#وأدمى_دمع_الورد_دمعا_بقلم_كنانة_غميان

عن قصة واقعية

الحلقة التاسعة
Telegram: @rwayate
فوزية : الو ...أهلين ستي ...منيحة تمام ....كيفك انتي ......شو ؟؟؟ عزيمة شو يا ستي ...مابدنا عذابك .....طيب ماشي ....لا ما بتأخر ....يلا باي ...
أدهم : خير فوفو ...شو بدها ستك
قال عاملة عزيمة غداء عندهت ....وجامعة من عيلتنا وهيلتك عندها ...يعني ...سهرة نسوان كمان ...بتسمحلي روح
اي يا قلبي ......بسمحلك تاخدي عيوني كمان معك
يخليلي عيونك يا قلبي ......شبك أدهم ..فيك شي ؟؟؟
راسي عم يجعني شوي .....
خير ...سلامتك
لوين رايحة
جبلك عصير ليمون وحبة وجع راس ......
تقبريني يا فوفو
بعيد الشر ......يلا رايحة جبلك الدوا .......
Telegram: @rwayate
وبيوم العزيمة ....الست أم صالح ماخلت شي ما عملتو كرمال بنت ابنها فوزية .....من أكل وشرب وحلو وحامض ....وصبايا العيلتين حاضرين .....وأمهاتهم طبعا .....والرقص اشتغل بعد الأكل ....وعلى بسط وضحك .....فوزية يومها طالعة متل الحورية ....بأناقتها ولبسها ....حتى بغنجها ورقصها .....والعيون عليها عشرة عشرة ......لدرجة كانت رح تتفركش أكتر من مرة .....ولما قعدو بلشو الصبايا يحكوا معها عن أيامها وشهر العسل ....وهي من فرحتها تحكي كل شي تقريبا ....خاصة عن دلال أدهم إلها .....بس الكل يحكيلها : اييييه نياااالك يا فوزية على هالعريس
كيف هيك جبتيه صوبك ...والله هو أحلى منك وبيجنن ...ههههههههه عطينا الوصفة
وبالهمس (يمكن تكون ساحرتو)(أكيد لعبانة بعقلو أو صاير شي بيناتهم جتى هيك تجوزها ....مبين غصب الشغلة كللو ضحك علينا)
الكلمات عم تطلع بالتهامس بس أحيانا اطق بأدان فوزية طق ....ويحترق قلبها من اللي عم تسمعو ...وليش لهل الدرجة الناس حاسدينها ......
وبعد ما خلصت الحفلة ....أجى أدهم وأخدها ع البيت لفوزية ...حس عليها مقروقة ...
وبالبيت :
فوزية
نعم أدهم
شبكي ...مو ع بعضك حبي
لا ولا شي ......تعبانة بس ....
ابتسم أدهم ووقفها لفوزية : غمضي عيونك فوزية
وهي غمضت .....
مد أيدو وحطلها خاتم بأصبعتها ......فتحت عينها فوزية: يا عيني يا أدهم ...شو هالحلى هاد ....خاتم ألماس مرة وحدة ؟؟؟؟
هي اقل شي ممكن قدملك ياه حبيبتي
يخليلي ياك يا أحلى ألماس بحياتي ....عنجد أنا عاجزة عن الحكي .....مو غالي هاد عليك
مابيغلا عليكي يا حياتي .....(حط أيدو ع تمو ع غفلة ورح يوقع )
صرخت فوزية : أدهم ...أدهممممم شبك ...شو صرلك .....
(بوووووووع ...بووووووع)
فوزية انفلجت : دم ؟؟؟؟ عم تستفرغ دم أدهم ...يبعتلي حمة ...لك شو في ؟؟؟؟ .....تعال ...تعال لآخدك ع الحمام ...قوم حبيبي ...قوم (تبكي )

جابتلو الدكتور ...وطببوا
فوزية : طمني دكتور كرمال الله ...شبو أدهم
مافي شي خطير يا مدام ...شوية إرهاق بس .....هي شوية مهدئات ومقويات ...ديري بالك عليه ....و.ما ع قلبو شر يا مدام .....عن أذنك
Telegram: @rwayate
طلع الدكتور من البيت ...وفوزية تعتني بأدهم اللي مستقوي بحالو وصار منيح كتير بعد كم يوم .......

مرر أسبوع ....وأدهم ما يفارقو وجع الراس إلا بحبة .......

وبوقت الغدا ...اتصلت فوزية بأدهم : ألو أدهم .....كيفك ...مشتقتلك .....طمني عنك ...اي منيح ...ليك ...بدي ياك تجبلي معك كنافة ...ماشي .....مممم ولا شي عااانة ع بالي .....اي لا تتأخر ....يلا باي عم استناك

ولما فات ع البيت أدهم ومعو الكنافة ...ركضت ساحبة من أديه الغراض ....وضغري بدون ما تحس ..فتحت كيس الكنافة ونزلت هرش فيه ..: مممممم يا سلام يا هيك كنافة يا بلااااا
ههههه صحتين يا عمري ...بس مافي بالعادةة تاكلي الكنافة هيك .....شو قصتك .....
فوزية تضحك : حزير لقلك ....يلا
صفن أددهم : شو ؟؟؟؟
فوزية : أنا حامل يا عمري ...
بكل فرح : شو ؟؟؟ عنجد ..يعني ..
يعني يا حبيبي رح تصير أب
هههههههه هي أحلى خبر سمعتو اليوم ....سمعي ...من اليوم ما بتمدي أيدك ع شي أسمو شغل البيت .....
شو ؟؟؟
متل ما سمعتي ...بتقعدي وبس ....رح جبلك وحدة تساعدك بالبيت
بس ما بدي أنا حدا ببيتي .....بتعرفني بغار ....ومابدي حدا يفوت ع بيتي ويكون غريب
خلص لكن حليتها
شو ؟؟
رح أشتغل أنا بالبيت
هههههه ورح لبسك مريولة بأيدي ....
هههه اي تعي لقلك تعي ....
شو بدك تعمل
بدي طعميكي بأديي هدول ...يلا فتحي تمك لشوف .....ممممم ريتو عوووافي وهنااااا
Telegram: @rwayate
ومرر شهر ع حبل فوزية .....خرب فيها كم غرض بالبيت ....بسبب الكهربا اللي رايحة جاية .....وبهل الوقت صار لازم تعمل فحص فوزية عند الطبيب ...وهنيك ....كانت نظراتو غريبة عجيبة قدام أدهم ....: خير دكتور طمني كيف صحة البيبي ...ومدامتي

الطبيب مصفر مو عرفان شو بدو يحكي :سيد أدهم ....بتمنى تمسك أعصابك ع اللي بدي قللك ياه
خير دكتور ...شو في ؟؟؟ خوفتني
الصراحة ....الجنين وضعوا ما بيطمن ....
ليش ...شو في ؟؟؟
ما بيقدر أكدلك بالضبط ...شاكك يكون مع مدامتك جرثومة
جرثومة ؟؟؟
اي ...وممكن تنتقل للجنين بالعدوى ....لهيك بدي أتأكد ...وتعملي هالتحل

فوزيةالفرحة مو وسعانتها وأدهم ...رح يطير عقلو إلا شوي : ألف مبروك يا فوفو .....هيك لكن طلعتي حامل بصبي .....ولسعتك عم تقليلي مابعرف ....أي كلل وحامك كان الحلو والحامض
Telegram: @rwayate
فوزية : ههههههه شو بيعرفني بشو بدي أحبل .....ولا شو بدي أتوحم ...هاد ابنك بدو يجنني متل أبوه ....صحي
شبكي ؟؟
البيت قايم قاعد ....وبدي أشتغل فيه
بتعرفي فوزية ...إذا اشتغلتي شي بالبيت ....ما شفتي شي من جناني لسى ها ...ما بتمدي أيدك ع شي ...اليوم رح آخدك ونتعشى برا
والبيت
عمرينو ....عندي راحتك وراحة أحمد بالدنيا كلها
فوزية 😳: لحقت تسميه .....يا أبو أحمد
أحمممم اي نعم ....يلا أم حميد ....عجلي وغيري تيابك ...
بس هلأ مو وقت عشا
بدي أتمشى معك بالشام القديمة .....تروحي ولا تعبانة
لا مالي تعبانة ...معك بيحلى المشوار يا قلبي
هههههع يلا يلا لكن بسرعة ..
حاضر ثواني وبكون جاهزة .......

