((#فارسي_ذو_الحصان_الأسود))
#بقلمي 📝
#نــواريــة
@rwayate
الفصل 1+2+3+4.... يتبع
الفصل(1)
تجلس على هذا المقعد الخشبي في قارعة الطريق واضعة رأسها بين يديها ... تفكر ماذا تفعل أين ستذهب
نهضت من مكانها وحملت حقيبة الكتف التي يوجد بها بعض متعلقاتها الشخصية وحقيبة صغيرة أخرى مسكتها بيدها توجد بها بعض ملابسها
وبدأت في السير .. تنهدت بحزن عندما نظرت لمحفظتها لا يوجد بها أي قطعة نقدية فقد قضت ليلتين في إحدى الفنادق
سارت عددا من الخطوات تناهى إلى مسامعها أذان العشاء ... بعد مدة جلست على إحدى المقاعد العموميه بعد شعورها بالتعب والجوع
تنظر إلى الفراغ بشرود
يقاطع شرودها صوت رجل كبير في السن
الرجل: يابنتي ردي عليّ
التفتت إليه وقالت : نعم
الرجل: شو بتعملي وحدك يابنتي
هي تقول بحزم: مذايقك بإشي يعني
الرجل بحنية: ماتخافي يابنتي مشانك بحكي ما بصير اتضلك لحالك وبهالليل
هي تقول: ما في حد إلو دعوى فيي
الرجل جلس بجلنبها: شكلو عندك قصة بس ما بدي أعرفها بس إذا بتحبِ أساعدك وتيجي معي حتى ما تضلي لحالك
تقول بتبرم: شو بتستفاد مني
الرجل:عندي بنت كانت بعمرك وما برضاها تكون لحالها بالليل وما في مكان يحويها
تقول له عندما وجدت بعض العبرات في عينيه: ما عندك بنات يا عمي
الرجل: كان عندي بنت بس توفت بحادث سيارة وهي بعمر الست سنين
هي: الله يرحمها
الرجل: كم عمرك يابنتي
هي: 26 سنه
الرجل : ربنا يحفظك كان هي عمرها 25 لو عايشة
هي: شو كان اسمها
الرجل: رحيق وانتِ شو اسمك
هي: نيرمين
الرجل: اه شو قلتِ تيجي معي
نيرمين: وين بدي أروح معك واغلبك اتركني بحالي يا عمي (سكتت)
الرجل: احكيلي ابو سامح
نيرمين: يا عمي ابوسامح ارتكني بهمي الله يخليك
ابوسامح: هسا يا بنتي لو تشوفي قطه جعانه مش بتحطيلها اكل وبتعتني فيها
نيرمين بضحك: هههه عم تشبهني بالقطة يا عمي
ابوسامح يبتسم: اه هيك اضحكي قومي معي
نيرمين: وين
ابوسامح: انا عايش بفيلا عند ناس بشتغل عندهم بعتني بالأرض وبحرس الفيلا وساكن انا ومرتي بملحق عندهم لأنها مرتي كمان بتشغل مع الخدم عندهم
نيرمين: وانا شو بدي اعمل
ابو سامح: المدام ناهد صاحبه البيت كانت طالبه شغاله شو رأيك تشتغلي
وقد لمعت الفكرة برأسها: ماشي موافقة بس وين بدي أعيش
ابوسامح: في العادة الشغلات بشتغلوا لحد العشا وبروحوا نحنا بنسأل المدام ناهد وبنشوف اذا بتقدري تباتي وبتخصم سكنك من اجرتك شو قلتِ
نيرمين: موافقة
