#متلك_متل_نيسان_بتبلش_بكزبة🌸
الجزء السابع 
نيسان هزت براسها وما حكت شي ..
غيث : أجينا نلون الحيطان الألوان فكروني أحنا ..
نيسان : هني اربع حيطان ومعك خمسة ..يعني صح حساباتهم بس انا شو دخلني ؟
غيث : تباً للتواضع بس ..
نيسان : يلا يلا شتغل من تم ساكت ..
شتغلو بالبيت ونضفو وبالآخر تعبو كتير ..بس النتيجة كانت كتير حلوة ..قعدو بغرفة ع الأرض مع بعض ..
سند : ايي شباب شو نعمل ؟؟
نيسان : مو عارفهه..
رند : انا بمل بسرعة يلا لاقو شي نعملو ..
نيسان : اي اي ..غيث غنيلنا ..
غيث : شووو؟؟
رند : صوتك حلوو؟؟
سند : انا أول مرة بعرف !
نيسان : صوتو كتير حلو ..
غيث : لا مو حلو ما تصدقوها ..
نيسان : غيث عشاانييي..
غيث : ماشي..
أخذ نفس ..وبلش يغني بصوتو الملائكي ..
خذني إليك قد حار نبضي في الهوى بين يديك
قد سال الورد دمعاً مراً شوقاً إليك
موتاً حياةً لا أبالي فقلبي لديك .. خذني إليك .!!

أرتشف النور وأعتصر الرحيق من ثغر الشذى
يعانق روحي وردٌ أحمر فيه الردى
يا ضحكةً أشيح عنها ظل الندى .. خذني إلييك .!!

خُذني إليك إني ظلام يرتجى وجه الضحى
حنين هام كهمس سراب بوهم قضى
يسابق وهج صحوةٍ فيها الرجاء .. خذني إليك .!!

هَبني السماء ملاك أضناه النوى ووأد الهوى
يعاند طيف لذةٍ فيها الحياة
ينتظر وعداً من زلالٍ فيه النجاة .. خذني إليك .!!
صفقو بحرارة ..
رند : صوتك بجننن ..
غيث : شكرا ..
سند : يعني من كم سنة بعرفك؟ وهي أول مرة بعرف انو صوتك حلو .. ظلممم
نيسان : مو حلو وبس ..متل الدوا ..
غيث : يلا تأخر الوقت ..سند قوم نروح ..
سند : اي صبايا تأخر الوقت ..وكالعادة ازا حتجتو شي تصلو علينا اي؟
نيسان / رند : ديري بالكم ع حالكم ..
نامو نيسان ورند ع الكنباي بالصالون ..لأنو البيت ما كان جاهز ..الأثاث نقلو الي قدرو ينقلو من البيت القديم ..وخلو الباقي ..
رند ضلت عم تتقلب ..
نيسان : رند في شي؟؟
رند : نيسان وين كنتي هداك اليوم؟
نيسان : اي ..رحت ع البحر ..
رند : بنص الليل ؟؟!!!
نيسان : اي وين المشكلة ؟ مأنت بتعرفي قديش بحبو ..
رند : اي بعرف ..تعي حكيلي تعي ..
نيسان : شو أحكي ؟
رند : الي بينك وبين غيث ..
نيسان لتبكت وحكت : شو بدو يكون يعني ؟ ولشي أكيد ..
رند : من هون لهون؟
نيسان : رند سكتي ..
رند : لك ما حكينا شي ..بعدين الشب بجنننن وكتير منيح ..كشخصية شخصيتو بتجننن وكشكل شو بدك أحلى ؟ ولا عشان قصة ..
نيسان عصبت وحكت : رند خلص ما تكمليي ..
رند قامت من فراشها وحكت : نيسسان لك خلصص نسي نسي ..شوفي قديش غيث منيح ..ومن نظراتو باين انو بحبك ..
نيسان : ما في حب ..كلو كزب ..
رند : لا في ..
نيسان : شوفو مين عم يحكي ..الي قبل كم يوم بكت ع عمر ..وحكت انو كلون كزابين وما في حب 
رند : اي بعترف بكيت ..بس الحب مو لألي ..مالي حظ في !! بس غيث شب كتير منيح ..أعطي فرصة ..!
نيسان : وسند مو سيء ..
رند : لشو عم بتلمحي ولي؟
نيسان : ولشي ولشي نامي ..
رند : ماشي ..بكرا حسابك..
صحيو الصبح وعضامهم مكسرين لأنو النومة ما كانت مريحة ..طلعو ع الجامعة .. وبكفتيريا الجامعة الشلة كلها ..
