نتهت القصة 👇👇👇
#ماهر_البيك_بقلم_Arîa
الجزء التاسع :
*وقالو سعيدة في حياتها..واصلة لكل احلامها.*
*باينة عليها فرحتها ف ضحكتها وفي كلامها*
*وعايشة كأنها في جنة وكل الدنيا مالكاها*
*وقالو عنيدة وقوية مابيأثرش شيء فيا*
*محدش في الحياة يقدر يمشي كلمتو عليا*
*حتحلم ليه وتتمنى مافيش حاجة ناقصها*
*ومن جواي انا عكس اللي شايفينها وعالجرح اللي فيها ربنا يعينها*
/حسيت في حدا واقف وراي شفت ماهر
ماهر: ماشاء الله معقول عندك هيك صوت كتير حلو
لين:(خجلانة) تسلم يارب
ماهر: بس ماحبيت الغنية بنوب ، حبيت صوتك لهلأ متفاجىء فيه
لين: بس كلمات هالغنية كأنها انكتبت عني
ماهر: رح ترتاحي عن قريب ماتفكري كتير ولا تاكلي هم انا معك
لين: مابتقصر عنجد خجلانة من وقفتك انت والست زينة معي ، يلي من لحمي ودمي زتوني بالشوارع وانتو الغربا حميتوني
ماهر: بزعل منك بلا هالحكي ، بس قليلي لمين صوتك طالع حلو هيك
لين: لأمي الله يرحما . كنا كل ليلة نغني سوا لأبي وهو مبسوط فينا ويقلنا *عندي جوهرتين ماببدلون بكنوز الدنيي ماانحرم منكن*
ماهر: الله يرحمون ويغفرلون يارب ، بس صوتك يغزى العين ..
لين:(خجلني وماعد عرفت ارد عليه)
ماهر: يلا تعي الحقيني، امي باين عليا كتير مستعدة هي وجيوشها قال رح تخسرني بالشطرنج اليوم لك مابتمل من الخسارة
لين: ههههه يلا لبدل تيابي وجاي
(بعد ربع ساعة لأطلع لعندون عالصالون وبدون ماحس سمعت صوت أمو عم تحكي فرجعت وتسمعت لا أرادياً
زينة: الف الف مبروووك لك هيك ها من زمان لو انك عم تسمع الكلمة مني بس الف الحمدلله ربي يباركلك ويارب يارب شوف ولادك عن قريب عم ينطو حواليي
(انا مابعرف ليش غصني قلبي رجعت عالغرفة عالساكت وعم فكر انو ليش انا مزعوجة اذا هو رح يتزوج وشو بدي فيه غير يساعدني لآخد حقي من عمي وبس ، انا جدبة وهبلة شو عم يصرلي )حاولت اتصرف طبيعي وطلعت لعندون
وبعد ساعة كالعادة خسرت الست زينة وراحت ع غرفتا تنام وضليت انا وماهر بالصالون لحالنا
لين:معليش اسألك سؤال
ماهر:طبعا تفضلي
لين: انو ليش انت ماتزوجت لهلأ عالاقل كرمال امك تجبلا حدا يونسها وتفرحا ب ولادك وهيك
ماهر: حسيت امي عم تحكي معي هههه اي ان شاء الله عن قريب
لين:/غصني قلبي / شو يعني نقول مبروك
ماهر:اي فيكي تقولي وعن قريب بترقصي انتي وامي بعرسي لتشبعو
/عملت حالي عن اضحك مو من قلبي بس من حرقة قلبي حتى مايحس عليي/
لين:اي الف الف الف مبروك انبسطتلك من جوات قلبي والله
ماهر:اه والله ، اي وانتي ماحبيتي شي مرة بحياتك او قلتيلي كنتي مخطوبة ما
لين: ها اي لا خطيبي وائل ماكنت موافقة عليه اصلا بس وقتا عمي اقنعوني وحسيت انو اذا تزوجت رح خف حمل عليون ولهيك وافقت مع انو كان يجوني عرسان احسن بكتير من وائل
ماهر: اه عنجد ، اي انتو البنات دايما بتقولو هيك وبالاخير بتتزوجو يا سكافي يا معلم الفراريج هههه
لين: ها ها ها ضحكتني ها لا أصلا بتعرف مين تقدملي قبل مايتوفو اهلي..