ابوسامح: طيب هسا تعالي معي بعرفك ع مرتي وابني سامح وبتقضي الليله عندنا والصباح رباح
____
ام سامح بخفوت: مين هاي يا حاج
ابو سامح: بنت بدها شغل وحبيت أساعدها
ام سامح: وكيف بدك تساعدها
ابوسامح: شغاله
ام سامح باستنكار: هاي شكل وحدة شغالة وتعال هون شو قصتها
ابو سامح: ما بعرف الواحد لما يقدم مساعده مش ضروري يسأل
ام سامح: المهم تكون بنت حلال اهم شي
ابوسامح: المكتوب ببين من عنوانوا وواضح عليها ..شوفي كيف بتتعامل مع ابنك كأنها بنفس سنو
__
سامح: بتعرفي قصه فله والأقزام السبعه
نيرمين: اه بعرفها
سامح: احكيلي اياه
نيرمين: بالأول انت بأي صف
سامح : صف خامس
نيرمين: طيب عليك واجبات
سامح: عندي وظيفة بالرياضيات
نيرمين: حليتها؟
سامح بتبرم: لأ ما عرفت وماما ما بتعرف
نيرمين بلطف: طيب تعال أعلمك عليها
سامح : بتعرفي
نيرمين تبتسم: اه بعرف
______
ناهد:خير يا أبو سامح ومين هاي اللي معك
ابوسامح: كنتِ طالبه يا مدام شغالة فإذا بدك
ناهد : شو اسمك
نيرمين: اسمي نيرمين
ناهد: وكم عمرك
نيرمين: 26 سنه
ناهد: وشو جابرك تشتغلي هالشغل
نيرمين: الواحد ببحث عن لقمة عيش
ناهد: ما معك شهاده
نيرمين بكذب: لأ ما معي
ناهد: طيب بتشتغلي عنا ..خبرتها يا ابوسامح كيف اوقات الشغل
ابوسامح : لو سمحتِ يا مدام إذا يعني بتسمحي تبات عندكم وبتخصموا أجرة الإقامه من راتبها
صمتت تفكر
نيرمين: إذا بدك بشتغل عندكم وبسكن بدون أجرة مش مشكله
ناهد: لأ مش هيك القصه (صمتت قليلا ثم قالت) خلص مش مشكله والراتب بحددوا لما اشوف نشاطك بالشغل وهيك هيك بدي وحده تضلها طول الليل لأنه احيانا منحتاج اشياء
نيرمين: وانا تحت طوعكم
ناهد: بتدخلي ع المطبخ وهي ام سامح بتخبرك شو تعملي وغرفتك جنب المطبخ
نيرمين: حاضر.. وشكرا إلك عن إذنك
____
_بسخريه:مين بتكوني حضرة جنابك
نيرمين باستخفاف: ليش يعني حتى تعرفي ليكون بنت صاحبه البيت ومش عارفه
_: اما إنك قليله أدب
نيرمين بهدوء يعكس مابداخلها: والله كل واحد بحكي عن حالو
ام سامح بتروي: جِنان ونيرمين ممكن تهدوا مالكم لسا ما حكينا يا هادي مش هيك التعارف
جنان: انا ما بشرفني اتعرف على وحدة مثل هاي
نيرمين نظرت له باستخفاف ولم تعلق
ام سامح: طيب يا جنان روحي شوفي شغلك
جنان: رايحه لأنه الجو هين خنيقة (وذهبت)
ام سامح: ما تفكري فيها كثير يابنتي هيك طبيعتها
نيرمين: ما تعتلي هم ما بشغل تفكيري فيها.. بس شو لازم اعمل

((#هل_أنسى؟!))
