ملل وتعب وعيشه مكركبة😪💔
تعوا نتسلا بهالقصة احسن شي😂💙

#مدينة_الموتى
.............
قراءة ممتعة🦋💙"
#ⴅმძ3Һa

#مدينة_الموتى_1 #مدينة_الموتى
@rwayate
الحلقة الأولى
ستيفن .. هوه إسمي , أما مهنتي فهيه الصحافة والإعلام.. بدرس بجامعة معروفة بإنجلترا.. وعايش مع اهلي ماما وبابا واختي سارة .. بلش حبي للأعلام والصحافة من الطفولة وضل براسي انه بس أكبر بدي أصير صحفي كبير وأكشف حقائق مخبية وغير معروفة .. ولأنه كان عندي حب الإستكشاف من صغر وحب التطلع والمغامرة .. وكنت عطول أدخّل بشغلات ما إلي فيها وأسأل أسئلة غريبة وما إلها جواب.. هالشي اللي خلا اهلي يكتشفوا انه سرعة بديهه وذكاء.. لحد مادخلت الجامعه وحققت حلمي بدراسة الصحافة والإعلام.. تعرفت على أصدقاء صارو جزء مني وكل وقتي بكون معهم .. صحاب عرب متلي بس متغربين ومهاجرين لمدينة أجنبية متلي ومتل أهلي.. بالسنة الأولى بالجامعه عرفت علاء وهوه شب طموح متلي وبحب مهنته بس عنده خوف من الدخول فبعض الأمور الغير مرغوب فيها .. عكسي أنا طبعاً لأنه هالشي مابمنعني أنه أفكر أدخل بأي موضوع أنا حابه وحابب أنجح فيه.. أما الشخص التاني فهوه بيتر .. وهوه شب عربي متلي ولد بهالمدينة الأجنبية وبحسه بشبهني بحبه لمهنته ومابخاف من بعض المواضيع .. والشب التالت فضل وهوه شب بزعل من كل شي وحساس لدرجة كبيرة بس محبوب من الجميع برغم حساسيته.. أما الصديقات.. تمارا صديقة شخصيتها قوية وبتحب المغامرة متلي والصديقة التانية كرستين عندها حدس قوي للشغلات اللي حتصير ودايماً بتخوفنا بسبب هالشي وبطلع كل شي بتفكر فيه صحيح.. وقلبها رقيق وبسرعه بتخاف.. بعد دخولي هالجامعه صارو هالأصدقاء كل ما أملك وحبي إلهم مش طبيعي.. بالسنة التانية صرت أشعر شوي بالملل من تخصصي لأنه معظم المواضيع اللي بطلبوها الدكاتره روتينية وممله .. والشغلات اللي أنا بحبها بعيدين عنها كل البعد.. متل المواضيع المخبية اللي بدها معجزة حتى تنحل .. أو عبدة الشياطين أو المدن المهجورة والمخيفة.. هدول المواضيع اللي كنت دائماً أحب اتطرقلهم بس عطول كانو حاطين خطوط حمرة تحت أي مواضيع بنفكر فيها ولازم نراجع الدكاتره بكل شي بدنا نتحراه أو نكتب وندرس عنه.. بس أنا قررت إني أكسر هالرويتن وأدخل بالمواضيع الخطرة واللي ممكن تفصلني من الجامعه كلياً .. بس عشان حبي للمغامرة واصراري على الدخول في المحظور .. لأنه بالنسبة لإلي كل ممنوع مرغوب.. ومافي شي ممنوع عندي.. صرت أبحث بالأنترنت عن مواضيع بتستهويني ومن بين هالمواضيع.. مكان بشرق المدينة مهجور ومافي إنس ولا بزوره أحد .. مدينة بعيدة عنا كتير بس فيها شي غامض وماحدا عارف سره.. اسم هالمدينة مدينة الموتى .. كان مكتوب عنها كتير انه هالمدينة اي شخص بقربها مابرجع .. وكل اللي راحوها ماتو فيها .. وكان فيها منتجع وبيوت سكنية كتير بس كلها نهجرت بعد ماتعددت فيها جرائم القتل.. هالشي استهواني كشخص طموح ونخلق ليستكشف.. وما كان جواتي ذرة خوف بإني أزور هالمدينة وأعرف شو جواتها لأنه نحكا عنها كتير وكنت اسمع ناس بحكوا عنها وانا صغير .. ونهجرت من قبل ما اخلق.. وما عاد حدا زارها.. وصار وقتها اني افكر اني اروحها واشوف شو جواتها وليه هيك عم بحكوا عنها.. بالليلة اللي فكرت فيها بهالموضوع ما قدرت أنام.. وصرت أفكر أنه كيف بدي أقنع أهلي بروحتي لهناك ؟ وأنا متأكد انه ماما مارح توافق ورح تمنعني وبابا نفس الشي.. بس قلت لازم أوصل للمحظور والمواضيع اللي مأكّس عليها بجامعتنا بدي أدخل فيها كلها واستكشفها وحدة وحدة .. لأنه الملل اللي بلشت أستشعره بدراستي بفوق كل التوقعات.. وصار الوقت للمغامرة.. تاني يوم بالجامعه شفت علاء وحكيتله عن الموضوع لأني بعرفه بأتمن على السر.. بس لأنه كنت حاسس برفضه القطعي لهالشي مانع وحكالي انت بدك يانا ننفصل من الجامعه ؟؟ شيل هالفكرة من راسك بسرعه قبل مايصير شي مابنتوقعه.. قلت لازم أحكي لحدا تاني.. دورت على بيتر وقلت ماحدا رح يفيدني غير هوه لأنه مابخاف من اي شي.. وبالزبط .. شجعني وحكالي ممكن نفكر بهيك موضوع ونستكشفه بدون علم الدكاترة واذا حققنا هالشي وقدرنا نعرف لغز هالمدينة وكل شي نكتب عنها ممكن نوخد منحه وندرس فبلاش.. غير الشهرة والنجومية والبطولة اللي رح نكسبها بنظر الناس .. والجرايد اللي رح تكتب عنا والقنوات اللي رح تستضيفنا .. والمصاري اللي رح تيجينا.. حكيتله مافي غيرك شجعني وانا مبسوط وبعرف انك مابتخاف بس انت جاهز .. حكالي انا معك بس مابدنا حدا يعرف.. بس اذا حنروح لازم نكون أكتر من شخص .. انت شوف فضل وتمارا وكرستين.. رحت لفضل مانع الفكرة وخاف منها.. اما كرستين تشجعت وحكت ممكن بس في خوف علينا واذا فشلنا رح نتبهدل وننفصل .. وحكت نفس الحكي كرستين .. أما أنا فوقفت حائر بدي ألاقي فكرة اقنعهم لنروح.. روحت على البيت واكلت ودرست لحد ماصار الليل.. بلشت أبحث من جديد عن الموضوع.. وشفت صور.. ناس مقطعه وأجساد مفصولة عن بعض.. ودم بكل مكان بهالمدينة وصور من السبعينات والتمنينات.. وصور كانت جديدة.. وقتها قلت طيب اللي بصوّر كيف ما صار فيه شي .. أنا ممكن أكون هيك ..

