#نصف_ساعة_بقلم_نسمات_الليل

الجزء الثاني:
Telegram@rwayate
بعد مرور يومين ............

بالقصر .... كانت قاعدة عليا بالحديقة .... ومقابيلا شخص غريب مطقم .....

-عليا: جد معك شي حضرة المحقق ؟ ....

-المحقق: عم حقق بالقضية ... وعم حاول اوصل لطرف خيط .... وانشالله كل المستجدات رح خبرك فيها .... انشالله مقابلة مبارح معك عالتلفزيون رح تجيب نتيجة .....

-عليا: ........

-المحقق: ست عليا لازم نكون صبورين اكتر من هيك ... القصة مانا سهلة ....

-عليا: حاطة كل أملي فيك ...

-المحقق: وانشالله ما بخيبلك أملك ..... بالاذن .......

فل المحقق .... ولمحت عليا بنت من بعيد ... ابتسمت ووقفت فورا ... وفتحت ايديها .... ركضت البنت لعندا .... وغمرتا .....

-عليا: ناااارين .... حبيبة قلبي .... اشتقتلك كتييير ......

-نارين: وانا اكتر عمتي .... اشتقتلك اكتر ............. وين هالازعر قيس ؟ ...

-عليا: وين بدو يكون ... اليوم عطلة ... وسهر مبارح كتيير ... ولساتو لهلأ نايم ....

-نارين: تمام أنا بوعيه .....
Telegram@rwayate
فاتت نارين عالقصر .... وطلعت ع غرفة قيس .... فتحت الباب عالهدا .... وفاتت شوي شوي ..... حملت بريق المي ... وكبتو ع وج قيس ..... انتفض من مكانو .....

-قيس: يلعن ......... نااااريييين ؟؟؟؟؟؟ ....

غمرها بقوة .... وهني عم يضحكو ......

-قيس: اهلا ببنت الخال .... شو كيف كانت امريكا معك ؟؟ ....

-نارين: تمام .... الحمدلله اللي خلصت منا ..... يي ما ابشع الغربة .....

-قيس: يعني هلأ عنجد صرتي دكتورتنا ......

-نارين: ههههه لا دكتورة اطفال ... الا اذا حاسب حالك طفل .....

-قيس: به به به ... يلا قومي انقلعي من غرفتي لبدل تيابي وننزل نتروق .....

-نارين: هششت .... احترم اللي اكبر منك .....

-قيس: ييي شو اشتقت لقصصنا وخناقاتنا ......

-نارين: يلا نازلة عند عمتي .... ما طول ......

-قيس: تمام .....
Telegram@rwayate
-نارين: ع فوقا ..... شو في بين عمتي وبابا .... جابني من المطار لهون فورا وما قبل ينزل معي .....

-قيس: العلاقة متوترة بيناتن شوي الها كم يوم .... خلص بعدين بحكيلك ......

-نارين: ما عم ينام بالبيت ؟ ...

-قيس: لا ... عم ينام بالاوتيل .... وبالشركة امي ما عم تروح ... فما عم يلتقو ....

-نارين: يي هلقد .... احكيلي هلأ .....
__________________________________

-عليا: جلال بعتت ورا الشوفير الخاص ؟؟ ...

-جلال: اي ستنا .... ليكو ناطر برا .....

-عليا: انت متأكد منو ؟؟ ... ما بدي يسودلي وجي مع بنت اخي ... ويطلع مش خرج ثقة ....

-جلال: لا طمني بالك ستنا .... موثوق فيه .....

-عليا: تمام ... ابعت وراه ......
Telegram@rwayate
راح جلال ... دقيقتين واجا غدي معو .... كانت عليا ضهرا الو .... وغدي عم يراقب تفاصيل اناقتها .... اللي ما بدل ع كبر عمرها ........ برمت ضهرا والتقو عيونن ... حست بنغزة بقلبا ... وهوي كانت المرة الاولى اللي بشوفها عن قريب هالقد ...... وحكت عليا ......

-عليا: شو اسمك ؟ ....

-غدي: ............

لكشو جلال لينتبه ع سؤال عليا .... تمالك حالو ورد فورا ... كانت مشاعرو مخربطة .....

-غدي: غدي .... اسمي غدي يا خانم .......

قبل ما ترد كانو نازلين نارين وقيس من فوق ... وجايين باتجاهن .... استغل غدي هاللحظة ليدقق بملامح عليا اكتر .... لحد ما سمع السلام ...... برم عالهدا ......

-قيس: مرحبا ......

-غدي: مرحبا .....

-عليا: نارين بنتي ... هاد غدي ... شوفيرك الخاص .....

-نارين: تمام ......

-قيس: هيك دغري تمام .....

-عليا: يا ريت بتتعلم منا وبطمنلي قلبي ومنحطلك شوفير خاص .....

-غدي: ما تهكلو هم ... الست نارين بعيوني .... متل اختي رح حافظ عليها ..... وانشالله بكون قد الثقة ......

-قيس: اووه نيالك ست نارين ......

-غدي: واخوك انت كمان .......

قال هالجملة وعيونو عم يلمعو ... وهوي عم يراقب قيس .... ابتسم قيس ... وابتسمت عليا ..... نسمة طمأنينة هبت لقلبا .... وريّحتا ....... قرب قيس وربت ع كتف غدي .....

-قيس: بنت الخال بأمانتك .......

غدي كان جدي بكلمتو لما قلو واخوك انت كمان ... كرهو لقيس قبل ما يشوفو ... اختفى لما شافو ... حس بالاخوة ... الدم حن ... نسي غيرتو منو انو عاش كل هالسنين مع امو ..... بس امو ما قدر انو يسامحا بأي شكل .... لانها زتتو بالهلاك بدون ما يرفلها جفن حسب ما بيعرف ......
___________________________________
Telegram@rwayate
فاتحين عالتلفزيون .... واناقة عليا وجمالها واضحين حتى من ورا الشاشة ..... كانت عم تحكي ودموعا ع خدها .......

#نصف_ساعة_بقلم_نسمات_الليل
Telegram@rwayate
الجزء الثالث:

-غدي: استني لخبرها ......

راح غدي عالصالون .... لقاهن ابتدو يتروقو ع طاولة السفرة .... كانت عليا براس الطاولة وقيس ع يمينا ونارين ع شمالا ......

-غدي: بعتذر عالمقاطعة .... بس في بنت برا مصرة تشوف حضرتك ست عليا ......

قلبا نغزا ... حست انو انتظارا بهاللحظة ح ينتهي ..... وقفت فورا .......

-عليا: شو قالتلك ؟؟؟ ....

-غدي: انو اسما ورد ... وعم تنتظرك من ٣٢ سنة .......

-عليا: شوووو ......

ركضت عالباب .... ولحقا قيس فورا ... وبعدا نارين ..... وقفت مقابيلا ... ودققت بعيونا ...... مشاعرها اتخربطت ..... او بالاحرى مشاعر التنين ........ غمرتها من دون مقدمات ....

-عليا: ورررد .... بنتييي .......

-ورد(بقلبا): شكلك عاطفية كتير ... رح اتعب معك ......

كان غدي عم يراقب لهفتا ... لهفتا ع بنت مش بنتا ... تخايل حالو مكان ورد ... وطرد فورا هالفكرة ... كانت عليا عم تشد ع ورد .. أو بالأحرى آنا ... بعدت عنا ودققت بعيونا .... كانو عيون عليا معبايين دموع .... صارت تمسحن لتقدر تشوفا وتحفظ ملامحا .... اتمالكت حالا ورد وبعدت خطوتين ....
Telegram@rwayate
-عليا: شو اشبك بنتي ...

