#وحوش_القمر_1 #وحوش_القمر
الحلقة الأولى
@rwayate
بيوم غير عادي ومتل كل سهرة مع العيلة كنا كلنا عم نتعشى.. أنا وبابا وماما وخواتي التلات واخي الوحيد زيد.. أنا شهيره بنت مراهقة وعمري 15 سنة بدرس بمدرسة قريبة من القريه اللي احنا ساكنين فيها.. القريه بالنسبة لإلنا أمان وأحلى من المدينة اللي زرتها مع جدي انا وخواتي يوم من الأيام.. بس بهاد اليوم اللي كنا عم نتعشى فيه سمعنا جارتنا مفيده عم بتصرخ وكان صراخها كتير عالي لدرجة انه نص اهل القريه صحيو عليها.. أنا خفت من صوتها وحكيت لخواتي هاد صوت مفيده انا متأكده .. طلع بابا مع ماما برا البيت يشوفوا شو اللي صار خصوصاً انه بابا صاحب زوجها وهيه صاحبة ماما وبنتها بتكون صاحبتي!.. راحوا لعندهم على البيت يشوفوا شو اللي صار.. ونحنا بقينا بالبيت نطلع من حوش البيت عليهم.. بابا وصل لعنا بعد دقايق واخي زيد راح يشوف شو اللي صار معهم.. رجعوا طردونا من الحوش ودخلونا جوا.. انا خفت وصرت ابكي ومافهمت شو مالهم علينا.. صار يصرخ بابا ويحكيلنا في ذئب كبير ومتحوش بالقريه بمر من جنب البيوت ومفيده ام علي شافته جنب بيتهم بمشي لما طلعت تنشر الغسيل.. لازم ماتطلعوا من البيت لأنه على حسب ماحكت انه هاد الذئب عن 3 وكبير كتير.. أنا وخواتي منيره وسميره وبشيره صرنا نبكي وزيد هدّانا وحكالنا ماتخافوا.. بس هاد الخبر خلاّنا نرجف ونقرر كلنا انه بكرا مارح نروح على المدرسة.. بس بابا حكالنا الصبح انا بوصلكم لحد ما نتأكد انه هاد الذئب اختفى عن الأنظار أو طلع من القريه.. حاولت انسى اللي صار انا وخواتي بس الهواجس والخيالات بالليل ماخلونا نعرف ننام وضلينا عم نهلوس ونصرخ.. اجا الصبح ونحنا لسه بالفرشه.. والقريه كلها هدوء والظاهر انه الخبر انتشر لحتى ماقدرنا نسمع ولا صوت برا لا زلمة ولا مره ولا ولد.. طلع بابا برا البيت يتأكد اذا في شي جنب الحوش او برا الشارع ما لقى شي ورجع لعنا حكالنا القريه أمان بس الظاهر انه مفيده حكت للكل ونشرت الخبر والكل خايف يطلع.. بس انتوا عليكم مدرسة ولازم تطلعوا .. وهوه رح يوصلنا.. بهاد اليوم اكتر شي كنا خايفين لدرجة مش قادرين نتطلع حوالينا ونشوف حدا.. وصلنا المدرسة وصرنا نحكي مع الطالبات الكل كان عنده بالخبر اللي سمعوه والكل عرف انه في ذئب بالقريه الصغيره اللي ساكنينها .. لحد ما كل وحدة صارت تطلع اشاعات وكل اشاعه بتخوف اكتر من التانية .. وانه شافوه وفي اكتر من واحد.. بس اختي منيره حكتلي لاتصدقيهم.. واختي هاي قريبة مني كتير ومارضيت تصدق ولا وحدة منهم وكل ماوحدة بالساحه وبالفسحه تحكي شي عن الموضوع تطردها وتكذبها.. بس اللي صدمنا وخوفنا أكتر انه سمعنا صوت بنت بتصرخ بالساحه واجو معلمتين واخدوها عن المديره ونحنا ماكنا عارفين اللي صار.. تجمعوا الطالبات جنب الساحه والمعلمة علا بهدلتهم وطردتهم بس اللي عرفناه بعدين ولما طلعت عم تبكي من المكتب انها شافت وحش كبير وهيه عم تحاول تهرب من المدرسه.. واعترفت انها حاولت تهرب بالفسحه من الباب الخلفي ولما طلعت شافت وحش او ذئب كبير ناحية المدرسة عم بتمشى ولما نصدمت من اللي شافته نزلت عن السور وهربت عم تبكي وشافوها المعلمات.. كل الطالبات سمعوا