#مدينة_الموتى_2 #مدينة_الموتى
الحلقة الثانية
@rwayate
حاولت أفتح باب التكسي وهوه ماشي او حتى الشبابيك .. بس للأسف ما طلع بإيدي لأنه كل شي كان مسكّر .. صرت أفكر أضرب صاحب التكسي بس قلت خليني أسمع شو بده يحكيلي برغم أني مش خايف منه ومش مصدقه.. بلش يحكيلي كل دقيقة بتمر بتروح من عُمر صاحبك لهيك اسمعني منيح وركز.. حكيتله تفضل احكي.. قلي انت أول مابلشت تفكر تروح مدينة الموتى كل الأشخاص اللي ماتو بهالمدينة صارو بدهم ياك .. أنا شخص ميت بس كنت حدا منيح وبعمل خير ومش نفس سيئة متل معظم اللي ماتو فيها.. واجيت أخبرك أنه روحتك رح تسببلك مأزق كبير وتدمرلك حياتك كلها وغير هيك رح تموت موته شنعه لأنه الكل عم بستناك.. وأنا إجيت أخبرك ..ولا تفكر انه اللي بروح هناك برجع .. لألألأ مستحيل يرجع كل اللي راحو مارجعو وأنا منهم هيني متل ما انت شايف ميت ومافيه روح ولا حدا بحس بوجودي لأنه ما الي وجود .. أنا اجيت اوصلك الرسالة اللي سمعتها من الأموات اللي بالمدينة واللي بستنوك هناك انت وصاحبك.. وما تفكر صاحبك بيتر حدا منيح.. هوه شخص سيء متل اللي ماتو بالمدينة وبده ياك تروح هناك عشان يقتلك.. وهوه يرجع ويكسب النجاح لهيك أنا سلطت عليه روح شريرة تقتله فبيته بعد شوي.. واذا مابدك ياه يموت .. لازم تروح عنده وبس توصل تحكيله انه انت غيرت رأيك ومابدك الروحه أبداً .. ولا رح يصير اللي حكيتلك ياه .. رح توصلو هناك وبيتر يقتلك .. وهوه يستغل القصة اللي عم بتصير بالمدينة عشان يغطي على جريمته ويوخد النجاح كله منك انت ! .. فهمت .. خلص كلامه وانا ماحكيت شي .. وصلنا البيت وحكالي يلا انزل.. احكيله اللي قلتلك عنه وتأكد انه مارح يصير فيه شي .. وفي حال قلتله غير هيك رح ينقتل بيتر ويتهموك فيه انت ! .. تفضل انزل.. حكيتله انت كذاب وأنا متأكد في من وراك قصة بس مش عارف شو هيه !! .. نزلت من السيارة وبكل خطوة بمشيها بفكر وبفكر .. لحد ما طلعت الدرج ووصلت الشقة.. رنيت الجرس .. لأنه بيتر مستأجر شقة لوحدة بعيدة عن بيت أهله بسبب حبه للهدوء والتركيز بالعمل .. طلعلي وحكالي فوت مافي حدا .. بلشت أفكر بالكلام اللي بدي احكيه.. قلي شو كيف استعدادك.. ماحكيت شي.. قلي في شي؟ مالك؟ حسيت حالي متوتر ومش عارف اجاوب.. لأول مرة بخاف من شي برغم انه ماكان في جواتي خوف بس كنت بالتكسي بس لما وصلت البيت وصرت أفكر واسترجع كلام الزلمة صار جواتي خوف..حكيتله بدي أسألك سؤال وجاوبني منيح.. ممكن بيوم انت تغار من نجاحي؟ قلي شو هالسؤال الغريب ؟! معقول فيك تشك بهيك اشي.. طبعاً لألألأ ومستحيل .. انت ابصر مالك خليني ادخل اعمل كاستين شاي بالمطبخ.. بلشت أفكر شو احكيله .. أقله خلص خلينا نروح ؟ ولا أحكيله لأ .. بس مابقدر أصدق شخص مجرد ماحكالي كلمة.. بس كيف عرف ؟ وكيف وصل الأيميل واللي عرفو معدودين عالأصابع .. في واحد من صحابي هوه اللي مابده ياني أروح .. بس مين ؟ فضل ؟ ولا تمارا اللي شجعتني على الفكرة بس خافت ؟ ولا كرستين اللي كمان شجعتني ولا علاء اللي رفض الفكرة قطعياً .. في واحد منهم لعب معي هاللعبة بس مين ؟! بس أنا بوثق فيهم ومستحيل حدا يعمل هيك .. أخدتني أفكاري لأماكن بعيدة كتير وماقدرت اتمالك أعصابي من التفكير قلت هاي كلها لعبة ومافي هيك شي واصلا مدينة الموتى كلها خرافة وكذب وفي سر عم بصير بهديك المنطقة البعيدة ولازم اكشفه واسلط الضوء عليه حتى انجح واصير.. وفجأة صرت أحس انه في حركة مش طبيعية بالبيت .. بيتر عم بحكي معي بالمطبخ وبحكيلي بدك سكر ؟ انت بتحبها بدون ولا كيف؟ انا حسيت انه الحركة عم تزيد بالمطبخ يعني كأنه عم بحارب جوا مش عم بعمل شاي.. حكيتله حط سكر وأنا رح افوت عالحمام.. بسبب اللي صار حسيت اني نمغصت وصابني اسهال شديد.. كان الحمام قريب عالغرفة لأنه اصلاً البيت صغير .. دخلت عليه وسكرت الباب.. بعد ارتحت وراح مغص بطني.. بلشت ايد الحمام تنزل لحت وكأنه في حدا بده يفتح الباب عليه وأنا جوا.. حكيتله بيتر ؟ انا جوا ليه بدك تفتح الباب !! .. كان لسه عم بحاول يفتح الباب وأنا جوا متوتر انه ليه مابرد عليه .. وكنت شايف خيال من ورا الباب .. وفجأة اختفى الخيال .. فتحت الباب وحكيت بيتر ؟ وينك ؟ دورت عليه بالغرفة ما لقيته .. دخلت على المطبخ وشفته عالأرض وبقلبه سكينه مطعون !! .. تشنجت وماقدرت أتحرك أبداً من مكاني .. وعيوني ماعدت شفت فيهم منيح من الصدمة.. قربت لعنده وحكيتله بيتر ؟ اصحى انت عم تضحك عليه صح ؟ مين عمل فيك هيك.!! .. قمت وصرت افتش بالبيت وأنا مدهوش من اللي صار .. كان البيت متل ما هوه وحتى باب البيت مسكر تماماً ومافي أي أثر لأي حدا دخل .. وما قدرت اسمع غير الصوت اللي سمعته بالمطبخ .. بس هوه كان يحكي معي .! ومستحيل اللي قتله يفكر يقتله بهاللحظة .. لأنه ماصرّخ.. وما سكت .. رجعت لعنده واتطلعت على عيونه كان مفتحهم بشده دليل انه كان شايف شي راعبه وخايف منه .. وعيونه حمر كتير .. قلت شو بدي أعمل بهالحالة ..