-ورد: ما تقولي بنتي بسرعة ... يمكن تنفنسي ... انا كان معي طوق بيحمل اسم عليا نفس اللي شرحتيه بمقابلة التلفزيون ..... بس ضيعتو من ١٠ سنين .... وقررت اجي ونعمل تحاليل ... لنتأكد ....

-عليا: بس انا جواتي احساس كبير ... انك بنتي ....

-ورد: لو منا نعتمد عالاحساس ما كنتي تركتيني ٣٢ سنة .... (كانت بدا تحكي عليا بس كملت ورد) ... ع كلن انا ما اجيت لاني سامحتك ... انا اجيت لإتأكد اذا انتي امي او لا ... وبعدا بصير حكي تاني ....

-عليا: شو قصدك ؟! .....

-ورد: قصدي ما رح انسى ٣٢ سنة تشرد ... ضياع ... يُتم ... ألم ... دموع ... أهات ... أو حتى الرجال اللي اتحرشو فيي لاني بلا حدا ..... ما رح انسى بالسهولة يللي متخيلتيها ......

شهقت عليا بهاللحظة .... ما عادت شافت قداما ... وهداها غدي فورا .... بهاللحظة حس احساس غريب ... امو بين ايديه .... اما ورد كانت عارفة تشتغل مزبوط ع مشاعر عليا .... كل ما كانت حياتها مأساوية كل ما لامت حالا عليا ... وكل ما دفعت ثروتا كرمالا .......
اتمالكت حالا عليا وجلست حالا ... اطلعت بعيون غدي ... اقتحما احساس غريب ... بس فورا راح ..... بهالاثناء كان قيس واقف ... احساسو غريب ... بس ابدا ما كان ايجابي .....
Telegram@rwayate
-ورد: بكرا عال٩ بلاقيكي بالمستشفى ... بالإذن ....

-عليا: لحظة ... عالاقل خليكي عندي ... نامي هون ... الصبح منروح سوا .....

-ورد: ما تخافي عليي ... معودة عالتشرد .....

تركتا ومشيت .... وعليا حاسة انو في جبال بيناتن صعب تزول ... اطلع فيها غدي ....

-غدي: بتحبي وصلها ع شي محل ست عليا ؟ ....

-عليا: اي برافو عليك ... روح إلحقا ... وأمّن عليها ....

لحقا غدي .... كانت عم تمشي بهدوء ... ضلت متابعة مشي لما شافتو ... ومشي حدها ....

-غدي: لازم اتدربي حالك عالتمثيل اكتر من هيك .....

وقفت عن المشي ... وفتحت عيونا ع وسعن وطلعت فيه بخوف .....

-ورد: عفوااا ؟؟؟ ...

-غدي: قصدي انو لما ست عليا اجا ليُغمى عليها ... كونك بنتا لازم تنفعلي فورا بدون حواجز ... مش تصفني فيها ....

-ورد: شو متوقع من بنت ربيت بلا ام .... وتاني شي نحن مش اصحاب لنتحدث بشكل عادي ....

-غدي: تمام ... معك حق ... بس بظن رح نكون كتير اصحاب بالمستقبل ....

-ورد: ليش مين بتكون حضرتك .....

-غدي: شوفير خاص ....
Telegram@rwayate
-ورد: بنت الست والشوفير !! ... بشك ....

-غدي: ههههاي ... كذبتي الكذبة وصدقتيها .... سبق وقلتلك اول حديثنا ... لازم تكوني متمرسة اكتر بالتمثيل .....

-ورد: انا ما عم مثل ... وبكرا ح نعمل تحاليل ... واذا سلبية ما بقا حدا ح يشوف صورة وجي ..... اما اذا ايجابية ... رح يكون في تفكير تاني .....

-غدي: لكن ببشرك ... رح تطلع ايجابية ...... فكري من هلأ ....

-ورد: شو قصتك ساعة تمثيل وكذب ... ساعة ايجابية .....

-غدي: انا بعرف انك مش بنتا ... وبعرف اكتر انو لو ما متأكدة انك قادرة تعملي النتيجة ايجابية ما كنتي اتجرأتي تقفي قدامها .......

-ورد: هه ... واثق بحالك كتير ... يا ريت تتركني بحالي كرمال ما يصير شي تندم عليه بعدين .... وما كتير تحلم ... اذا النتيجة ايجابية يعني ايجابية ... مش لانو الست عليا غنية معناها خلص البنات كلها ح تجي تجرب حظها ......

-غدي: انتي قلتيها ........ رح تكوني بحاجتي كتير بالأيام الجاية .... لانو بدك حدا يدافع عنك لما يبلشو يشككو فيكي ... ويخبرن انو احساسكن غلط ... وانو انتي بالفعل مجرد بنت بسيطة ......

اتجاهلت حكيو .... تركتو ومشيت .... وهوي رجع عالقصر .....

-عليا: ليه رجعت بسرعة ......

-غدي: ما قبلت وصلها .....

-قيس: امي روقي ... ما بدا هالقد .....

#نصف_ساعة_بقلم_نسمات_الليل
Telegram@rwayate
الجزء الحادي عشر والأخير:

-غدي: لا تسكرو باب الطيارة ..... انا بدي انزل .......

فرجاهن الباسبورت ....

-غدي: انا ريان مفيد الخليل .... بدي انزل ..... لغيت السفرة ....

ما تنّو معو ...... نزل فورا .... وبعد ١٠ دقايق كان برا المطار هوي ولميا مع شناتيهن .......

-لميا: شو صااار .... ؟؟ ......

-غدي: رح جن ... رح جن لميا ..... لك في عندي اخت اكيد عاشت مأساة متلي ... اكيد عانت ... لك مين هالبلا ضمير اللي ما كفاه انو رماني بالميتم ... الا رماني وحيد وانا خلقت مع اخت .... لك ليه هالقد الدنياااا ظاااالمة .... لييييييييه ......

______________________________________________

بعد ساعة بالضبط ..... كان واقف غدي بإيدو المجبرة ... مقابيل ابوه وامو ....

-غدي: اذا بكون هالشي كذب .... هالمرة رح تندمو .....

-عليا: لا ... مانو كذب .... آنا .... بتكون اختك ... توأمك .......

-غدي: نعممم !!! ..... كيف هيك ....

-طلال: قصة طويلة .... اقعد لنحكيلك ياها .....

قعد غدي .... وقبل ما يبدو حكي ... ابتدا يتذكر كل لقاء كان مع آنا ...... واكتر ذكرى اثرت فيه ... يوم اللي استندو ع بعض .... وراحو عالمستشفى ..... اتذكر شعورو اتجاها دائما ... لما كان لا اراديا يبعدا عن الخطر .... وكإنو الدم عم يفهمو لا تإذيها ........
Telegram@rwayate
______________________________________________

-منير: وينك آنا ....

-آنا: بالشقة ... وين بدي كون .....

-منير: شو شكلك استقلتي ....

-آنا: لك انا متفاجأة كيف الغراب تركني ... بس تخف معو المشاكل حاليا مع ابنو رح يتذكرني ... ويرجع العقاب .... خليني استمتع بهالهدوء حاليا بلا شغل ....

-منير: اساسا ما عم بفهمو ... ما عاد مهتم لشي ... ولا لشحنة ولا للاجتماعات ولا اي شي ....

-آنا: انسى شريك ... روح اتنعم هالكم يوم بالحرية ... سلم على علي ومعتز .....

سكرت الخط .... ولمعت براسا صورة غدي ....

-آنا: لغزك غريب .... ليه ما قدرت إإذيك ... ليه دافعت عنك .... ليه كنت عم بحميك ....

اندق الباب ... وقامت تفتح ..... مجرد ما فتحت ... دخل مازن وسكر الباب ولزقها فيه ....

-آنا: طالعلي بالسحبة .....

-مازن: اشتقتلك ......

-آنا: .............