سامر : نيسان .. الدكتور حكى انو مشروعنا كتير منييح ورح ناخد علامة كتير منيحة ازا شتغلنا اكتر علي ..
نيسان : الحمد لله تعبنا ما راح ع الفااضيي ..
رند : وأحنا كمان الدكتور حكا انو مشروعنا كتير منيح ..
سامر : مبروووك
نيسان : شباب نسيت كتابي بالقاعة بدي روح جيبو..
راحت نيسان للقاعة جابت الكتاب وطلعت وهي ماشية نزل شب بسرعة من الدرج وخبط فيها وقعو الكتاب ع الارض نزلت تجيبو جابو عنها حطت وهي عم تطلع ع الأرض : العما ..لك شوف قدامك ..
حكا الشب : شو بشوف محقق كونان معصبب ..
رفعت نيسان نظرها علي ..وحكت وهي متفاجئة : غيث ؟!
غيث : اي .
نيسان : شو عم تعمل هون؟
غيث : شف ..بدل ما تحكيلي أهلا وسهلا ..عكلٍِ حزري شو بعمل هون ..
نيسان : شو؟
غيث : سجلت لكمل ماجستير هون ..
نيسان : بتمزح !
غيث : ولله ..
نيسان : لك أنا مو مصدقة متى خلص ..وأنت سجلت ماجستير؟ مو طبيعي..
غيث : ماجستير بالتخصص الي بحبو ..يعني منو بقضي وقت هون ووقت بالمركز ..هيك بكون وقتي ملان وأحسن..
نيسان : اي حلو..
غيث : اي امشي ..
نيسان : تعا عرفك ع شلتي ..
غيث: يلا..
وصلو للكفتيريا..
نيسان : اي هي رند تخيل.؟
غيث : واو نصدمت ..ما كنت بعرف ..
رند : غيث ؟؟
غيث : بشبه حد تاني يعني ؟؟
رند : لا يعني ..شو عم تعمل هون؟
غيث : عم بدرس ماجستير
نيسان : وهاد سامر رفيقنا من زمان وبقينا مع بعض للجامعة ..
سامر : اهلا فيك..
غيث : وفيك.
نيسان : رحيق روحت قبل ما تيجي ..وراغب اليوم مريض ..بكرا بتشوفهم وبتتعرف عليهم ..
غيث : اي ماشي ..
نيسان : ييي نسيت حد ..
رند : مين ؟؟
نيسان : اي وهاي طاولتنا ..زهقتنا ع قد ما قعدنا عليها .. 
غيث : تشرفناا ..
نيسان : وهي أكتر ..
رند : مجانين ..يلا قعدو ..
غيث : شتقت للجامعة كتير ..
سامر : كم سنة الك متخرج؟
سامر : سنة وشوي ..
رند : لك ما لحقت تشتاق..
نيسان : اي ما لح

#متلك_متل_نيسان_بتبلش_بكزبة🌸
الجزء التامن قبل الأخير ..
حضنها وشد عليها بعدت عنو ومسكت بأيدي وحكت : بحبك ..
سند : بحبك أكتر ..
رند : أحلى شي صار بحياتي انك دخلتها ..
سند : وأحلى مصيبة وقعت من السما انت ..
قرب عليها نفسهم كان واحد .. غمض عيونو وغمضت عيونها قطرات المطر الباردة كانت تنزل عليهم ..بس مشاعرهم كانت هي المسيطرة .. 
..حضنها وطيرها بسما والمطر عم يشتد أكتر ..نزلها وحكا : لازم نروح وألا رح نتحمم هون ..
رند : انا قبلانة ..اساسا ما ضل فيي شي الا وتغرق ميي ..
سند : بس انا ما بدي حبيبتي تمرض ..
رند: شو؟
سند : ما بدي ياكي تمرضي ..
رند : اي ..بس انا شو؟
سند : انتِ حبيبتي ..
رند : وانتَ حبيبي ..
روح كل واحد ع بيتو ..غيرو أواعيهم ونامو وهني عم يفكرو ببعض ..كل واحد طاير من الفرحة أكتر من التاني ..
وبعد بيوم كلهم لتقو بمطعم قريب من الجامعة ..
سند : شباب في شي بدنا نقولو ..
رند : اي ..
سند : أحنا رتبطنا ..
كلهم صفقولهم وفرحولهم من كل قلبهم ..نيسان كانت قاعدة جمب غيث حكت بصوت واطي : شو رأيك ؟
غيث : ماشي لا تلمحي ..
نيسان مسكت قلم الحمرة من شنتتها وكبتو ع الارض وحكت وهي عم تضحك ضحكة خباثة : ييي وقعع مو بقصدي ..غيث أعطيني يا ..
