#مدرسة_الارواح_بقلم_رند_محمد

وهيك منكون خلصنا درسنا لليوم ..
حلو كل التمارين يلي بتخص الدرس وبكرا بصححلكن ياهن ..

هلأ رن الجرس ، فيكن تطلعو ع الباحة ..

"" شذا عمري 17 .. بدرس بالصف الحادي عشر ""

شذا : ميرا تعي نقعد بالحديقة يلي ورا المدرسة ..
هنيك في شمس اكتر هون برد ..

ميرا : تعي يلله

" اعدنا انا وشذا وصرنا نحكي "

هالقصة كانت من سنة بس ..
شذا : بتعرفي هون هدوء كتير ياريت لو نضل اعدين ..
متير دفيت

ميرا : اخخخ اي والله ..

اتطلعت قدامي كان في شحرة وحديقة المدرسةة شبه خرابة مافيها حدا ، في شحرتين وتراب وخشب وحديد ومقاعد قديمة ..

قدامي في شجرة ..
لمحت بنت شعراتا طوال ولفتت نظري بشعرا الحلو ..
التفتت لعند ميرا لقلا ..
شوفي شوفي هالبنت شعرا بجنن ؟"! ..
ميرا : وينا ..
شذا : ليكا هنيـ.... شكلا راحت ..
ميرا : اي يلله قومي ع الصف ، رن الجرس ..

انتها الدوام ورجعت عالبيت ، ما كان في حدا بالبيت ..
متل العادة بابا بشغلو و امي عند وحدة من جاراتا . وانا صفيانة لحالي ..

رجعت حطيت غراضي و اعدت ادرس ..
البيت كان هدوء كتير ومافي ولا صوت ..
انا ضايعة بين كتبي وغراضي ..

سمعت صوت المي ..
كأنو انفتحت حنفية المي بشكل قوي ..
انا فكرت ماما يلي اجت .. رحت اركد و انا عم نادي ماما اجيتي .. !!
بس بتفاجئ انو ماما ماطلعت هون ومافي حدا ..
هففف يالله ماكانو يعرفو يصلحولنا هالحنفية لسا بتفتح لحالا ..

سكرتا ورجعت ع غرفتي ..
لقيت الكتب محطوطة بالمقلوب ..
والصفحات مقلوبة عالعكس ..
هلأ للوهلة الاولى خفت كتير ، بس بعدين تزكرت الشباك انو مفتوح ويمكن لهيك الوراق انقلبو ..

بس الشباك كنت مسكرتو !! مين يلي فتحوووو ..
للصراحة ارتعبت كتير وحسيت في شي غريب كتير ..
ماقدرت اعد بالبيت ، ركدت لعند جارتنا وناديت ماما
صار المسا و اجا بابا ..
بعد ماتغدينا و انبسطنا ، اتصلو فينا بيت خالي عزمونا نسهر عندن ..
نحنا كنا اعدين وزهقانين ..
لبسنا ورحنا لعندن ،

هلأ بيت خالو كبير وحلو كتير ، الو برندا اطلالتها ع مدرستي ..
وخالو ماعندو غير صبي صغير وبنت صبية اسما ( نور ) .
كانت الساعة 10 المسا ..
اخدت معي غراضي تبعات المدرسة
ورحت مع اهلي ..
قضينا سهرة حلوة كتير ببيت خالو كلا بسط وضحك .. و اخر شي سهرنا لحالنا انا ونور لما كان الكل نايم و اهلي رجعو عل بيت ..

ضلينا سهرانين عل برندا ..
قامت نور تساوي قهوة ..
نور : يلله ستنيني رح ساوي قهوة
شذا : اوك
ضليت اعدة لحالي و حوليي ظلام دامس وعتمة كتير ، مافي حواليي ولا ضو .. هدوء الليل كان مغطي عكلشي ..
عم اتطلع ع مدرستي ..
كان في ضو خافت كتير بحديقة المدرسة .. فجأة صار يقوى يقوى شوي شوي ..
لحد ما قوي كتير و انطفااا ..
بعدين شفت دخان كتير عم يطلع ..
ركدت لعند نور ، بدي ناديلا تشوف الدخنة لان احتمال يكون في حدا بالمدرسة او شي حريق ..

اجت نور وقفت جنبي بس ماكان في اي اثر لا للدخان ولا للحدا ..
نور : لك شذا يبعتلك الهنا مافي دخان .. يمكن نعستي ..
يلا شربي قهوتك وروحي نامي
شذا : طيب ..

رحت نام و انا عم فكر بيلي شفتو ماكان شي طبيعي .. حاسة انو في شي عم يمشي بعروقي ، شي بيشبه النار ..
قضيت ليلة بدون ما نام فيها قضيتا كلا و انا سهرانة وخايفة ..

تاني يوم ..

رحت ع حديقة المدرسة و ماكان في اثر لا لحريق ولا لرماد ..
دورت كتير ومالقيت شي ..
كان في طالبة اعدة ع جنب ..
( عم تطلع فيني و انا عم دوور متل المجنونة وتضحك )
قربت لعندا و انا خايفة وحاسة قلبي وقف ..
شذا : ليش عم تضحكي ..؟؟
الطالبة : لان رح يصير فيكي متلي ..
شذا : شو رح يصير .. ؟؟
لك ستني .. دقيق... يالله ..

تركتني وراحت وماوقفت ابداً ..
معقول في سر يالله شو القصة هون ..
اكيد في شي غريب عم يصير ..
طلعت ع صفي و انا خايفة و عم فكر بالقصة /!
معقول كون انا جنيت !!
معقول هي اوهام !!
معقول .. معقول ..
ومالقيت اي جواب لأسئلتي ..

كان عندي حصة رياضة ..
اعدت انا ورفيقتي بحديقة المدرسة تحت الشجرة ..
خايفة احكيلا وتقول عني مجنونة ..
صفنت بدون ولا كلمة .

حسيت في شي ع تيابي ..
شعر وسخ كلو تراب وطين ..
شعر ع كل اواعيي ..
صرت كل.ماشيلو يزيد اكتر ولاقي شعر اكتر ..
ع شوي حسيت حالي رح اختنق ..
شعر اسود كلو طين صار يلف حوليي ماعم يروح ..
صرت صرخ بصوتي ..

ميرا : شذاااا شبك شبك
شذا : اااااااااااااا ، ضليت صرخ وماكنت اسكت ..
آخر شي بتذكرو انو لقيت حالي اعدة ع كرسي بالإدارة وجنبي ميرا و المرشدة النفسية ..

المرشدة بيان : هدي حبيبتي وحكيلي شو صار معك ..
شذا : ليش ليش انا هون
مييرا : شذا شو صار معك
شذا : شو صار معي مابعرف
ميرا : كنا اعدين وفجأة صرتي تصرخي كتير وتقولي بعدووو وشيلو الشعر عني ..
بس ما كان في شي ..

المرشدة : خلص ميرا بلا ما نضغط عليها