.........
بوقتها كلنا اطلعنا ببعض كلنا محتاجين ل 1000 زيادة فما بالكون 10 الاف ب 3 ساعات بس يعني نص راتب انا بديت الكل عني ولو اني كنت محتاجتهن
حور:انا يلي رح روح ماما تعبانة وﻻزم ارجع
اسراء:ءءء ﻻ ﻻ انا يلي رح روح اديي

عم يوجعوني من كتر الشغل والجلي
حور:يبعتلك حما ايمتى اشتغلتي كلو كب هههه سلام
............
طلعت انا من الباب الخلفي دقيت ﻻختي آية ردت علي فورا
حور:طمنيني كيفها امك
آية:كتير منيحة هي هلق قاعدة مع عمران
حور:شووووو شو جابو لعنا هاد
آية:مابعرف سئل عنك كتير بس ماما قالتلو انك بالشغل ومابتعرف ايمت رح ترجعي
حور:طيب ليكي سلمي ع امك وقليلها انو عندي شغل اضافي ما ح أرجع الا ع ال12 تقريبا واذا حست ماما بأي شي اي وجع ان شالله وجع راس دقيلي فورا فهمانة
آية:ماشي اختي ماشي
..........
عمراااااان هاد كابوس حياتي هاد يعني اذا بعنس ماباخدو الاخ عمران بكون ابن عمي العم الوحيد الي يلي تركنا نموت من الجوع وشفط تلت ارباع الورتة بس ماما مارضيت تفصل العيلتين عن بعض وقالت الله كبير والتعامل مع الله وبتعرفو حكي الامهات وخااااصة انو مالنا اخ شب نحن بنتين بس عمي ماكان عندو مشكلة اني اشتغل كرسونة وﻻ عندو مشكلة اشتغل شطافة دراج او شغالة بالبيوت او اي شي تاني وﻻ اهتم اذا كملت دراستي او ﻻ عادي عندو
هو بالنسبة الي مثال الرجل يلي مافي نخوة وﻻ شرف كمان -شرف يوك-
بالمختصر🐷 واعذروني ع التعبير بس الجرح يلي جواتي منو كتير كبير
رجعت ع المطعم
لينة:الرجعة قريبة
اسراء:قلتلك انا يلي برروح
حور:خرسي مو مشان هيك عمران مضروب عنا بالبيت يبعتلو حما شو بكرهو
رهام:اي طولي بالك يلا بتتسلي معنا ومنطلع سوا احسن ماترجعي لحالك
حور:اي احسن شو صار مع الشباب
اسراء:يابعدي طلبو عشا مرتب وعم نشتغل
#يتبع💙🌸

اسراء:واخيرا خلصنا
رهام:اول مرة بشوف غني عندو اخلاق لهدرجة
........
الشباب كانو واقفين قدام المطعم مدري شو عم يستنو ونحن طلعنا طلعت لينة بعدها اسراء رهام وبعدين انا بس لما طلعت ال6 شباب اطلعو فيني واستغربو
عمر:ياويليييي شوف علي شوف هالصاروخ الكان جوا
علي:لعمى ليش ماطلعت هي
فادي:لك شايفين يلي عم شوفو في بنت مخباية كانت
احمد:راحو عليها ال10 الاف مبين عليها معترة ومسكينة
طبعا انا كنت عم سكر المطعم والغلق الكتروني يعني بس حاطة المفتاح وهو عم يسكر بعدين شلت المفتاح ونزلت ورفقاتي واقفين قدام الشباب مما جعل رهام تسمع كل شي ههه
نزلت ع الدرج ووصلت لعندهن
لينة:صبايا بيتي اقرب شي فيكون تجو تنامو عندي
حور:ﻻ دخيلك راجعة ع البيت فورا
-ومشينا-
علي:ياويلي البيت فورا انا شو هاد
عمر:يلا دخيلك خلونا نمشي شباب
علي:بدي اعرف ليش ماطلعت ﻻزم
احمد:ماصار شي بكرا منرجع
#يتبع💙🌸

عمر:لك بتدعس ع قلبك اذا الحب من هالنوع ح ينزل اسمك ومكانتك لكن حلوة بكرة علي بيك والكرسونة حور
علي:خراس عمر بكفي لهون بتعرف شو يعني بحبها مالي عم بتخيلها بحضن واحد غيري عم تفهم عمر لك ان-سكت فجأة وسحب نفس- ليك مابدي اتخانق معك مشان هالقصة بالنهاية انت صاحبي بس حور خط احمر فهمان عمر
عمر: ح يجي يوم وتندم
#يتبع💙🌸