#مدينة_الموتى_3 #مدينة_الموتى
@rwayate
الحلقة الثالثة
بعد اللي صار مع بيتر زاد خوفي اكتر من انه الشخص عم براقبني او بده يقتلني .. بس برغم اني مابخاف هالمرة خفت من الغدر.. وقررت اني اكشف سر الصور اللي وصلوني.. اتصلت من رقم ماما على واحد بعرفه بالجامعه إسمه زياد وهوه مصوّر فوتوغرافي وجرافيكي وحكيتله الموضوع مستعجل ولازم اشوفك بأسرع وقت ياريت تيجيني على البيت أحسن.. اجا على البيت وسكرت الباب علينا وحكيتله الموضوع سرّي ومابدي حدا يدرى فيه لو سمحت .. حكالي احكيلي خوفتني شو القصة ؟! قلتله شو رأيك بقصة قتل بيتر ؟ قلي فعلاً الموضوع غريب وفي سر غامض.. مين اله مصلحة يقتله اذا هوه بحاله وبعمره ما أذى حدا .. ليش ليعموا هيك وليش ليقتلوه فبيته كمان .!! حكيتله أنا وصلني إيميل من الشخص اللي قتله وصوّر الجريمة .. مابعرف طبعاً ليش عمل هيك وليش بعتلي ياهم إلي.. رح افرجيك ياهم .. فتحتله الصور وفرجيته ياهم صورة صورة .. وشاف تفاصيل الجريمة كيف صارت وقت ماصوّره وهوه عم بعمل شاي وبعدين صور البيت .. والصورة اللي مبين طرف وجهه فيها.. حكالي فعلاً مبين طرف وجه ومغبش شوي .. بس أنا بقدر اوضحه واستخرجلك الصورة بطبيعتي بس بدك تمهلني يومين لهالشي.. حكيتله ياريت اسرع من يومين .. بس ليش يومين .. حكالي لأنه بدي أخبر واحد شاطر بهالشي يساعدني أنا مافيه لحالي.. حكيتله لألأ مستحيل اقبل .. انا حكيتلك انت لأني بوثق فيك وبعرف انك صاحب لألي وبتعرف بيتر .. واذا الشرطة عرفت بهالأيميل رح نروح فيها.. اذا حابب تريّح روح صديق جامعتك خليك بتشتغل لحالك.. حكالي طيب انت ليش خايف؟ ليش هيك عم تعمل ؟ ليه مابعتت الصور مثلاً للشرطة وهمه تكفلو بما انك ما الك بالقصة لا من بعيد ولا من قريب.. وهمه بحلّو الموضوع .. حكيتله مستحيل لأنه رح ادخل بسين وجيم .. وانا عندي جامعه وعلامات وامتحانات وشغلات كتيرة .. رح يهلكوني اسئلة وروحه وجية .. حكالي ماتوقعتك هيك يعني صاحبك هاد وبتعرفو بعض من سنين .. ليه لتسكت .. حكيتله بدك ياني اندم اني حكيتلك !! .. حكالي لأ مابدي بس انت موضوعك مش طبيعي .. رجع مرة تانية يقلب بالصور .. وشاف صورة بيتر مرة تانية وهوه عم بعمل شاي وكان حاطط على الطاولة كاستين مش كاسة وحدة .. حكالي ليش كاستين شاي مش كاسة !! .. انت شكلك كنت عنده لهيك خايف !! .. قلتله انت ليش عم تسأل كتير .. بدك تودينا بداهيه يعني ومش عارف انه الموضوع فيه شرطة وحبس وقصص كتيرة .!! .. حكالي احكيلي الحقيقة وانا رح احكيلك شو تعمل.. قلتله بيتر نقتل وانا عنده .. دخلت على الحمام طلعت لقيته مقتول.. والمجرم شكله معاه مفتاح وبعرف البيت منيح .. وحتى كان عارف اني بدي ادخل على الحمام .. غير قصة صاحب التكسي كمان .. حكالي زياد شو قصة صاحب التكسي.. حكيتله فعلاً انت شكلك بدك تودينا بداهيه.. وبدك تعرف كل شي.. انا فعلاً ندمت اني حكيتلك.. بس بعد شوي حكيتله كل شي لأنه صار عنده علم بكل شي.. قلتله طلعلي الصور بسرعه لو سمحت .. وهوه حكالي خلص رح اشتغل عليهم لحالي حتى لو الموضوع صعب رح اتعلم واشوف كتب وشغلات كتير لأوصل للنتيجة .. حكيتله ياريت.. وطلع من البيت .. أول ماطلع وبعد 5 دقايق بالزبط وصلني أيميل تاني من نفس الشخص.. بحكيلي يعني عملت اللي براسك سيد ستيفن .؟ بكرا الصبح رح تشوف شي مارح يعجبك أبداً.. انا قلت كيف عرف ! معناته هاد الشخص بعرف زياد وبراقبني وهوه حوالين البيت كمان .. !! سكرت الباب منيح وصرت امشي بكل مكان بالبيت حتى ماما انتبهت عليه وحكتلي شو في مالك مش طبيعي حاسيتك ؟؟ قلتلها ماما ياريت ما تسأليني ولا شي هاي الفترة .. حكتلي بدك تحكيلي هلأ انت مش على بعضك من مبارح .. معقول كل هاد عشان موت صاحبك .. حكيتلها انتي كيف عرفتي .. حكتلي عرفت حبيبي يعني اذا انت ماعرفت انا كيف مابدي اعرف.. كل الفيسبوك كاتبين عنه وحاطين صورته وانت ماحكيتلي .. ليش ماحكيت هالقد زعلان عليه .. الله يرحمه ..حكيتلها لأنه نقتل قتل ياماما وصرلي بعرفه من زمان.. انتي بتعرفي هالشي.. حكتلي طيب حبيبي دير بالك على حالك ولاتخوفني عليك .. انت لسه حاط هداك الموضوع براسك .. حاولت اتناسى القصة واحكيلها اي موضوع .. وفجأة دق باب البيت .. حكيت مين بده يجي عنا الساعه 11 .. حكتلي ماما غريب وابوك فوق نايم واختك نايمة كمان مين بدق.. حكيتلها شوي ماتفتحي.. سكتتها وانا سكتت .. قلت مين ؟ مافي حدا رد .. حكيت مرة تانية مين ورا الباب ؟ رجع ماحدا رد .. عصبت كتير واتطلعت من العين الساحرة ما شفت حدا.. قلتلها ماما اطلعي فوق بسرعه .. حكتلي حبيبي مين بده يكون ورا الباب أنا خايفة .. ماتفكر تفتحه وتطلع أبداً فاهمني.. حكيتلها طيب خلص متل مابدك بس اطلعي فوق.. طلعت فوق وانا صرت اتطلع من العين الساحرة وفجأة شفت الشخص نفسه عم بمرر ايده من جنب العين الساحرة.. وبأشرلي على المنطقة اللي فيها شباكنا على اليمين .. قلت لازم افتح وامسكه مين ماكان يكون .. بس أول شي خليني امسك سلاح ..

