هدى: بس بتعرفي بكرا بدللك وبترتاحي من شغل المونة
لما قالت هدى هيك وعرفت أمان انو هاي الحقيقة رجعت تبكي … قربو عليها اتنيناتن وصارو يبكو معها
ندى: خلينا نهرب
هدى: أي واذا بدك نحنا منساعدك
أمان: لأ أنا وافقت ولقيت هيك أفضل الي رح جاكر الكل وصير مرة ابوه وجيب ولد كمان وصير الكل بالكل
ندى: طيب وكرم؟؟
أمان: الله يحرقو
سكتت شوي وبعدها قالت: لأ حرام
ورجعوا ضموا بعض وهني بيبكو حظن وحياتن
ندى: شو هالحياة يلي عايشينا ويلي بتخلينا نوافق على هيك عروض زواج … بس كرمال المال … معقول !! على أساس المال وسخ الدنيا
هدى: لا تصدقوهن اذا ما معك فلس ما بتسوي قرش
وهاد الختيار المصدي لولا ما زنكيل ما كان اجا طلب ايد أمان بوقاحة وحتى ما ساعد كل هالبنات اكيد كلن بيستغلن لصالحو هيئتو نسونجي
غمضت أمان عيونها وهي بتحس بغصة بتقطعلها قلبا من جوا
بس يلي خوفها أكتر كلام كرم الأخير ليش عم ينبهها حتى ما تتجوز أبوه ؟؟
بس يلي كانت مصممة عليه انها بس بدها تقهرو وتحرق قلبو هيك بتفكير طفولي بحت وما كنت عارفة انها عم تحرق قلبها معو … ودخلت بدوامة ما الها أخر
أحيانا بكون غباء لما منعطي قلبنا لناس مابتستحق
لنلاقي حالنا صرنا بنص الطريق #مخذولين … #مجروحين …#ومهمومين …
Telegram:@rwayate
*****
خلال شهر صار العرس كل شي صار بسرعة … الغرفة والجهاز كل يوم كانوا يطلعوا ليشتروا تياب وأهلها طاير عقلن وهي بالبداية كانت زعلانة بس بعدين فكرت بمصلحتها متل ما قالوا أهلها.
أو يمكن من كتر الزن فوق راسها أقتنعت … أو يمكن لأن كرم طلع ما بدو اياها وبالفعل راحت امو لتخطبلو وحدة تانية بعد كام يوم على هوى ما سمعت واختفى وماعاد بيّن
أمان طفلة وأفكارها طفولية معقول تصدق كرم من أول كام كلمة قالهن !!
شو بدو يطلع من بنت لسا عمرا 16 سنة وماشافت بحياتا الا الشقى والتعتير … من لما وعيت ما شافت شي أبعد من بيتها ومدرستها والخضرة يلي بتشتغل فيها كل يوم
أكيد أول ما شافت اهتمام كرم فيها طار عقلها …
شب كامل مكمل حلو وخلوق ومؤدب ونشيط … بس طلع كلو مظاهر والمخبى اخطر
بس هلق أكيد اهتمام توفيق ودلالو لالها رح يكون اكتر لانها الصغيرة والجديدة ورح يغيرلها كل شي بحياتا.
بيوم العرس كانت بغرفتها الجديدة موبيليا ملوكية بلون بني محروق … قاعدة قدام مرايتها الكبيرة والكوافيرة عم تشتغل بشعرها وماكييرة تانية بتشتغل بوجهها وبتعملها المكياج وهي بتراقب كل شي بوجه جامد.
لما كملولها شغلها طلعو قربو بنات خالتها يلي كانو لابسين ومكيجين وهني بهنوها
ندى: بتجنني
Telegram:@rwayate
هدى: اي عنجد كتير لابقلك المكياج بس شعرك كتير عالي ما !؟
لما ما ردت قربت ندى وهمستلها: اذا ما بدك هلق منساعدك تهربي
هدى: اي والله منساعدك مالازم تنغصبي
بتردد فتحت تما وحكت: قولكن منقدر نهرب !؟
ندى: اي يلا قومي… هدى راقبيلي الطريق
وقفت بسرعة ومسكت بدلتها وقربت من الباب بس فورا شريط حياتا مر قدامها
اتراجعت وهمست بقلق: مابقدر خون ثقة اهلي شو رح يقولو الناس عني هربت بليلة عرسي خلص رح ارضى بنصيبي
مستحلا ندى دمعة عيونا وهي بتقول: لا تخربي مكياجك
ضمتا ندى وقربت هدى كمان ضمتن وبعد دقايق اجو اهل العريس طالعوها بزفة طويلة عريضة.