رند : انت الي وقعتي ..غير عن هيك ليكو جمبك طولي انت ..
نيسان : بتعب انزل طولو ..يلا غيث ..
غيث نزل وجابو وحطو ع الطاولة بقوة ..
سند : شو الي عم يصير ما عم أفهم ..
نيسان : غيث اليوم خدام لألي ..شو ما بدي بيعملي صح غيث؟
غيث : اي ..مع الاسف ..
رند : وشو السبب؟
نيسان : تراهنا رهان وهو الي خسر في ..
غيث : كلو هاليوم .
نيسان : وعشان كلو هاليوم ما رح ضيع وقت ..يلا قوم .
رند : لويين؟
نيسان : لمكان غيث بحبو كتير ..
رند : اي الله معكم ..
ركبو ع المتور ومشي غيث لحتى وصل ع حارة قديمة 
نيسان : هاد المكان ؟ "حكتها بنبرة اشمئزاز"
غيث : هاد المكان الي ربيت في ..هون عشت طفولتي كلها ..هون وقعت ..وهون لعبت بسكليت ..وهون ..وهون..
نيسان : شو حلوة هالحارة ..
كانت حارة قديمة ..والبيوت قديمة ..بس فيها ريحة الحب والحنية ..والأخوة كمان ..بهالوقت صعب نلاقي حارات متل زمان ..الجيران متل الأخوة مع بعض ..فطورهم وغداهم مع بعض ..
مشيو بالطريق ضيقة ..والبيوت جنب بعضها .. 
كان في ولاد صغار بآخر الشارع لما شافو غيث ركدو لعندو بسرعة ..وصرخو : عمو غييث ويينك عنااا ..
غيث : ولله حقكم علي بالهفترة هاي كنت مشغول شوي ..
بنت صغيرة واضح انها كتير بتحبو لغيث : أو هي البنت أخدتك منا .." كانت تطلع بنظرات غضب "
ضحكت نيسان وحكت : ليش الحلوة معصبة ؟؟
البنت : انا بحبو لغيث ما فيكي تاخدي مني فهمانة ؟؟"وحطت أيديها ع خصرها ورمقتها بنظرة "
غييث ضحك وحكا : ايي هي حبيبتي رينال ..
رينال : ماني حبيبتك ..
غيث : ولييش شو عملتكك؟؟
رينال : ما عاد جيت لعندي وطمنت علي ..هاي البنت أخدتك مني انا بعرف ..ما حبيتها أبدا ..
نيسان : الله يسامحك هلأ هيك يا رينال ؟؟
غيث : وأنا كمان يا رينال ..غليظة كتير ..ما بتنحب صح ؟
رينال : اي اي ابداً..
مشي ولد صغير من عمر رينال تقريباً ومسك بأيد نيسان وحكا : انا حبيتها ..
نيسان حملتو وحكت : ايي بنهاية انا انسانة بنحب من أول نظرة ..اي شو أسمك يا حلو ؟
بتسملها وحكا : اسمي أحمد ..
نيسان : عاشت الأسامي يا بطل ..
رينال : غيث حملني انا كمااان ..
غيث حملها وهي طارت من الفرحة ..
نيسان : أحمد ..عم شم ريحة غيرة أنت شامم؟
أحمد : اي اي ..
رينال حكت بصوت واطي بادن غيث : غيث ..لتكون حبيتها لهي ؟
غيث : هش هش هاد حكي كبار ..
رينال : اي وأنا كبيرة ئي ..
غيث : قديش كبيرة ؟ لسا ما طبقتي الخمس سنين يا فصعونة ..
رينال : اي عادي شو فيها ..ما تتهرب من الجواب ..
غيث : قويانه يا زعرة ..
رينال : انا أخدت جوابي خلص ..
غيث : وشو جوابك ؟
رينال : أسأل عيونك هني الي حكولي ..
غيث : لك ازا وصغيرة زعرة هيك كيف لما تكبري؟ 
رينال : بخطط سيطر ع العالم ما غامبول شو رأيك ؟
غيث : اي حلو ..وبتعطيني جزر أسكن في اي؟
رينال : بس مو مع هي البنت اي؟
غيث : علقتي عليها انا شاييف.
رينال : ما حبيتها ..بغار انا ..ما بدي ياها تاخدك منيي ..
نيسان : غيث اي لوين بدنا نروح هلأ؟
غيث : ستني شوي بتعرفي ..
وصلو لملعب بعيد عن الحارة شوي ..
نيسان : رح ننللععبب؟؟؟
غيث : اي رح نلعب ..
نيسان : انا وأحمد بنفس الفريق ..
