#معادلة_صعبة_بقلم_حلا_الشويكي

الجزء الأول + الثاني + الثالث + الرابع + الخامس + السادس #انتهت

كانت عم تتفرج عالتلفزيون و صحن البوشار بحضنا عم تاكل وصافنة بالتلفزيون ومندمجة مع الفيلم .. ما عم ترمش ولا عم تتحرك ..

ربيع : ما نمتي حبيبتي ؟

اتطلعت مايا عالساعة .. وفركت عيونا مرة ومرتين وتلات ..

مايا : ولييييييي الساعة 1 .. شلون رح اقدر فيق بكير .. بس والله الفيلم حلو تعال كملو معي

ربيع : فيلم شو هاد هههههههه نيمو بربك الف مرة حضرتيه قصة حياة سمكة متكلمة جوات البحر .. يعني شو هالهبل هاد ههههههه

مايا : لا حبيبي مو الف .. الف و واحد لأني شفتو بالنهار وهلأ اعادة هههههه

ربيع : يا ربي دخيلك قومي قومي نامي مشان تفيقي ماسة وميساء عالمدرسة ..

مايا : يلا اخر مشهد بس ليكو رجعلو ابنو ما ضل شي

ربيع : طيب كملي بلا ما يطلع بعين البيبي هههههه

مايا : قصدك البوشار ؟

ربيع : هههههه لااا قصدي نيمو

مسكت الريموت وسكرت التلفزيون بعصبية ..

مايا : عم تتمسخر علي ؟

ربيع : لك لا حول ولا قوة الا بالله عم امزح وهلأ كنتي تضحكي ذو صار لحتى عم تبكي ؟ ( قرب لعندا وشغل التلفزيون ) اصلا انا ففت من النوم مشان تابع نيمو معك ليكي شو حلو هههههه

مايا : خلص اصلا اخر مشهد

ربيع : متى رح تولدي ؟

مايا : ليش مستعجل انت يلي عم تتوحم ولا انا ؟

ربيع : انتي عم تتوحمي وعم تطلعي وحامك علي لسا كل دقيقة بمزاج

حطت صحن البوشار عالطاولة ونفضت ايديها ..

مايا : هلأ ما عاد تتحملني ؟ يكتر خيرك

قامت غسلت و دخلت على غرفة النوم .. تسطحت وصارت تنطرو يجي يصالحا .. بعد ربع ساعة غفيت مايا بلا ما تحس وربيع بعدو ما فات عالغرفة لعندا ..

فاقت الصبح مشان تفيق بناتا عالمدرسة .. فتحت عيونا بتعب ..

مايا : اوووووف .. شو غبية انا كل مرة بقول ما بدي اسهر مشان ما يصير فيني هيك بس عالفاضي .. بسهر والصبح بندم

راحت فيقت بناتا و دخلت عالمطبخ عملتلن ساندويشات .. ولبستن تياب المدرسة ..

مايا : جاهزات حبيباتي بدكن شي لازمكن شي .. هاد مصروفكن هون و الساندويشات هون .. انتبهو وركزو مع الآنسة ..

ميساء : لسا كل يوم نفس المصروف .. ما بدو يزيد شوي ؟

اتطلعت مايا بميساء وبعيونا قهر مكبوت .. نزلت قعدت على ركبتا .. واتطلعت بعيون بناتا وضمتن لحضنا ..

مايا : الله وكيلكن لو فيني اعطيكن عيوني بعطيكن ياها وما بقصر بس هيك الظروف ولازم نتحملا .. بعدين يا حبيباتي اتعلمو تفرحو بالموجود مهما كان قليل ( باستن على خدودن ) وهلأ يلا عالمدرسة بحبكن كتير

رجعت مايا على تختا وصارت تبكي .. و ربيع نايم ما عم يحس بشي .. سكرت عيونا و هي بعدا عم تبكي ورجعت نامت
بعد ساعة رن المنبه التاني مشان تفيق ربيع وتعملو قهوتو .. رسمت بسمتا على وشا .. ومسكت الوردة البلاستيك يلي بجنبا .. وصارت تمررا على وشو .. قربت انفاسا من انفاسو

مايا : ربيييع .. ربيييع ربوعتي ههههه شو بدي دلعك صارلي متجوزتك 10 سنين وبعدني ما بعرف شو لازم دلعك ..

ربيع : اي اي يلا

مايا : رح اعملك قهوة .. بتكون غسلت وشك وتنشطت شوي

ربيع : ماشي

راحت عالمطبخ تعمل القهوة .. دق موبايل ربيع وكان هو بالتواليت .. راحت مسكت موبايلو .. شافت الرقم بلا اسم سجلتو على موبايلا ..

مايا : ربيع ما الو بالعادة يسجل هيك ارقام بلا اسماء .. غريب ! يعني الرقم مسجل بإسم نقطة ونجمة ! في شي غريب

رجعت عالمطبخ كملت القهوة و حطت جنب الفناجين شوكولا .. وراحت قعدت معو عالتخت لأنه بيحب يشرب القهوة عالتخت ..

مايا : وهاي القهوة صارت جاهزة يا عمري

ربيع : يسلمون

مايا : الله يسلمك .. شو بدي قلك كأني سمعت موبايلك دق ؟

ربيع : اي من الشغل عم يستعجلوني

مايا : وشلون عرفت انو عم يستعجلوك ؟ ليكو رجع يدق رد رد

ربيع : اه ؟ اي اي

حطو على ادنو و وطى الصوت عالأخير وعلى صوتو اكتر ..

ربيع : اي اي ابو جواد جاي يلا بس نص ساعة بعرف تأخرت ههههه يلا بسيطة جاي جاي

ما كان على بعضو وكان متلبك كتير وهو عم يحكي .. اتطلعت مايا فيه نظرت شك و شربت شفة قهوة بلا ما تحكي شي

ربيع : طيب حبيبي انا رح روح .. تأخرت

مايا : اي ماشي بلا ما تتأخر اكتر

بدل تيابو وطلع عالشغل مستعجل ..

بعد ساعة دق باب البيت .. دخلت جارتا ومعا ميساء و ماسة ..

نجوى : جيتك انا والبنات هههههه

مايا : ليش رجعتو من المدرسة بكير ؟

نجوى : لأنه ما راحو اصلا

مايا : ليييش ؟

نجوى : لأنه عطلة يا فهمانة .. شو ما بتعرفي ؟ ما قرأتي ؟ كل الدوائر الحكومية والمدارس معطلين حتى المصانع والشركات معطلين اليوم !

مايا : لك ليش ؟

نجوى : شوفي التاريخ عندك كم ؟

مايا : اي شفتو .. ايي اي صح الكريسماس !

نجوى : ههههههههه وجوزك ما خبرك ؟ كونو موظف بشركة يعني معطل اكيد !

مايا : جوزي ؟ ..... جوزي .. اي لا ما بعرف يمكن

تلبكت .. وين راح ؟ وشلون بيستغفلا كل هالقد ؟

مايا : وانتو من لما طلعتو لهلأ وين كنتو ؟

ماسة : عند خالة نجوى هي نادتلنا مشان نلعب م