-مازن: وكتير ...... كتير ......

-آنا: انت شو عم تخبص ....

-مازن: اكتشفت اني عم حسلك بشي ......

مشاعرا تخربطت .... سكتت شوي ورجعت حكت .....
Telegram@rwayate
-آنا: وأنا ... ولا يوم كان الاعتراف عندي سهل متل هاللحظة .... يمكن بدي استغل هاللحظات ....

-مازن: بحبك ....

-آنا: وانا حبيتك ... ما بعرف كيف ... بس انت استثنائي .....

قرب اكتر ... وغمرها .........

______________________________________________

-غدي: عطوني عنوان شقتها ...... رح اتأكد اذا اختي او لا بطريقتي .....

-طلال: التحاليل اثبتت ....... روح جيبا وتعو ... نبني عيلة سوا .....

-غدي: بأحلامك .... انا رايح ... بعتلي العنوان مسج .... اه صحيح ... عطيني هالطوق اللي بإيدك .....

اخدو ومشي ..... وهوي وطالع من الحديقة ... التقى بنارين جاية ..... وقفو لحظات مقابيل بعض ....

-نارين: ما سافرت ......

-غدي: رغم كل مشاكلي ... ورغم الحقايق اللي عرفتا ...... انا وبالطيارة ... ما فكرت الا فيكي ..... لحد ما وصلني اتصال رجعني .....

-نارين: يعني ما رجعت كرمالي ...

قرب وغمرها بدون مقدمات .....
Telegram@rwayate
-غدي: عطيني شوية وقت بس للملم حالي .... بعدا رح اجي لعندك واحكيلك كتير اشيا ......... يلا بخاطرك ....

بعد عنها وراح .... ركب تكسي .... واتوجه فورا ع شقة آنا ....... كان لسا مازن طالع من عندا وهيي عم تسكر الباب ... لما وصل غدي وحط ايدو ومنع تسكرو .....

-آنا: مش ع اساس سافرت ؟!!!! ....

-غدي: رجعت ....

-آنا: ليه ؟ .....

-غدي: هلأ بتعرفي ....

مسك ايدها وجرها وراه .......

-آنا: يي ... لوين ماخدني ...... غدي ... لك وقف ... يا ريان .. يا غدي ... يا انت ... وقف .....

شدها من ايدا لعندو ووقف ..... وزورها .....

-غدي: اسكتي .... وروقي .....

ضل يمشي فيها لوصلو ع شط البحر والدموع بعينيه وعم يمنع نزولا ... شقتها كانت قريبة من الشط .....

-آنا: ليش اجينا لهون ......

-غدي: لانزل عالبحر ....

-آنا: نعم ؟ .... بإيد مكسورة ... وبهالطقس .... يي هلأ بتاخد برد لا تشلح .....

كان عم يشلح كنزتو بصعوبة بسبب ايدو ... بس كان في موال براسو .... كل الطريق شارد وعم يجمع افكارو لفهم كل شي ... ووصل لهالقرار ...
قربت من فورا ... وصار تحاول تلبسو كنزتو .... ولمحت شي اسفل ضهرو .... لما همدت وجمدو ايديها عرف انو وصل لهدفو ... وشافت الوحمة ........

-آنا: هاي وحمة !! ....

ما عاد قدر يتحمل الصمت .......

-غدي: عندك منها ما ؟ .....

#نصف_ساعة_بقلم_نسمات_الليل
Telegram@rwayate
الجزء التاسع:

الصدمة كانت واضحة ع وجوه التنين ........ غدي اللي ما قادر يرفع راسو .... والغراب اللي شوي شوي بلش ينزل سلاحو ......

-الغراب: انتي شو عم تخبصي ... عم تكذبي لحتى ما اقتلو ......

-آنا: وحياتك لا .... انا بس عرفت من كم يوم لما بحبشت ورا غدي ..... وانت قلت انو انا انسحب من هاللعبة لانو بنت عليا هيي بنتك .... بس هوي صبي مش بنت ..... غدي فات ع حياة عليا لينتقم لانها زتتو بالميتم ..... يعني هوي ابنك ....... رح تعرفو من الطوق اللي مخبيه تحت تيابو .......
Telegram@rwayate
قرب منو الغراب ... شد الطوق بقوة وقطعو ..... عقد حواجبو .... كانت دائرة بتحمل اسم كريم (ابو عليا) ......
كان غدي بهاللحظة مانو مستوعب شي ... مستحيل يكون ابن هيك شخص .... حاول بينو وبين حالو ينكر ... كانت حقيقة مُرّة ... عالتنين سوا .....
بهالاثناء الغراب فقد السيطرة على افكارو .... تجسدت مقابيلو مشاهد بتجمعن ... اول لقاء ... واول شحنة فوتو فيها على عالمو الوسخ .... وضربو واهانتو من يومين لهلأ ........ واخر شي تذكرو معاناتو ليصير عندو ولد ..........
كانو ثواني لطلع من صدمتو وركض عند غدي .... صار يفكلو ايديه واجريه ...... صرخ ....

-الغراب: جيبووووو مي ......

صار يعرق الغراب .... ويرجف .......... قعدو لغدي عالارض ..... مسك شقفة من جيبتو وصار يمسحلو دمو ........

-الغراب: ابني !!

اتخطفت منو خطف هالكلمة ...... بس غدي استجمع كل قوتو ... وبعدو عنو .... اجو الشباب معن مي .... اخد الغراب المي وصار يشرّب غدي ....

-غدي: بعد عني ... اذا الدم بيجمعنا ... ما تتخايل انو القلب والعقل والروح يجمعونا ......

-الغراب: انا اسف .....

-غدي: ع شو بالضبط عم تتأسف ... ع انو عندي هيك اب ... او عالسنين اللي رميتني فيها ... او عالشي اللي عملتو فيي من يومين لهلأ ... حدد بالضبط لاعرف ع شو سامح .... بس ع كل حال ... انا قلبي من حجر ... ما بعرف سامح ....
Telegram@rwayate
-الغراب: رح عوضك ... رح عوضك عن كل شي .....

-غدي: ما بدي شي .... بدي بس تطلعو من حياتي ..........

حاول يوقف غدي .... سندو الغراب .... ورجع كمان مرة بعد عنو غدي بقوة ......

-الغراب: غدي ابني .... لا تفل .....

-غدي: حتى اسمي ما بتعرفو ..... لا تقللي ابني .....
Telegram@rwayate
مشي غدي لعند آنا .... وصار يفكها ... كان عارف انو مستحيل يعترض الغراب ........ وقفت آنا بتعب .... حطت ايدها ع كتف غدي ... وغدي حط ايدو ع كتفا ..... سندو بعض .... ومشيو ... كانو مايلين ... بس كل ما يميل طرف يسحبو التاني .... مستندين ع بعض بقوة ....

قعد الغراب عالارض .... لسا ما مستوعب مزبوط .... لمح الطوق جنبو عالارض .... مسكو .... دقق فيه مطولا ..... وعقد حواجبو ..... في شي لمع براسو .... شي مضى عليه ٢٨ سنة .........

/// ذكريات .....

-الغراب: انا بكون الغراب .... انتو الاربعة بدكن تعملو اللي بقولو .... وتنفذوه بالحرف الواحد ... لحتى ضل راضي عنكن .... انت يا ولد شو هاد الخاتم اللي بإيدك .....

-المديرة قالتلي انو من اهلي ....

-الغراب: عطيني ياه .... ما بينفعك .... وانتي يا بنت شو هاد اللي برقبتك .....

شدو من كل عزمو .... وصرخت البنت ......