الخبر وخافوا والكل منهم صار بده اهله يجوا يوخدوه من المدرسة ومش قادرين نطلع.. ولما طلعنا على الصف كلنا .. المس ميرفت صارت تحكيلنا اللي صار لأنها شافته وحكت انه البنت مستحيل تعترف انها كانت بدها تهرب الا اذا عنجد شايفه شي مخوفها.. والظاهر في هيك شي فعلاً بالقريه ولازم الكل يدير باله من هالشي.. طلعنا بعد ماخلصنا الدوام وكل وحدة فينا ايدها على قلبها ووصلنا البيت اللي ماببعد عن المدرسة الا كم متر وركض.. واول ماوصلنا كان بابا ورانا عم بركض ودخل بسرعه على البيت ودخلنا معاه وسكر الباب بسرعه.. طلب منّا ندخل على الغرفه وما نطلع منها ابداً.. ونحنا طاوعناه بس صوته كان عالي وقدرنا نسمع اللي صار.. كان يحكي لماما انه ابو فؤاد جارنا نقتل.. ولقيوه شباب من شوي مرمي بالأرض اللي قبال بيته وكله دم والظاهر في شي قوي ناهش لحمه ومشوهه وحتى وجهه ماكان تقريباً مبين.. وهالشي صاير مبارح لأنه فكروه ولاده رايح عند بيت اهله بالقريه التانية اللي جنب قريبنا بس اتضح انه نقتل ولقيوه من شوي.. فعلاً كلام مفيده صحيح وفي ذئب بالقريه كبير وهاد اول شخص بنقتل.. وبعد دقايق سمعنا صوت ام فؤاد عم تصرخ وتبكي بصوت قريب شوي.. وهالشي خلانا نصير نبكي بصوت عالي لحد مافتح علينا بابا الباب وقلنا مابدي اسمع صوتكم وخوفنا بزيادة بدل مايهدينا لأنه ماكان عارف شو بده يعمل.. نمنا وباليوم التاني ماحدا منا راح على المدرسة والكل ضل ملازم البيت حتى بابا وتعطل عن شغله وضلينا طول اليوم بالبيت لحد ما اجا الليل.. كان الليل هادي لدرجة قوية وكنا خايفين نسمع فجأة صوت حدا بصرخ..
الحلقة الأولى
@rwayate
بيوم غير عادي ومتل كل سهرة مع العيلة كنا كلنا عم نتعشى.. أنا وبابا وماما وخواتي التلات واخي الوحيد زيد.. أنا شهيره بنت مراهقة وعمري 15 سنة بدرس بمدرسة قريبة من القريه اللي احنا ساكنين فيها.. القريه بالنسبة لإلنا أمان وأحلى من المدينة اللي زرتها مع جدي انا وخواتي يوم من الأيام.. بس بهاد اليوم اللي كنا عم نتعشى فيه سمعنا جارتنا مفيده عم بتصرخ وكان صراخها كتير عالي لدرجة انه نص اهل القريه صحيو عليها.. أنا خفت من صوتها وحكيت لخواتي هاد صوت مفيده انا متأكده .. طلع بابا مع ماما برا البيت يشوفوا شو اللي صار خصوصاً انه بابا صاحب زوجها وهيه صاحبة ماما وبنتها بتكون صاحبتي!.. راحوا لعندهم على البيت يشوفوا شو اللي صار.. ونحنا بقينا بالبيت نطلع من حوش البيت عليهم.. بابا وصل لعنا بعد دقايق واخي زيد راح يشوف شو اللي صار معهم.. رجعوا طردونا من الحوش ودخلونا جوا.. انا خفت وصرت ابكي ومافهمت شو مالهم علينا.. صار يصرخ بابا ويحكيلنا في ذئب كبير ومتحوش بالقريه بمر من جنب البيوت ومفيده ام علي شافته جنب بيتهم بمشي لما طلعت تنشر الغسيل.. لازم ماتطلعوا من البيت لأنه على حسب ماحكت انه هاد الذئب عن 3 وكبير كتير.. أنا وخواتي منيره وسميره وبشيره صرنا نبكي وزيد هدّانا وحكالنا ماتخافوا.. بس هاد الخبر خلاّنا نرجف ونقرر كلنا انه بكرا مارح نروح على المدرسة.. بس بابا حكالنا الصبح انا بوصلكم لحد ما نتأكد انه هاد الذئب اختفى عن الأنظار أو طلع من القريه.. حاولت انسى اللي صار انا وخواتي بس الهواجس