أم نغم: وبدك تكملي بالمعهد؟؟

نغم: لازم يا أمي كمل بكلوريا وقدما بعدين المعهد
ممتاز كتير والكادر التدريسي الي فيه بجنن كمان

أم نغم: بس كتير بعيد لك أمي كل يوم بدك تروحي وتجي لهنيك صعبة

نغم: إمبلا، ..... طب شو بطِّل منو؟

أم نغم: والله مابعرف ، طيب ليكِ بطلي منو وانا بخلي لابن جيرانا هون يساعدك هو بيدرس حقوق وماشالله حولو عم تقلي أمو معدلو بالبكلوريا كان عالي كتير ، بس هلق هنن راجعين من 3 ايام بس نتركن ليرتاحو ومنسألهن

نغم: _تنهدت_ طيب

كانت أمها بسيطة وطيبة كتير ، سايرتا نغم لانو بتعرف أنها ح ترجع ع المعهد
....................

دقو الباب عليِّ ؛ مشيت وفتحتو

ليث: فينا نفوت؟ ولا منقعد بالجنينة

جوري: منقعد تحت سبقوني بلحقكن

ليث: ماشي لا طولي

نازلة لقدري بقا رح احكي كل شي والي بدو يصير يصير
قعدت ع التخت وغمضت عيوني لاستوعب بس شلون بلش بالقصة وشو أحكي قعدت لرتب أفكاري ماقدرت رتبها عم اتخربط لما أتذكر إني ح أخسرو لليث
رجعت غمضت عيوني بس ماقدرت هالمرة لانو رن جوالي وكان ليث عم يتصل
................
عدي: لك خلص تركا هلق بتنزل شو صرلك؟
ل
يث: مابعرف مابعرف حاسس حالي غبي كيف قدرت تستغفلني كل هالمدة وهي الها قرايبين كيف قدرت كل هالمدة تستغبيني وتقلي انا مالي حدى شلون يعني بتقول مقطوعة من شجرة والعيلتين كلن مسافرين وطلع في حدى من عيلتا هون

عدي: نوّص صوتك شبك ، خلص هلق بتجي البنت ومنفهم منها

ليث: انا مالي غبي عدي ماشي مالي غبي

جوري: حاشاك أكيد مالك غبي

انجرحت من حكيو يلي أصلاً ماسمعتو كلو مابعرف ليش كنت مشتهية قلو انو غبي
غبي لانو كان عايش كل هالفترة بوهم حبو للانا وماشافني وماشاف حبي إلو
قعدت معن وحسيت انو توترو وماعاد عرفو كيف يبررولي الحكي
#يتبع🌍🌸

عدي: ءءء هو ماقصد هيك
جوري: ماعندي مشكلة بمقصدو شو ماكان، الحق معو ، هو بالنهاية عمل شي من 7 المستحيلات حدى غيرو يعملو هو عمل شي وماكان مجبور عليه كان بإمكانو يساعدنا قدر الامكان مثلا ويمشي بس هو عمل شي كتير كبير معنا معو الحق انو مالازم خبي عليه موضوع سامر

ليث: يعني هو من عيلتك وانتِ كزبتي عليِّ وقلتي انو مالك حدى؟

جوري: هيك ومو هيك

عدي: كيف بعني

جوري: كان عمري 13 سنة وقت شفتو أول مرة
*** **
قبل (7) سنين

كنت انا ونغم ودلال طالعين من مدرستنا وكان سامر عم يراقبني ومن زمان عاجبتو وبدو ياني
وعزم الامر على أنو ياخدني وما ياخد غيري أبداً

ام خالد: جايها عريس جايها شب وشب والله بسم الله حولو شو هالجمال والكمال والفهم وماديتو مرتاحة وبدهن ياها صغيرة وبمواصفات بنتك بقى اتكل ع الله
ابو خالد: بسس والله حاسسها صغيرة بتطلع ع الاولاد بالحارة وروحها بتفرك لتلعب معهن
ام خالد: يوه! تلعب بالاربعة وراسها الخامس عمرها 12 طبقتهن وح تفوت بال13 قال تلعب معهن قال لك يازلمة مو دايمن نحن الها مو دايمين

ومتل ماخبرتكن بوقتا انو كان يوم قاسي وبشع وبارد
وماكانت ليلة العمر متل مابقولو عنها