قضت فوزية مع أدهم أحلى أيامها كأنها بشهر العسل .....وهاليوم كان مميز كتير بالنسبة إلها .....ورجعوا ع البيت ولا أحلى من هيك ......زيزون وزيزونة ......

وتاني يوم الصبح بينما فوزية عم تشتغل بالبيت تلم سفرة الفطور ...بعد ما طلع أدهم بعشر دقايق ...
.وقعت من أيدها فنجان أدهم تبع النسكافيه .....وصار مية شقفة وهي هب قلبها : يالطيف ....بسم الله الرحمن الرحيم .....ليش هيك صار مع إني ماسكتو منيح ؟؟ وليش قلبي حاسستو رح يوقف بمحلو ...خير اللهم اجعلو خير ياربي ........

بعد ١٠ دقايق ...رن جوال فوزية : يقبرني هاد أدهم ......ألو .....😳شووووووووووووو.....

يتبع.....

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة العاشرة
Telegram: @rwayate
شو عم تقول .....لأ لأ ......
فوزية سلتت السماعة من أيدها مو وعيانة ع الشي اللي سمعتو وتحكي حالها : لأ مستحيل ....مستحيل يكون هالشي صحيح ....(وإذ اندق الباب....لتفتح وتطلع حماتها قدامها معجوقة والدمع بعينها ....: فوزية ...بسرعة لبسي ....أدهم بالمشفى ...
فوزية : لك شو صار ...فهموني شو صار .
الحماية : صار معو سكتة قلبية .....
شو يعني ...لك كيف وشلون
الحماية : قال وهو عم يمشي ع غفلة وجعو راسو وطب ع الأرض ...فركضوا فيه ع المشفى ...وهنيك هلأ عم يعملولوا ضربات كهربا ......بإذن الله مافي شي ...يلا بسرعة تعي معي
Telegram: @rwayate
ومتل المجانين مو مصدقة اللي صاير فيها فوزية ....وصارت بالمشفى هنيك ...وعيون الناس اللي بتعرفها كلها عم تبكي....
فوزية : شو صار ...شو ...وين أدهم ...كيف صار طمنوني من شان الله يا عمي احكيلي طمنوا قلبي
الكل ساكت ماحدا عم يجاوب ...ولما شافت الدكتور ركضت لعندو تستفهم ...والفوران اللي بقلبها رح ينفجر: دكتور ....دكتور ....بترجاك كيف أدهم
مين حضرتك
أنا مدامتو ...بترجاك طمني عنو (للحظ الدكتور من عيون الناس الموجود ....أنو ماحدا خبرها...شكل المهمة انتركت للدكتور)
الدكتور : اهدي شوي يا مدام لسى بيقلي أعدى بترجاك أحكي .....طمني ابوس أيدك ....
الدكتور ملبك شوي : الصراحة ...هنن جابوه وقلبو كان واقف ...حاولنا كتير بس ما مشي الحال
شو يعني
الله يعوضكم يامدام ....صار عند الرفيق الأعلى ....الله يرحمو
فوزية سمعت الخبر ...وغوطنت بأرضها(يارب إذا كان كابوس خليني فيق منو ياربي )صحيت فوزية مخربطة ع صوت بنت حماها هند : فوزية ....فوزية ......أنتي منيحة .
صحيت فوزية ...لتلاقي حالها بغرفتها بالبيت ....والسواد لاحف الكل ....كلل اللي حولبها بالسواد ....والبكاء المغصوص طالع من جوات القلب بين قرايب أدهم
هند ضمتها بقوة لفوزية وتبكي هي وياها ....
فوزية : لا تقوليها يا همد ...قوليلي هاد منام بترجاكي
هند : متمنية متلك يكون هالحكي منام ...متلك ماعم صدق اللي صار بأخي أدهم ...يعليي لو تشوفيه كيف مصفرن .....
فوزية : ليش .... وين أدهم .....؟؟؟ بدي شوفوا ...
جابوه حطوه بالحمام ...حتى يجوا ويغسلوه ....لوسن رايحة فوزية ...فوزية
تركيني .....تركيني بدي شوفوا ...مت بيحقلي قبل ما يكفنوه .....يبعتلي حمه عليه وع االي صار فيه ....
الحماية لهند : تركيها يا هند تفوت لعند ...يعلى آمتي ع اللي صار فيني وفيها ....والله شي ما بيتصدق ......

دخلت فوزية لجوات الحمام ...وشافتو .....وطق عقلها تلمحوا بهل البيضا اللي وشح ع صفار ع وجهه ...قربت على مهلها وتنادي : أدهم .....أدهم .....قوم الله يوفقك ...الله يخليلي ياك قوم ...لاتموت وتتركني ...لا تموت ...وتتركني للحياة القاسية اللي برا ....أنت وين متت وتركتني للوحش اللي برا ....بدها تاكلني بعد مماتك ...لمين تاركني أنا وأحمد ابنك .....اليوم كنا عم نفطر سوا ....ماعم صدق أنك ميت ....قوووووم (صرخت)قووووم ....لاتموت ....خود من عمري ولا تتركتي ...لا ترجعني متل ماكنت ....كنت ميتة قبلك ....وعشت بحبك ...هلأ بدك تتركني بعد ما عودتني عليك ؟؟؟ ....مابعرف شو بدهم يعملو فيني بعد ما متت .....بترجاك قوم ..قللي أنك عم تمزح ...قللي أنك عايش ....لك أح

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الحادية عشر الثانية عشر والثالثة عشر والرابعة عشر

وبعد يومين أجى طاهر لعند فوزية : شو فوزية ....قال مابدك ؟؟؟
أخي ...كيف عم تدورولي على عريس وأنا حامل .....وعدتي ما بتخلص لخلص كل حبلي ....ولأولد كمان.....
رفيقي مابدو غير موافقتك .....
يعني ...رح يستنى؟؟
اي يا ستي ...هو مستعد يستناكي طول العمر كمان
اوف ....مين هالشخص بقى ....
طاهر : هو أكبر مني بشوي ....ورفيقي بالشغل ...وغير هيك هو معنا كان بالحارة ....
طب مين هو ؟؟؟
شاهين ...
فوزية :شاهين ؟؟؟
لك اي ...عرفتيه
عرفتو ...بس هاد من فترة كان على حد علمي خاطب
صح ...بس لما دري بللي صار معك ...ضغري فسخ ...
شو هالحكي
متل ماعم قللك ....حتى كن بدو يتقدملك قبل أدهم ....بس كان نصيبك على أدهم سابق ......شو وين صرتي
فوزية : عم فكر .....
مابدها تفكير كتير ....الزلمة بدو ياكي ...وشكلو بحبك من زمان ...وعم يستنى فرصة ...ولما صارتلو ....ما تردد أبدا ...ركض لعندي وطلبك ...وفسخ خطبتو ...شو بدك أحسن من هيك ؟؟؟!
فوزية : طيب ...تركني فكر كمان
فكري على مهلك ......
أم صالح هم تتسمع من الباب : شو تفكر ما تفكر ....خلص قللو موافقين ...
فوزية : شو عم تقولي يا ستي ....
جميلة وراها : سمعي مني يا فوزية مارح يصحلك أحسن مم هالشب ....خاصة عزابي ...لا قبلك ولا بعدك ....
إم صالح : وبحبك حسب ما سمعت هلأ
بس أنا ما بحبو ....ماحللي أعرف شي عنو
جميلة : شو هالحكي هاد يابنتي .....هالشب رايدك وخلصما مابدها كتير الشغلة ..... استني لتلدي ...وعيشي معو وبعدين بتعرفي شو يعني حب وما حب ....
أم صالح : شو هالجيل ...حب وقرف .....أصلا الحب كا بيجي غير بعد المعشر ....وابوكي عطى كلمتو
طاهر : ستي ...لأ ....ليش هيك عم تحكي
شو لإيمتى رح تخبي ع اختك ...خلص قلها الحقيقة
أي حقيقة ؟؟؟ فهموني
طاهر تلبك : يعني ...
فوزية : شو ؟؟؟ خلص ...بدكم تخلصو مني ...ماعاد إلي حكي ولا كلمة حتى بشي مصيري وحتمي .....حاج تتحكم طوا بحياتي أنا تعبت
أم صالح : جوزك مات وفهمنا ...هلأ نحنا أدرى بمصلحتك ....وبعدين شو بدك أحسن من هيك ...شب بطول بعرض ....ومن حظك لقيتي مين يطلع فيكي بعد ما صرتي أرملة ....