ماهر: هاتي لنشوف مين يعني ! تيم حسن هههه
لين: اي مرحبا تيم حسن ، تقدملي رجل الاعمال الملياردير *ماهر البيك*
ماهر:/وهو عم يشرب عصير تشردء/ احح اح اسف
لين:شبك تفاجأت اي طبعاً مين مابيعرفو اصلا
ماهر: ها اي طبعا مين مابيعرفو بس معليش تقليلي كيف تقدملك لأنو الحكي معك عنجد مشوق
لين: ياسيدي بيوم كنت راجعة من الجامعة وطلعت عالسوق عم اتمشى وماشفت غير حدا انضرب فيني خلاني دور بمكاني ووقعت عالارض ورفعت راسي وانا معصبة كتير وصرت بهدلو انو لعمى مابيطس ويشوف قدامو وماشفتلك غير التمو شي عشر رجال حواليي انا وهالشب ، اعتذرلي الشب وعرف عن حالو وبعد رجالو عننا وطلب يوصلني عالبيت بسيارتو بس رفضت
ماهر:بالسوق! و انضرب فيكي! رفضتي!
لين: اي شبك طبعا وبعدين مدري مين سأل والكل بيعرفني وماشفتو غير ب ليلة جاي لعنا عالبيت وحاكي مع ابي ليخطبني
/ماهر مفتح عيونو ومندمج مع الحوار يلي ألفتو من راسي وانا بالاصل مابعرف مين هاد ماهر البيك غير من بنت عمي رنا /
ماهر: اي وشو عملتي قبلتي صح
لين: طبعاً لا رفضت دغري بس هو مايأس ضل ايام يبعتلي ورود وهدايا لحتى اقبل فيه بس ياعمي كتير مللني وزهقت منو وقلتلو:* اذا بترجع تعمل هيك حركات معي مابسأل عن اصلك وفصلك وبعد من طريقي*
ماهر: اييييي وبعدين
لين: وخلص من وقتا ماشفتو وصار معي يلي صار يلي بتعرفو
ماهر: طب طيب انا سمعان عنو ها بس بصراحة ماني شايفتو ولا مرة كيف شكلو
لين: اه شكلو ! اي اي طبعا بتذكر(صرت حاول اتذكر كيف وصفتلي ياه رنا بوقتا )
اي هو هيك طويل ، لسا اطول منك وعريض وشعراتو متل شعرات شاروخان وعيونو متل عيون يحيى وشفافو متل شفاف مهند وغير هيك انو هو رجااال بس مع هيك ماعجبني يوه
ماهر: كل هاد هو ماهر البيك ولا جزء من اجزاء باب الحارة يعني هههه
لين: اي تمسخر لقلك الحق عليي يلي خبرتك . انا فايتة نام تصبح ع خير
ماهر : هههه فرطت ياأمي ههههه تلاقي الخير ههه ههه
(فتت ع غرفتي مبسوطة لأني قدرت خليه يغار عليّ لأنو الضحك

#ماهر_البيك_بقلم_Arîa
الجزء الأول :
Telegram:@rwayate
لين: لا للاااا لا مستحيل عم تكذبو عليّ . لك مستحيل,انتو كذااابين لاااا
أبو منصور: بنتي طولي بالك...
أم منصور: الله يرحمهم ويحسن إليهم يارب..
لين: لك لاااا ماتحكو خلص هس مستحيل ،بابا وماما مابيتركوني ماااابيتركوني ، أصلا وعدوني يجو ع حفلة تخرجي ماضل شي غير سنة أي ماضل شي ويشوفو بنتهم صيدلانية قد الدنيي .. انتو كذابين بعرف كذااابييين.....
/نمت ع صوت القرآن وفقت ع صوت العصافير/،يا الله شو الدنيي صغيرة ومالا جنس الطعمة والبني آدم بيصير نكرة بدون وجود أم وأب حواليه..
*أنا لين مدللة البابا والماما والوحيدة عندون وغالية متل الألماس عندون ، فاقو الصبح وبوسوني ووصلوني عالجامعة وقالو رايحين عالشركة كالعادة ، نطف قلبي ، قلتلون خليني روح معكم مالي خلق عالجامعة ، أبي قاللي: كل يوم بيروح من عمرك وانتي مو بالجامعة بتندمي سنة لبعدين ....راااحو بس مارجعوو ، صار معون حادث عالطريق ورجعولي ياهن بالكفن ..ياالله ماأبشع هالدنيي ...
أبو منصور: بنتي لين مرق شهرين ع وفاة أخي ومرت أخي وانتي لساتك متل ماأنتي قومي معي الله يرضى عليكي.
لين: عمي انا قلتلك قبل هلأ ، بيت ابي مارح اتركو رح ضل عايشة فيه لحالي مستحيل اتركو اصلا ابي وامي عايشين معي لسا عم حاكيون وشوفون.
Telegram:@rwayate
أبو منصور: بس مابيصير يابنتي تعيشي لحالك وأنا عمك أخو ابوكي بيتي موجود وصرت وليّ أمرك هلأ وبخاف عليكي ، قومي اصلاً انا ومرت عمك و رنا بدنا مين يسلينا ونساند بعض بهالأزمة..وخوالك كلون مغتربين وماحدا سأل عنك غير تلفون عزوكي وخلص
لين:......