رينال : وأنا وغيث مع بعض ..
ضمو اكتر من حدا للعبة وبلشو لعب ..وبالآخر فاز فريق نيسان ..مشيت بكل الملعب وأحمد ع ضهرها وتنط متل المجانين وتحكي : مغلوبيين ومغلوبيين ..
غيث : أي كلو منك يا صغيرة ما أعطيتيني الطابة بس قلتلك تعطيني ياها ..
نيسان : لك ما تحط الحق عليها ..انت ضعيف ما بتعرف تلعب اعترف ..
غيث : انا ضعيف يا حسن صبي ؟
أحمد : ما تحكي عن نيسان هيك ..ع القليلة غلبناكمم..
رينال : غيث كلو بسبب هي البنت هي الي دفعتني ع الارض ..
نيسان وهي مصدومة : نعممم؟؟؟ لك ما لمستك حتى ..!!
غيث ضحك وحكا

#متلك_متل_نيسان_بتبلش_بكزبة🌸
الجزء الرابع 🖤🌸🎶
نيسان : وليش ليكزب ؟؟
غيث : هاد الشي الي ما عم أعرفو .. وعم أجهل طريقة قتلها كتير..ما كان في أداة ولا شي ..مسرح الجريمة كان بس الضحية .. 
نيسان : اي وهلأ حبيبها وين ؟
غيث : ما بعرف .. 
نيسان : بتشك في ؟
غيث : ما بعرف ..يعني ليش لينكر هالشي ..بنفس الوقت ما في أي ادلة بتثبت أدانتو عشان هيك ما قدرت أقبض علي ..
نيسان : سألتو أهلها بركي كان ألها اعداء او ناس ما بحبوها بركي واقعة بمشكلة؟
غيث : امها وأبوها مو موجودين سألنا رفيقتها المقربة ..وحكت انو هي انسانة بحالها ما بتأذى حدا .. اي تزكرت شي ..لقينا خاتم غريب كتير بمسرح الجريمة .. 
نيسان : اي ..في شي بعقلي .. بس ما بعرف ازا صح ..
غيث : احكي ..
نيسان : اول شي الموبايل معك ؟
غيث : اي أخدتو بهداك اليوم وضل معي ..
نيسان : بتقدر تجيبو ؟
غيث : اي اي..
نيسان : اي ..والخاتم؟
غيث : برضو معي ..لأنو القضية كانت موكلة لألي..
نيسان : حلو .. رح نحلها ..
جاب غيث ظرف لونو أبيض محطوط في الموبايل والخاتم ..
نيسان مسكت الموبايل وحكت : مكسر .. شكلو القاتل فكر انو هيك ما رح يشتغل ما هيك ؟
غيث : اي اي هيك .. كل قاتل الا يترك ثغرة ورا .. والمحقق وظيفتو يلاقي هاي الثغرة ليلاقي المجرم ...
نيسان : حلو .. 
فتح غيث الموبايل وفتح الاستوديو ..
نيسان : لك ما عم شوف شي ..مو واضح .. بتقدر تنقللهم ع الاب توب ؟
غيث : اي دقيقة ..
نقل الصور ع الاب توب وصارو أوضح بكتير ..بلش يقلب الصورة وحدة وحدة ..
نيسان نطت من مكانها وصرخت : وقف وقف ..
غيث : في شي؟؟
نيسان أشرت ع الصورة وحكت : هون .. قرب قرب ..
غيث قرب الصورة كتير بعدين هو ونيسان طلعو ع بعض وصرخو بصوت واحد : الخااتمممم ! 
غيث : ازا هو القاتل !
نيسان : اي اي هو ... أكييد ..
غيث : وطريقة القتل كيف ؟؟
نيسان : ما لاحظتو شي ع جثتها ؟ آثار ضرب .. أي شي ..
غيث : لا ولا شي
نيسان : غريب .. يعني طريقة قتل بدون أي أدلة .. أداه او اي شي ..
غيث : أي غريب ..
نيسان : شو في طرق للقتل بدون أي آثار ؟
غيث : يعني الي مر علينا ..شي بكونو مشغلين الغاز وبنخنقو .. بس يعني لو كان هيك شي كانت الريحة واضحة .. وفي كمان الخنق برضو .. 
نيسان : الخنقققق !!
غيث : اي ..بس يعني كان بين آثار ع رقبتها صح؟
نيسان : لما كنت انا وعلي صغار ..كنا نتقاتل دايما ..كانت نقطة ضعفي يمسك المخدة ويخنقني فيها ..وهييك بتكون بلا آثار وبنفس الوقت قدر يقتلها
غيث قام من مكانو وحضن نيسان وحكا : لك اي اي أكيييدددد .. 