#نــواريــة
الجزء7+8+9+10+11+12+13 #انتهت
@rwayate
((7))
قدميها ارتجفتا بقوة ولم تستطع تمالك نفسها فسقطت الصينيه من يدها وتبعثر جزء من القهوة على ثياب سيف ووليد
نهض سيف مسرعا وكذلك وليد ولكن نظراتهم كانت موجهة إليها بقوة
جاء سامر سريعا وقال بغضب: شو هالتصرف الغبي يا لين (نظر ناحيتهم) بعتذر عن تصرفها وجزاء الها رح أطردها من شغلها (اعاد النظر إليها وبغضب قال) بتنقلعي من وجهي وما عاد اشوف وجهك
انهمرت دموعها وركضت سريعا والتقطت حقيبتها وذهبت ولم تتفوه بحرف واحد
سامر : ياريت تتقبلوا أسفي وتقبلوا مني ضيافه ع حساب المحل
أمسكه سيف من ياقه قميصه بغضب وعصبيه قال: ما بشرفني أقعد بمحل مثل هاد وخاصة اذا المسؤول واحد بهالأخلاق هاي كيف بدك تحترمنا ومش محترم موظفيك
وليد ممسكا يده: خلص يا سيف
قام سيف بدفع سامر أرضا وخرج بسرعه من المطعم لعله يلحق بها
لحِق به وليد لاهثا
سيف ينظر بجميع الاتجاهات: وين راحت بهالسرعه اختفت
وليد مربتا على كتفه: بكرة بتشوفها بالشركه
سيف بشرود: إن أجت
اثناء قيادتهم السيارة
وليد: ما في داعي أسألك بتحبها او لأ لأنه الجواب واضح بعد الموقف ياريت ما تتأخر بتصريحك
سيف بجمود: يلا انزل
وليد: سلام
_________
وصلت إلى المنزل حمدت ربها كثيرا أن والدتها تغط في النوم ...ذهبت لفراشها وانتحبت كثيرا
لين: انا هبله كيف أسكت عن حقي وكرامتي آآه عن اي كرامه بحكي مهي كرامتي بالأرض سواء من سامر او من سيف (كفكفت دموعها وقالت بشبه قوة) بكرة رح اكون لين ثانية وبدي أبدأ حياة جديدة
قامت توضأت وصلت لربها وخلدت في سبات عميق
_
نداء: يا لين لين لينو مالك يا بنتي نومك مش ثقيل
لين بنوم: اممم شو في يا امي
نداء: لين قومي هسا بتتأخري عن شغلك
لين انتفضت: كم الساعه..ييي اتأخرت
نهضت سريعا متوجهه للحمام عزكم الله ..اما والدتها ضربت كفا بآخر ضاحكه

تحاول جمع أفكارها وهي تجلس في التكسي
لين في سرها: يارب أعطيني القوة يارب
_
وصلت الشركه الساعه الثامنه متعمده ذلك
ما إن دخلت مكتبها حتى وجدته يقف مرتكزا على باب مكتبه وينظر لها بقوة.. ارتجفت أوصالها لا إراديا
ولكنها ادعت القوة
سيف بغموض: الحقيني على المكتب
هزت برأسها وتبعته ومازالت تحمل حقيبتها
جلس على مقعده وقال بجديه: ارتاحي
نظرت له ثم وجهت نظرها إلى حقيبتها التي قامت بفتحها وإخراج ورقه وقامت بالتقدم خطوات منه ووضعتها امامه ثم تراجعت لمكانها
سيف قرأ ما في الورقه ونظر لها باستغراب رفع تلك الورقه ملوحا بها: شو هاي
لين بقوة مصطنعه: استقالتِ
سيف : ليش
لين متكلمه بسرعه: هاد طلبي سواء وافقت او رفضت أنا مُصِرة على الاستقاله... طبعا اكيد إنت بترحب بفكره الاستقاله لأنه ما بشرفك وحده تشتغل عندك بتشتغل بمطعم
أدارت وجهها وسارت باتجاه الباب
سمعت صوته الغاضب: وقفي مكانك
ابتلعت ريقها والتفتت إليه ببطئ وقالت بجديه مصطنعه: نعم
سيف بحدة: يعني بتحكي كلامك وبتطلعي بدون إذن كمان ما دام أنا
لين مقاطعه بحزم: ياريت تسمحلي أمشي قبل ما أسمع اشي يهين كرامتي (قالت بشموخ) اللي رضيتوا قبل مش رح اقبل فيه هسا .. انا بنهي شغلي معك بالمعروف ياريت تنهيه إنت بالمعروف كمان