أبو منصور: يلا بنتي ضبي كم غرض الك وسكري البيت وايمت ماحبيتي بترجعيلو بس مو لتسكني فيه لحالك،يلا يابنتي.
(قمت وانا مكسورة الضهر كيف بدي اترك بيتي وذكرياتي وامي وابي وادفن كل شي بهالبيت واطلع لبرا عيش حياتي لحالي.
بس ببقى مع عمي فيه ريحة أبي وبيشبهو كتير وبضل بحضنو بيهون عليّ شوي.اخدت كل صوري مع امي وابي،ووصلت لبيت عمي ومرت عمي وبنت عمي استقبلوني بأحلى استقبال
أم منصور: ياأهلا ومية سهلا نور بيتنا اي هيك ها من زمان كنتي توافقي
رنا : ماني مصدقة والله هلأ رح تعيشي معنا ونصير اخوات ورفقات دايما مع بعض
لين: تسلمولي يارب ، ماأنحرم منكم.
(الأيام كانت تمر وتمشي وبيت عمي مايقصرو معي وعمي دايما مدللني وأنا ورنا كتييير رفقة وصحبة ومرت عمي يعني احيانا بحسا بتحبني وأحياناً تهملني ..بعد شي شهرين اجا عمي من الشغل عالبيت.
أبو منصور: يابنات وينكن .تعو.. لين تعي يابنتي
لين: خير عمي شوفي..وشو هالوراق يلي معك
ابو منصور: هلا جيت من عند محامي ابوكي الله يرحمو وعطاني هالوراق توقعي عليون بأنو انا هلا صرت وكيلك وولي أمرك لأنك هلا صرتي بمثابة رنا وبدا المحكمة تتأكد انك بمكان آمن ومو ناقصك شي .
(مع إني مافهمت بالضبط شو بيقصد عمي بس قلتلو : طبعا عمي انت هلا بمثابة أبي عطيني هالاوراق لأقرا وأوقع
أبو منصور: بلا ماتوجعي راسك بالقراية وكتار يابنتي خدي وقعي لأعطيون للمحامي لأنو لازم ارجع لعندو (وقعت الاوراق
بدون ماأقرا و راح عمي)
رنا: لك لين لين تعي بسرعة لك يلااا بسرعة
لين:شوفي لك هبلة.
رنا: لك يا الله مالحقتي ، لما بناديكي بتطيري اي، لك دبة راح عليكي
لين : يي لك شوفي شو كان طالع عالتلفزيون ليش.
رنا: لك مقابلة مع رجل الأعمال الملياردير
/ماهر البيك/ عم يحكو معو عن أعمالو الخيرية يالله قديشو كريم وبيساعد المحتاجين والفقرا بس غير هيك لك شقفة لك بيطييير العقل
Telegram:@rwayate
لين: شو يعني..
رنا : لك جدبة والله جدبة لك حلو حلو كتير هيك بتعرفي بيشه مين ..
لين: شو بعرفني ولا مرة شفتو بس اي كنت اسمع عنو من ابي،بس ليش كيف شكلو .. ختيار ابو صلعة وكرش يعني!
رنا : لك لااااا شب طول بعرض جسم متناسق ، شعراتو متل شعرات شاروخان و عيونو متل عيون يحيى بمسلسل لميس ويحيى و شفافو متل شفايف مهند وحواجبو احلى من حواجبك و بشرتو بيضا مو متلي سودا و ...
لين : هي هييي ستوب شبك شو صرلك،كيف فحصتيه للزلمة يبعتلك!... دخلك قديه نمرة رجلو ؟
رنا: روحي من وشي روحي لك ياااريت يجي يطلبني ويجي ع حصان ابيض وهالهوا يضرب بشعراتو ويشيلني بإيد وحدة ويركبني وراه ونمشي انا وياه بهالدنيي وصير مرت الملياردير ..
لين: رنا رنا ..
رنا: شوووفي ..
لين : نسيتي تلبسي الشحاطة ههههههه
رنا : روحي من وشي روحي..... اوف ياه ناس مابتفهم بالرومانسية والعز .
أم منصور: شو عم تحكو انتي وياها آه قومو ساعدوني بسرعة اتصل ابوكم جايين ناس المسا لعنا . رنا رتبي الصالون و لين الحقيني ع غرفتك
(استغربت انو مين هالناس)
ام منصور : تعي نشوف شوفي تياب حلوة بخزانتك ، هاد ، امم لا هاد الاحمر احلى .. او لا لا الاخضر احلى ع لون عيون ووجهك ابيض وهيك بتنوري اكتر
لين: شوفي مرت عمي ولشو كل هاد ومين الجماعة؟
ام منصور : خطابين يابنتي