-هاد الي تركو ... لا تاخدو ..........///

وقف فورا الغراب ... شد عالطوق .... وركض ... طلع بسيارتو وصار يسوق بطريقة جنونية .... لأول مرة بدون شوفير ...... لحد ما وصل على مقرو الخاص ..... اتجاهل اسئلة معتز وطلع على غرفتو .... فتح خزنتو ... وطالع ملفات قدييمة كتيير وماكلتها الغبرة ... سحب ملف آنا ..... ومجرد ما فتحو وسحب منو الطوق اللي فيه .... سحبو مغناطيس الطوق اللي بإيدو .... تعول غدي ....... ولزقو ببعض ....... عقد حواجبو ودقق بالاسم اللي ع طوق آنا ..... وع طوق غدي ..... وهمس بعدم استيعاب .......
Telegram@rwayate
-الغراب: عليا ..... وكريم ..........
______________________________________

نزلو من السيارة قدام المستشفى ساندين بعض .... اخدت من جيبتها آنا شوية ليرات .... وعطت التاكسي .... ومشيو لجوات المستشفى ... وهني راكيين ع بعض ..... متل الاخوة تماما ......

-غدي: ما كان في داعي ....

-آنا: انت كتير تعبان ... الضرب ما واتاك .... انا ربيت عالضرب ......

-غدي: كنت انضرب كتير ... مانا اول مرة ....

ركضو الممرضين .... وسحبو آنا وغدي فورا .......... وابتدو بالاجراءات ...... كانت آنا وضعا افضل لإنها ما تلقت الضرب اللي اتلقاه غدي ......طلبت تلفون ودقت للغراب ....

-آنا: نحن بالمستشفى ... ابنك حالتو صعبة ...... عم خبرك عشان نفوذك .... مش كرمال شي تاني .....

سكرت الخط بدون ما تسمحلو يحكي ....

بعد ربع ساعة بالضبط كان الغراب بالمستشفى .... ركض عالاستعلامات ....

-الغراب: آنا وغدي ... كيف وضعن ....

#نصف_ساعة_بقلم_نسمات_الليل

الجزء العاشر:
Telegram@rwayate
-عليا: شووووو ...... لك .... لك ........

-طلال: مانك متذكرة لما ولدتي ....

-عليا: ما كنت بوعيي .... (تبكي) .... ما كنت بوعيي ..... الله ينتقم منك يا امي .... الله لا يسامحك يا فهد .....

-طلال: امك من شو مصنوعة ....

-عليا: من نفس طينتك .....

____________________________________________________

//////////////////قبل ٣٢ سنة ............

جبين الداية عرقان .... وام فهد واقفة ودقات قلبا عم تتجاوز الطبيعي .....

-الداية: طلعو ولدين ..... بنت وصبي ...... شو رح تعملي ....

-ام فهد: عليا هلأ غايبة عن الوعي ... رح نقلها ابنا مات واندفن ... وهالسر رح يندفن هون ....

-الداية: شو رح تعملي فيهن ....

قربت ام فهد من عليا وسحبت الطوق من رقبتها ... فصلت الدائرتين عن بعض ... وحطت تاني دائرة بسلسلة اخدتا من درج الخزانة ... حطتلن كل واحد منن سلسلة برقبتو ......

-ام فهد: خدي واحد منن ووقفي ورا بعيد ... ما بدي يبكي ....

اخدت الداية البنت ... وبعدت شوي ... حملت ام عليا الصبي ومشيت ناح الباب ... ومجرد ما فتحتو ركض فهد ...

-فهد: امي قليلي ... شو طلع ... ح كون خال لصبي او بنت ....

-ام فهد: مش مهم ... خدو على اقرب ميتم ... اذا عرف فيه ابوك او ابو هالطفل رح يقتلوه ... يربى بيتم افضل بكتير ....

-فهد: بس امي ....

-ام فهد(صرخت): بلااااا بسسس ... نفذ ... وحسك عينك اختك تعرف ....

راح فهد حامل الطفل .... ولمحو الشوفير حكمت من بعيد .... ودق تلفونو ....

-حكمت: الو ... امرك ... جايي ...

سكر الخط وراح عند ام فهد ...

-حكمت: امريني ستنا .....

-ام فهد: خود حط هالطفل بأقرب ميتم ....

-حكمت: بس ستنا ....

-ام فهد: هاي اوامر .... وبس تحطو بتنسى للأبد ... عم تفهم ......

-حكمت: امرك ....

فل ... وقربت الداية منها .....

-ام فهد: ما بدي ايا حدا غيرنا نحن التنين يعرف انن توأم ... شو فهمتي .... ما بدي تكبر الدائرة ... وخصوصي فهد ما لازم يعرف ... منكون بشي منصير بشي تاني .... عارف اختو حامل ... كنت مضطرة وكلو بمهمة تسليم ولد ....

-الداية: امرك ستنا .....

بعد ما انتهت هالاجواء ... راح حكمت عند الداية .... حاول معا كتير لخلاها تنطق ....

-حكمت: يا عمي لا تنكري ... شفتوو لفهد ماخد طفل ... يعني هني ٢ ....

-الداية: لا تخبر الست بترجاك .... هيي بدا ياه يكون سر فليكن ... نحن ما خصنا ....

-حكمت: تمام ... احكي ....

-الداية: عطت الصبي لفهد يحطو بميتم ... وعطتك البنت ... كانو ٢ ... ما بدا حدا يعرف انو توأم ....... ///////////////

________________________________________________________

-غدي: تعبت من هالعيلة ... تعبت من الكذب ... تعبت من الاسرار ... من كل شي ......

واخيرا قربت نارين ... وكإنو هلأ صار دورا .....

ضهرو قيس وآنا ولميا لبرا .....

-نارين: عالاقل ضل كرمالي ...

-غدي: بصفتك شو ؟ .....
Telegram@rwayate
تلبكت ... تماما متل تلبكو لما سألتو بصفتك شو رح افقدلك ...... او اشتقلك .....

-نارين: لنفس السبب ... اللي كرمالو فتت ع غرفتي وسألتني اذا فقدتلك .....

-غدي: ............

-نارين: طلعت ابن عمتي لكن .......

-غدي: اي بنت الخال .....

-نارين: اعطي فرصة لعمتي .... ابي هوي اللي حطك بالميتم .... قالولا انها ولدت ميت .....

-غدي: بتعرفي شو عشت بهال٣٢ سنة ؟!!! ... قليلي بتعرفي نارين ؟؟؟!!! .....

بهاللحظة وقفت عليا عالباب ... غمضت عيونا بقهر ... وكفتو دموعا ......

-نارين: ما الها علاقة ....

-غدي: مبلا الها ... لما حملت فيي بطريقة غير شرعية ليه ما راحت نزلت لما عارفة انها مش قد المسؤولية ..... لييه .... جاووبي ....

-نارين: .............

-غدي: لك انا ... لك ..... اناااا بعمر ال٨ سنين ...
Telegram@rwayate
بهاللحظة برات الغرفة اجا طلال كمان ووقف حد عليا عالباب ......

#نصف_ساعة_بقلم_نسمات_الليل

الجزء الثاني:
Telegram@rwayate
بعد مرور يومين ............

بالقصر .... كانت قاعدة عليا بالحديقة .... ومقابيلا شخص غريب مطقم .....

-عليا: جد معك شي حضرة المحقق ؟ ....

-المحقق: عم حقق بالقضية ... وعم حاول اوصل لطرف خيط .... وانشالله كل المستجدات رح خبرك فيها .... انشالله مقابلة مبارح معك عالتلفزيون رح تجيب نتيجة .....

-عليا: ........

-المحقق: ست عليا لازم نكون صبورين اكتر من هيك ... القصة مانا سهلة ....

-عليا: حاطة كل أملي فيك ...

-المحقق: وانشالله ما بخيبلك أملك ..... بالاذن .......