#بقلم_مروةآغا
العرس صار على الديق رغم انو هوي الكبير بالضيعة بس ما عزمو حدا يمكن خجلان من الكل على عملتو ..
ومن طرف العروس اجو بيت جدها وخوالها وعمامها جهزولن بيت صغير قعدو فيه … في منن كانو فرحانين ومنن غيرانين ومنن متفاجئين على اساس طلعو مشوار ورجعو بعريس وكمان مدسم !!
Telegram:@rwayate
بس جدها وستها ما عاجبن شي وخصوصا لما انصمد بقربها … الكل شافو الفرق بيناتهن … كانت متل اللعبة بفستانها الأبيض المنفوخ المشكوك بلون فضي كثيف … شعرها العسلي الطويل رفعولها أياه وصار متل الطابة فوق راسها من كتر ما طويل والكوافيرة صارت تحتار وين تدخل الخصل ببعضا … اما مكياجها فكان علون فستانها ابيض وفضي وحمرة بلون الدم …
كانت طالعة متل الثرية بامتياز والأحلى من هيك الكعب العالي يلي شل أجريها لحتى بس تقدر توصل لطول توفيق وما تصير رقم 10 بقربو.......
العرس كان على الساكت وما حدا قدر يزغرد أو يحط أي أغنية … بس ابنو ليث كان فرحان بالعرس وكرم ما شافتو أبدا … أما سناء كانت عم توزع أبتسامات ناشفة مبينة غصب عنها بس ما فهمت ليش لتعمل بحالا هيك … معقول غصبا توفيق لتخطبلو أمان ؟
بس هي كانت تشوفها انها قوية ومانا من النوع الخاضع.
بنات المشغل كانو عم يشتغلو ويضيفو الكل قهوة وحلو وفواكه
لما قالت هدى هيك وعرفت أمان انو هاي الحقيقة رجعت تبكي … قربو عليها اتنيناتن وصارو يبكو معها
ندى: خلينا نهرب
هدى: أي واذا بدك نحنا منساعدك
أمان: لأ أنا وافقت ولقيت هيك أفضل الي رح جاكر الكل وصير مرة ابوه وجيب ولد كمان وصير الكل بالكل
ندى: طيب وكرم؟؟
أمان: الله يحرقو
سكتت شوي وبعدها قالت: لأ حرام
ورجعوا ضموا بعض وهني بيبكو حظن وحياتن
ندى: شو هالحياة يلي عايشينا ويلي بتخلينا نوافق على هيك عروض زواج … بس كرمال المال … معقول !! على أساس المال وسخ الدنيا
هدى: لا تصدقوهن اذا ما معك فلس ما بتسوي قرش
وهاد الختيار المصدي لولا ما زنكيل ما كان اجا طلب ايد أمان بوقاحة وحتى ما ساعد كل هالبنات اكيد كلن بيستغلن لصالحو هيئتو نسونجي
غمضت أمان عيونها وهي بتحس بغصة بتقطعلها قلبا من جوا
بس يلي خوفها أكتر كلام كرم الأخير ليش عم ينبهها حتى ما تتجوز أبوه ؟؟
بس يلي كانت مصممة عليه انها بس بدها تقهرو وتحرق قلبو هيك بتفكير طفولي بحت وما كنت عارفة انها عم تحرق قلبها معو … ودخلت بدوامة ما الها أخر
أحيانا بكون غباء لما منعطي قلبنا لناس مابتستحق
لنلاقي حالنا صرنا بنص الطريق #مخذولين … #مجروحين …#ومهمومين …
Telegram:@rwayate
*****
خلال شهر صار العرس كل شي صار بسرعة … الغرفة والجهاز كل يوم كانوا يطلعوا ليشتروا تياب وأهلها طاير عقلن وهي بالبداية كانت زعلانة بس بعدين فكرت بمصلحتها متل ما قالوا أهلها.