والخيالات بالليل ماخلونا نعرف ننام وضلينا عم نهلوس ونصرخ.. اجا الصبح ونحنا لسه بالفرشه.. والقريه كلها هدوء والظاهر انه الخبر انتشر لحتى ماقدرنا نسمع ولا صوت برا لا زلمة ولا مره ولا ولد.. طلع بابا برا البيت يتأكد اذا في شي جنب الحوش او برا الشارع ما لقى شي ورجع لعنا حكالنا القريه أمان بس الظاهر انه مفيده حكت للكل ونشرت الخبر والكل خايف يطلع.. بس انتوا عليكم مدرسة ولازم تطلعوا .. وهوه رح يوصلنا.. بهاد اليوم اكتر شي كنا خايفين لدرجة مش قادرين نتطلع حوالينا ونشوف حدا.. وصلنا المدرسة وصرنا نحكي مع الطالبات الكل كان عنده بالخبر اللي سمعوه والكل عرف انه في ذئب بالقريه الصغيره اللي ساكنينها .. لحد ما كل وحدة صارت تطلع اشاعات وكل اشاعه بتخوف اكتر من التانية .. وانه شافوه وفي اكتر من واحد.. بس اختي منيره حكتلي لاتصدقيهم.. واختي هاي قريبة مني كتير ومارضيت تصدق ولا وحدة منهم وكل ماوحدة بالساحه وبالفسحه تحكي شي عن الموضوع تطردها وتكذبها.. بس اللي صدمنا وخوفنا أكتر انه سمعنا صوت بنت بتصرخ بالساحه واجو معلمتين واخدوها عن المديره ونحنا ماكنا عارفين اللي صار.. تجمعوا الطالبات جنب الساحه والمعلمة علا بهدلتهم وطردتهم بس اللي عرفناه بعدين ولما طلعت عم تبكي من المكتب انها شافت وحش كبير وهيه عم تحاول تهرب من المدرسه.. واعترفت انها حاولت تهرب بالفسحه من الباب الخلفي ولما طلعت شافت وحش او ذئب كبير ناحية المدرسة عم بتمشى ولما نصدمت من اللي شافته نزلت عن السور وهربت عم تبكي وشافوها المعلمات.. كل الطالبات سمعوا الخبر وخافوا والكل منهم صار بده اهله يجوا يوخدوه من المدرسة ومش قادرين نطلع.. ولما طلعنا على الصف كلنا .. المس ميرفت صارت تحكيلنا اللي صار لأنها شافته وحكت انه البنت مستحيل تعترف انها كانت بدها تهرب الا اذا عنجد شايفه شي مخوفها.. والظاهر في هيك شي فعلاً بالقريه ولازم الكل يدير باله من هالشي.. طلعنا بعد ماخلصنا الدوام وكل وحدة فينا ايدها على قلبها ووصلنا البيت اللي ماببعد عن المدرسة الا كم متر وركض.. واول ماوصلنا كان بابا ورانا عم بركض ودخل بسرعه على البيت ودخلنا معاه وسكر الباب بسرعه.. طلب منّا ندخل على الغرفه وما نطلع منها ابداً.. ونحنا طاوعناه بس صوته كان عالي وقدرنا نسمع اللي صار.. كان يحكي لماما انه ابو فؤاد جارنا نقتل.. ولقيوه شباب من شوي مرمي بالأرض اللي قبال بيته وكله دم والظاهر في شي قوي ناهش لحمه ومشوهه وحتى وجهه ماكان تقريباً مبين.. وهالشي صاير مبارح لأنه فكروه ولاده رايح عند بيت اهله بالقريه التانية اللي جنب قريبنا بس اتضح انه نقتل ولقيوه من شوي.. فعلاً كلام مفيده صحيح وفي ذئب بالقريه كبير وهاد اول شخص بنقتل.. وبعد دقايق سمعنا صوت ام فؤاد عم تصرخ وتبكي بصوت قريب شوي.. وهالشي خلانا نصير نبكي بصوت عالي لحد مافتح علينا بابا الباب وقلنا مابدي اسمع صوتكم وخوفنا بزيادة بدل مايهدينا لأنه ماكان عارف شو بده يعمل.. نمنا وباليوم التاني ماحدا منا راح على المدرسة والكل ضل ملازم البيت حتى بابا وتعطل عن شغله وضلينا طول اليوم بالبيت لحد ما اجا الليل.. كان الليل هادي لدرجة قوية وكنا خايفين نسمع فجأة صوت حدا بصرخ..