فوزية ما عجبها الحكي ...قامت وانتترت طالعة ع غرفتها تبكي ...وتبكي ..لدرجة غرقت المخدة بالمي

وبعد شهر من التفكير ...

فوزية دخلت على طاهر بغرفتو : أنا موافقة يا طاهر ....بس عندي شرط ما بستغني عنو
شو هو أختي ؟!
ابني أحمد ...بس ليجي على هالدنيا ...بدي ياه على طول جنبي ..ومعي حتى بعد ما أتجوز ....
طاهر : ماشي ....وشاهين موافق على هالشي
معقول ؟؟؟ ماحللك تحكيلو ...هلأ لسى حاكيتك
هو قللي أنو موافق على كلل شروط ..وشو مانكانت .....منيح هيك ..
فوزية : ماشي الحال .....
لوين رايحة
بدي روح نام ...حاسة حالي دايخة شوي
سلامتك ...تعالي هاتي أيدك لساعدك ....

وبغرفتها لفوزية ...تحكي مع حالها: قال شو انفتحتلي طاقة القدر وهالفرصه مارح تتعوض واللي تقدملي هلئ مارح يتكررر ...وهي وافقت وقلبي ناار وشاعله.....لك مافيني أتخيل حياتي في بديل لأدهم .....كيف هيك بظهم يعملو فيني ...لهل الدرجة أنا عللة بحياة أهلي 😭

ومررت الأيام على فوزية ....تنام بالليل وبنهار ...مابدها تشوف حدا ....

فوزية مع جميلة : هي صارلي فوق التسع شهور ؟؟؟ ورح يمر العاشر وماعم حس بأي شي ...لا وجع ولا طلق متل ما كانو يحكوا ؟؟؟ شو لازم أعمل
جميلة: لازم روح وأسأل الشيخ ....لشوف شو بدو يقول فيكي ؟؟؟

استشارت جميلة شيخ منشان وضع فوزية وقال بجوز تاخدوها لدكتور ليشوف وضعها

فعلا أخدوها لفوزية لعند الدكتورة اللي وجهها ما عم يتفسر :
جميلة: طمنينا يا دكتورة شو وضعها لفوزية ؟؟ والجنين

الدكتورة : ما بخبي عليكم يا جماعة الوضع تعبان شوي ....والرحم من الزعل ما عم يستجيب ...مافي طلق أبدا ....لهيك رح أحيلك ع المشفى فورا...حتى أعملك عملية قيصرية .......
فوزية : بس أنا ما بدي قيصرية ...بدي أولد طبيعي ....
الدكتورة : بودي أعملك طبيعي ...بس للأسف صار في خطر عليكي وع الجنين....تفضلي هي الورقة .....وأنا بعد ساعة أو تنين بالكتير بلحقكم ع المشفى.....

وبالمشفى .....

يتبع...

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الثانية عشرة

بس الأسبوع ركض .....ومو بكيفها تمت الخطبه ويومها وجهها ماعم يتفسر حتى الكل حس انها مو رايده هالخطبه وخصوصي شاهين ...لما شافها عقلو طار فيها ...خاصة أنو بعد كل شي صارت إلو أخيرا .....قرب و تجرأ حاطط ايدو ع كتفها ...بس بهل الحطة كأنو نصعقت بكهربا فوزية اللي مبينة بعالم تاني صرخت مفزوعة
.....ثواني تندار حوليها لتعرف هي وين ...فنتبهت ع حالها شو عملت وتداركت الامور بوجه شاهين اللي ماعرف شو صار
بإبتسامة من فوزية تحاول تتجنب المشاكل : ههه مافي شي يا جماعة شد شعري بلغلط
شاهين : عفوا ما انتبهت حبيبتي
أحممم ولا يهمك ....
جميلة قربت : تفضلوا شربوا العصير ...ريتو ألف مبروك يا عروس ....

ومررت أيام الخطبة كتير بطيئة ...تحس الساعة تمر عليها عشر سنين و مجتمعنا اللي مابيرحم حكوا حكي ما بينقال ... حرقو قلب فوزية ...وهي عم تقضي الليالي ماتنام وتفكر...وبعد أسبوع من الخطبة ..بهل الليل تحاكي حالها:(( شو بدو يصير بابني وفيني ....ولا شاهين مبين خايف طير من ايدو او غير رئيي فيه وطبعا الكل أيدوه انو ينكتب كتابي...وأنا ماقدرت لا وافق ولا رد حاسة كأني لعبة عم يتحكموا فيها وهي صار متل مابدهم .....ولما طلعت من المحكمة وانكتب كتابي ومحروق قلبي (تبكي وتتنشوق ) يارب يسامحني بقبرو أدهم ...بترجاك تسامحني ... ماكان بدي بس ظروفي جبرتني على هالشي ..اللي لا ع البال ولا ع الخاطر ...)))

وتاني يوم من كتب الكتاب ....اجاها لفوزية تلفون من المشفى ....من الدكتور اللي مستلم ابنها أحمد: ألو .....أهلين دكتور .....أجي لعندك ؟؟؟ خير في شي ....طيب يلل مسافة الطريق بكون عندك ....
جميلة: لوين رايحة ؟؟
فوزية : ع المشفى
ولحالك بدك تروحي ...شو نسيتي أنك انخطبتي
شو يعني
يعني ما بتطلعي من البيت بدون شاهين سمعتي شو عم قول
فوزية : حاضر ....رح اتصل فيه ...حتى نروح سوا ارتحتي هيك (دخلت غرفتها متدايقة ...وحاكت شاهين اللي ما تنر كلمتها وركض لعندها ...وراحوا سوا ع المشفى .....وهنيك بالمشفى ....

يتبع.....

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الثالثة عشرة

وبالمشفى ...
فوزية دخلت معجوقة لعند الدكتور : خير دكتور ...طمني ...صرلوا شي ابني أحمد
الدكتور: اللي بدي قللك ياه ...ألف مبروك يا مدام ...ابنك صحي بطريقة مابقدر اوصفها غير بالمعجزة ...بعد ما كان نايم متل الأموات صحي فجئة ...
فوزية بعيونها الدهشة مبسوطة : ربي يطمنك بالخير يا دكتور ...عنجد
اي عنجد ...ومبين إلو عمر حتى يعيشو ....بس كنت فاقد الأمل منو ...لأن نسبة احتمالية وفاتو ٩٩% بس سبحان الله ...ربك أكرمك فيه ...ورجعلك يا مدام ...ألف مبروك
يعني فيني آخدو
أي فيكي تاخديه وتعملي فيه متل أي ولد طبيعي أموروا مستقرة الحمدلله ...كنت بدي خبرك مبارح ...بس حبيت أتأكد من كل نشاطات جسموا الوظيفية .....وهلأ عن أذنكم
فوزية مبسوطة ماعم تصدق اللي سمعتو ...
شاهين : مبروك يا حبيبتي
نأزت شوي فوزية ....خاصة لما شافتو بوجهها : أحم الله يبارك فيك .....
شاهين : بهل المناسبة السعيدة ...بدي آخدك ع أي محل بدك ياه
فوزية : شكرا شاهين ...بس أنا تعبانة كتير ...وبدي روق ع ابني شوي ...بتعرف اليوم أول مرة رح كون معو كأم وابنها ...معلش تأجلها لغير يوم
غص شاهين بس بلعها : أي مو مشكلة ...يلا خيرها بغيرها ....
فوزية من بعيد نادتلها الممرضة حتى تاخد ابنها ......فأخدتو وضمتو وشمتو بكل طاقتها ....دموع الفرح امتزجت مع دموع الألم ....وهي تحاكي حالها (الله يرحمك يا أدهم ....شو بيشبهك أحمد .....كيف هيك بيصير فيني ...كيف بدي ربي أبنك مع الأيام اللي جاية ....رح يطق قلبي يا ربي تساعدني ...والله تعبت )

