كان إلي شهر غايبة عن بيتنا و عن المكالمات لأهلي ..
وصلت لبيتنا بعد غياب .. سمعت صوت قرآن بالحارة.. الصوت جاي من بيتنا
ركضت بسرعة عالبيت لقيت امي و اختي اعدين ولابسين اسود وعم يبكو ..
أمي : ابوكي توفى ياغالية ..
@rwayate
ركضت لعندا و ارتميت بحضنا الدافي ، عرفت انو الأمان معا ومع ابي شو ما كانو اد ما اتوجعت منهن بس هن السند و الضهر إلي ..

مرء شهور لوفاة ابي ، بقيت ببيتنا انا و امي و اختي... رجعت اشتغل بمحل الالبسة يلي كنت فيه .. لأقدر اصرف عالبيت

كنت بارمة ضهري و عم أطوي التياب و علق القمصان .. سمعت صوت شب ورايي : لو سمحتي بدي قمصان على ذوقك

غالية : ستنا مو شايفني مشغولة

الشب : الله يرحم إيام الأوتيل ..

فتلت لعندو بخوف : هااا هاد انت ايهم ! كيفك

ايهم : مشتقلك ..

ابتسمت ونزلت راسي

ايهم : اشتقتلك ..

ابتسمت أكتر ..ايهم : ياغبية اشتقتلك

رفعت راسي و ضحكتلو بصوت عالي : و انا شتقتلك .

#كتابة_رند_محمد #انتهت

ندي عالمكتب المحقق احمد : مرحبا
بتول : اهلآ
المحقق : الحمدلله ع سلامتو ..
رائد : الله يسلمك
المحقق : مبدئياً رح يبقى هون ليتعافى بس وقت يصحا بدو يتحاسب هاد قانوون ..

ديَمة : طيب مشان الله مافي طريقة نساعدو فيا ماينحبس

المحقق : لا ..
بتول : و حنان ؟؟
المحقق : حنان بدا تتحاسب لأن اد مو هي مظلومة بس هاد جرم ... و إذا ابوكي اسقط حقو مابتتحاسب ..

استنيت بابا لحتى مر يومين وصحي و خرجناه من غرفة العناية المشددة .. دخلت لعنده وحكيتلو يسقط حقو عن حنان لأن هي مو ذنبا... و استغربت انو ما رفض ولا عارض.. بالوقت نفسو يلي حكيت فيه نادى للضابط وحكاله انا مابدي اشتكي ع البنت ومسامحا ...

مرء اسبوع ونحنا بالمشفى .. لما صار بابا وضعو منيح و مستقر ، صار وقت انو الشرطة ياخدوه ع الحبس .. لأن في عندو محاكمة ...
اخذوه ع المخفر هو و المهندسين .. بس بابا بقي بالمركز الصحي لأن وضعو مو خرح ينحبس بسبب الوحع يلي بصيبو فجأة و بسبب قلة قدرتو ع الحركة ...
كل يوم أمي بتبكي ع أبي ... و اخواتي بس يشوفو مكتبو فاضي وحسو مو بالبيت بيبكو .. بيتنا صار كئيب وحزين كل واحد ملتهي بدموعو .. عايشين مع بعض و كأن كل واحد ببيت لحالو .. لوقت إجا وقت المحكمة ... كلياتنا كنا متوترين وخايفين، رغم انو بابا كان مذنب بس وقت دخل ع قاعة المحكمة وهو عم يتسند ع الشرطي شفقت عليه ، صرت ابكي ... حسيت أنو بدي ضمو هلأ

التم القاضي و المسشارين و المحاميين .. و بلشت المحاكمة الرسمية...
أنا و أمي و نور و ديمة آعدين جنب بعض و متوترين عم نرجف
بابا عم يتطلع علينا ونسيان شو عم يحكو ..

القاضي : قررت المحكمة بحق المتهمين : ياسين . م
و سمير راضي و لؤي . ع مايلي :
أولاً : سحب شهادة كلاً من المهندسين ياسين و لؤي ومنعهما من مزاولة المهنة ...
ثانياً : الحكم عليهم بالحبس لمدة خمس سنوات وذلك لاستمرارهم بتلك الجريمة لغاية تاريخ العام الماضي .