#مدينة_الموتى_4 #مدينة_الموتى
@rwayate
الحلقة الرابعة
جمّعت كل صحابي بمكان هادي وبعيد عن الجامعه حتى احكيلهم اللي عم بصير .. وقصة قتل بيتر .. وماخفت ابداً من هالسر لأني بوثق فيهم منيح .. حكالي فضل انه شو السبب اكيد موضوع مدينة الموتى ؟! حكيتله الموضوع اكبر من هيك .. لازم تساعدوني وتحكولي شو اعمل.. تمارا خافت وحكتلي يلا احكيلنا شو القصة.. حكيتلهم كيف نقتل بيتر وكيف صاحب التكسي بعرف كل شي وانه هوه ميت ومابده نروح على مدينة الموتى.. بس انا فهمتهم انه كذاب واكيد مش ميت بس في سبب لهالشي.. حكت كرستين .. الموضوع كبير وفي شرطة وقضية انت كنت بمكان الجريمة وفي حال ثبت عليك شي رح تروح فيها يا ستيفن.. حكالي علاء انا فهمتك وحكيتلك بلا من هالقصة هاي بيتر نقتل بسبب الموضوع.. واكيد الباقي علينا كلنا لو في حال قررنا نروح معك !! .. حكا فضل.. بس في شي غريب باللي حكيته !!! .. يعني صاحب التكسي اللي طلعلك اول مارحت عند بيتر .. ليه لينبهك مثلاً ويحكيلك ماتروح وانه هوه مرسال من حدا من هناك ومابده يانا نروح وفي حال قررت تحكي لبيتر رح يقتل بيتر مش انت !! .. حكيت اه والله الموضوع غريب كتير وهاد اللي حيرني وزاد حيرتي.. ليه لينبهني .. يعني كواحد شرير المفروض يتركني أروح ويخلصو عليه هناك بالمدينة ! مش ينبهني ويقتل صاحبي.. انا مش عارف شو اعمل ياجماعه وجمعتكم عشان تحكولي.. كل واحد من صحابي كان يحكي شي.. واللي خوفني كتير انهم ينسحبو من القصة .. بس كصحفين واعلامين زاد حماسهم اكتر واللي حمسّهم أكتر هيه كرستين.. قالت كرستين .. ياجماعه احنا كلنا شله مع بعض .. يعني اللي بصير على واحد بصير عالكل.. وعيب علينا كصحفين واعلامين انه ماننتقم لصاحبنا العزيز اللي بنعرفه من سنين.. ولهيك لازم نكشف السر ونروح عمدينة الموتى بس مابدنا حدا من اهلنا يعرف.. حكيتلهم بس ماما عرفت ! .. حكت كرستين هاي مصيبة .. لازم تقنعها انه خلص انت شلت الفكرة من بالك نهائياً.. قلتلها وهوه هيك .. وفوراً حكيتلهم على قصة الصور اللي بعتلي ياهم وحكيتلهم انه خليت زياد يشوف شو القصة بس ماعم برد عليه وانا خايف من هالشي.. حكالي فضل .. ضلك رنله لازم نكشف هوية المجرم ونعرف مين هوه .. الصور بعدهم عندك صح ؟ حكيتله طبعاً عندي ومخزنين على جهازي في حال فكر المجرم يهكر ايميلي ويرجع يشطبهم بس الله بده يوقعه وعشان هيك اكتشف انه صورته عاكسة على الشباك !! .. حكالي علاء اذا طنش الموضوع وخاف انا بعرف واحد شاطر بهالقصص .. لازم نكشف الموضوع قبل ما الشرطة تعرف لأنه حتعطل علينا الروحه على مدينة الموتى وحننشغل بقضية بيتر .. فهمتوني ياجماعه .. حكيتلهم فهمت .. خلص خلينا نفترق هسه وبنحكي مع بعض اليوم عالجروب الواتسب تشات عشان نشوف شو بدنا نعمل.. وياريت ماحدا يعرف شي هاد سر بيناتنا.. طبعاً تركنا بعض وكل واحد راح بجهه وأنا خفت كتير لأنه زياد مابرد .. قررت اروح على بيته لأنه هوه ساكن لحاله ومتغرب متلنا ووصلت بيته ودقيت الجرس ماحدا رد عليه .. اجا لعندي واحد اجنبي بحكيلي بالمعنى انه هوه صاحب زياد وجاره وكل يوم بسهرو بالليل سوا بس صارله يوم بدقله على التلفون مابرد وحتى عالجرس .. قلتله خلينا نكسر الباب.. وبالفعل كسرنا الباب .. والصدمة انه لقيناه مطعون بسكينة بقلبه نفس الطعنه اللي نطعنها بيتر وبنفس المكان بالمطبخ .. نصدمت وماعرفت شو بدي اعمل ولأنه جاره جنبي هاي شهادة انه انا مابعرف شي عن الموضوع .. وبعد ربع ساعه كانت جاية الشرطة على بيته .. وشافوه واخدوا اقوالنا .. حكيتلهم مابعرف شي انا وكنت جاي عنده عشان موضوع محاضرات بالجامعه لأنه بعرفه وكنت بدي منه كتب.. وجاره شهد نفس الشي كمان انه زمان مش شايفه ومابعرف ليه مابرد عليه .. زاد الخوف بقلبي وصرت احس انه المجرم بكل مكان وعارف كل شي.. وخفت يأذي صحابي أو يأذيني بس اللي كنت بعرفه انه ليه هيك بعمل .. مات زياد بسببي وعشت لحظات عذاب كتيرة وحدي بغرفتي وماما تدخل عندي تسألني مالك احكيلها مافي شي.. ناديت اختي سارة لعندي وحكيتلها ديري بالك على حالك .. حكتلي شو في ليه هيك بتحكيلي خوفتي؟ قلتلها ولا شي حبيبتي بس لأنه بدي ياكي تديري بالك على حالك .. وهيه حست انه في شي.. قالتلي انا فاقدة كتير أواعي من عندي من الخزانة وماما بتعرفش شي وانا مش عارفة .. معقول نفسه الحرامي اخدهم اللي حكت عنه ماما.. كانت ماما حاكية عن موضوع الحرامي لبابا ولأختي برغم أني نبهتها ماتحكي وبابا اجا لعندي وحكالي حاول تضل بالبيت كتير وماتطلع تسهر لأنه في حرامي جاي عالبيت .. حكيتله حاولت امسكه ماعرفت بس شكله داخل على البيت وسارق اواعي.. حكا بابا كيف دخل مستحيل !! انا حاطط قفلين على الباب ومستحيل حدا يدخل مين ما كان يكون ! .. كيف هيك .. حكيتله مابعرف وشبابيكنا كمان كلها حديد ومستحيل حدا يدخل منها وكلها سليمة .. بس الغريب انه كيف دخل .. اواعي اختي كانو مربطين على الشباك .. وليه اواعي سارة ..

