال. سليم اخدتو الشرطة وبتول ببيت اهلها
موسى. شو ليش اخدتو شو عامل
منال. دخل ع بتول ع غرفتها هجم عليها وباسها
موسى. شووووو سليم هيك عمل انتي متأكدة
منال. اي
موسى غسل ولبس ماعينو وراح ع بيت اهلها لبتول
في بيت اهلها
ابو رامي. قلتلك يا بنت الكلب هالعيلة سمعتهم وسخة مارديتي علي
وقلتي لأ بدي اتزوجو يلعن ابوكي ع ابوه
بتول. بابا موسى مادخلو
ابو رامي. اخرسي ولك اخرسي وبعد الك عين تحكي
ايهم. عمر اهدا شوي خلص عي انحلت وهلأ هوا بالحبس
دخل موسى لعندهم

#قنبلة_الغدر_الكاتبة_روان_الشبلاق
الجزء الخامس والاخير
موسى طلقها وطلع فورا
ثاني يوم منال راحت ع المركز الامني لتشوف سليم
منال. لو سمحت خليني شوفو
الشرطي. مابقدر ممنوع
منال. بس خمس دقايق الله يوفقك
الشرطي. يا اختي ممنوووع
منال. طيب كيف فينا نطالعو من هون
الشرطي. ليتنازلو عنو الي اشتكو عليه
منال. مافي غير هالطريقة
الشرطي. مافي
رجعت منال ع البيت وعم تحاكي حالها
منال. مستحيل ابوها لبتول يوافق يطالعو بلا ما اكسر نفسي الو
بس كيف بدي ابقا عايشة هون بدون رجال
موسى في شغله
موسى. كيف هيك فحأة صار كل هالشي وخسرتها لبتول حتى مانزلتلها دمعة بس طلقتها
في بيت بتول
بتول. خسرتك يا موسى ياعمري سامحني اني كذبت عليك بس ماطلع بأيدي شي
ظل موسى حوالي شهر يروح يحاول بشوف بتول بس ماكانت تطلع وموبايلها مسكر
بعد مرور حوالي 4 اشهر
كان ايهم يروح ع بيت عمو ويشوف كيف بعاملو بتول وكيف ظالمينها
لانو تطلقت وحتى الموبايل لهلأ مارجعولها ياه وحابسينها بالبيت لا طلعة ولا فوتة
لهيك قرر يخطبها من ابوها
راح ايهم عليهم
ايهم. عمي انا جايي اطلب ايد بتول
ابو رامي. بس انت شب عزابي وهي مطلقة
ايهم. معليش عمي انا رايدها
ابو رامي. لازم تفكر منيح قبل ماتحكي هالحكي
يعني اذا بدك في خواتها الي اصغر منها
ايهم. فكرت كتير وانا متأكد من قراري وبدي ياها لبتول
ومابدي غيرها
ابو رامي. لكن توكلنا على الله
ايهم. مابدك تسألها بالاول
ابو رامي. من اليوم ورايح البنات ما الهن كلمة
شفنا قرارها وقت اختارت زوجها الاول
ايهم. بس معليش انا بدي تسألها بالاول
ابو رامي. ام رامي ناديلي لبتول
نادتلها امها
بتول. نعم بابا
ابو رامي. ابن عمك رايدك ع سنة الله ورسوله وانا وافقت
بتول. شو .. كيف
ابو رامي. شو ماسمعتي ايهم طالبك للزواج وانا عطيتو
بتول. لا لا مابدي انا
ابو رامي. اخرسي قال مابدي
بتول. اي مابدي لانو لساتني بحبو لموسى
ابو رامي. لك اخرسي وانقلعي ع غرفتك
ابو رامي. خلص يا ابني البنات ما الهن كلمة وانا عطيتك وانت ابن عمها واحسن من الغريب
ايهم. بس هي ما وافقت
ابو رامي. شو بدك منها لساها صغيرة ومابتعرف مصلحتها
ايهم. طيب معليش روح احكي معها كلمتين واقنعها
ابو رامي. اي روح
راح ايهم ع غرفة بتول دء الباب وفات
بتول. خير شو جابك ع غرفتي
ايهم. بدي احكي معك شوي
بتول. مابدي احكي معك حل عني
ايهم. انا شفت كيف حابسينك بالبيت ومابخلوكي تطلعي
لهيك قلت انو بخطبك وبريحك
بتول. انت ريح حالك
عم بتفتح عليي بواب مسكرة
وانت بتعرف انو انا بحبو لموسى ومستحيل اتزوج غيرو
ايهم. بس ابوكي وافق وقاا رأيك مو مهم وحدد موعد العرس الاسيوع الجايي
بتول. والله بموت حالي ومابتزوجك لاني بعتبرك متل اخي
ايهم. هههههه عم بمزح معك
ابوكي وافق بس انا بطلت بس عرفت انو لسا بتحبي موسى
بتول. لاتكذب
ايهم. والله انا كنت حابب بس طلعك من الحياه الي عايشيتها
بتول. اي لا شكرا
ايهم. يعني لسا متأملة انو ترحعي لجوزك
بتول. اي انا متأكدة انو موسى مانسيني وانو لساتو بحبني
ايهم. اي كنت شوفو كل يوم يجي ويفتل حوالي البيت مشان يشوفك
بتول. والله اشتقتلو كتير صرلي اربع شهور محبوسة بالبيت وممنوعة من الطلعة وكل ما افتح الموضوع مع ابي اني بدي ارجعلو بهددني انو بدو يطلق امي
ايهم. خلص ما يهمك انا بكرا بحاول احكي مع عمي وبخليه يرجعك لموسى
بتول. طبب هلأ شو بدك تقلو
ايهم. والله مابعرف رح قلو انو مابدي ياكي لان لسا بتحبي زوجك
بتول. اي قلو شو مابدك
بس ماتنسى تحكي معو بكرا بلكي يرجعني
ايهم. اي مايهمك .. يلا سلام
بتول. مع السلامة
طلع ايهم من غرفة بتول