رجعت هالمرة ع بيتها فوزية مع ابنها ....وشاهين طلع معها ع البيت ...حس حالو كأنو ع الهامش ...لهيك ماطول بالقعدة ...وراح ع بيتو ...وعلى غير العادة فات ع البيت ...مبسوط ...وبنفس الوقت متدايق ...فشافتو أمو كيف هيك متهجم ....بس ماحكت شي ..وتركتو ...

شاهين كلما بيتصل بفوزية ...تأجل جيتو لعندها ...وتحط ابنها حجة ....حتى يوم من الأيام .دق شاهين عليها الباب وبأيدو بوكيه ورد ....ف فتحتلو أم صالح متفاجأة فيه ..؟؟؟
أم صالح : في شي يا ابني
لا يا خالة ..آسف لأني أجيت بلا موعد ..بس حبيت أجي وشوف فوزية ..هي هون
أم صالح : أي هون ....تفضل ع الصالون ....
شكرا ...يا الله يا الله

دخل ع الصالون ..والمنظر مفاجأ لفوزية ؟؟! : لك شو جاية يعمل هاد هون ..وبهل الوقت ...هففف
وإذ فاتت عليها مرت أبوها : خطيبك أجى ..تعالي شوفي شو بدو منك ....يلا عحلي تجهزي وظبطي حالك
فوزية : قوليلو تعبانة ...ضعفانة ...مالي قدرانة فوت لعندو
شو على كيفك ....تحركي بسرعة طلعي ...وحركات هالبنات عمليها عليه مو عليي ....يلا (طلعت وسكرت الباب وراها)

تجهزت غصب عنها وفاتت لعندو ...صح معو باقة ورد ...وبسمتو لأدانو ..بس كان جواتها تعب كبير ...تحسو شيطان ماتقدر تستوعب أنو هاد خطيبها .... شاهين يتهاضم قدامها ...وهي تحسوا عم ينرفزها بزيادة ...كلما تحط عينها فيه ..تكرهوا ....أو يمكن تحقد على كل شي حوليها لك اذا حكى ماتطيقو...و اذا ضحك تقرف من ضحكتو...حتى لما يحاول ويقرب ليمسك أيدها تحس نمل جسمها... مع انو شاهين شب مو ناقص شي ...وسيم وخلوق ومأدب بس اللي جوات فوزية ...كل هاد لأدهم ....زةجها الأول ...حبها الأول والأخير ...حاولت تبلع كل شي من شاهين ...ومن أهلها ....يعني بالعة الموس ع الحدين .....بكل الأحوال ......رح يصير العرس ...وتحدد بعد شهرين بالضبط .... .

وبيوم العرس
أحمد ابنها الصغير عم يبكي ويبكي ....وهي طالعة من البيت ...والناس عم تبارك ....ودموع الحرق تحرقها من جوا لجوا .....انهارت أعصابها لا قدرانة تمسكوا ...ولا قدرانة تحملوا ...والكل ملتهي بالعرس ....بين لبس ومكياج وضحك قدامي ....تحس في شي عم يطققها بزيادة ...كأنو كل شي لجكر وحدة بوحدة ...عيونها ع ابنها عم تنكتب كأنها دم بالورق ... رجعت تتذكر هداك اليوم ...يوم اللي صار عرسها على أدهم ...وكيف كانت ليلة ولا أختها ...وتجي تقارن....مافي مجال للمقارنة ...وبكل فقرة من ذاكرتها تهر من عينها دمعة ....فخرب مكياجها وجهها انقلب بسمومية ....حتى قررت تلغي العرس ...وهلأ نكاية بالكل ....بس طيبة قلبها ما خلتها تعمل هالحركة ...وقررت تمضي هالعرس ع خير ومابدها تشمت الناس فيها ....ومرر العرس وصارت فوزية ببيت جوزها شاهين ...

وتاني يوم الصبح ....يوم صبحية العرس ....

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الرابعة عشر

وصباحية العرس ....تحس بصريخ فوق راسها وأدين عم تهزها بقوة : فوزيييييية ......فوزيييية
صحيت نأزانة : شو في شاهين ؟؟؟ خوفتني
معقولة لهلأ نايمة ...قلت لحالي بتعمليلي فطور قبل ما روح
لوين بدك تروح ؟؟
جيب غراض لأمي ....بدها ياهم ضروري ....
وأنا شو المطلوب مني ...مافهمت عليك
قومي وكويلي قميصي ....مجعلك ومعلوك علك ......بشو عم تصفني ...تحركي بسرعة ....
فوزية : حاضر يلا قايمة .....
شاهين مسك أيدها : ما تزعلي مني ها
فوزية بلعتها : لأ ....هات القميص لأكويلك ياه ...قبل ما تتأخر

نطت فوزية عم تكوي هالقميص ....متل ماعم تكوي نار الحب القديم اللي فيها .....تدمع عيونها للقميص كأنها عم ترشو بالمي ليفرد الجعلكة اللي فيه ولا شعوريا تسترجعت ذاكرتها لهداك اليوم ....يوم صباحية عرسها مع أدهم ... ورد وقهوة وكلام عسل ...ولحتى اليوم اللي مات فيه ما عطاها صيغت الأمر لأي شي....

وبعد ما أخد قميصو شاهين : يسلم دياتك فوزية ....
فوزية هززت براسها ...
شاهين قبل ما يطلع : تذكرت ....فوزية ...نحنا اليوم معزومين عند بيت أهلي ع الغدا .....فجهزيلي حالك ....
يعني رح تتأخر ؟؟
لا لا ....بس بتعرفي فتلة الغراض وهيك .....بدك شي جبلك ياه معي
فوزية : لا ...سلامتك ...
لكن عن أذنك ....

قامت فوزية بكل قهر تشتغل بهل البيت .....وتضب وتقيم وتحط تفش قلبها ...بس ما قدرت ما تتصل تلفون ببيت أهلها تطمن ع ابنها أحمد ....فسمعت صوتوا من بعيد عم يبكي ...فزادت حسرتها بزيادة بقلبها .....وهي متفقة مع شاهين تجيبو بعد أسبوع من العرس ع البيت ..وهو ما عندو مشكلة بهل الخصوص ...