فل المحقق .... ولمحت عليا بنت من بعيد ... ابتسمت ووقفت فورا ... وفتحت ايديها .... ركضت البنت لعندا .... وغمرتا .....

-عليا: ناااارين .... حبيبة قلبي .... اشتقتلك كتييير ......

-نارين: وانا اكتر عمتي .... اشتقتلك اكتر ............. وين هالازعر قيس ؟ ...

-عليا: وين بدو يكون ... اليوم عطلة ... وسهر مبارح كتيير ... ولساتو لهلأ نايم ....

-نارين: تمام أنا بوعيه .....
Telegram@rwayate
فاتت نارين عالقصر .... وطلعت ع غرفة قيس .... فتحت الباب عالهدا .... وفاتت شوي شوي ..... حملت بريق المي ... وكبتو ع وج قيس ..... انتفض من مكانو .....

-قيس: يلعن ......... نااااريييين ؟؟؟؟؟؟ ....

غمرها بقوة .... وهني عم يضحكو ......

-قيس: اهلا ببنت الخال .... شو كيف كانت امريكا معك ؟؟ ....

-نارين: تمام .... الحمدلله اللي خلصت منا ..... يي ما ابشع الغربة .....

-قيس: يعني هلأ عنجد صرتي دكتورتنا ......

-نارين: ههههه لا دكتورة اطفال ... الا اذا حاسب حالك طفل .....

-قيس: به به به ... يلا قومي انقلعي من غرفتي لبدل تيابي وننزل نتروق .....

-نارين: هششت .... احترم اللي اكبر منك .....

-قيس: ييي شو اشتقت لقصصنا وخناقاتنا ......

-نارين: يلا نازلة عند عمتي .... ما طول ......

-قيس: تمام .....
Telegram@rwayate
-نارين: ع فوقا ..... شو في بين عمتي وبابا .... جابني من المطار لهون فورا وما قبل ينزل معي .....

-قيس: العلاقة متوترة بيناتن شوي الها كم يوم .... خلص بعدين بحكيلك ......

-نارين: ما عم ينام بالبيت ؟ ...

-قيس: لا ... عم ينام بالاوتيل .... وبالشركة امي ما عم تروح ... فما عم يلتقو ....

-نارين: يي هلقد .... احكيلي هلأ .....
__________________________________

-عليا: جلال بعتت ورا الشوفير الخاص ؟؟ ...

-جلال: اي ستنا .... ليكو ناطر برا .....

-عليا: انت متأكد منو ؟؟ ... ما بدي يسودلي وجي مع بنت اخي ... ويطلع مش خرج ثقة ....

-جلال: لا طمني بالك ستنا .... موثوق فيه .....

-عليا: تمام ... ابعت وراه ......
Telegram@rwayate
راح جلال ... دقيقتين واجا غدي معو .... كانت عليا ضهرا الو .... وغدي عم يراقب تفاصيل اناقتها .... اللي ما بدل ع كبر عمرها ........ برمت ضهرا والتقو عيونن ... حست بنغزة بقلبا ... وهوي كانت المرة الاولى اللي بشوفها عن قريب هالقد ...... وحكت عليا ......

-عليا: شو اسمك ؟ ....

-غدي: ............

لكشو جلال لينتبه ع سؤال عليا .... تمالك حالو ورد فورا ... كانت مشاعرو مخربطة .....

-غدي: غدي .... اسمي غدي يا خانم .......

قبل ما ترد كانو نازلين نارين وقيس من فوق ... وجايين باتجاهن .... استغل غدي هاللحظة ليدقق بملامح عليا اكتر .... لحد ما سمع السلام ...... برم عالهدا ......

-قيس: مرحبا ......

-غدي: مرحبا .....

-عليا: نارين بنتي ... هاد غدي ... شوفيرك الخاص .....

-نارين: تمام ......

-قيس: هيك دغري تمام .....

-عليا: يا ريت بتتعلم منا وبطمنلي قلبي ومنحطلك شوفير خاص .....

-غدي: ما تهكلو هم ... الست نارين بعيوني .... متل اختي رح حافظ عليها ..... وانشالله بكون قد الثقة ......

-قيس: اووه نيالك ست نارين ......

-غدي: واخوك انت كمان .......

قال هالجملة وعيونو عم يلمعو ... وهوي عم يراقب قيس .... ابتسم قيس ... وابتسمت عليا ..... نسمة طمأنينة هبت لقلبا .... وريّحتا ....... قرب قيس وربت ع كتف غدي .....

-قيس: بنت الخال بأمانتك .......

غدي كان جدي بكلمتو لما قلو واخوك انت كمان ... كرهو لقيس قبل ما يشوفو ... اختفى لما شافو ... حس بالاخوة ... الدم حن ... نسي غيرتو منو انو عاش كل هالسنين مع امو ..... بس امو ما قدر انو يسامحا بأي شكل .... لانها زتتو بالهلاك بدون ما يرفلها جفن حسب ما بيعرف ......
___________________________________
Telegram@rwayate
فاتحين عالتلفزيون .... واناقة عليا وجمالها واضحين حتى من ورا الشاشة ..... كانت عم تحكي ودموعا ع خدها .......

#نصف_ساعة_بقلم_نسمات_الليل
Telegram@rwayate
الجزء السابع:

-مازن: بشو ....

-ورد: انا مجبورة قلها الحقيقة .... بس ما بقدر .... بس انت بتقدر ... متل ما سمعتك حقيقة مرة ... سمعها بدورك حقيقة مرة ... بحبشت وراها وعرفتا ....

-مازن: اللي هيي ؟! ...

-ورد: اني ماني بنتا ... اني كذبت عليها كرمال المصاري والثروة .....

-مازن: شوو !!! ... مانك بنتا ؟! .....

-ورد: لا ... رغم كل شي صار ... وُلد جواتي مشاعر اتجاها ... صرت اتألم لما شوفا عم تتألم ... بعرف انو ربيت كون بلا ضمير وبلا قلب ... بس بكفي مكابرة على حالي ... وعلى مشاعري .....

-مازن: ربيتي تكوني بلا قلب ؟!!! ....

-ورد: بقصد بسبب اليتم اضطريت كون هيك ....

-مازن: تركيني لحالي ......

-ورد: ما رح تقلها ؟! ......

-مازن: لك بكفيي تركينييي ... بكفييييي .... خليني عيش شوي الألم ... خليني فكر كيف امي اللي عملت كل شي كرمالا تكون قتلت ابي .... (يبكي) ....
Telegram@rwayate
-ورد: التفكير ما بجيب نتيجة .... بس بزيد ألمك ... انا من خلال قعدتي بالقصر تعلمت اشيا كتير .... اولن جو العيلة ... انو يكون عندك اخ ... حتى لو بيكرهني ... وام ... وخال ....

-مازن: بس انا ما ضللي حدا ... حتى الماضي طلع كذبة .....

-ورد: مبلا ... عندك خي .... قيس ......

-مازن: تركيني بحالي ....

رن تلفون ورد ...... وقفت ع جنب ......

-ورد: الو ... اي لقيت شي ؟ .... كييييييف !!!!!!!!!!!! .... يعني صح توقعت هالشي ... بس مع هيك انصدمت ..... هيك لكن يا غدي ... وقعت وما حدا سمّا عليك ......

رجعت التلفون على جييتها ..... وقفت مقابيلا سيارة مفيمة .... سحبت ورد من ايدا وطالعتا غصب عنها .......

-ورد: تركووونييي ... انتووو ميين .... تركوووني .....

شافا مازن .... ولا اراديا صار يصرخ ... وقام فورا ركب سيارتو ولحقها ...... بلا ما حدا ينتبهلو ......

-ورد: انتو مين .....

رفع واحد منن القناع عن راسو ....
Telegram@rwayate
-ورد: كمال !!!!! ..... شو بدكن مني ... هاي طريقة تسحبوني فيها ؟!!! ...

