وهي قصة طويلة وشكلها حلوة💚
#وحدي_بين_الجنود
.............
قراءة ممتعة🦋💙"
#ⴅÂÐЄĦÂ

#وحدي_بين_الجنود
# المقدمة
@rwayate
ضيعة هادية حواليها شجر كتير السما فيها صافية الهوا نضيف ورطب بينعش القلب ، بهيدا المكان في بيت الحجة ام جمال ومعها ابنها بالطابق التاني وهيي لوحدها بالبيت الكبير ..
ام جمال ست كبيرة بالسبعين امرأة حكيمة رزينة زكية كتير وحنونة كتير ، رغم كبر عمرها الا انها لساتها محافظة عجمالها وواضح وباين انو بصباها كانت صبية ساحرة فاتنة بجمالها ورّثت هالجمال لبنتها رجاء اللي كانت وحيدة عتلات شباب وكانت رجاء تحمل كل صفات الأنوثة مين مابشوفها بينبهر فيها وكأنا شي حورية من الجنة .
تزوجت رجاء من رجال كتيير محترم هادي ورايق والتفاهم بينهن واضح وسيد المواقف مرقت سنة ونص واجتهن بنوتة حلوة اخدة الجمال من امها وستها .
هلأ مو هون قصتنا القصة بتبلش وقت بتكبر البنت الصغيرة اللي اسمها (دنيا) وبتصير بعمر العشر سنوات عايشة مع ابوها وامها ومرتاحة ليوم توفى ابوها بالمعمل اللي كان يشتغل فيه ....ومن بعد وفاة زوجها لرجاء بلشت معاناتها وخصوصي بعد ماقضت عدتها بييت اهلها .
لحسن رجاء وجمالها وانو لساتها صبية كان يجيها عرسان كتير وكانت ترفض لأن ماكانت بدها تتزوج بعد زوجها ابدا وكرمال تبقى مع بنتها .
كتر الحكي عرجاء من الجيران والناس اللي حواليهن لما صارو يشوفو رجال كتير عم تفوت وتطلع لعندهن عالبيت وصارت الناس تجيب كلام وتحط كلام لحتى فاض بأخواتها وماعادو يتحملو يسمعو كلام بطال عأختهن .
جمال: رجاء الله يوفقك بدنا نوقف حكي الناس ليكك شايفة كل ماشافو حدا فايت لعنا بقولو جمال واخواتو ساكتين عاللي عم تعملو اختهن .
رجاء عم تبكي : لك اخي انت مابتعرفني يعني ومابتعرف اخلاقي .
جهاد : امبلى اختي نحنا بنعرفك والله انو انتي انضف واطهر من هيك بس ياحبيبتي انتي لساتك صغيرة وحلوة كتير وارملة لهيك طبيعي العالم بدها تحكي كلام طالع نازل.
ايمن : مزبوط اختي اخواتك معهن حق وانا بأيدهن كمان صار لازم تشوفي حياتك من جديد وتوقفي الكلام اللي عم يطلع عليكي .
اتطلعت رجاء بأمها وعم تبكي 😭 : .....شو امي شوري علي شو اعمل مشان الله والله ماعاد اتحمل انا فوق ماترملت وانحرمت من جوزي وانا صغيرة وبنتي لسا مالحقت تشبع من ابوها كمان بيطلع عليي كلام عاطل .
ام جمال: ....ليكي امي ازا بدك مشورتي ونصيحتي اعملي متل ماعم يقولو اخواتك ، انتي صار لازم تتزوجي الحياة قدامك ياامي وانتي لسا ماقطعتي التلاتين يعني مافي شي بيمنع انك ترجعي ترتبطي برجال تاني برضايي عليكي تفكري بالموضوع ،وماتنسي عندك بنت صغيرة وبكرة وقت تكبر الناس ماحتنسى الكلام اللي طلع عليكي وحتعايرها فيكي وبسمعتك، الا ازا تزوجتي وخرستيهن كلهن .
رجاء ودموع القهر بعيونها وعم تتطلع ببنتها : ....متل مابدكن ..ازا انتو هيك شايفين اناااا😭 .......موافقة .
جمال: عخيرة الله والله يارجاء لو ماحكو هالجيران عليكي فلا بجبرك ولا بفاتحك بموضوع الزواج ابدا بس والله يااختي هالشي كرمال مصلحتك ومصلحة بنتك بالمستقبل .
بعد مدة قصيرة تقدملها شب شخصية محترم واخلاق وابن عيلة محترمة هيك كان باين عليه، اسمو بسام كان متزوج ومطلق مرتو لأن مو متفاهمين وعندو منها تلات ولاد الكبير عادل عمرو عشرين سنة وبهاء 18 سنة ومؤمن 15 سنة ، وولادو كانو عندو عايشين معو .
صار النصيب بين رجاء وبسام وعاشت معو اول شهر مرتاحة ومبسوطة وماكان عندو مانع ابدا انو تاخد بنتها معها لتسكن عندها وكان يعامل دنيا متل ولادو بالزبط ...والولاد كانو كتير مناح مع دنيا ومع رجاء وكانو كتير مؤدبين بيحترموها ومابخالفوها ابدا ورجاء كانت لألهن ام حنونة عوضتهن فيه عن غياب امهن .
بعد شهر بلشت مشاكل رجاء مع بسام وشوي شوي بلشت تكتشف شو بيشتغل وانو الو عالتهريب والحشيش وكانت رجاء تسمع صوتو وهو عم يعيط لولادو الكبار عادل وبهاء انو بدو اياهن يشتغلو معو بهالشغلة وهني كانو رافضين لأن بدهن يكملو دراسة وهو مانعهن وطالعهن من المدارس وقت اخدو البكالوريا .
بعد خمس سنين كبرت دنيا وصارت صبية حلوة متل القمر ، كانت متفوقة بمدرستها مؤدبة بأخلاقها مطيعة لأمها وللكل مالها مشاكل مع حدا حتى مع جوز امها ماكان الها مشاكل معو رغم انها كانت تسمع اهاناتو لأمها وضربو الها بأغلب الليالي وهو يطلب منها اتدبرلو مصاري ليدفع اجار البيت وانو التجار عم يطالبو باللي الهن عندو .
هيك مشيت الأيام ليوم مشؤوم بالنسبة لرجاء وقت اللي طلبها بسام ليحكي معها بموضوع خاص .
رجاء: ....ليك بسام انا ماضل حيلتي شي ماتطلب مني مصاري صرت استحي روح لأمي واطلب منها.
بسام وهو عم يحشش : ....هههه لا مابدي مصاري في مشروع تاني ببالي هلأ .
رجاء: من ايمت انت بتدخلني بمشاريعك او بتقلي عليها .
بسام: ....المشروع بخص بنتك مابخصك .
رجاء بحلقت عيونها: .......شووووو بنتي ....ليك كل شي الا بنتي مابتقرب صوبها ابدا اللي بدك اياه