#مضغة_بقلمي_رنابارودي
@rwayate
تكملة الجزء السابع +الجزء الأخير
همسة : ريان حبك وواضح انه لهلاء بحبك وكل تصرفاته بتعبر عن انه رجال مجروح ورجولته ماعم تسمحله يفرجيكي مدى محبته بس قلبه ماعم يتخلى عنك
نور : وكيف اكتشفتي هل الشي ؟؟؟
همسة : نور تبادلي الأدوار انتي وجوزك لدقايق حطي حالك بدل ريان وفكري بتفكيره
ريان كان مبسوط وفرحان بعروسته وحابب يبني معها عيلة وحاببها من جد ووقت سمع هي الكلمات منك حاول يفرجيكي انه متفهم لآنه حابب يخليكي مرتاحة معه بس انتي حسيتي شو صار بقلبه وقت عرف يلي بحبها قلبها مو معه وقت عرف انك كل ليلة عم تنامي جنبه وقلبك وفكرك مع حدا تاني وكل مايلمسك باعتقاده انك متمنيه لمسات من غيره وانه مفروض عليكي فرض
نور : صفنت ووجعها راسها ..يس همسة وجعتيلي راسي
همسة : لو كنتي محله شو بتعملي ..لو انتي اتزوجتي زياد وفاجئك بهل الكلام شو حيكون شعورك
صدقيني كل تصرفاته بعدين بتتبرر من احساسه انك رافضتيه وقت أصريتي تروحي عند أهلك حب يحتفظ بكرامته ويتركك ووقت قلك نزلي البوبو لأن باعتقاده انتي يلي مابدك شي يربطه فيه
والمضحك بالموضوع انه مصدق شغلة السحر وعلق على أساسها أمل اتك ممكن تكوني بتحبيه بس في سحر مانعك
نور : هههههه ودمعت عيونها المضحك المبكي
وحكيه مع البنات
همسة : لك كلها حيل ليلفت نظرك والا ليش لهلاء ماخانك شو مانعه ليش بيسهر بالبيت ومابيطلع منه لك سألتي حالك من قبل ؟؟ ليش مااتجوز غيرك ليش ماطلقك
نور : ااه ياريت القلب بأيدنا ...لكانت السعادة سهلة .
همسة : رب العالمين (قال انا مكنا له في الأرض )
يعني مفاتيح السعادة موجودة بس نحنا نعرف نستغلها
نور : بس يمكن هلاء كل شي انتهى رنيم الخاينه خانت ثقتي واستغلت الموضوع لصالحها شفتي شو كاتبتله
همسة : مالي حاسة انه فات الأوان ...ريان مبسوط انه في حدا عم يقدره وبعدين لهلاء الاحاديث عادية تقريبا
انتي فيكي تسترجعي كل شي
نور : كيف أول شي لازم تقعدي مع حالك وتعرفي مين هي نور وشو بدها نور يلي مارح تسمح للظروف اتمشيها وهي يلي حتخلق السعادة لحالها وللي حوليها اتقربي من رب العالمين يعينك واكسري الحواجز والعصبية مع ولادك اتقربي منهن وشوي شوي رح تقدري تتقربي من جوزك أنا متأكدة 000000
نور : ان شاء الله حأرجع عل البيت قبل مايجي وانتي ادعيلي
همسة : الله يوفقك ياحبيبتي ...
نور : لا تواخذيني انسيت اسألك عن جوزك شو صار معه ؟
همسة : بتصدقي مابعرف مارحت لعنده من وقت ماعرفت نتيجة الطب الشرعي
نور : يعني انتي مصدقة ؟؟؟
همسة : مابعرف مالي قدرانه صدق ولا قدرانه انكر
نور : لاء اسمحيلي انتي غلطانة ..هاد جوزك وانتي أعرف فيه
والموضوع كله مومعقول هو شوبده ترك الناس كلها وراح عند هيك وحدة
همسة : .........