-كمال: نحن اسفين يا ست بس هيك الاوامر ....

-ورد: ايا اوامر ... لسا ما صرلي نص ساعة بالمهمة ... شو كن فيكون بتتنفذ ...

-كمال: ما بعرف الغراب أمرنا نجيبك من تحت سابع ارض ...

-ورد: منير بيعرف ؟! ...

-كمال: لا ما بتعقد .....

-ورد: تلفوني وقع انتو وعم تشحطوني ... عطيني احكي الغراب .....

-كمال: بس .....

ورد: بلا بسس ... يلااا .... هاد أمر ......... (اخدت التلفون ودقت) ...... ريس انا كنت رح خبرها ....

-الغراب: بس انا غيرت رأيي ... في موال براسي ....

-ورد: لكن ليه هالطريقة بالأخد ....

-الغراب: انتي ملاحظة ادي صايرة عم توقفي بوجي ست آنا ... احترمي حالك ... وعرفي مع مين عم تحكي ....

توت توت توت ....

-ورد: بكرهكككك ....... نزلوني هون ... وقفو السيارة ....
Telegram@rwayate
-كمال: ست آنا نحن مأمورين .... منعتذر ....

-ورد: العمى بقلبك انت وياهن ... بس لارجع لوضعي الطبيعي رح دمركن ......
_________________________________________

المسا ...........

-لميا: ما دقيت للشرطة .... ؟

-غدي: اكيد لا ... من كل عقلك الريس الكبير رح ينزل عالارض ... ويكون حدي وقت استلام الشحنة ... انا ماني غبي ... هاد اختبار .... ليشوفني اذا رح اغدرو او لا ......

-لميا: ما اجت ببالي هالشغلة ...

-غدي: بس انا عم بلعب عالمزبوط ... كل شي رح وثقو عندي بمستندات وفيديوهات ....

-لميا: وامك ؟ .. اي متى رح تعفي عنا وتخبرا انو ورد مانا بنتا ...

صرخ غدي من جوات قلبو مجرد ما حس بوجع فجائي لراسو ....

-غدي: اخخخخخ .....

مسك راسو بإيديه وصار يضغط عليه .... قربت لميا فورا منو ....
Telegram@rwayate
-لميا: انت لازم تشوف دكتور ... وجع هالراس الفجائي كل فترة في وراه إن ....

-غدي: مشي الحال راح ... مش راسي ... بحس جسمي كلو انتفض وصرخ من الوجع للحظة .. وفجأة بزول ... هلأ عندي اشيا اهم وبعدا بتفضى لحالي وبشوف دكتور .....
________________________________________

كانت آنا عالارض عم يطلع الدم من جبينا بغرفة مظلمة بعد ما اتلقت ضربة قوية .... تحت اجرين الغراب ......

-الغراب: هاي عشان تتعلمي كيف توقفي بوجي وتحكي حكي اكبر منك ......

-آنا: لك انا شو عملت ... بكفي تعبت ... تعبت من كل شي .... تعبت كون عبدة عندك ... تعبت نفذ اوامرك تعبت من مزاجك المتقلب ..... اعتقني ... ريحني بقا ....

-الغراب: ما ربيتك كل هالسنين ... لحتى بس تصيري بهالعمر تفلي او تعصي اوامري .....

-آنا: طيب انا بشو غلطت فهمني ... كنت رح خبرها لعليا اني ماني بنتا ... الموضوع مانو سهل ....

-الغراب: انا بقرر اذا سهل او لا ... متل ما بسهولة رحتي اتقمصتي دور بنتا ... بسهولة بتخبريها الحقيقة ......

-آنا: تركني خلص ... وبوعدك بذات التكة خبرها ....

-الغراب: انا اللي ح قرر حاليا شو بصير .....

#نصف_ساعة_بقلم_نسمات_الليل
Telegram@rwayate
الجزء الثامن:

-آنا: حدا فكرني غبية .... حدا عم ينتقم منها لانها تركتو .....

-مازن: كيف عرفتي ....

-آنا: شكيت فيه ... وضليت بحبش وراااه .... لحد ما بالاخر عرفت انو جاي من ميتم الفقدان ....

-مازن: مانك قليلة ....

-آنا: يلا انا قايمة ... بتشكرك مرة تانية ... ورح خليك تعيش المك شوي لحالك ...

-مازن: ألمي ! ... انا اتخدرت خلص ..... ما بقى بدي شي ... بدي انسى امي وابي ... وعيش بسلام ....

-آنا: هه ... الدنيا شو ظالمة ... انت بدك تنسى .. وانا بدي اتذكر وين كنت قبل هالمافيا ... بدي اعرف مين هني امي وابي .... ما رح سامحن ... ابدا .....

-مازن: اذا كان عندن اسباب رح تسامحيهن ....

-آنا: بشك ...

-مازن: ما رح تقيليلا لعليا مين ابنا ؟! ....

-آنا: رح اترك هالشي الو ... هوي بس بدو بخبرها .......
________________________________________
Telegram@rwayate
-نارين: الوو .... كيفك ؟ .....

-غدي(كان عم بسوق): ما توقعت شوف اسمك عالشاشة ......

-نارين: وانا ما توقعت انو بالفعل انت كنت الشخص اللي ارتكي عليه وقت يصير مشكلة ... او بالاحرى مصيبة ....

-غدي: كنا كل يوم سوا ... كنت دائما احميكي ... بس بدك وقت لتعرفي هالشي ... شكلو من لما بعدنا لليوم لصار مصيبة .....

-نارين: هه ... اي والله .... اول مصيبة ......

-غدي: احكيلي ....

-نارين: ورد ما طلعت بنتا لعمتي .....

-غدي: شووو ..... شو صار ... مين قلها ... كيف اكتشتفت ... !!!!!
Telegram@rwayate
-نارين: روق روق ... سؤال واحد واحد ..... هيي ورد اختفت مبارح ودقتلها اليوم ... انو خلص ما بقى فيها تكذب ... واعترفت بكل شي .....

-غدي: انا لازم سكر ... بحكيكي بعدين ..... باي ....

سكر الخط ودق فورا لورد ... كان مغلق .....

-غدي: شو عملت الغبية شو عملت ......

وصل لعند الغراب ونزل ... فات لعندو ...... ومتل العادي الغراب بالظلام .......

-غدي: أمرني يا بيك .....

-الغراب: عندي بنت عم تعصي الاوامر .... بدي تجيبا من تحت سابع ارض .......

-غدي: امرك يا بيك .... مين بتكون ؟! ... بدي شوية تفاصيل .....

-الغراب: انزل عند معتز .... بيعطيك المكافأة ... وتفاصيل عن البنت .....

-غدي: تمام يا بيك ...

-الغراب: اذا جبتلي ياها .... رح تكون طلعت ٣٠ درجة بمهمة وحدة ......

ابتسم غدي .. وضهر .... نزل لعند معتز .....

-معتز: اها جيت ... مجهزلك الظرف ... اتفضل ....

-غدي: يسلمو ... مين البنت اللي بدو ياني لاقيها ....
Telegram@rwayate
-معتز: ما رح يتركا بحالا ... لك كل عمرا خادمة عند اجريه ... عند اول غلطة رح يدمرا .....

-غدي: شو صاير ... !

-معتز: ما بعرف ... اللي بعرفو انها غلطت وبس .... اسما آنا .... عمرا بأول ال٣٠ .... رح قللك الاماكن اللي بتتواجه فيها اكتر شي ... عندا شقة بشارع الاكليل ... بس هاي للغراب ما بعتقد تتواجد فيها ... وقصر زهران ....

-غدي: قصر زهران !!! ....

-معتز: اي عاشت فترة هونيك بإسم ورد .....