أو يمكن من كتر الزن فوق راسها أقتنعت … أو يمكن لأن كرم طلع ما بدو اياها وبالفعل راحت امو لتخطبلو وحدة تانية بعد كام يوم على هوى ما سمعت واختفى وماعاد بيّن
أمان طفلة وأفكارها طفولية معقول تصدق كرم من أول كام كلمة قالهن !!
شو بدو يطلع من بنت لسا عمرا 16 سنة وماشافت بحياتا الا الشقى والتعتير … من لما وعيت ما شافت شي أبعد من بيتها ومدرستها والخضرة يلي بتشتغل فيها كل يوم
أكيد أول ما شافت اهتمام كرم فيها طار عقلها …
شب كامل مكمل حلو وخلوق ومؤدب ونشيط … بس طلع كلو مظاهر والمخبى اخطر
بس هلق أكيد اهتمام توفيق ودلالو لالها رح يكون اكتر لانها الصغيرة والجديدة ورح يغيرلها كل شي بحياتا.
بيوم العرس كانت بغرفتها الجديدة موبيليا ملوكية بلون بني محروق … قاعدة قدام مرايتها الكبيرة والكوافيرة عم تشتغل بشعرها وماكييرة تانية بتشتغل بوجهها وبتعملها المكياج وهي بتراقب كل شي بوجه جامد.
لما كملولها شغلها طلعو قربو بنات خالتها يلي كانو لابسين ومكيجين وهني بهنوها
ندى: بتجنني
Telegram:@rwayate
هدى: اي عنجد كتير لابقلك المكياج بس شعرك كتير عالي ما !؟
لما ما ردت قربت ندى وهمستلها: اذا ما بدك هلق منساعدك تهربي
هدى: اي والله منساعدك مالازم تنغصبي
بتردد فتحت تما وحكت: قولكن منقدر نهرب !؟
ندى: اي يلا قومي… هدى راقبيلي الطريق
وقفت بسرعة ومسكت بدلتها وقربت من الباب بس فورا شريط حياتا مر قدامها
اتراجعت وهمست بقلق: مابقدر خون ثقة اهلي شو رح يقولو الناس عني هربت بليلة عرسي خلص رح ارضى بنصيبي
مستحلا ندى دمعة عيونا وهي بتقول: لا تخربي مكياجك
ضمتا ندى وقربت هدى كمان ضمتن وبعد دقايق اجو اهل العريس طالعوها بزفة طويلة عريضة.
#بقلم_مروةآغا
العرس صار على الديق رغم انو هوي الكبير بالضيعة بس ما عزمو حدا يمكن خجلان من الكل على عملتو ..
ومن طرف العروس اجو بيت جدها وخوالها وعمامها جهزولن بيت صغير قعدو فيه … في منن كانو فرحانين ومنن غيرانين ومنن متفاجئين على اساس طلعو مشوار ورجعو بعريس وكمان مدسم !!
Telegram:@rwayate
بس جدها وستها ما عاجبن شي وخصوصا لما انصمد بقربها … الكل شافو الفرق بيناتهن … كانت متل اللعبة بفستانها الأبيض المنفوخ المشكوك بلون فضي كثيف … شعرها العسلي الطويل رفعولها أياه وصار متل الطابة فوق راسها من كتر ما طويل والكوافيرة صارت تحتار وين تدخل الخصل ببعضا … اما مكياجها فكان علون فستانها ابيض وفضي وحمرة بلون الدم …
كانت طالعة متل الثرية بامتياز والأحلى من هيك الكعب العالي يلي شل أجريها لحتى بس تقدر توصل لطول توفيق وما تصير رقم 10 بقربو.......
العرس كان على الساكت وما حدا قدر يزغرد أو يحط أي أغنية … بس ابنو ليث كان فرحان بالعرس وكرم ما شافتو أبدا … أما سناء كانت عم توزع أبتسامات ناشفة مبينة غصب عنها بس ما فهمت ليش لتعمل بحالا هيك … معقول غصبا توفيق لتخطبلو أمان ؟
بس هي كانت تشوفها انها قوية ومانا من النوع الخاضع.
بنات المشغل كانو عم يشتغلو ويضيفو الكل قهوة وحلو وفواكه