سيف بهدوء اخذ نفس عميق: رح أنهيه بالمعروف و
لين مقاطعه: طيب شكرا الك عن إذنك
خرجت سريعا ولم تلتفت لصوته الذي قام بندائها
خرجت من بوابه الشركه كأنها عصفور محرر من سجنه ابتسامتها مشرقه لم تتعرض هذه المرة للإهانه اللفظية من ذاك الغاضب
وقفت تنظر حولها بسعادة
سمعت صوت: شو وين رايحه
لين بابتسامه : استاذ وليد
وليد: ما جاوبتي
لين بسعاده : نِلت حريتي عن اذنك وقفت التكسي
ركبت في التكسي .. اما وليد حك رأسه باستغراب ..وصعد باتجاه مكتب سيف
طرق الباب لكنه لم يجب فدخل عنوة فتفاجئ بمظهره فكان يضع رأسه بين يديه منكِسا رأسه وكأن هموم العالم قد وضعت فوق رأسه
قام بمناداته فلم يجب
وليد بصوت عالي: سييييييف
سيف بضيق: شو بدك يا زفت
وليد مقهقها: شو مالك شو في
سيف: فش اشي وانقلع من هين
وليد بجديه: اكيد في اشي ومتعلق بلين..مالها شفتها خارجه من الشركه ومبسوطه
سيف رفع إليه الورقه
وليد باستغراب: ليش مقدمه استقالتها
سيف: هي طلبت
وليد بحده: يعني طلبت تروح توافق إنت غبي اشي
سيف بحده مماثله: ما تحترم نفسك
وليد : وانا بقول ليش خارجه ومبسوطه وبتقول نلت حريتي
سيف أطرق برأسه ولم يتكلم
وليد بأسى على حاله: طيب إنت ما فاتحتها بالموضوع
سيف بجمود: لأ
وليد: ليش حتى تضيع الفرصه من إيدك قوم الحقها واطلبها من أهلها
سيف:
ماذا سيكون رد سيف... هل سيكون كلام وليد دافعا له بأن يفصح عما في داخله

قصة||#الدُّمية||
#نــواريــة
@rwayate
10||
هاني: عقاب شو
غسان: شو نسيت شغلك مبارح
هاني بامتعاض:يعني معروف هاد الاشي لأني مبتدئ
غسان: لا وحياتك لأنك مُتكِل
هاني بضيق: انا متكل
غسان: اه
هشام: لحد الآن مش متعلم الشغل صح
هديل بضحك: اتركوا لسا بيرضع
هشام ضاحكا: معك حق
هاني بضيق: انتوا شو دخلكم
غسان: رح احكي مع المهندسه لين تِشد عليك أكثر
هاني بصدمه: اكثر من هيك حرام عليكم بتعتبرني واحد خبير ولازم اعمل كل اشي
هشام : ولا يا فهيم كيف بدك تتعلم
احلام: حرام يا غسان يعني كمان بشركتك وبتضغط عليه
هشام: ها هي اللي مدلعتك وقفت بصفك
هديل : انا خارجه احسنلي سلام
غسان ضحك: قوم يا ولد يلا نروح
هاني: لأنها امي اجت قمت لأنها رح تقف بصفي
______
لين بأسف: ليش هيك يا هاني
هاني يحك رأسه: هاد اللي صار قلتلك انأجله لليوم ما رديتِ
لين بحزم: تعال اقعد على الكومبيوتر
هاني بترجي: لا دخليك خليها لبكرة
لين بحزم: يلا يا هاني ما بدي عيد كلامي وبدي وقف فوق راسك مثل المعلم بدي اشوف كيف بتشتغل
_
هشام:طيب مبروك
معتز: الله يبارك فيك عقبالك
هشام: يعني اليوم رايحين عندهم
معتز: اه اتصل فينا ابوها وخبرنا
هشام: هسا خطبه صح
معتز: لا شو خطبه ما بدي خطب جواز ع طول
هشام ضاحكا: انت متسربع
__
نهاية الدوام... عند روكبها سيارتها تراه يفق متأففا فتنزل باتجاهه
لين مستغربه: مالك يا هاني وليش لحد الآن مش مروح نزلت قبلي
هاني بضيق: طلع ابوي مروح قبلي وسيارتي مش معي متعطله وفش تكاسي
لين بضحك: هاي المشكله
هاني: وبتضحكي بكل بساطه
لين ماشية: تعال انا بوصلك
هاني : يعني ما بزعجك
التفت له وقالت: تعال اركب يا اخي بكسب فيك أجر
هاني: هههه ما دام هيك هيني جاي
لين: دلني ع الطريق
هاني: اوك
...