غدي: اي قول من الاول .... عرفتا ....

-معتز: من وين بتعرفا ....

-غدي: ما قللك منير انو جابني من هالقصر .....
Telegram@rwayate
-معتز: اها ... تمام ... يعني بتعرفا ..... ليك لاقيها ... لاقيها بترجاك ... بس اوعى تسلمها للغراب ... خبر منير هوي بيعرف شو يعمل ....

-غدي: ليه ....

معتز: هيي قطعة مننا كلنا .....
______________________________________

-فهد: قللي دكتور ....

-دكتور: تركوها ترتاح ... اعصابا تعبانة شوي ....

-فهد: تمام ... شكرا الك ....

نزل الدكتور لتحت ..... وقرب قيس من فهد ....

-قيس: كنت عم بلش صدق انها اختي ... ليه هيك عملت بإمي ... ليه .....

-فهد: الطمع بيعمي العيون يا خال ......

-قيس: انا فايت شوفا .....
____________________________________

-غدي: الو ... مين معي ....

-لك انا ورد يا غدي ...

-غدي: قصدك آنا ....
Telegram@rwayate
-آنا: من وين عرفت .... ؟

-غدي: عرفت وبس ....

-آنا: المهم ... بدي شوفك .......

-غدي: وين ؟ ......

-آنا: ما بعرف ... مطرح ما بدك .... مهم مكان آمن ....

-غدي: رح ابعتلك العنوان بمسج .....

بعد ساعة كانو غدي وآنا واقفين سوا بمكان مإفي تحت ظل شجرة ......

-غدي: قليلي ....

-آنا: بدي منك خدمة ... انا ما عدت اوثق بحدا ... لا معتز ولا منير ولا علي .... الي مستندات عند الغراب بدي هني ..... رجاءا ....
Telegram@rwayate
-غدي: بتعرفي شو آخر مهمة عطاني ياها الغراب .....

-آنا: شو .....

-غدي: جيبك لعندو .......

اطلعت حواليها آنا برعب .... حست انها اجت عالموت برجليها .....

-غدي: بس ما تخافي .... ما رح اعملا .....

-آنا: اساسا ما بتسترجي ...

-غدي: مش لمصلحتك تتحدي .... شو فيهن هالمستندات .....

-آنا: فيهن انا ....... بدي اعرف انا قبل الغراب وين كنت ... ومن هاداك المكان رح اعرف مين انا ......

#نصف_ساعة_بقلم_نسمات_الليل
Telegram@rwayate
الجزء الثالث:

-غدي: استني لخبرها ......

راح غدي عالصالون .... لقاهن ابتدو يتروقو ع طاولة السفرة .... كانت عليا براس الطاولة وقيس ع يمينا ونارين ع شمالا ......

-غدي: بعتذر عالمقاطعة .... بس في بنت برا مصرة تشوف حضرتك ست عليا ......

قلبا نغزا ... حست انو انتظارا بهاللحظة ح ينتهي ..... وقفت فورا .......

-عليا: شو قالتلك ؟؟؟ ....

-غدي: انو اسما ورد ... وعم تنتظرك من ٣٢ سنة .......

-عليا: شوووو ......

ركضت عالباب .... ولحقا قيس فورا ... وبعدا نارين ..... وقفت مقابيلا ... ودققت بعيونا ...... مشاعرها اتخربطت ..... او بالاحرى مشاعر التنين ........ غمرتها من دون مقدمات ....

-عليا: ورررد .... بنتييي .......

-ورد(بقلبا): شكلك عاطفية كتير ... رح اتعب معك ......

كان غدي عم يراقب لهفتا ... لهفتا ع بنت مش بنتا ... تخايل حالو مكان ورد ... وطرد فورا هالفكرة ... كانت عليا عم تشد ع ورد .. أو بالأحرى آنا ... بعدت عنا ودققت بعيونا .... كانو عيون عليا معبايين دموع .... صارت تمسحن لتقدر تشوفا وتحفظ ملامحا .... اتمالكت حالا ورد وبعدت خطوتين ....
Telegram@rwayate
-عليا: شو اشبك بنتي ...

-ورد: ما تقولي بنتي بسرعة ... يمكن تنفنسي ... انا كان معي طوق بيحمل اسم عليا نفس اللي شرحتيه بمقابلة التلفزيون ..... بس ضيعتو من ١٠ سنين .... وقررت اجي ونعمل تحاليل ... لنتأكد ....

-عليا: بس انا جواتي احساس كبير ... انك بنتي ....

-ورد: لو منا نعتمد عالاحساس ما كنتي تركتيني ٣٢ سنة .... (كانت بدا تحكي عليا بس كملت ورد) ... ع كلن انا ما اجيت لاني سامحتك ... انا اجيت لإتأكد اذا انتي امي او لا ... وبعدا بصير حكي تاني ....

-عليا: شو قصدك ؟! .....

-ورد: قصدي ما رح انسى ٣٢ سنة تشرد ... ضياع ... يُتم ... ألم ... دموع ... أهات ... أو حتى الرجال اللي اتحرشو فيي لاني بلا حدا ..... ما رح انسى بالسهولة يللي متخيلتيها ......

شهقت عليا بهاللحظة .... ما عادت شافت قداما ... وهداها غدي فورا .... بهاللحظة حس احساس غريب ... امو بين ايديه .... اما ورد كانت عارفة تشتغل مزبوط ع مشاعر عليا .... كل ما كانت حياتها مأساوية كل ما لامت حالا عليا ... وكل ما دفعت ثروتا كرمالا .......
اتمالكت حالا عليا وجلست حالا ... اطلعت بعيون غدي ... اقتحما احساس غريب ... بس فورا راح ..... بهالاثناء كان قيس واقف ... احساسو غريب ... بس ابدا ما كان ايجابي .....
Telegram@rwayate
-ورد: بكرا عال٩ بلاقيكي بالمستشفى ... بالإذن ....

-عليا: لحظة ... عالاقل خليكي عندي ... نامي هون ... الصبح منروح سوا .....

-ورد: ما تخافي عليي ... معودة عالتشرد .....

تركتا ومشيت .... وعليا حاسة انو في جبال بيناتن صعب تزول ... اطلع فيها غدي ....

-غدي: بتحبي وصلها ع شي محل ست عليا ؟ ....

-عليا: اي برافو عليك ... روح إلحقا ... وأمّن عليها ....

لحقا غدي .... كانت عم تمشي بهدوء ... ضلت متابعة مشي لما شافتو ... ومشي حدها ....

-غدي: لازم اتدربي حالك عالتمثيل اكتر من هيك .....

وقفت عن المشي ... وفتحت عيونا ع وسعن وطلعت فيه بخوف .....

-ورد: عفوااا ؟؟؟ ...

-غدي: قصدي انو لما ست عليا اجا ليُغمى عليها ... كونك بنتا لازم تنفعلي فورا بدون حواجز ... مش تصفني فيها ....

-ورد: شو متوقع من بنت ربيت بلا ام .... وتاني شي نحن مش اصحاب لنتحدث بشكل عادي ....

-غدي: تمام ... معك حق ... بس بظن رح نكون كتير اصحاب بالمستقبل ....

-ورد: ليش مين بتكون حضرتك .....

-غدي: شوفير خاص ....
Telegram@rwayate
-ورد: بنت الست والشوفير !! ... بشك ....

-غدي: ههههاي ... كذبتي الكذبة وصدقتيها .... سبق وقلتلك اول حديثنا ... لازم تكوني متمرسة اكتر بالتمثيل .....

-ورد: انا ما عم مثل ... وبكرا ح نعمل تحاليل ... واذا سلبية ما بقا حدا ح يشوف صورة وجي ..... اما اذا ايجابية ... رح يكون في تفكير تاني .....