#وأدمى_دمع_الورد_دمعا_بقلم_كنانة_غميان

عن قصة واقعية
Telegram: @rwayate
الحلقة الخامسة عشر والأخيرة

حست فوزية بشي مدايقها عند صباحية يوم من الأيام ...فركضت ع الحمام وبلشت تستفرغ .....وماعاد عنن ع بالها الأكل زيادة ...تحس بنفسها عم تلعي من اي ريحة نشمها .....فكرت شوي ...حتى راحت السكرة وأجت الفكرة (مو معقول كون حامل ....لأ يا ربي ...مابدي أحبل ...هلأ مو وقتها بنوب .......لجيب اختبار الحبل وأتأكد مالي غير هالحل ......وبعد ماجابت الإختبار ...طلع في حمل !!! وهالشي رح يطلع مخها من محلو ...ماهية ناوية ع الطلاق ....وهلأ ماعاد في مجال تفكر فيه .
Telegram: @rwayate
فوزية : ياربي ...شو هالمصيبة ....لا والله مصيبتين .....لك مابدي دمر حياتي مع ولادي وولادي أكتر من هيك .....هي أحمد فقد ابوه أدهم والشغلة كانت كلها مو بأيدي أصلا ....بس هاد البيبي اللي ببطني ..وضعو بأيدي إن كان هلأ يربى مع أبوه ولا لأ ... ولو هالحبلة طلعت بنت....مارح سامح حالي عيشها العيشة اللي عشتها أنا وتشوف اللي شفتو من ويل وظلم وقهر ....رح تكون بنتي ورفيقتي ...وأعطيها من عيوني وصحتي وعافيتي ولا أعمل فيها متل ما صار معي أبدا ......ولو بدي أشرب سم الدنيا كللو ...بدي أتحمل كرمال ولادي .....يارب ..يارب تنولني اللي فيه الخير وتصبرني على بلوااي يا ربي

ومرروا الشهور....
ومتل ماتوقعت فوزية ....طلعت الحمل اللي فيه بنت ..طار عقلو شاهين بحبلها ....بس كمان الطرف التاني ماعم يقدر يتقبلها بهل العيلة بنوب .....والناس اللي برات هالبيت صارت بتعرف مين أخد شاهين ومين تجوز .....والحكي يزيد فوق راس شاهين ...اللي كلن شو ماسمع برا ....يجيبوا لجوا وع قولة
الناس : انت رجال أعزب ...مية مرا بتتمناك ...لك كيف بتاخد انسانه متزوجه غيرك ؟؟؟
ههههه كأنك عم تاكل لقمة كبها حدا غيرك .....لك أنت عنجد يت حمار يا أجدب
يفز عصبو لشاهين من هالحكي ....ويفوت ع فوزية يتفشش فيها ...حتى وهي حبلة ...من الغضب والتعصيب مايعود يشوف قدامو ...وهي على وين بيجعك ....
Telegram: @rwayate
ومضيت أيام الحمل بصعوبة على فوزية ...لا فيها تشكي ولا تبكي غير لرب العباد ......وأخيرا ولدت فوزية بنوتة حلوة كتير .....ففاتت عليها أم صالح بهل المشفى تبارك
أم صالح : مبارك ما أجاكي فوزية ....
الله يبارك فيكي يا ستي ...
ام صالح : شوفي يا فوزية أجيت لقلك ...أنو رح آخد أحمد بهل الفترة
فوزية نأزها قلبها : ليش يا ستي ....شو بدك من أحمد
لك سمعيني منيح شو رح قللك ....أنا بدي مصلحتك ...هالولد هلأ عمرو سنة وكم شهر ...يعني بس ليشوف البيبي ...يمكن يغار من هالصغيرة ...وغير هيك أنتي مارح تفضي كتير لأحمد ....خاصة أنو عندك هلأ بيبي صغير ...دوبك تعرفي كيف تشتغلي بواحد ...مو بتنين ... فوزية : بس يا ستي
صالح : سمعي الكلمة يا فوزية ...ستك أدرى بمصلحتك
فوزية ستت عصب عنها وافقت ......وأخدو أحمد علةطى أساس يرجعوه بعد أسبوع ......وهي قلبها صار متل النار عليها كلما تتصل فيهم ...يقولولها اليوم وبكرة وبعد بكرة .....ومرر شهرين ممنوع تطلع فيهم من البيت ....بس قلبها تعبى كتير واشتاقت لأحمد صار لازم تشوفوا ...حست في شي غلط ...لحد ما طفح الكيل على أساس يجيبوه لعندها بس ما جابوه....فطلع خلقها فوزية وعصبت كتير ..: لك بدي ابني ....زينو ....يا ستي منشان الله جيبيلي ياه ...بدي شوفوا تعبت وأنا عم استنى .....إذا ما جبتولي ياه اليوم رح آخدو غصب عن الكل ها ....
أم صالح: سمعي يا بنتي ...في جوز كلام وبدي قللك ياه ....فسمعيني منيح
Telegram: @rwayate
بلعت ريقها فوزية ...تحس بدنها عم يرجف: تفضلي ستي ..شوفي ...فار قلبي
أم صالح : الصراحة يا فوزية الولد أحمد ....اهلو بدهم ياه ونحن بمشاكل كبيره من لما تزوجتي بس ماعم نخبرك
فوزية وقف حجر عينها : شو يعني ؟؟؟
أم صالح : يعني صار الاتفاق بالاخر انو يربا عندنا كحل وسط وإلا بياخدوه لعندهم

فوزية سلتت السماعة من أيدها تكب دموع هي صفعه جديده على خدها اللي مو لقيان ... انحرمت أحمد وعمرو سنة وكم شهر ... احساس القهر تغلغل بعظامها هالمرة تمشي ومو شايفة قدامعا ...بنتها الصغيرة عم تبكي ...وهي ماعم تسمع شي ...تشزف الحيطان سواااد .....مابيحس بهالاحساس غير الموجوعة الأرملة ....اللي صارت عرضة الحكي من البشر اللي مابترحم .... مرت الايام صعبة كتير ....وتأقلمت ع هالوضع الجديد وصارت متل الآلة لابتطلب ولابتشكي بس بتبكي ....ما تنشف دمعتها لا ليل ولا نهار..........وبعد فترة قصيرة ...حبلت مرة تانية ......وجابت هالمرةصبي ......تطلع ببنتها وابنها ...تحاكي حالها (شو مستنيكم يا ولادي من شقى ...شو بدكم بهل الدنيا .....رح عيش إلكم وبس ...وأعطيكم من طاقتي كلها زلا خليكم تتمرمروا ...متل ما صار معي بحياتي أبدا ...مابدي عيش لحدا من بعدكم ...رح ابلع المر كرمالكم وبس ...
Telegram: @rwayate
وبعد فترة وجيزة ...بينما الأولاد نايمين ....والدنيا ليل ....ينسمع صوت (بفففف ...دججج