طيب انتي مافكرتي انه ممكن يكون لعبة وفي حدا حابب يضره لجوزك
همسة : مابعرف ؟؟ من جد مابقا عرفت شي ؟؟
#مضغة_بقلمي_رنابارودي
الجزء الأخير
ودعوا بعض وكل وحدة فيهن اتوجهت على بيتها تفكر بحياتها
أم براءة كانت بالمشفى عم تنتظر نتيجة التحاليل والأشعة استدعاها الدكتور ليخبرها النتيجة
الدكتور : للأسف الأعراض يلي عم تمري فيها أسبابها ورم خبيث بالمخ من المرحلة الرابعة
أم براءة :و شووو يعني هاد دكتور
الدكتور : ورم كبير ومنتشر ومسبب زيادة ضغط عل الجمجمة ولهيك عم تحسي بالأعراض يلي ذكرتيها
أم براءة : وشو الحل ؟
الدكتور : عادة بهل المرحلة مابننصح بالعمل الجراحي وو.....
أم براءة : يعني رح موت
الدكتور : أخت غادة الاعمار بيد الله وبمتل هيك حالات نحن منشدد على حالة المريض النفسية لأنها بتزيد الوضع سوء خلي ايمانك بالله كبير في كتيرحالات صار معهن معجزات حتى الطب عجز عن تفسيرها
أم براءة : أديه معي وقت
الدكتور : مابنقدر نجزم بس من 99 أشهر للسنه عل الأغلب
طلعت من المشفى عم تصارع دموعها وحسرتها كلام الدكتور عم يتردد على مسامعها
بخبر أيامها المعدودة
همسة ماكانت قدرانة تنام كل الليل عم تفكر ب نيال فاقدة لوجوده البيت الفاضي بغيابه عم تلوم حالها كيف قدرت تقسى عليه وتصدق انه ممكن يعمل هيك ...... المفروض توقف معه أكيد في سر للي عم يصير
كانت عم تستنى الصبح يطلع لتشوفه ...حتى ولادها ماوقفوا سؤال عنه
الصبح بكير كانت لابسة مع الولاد بدها تنزل لعند نيال عم تدعي بقلبها مايكون زعلان منها عم تدعي ينصلح كل شي ويرجع الهن ولبيتهن لعيلتهن يلي بحاجته
وهي واقفة عل الباب بدها تقفله قرب منها رجال كبير
السلام عليكم يابنتي ..هون بيت الاستاذ نيال
همسة : ايه عمو مين حضرتك
العم : أنا بواب بالقصر العدلي حضرتك زوجته
همسة : ايه عمو أنا اتفضل في شي
العم : يابنتي بعد ماسمعت شو صار مع الاستاذ نيال ماقدرت نام الليل والله هو مابيستاهل غير الخير
همسة : شكرا عمو ادعيلوا أكيد رب العالمين حيظهر الحقيقة
العم : أكيد بس في شي مابعرف اذا بفيدكم بس البنت يلي ادعت عليه أنا شفتها

#مضغة_بقلمي_رنابارودي
@rwayate
الجزء الخامس + الجزء السادس
بحارات ضيقة وبيوت قديمة دخل بسيارته بالليل
قرب من العنوان يلي عطوه ياه دق بقوة كان بيت حيطانه تعبانه بابه عم يهز مع كل دقة
فتحت الباب براءة وأول ماشافته جمدت بأرضها ركضت لعند أمها مرعوبة
ممممم..بببابببا عععع.....ب ب بااااا
أم براءة : شوفي ماعم افهم عليكي مين كان عل الباب
عابد سكر الباب وراه وفات بقلب ساحة صغيرة للبيت وصلت أم براءة حاضنتها بنتها بدها تشوف مين ؟؟؟؟
دمعت عيونها واتمسكت ببنتها ..هاااد انت ؟؟؟....شو جابك
عابد عم يتطلع بعيونه بحيطان البيت سألت عنك بالضيعة وقالولي انك اطلعتي منها
ماردت عليه ..قرب من وجها لحتى أنفاسه حرقت خدها ..شو مافي اتفضل
سبقهن لجوا وقعد على كنبة قديمة ....كيف عايشة ؟ وليش اطلعتي من الضيعة
أم براءة : اجيت عل المدينة حتى اشتغل واقدر اتعالج وعالج بنتي من الاذى يلي ساوتلنا ياه
عابد : أنا ليش أنا شو دخلني ؟؟
أم براءة : لك انت كيف عم تنام بعد يلي ساويته فينا ...لك الله يلعن أبو الظلم وقت أخواتي باعوني لواحد متلك لك الله لايسامحكون كلكن
انتفض ومسكها من شعرها ...وليك طولان لسانك ولا نسيتي مين عابد أنا هلاء بدفنك بأرضك هون وماحدا اله عندي فهمانة
براءة عم تبكي قربت منه تضربه دفشها ووقعت بالأرض
أم براءة : شو بدك ليش جاية ؟؟
عابد : براءة بتنقليها من المدرسة من بكرا وأنستها يلي اسمها همسة مابتتواصلي معها نهائياَ لا انتي ولا بنتك فهمانة ولا عيد
أم براءة : بس بنتك مرتاحة معها وهي مقدرة حالتها وعم تتفوق .....