#مدينة_الموتى_5 #مدينة_الموتى
الحلقة الخامسة
@rwayate
صرت ابكي متل الولد الصغير واجا عليه بابا قلي شو مالك.. حكيتله ولا شي بس زعلان على صاحبي اللي توفى كان قصدي عن بيتر .. وانه لسه متأثر عليه .. قلي سمعت انه الشرطة لسه عم بتدور على القاتل وماحدا بعرف شي.. وكان محطوط عنه بموقع اخباري .. ومكتوب انه كان زايره شخص تاني لأنه كان عم بعمل كاستين شاي !! .. انت كنت عنده ؟ حكيتله بابا شو قصدك ؟! معقول بتشك فيه انه انا قتلته .. حكالي لأ أكيد مابشك انا بعرف شو مربي.. بس غريب مين بده يكون عنده وليش نقتل .. باليوم اللي كنت انت طالع فيه صارت الجريمة .. احكيلي انا ممكن افيديك لو الشرطة عرفت خبر وياريت يكون هالشي قبل .. ماتخاف احكي.. حكيتله كل شي.. وقلي خبي الموضوع وماتحكي ابداً انك كنت عنده .. قلتله الحرامي نفسه المجرم .. بابا خاف وقال مش معقول اللي عم بصير.. بيتي وابني ومرتي وبنتي بخطر وأنا مش عارف شو بدي اعمل !! .. قلتله انا لغيت موضوع مدينة الموتى من راسي لأنه كل شي عم بصير بسببه.. وفهمته حتى يقتنع بس انا كان لسه ضايلي يومين وبروح على المدينة مع صحابي وبحجة انه رحلة جامعيه.. تاني يوم الصبح اجتمعنا بالجامعه انا وكرستين وعلاء وتمارا.. وقلتلهم الشب التاني توفى .. مش معقول هالمجرم !!.. شو قلبه.. كرستين خافت وحكت أنا حاسه انه في شي سيء رح يصير وواحد منا رح يروح ضحية .. قلتلها شو عم تحكي.. انا كنت بآمن بأحساسها لأنه كل شي بتحكيه بكون صحيح.. خفت من كلامها كتير.. وطلبت منهم يديرو بالهم عحالهم.. كان علاء جايب خريطة لمدينة الموتى وصار يشرحلنا وقال لازم بسرعه خلص نروح ونكسر عين المجرم لنعرف مين هوه لأنه اكيد رح يلحقنا ووقتها كل واحد فينا رح يكون مسلح.. تمارا نمغصت فجأة وحكت خليكوا انا رايحه على الحمام.. ضلينا نص ساعه وأكتر واحنا عم ندرس الخريطة وكل واحد فينا عم برنلها لحتى تيجي ماكانت تيجي.. وتلفونها مغلق .. شكينا يكون صار شي وكلنا قمنا ندور عليها بحمامات الجامعه وخايفين المجرم يكون بينا بالجامعه !!.. اتصلنا بتمارا اكتر من عشر مرات وماكانت ترد .. خفنا يكون صاير فيها اشي .. وفجأة قمنا كلنا ندور عليها .. وحكيت لكرستين روحي دوري عليها بسرعه بالحمامات لأنه مافينا ندخل .. حكت كرستين حاسة انه صارلها شي..باللحظة اللي تركتنا فيها تمارا اجا لفضل تلفون وحكا بدي اروح شوي وهوه راح ورجع بعد نص ساعه بس اللي استغربناه انه تمارا غابت ساعه كاملة الا ربع .. وخلانا نشكل انه صار فيها شي.. اتطلعت على فضل وحكيتله شو اللي عم بصير.. وقتها هوه ماشك أبداً انه انا شكيت فيه .. وماحكيتله انا بس كنت بتطلع بشكل غير مباشر على اللي صار بآخر لحظة كنا فيها كلنا.. كانت تمارا عم تحكي عن المخطط وتشرح اكتر عنه وشو الطرق الرئيسية والسهلة اللي ممكن تودينا للمكان هاد بسهولة تامة .. وكنا كلنا متبعين معها وعلاء اكتر شي.. بس تلفون فضل شككني بعد ما راحت تمارا.. لأنها اكتر وحدة عارفة المخطط منيح واللي جاب الخريطة هوه علاء .. اللي صرت احكي براسي .. معقول فضل؟؟ معقول نص الصورة لإله ؟؟ معقول أنا مابتوهم .. كرستين اتصلت عليه وحكتلي في مصيبة صايرة بحمام البنات .. تمارا دمها حميمها وعم تنزف .. وماحدا بعرف اللي صار معها بفعل فاعل ولا هيك من حالها !! .. شو السبب !؟ اخدوها على المستشفى وكل البنات صارو يصرخو بس طلعوها من الحمام.. وأزمة مش طبيعية على المدخل الرئيسي للكلية والممرات.. صارت كرستين ترجف وتحكي أنا بدي انسحب من هالروحه .. اذا بحط ايدي معكم مرة تانية رح اروح فيها.. المجرم حوالينا وبكل مكان .. انا خايفة .. حكيتلها المجرم فعلاً بينا وهوه واحد بيناتنا!! .. كان وقتها فضل وعلاء جنبنا وحكولي شو بتقصد؟؟ لأ احكي شو بتقصد وصار فضل يصرخ واتحسس بسرعه من كلامي لأنه هيك .. حكيلته بنحكي بمكان تاني خلينا نروح لنفس المكان .. اخدتهم على نفس المكان اللي كنا فيه .. وقلتلهم بدي اعرف مين اللي عم بعمل هيك .. انت فضل ؟ انت علاء ؟ قالي علاء ليش مش انت ؟ حكيتله نعم ؟ انا ؟ كيف وليش ؟ انا اكتر واحد بدي نروح كلنا هناك .. معقول اقتل تمارا او الشبين هدلاك او صاحبي ورفيق حياتي بيتر ؟! حكالي علاء انت اللي بلشت تشكك فينا.. نحنا شو مصلحتنا لنعمل هيك .. من اول مرة قلتلنا بدنا نروح طاوعناك وماحكينا شي وكل واحد فينا حط ايده بإيدك ومشينا معك برغم المصايب اللي عم بتصير واللي ممكن تصير .. وبالآخر هيك بتحكي ؟! اعتذرت منهم وحكيتلهم انا اسف.. انا متوتر كتير بسبب اللي عم بصير.. وكل جريمة عم بحس بالعجز .. بدي تمارا تعيش أنا لو صارلها شي بسببي رح انتهي.. بكفي حملت ذنب غيرها عشان هالموضوع اللي براسي.. زعلوا مني كلهم واول واحد طلب ينسحب هوه فضل.. حكالي انا بنسحب من هالمهمة مافيه اكمل بعتذر.. وعلاء حكا برغم كل مساعداتي الك بس ماتوقعت تحكي عنك هيك وتشكك فيه .. انا كمان بنسحب.. بس كرستين ..

#مدينة_الموتى
#حسن_الجندي

رواية مرعبة ..!
نعم مرعبة ..!
رواية غريبة ..!
نعم رواية غريبة ..!