هاني: ما تشغلي اشي
لين: ما في عندي اشي
هاني: طيب افتحي الراديو
لين: ما في داعي يلا وصلنا اي فيلا انتو
هاني: امشي شوي كمان......... اه خلص هين
عندما تريد ايقاف سيارتها تجد سيارت مسرعه بالاتجاه المعاكس لسيارتها لولا ابتعادها كان اصطدمت بها
لين هتفت بغضب: واحد غبي
ونزلت حتى تتفقد ما حصل لسيارتها... تبعها هاني ونظر لصاحب السيارة
لين بحده: ما بتعرف تسوق ما تركب سيارات
هاني باستغراب: هشام ليش هيك سايق
هشام باستغراب هو الآخر: هاني
نظرت لين إليهما وانصدمت عندما رأت ذاك الذي يدعى هشام
لين بضيق: كمان ضابط وما بعرف يسوق
هشام بضيق: بعتذر يا آنسه مش قصدي
لين بامتعاض ذاهبه لتركب سيارتها: قصدك ولا مش قصدك صار اللي صار مع السلامه يا هاني
هاني: مع السلامه الله معك
أمسك أخاه وأوقفه امامه
هشام: إنت بتعرف مين هاي وكمان ليش راكب معها
هاني: هاي المهندسه لين اللي بتدربني ووصلتني يخلف عليها لأنه مثل ما بتعرف سيارتي معطله
هشام: هي هيك دايما لابسه اسود باسود
هاني باستغراب: شو عرفك
هشام بجديه: جاوب
هاني: اه
هشام: ليش
هاني: حسب استنتاجي لأنه كل عيلتها متوفيه
هشام: كيف توفوا
هاني: ما سألتها
هشام: وليش بتتعامل معها بحرية
هاني: يا عم إنت بلشت تحقيق هو انا متهم عندك وانا مثل الأجدب بجاوب
هشام بحزم: جاوب عن اللي سألتوا ف الآخر
هاني بضيق: بعاملها كأخت اللي وهي نفس الاشي
هشام: اكيد
هاني : اه اكيد شو مالك ليش بتسأل .. انت جاوبني ليش بتسأل اه يلا جاوب
هشام: يلا ادخل اتأخرنا
هاني : اووووف ع الفاضي اخذت يعني اللي بدك اياه بدون ما اعرف اشي
______
معتز: انا يا عمي ما بدي خطبه وهاي الأمور
ماهر: ولا شو
معتز: جواز ع طول
ماهر: ولأيش هالسرعه لازم تجهزوا حالكم وتتعرفوا على بعض
بلال: يا ابوعمر نحنا جاهزين الفيلا عنا كبيره وفي جناح خاص لمعتز وكل اشي جاهز وبتعرفوا ع بعض وهمي مع بعض
سناء: وخلينا نفرح فيهم لأيش حتى نطول مادام في قبول
ماهر: الرأي بالنهايه لشهد
معتز متحرجا: ممكن اقعد معها
ماهر: مش مشكله قوم يا عمر احكي لأختك
عمر: تعال معي
..