نيسان خجلت وخدودها صارو حمر وحكت : اي قدرنا ..
غيث : كيف ما لاحظت هالشي ما بعرف .. بس في شي محيرني ..
نيسان : شو هو ..
غيث : لما فرجيت الخاتم لصديقتها حكت انو اول مرة بتشوفو .. يعني متل ما شفتي في صور بتجمعهم هني التلاتة .. شي أكيد لاحظت وجود الخاتم بأيد القاتل صح؟
نيسان : بجوز هددها بشي ..ما بعرف ..
غيث : مو مهم ... هلأ رح روح أحكي لسند كلشي وأخليهم يكتبو أذن الاعتقال للقاتل وسند يحقق معو .. ورح أبعتلو الصور وكلشي ..
نيسان : اي كتير منيح
غيث : برجعلك اي؟
نيسان : اي ..بدي نام شوي اساساً..
غيث راح ..ونيسان قعدت ع الكنباي ونامت ..وبس وصل لقاها نايمة ..قعد ع الطرف الكنباي شوي شوي ..وقعد يتأمل فيها ..وبتفاصيل وجهها .. قديشها ناعمة وحلوة .. بريئة وقوية ..زكية وعفوية .. بتسم ابتسامة خفيفة بعدين وعي ع حالو وحكا : غيث شو عم تعمل ..غبي ..
صحيت نيسان ع صوتو وحكت : انت هون ؟؟
غيث حك رقبتو وحكا : من شوي ..
نيسان : ايي ..شو صار عترف ؟؟
غيث : اي ..بالأول أنكر كلشي ..بس بعدين سند خلاه يعترف بكلشي اشي اشي ..ومتل ما حكيتي كلشي صح.. حتى انو هدد رفيقتها بقتل امها متل ما قتل حبيبتو ..
نيسان : اي وشو السبب.؟
غيث : خانتو مع أقرب رفيق لألو .. ما تحمل وقتلها ..
نيسان : مو معقول ..كل الي ما بعرفو يسيطرو ع غضبهم بنتهي فيهم المطاف بهيك اشياء ..
غيث : اي صح كلامك ..
نيسان : كم الساعة ؟
غيث : تسعة ونص تقريبآ.
نيسان : مو معقول .. من وقت ما رحت لهلأ وانا نايمة ؟؟؟
غيث : لو دخل شي حرامي وسرق البيت ما بتصحي اكيد ..
نيسان : اولاً صحيت ع صوتك الواطي ..تانياً ههه مين رح يدخل ع بيت محقق متلك ..
غيث رفع ايدي وحكاه : استسلام
نيسان : اي ما تستخف فيني ..
غيث : كل شوي عن تصدميني فيكي أكتر ..
نيسان : ولو هي شغلتي .. محقق بيك ..
غيث : ازا كان في محقق بهاد المكان فهو انت بدون منازع ..
نيسان ضحكت وحكت : خلينا نحكي انها غريزة ..وانت ما بيستهان فيك .. بكفي عرفت قصتي كلها ..
غيث رجع لورا وقعد ع الكنباي ونفخ حالو وحكا : اي ..شي أكيد ..
نيسان : تباً لتواضعك..
غيث : اي شو رح نعمل من هون ل الساعة 12 ؟
نيسان : ما بعرف ..
غيث : تحكيليش أفتح قضية جديدة راسي عم يجعني ..
نيسان : ماشي ماشي ..
غيث : اي بالعادة بس تزهقي هيك شو بتعملي ؟
نيسان : حابب تعرف؟
غيث : اي ..
نيسان قامت من مكانها ومدت أيديها لغيث وحكت : ق

#متلك_متل_نيسان_بتبلش_بكزبة🌸
الجزء الخامس 🖤🌸
نيسان : غيث شو رح نعمل ..رح يمسكونا هيك ..
غيث : كم شخص هنن؟
غيث : ما بعرف ..بجوز ستة سبعة هيك شي ..
غيث : رح واجهم ..
نيسان : نعم ؟ شو عم تحكي انت !
غيث : متل ما سمعتي !
نيسان : لا..مابتركك هون ..
غيث : نيسسان انت عم بتخاطري بحياتك وحياتي هون ..ازا ضليتي هون انا بخسر وظيفتي وممكن أخسرك ..
نيسان : بس انا ما بدي أخسرك .. ما رح اتركك يعني ما رح أتركك..
غيث : لك يا ربي انا شو عملت بحياتي لحتى الله بعتلي وحدة متلك اه؟
نيسان : ماشيي ماشيي رايحة خلص ..