لكن عليك أن تتبع قوانين الرعب .. يجب أن تقرأها ليلاً و الكل نيام ..
و يا حبذا لو أطفأت كل الانوار ما عدا شمعة بسيطة تقرأ على ضوئها ..
الرواية ك اي رواية رعب .. لو قرأتها في النهار ستضحك من سفاهتها ..
لكن لو قرأتها في الليل لن تستطيع النوم بسببها ..؟؟


كانت اول تجربة لي مع الكاتب حسن الجندي وبعدها سحرني في بقية كتاباته الرائعة

🍁 المكتبة العراقية - @iraqkt 🍁

@Riko94

#مدينة_الموتى_6 #مدينة_الموتى
@rwayate
الحلقة السادسة
اتصلت فيه كرستين بعد ماطلعت من البيت.. وبتحكيلي اجاني خبر انه تمارا ماتت .. حكيتلها شوو !؟ وكانت عم تبكي على التلفون ومش متمالكة أعصابها.. قالتلي هاد المجرم لازم ينلقى اليوم قبل بكرا.. حكتلي بدي اشوفك هلأ وبسرعه.. حكيتلها ماشي هيني جايكي واتفقنا نشوف بعض بمكان.. كانت بتبكي ومنهارة حكتلي .. انت ؟! حكيتلها شو أنا ؟ قالتلي انت المجرم .. حكيتلها مجنونة انتي كيف فيكي تحكي هيك شي؟ انا اللي بلشت الموضوع معكم وصار بدي تروحو على المدينة .. كيف بتقولي أنا المجرم شو مصلحتي من هالشي وانه احكيلكم ماتروحوا.. حكتلي مابعرف شو مصلحتك بس كل شي بصير مثير للشك .. يعني اكتر حدا لازم يكون مستهدف هوه انت .. ليه انت ما تأذيت للأن .؟ ليه بس نحنا اللي عم نتأذى.. أنا صرت خايفة انقتل او يصيرلي شي.. حكيتلها يعني خلص نسحبتي ؟ قالتلي نسحبت لأنه موت تمارا أثر فيه وخلاني أشك بكل شي.. قلتلها مش مشكلة بروح عليها لحالي ومابدي منكم شي.. بس كيف قدرتي تشكي فيه هيك .. صارت تبكي بزيادة عشان تمارا.. وحكتلي مين طيب ؟ مين فهمني وشو مصلحته .. طلعتلها تلفوني وحكيتلها شوفي الأيميلات .. اقرأي كل شي بكتبه.. هاد الشخص بعرف ادق التفاصيل عني وعنكم وعن كل شي واللي حيرني حتى اللي بصير بالبيت.. لسه من شوي متخانق مع اهلي وبعتلي ايميل رد على امك .. صرت اشك بكل شي حواليه او انه زرع اجهزة تنسط أو كاميرات حتى يشوفني شو بعمل وانا شاكك انه دخل على البيت لأنه اواعي اختي لقيتهم برا البيت .. حتى يهددني فيه ويخوفني.. هاد الشخص كل اللي بده ياه اني ما اروح على المدينة وما اقربها ولا رح يموت الكل .. وفعلاً كان معك حق لازم انا اول واحد تأذيت لأني المسؤول عن كل شي.. بس ليه عم يصير هيك انا جد مش عارف .. حكتلي وين الصور اللي اعطاك ياهم صاحب علاء قبل مايتوفى.. فرجيتها ياهم من تلفوني وحكيتلها شوفي هاي الصور.. دققي اذا فيكي تلاحظي هالشخص او شايفتيه.. حكتلي كيف بدي اعرف من نص وجه .. والنص يادوب واضح.. قلتلها انا متاكد اني بعرفه منيح.. حكت انها مابتعرفه ..قلتلها وجهه قريب من فضل؟ حكت مستحيل يعني هيك ماتشك فيه.. بس أنا ماسكتت وبعد ماطلعت من المطعم رحت لبيت فضل وصرت اراقبه من بعيد وشفته وين بطلع ووين بيجي .. بس ماقدرت امسك عليه شي.. رحت عنده وحكيتله انا اسف.. المجرم خلص نعرف والشرطة رح تمسكه يعني فينا نروح بكرا على المدينة .. بكرا الخميس وانا ماحكيت لحدا .. كرستين نسحبت وعلاء خلص مابده.. يعني فينا نروح انا وياك !!.. قلي مين المجرم.. حاولت اكذب أكتر وقلتله اسم عشوائي ما اله وجود وانه مابعرفه ومن الجامعه وحاقد علينا وعرف عن طريق الايميل بعد ما ارسلتلكم رسائل وبعد ما هكره.. واقتنع .. حكالي بشرط تحكي لعلاء وبكرا نروح .. حكيتله خلص تمام.. اتصلت بعلاء وحكيتله نفس الشي وقلتله الشرطة عرفت المجرم وبدنا نروح .. ما اقتنع بسهولة وما صدق انه المجرم مابنعرفه شخصياً ويكون بعمل هيك وكل شي مجرد حقد .. حاولت اقنعه اكتر وحكيتله السبب انه بده يسبقنا وبده يروح وما كان قدامه غير القتل للكل.. اقتنع بالنهاية وحكيت لكرستين نفس الشي.. وصرنا جاهزين لبكرا نروح.. ورح نروح الفجر.. كانت الليلة اصعب ليلة بتمر عليه بحياتي كلها .. وحسيت انه كل شي فيها عم بخوفني .. الرحلة بنظر اهلي بكرا بس انا رايح عمدينة الموتى .. مدينة هزت العالم الغربي بقصصها المروعه والمخيفة .. ارواح وشياطين تسكنها .. كلها لعنات وجنون .. واللي بروحها مابرجع ابداً الا وهوه ميت .. وهاد انه بختفي من الوجود .. فكرت كتير بهالليلة وبهالوقت ما اجاني ولا ايميل برغم كنت بستنى يوصلني شي حتى اعرف المجرم عرف بطريقة أو بأخرى بهالشي أو لأ .. فتشت غرفتي اذا ممكن الاقي اجهزة تنسط او كاميرات بس ماقدرت اعرف شي والمجرم اختفى نهائياً وبطل يبعتلي اشي ..حسيت اللي عم بصير غريب شوي.. ليه اختفى وبطّل يبعتلي؟ كانت ماما ناوية تطلع زيارة عند اختها بالليل وتنام عندها وتوخد سارة معها وحكتلي رح نطلع من البيت عشان تتطمن علينا اكتر وانت بالرحلة .. وابوك رح يدير باله على حاله وانا رايحه عند اختي ورح يوخدني ابو جان .. اجا ابو جان واخدها بسيارة العيلة والبيت صار فاضي .. أنا وبابا وبس .. نام بابا وانا صرت اتفتل بالبيت واحكي بكرا شو رح يصير؟ كيف رح نقابل هالمدينة .. وشو بدنا نعمل.. وشو رح نشوف ؟ كتير أسئلة سألت حالي لحد مانمت ساعتين وبعدها طلع الصبح .. واجا الوقت للسفر.. ضبيت شنتة صغيرة وخبرت كرستين وعلاء وفضل اذا همه جاهزين.. وكان الكل جاهز.. اخدت سيارتي واتفقنا كلنا نطلع بسيارة وحدة .. رحت جبتهم واحد واحد .. وطلعنا .. اخدنا أكل معنا وورقنا وكمبيوتراتنا وكاميراتنا.. كنا كلنا ساكتين طول الطريق ومابنحكي ولا شي غير انه بنفكر .. وكرستين بتدوّن كل شي بتشوفه بالطريق حتى نكتب عن اي شي بصادفنا.. وعلاء وفضل بصورو كل شي .. قطعنا أول الطريق للمدينة ..