عابد: ايه أنا كتير سأل على راحت بنتك يلي بنص لسان ...من بكرا مابقا تداوم وبتعملي وراقها وبنتقليها من المدرسة
رن الجوال بجيبته نترها من ايده وقعت بالارض وهي عم تزحف قربت من بنتها عم تهديها
عابد : أنا كم مرة قلتلك لاتحاكيني لتبعت رسالة لركي كنت بالبيت ياغبي
_المعلم قال انك اتأخرت كتير بتنفيذ المهمة والمهمة كان مخططت الها فترة أقل من هيك
عابد : طمن المعلم وقله كل شي عم ينطبخ على نار هادية
_بس المعلم مستعجل
عابد : لك افهام يابني أدم صدقني مالي تاركه غير محطمه وقاضي عليه من كل الجهات وخليلك ياه عبرة لكل واحد بيحط راسه براس معلمنا
_لك عابد ...هيئتك عم تماطل لأن عجبك دور جوز الست وحبيتها
عابد : هههه لك واحد عنده دجاجة عم تجبله كل يوم بيضة دهب بيقتلها شي إلا ....
_إلا شو لك عابد
عابد : إلا اذا وقع بالحورية بالملاك ساعتها بأيس عن الدنيا كلها
أم براءة كانت عم تسمع الحكي وصوت بكى براءة وشهقاتها عم يقوى
عابد : خلص سكر بحكي معك بغير وقت
قرب منهن وهنن قاعدين بالأرض يلي قلته بيتنفذ والا انتي بتعرفي مين عابد
خدي هدول دبري حالك فيهن زتلها مصاري ومشي
أم براءة حضنت بنتها وصارت تبكي معها
انتبهت على بنتها انها بللت تيابها من الخوف قومي أمي قومي الله لا يوفقه يارب ربي يستطفل فيه
كانت ليلة متعبة كتير لبراءة وأمها بقيت كتير بعدها لقدرت تهديها
تاني يوم عل المدرسة ماداومت براءة
رنيم وهمسة راجعين بعد الدوام كل الطريق كانت همسة صافنة
ووقت وصلوا على بيتها رنيم ظبطتت مكياجها قبل ماتنزل
همسة : حاسة ح تسكني عنا ....