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الأولى والثانية والثالثةوالرابعة
@rwayate
صالح: أمي الله يوفقك وافقي ...أنا كتير متحمس ليش أنتي مو متلي
أم صالح: كيف بدك ياني وافق على وحدة مالنا من مستواها المادي ....يا ابني نحنا على قدنا وهي فوق الريح ...ومع المستقبل رح تعذبك كتير صدقني هدول بنات الأكابر بعرفهم ...بكرة بس لتصير مرت الست رح تكبني ورا ظهرك وتحطني بخبر كان
لا يا أمي أعوذ بالله ...مستحيل أعمل هيك شي ...ماحللك تعرفيني أنا صالح ...ابنك تربايتك ولو .....وبعدين.صدقيني ..سارة بتحبك ...ومعتبرتك متل أمها بالضبط ....الله يخليكي وافقي .....هالمخلوقة تمت معي وعم تعاني منشاني وتحدت الكل كرمالي .......وأنا ما بقدر خيبها لأني عنجد بحبها .....مابك ياني كون مبسوط ؟؟ ولا شو يا أمي ....يلا قومي لبسي وتجهزي خلينا نروح نطلبها ماحلوة الجماعة عم يستنونا
طيب أمري لله ..رايحة معك بس كرمالك مع أنو مو كتير إلي خاطر بهل الجوازة بس بما أنو هي حياتك ما رح أتدخل .....
يخليلي ياكي يا أغلى أم ....يلا البسي عم استناكي .....بسرعة أمي الله يوفقك رح نتأخر عن الموعد .....
وفعلا صارت الخطبة ..بين صالح وسارة ....وتمت بمكان كتير فخم وراقي بيناسب مستوى عيلة سارة .....والأم تتفرج بكل نظرة بغصة ...حاسة أبنها رح يطير من بين أديها ....ختصة أنو شغلو ع تكسي وع قدو ...ومو من مستوى هيك عيلة ...وعندها مخاوف كتير كبيرة أنو يطير صالح من بين أديها ......
وبعد شهرين من الخطبة .....بينما كان صالح ببيت خطيبتو سارة بسهرة مع أهلياتها ع العشا
صالح : دايمة يا جماعة
أبو سارة : صحتين وهنا ...بس ما أكلت شي يا ابني
صالح : لا يا عمي أكلت وشبعت وكللو تمام ....يسلم دياتكم
أم سارة : هي الشاكرية @rwayate شغل سارة .....أكيد عجبتك ماهيك
صالح: طبعا..يسلم دياتك ياروحي .....
أبو سارة : اي يا صالح ...نحكي بالمهم
بلع ريقو صالح : خير يا عمي في شي ؟؟؟!
بس حبيت أسألك شو صار معك منشان البيت ؟؟
عمي ...لسعتني عم دور ع بيت للآجار
يعني لو ملك مو أحسن إلك
صدقيني يا عمي العين بصيرة واليد قصيرة .....بتعرفني ما بقصر ....
أكيد أكيد بعرف ...ابني ...أنت شو معك شهادة
معي شهادة جامعية متل سارة بس أنا خريج أعمال وتجارة ...والكل بيشهدلي بشطارتي
حلو كتير ....وأنا بعرف هالشي لهيك أجيت أقترح عليك اقتراح
تفضل عمي
ابني ...أنا عندي معمل كونسروة بالريف .....والمدير طلع من المعمل لأنو صار كبير بالعمر .....وأنا بدي مدير جديد يشاركني الإدارة ويكون متلك بهمة ونشاط
بس يا عمي أنا
يا ابني اعتبرني غريب ...مابدي منك غير الإدارة والإشراف ع كل شي عم يصير ....ومني رح يكون المال ورأس المال ....وكل شي بحقو ....فشو قلت
والله يا عمي فاجأتني ....وخجلتني كتير هيك أنا مابعرف شو بدي قول
لا تقول شي يا ابني أنت بتستاهل كل خير ...وبنتي سارة عرفت تختارك من بين الرجال ......بس بفهم من هالحكي أنك موافق@rwayate
اي يا عمي موافق ....
لكن اتكلنا ع الله ....وبكرة بتجي ومنحكي قدام المحامي منشان الإجراءات القانونية ........
حاضر عمي ....وشكرا كتير إلك وللطفك وكرمك السخي معي
طبعا لازم ساعد صهري ...وهيك بتقدر تشتري بيت وملك كمان

طلع صالح من بيت خطيبتو طاير عقلو من الفرحة ومن الخبر اللي سمعو ...يعني طاقة فرج ورحمة هبطت عليه ....ولما فات ع بيتو لعند أمو ضغري عطاها الخبر اللي مطيرلوا عقلو .....بس اللي صار .....

#وأدمى_دمع_الورد_دمعا_بقلم_كنانة_غميان

عن قصة واقعية
@rwayate
الحلقة الثانية

بس اللي صار غير متوقع إبدا ....سمعت هالحكي أم صالح وبلعتو من تم ساكت وخلت غضبها يطلع تاني يوم .......

فعلا تاني يوم ماكذبت خبر...اتصلت تلفون لبيت الخطيبة .....وراحت لعندهم .....فلما رجعت ع البيت ...اتصلت بصالح حتى تحكي معو بأمر ضروري ....وهداك ركض لعندها متل المجنون خايف كتير ...حاسس بنبرة صوت أمو في شي بيخوف ؟؟؟

وبالبيت
صالح : شو ؟؟؟؟ أمي أنتي شو عم تقولي .....؟؟؟أكيد عم تمزحي
لا ما عم بمزح ....رحت لبيت أهل سارة وفكيت الخطبة وقلتلهم انتو من عندكم ونحنا من عنا
لك ليش يا أمي ليش .....كانت أموري تمام التمام وعم تمشي بسلاسة ونجاح خاصة لما ابوها عرض عليي الشغل
@rwayate
أم صالح بغضب كبير: ...وأنت وافقت بكل جدبة ؟؟؟
اي أمي ...وافقت حتى وقف ع رجليي ...شبكي ليش هيك.عصبتي
وبكل وقاحة هيك بيعرض عليك عرض سخيف وتافه ....وإنت وين كان عقلك ...وين كان مخك ...بشو كنت عم تفكر يا أجدب
أمي ....طولي بالك بس لأفهم أنتي ليش هيك مزعوجة ...ليش هيك انتفضتي ...الزلمة عرض عليي شغل وأنا وافقت ....وكللو بتعبي وعرق جبيني ...مافي شي غلط

طبعا ...منين بدك تشوف الغلط إذا هالأم بريص سارة علقانة بوجهك طول الوقت وتحف براسك سموم
امي لا تحكي هيك عن سارة ...هي مالها دخل
لك هي البلا كللو ....كيف بترضى ع حالك تكون الكلب الاعمى تحت أديهم @rwayate
امي ...أنتي شو عم تحكي
عم قول أنو هالأب حط عليك هالشغل منشان تصير تحت رحمتو وتصير طرطور العيلة ....لك أنا ما بقبلها لعدوي لأقبلها ع ابني ...اصحى بقى وفهام عليي عليي شو عم بحكي ....أنا شايفة مصلحتك أكتر من الكل واللي شايفتو ماحدا شايفو خاصة أنت
صالح بغصة : ليش أنتي شو شايفة يا أمي......
يعني لأنو هنن معهمن مصاري ...رح يمننوك وياخدوك تحت جناحهم كل العمر وبالاخص لانهم فتحولك أديهم للمعمل .....بدهم يبعدوك عني وينسوك ياني (تبكي)
ركض صالح لعند إمو يبوس أديها : أمي بترجاكي لا تبكي .....بس أنا وسارة
إذا بدك رضايي ...مابترجع لهل العيلة لو شو مانكانت الأسباب .....وبتتجوز اللي أنا بوافقلك عليها وبرضايي وبس....
بس يا أمي ....
صرخت وقامت من محلها: غير هيك لاتفكر إني أرضى عنك وعن مرتك المستقبلية وإلا والله ما بتعود بتشوف وجهي يا صالح (فاتت ع غرفتها وسكرت الباب ع حالها)
انحط صالح بموقف صعب كتير لاعاد يقدر يروح لعند سارة ...ولا عاد يقدر يغضب أمو .....ومابيقدر ع غضبها أبدا فقرر يترك سارة كرمال رضى أمو ........
@rwayate
وبعد كم يوم اتصل فيه جمال(رفيقو)
جمال: مرحبا صالح ....كيفك ولو .....ليش هيك صوتك مو على بعضك كأنو ....خير شو في ...؟؟؟شو هالحكي ....خير ليش ....مممم والله هالحديث بدو كاسة شاي ع رواق ...شو رأيك؟؟؟ طيب سمعني منلتقى بالقهوة .....ماشي ..عم استناك لا تتأخر ...يلا مع السلامة

وبالقهوة :
جمال مصدوم : شو هالقصة هي اللي عم تقولها يا صالح ...معقولة أمك هيك تعمل ......
صالح : تعبان يا جماال بترجاك لاتزيد فوق راسي مو ناقصي هم فوق همي .....
جمال: وهلأ شو ناوية إمك تعمل
عم تدورلي على عروس ...تصور...
طب أنت كان فيك ترفض كل هالشي
مابقدر يا جمال مابقدر ......
لك ليش
رضى تمي فوق كل شي ...وهي إذا مو رضيانة رح تصير عيشتي جحيم ...وما أتوفق بحياتي أبدا .....
لاحول ولا قوة إلا بالله ....شبك ؟؟ @rwayate
عم يرن جوالي ...هي أمي عم تتصل .....لحظة لرد (الو ...أهلين يامو ......نعم ....طيب طيب ما بتأخر ماشي ......ماشي ....بدك شي ....مع السلامة)سكر الخط
جمال: خير شبك صالح
مافي شي عنا عزيمة غدا بالبيت وبدها ياني جيب الغراض .....يلا عن اذنك جمال ...ببقى بشوفك
مع السلامة ...(راح وركب التكسي صالح )
جمال: مسكين يا صالح الله يكون معك ......