غيث : بضلي معو عند الماتور وما بتتحركي ولا سنتيمتر واحد فاهمة؟
نيسان : أمر تاني سيدي ؟
غيث : نيسان عم نخسر وقت ..بكل دقيقة انت هون انا بخاطر بحياتك !
نيسان : طيب ليكني رايحة ..
غيث : ستني بدي قلك قبل ما تروحي ..
نيسان قربت علي لتسمع وعيونها لمعو فجأة ..
غيث : انا ..يعني ..
نيسان : ايي؟؟
غيث : أوعي يفلت منك او يهرب ..ولله بقتلك فاهمة ؟
نيسان عادت الي حكا بنبرة استهزاء وحكت : انا هلأ ازا قتلتك كم سنة بنحكم؟ معلش أخريتني بطلع من السجن ..
غيث ضحك وحكا : روحي روحي ..
نيسان مسكت أمجد ومشيت وهي عم تجر في ..وتحكي مع حالها : يا ربي ..انسان واحد يدخل حياتي يكون عاقل ..بس واحد..
مشيت لعند المتور وربطتو في مزبوط , وحكت : سماع ..ما رح تعرف تهرب لا تحاول ..بس ازا هربت أعرف انو ما رح تنجح قلك ليش؟
امجد هز راسو بمعنى اي؟
نيسان حكت : لأنو ..وسحبت الفرد من خصر أمجد وقوصت ع أجرو ..وحكت : لأنو ما رح تقدر تبعد ..يا حلو ..
وحطت السلاح بخصرها ..
بهداك الوقت كان رجالو واصلين لهنيك ..كانو أربعة ..غيث كان متخبي ..بلشو يطخو ع بعض ..بس بهداك الوقت رجالو حاوطو غيث من جهتين ..حس انو خلص لهون وبس ..بجووز هون نهايتو ..غمض عيونو وحكا .. أشهد ان لا اله الا الله وأن ..
صوت طخ من ورا بزبط فتح عيونو ع وسعن ..
صوت نيسان وضحكتها : ما بعرفك بتستسلم بسرعة ..
غيث : شو عم تعمممليي هووون !!!!
نيسان : أكيد ما رح أسمحلك تموت صح؟
غيث : وربي مجنونة..
نيسان : ما ضيع وقت يلا بس عد لتلاتة بتقوم انا بقوص ع اليمين وأنت ع الشمال ..لأنو في تنين ع اليمين وفي واحد ع الشمال ..ما تنسى تخيلي واحد عايش رح يفيدنا ازا حققنا معو ..
غيث : لحظة لحظة .. تنين لألك وواحد لألي؟ انت من وين بتعرفي تستخدمي السلاح؟
نيسان : بنص الأشتباك هاد بتسأل ؟ ..بابا علمني لما كنت صغيرة ..هيك رتحت؟
غيث : انت عبارة عن مفاجئة كبيرة كل شوي بتفاجئيني ..
نيسان ضحكت وحكت بنفس نبرة صوت غيث : بلا كترة حكي يلا لازم نخلص عليهم ..
قدرو يتخلصو منهم ..قامت نيسان من مكانها ومد أيديها لغيث وحكت : يلا قوم ..
غيث مسك بأيدها وقام : مو طبيعية ..
نيسان ضحك وحكت : ع اساس انت الطبيعي يعني ..
غيث ضحك وحكا: وانا كمان ما بتصنف انسان طبيعي ..أمجد...لك امجد ويينووووو؟؟؟
نيسان : لا تخاف ..ما رح يهرب ؟
غيث : وواثقة من حالك !
نيسان : اي ..
وصلو لهنيك وبس شاف غيث أمجد أجرو عم تنزف ..
غيث : لا لا ..انا شو عملت بحياتي ل الله بعتلي ياكي؟
نيسان : بجوز أمك داعيتلك بليلة القدر صح؟
غيث نزل راسو وما حكا شي ..ونظراتو تشتت..
نيسان : مو مهم .. هلأ لازم تتصل ع الشرطة صح ؟
غيث : اي اي ..
خبرو الشرطة وأجت أخدتهم ..وبعدين حققو معو ..
غيث ونيسان كانو بالمركز قاعدين ..
غيث : ازا بدك تدخلي تحكي مع أمجد..يعني ..ازا بدك..
نيسان : قصدك أنتقم..
غيث : متل ما بدك ..يعني ازا حابة تضربي طلعي كل غضبك في ..بغطي عليكي وما بخلي حد يعرف عادي ..
نيسان قربت علي وحكت : ألو حساب وألنا الله ..
غيث طلع بعيونها وما حكا شي ..