اتفضل هين
معتز: شكرا
عمر : بس خمس دقايق لو عليّ ما بخليك تقعد هو إنت استحليتها بكفي هذيك المرة
معتز بحرج: انا مش قصدي اشي ثاني لا سمح الله ..بس بدي افهمها وجهة نظري
عمر ضاحكا: هههه طيب ليش اتوترت
نظر له باستغراب
ضرب عمر على كتفه بمرح: اهلين بالصهر
معتز يضحك: يعني مشيتها عليّ
عمر: ما فكرت هيك انت ضابط لازم تلقطها ع الطاير
معتز: إنت شاطر بالتمثيل
عمر: اه ههههههه طيب رايح اندهلك اياها

((#فارسي_ذو_الحصان_الأسود))
#نــواريــة
@rwayate
الفصل 5+6+7+8 #انتهت
الفصل(5)
نظرت إليه باستغراب لماذا يقف أمامها يسد الطريق ... ولا ينظر إليها مما أثار حنقها
قالت بضيق : ممكن توسع مشان امرق
نظر لها ببرود: ما تدخلي حد مانعك
نيرمين بانزعاج: كيف بدي أدخل وما شاء الله كل هالحجم اللي واقف كيف بدي أدخل
غيث اقترب منها وبهمس: اللي بفوت لصلصه ع أماكن ما إلو دعوى فيهم بقدر يعدي بكل بساطه
نيرمين بارتباك: شـ شو قصدك
غيث بنفس اللهجة: يعني يا فضولية ما تدخلي ع ممتلكاتي وتخرجي وكأني مش عارف
نيرمين: لأ انا ما
غيث مقاطعا: ما تحاولي تلفي وتدوري بلحكي القطعه البلوريه ماسكتيها ومغيرة اتجاه وضعها وما في حد غيرك عندو فضول يدخل
نظرت له بصدمه إنه متحرِِ كشف أمر دخولها بكل سهولة
نظر لها وشبح ابتسامه تظهر على معالم وجهه بسبب صدمتها وتعابير وجهها
ابتعد من طريقها ولم يتحدث
____
بعد مرور عدد من الأيام
نيرمين تدخل بابتسامتها: جبتلكم عصير فرش مشان تعرفوا تدرسوا
سماح بود: شكرا إلك يا نيرمين ما كان في داعي تغلبي حالك
نيرمين: غلبتكم راحه
نظرت إلى ما تقرأه لارا
نيرمين: هاي روايه
لارا: اه
نيرمين: شو اسمها
لارا: قواعد العشق الأربعون
نيرمين ابتسمت
لارا لاحظت ابتسامتها: ما تفكري مثل حب روميو وجولييت لأ هاي الروايه فيها معاني حلوة بين العبد وربه
نيرمين: اه بس اسمها بغش يعني ...كبيرة والله
سماح: لارا عشقها الروايات بتقرأ روايات أكثر ما بتدرس كتبها
نيرمين: اه هو تخصصها بضل أسهل من تخصصك يعني تجاره غير عن العلاج الطبيعي إنت ربنا يعينك اي اشي بمجال الطب بدو هز كتاف
سماح: اه والله بس هانت ضايل هالسنه وبخلص
نيرمين باسترسال: وفي إلو فرص عمل العلاج الطبيعي لأنه بحتاجوا بالمستشفيات بكل الأقسام حتى قسم الحمل والولاده بحتاجوا للمرة قبل ما تولد وحتى اللي ببتروا أطرافهم بدهم علاج اشياء غريبه الواحد ما كان يتصور هيك
سماح باستغراب: كيف بتعرفي هاي الأمور
نيرمين بطلاقة: من يحـ(وسكتت)
نيرمين في سرها: شو هبله دايما بالعه راديو بحلقي
نيرمين تحاول ان تكون طبيعيه : عرفت هاي الأمور من وحده كنت بعرفها وكانت تدرس هاد التخصص
سماح بشك: ايوا
نيرمين: يلا عن إذنكم رايحه اشوف شغلي
سماح أغلقت كتابها: لأ ما تخرجي بحب احكي معك واكيد مافي هالشغل يعني تعالي نقعد عالبرنده
نيرمين: ماشي .... لارا مابدك تقعدي معنا
لارا: لأ بدي كمل قراءة
....