وقررت الحكم على سمير راضي : بالحبس لمدة ثلاث سنوات
وذلك لعدم ممارسته تلك الجريمة منذ ثلاث سنوات ..

قراراً وجاهياً قابلاً للطعن .

دموعنا ماعد وقفت .. خاصة وقت أجو الشرطة و اخدوه ع الحبس وخلص .. مروا علينا تلات سنين متل السم و الموت
حنان بقيت عايشة معنا وماتخلينا عنها ..
__
بعد ثلاث سنوات ..

أعدنا حولين الصوبيا بعز البرد .. أنا وماما وبابا و حنان و ديمة ونور و رائد

بابا : أنا جمعتكن اليوم لأن بدي اتأسف أدامكن ع كلشي ..
بدي ياكن تسامحوني ع الغش .. و الكذب .. انا ماكنت شريف من ٢٦ سنة لهلأ... كلشي منيح عشت فيه من ورا ظلمي للناس ... بس انا ندمت ... عرفت انو ضحكة العيلة و اللمة تبعا بتغنيني عن أموال الدنيا ، بتغنيني عن كل العالم ...
أنا بعتذر من حنان وياريت فيني عوضا اكتر ... سامحيني
يابنتي ... هلأ تأخد بالجملة يلي قالتا بتول من زمان.. قالتلي مابعد الاكتمال في شي بشع ناطرك ...

حنان : آمنت أنو الحياة مقدرة ومكتوبة و الصبر من عند الله .. و الغفران من عندو كمان ...

رائد : بمناسبة انو بكرا موعد ولادة بتول شو رأيكن تصير الفرحة تنتين؟

ماما : شو هيه الفرحة ؟

رائد : أخي سائد شاف حنان بالمشفى و عحبتو بقى شو رأيك نزبطا؟؟

ماما : ليش لاء

بتول : شو حنان احكي

سكتت حنان و ضحكت ...

بابا وقت طلع من الحبس قرر يعتذر لحنان بطريقة خاصة ويكفر عن جزء من أغلاطو كتبلا بيت بإسما و عطاها مبلغ مصاري.. وقرر انو يعاملا متل بناتو ومايتخلا عنا شو ماصار

الطمع أولو اكتمال و بالآخر وجع ... دولاب بمر ع كل واحد طمع بشي مو إلو و على كل واحد غش حدا بيوم من الأيام ، تجارة الأعضاء قضية مهمة منتشرة بواقعنا ، الاغتصاب وهو الظاهرة يلي بتقضي ع حياة إنسانة مالها ذنب بشي ...

* تنويه * : أحداث القصة من عقلي وأسماء الشخصيات لاتمت بصلة للواقع ... و الدمج يلي عملتو هو بين قصة الخطف وبين قصة المهندسين يلي سألت عليها وثالثاً و الأهم إنه ماعندي فكرة عن المحاسبة القانونية لهيك حطيت شي يناسب كقصة وكترتيب أحداث