كملت وحكت : ما تخاف ..الدنيا كما تدين تدان.. مو شرط نفس الطريقة بس صدقني نفس الوجع..
بكرا يا بمرتو يا بولادو ..رح يحسو متل ما حسيت ..ما في داعي لأنتقم ..الله كبير بجازي مين نحنا لننتقم؟
غيث : جد .. مين نحنا َ!
نيسان : غيث ..انا حاسة حالي منيحة ..ورح روح شوف أهلي اي؟
غيث : أي ..كتير منيح..
نيسان طلعت بعيون غيث وسكتت بدون أي كلمة ..وهو طلع بعيونها وحكا : اي ؟
نيسان شتت نظراتها وحكت : غيث بجووز هي آخر مرة بشوفك فيها ..
غيث وهو عم يضحك : ايي مو فرحانة؟ بنهاية مين ببحب يلتقي مع محقق شرطة .. رح ترجعي لحياتك الطبيعية ..وتروحي لجامعتك..كلشي رح يرجع متل قبل ..
نيسان بصوت واطي : وبجوز انا ما بدي يرجع متل قبل .
غيث : حكيتي شي؟
نيسان : لا ..يعني ..تعال وصلني لبرا المغفر ازا بدك..
غيث : ماشي يا كونان
مشيو لبرا المغفر بدون أي كلمة ..
وقفو قبال بعض وحكا : اي يا نيسان ..لهون وبس طرقاتنا رح تفترق هلأ..وان شاء الله ما تحتاجيني ودخلي راسك بالمصايب يا كونان ماشي؟
نيسان ضحكت وحكت : ما تخاف .. شكلك ناسي مين بكون ..
غيث : المحقق كونان..
نيسان حكت بصوت برجف ..سلام.. لوحلها بأيدو شافها عم تبعد ..ضل عم يراقب بعدها بصمت ..وقفت فجأة ورجعت وهي عم تركد ونطت علي وحضنتنو وهو واقف مصدوم بدون أ

#متلك_متل_نيسان_بتبلش_بكزبة🌸
الجزء السادس 🖤
غيث ضحك وطلع ع نيسان كانت عم تتأمل الناس والعالم من الشباك ..قرب عليها غيث وما حكا شي ..
نيسان وهي عم تطلع ع نفس المكان : الدورر الجاي بجوز انت !
غيث : بالك بيقدرولي؟
نيسان ضحكت وحكت : ما بتوقع ..!
رند بصوت عالي : شبااب انا جعتتت وصولي ع شاورما ..انا مريضة ولازم تعتنو فيي ..اي اي وحكولي يكتر مايونيز وما يحط سلطة ..
سند : أمر تاني يا أميرة ..؟؟
رند : مش عارفة ...يعني ازا لقيت عصير طبيعي جيب ..
سند : من أيمتى بشتغل تحت أمرك انا ؟
رند : وضفتك قبل كم دقيقة .. ما تخالف الاوامر ..بطردك ولله ..
سند : ما رح تقدري تطرديني قلك ليش؟
رند : ليش ؟
سند : استقلت ..
غيث ضحك وحكا : هزمك فيها أعترفي ..
رند ضحكت ضحكة سخرية وحكت : طيب اففف 
سند : أخي احنا لازم نروح ..لازم ترتاح ..
رند : لاا خليكم متسلية معكم ..
غيث : لا لازم ترتاحي ..منيجي منزورك بوقت تاني أن شاء الله ..
رند : ماشي متل ما بدكم .
غيث : نيسان ..
نيسان نقزت لأنو كان واضح انها شاردة ومو بهالدنيا ..
غيث : إحنا طالعين بدك شي؟
نيسان : لا شكرا ع كلشي..
غيث : ازا حتجتو شي بتتصلو فيي اي؟ هي كرتي ..
نيسان /رند : اي ..
طلعو من المشفى غيث وسند مع بعضهم..
غيث : اي أخي لوين؟
سند : احكي بس ما تضحك؟
غيث : اي ؟
سند : ولا قلك لا لا ما بدي احكي ..يلا سسلااام بشوفك بالمغفر ..
غيث : واحد طبيعي بحياتي بس واحد يا ربي ..
بغرفة المشفى ..
رند : نيسان .
نيسان : اي ؟
رند : تعي لعندي شوي ..تعبتي من الوقفة صرلك كم ساعة عليها ..
نيسان قعدت ع التخت جمبها ..وحكت : آسفة ع كلشي ..الي عم تعيشي هلأ بسببي أنا ..
رند ضحكت وحكت : مو ع أساس الصحاب مافي بينهم شكر ؟
نيسان ضحكت وحكت : اي ..صح ..