وفات ع البيت صالح وبأديه الغراض : يالله يالله
إم صالح : فوت تقبرني وحطهم بالمطبخ عندك ......(حطهم صالح عم يلهث)
صالح: بدك شي تاني يامو
لا ....لك وين رايح
بدي روح ولف بهل التكسي بركي بيجي عليها شوسة رزق
أي تروك من أيدك وتعال تغدى معنا
بس يا أمي كللو نساوين جوا
لا لا ...أم وبنتها ....رفيقتي يعني وبنتها ...وأختك كمان سهيل جوا ...يلا تعال لا تخجلني كول هاللقمتين وروح ...
تنهد صالح : حاضر ......
@rwayate
وفعلا فات صالح وأكل الغدا مع الجماعة وهو بقمة حرجو ......بس مضطر يساير أمو .....

وعند المسا ......اجى وقعد بالسهرة مع أمو واستغرب وجود أختو سهيلة ...مافي بالعادة تترك جوزها وتجي!!!؟

سهيلة : أهلا أخي ...الله يعطيك العافية .....
الله يعافيكي أختي ....من زمان ما شفتك عنا خير ...ماتكونس متخانقة مع جوزك ها
سهيلة : هههههه ما أسألك .....مو بأيدك
عنجد شو في ....خير أمي ....حاسس بتمك في حكس
ام صالح : ما قلتلي شو رأيك بالغدا اليوم ؟
صالح: طيب وظريف يسلم أديكي
أم صالح : شفتها لبنتها لرفيقة سهيلة ؟
صالح: هي رفيقة سهيلة لكن
سهيلة : أي .....شفت بنتها ..
شفتها ....بنت عادية
أم صالح : شو بنت عادية ...هي البنت المطلوبة @rwayate
صالح: مافهمت
هي البنت اللي عجبتني واللي بدي أخطبلك ياها ....إلها تم ياكول مالها تم يحكي ...وغير هيك ترباية وأخلاق عالية والأهم من كل هاد قطة مغمضة مابتع ف شي ....يعني رح تربيها ع أيدك فشو قلت !!!؟
صالح تبلكم ...ماعاد يعرف شو بدو يقول ...ختصة مافي حلل تاني أو مهرب من الحواب لأمو ...مابدو غضب الوالدين مالقى غير نطق ب: موافق ...اللي بتشوفيه يا يامو
تقبر قلبي ....لكن بكرة رح نحكي مع الجماهة بكل شي .....وأنت ولا يهمك ...رح تاخد أحلى عروس وحياتك .....صح هي سمرة وقصيرة شوي .بس مجذبة كتير ...وعيونها وساع .....ومغلاية وحديثها بطير العقل .......ههههههه
صالح كانن وساكت عم يسمع أمو وأختو عم يحكو كيف رح يفصلو حياتو حتى يلبسها وبقلبو غصة ولا أختها.... ياترى ...شو ممكن يصير لسى ؟؟؟؟!!..

يتبع.....

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الثالثة
@rwayate
وفعلا صار العرس .....وصالح ما اعترض على الشي اللي قررتلو ياه أمو ....وهزز براسو موافق كرمال ما يزعلها .....والجوازة كانت لبيت الأحمى منشان ما تزيد الأم مصاريف على ابنها ...وهي بدها راحتو

وبعد شهر من العرس :
صالح: يلا يا مرا شو صار معك ؟؟؟
كريمة: يلا يلا رح خلص لبس استنى شوي بس حبيبي ...شوف ليكني خلصت
صالح: شو هاد اللي لابستيه ؟
شبو ؟؟؟ تنورة وكنزة ...
بعرف بطيخ ...بس الألوان بنوب مو متناسقة .....روحي غيريهم
كريمة : بس أنا حاببتهم ...وبدي روح لبيت أهلي فيهم
طب وليش عيك شعرك
شبو كمان
روحي سرحيه
مسرحتو ....بس هو ألو نكشه ونفشة
طب روحي وسشوريه ....خلصيني ماباخدك بهل المنظر أبدا ....يلا بقى كل شغلة لازم قللك عليها بالحرف
خلص ...طول بالك رايحة استشورهم ...لا تعيط ....(فاتت لجوا كريمة ....وطلعت أمو سمعانة القصة كلها ....فنظرلها باللوم)
أم صالح: شبك يا ابني من الصبح هيك ضايج ....طول بالك ع البنت
اي طولة بال يا أمي البنت كتير مابتعرف شي .....وأنا ماتوقعتها هيك بنوب .......
اي طول بالك عليها معك معك بتصير ماحدا أجى من بطن أمو كامل .....شبك ...لسعتكم عرسان .....
صالح : اي مابتعرف شي ....رح تجنني ...لا لبس ولا منظر ولا أكل ....متل ولاد صغار ....مابيصير هالحكي ماكنت مفكر هيك ابدا ...هففففف وينها ليش تأخرت
أم صالح: كأني سمعت صوت باب الحمام عم يتسكر ....شو هالأصوات

كريمة طلعت من الحمام مصفرة:
صالح: خير شبكي ؟؟؟
كريمة :مابعرف فجأة لقيت حالي تعبانة ولفت فيي الدنيا .....وركضت ع الحمام واستفرغت ......عم تلعي نفسي كتير مابعرف ليش
الفرحة ركضت لعيون أم صالح
صالح: وشو يعني هلأ ....مابدك تروحي لبيت أهلك
مالي قدرانة أبدا وقف ع رجليي تعبت كتير
صالح : عجبك هيك يا مو ...دلال دلال
يوه تقبرنس حقها تدلل
كريمة : ليش ؟؟؟ عنجد أنا ماعم بمزح
أم صالح: إذا الله ما كذبني أنتي حامل ياكريمة .......روحي ركض وحللي وشوفي .....يلا يا صالح خدها ع الدكتورة القريبة مننا رح تخبرك .....
صالح غص ....ومابيعرف يفرح ولا يزعل ....

وبعد مارجعو من عند الدكتورة
أم صالح تزلغط وفرجانة قدام كريمة المستحية : لللللللللللللللليييييش .ريتو ألف مبروك ....مبروك يا صالح مرتك حبلة .....عملي جهدك تجيبيلنا الصبي ها
كريمة : هههههه شو الشغلة بأيدي يا مرت عمي
تقبريني ريتو ألفين مبروك ......شبك صالح مالك مبسوط رح تصير أب

صالح ماعجبو الوضع كتير ......وبعد كم شهر من خبر الحبل .....صارت كريمة تتعب كتير .....ووحامها أجى على نوم ......يجي صالح مايلاقيها غير نايمة ....ولما يناديلها نايمة حتى بشغل البيت ماعم تساعد وتحوص متل ماكان متوقع ....