#انتهت #كتابة_رند_محمد

طلعت من الغرفة ولساتني متل النايمة اخدت سيارتي ورحت على البيت فتت لغرفتي فورا بدون ما احكي مع حدا انرميت على سريري ونمت .
كنت سامعة صوت همس ضعيف من برى مابعرف مين عم يحكي بهالطريقة يلي زعجتني رغم اني نايمة ...
وبعد شوي حسيت في شي وقع بالبلكون يلي بغرفتي ، قمت فتحت الباب وتطلعت لبرا اول شي استغربتو انو الدنيا ليل والساعة بحدود ال 8 المسا .. انا كيف بقيت نايمة هيك من ال 3 العصر لهلئ مدة كتير طويلة وماني حاسة .
اتطلعت على ارض البلكون كان في شي مرمي ع الارض نزلت مسكتو بإيدي وفتلتو لعندي طلع قناع وجه بخوف وعم ينزل منه دم رميتو من ايدي وانا عم ارجف مابعرف ازا هاد مزحة ولا حدا متقصدني .. شغلت ضو غرفتي ورجعت مسكتو بإيدي و اتفحصتو مزبوط بعدين رميتو وطلعت على غرفة الاعدة كانو امي و ابي و اخواتي اعدين ، اول مافتحت الباب وطلعت حكتلي ندى بكير كتير خليكي نايمة لبكرى ، وماما كانت عم تقلي فوتي سخني اكل وكلي اكيد جوعانة .. وبابا عم يقلي هالشغل مو مناسب متعبك كتير ماعم تعرفي تنامي منه ..
ماعطيت بالي لهالحكي بس قلتلن ليه ماحدا فيقني قبل ؟ انتو بتعرفو انو الساعة 6 كان عندي موعد شغل ؟
جاوبتني ماما باستغراب بس ماحكيتي انه عندك موعد
نهى : كيف ماحكيت لك انا بتزكر انو قلتلك عند.....
حسيت في شي ضربني ع راسي وصحاني نفضت راسي شوي وتزكرت انو انا فعلا ماحكيت ..
رجعت على دفتر مواعيدي اتطلعت بالقائمة منيح كان الساعة 6 عندي موعد مع الشركة .
رجعت على غرفتي اخدت تلفوني وبعتت لعلي رد عليي وحكينا و سرقنا الوقت لفترة طويلة .. اسلوبو بالحكي كان غريب فيه نوع من الاهتمام الغريب انو طوال فترة حديثنا الابتسامة ما راحت عن وجهي ..
بعد ساعتين حكي وضحك تركلي كلمة " بحبك " ..
نهى المخرجة القوية يلي بتعطي الفنانين دروس مشان كل دور ياخد حقو هلئ ماعرفت شو تتصرف وتلبكت وفاتت بالحيط .. سكرت تلفوني و صرت اضحك متل الهبلة ، اتطلعت ع وجهي بالمرايا كان لونو احمر من الخجل و خدودي متل الرمان ..

اتفقنا انا وعلي إنه نطلع نشرب قهوة بشي مكان .. جهزت تيابي وقررت انو اطلع مميزة بهاللقاء لان هالمرة مو لقاء شغل ..
باليوم التاني طلعت ع الموعد و انا بكامل اناقتي و أول ماشفت علي جاية من بعيد حسيت انو انردتلي الروح ..
كان شب مربوع الطول عيونو عسليات و أبيض شعراتو بني وناعمين وعم يطيرو مع الهوى ، ابتسمتلو ابتسامة بسيطة وبعدين اعدنا بالحديقة وسلمنا ع بعض وحكينا ..
طالع علي من شنتايتو جريدة قديمة و حطا على الكرسي كرمال نحط عليها كاسات القهوة وماينكبو ..
لفت نظري عنوان غريب
(( مقتل عازفة البيانو ... ))
بعدت الكاسات و اخدت الجريدة ..
علي : شبك نهى ؟
نهى : بدي اقرأ الخبر هاد شو ..
ضحك وحكالي هي الجريدة قبل 13 سنة الخبر قديم بس جدي رجال مهووس بقراءة الجرايد كان يقرأ كل جرايد البلد بس هلئ صارت الصحافة الورقية كتير متراجعة لهيك بضل بجبلو جرايد قديمة ليتسلى ويقضي وقت .
نهى : طيب معلش عطيني اقرأ الخبر لو سمحت .

اخدت الجريدة وقرأت الي مكتوب ..
- مقتل عازفة البيانو الشابة فيروزة تحت ظروف غامضة فهل يكشف القاتل ؟
@rwayate
هاد كلشي كان مكتوب عن الخبر .. اتطلعت بعلي وحكيتلو شو قصتا هي البنت احكيلي ..
علي : هلأ بوقتا كان عمري 15 سنة بس بتذكر انو هي البنت كانت عازفة بيانو محترفة وفجأة لقوها مقتولة ببيت فاضي و بعيد و ماحدا عرف مين يلي قتلا كتير حاولوا يلاقو القاتل بس مامشي الحال للأسف ..
نهى : طيب انت بتعرفو لهاد البيت يلي انقتلت فيه ..
علي : لا مابعرفو .. بقولو انو شبح هالبنت ضل يلاحق الناس لأن روحا ما ارتاحت .
اخدت الجريدة معي عالبيت وخليتا عندي .

#كتابة_رند_محمد يتبع