رند : تعي أحضنك شتقتلك ..
نيسان : ونا أكتر ..آخر فترة ..قديش نسينا بعض ..ونسينا حالنا حتى ..!
رند : بتهون ..
نيسان : رند .. ما ضللي حدا .. والله أعلم مين التالي ..
رند : ما تحكي هيك ..انا موجودة ..ما بدك ياني؟
نيسان : لا مو هيك قصدي ..انت أختي مين بيرفض هيك أخت ..بس ..كلشي عم يصير بسببي ..
رند : ما تلومي حالك ..بصرراحة بحكي ما تحكي ما تحكي بس رح أحكي سمحيلي ..
نيسان : احكي ..
رند : كلو بسبب ديون أبوكي ولعبو القمار ..حكيي صح ولا لا ؟
نيسان سكتت وما حكت شي ..
رند : انت مو السبب ..
نيسان : عم حس وكأنو انا شي ..مو عارفة كيف أوصف ..شي بآذي أي حد بحبو ..لازم تبعدو عني ..ما عم أتحمل شوف أي حد بتأذى بسببي ..
رند : نيسان شيلي هالفكرة من بالك ..رح ضلي معنا فهمانة ؟ معنا للموت ..
ضلو عم يحكو كم ساعة بعدين دق الباب ..
ونيسان كانت بالكفتيريا تحت لأنو رند كانت نايمة ..
دق بس ما حدا حكا .. دخل سند ع الغرفة وكانت رند نايمة .. قعد ع الكرسي جمبها وما حكا شي .
سند بصوت واطي : رند .. يا شيطانة ..
نطت رند من تختها وحطت أيدها ع صدرها وصرخت : سند !!! لك شو عم تعمل هونن ! هيك الواحد بصحي التاني ؟؟؟؟
سند : شوي شوي خدي نفس ..
رند : ليش أجيت ..؟؟
سند رفع أيدو 
رند : شاورما !!!!
سند : اييي
رند حضنتو فجأة وأخدت الكيس منو وبلشت تاكل وهو عم يراقبها وهو مصدوم ..
رند : في شو ع وشي؟ ليش هيك عم تطلع ؟؟
سند : لا لا ولشي ..ابدا ..
رند : يااا يسلمو .. زي ما كنت بدي ياااها ..
سند بصوت واطي : منيح الي تزكرتي تحكي ..
رند : سامعتككك 
سند : اه نسيت انو سمعك زي القطط ..
رند : بدك ؟
سند : واضح انك رح تاكليني وراها فكلي كلي
رند : غليظ ..
سند : وين نيسان؟
رند : نزلت ع الكفتيريا عشان كنت نايمة ..
سند : اي منيح ..
رند : يا الله شو قلقانه عليها ..!!
سند : كلنا منمر بفترات صعبة بحياتنا .. الله يكون بعونها ..
رند : آمين ..
رند ضحكت فجأة ..
سند : في شي؟
رند : حكيت زي الي بفهمو لأول مرة ..
سند : ها ها ها .
رند : نفسية ..
سند : كلي وأنتِ ساكتة ..
رند : سند تزكرت شي ..
سند : اي؟
رند : شكراً ..
سند : ع شو ..
رند : عشو يعني ؟؟!! أنقذت حياتي شو بدي أكتر من هيك ..
سند : ولو ..واجبي ..
طلع سند من المشفى ونيسان نامت جنب رند ..صحيت رند بليل فجأة ..بس المفاجئة انو نيسان ما كانت جمبها ..وموبايلها مكانو ...
رند رنت ع غيث من الرقم الي بالكرت ...
غيث : الو مين معي؟
رند : غيث ..هي انا رند ..
غيث : اي رند في شي؟؟؟؟
رند : نيسان مو هون ..صحيت ما لقيتها وماخدة جاكيتها وموبايلها هون ..
غيث : نيسان اخ يا نيسااان !!!
رند : غيث بترجاك دور عليها .. كانت تحكي حكي غريب اليوم ..انو رح تخلصو مني ..وانا السبب بكلشي ..
غيث : انت رتاحي ..رح لاقيها ما تخافي .
غيث لبس أواعي بسرعة وركب ع المتور وبلش يفكر وين ممكن تكون هلأ ..خطر ع بالو أكتر مكان بتروح علي نيسان ..وهو البحر !بهداك الوقت كانت نيسان واقفة قبال البحر فاردة أيديها ع جنبها زي الطير ..وعم تحكي معو : شو يا شريك ..اليوم جايبلك خبر كتير حلو ..مستعد تسمع ؟ اليوم رح نلتقي ..رح روح لعندك بأجريي ..أكيد عم تحكي هلأ