رنيم : منيح مو جاية لعندك ...رايحة لعند رفيقتي حبيبتي نور
همسة دخلت مع ولادها عل البيت نيال كان بمكتبه عم يحكي مع صديق اله محامي
نيال : حاسس الموضوع كبير صرلي أسبوع وهل النوع من المكالمات ماعم توقف
كل مرة من رقم غريب
كلها تهديدات بأنه صار الوقت لأنكشف واني مرتشي ومدعي للأخلاق وربنا مارح يتركني عم أظلم الناس
وانه معهن اثباتات بهل الشي وكل الوراق رح تنكشف
المحامي : وأصواتهن .مختلفة
نيال : ايه مرة نسوان ومرة ختايرة ومرة رجال كل مرة صوت وكل مرة رقم شكل
المحامي : ابعتلي الارقام رح حاول تابع مصدرهن
نيال : لك تعبت كتير حاسس الموضوع عم ياخد من طاقتي
المحامي : بالعكس يلي عم يعمل هل الشي غايته يحطم معنوياتك ويشوه سمعتك
نيال : أكيد هاد هدفهن بس بدي أعرف مين ؟مين اله هيك غاية
أنا رح سكر اجاني اتصال تاني
استقبل الاتصال ألو استاذ نيال انت طلبت مني معلومات عن شخص اسمه عابد الرزق
نيال : صحيح بس انت اتأخرت كتير
_الصراحة واجهتنا صعوبات للوصول لملفاته لأنك طالبهن مو بصفتك الرسمية
عابد الرزق متزوج وعنده طفلة
نيال : صح ومتوفين
_ لاء هل الشي مو مذكور هنن على قيد الحياة
نيال وقف متفاجئ ...كيف هيك وهنن وين هلاء ؟؟
_مابنعرف بس زوجته من نفس الضيعة يلي كان فيها
نيال : وغير هيك
_كان عليه قضايا ومشاكل قانونية من ادعاءات بالسرقة والتعدي بالضرب على أصحاب محلات ومحاولات بيع بضائع مهربة بس كل هل القضايا اتوقفت
نيال : شكرا الك
_ عفوا استاذ
سحب مفاتيحه وموبايله وكان بدو يمشي وقفته همسة
_نيال لوين رايح بدنا نتغدى ؟
_همسة مالي نفس اتغدوا انتوا
_ لحظة لوين رايح ...في موضوع بدي احكي فيه معك
_ بس ارجع

#مضغة_بقلمي_رنابارودي
@rwayate
الجزءالسابع
نور لاحظت ريان كترت قعداته معهن وقت تكون رنيم وحتى بلشت تحس بحركات رنيم واهتمامها بحالها الزايد
كان في شي جواتها عم يخلي قلبها مقبوض وتحس بالانغياظ ..كابرت وقالت هي أوهام ومستحيل يكون في شي
كان كل شي مكمل طبيعي بحياة الكل
وبيوم كانت الشمس فيه قوية ماشية بخطى تقيلة عم تحاول تهدي حالها وتتذكر صورته يلي فرجاها ياها عابد
استرجعت الخطة ببالها مظبوط واتذكرت كل كلمة قلها عليها نيال
مشيت ومشيت لوصلت لباب القصر العدلي انتظرت بعيد وكان في بواب وسألته
أم براءة : يعطيكي العافية عم
العم : الله يعافيكي يابنتي
أم براءة : الاستاذ نيال ايمتى بينتهي دوامه
العم : والله مابعرف يابنتي على حسب القضايا يلي عنده
أم براءة : طيب شكرا وقفت عم تنتطر وكانت هل الوقفة مسببتلها صداع فظيع مسكت راسها لدرجة حست حالها حتفقد الوعي شربت حبيتين من دواها وبالفعل فقدت الوعي واجتها نوبة صرع على بوابة القصر العدلي
التمت الناس عليها وحاولوا يصحوها أخدوها على عيادة طبيب قريب
صحيت لقت حالها بعيادته
الطبيب : معافية يااختي
أم براءة ملبكة الله يعافيك
الطبيب : من ايمتى بتصيبك هي الحالة
أم براءة : من حوالي السنتين
الطبيب : انتي متابعة مع طبيب حالتك
أم براءة : لاء من زمان ما عملت فحوصات
الطبيب : انتي لازم ترجعي تعيدي فحوصاتك واتابعي مع طبيب مختص حالتك
وأنا حابعتك عند صديق الي بمشفى عام بيقدر يساعدك وبيتوصى فيكي
أم براءة كتر خيرك
سحبت حالها على مهلها وطلعت من العيادة ورجعت على بيتها وهي تعبانة كتير