سماح: تعرفي يا نيرمين انه لحد الآن ما بعرف عنك اشي غير اسمك وعمرك
نيرمين: شو بدك تعرفي ما فيها اشي ... (مغيرة للموضوع) تعرفي شو بحسك عقلانيه كثير وعندك تفهم للأمور بشكل كبير
سماح فهمت تغيرها للموضوع: اه الكل بحكيلي هيك لارا وأوس بشبهوا بعض بالشخصيه والطباع. اما انا وغيث مثل بعض أما رؤوف هيك شخصيه غير عن الكل شخص هادي ورايق حالو ببالو ببعد عن المشاكل سفر سنة وهيو سافر مع سلسبيل ع امريكا مشان تولد اهم اشي راحتوا بشتريها مشترى مزبط وضعوا بدو هسا نص سنه حتى يرجع... بس بضل غير عن غيث حنون بشكل كبير فوق ما تتصوري بالرغم انه سافر بش كل يوم بحكي معنا وبتطمن ع احوالنا ما بنكر انه غيث منيح بس لسا لأنو يمكن مش واخذين عليه كثير.. بس من احنا وصغار بقولوا انا بشبه غيث
نيرمين : اخوكِ غيث لأ ما اظن إنك بتشبهوا بعض
سماح ابتسمت: لأ بنشبه بس لأنك ما تعاملتي معاه (اتسعت ابتسامتها) سبحان الله جبنا سيرة القط إجى ينط ... هيو غيث راكب ع حصانه
نيرمين نظرت له بسرحان : يا الله ما احلى روكب الحصان
سماح بمكر: وخاصة إذا كان اللي راكبه اخي غيث
نيرمين بسرحان: آه
سماح بمعنى: عمرك حبيتي يا نيرمين
نيرمين بضحك: لو أحكيلك ما بتصدقي
سماح : هههه احكي
نيرمين : قبل ما أحكي شكلك إنت ما حبيته لأني بحسك جدية وبتوزني الأمور قبل اي اشي بتعمليه
سماح بشرود: معك حق نفسي بواحد من أول ما أشوفوا أنجذب إلو عرفتِ كيف
نيرمين بضحك: يعني إنت أقطع مني
سماح: كيف
نيرمين تنهدت: بس ما تضحكي.. قبل كم سنة كنت ماشيه بالسوق ههه بتعرفي من كثر حبي للأحصنه شفت واحد راكب حصان إلو هيبة وغير هيك... في كان شب بعاكس ببنت راحلوا وعِملوا اللازم من وقتها وهو شاددني
سماح : كيف شكلوا
نيرمين : هههههه تصدقي بالله
سماح: ونعم بالله شو
نيرمين: ما شفت وجهوا
سماح تضحك بقوة: ههههههه كل هاد وبعدين ما كنتِ شايفة وجهوا عنجد إنك رهيبة
نيرمين: ههههه هاد هو اللي حبيته بجد بتخيلوا فارس أحلامي لما ساعد البنت بتخيلوا هيك يجي يساعدني
سماح بتفكير: شو لون حصانوا
نيرمين: اسود
سماح: تخيلي يكون اخي غيث هو الفارس اللي بتحكي عنه
نيرمين في سرها: انا شاكة والله إنه هو بس بلا هبل وما تفصحي شو بداخلك اكثر من هيك
نيرمين: ههههه لأ ما أظن إنتو بتحكوا كان مسافر وغير هيك اكيد ما رح يمر بسوق بحصانوا
سماح : يمكن
_____
بعد مرور عدد من الأيام
ماريا: شو صار معك يا هاجر
هاجر: كلو تمام بس (وسكتت)
ماريا: بس شو
هاجر: هاد اللي اسمه أشرف