#مدينة_الموتى_7 #مدينة_الموتى
@rwayate
الحلقة السابعة
ماعرفت شو بدي احكي لأني مابعرف ليه عم بصير هيك .. قلتلهم مش عارف ليه عم بصير هيك صدقوني.. وبالرغم من هيك ماصدقوني .. ركبت بالسيارة وحكيتلهم اطلعو .. طلعو معي وكنت طول الوقت عم بتخيلهم رح يقتلوني .. وبدعي انه مايصير اي شي قبل ماتبين الحقيقة.. قررنا انه نرجع على البيت وما نروح المدينة ابداً بس انا كان بدي نروح حتى نعرف شو اخرة الموضوع .. مشينا نص الطريق.. ولقينا حدا مرمي على الطريق.. مين كان ؟ كانت كرستين مرمية بنص الطريق .. طلعنا كلنا من السيارة ورحنا شفناها.. كان على رقبتها اثار خنق.. ومابترد .. عرفنا انها ماتت.. صرنا نصرخ كلنا وانا ماقدرت اتمالك اعصابي من الصدمة .. قلت قتلوها الكلاب.. حكالي علاء ليش رامينها هون قولتكم ؟! قله فضل ليش؟ حكاله لأنهم مروحين بنفس الأتجاه اللي احنا رايحينه يعني همه ساكنين بنفس المدينة اللي احنا ساكنين فيها.. حكيتلهم خلونا نعرفهم وماتحكمو عليه بالسوء قبل مانكشف مين بكونوا.. دفناها بنفس المكان اللي كانت فيه .. وما تمالكنا اعصابنا من الصدمة ودموعنا تنزل من عيونا متل الصغار.. كان ضايلنا ساعه وبنوصل عبيوتنا .. بس فجأة خلص بنزين السيارة.. وبطلنا نعرف شو بدنا نعمل .. وقفنا السيارة وضلينا مكاننا .. والليل خيّم على المكان .. حكينالهم المنطقة مقطوعه وكلها احراج وشجر .. خلينا ننام بالسيارة لحد مايطلع الصبح بس اول شي خلينا نأمن لبعض وكل واحد يعطي الأمان للتاني.. انا اعطيتهم الأمان وبعد ما شرحتلهم وحلفتلهم انه ما الي ايد اعطوني الأمان وصدقوني.. وكل واحد اخد مكان بالسيارة ونام.. بعد وقت قصير وبعد ماغفينا.. كنت عم بفتح وبغمض من كتر ما اجاني كوابيس وشفت مناظر بشعه بهالطلعه.. حسيت في واحد عم بحاول يطلع من السيارة .. قلت مابدي اتحرك ولا اعمل اي حركة حتى مايفكروني أنا اللي عم بعمل هيك.. وغفيت تماماً.. بعد وقت قصير كان علاء عم بصحيني وبحكيلي اصحى فضل مش بالسيارة.. حكيتله لعاد وينه ؟! قلي مش موجود وين بده يروح .. حكيتله انا غافي متل ما انت شايف وين بده يكون يعني ؟ قلي خلينا نشوفه انا قلقان عليه .. قلت خلي واحد يدور عليه وواحد يضل بالسيارة أأمن .. قلي لأ ما حزرت بدنا انا وياك نروح ندور عليه يالله.. وطلعت معاه من السيارة وصرنا ندور بكل مكان بالغابة بس الظلام كان مخيم عكل مكان وماكان فينا نكشف ولا شي قبالنا.. والجو مرعب ومخيف والهوا بارد ومافي ولا صوت.. وفجأة لقينا فضل مقتول جنب شجرة وجسمه كله مجرّح وكأنه ناهش جلده حيوان مفترس نهش.. حكيت لعلاء مش معقول ! فضل ميت .. ومن صدمتنا ماعدنا فكرنا بشي ابداً وصرنا نتلف بكل مكان لا يكون في ذئب او حيوان مفترس.. حكالي علاء انت معقول ؟ حكيتله انت ؟ ووقفنا قبال بعض وعيوننا بتقدح شرار وكل واحد فينا عم بفكر نفس التفكير.. علاء اخده التفكير انه انا القاتل وانا اخدني التفكير انه هوه القاتل .. كل واحد فينا بفكر نفس التفيكر ومابنعرف شو بدنا نتصرف.. وبنطّلع على صاحبنا وهوه ميت بطريقة بشعة كتير ومش قادرين نعمل شي.. دفناه متل مادفنا كرستين.. وبهدوء تام وبدون أي صوت أو أي كلام.. وبدون مايبرر أي واحد للتاني.. دخلنا السيارة وسكتنا.. حكالي عندي اقتراح .. حكيتله شو احكي؟ قلي خلينا نروح لمدينة الموتى هسه ونتحدى بعض.. وبنعرف اللي صار بالزبط ومين فينا اللي عمل هيك.. حكيتله ماتحكي اللي عمل لأنه انا ماعملت شي.. وأنا بدي أروح لأثبتلك أنه أنا ماعملت هيك ومستحيل أعمل.. ومش أنا اللي قتلت .. شغلت السيارة وطلعنا .. وضليتني أفكر طول الطريق شو اللي بده يصير بس نوصل.. قطعنا الطريق كله ووصلنا المنطقة .. كان مكتوب اسم المنطقة على اللافتة وعبرنا الطريق.. صرنا بوسط مدينة الموتى .. المدينة المرعبة اللي اهتزلها الأعلام الغربي كله .. كانت منطقة عادية متل أي منطقة واللي شفناه فيها أول مادخلنا بيوت قديمة معرضة للإنهيار وادراج متئاكلة وكلها اماكن مهجورة ومتروكه من السكان من سنين.. لفينا بالسيارة حوالين المنطقة ماشفنا شي يثير الاهتمام وكان علاء بتطلع من الشباك وكل مانمرق من مكان يتطلع فيه.. حكيتله وبعدين..؟ حكالي ننزل من السيارة ونشوف المدينة بشكل أحسن .. حكيتله مافي انارة بالشوارع والضو اللي مضوي المكان هوه ضو السيارة .. خلينا نضل هون ليصير صبح وبعدها بنلف المدينة كلها .. قلي كيف بدي انام وانت معي ؟ وكيف بدي أأمنلك .. المفروض عليه اضل صاحي طول الوقت .. وانا كنت بفكر بنفس الشي .. كيف بدي أنام وهوه معي .. وبالمدينة المرعبة.. والهدوء القاتل اللي بالمكان.. ضلينا صاحين طول الوقت بس ساكتين جوا السيارة.. بعد ساعتين طلع الصبح.. طلعنا من السيارة وشفنا المكان.. كان الموقع كتير بشع ومقرف وبالصبح اتضحت الصورة تماماً .. حكالي هاي هيه مدينة الموتى اللي بدك توصلها ؟ واللي قتلت كل هالناس عشانها ؟ حكيتله انت شو بتحكي ؟ أنا ما قتلت خلص اصحى على حالك وشوف انت شو بتحكي! ..