بالليل عابد اجى لعندها وانزعج كتير انها مانفذت الخطة تركها بعد مااتفقوا انها اتابع الخطة تاني يوم
عابد كل الوقت كان قلقان وخاصة انه المهلة بلشت تنتهي وصار يفكر كيف بيقدر يحمي حاله ؟؟؟؟؟؟
تاني يوم رجعت أم براءة بنفس الوقت على بوابة القصر العدلي
ووقفت جنب البواب ...كيفك عم
العم : أهلين يابنتي كيف صرتي أحسن
أم براءة : ان شاء الله ...عمو استاذ نيال مداوم اليوم
العم : والله اليوم ماشفته ....مابعرف اذا مداوم أو لاء
أم براءة : يالله هلاء شو بدي ساوي والله عابد بيدبحني
العم : شو قلتي بنتي فوتي استريحي عل الكرسي من الشمس وهلاء بسألك اذا كان موجود ولا لاء
أم براءة : ايه الله يخليك
تركها قاعدة شوي ورجع معه شاي
اتطمني الاستاذ نيال اليوم مداوم وبعد شوي بينتهي دوامه وبتشوفيه
انتي شو بدك منه
أم براءة : موضوع حابة أخد مساعدته فيه
نيال : والله الاستاذ نيال مافي منه الله يهنيه بشبابه ويحفظه لولاده يارب
رجفت ايدها وهي حاملة الشاي ....عطاها محارم نزلت الكاسة من ايدها وحضنت شنتتها بقوة
العم ها ليكو الاستاذ طلع
وقفت عم تتطلع ..عمو أي واحد
العم : هاد الشب الأبيض الطويل
أم براءة : يلي لابس الكنزة السودا
العم : ايه هاد هو
أم براءة قربت منه على مهلها كان واقف مع صديقه المحامي وشخص تالت بيشتغل بالقصر العدلي
عفوا استاذ نيال في أحكي معك
نيال : مين حضرتك ؟؟
أم براءة معلش نحكي على جنب
حسها امراة مسكينة اعتذر من رفقاته ومشي معها خطوتين
أم براءة : أنا مالي عرفانة منين ابتدي بس ماعرفت لعند مين بدي روح والكل مدحلي من عدلك لهيك اجيت لعندك
نيال : اختي اذا بقدر ساعد مابقصر
أم براءة : أنا غادة الحطاب زوجة عابد الرزق
يلي بيكون زوج أختك .....عابد من أكتر من سنتين تاركنا لحالها ويااستاذ لو تشوف حالتنا وأنا وبنتي مريضين
نيال كان عم يسمع وهو مزعوج من هل الانسان
أم براءة : أنا مابدي شي صدقني بس أنا بدي يخصصلي معاش الي ولبنتي حتى نقدر نعيش
والله حالتنا بالويل وبنتي بالبيت تركتها تعبانة
اذا بتحب تجي وتشوف بعينك لحتى تصدق نحنا ساكنين بطريق الفرعي لكازية الاحسان ناح السمان أبولطفي
نيال : لا مافي داعي أنا مصدقك بس أنا مابحكي معه ومابعرف اذا بقدر أجبره يساعدك
بس ليش مابترفعي دعوة عليه
أم براءة يااستاذ الله يوفقك أنا مو قدرة المحاكم والمحاكم شو ح تكملي
نيال : خليني شوف الموضوع وان شاء الله بيصير خير
أم براءة : طيب في أخد رقمك واتطمن منك شو بيصير
نيال : مو مشكلة
سجلها الرقم ومشيت وهو ركب سيارته ومشي كل الطريق عم يفكر بهل الانسان وبأخته وقرر يزورها ويفاتحها بالموضوع هيام بعد مااستقبلته حكالها يلي صار
و كانت معترضة كتير وطلبت منه تاني مرة يقلعها ومايعطيها مجال حتى ترجع وتحكي
ومع انه حاول يقنعها بس هي ماقبلت أي جدال فيه وأصرت انه هو مايتدخل ويطلع من الموضوع
هي مابدها لعابد أي اتصال فيهن
انزعج نيال من أسلوبها ومشي ..
بالليل عل الساعة 1بالليل
موبايل نيال كان عم يرج تنبيه لمكالمة رفع راسه همسة كانت بعدها نايمة
شاف اتصال من رقم غريب ...ألو
استاذ نيال الله يوفقك تعا لعندي بسرعة الله يوفقك عابد عندي وعم يقلب البيت على راسي الله يوفقك حيقتلني
نيال : خبري الشرطة