#كبّـريآء_بقلم_هاجر

الجزء السادس

وبصالون ام اوس ....كانت ام اوس عم تحاكي ابنها عالتلفون...
ام اوس :اي حبيبي جبلي الغدا الله يرضا عليك
اوس :اي امي رح اطلع هلئ وجبلك ،بس كنت بدي اسألك
ام اوس :سآل ماما
اوس :اجاكي شي خبر عن لارا
ام اوس :اي حاكتني اليوم وئالتلي انها كانت بالمشفئ مبارح
اوس :بالمشفئ !!خير 😱
ام اوس :لك لا ...ئالتلي انو وئعت عشئفة ئزازة واسعفها شب عالمشفئ
اوس :اي منيح الحمدلله عسلامتها.....😪يالله رح جبلك غدا واجي ...

سكر اوس التلفون وفتح عرقم لارا وصفن فيه واخيرا قرر يرنلا....وردت
لارا :الو ...اهلين أوس
تفاجأ أوس اونو لارا عرفتو بدون حتئ ما يحاكيها
لارا :اووووس رد عليي
اوس :كيف عرفتيني ؟ 😥
لارا :لك مرة امك اتصلت عليك من عندي لما كان تلفونها فاضي شحن وانا اتطريت سيفو للإحتياط ...خير بدك شي؟
اوس :كنت بدي ئلك الجمدلله عسلامتك
لارا :الله يسلمك 😌
اوس :لارا كنت بدي ئلك....
لارا :احكي
اوس :بتعرفي ئديش خفت عليكي مبارح ... انا جد بحـ...
لارا :ليك اوس انا متطرة سكر باي
وسكرت الخط بوجهو 😔
كان اوس ساكت ولسا حاطط الموبايل عإدنو وئال :انا بحبك.... ليش مابدك تسمعيها 😔💔

كانت لارا حاملة التلفون وعم تطلع فيه وهية مدايئة من حالها عالشي يلي عم تعملو مع اوس
لارا :اففف وبعدين ايمتا رح تفهم اني مابحسك غير متل اخي 😔
طلعت امها من الغرفة وئعدت وانتبهت علارا وئالت :لارا وين فردة حلئاتك
مدت لارا ايدها عإدنا وئالت :ليكا موجودة
ورجعت مدت ايدها عالإدن التانية وئالت :وين التانية !؟ 😳
ام حسام :وين ضيعتيها ؟
لارا :مابعرف بجوز بتيابي
ام حسام :ضيعانو هالجوز مو ستك عطتك اياه ئبل ما تموت ليش مابتحافظي عغراضك مابعرف لمين طالعة هاملة اكيد لأهل ابوكي😒
لارا :خلص ماما هلئ بدور عليه بالغرفة
ام حسام :اي اكيد ضاع ،تضربي ما بيلبئلك شي

لبس سوار وطلع من غرفتو...
ام سوار :لوين ابني ؟
حمل سوار تفاحة من صحن الفواكه وئال وهوة عم ياكل منها :رايح شيك عئبر البنت اللي دبحتا واتأكد انو محدا نبشو بغيابي 😂
ام سوار :ياربي دخيلك لك انا ماعم امزح معك
سوار :يعني لوين بدي روح ؟ رايح عشغلي 😂
وطلع سوار من البيت....
فتح السيارة وطلع فيها و وهوة عم يشغلا انتبه عالكرسي اللي جنبو فردة حلئة بناتية ...حملها وئال :لك هي للارا وانا عم ئول ليش كانت لابسة فردة وحدة بإدنا وفكرتا موديل طلعت مضيعتا بسيارتي 😍
اتنهد سوار وئال :اجت عإيديها ورجليها ،هي لئيت حجة مشان ارجع شوفها 😍❤

وببيت ميرا...كانت امها حابستا بالسئيفة وميرا عم تخبط عالباب وتئول :ماما ببوس ايدك افتحيلي خليني روح عالمدرسة 😭
كانت ام ميرا عم تتغدا مع ابنها الصغير ومطنشتها ...
ميرا :ياماما الله يخليكي افتحيلي الباب انا اسفة والله مابئا عيدا
ام ميرا :اي خليكي مئبورة عآمتك جوا الله ياخدك ويريحني منك
ميرا :لك شو عملتلك انا 😭
ام ميرا :مشان تعرفي تكسري كلمتي مرة تانية ،لك انا مائلتلك لاتحكيلو عمرك الحئيئي اللا بالصباحية ،لك هلئ منين رح تلائي شب متل سوار والله ولابعد مية سنة رح يجي متلو
ميرا :طب هوة سألني وما ئدرت كزب عليه
ام ميرا :هي خليتي العالم يحكو علينا وخالاتك وعماتك يشمتو فينا خليكي مئبورة عندك وهالمرة
ازا جا واحد عمرو 50 لأعطي يا كلبة 😠

كان سوار ئاعد بمكتبو لما حط اللمسات الأخيرة عرسمة المشروع ورما الئلم من ايدو وئال :اخيرا خلصتا 😄وهلئ فضيتلك انسة لارا...❤
ومسك الموبايل وفتحو عآخر مكالمة واردة منو اللي كان عرقم لارا...وسيفو وفتح عالواتساب وشاف صورتها وئال :هاد رقمك لكن ،
وبلش يتأمل الصورة وعيونو عم تلمع وهوة عم يئول :لك سبحان الذي خلئلك هالوش 😍
وكان رح يدئلا لما اتصل المدير فيه...
سوار :اهلين استاز...عنجد ...بس ليش انا خلي زميلي الاستاز جمال يروح لحتئ يأشرف عليه
اي خلص...حاضر 😞
سكر سوار ابخط وئال :هلئ وئت المشروع تبعك انتة التاني ...اففف يالله نصيب... شكلي رح أجل حكي مع الئمر ❤
وفتل بالكرسي وحط ايديه ورا راسو وبلش يتطلع بالسئف والكرسي بعدو عم يفتل وبلش يتخيل لارا ❤

مر يومين وحست لارا انها اتحسنت وداومت بالصالون....
ام أوس :لك والله كان لازم ترتاحيلك شي اسبوع
لارا :لك ئعدت يومين بالبيت زهئت 😅
ام اوس :متل مابدك حبيبتي بس ما اتعبي حالك

والمسا خلصت لارا دوامها وطلعت من الصالون وكانت عم تتمشئ علئ بيتها لما حست انو في حدا عم يرائبها 😥
التفتت حوليها ما شافت اي حدا ورجعت كفت طريئها بس هاد الشعور ما فارئها لحتئ وصلت عباب العمارة وبس فاتت لارا لجوة وئفت وئالت بدون ما تلتفت :مين ماكنت بين احسن ما اتصل بالشرطة ،انا بعرف انك عم ترائبني 😏

وبالفعل عطول بين حالو اللي كان عم يلحئها التفتت لارا واتفاجأة فيه وئالت :انتي !!؟😳
ئربت ميرا وئالت :لك انتي شو عم تعملي هون بهالوئت ؟
ماردت عليها...بس كانت عم تبكي
لارا :ميرااا ردي عليي شو عم تعملي هون ،لتكوني هربانة من البيت
ميرا :اي هربت من البيت 😭
لارا :

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه

المجموعات و القنوات

Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com