#مدينة_الموتى_8 #مدينة_الموتى
@rwayate
الحلقة الأخيرة
بكيت كتير وصرخت كتير.. علاء عند رجلي والسيارة واقفة قبالي ومشتنا شوي برغم البنزين اللي خلص الا انها مشيت بحمدلله لحد ماوصلنا وهالشي خلا عندي تفاؤول وأمل اني اهرب من المكان قبل ما اموت بس الألم اللي جواتي قلي خليك وزادت صرخاتي اللي كلها وجع وألم وصدى الصوت كان بيرجعلي.. وقتها صدقت كل شي نحكى .. صدقت اللي نكتب عن مدينة الموت .. كلنا متنا .. وماضل غير أنا .. كنت بستنى اللحظة اللي رح اموت فيها.. وعلاء على رجلي ميت .. ومش قادر ارجعه على الحياة لأحكيله مش أنا اللي عملت هيك .. تركته مكانه وصرت احاول اقوم من مكاني.. بس وجع رجلي كان يرجعني على الأرض بسبب الصخرة اللي وقعت عليه وكنت اصرخ من الألم .. الم نفسي والم رجلي .. ماقدرت اتحمل الشي اللي جواتي.. وقررت انتحر .. كان اخر قرار لإلي هوه قرار الأنتحار واترك الحياة خلص لأنه ماعاد شيء يعنيني وكل صحابي ماتو ومعظمهم مفكرين انا المجرم .. مسكت الصخرة الكبيرة بإيدي وقلت بدي اضربها على راسي لحد ما اموت .. نمت على الأرض وكان علاء عند رجلي.. مسكت الصخرة ووجهتها ناحية راسي وغمضت عيوني .. ولسه بدي اوقعها على راسي.. سمعت حدا بصرخ من مكان بعيد وكان صوت شدني اول ما سمعته لأني بعرفه .. رميت الصخرة من ايدي واتطلعت وراي .. لقيت ماما جاي تبكي وتصرخ وتحكيلي لأ لأ .. ماتعمل هيك بحالك ..ماتنتحر ستيفن .. أنا بموت وراك .. مستعدة كل الناس تموت ولا يصير فيك شي .. مستعدة اتحمل اي ألم بحياتي ألا انك تموت.. مارح اسمحلك تموت فاهمني ؟ انا نربط لساني تماماً من الصدمة .. انتي شو جابك لهون .. ماما انتي شو بتعملي هون ؟ كيف اجيتي ؟ شو عملتي لأجيتي هون ؟ ماكانت عم توقف بكا وأنا مصدوم ولساني مش قادر يحكي.. اجا وراها شبين ماكنت بعرفهم ابداً .. وكان معهم أبو جان اللي بشتغل عنا بالبيت من زمان وبلبي طلبات ماما.. حكيت أنا مش فاهم مين انتوا وابو جان شو بتعمل هون .. احكولي شو اللي عم بصير.. وقتها رجعلي الوعي .. وكل الي بدي ياه اني اعرف شو اللي صار.. ماما كانت تبكي كل الوقت.. وانا ماكنت عارف اخد منها ولا كلمة .. شوي ورح انجن .. وماقدرت اوقف عن الصراخ دقيقة وحدة .. لحد ما ماما قامت من المكان وحكتلهم احكولو قبل ما ينجن .. مابدي يصير فيه شي.. الشباب بلشو يحكو معي.. قالولي نحنا دبرنا ومشينا بكل شي.. نحنا قتلنا كل صحابك.. بأمر من أمك .. أمك اللي طلبت نعمل هالشي .. كل واحد من صحابك كان بده يساعدك بطريقة معينة لحتى تيجوا لهون .. بس امك ماكانت تسمح ولا واحد منهم يفكر يساعدك وأول واحد طلبت نخلص عليه هوه بيتر.. نحنا بعتنا صاحب التكسي ليحكيلك الحكي .. وانا اللي كنت ابعتلك الأيميلات واللي كان يحكيلنا شو كان يصير هوه أبو جان وأمك .. من خلال تواصلنا معهم .. مش كاميرات ولا اجهزة تنسط متل مابتحكي.. نحنا عملنا كل شي بأمر منهم .. انا ماكنت قادر اتحمل الصدمة أبداً .. وماما كانت لافة وجهها عني ومابدها اشوفها لأنه ما الها عين تتطلع فيه .. حكيتلها اتطلعي فيني .. وبعد ما اتطلعت قلتلها كيف الك قلب تعملي فيه هيك ؟ كل اللي عملتيه عشان خوفك عليه اني ما اجي هون .. وهيني اجيت شو صار ؟ شو شفتي ؟ ماصار شي صح ؟! لأنه الشي اللي نحكا كله خرافة وكذب بس الصحيح انه مدينة الموت الحقيقة كانت فبيتي وبحياتي واللي موتني أقرب الناس لإلي .. امي.. حكتلي من خوفي عليك عملت هيك .. من خوفي ما اخسرك وانت وحيدي.. بقتل كل الناس عشانك وما بقدر اشوفك متأذي لحظة وحدة .. وهجمت عليه وصارت تتفصح رجلي وتحكيلي بتوجعك فرجيني .. بعدها عني وصرخت فيها وحكيتلها انا مابعرفك وانتي مش امي.. وابو جان اللي كنت مفكره واحد منا يعمل هيك !؟ هوه اللي دخل البيت مع بيتر وانا عنده صح لأنه الصورة اللي شفتها ماكانت غريبة عليه .. هوه صح !! .. قالتلي هوه اللي دخل مع الشباب بس اللي قتل مش هوه .. الشباب اللي عملو كل شي طلبته .. وقلتلها كيف قدرتي تعملي هيك وتهدديني وتخوفيني وتعيشيني برعب طول الوقت فهميني كيف؟ حكتلي ابوك عرف بالشي اللي صار .. وخاف علينا وعلى سمعته بين الناس ومكانته الاجتماعيه .. لهيك كان يغري الشباب بالمصاري حتى ينفذوا كل شي وحتى تستمر القصة ونبعد عنك الأذى لأنك عنيد ومارح ترد على اي واحد منا.. من لما صارت القصة وشفت الصور وانا عارفة انك بدك تيجي لهون .. وعارفة شو رح يصير.. لهيك تاني يوم كنت مخططة لكل شي.. ماقدرت اسمع اكتر وانا عارف انه بابا بعرف وانه مخطط الموضوع معها.. طلبت منها ترجعني للمدينة وندفن علاء أول شي.. دفناه وروّحت على المدينة .. وصلت البيت وماكنت قادر احكي حرف واحد .. اوهمتهم اني رح انسى .. ورح اتصرف بشكل عقلاني لأني مابدي عيلتي تتأذى وكل هاد على حساب صحابي.. بعد ماتعالجت وصرت امشي متل الأول.. رحت للشرطة فوراً وقلت كل شي صار.. دمرت عيلتي بأيدي ووصلتهم للسجن .. ماما وبابا !!.. أغلى تنين كانو بحياتي وديتهم بإيدي لحبل المشنقة..