صالح يصرخ : كريمة ...يا كريمة قومي بقى حاجتك نوووم حطيلي لقمة آكلها رح موت من جوعي
كريمة : صدقني تعبانة يا صالح تركني بس شوي كمان
شو ست الحسن ....بدك ترجعي تكملي المنام
صدقني مالي حيل أتحرك من مكاني
ماكنت بعرف أنك كسلانة هيك ....شو هالمرا اللي عندي !!؟ قومي تحركي أحين ما أضربك ها
وهون فاتت الأم : شبك يا ابني ....روق ع كريمة ...شبك
أمي ....هالبنت ماعاد بدي ياها كسلانة ومابتشتغل شي ...لك صرلي أكتر من شهر متحمل
حبيبي هاد أسمو وحام ولو ....
وحام ما وحام أنا ما بفهم ....بدي الأكل جاهز هلأ
طيب رح حطلك ياه أنا ....خلص تروك كريمة بحالها حاج تنق هيك فوق راسها
تنهد بغضب كبير وترك الغرفة طالع ورا أنو منشان تحطلوا الأكل ...والنار شاعلة جواتو .....من هالتطنيش والتبلة الزايدة تبع كريمة ...ومررت الأيام والشهور ....ومارضيت الأم إلا لتعرف جنس المولود بس خلصت عدة الوحام ...أخدتها لعند الدكتورة حتى تعرف شو رح تجبلها هالكريمة ...ويافرحة ما بتتعوض طلع صبي .......والفرحة الكبيرة عممت على الأم .....وركضت تخبر ابنها صالح ......بس ماكتير انطرب للموضوع بعكس امو اللي ماخلت من فرح ومناسبة احتفالية ماعملتها وتخاف على كريمة من شي كاينة يصير فيها لأنها حامل بحفيد ابنها الوحيد .....
مرروا هالشهور على كريمة بتعب كبير .....وهي بين عم تدلل وبين عنجد موطالع بأيدها تعمل كتير شغل بالبيت ....فصالرت بنظر صالح المرأة المهملة ..بالرايح والجاية يسمعها ويلطشها حكي .......وهي عم تبلعها وتتستر عليها مرت عمها ......ومررت أيام الحبل كلها وولدت بصبي متل فلقة القمر وسموه طاهر.......بس ...

يتبع....

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الرابعة

#وأدمى_دمع_الورد_دمعا_بقلم_كنانة_غميان

عن قصة واقعية

الحلقة الخامسة والسادسة والسابعة
Telegram: @rwayate
وببيت كريمة

وبعد شهر من الحردة .....بلشت تصير أمور خارجة عن الإرادة

كريمة عم تبكي : لأ لأ يا بابا .....لاتقول هيك
أبو كريمة : سكتي ...ولا كلمة ...وغير هيك ماعندي
أمي ...منشان الله احكيلك شي كلمة ....
متل ماقال ابوكي ...ومعو حق ...خاصة بعد ما جاب ورقة طلاقك لهون ...يعني عيب .....شو هالرجاال هاد طرطور أمو
كريمة تبكي : بس مو معقول بدكم ياني رجع ولادي ....وبنتي عمرها بهل العمر ...وابني بدو ياني
أم كريمة : بيضلو ولادوا ومن ضلعو وهدول رح يرجعولوا إن قلتي إي أو لا ....لهيك من اولها ....واليوم ....جهزي هالأولاد خلي أبوكي يرجعهم لعند ابوهم وخلصنا ......هنن من عندهم ونحنا من عنا .....وغير هيك ماعنا حكي أبدا صرلنا عم نحكي بالموضوع كتير ...بس بالآخير يطلع هيك ....لااااااااا لهون وبس ....أنتي بنتنا وكرامتك من كرامتنا ...تحركي جهزي ولادك خلينا نوديهم لهنيك ......تحركي .....يلااااا
Telegram: @rwayate
كريمة قامت عم تبكي بحرقة كبيرة ......تلبس بنتها وابنها ..وعيونها تدمع دموع الالم وحرقان القلب ......مافي حدا يسمعها ولا يفهم عليها .....وطلعت عطت الأولاد لابوها .....وامها طلعت معو ....وراحو ليوصلوا الأولاد لهنيك ......

وفعلا استلم صالح وأمو الأولاد .....شافهم واحترق قلبو ...خاصة لما مسك فوزية اللي عم تبكي بدها ترضع من أمها مبينة جوعانة ......فحملتها منو أمو : شبك متلبك ....وحطت هالأولاد عنا شو هالمشكلة بيربوا عنا احسن ترباية ....مو متل ترباية هي اللي ما بتتسمى .....يلا فردها يا روحي ....ومنشان جوازتك ...لا تهتم ...بكرة رح جوزك ست ستها ...وأحلى منها تقول للقمر قوم لأقعد محلها .....يلا رايحة جيب الببرونة وشربها للصغيرة فوزية ....
طاهر الصغير: با با .....بدي روح عند ماما
أم صالح : تعال حبيبي لهون .....أمك ماتت ..
طاهر صاير يبكي ويبكي وينغر : ماماااااا بدي ماماااااا .....بدي أمي ......بابا خدنس عند مااااماااااا
صالح تعب نفسيا كتير من هالشوفة ....وترك كل شي وطلع برات البيت :
أم صالح مسمومة : ..يلا تعال طعميك ونيمك بحضني اليوم ....وانسالي أمك ....مو مستاهلة تفكر كتير فيها .....(شلفتو بأيدها)يلا تعال خاج تعاند وتبكي ....يلا أمشي قدامي .....تحرك خلصني شو لكع

تم الطلاق ....وهالأولاد ربيو عند أم صالح وصالح ...والعمة ......وبعد قريب ال ٥ شهور .....كان صالح عم تتعب نفسيتو كلما شاف بنتو فوزية ....وابنو طاهر ....مستحيل تقدر أمو تربيهم كل هالوقت ....خاصة أنو لازمهم أم ترعاهم ....وأمو مو رضيانة على كريمة أبدا..وحالفة يمين ما يشوفها ولا يفرجيهم الأولاد ....وهديك كريمة عم تتقلى بنار صالح البعيظ ...ونار أهلها....ونار فقدان ولادها اللي صارت بلحظة غفلة ........
Telegram: @rwayate
وببيت صالح بينما عم يتعشوا الكل مع العمة ...والاولاد نايمين:
(بعد سنة هالحكي )

صالح : دايمة يا جماعة
العمة : احم ....صالح لوين خليك قاعد شوي
خير أختي ...في شي ؟؟
أخي ...ليك ...انا وأمك شفنا وضعك كيف وشلون ...وبما أنك بدك تتجوز ....وراكض منشان هالأولاد بدك مين يربيهم ....
اي ب ...بس لوين بدك تصلي يا أختي ...لقيتو شي بعدين ؟؟
اي ...أنا لقيتلك بنت كتير ظريفة ومرتبة ...إلها تم ياكول ومالها تم يحكي .....Telegram: @rwayate
أم صالح: اي ...وغير هيك حلوة كتير ونعومة ....خرجك وبتلبقلك .....لهيك حكينا مع الجماعة إذا كانت مرتبطة او في مجال إنها ترتبط .....ف من حسب دس النبض حسيت الجماعة موافقين ....فشو قلت
صالح كنن شوي : امي أنتي عاجبتك يعني
اي عاجبتني كتير ..... نتكل ع الله
خلص طالما أنتي موافقة ....أنا رضيان ...
ام صالح : كتير حلو ....خلص لكن رح احكي مع الجماعة ونطلبها بشكل رسمي ....
العمة : ونحدد العرس فرد مرة ....
صالح: ماشي ...وأنا موافق
ام صالح : بس شوف ..بالنسبة لفوزية إذا صار نصيب ع هالمخلوقة ...ما بعطيك ياها ليصير عمرها سنتيت يعني لتنطم ع الحليب أقل شي وتصير كمان تعرف تفوت حمام ....ماحلوة تدخلها للعروس هيك ضغري خبط لزق ...لازم تقعد اقل شي شهر عسل ظابط معها ........ماشي ابني
صالح : طيب ....متل مابدك يامو

وفعلا ...صالح خطب وتجوز صبية أسمها جميلة ....فكانت شرطها تسكن بعيد عن بيت حماها .....وهالشي كانت مو موافقة عليه بالبداية أم صالح .....بس وافقت بعدين ...بس بالزور
Telegram: @rwayate
مررت أيام .....ولما صار عمرها شنتيت ...فعلا أخدها صالح ...حتى تربى فوزية بين أدين مرت أبوها جميلة ....اللي حافتها بكل حنية ومودة ...هي وأخوها طاهر ......وبعد سنتين من الزواج بجميلة .....كانت بزيارة لبيت حماها :

أم صالح : اهلا بجميلة مرت الغالي ....تأخرتو عليي ...الغدا رح يبرد
جميلة : كان صالح عندو طلب ع التكسي ...لهيك تأخرنا ....وهلأ شوي وبيجي ما بيتأخر ...تعالي يا فوزية ...يا طاهر سلمو على تيتة (سل