-غدي: لكن ببشرك ... رح تطلع ايجابية ...... فكري من هلأ ....

-ورد: شو قصتك ساعة تمثيل وكذب ... ساعة ايجابية .....

-غدي: انا بعرف انك مش بنتا ... وبعرف اكتر انو لو ما متأكدة انك قادرة تعملي النتيجة ايجابية ما كنتي اتجرأتي تقفي قدامها .......

-ورد: هه ... واثق بحالك كتير ... يا ريت تتركني بحالي كرمال ما يصير شي تندم عليه بعدين .... وما كتير تحلم ... اذا النتيجة ايجابية يعني ايجابية ... مش لانو الست عليا غنية معناها خلص البنات كلها ح تجي تجرب حظها ......

-غدي: انتي قلتيها ........ رح تكوني بحاجتي كتير بالأيام الجاية .... لانو بدك حدا يدافع عنك لما يبلشو يشككو فيكي ... ويخبرن انو احساسكن غلط ... وانو انتي بالفعل مجرد بنت بسيطة ......

اتجاهلت حكيو .... تركتو ومشيت .... وهوي رجع عالقصر .....

-عليا: ليه رجعت بسرعة ......

-غدي: ما قبلت وصلها .....

-قيس: امي روقي ... ما بدا هالقد .....

#نصف_ساعة_بقلم_نسمات_الليل
Telegram@rwayate
الجزء الرابع:

طلعت ورد بعليا اللي عم تتوسل والدموع بعيونا .... سكوت ورد كان علامة رضا .... هزت براسا عليا ....

-عليا: يلا امشي ... الشوفير ناطرنا برا .....

ضهرو لبرا .... واشرت عليا للشوفير يفتح الباب لورد .... قرب وفتحلا الباب ... ابتسمت ورد جواتا ... وطلعت بالسيارة .... حملت موبايلا .... وكتبت رسالة ...

رسالة ورد "مشي الحال انا رايحة معا عالقصر ... وعينات الدم صارو بالمشفى ... شوف شغلك .. وما دقللي لحتى انا احكيك ..."

حطت التلفون بجيبتا ... وصارت تراقب العالم من الشباك .... وعليا عم تراقب وجها وملامحا .....

___________________________________________

صف غدي مقابيل البناية اللي عم تتجهز فيها عيادة نارين ...... وقبل ما يحمل تلفونو ليخبرا انو وصل ... نزلت .... صار يراقبها بنظرات جديدة ... طلعت بالسيارة .....
Telegram@rwayate
-غدي: اسف عالتأخير ...

-نارين: عادي ... انا خبرتك اني مأخرة بالعيادة ... بس خلصو العمال شغل لليوم بكير ... وبكرا ح يكون اخر يوم انشالله ... واللي بعدو ح اشتغل عالديكور ... والاسبوع الجاي ببدا ...

-غدي: موفقة ....

-نارين: كتير محمسة ....

-غدي: شكلك بتحبي مهنتك كتير ....

-نارين: بحب الولاد اكتر من مهنتي .....

-غدي: لوين بتحبي وصلك ؟ .....

-نارين: خدني ع شي مكان حلو ... اتنشق فيه هوا نظيف .....

-غدي: في مكان بيهبل ... رح يعجبك كتير ....
___________________________________________

وصلو عليا وورد عالقصر ..... لمحت عليا سيارة فهد ...... عقدت حواجبا ونزلت من السيارة ......
Telegram@rwayate
-عليا: يلا فوتي خللي الخادمة تفرجيكي غرفتك .....

-ورد: توقعت انتي تفرجيني عليها ....

-عليا: طيب انتظريني بالصالون ... ٥ دقايق وبلحقك ...

مشيت ورد وهيي عم تراقب عليا والسيارة اللي ع جنب .... ولما وصلت ع باب القصر ... نزل فهد من السيارة .....

-عليا: شو بدك فهد .....

-فهد: اي متى ح تسامحيني ؟! .....

-عليا: لتسامحني بنتي ....

-فهد: لقيتيها .... هيي اللي فاتت ؟! ....

-عليا: ما دخلك ..

-فهد: اختي ما توثقي فورا ... قلتلك شعوري الاكبر بقللي انو صبي ... بعرف انك رح تعصبي ... بس اسمعيني ... متل ما لقيتي البنت ... لاقي الشب ... لو بتسمحيلي فوت معك بالموضوع ونساعد بعض ... انا مش فاهم شي ... غير اللي حكتلي ياه نارين ... انو بالبداية كنتي ناوية تلاقي شب وبنت اتسلمو للميتم في فرق بينن نص ساعة .... بس ولا شي بعدا بعرفو .....

-عليا: هالنص ساعة بين الولدين رح تقتلني ... رح تقتلني فهد ... هالنص ساعة اللي انت ما عرفت حالك اذا حطيت الولد قبل او بعد نص ساعة دمرتنا كلنا ....... لك كيف كان الك قلب ... تروح وما ترجع ....

-فهد: رجعت اختي ... رجعت .... بعد كم سنة رحت سألت عن الولد ... بس ما حدا عطاني معلومة واضحة .... وفليت ... ورجعت بعد كم سنة .... قالولي انو الولد اللي عم تسأل عنو هرب ....
Telegram@rwayate
-عليا: هرررب !!!! .... لا لا .. ما رح تقدر تشتتلي افكاري ... انت لانك سألت عن صبي قالولك عن هاداك اللي قالتلي اسمو ريان انو هرب ... بس لو سائل عن بنت .... كان حكو شي تاني .....

-فهد: اختي شو قالولك عن البنت ....

-عليا: انها انخطفت .... بعمر ال٥ سنين ....

-فهد: اسأليها ... ما رح تعرف اذا ما كانت بنتك ....... معا الطوق ؟ ...

-عليا: لا ... مضيعتو ... هلأ التحاليل بتبين كل شي .... وما رح اسألا شي عن ماضيها ... ما رح كون السبب بتفتيح جروحتا من جديد ... جروحتا اللي انا سببن ..... فل فهد ... بدي روح شوفا ... تأخرت عليها ....

-فهد: ما رح تسامحيني ؟ .....

-عليا: وين عم تنام ؟ ... وشو عم تاكل ؟ ...

-فهد(ابتسم): بالاوتيل .. اكل مطاعم ...

-عليا: روح جيب شنتايتك وارجع عالبيت ....

-فهد: ليكا معي بالسيارة ... سكرت حساب الاوتيل ... كنت عارف ح تقليلي ارجع .....
Telegram@rwayate
ضحكت عليا من قلبا بعد مدة طويلة من الحزن ....

-عليا: بس تكون غلطان ما عاد بشوفك خي اكبر مني الو هيبة ... بتصير طفل صغير ......

-فهد: بحبك اختي ....

قرب ليغمرا .... وبعدت ....

-عليا: قلتلك ارجع عالقصر ... بس ما قلت سامحتك ... تصرفات بنتي معي بتحدد تصرفاتي معك .... ما رح انسى انك حرمتني من بنتي ٣٢ سنة ......

تركتو وفاتت عالقصر ... نادا فهد للسائق وقللو يفوتلو شنتايتو .....

-فهد: طالعا ع غرفتي ......
_________________________________________

-ورد: كيف يعني اخوها ... انت ما خبرتني هيك شي .... شو يعني بدك ياني اتفاجأ بكل شي ليزبط التمثيل ... خلص خلص سكوت ... حاسة في حدا جاي .....

سكرت الخط .... واجت عليا .....

-عليا: بعتذر كتير طولت عليكي ... بس ....

-ورد(قاطعتا): مش مشكلة ... طولتي عليي ٣٢ سنة ما فرقت ع ٥ دقايق ......

-عليا(تنهدت): بنتي انا جد ما كنت عارفة بوجودك ... قالولي انك متي ....