جوري: ليش عم تقلي وليه
سامر: و60 وليه كمان ليكون مو عاجبك؟؟
جوري: بس ماعملت شي أنا كنت عم شوف بنات المدرسة كيف رايحين ع مدرستهن واتذكر

قرب سامر مني ومسك شعري لاول مرة بعد اسبوعين وشدو وجعني
وشلفني شلف كاني كاسة او كيس بطاطا حتى اجيت سطيح ع الارض وصرت ابكي

سامر: وين فنجانك ؟
جوري: مابدي أشرب
سامر: بس انتِ بتحبي القهوة
جوري: قلتلك مو جاية ع بالي
لطشني الكف
جوري: اااه لك شبك شبك شو صايرلك ليش عم تضربني

****

جوري: لك لهالدرجة طلعت متخلف انت وجاهل لك الدكتور منعني منعني في خطر عليِّ بموت إذا حملت بموت ماعم تفهم انا لا جسمي ولا ضهري ولا حتى أحشائي بيقدروا يحملو طفل لمدة تسع شهور

سامر: أنا متخلف وجاهل!

جوري: لك أخدتني بإيدك ع الدكتور وبادنك سمعت كلامو واسعفتني بسيارتك وبعيونك شفت الممرضات كيف مستغربين من عمري وزواجي منك

واكيد متذكرين انو كمان هالمرة انتهت بالضرب

جوري: أمي انا تعبت ... مليت ..... مابقا فيني أتحمل ضرب ووجع هيك ..... مابقى فيني

سامر: جوري فكري بالموضوع

جوري: حياتي معك انتهت، وماعاد أتقبل عيش معك ولا نهار، طلقني

سامر: جوري أنت طالق بالتلاتة

****************
#يتبع🌍🌸

بموقف منو بسيط كتير بس اكتشفت أعظم شي ممكن اكتشفو بحياتي بعد هالصدمة يلي اكلتها

اكتشفت انو #الفقد مو يعني نفقد شخص غالي علينا لأ، ولا بيعني نفقد بيت او وظيفة او سيارة كمان لأ
مابنكر أنو طبعاً هالشغلات أساسية بحياتنا
بس عرفت انو المفقود الأساسي والأول هو نحنَ
أي نحنَ هو المفقود
شو طعمة أحلى وأطول قصة حب مثلاً لو كان #الفقد أخلاقك ؟؟

شو طعمة المصاري والمناصب لو كان #الفقد مبادأك ؟؟
اي المبادئ ما ح طعمي خبز بس اديش ما ح تكون صغير بعين حالك وقت تبيع كل شي كرمال المصاري وهاد أصعب أنواع #الفقد انك تصغر بعين حالك أنت ...

تصحى ع حالك فجأة تلاقي انك مضيع حالك ومابتعرف بانو منعطف من منعطفات هالحياة ضعت
مابتعرف بإنو أختبارات من أختبارات ربنا إلك ضوعت حالك وماقدرت تنجح
#الفقد فعلياً هو إنك ماعاد تقدر تلاقي حالك

انك #تفقد صفة حلوة كانت فيك هاد فقد كمان

وانك ماتستغل غالب أوقاتك بالعبادة بالاستغفار هاد #فقد

جزء قرآن كنت حافظو وعرفان تجودو وبعدين تقطع علاقتك بالقرآن وماعاد تعرف تلفظ الحروف صح #فقد

تنشغل بالدنيا وباحوالها وفجأة تصحى ح خبر وفاة أمك أو أبوك وماكنت عاطيهن حقهن من البر أو متخانق معهن او بدك تعمل معهن منيح بس عم تأجلو
يالطيف هون #الفقد شو بشع وقاسي

كل هاد فقد شلون منبكي ومننقهر ع كل شي بهالحياة ومننسى أنو #الفقد الحقيقي هو نحنَ
هو شي فينا شي ناقصنا

كل حدى فاقد حالو شكل ، وانا فقدت حالي كمان ، انا كنت مفقودي الحقيقي

فتت أخدت دوش وانا كنت ناوية أرجع لكل شي قديم بحياتي ، وطلعت واخترت بيجامة واسعة شوي وحلوة لبستها ، اتفقدت جوالي لقيت اتصالات كتير من نغم

جوري: أي نغمتي

نغم: نعيماً حبيبتي

جوري: شو عرفك إني اتحممت

نغم: جوري بلا أكل هوا ، نعيماً أنك رديتي منيح والله أنك رديتي من ساعتين دقيتيلي وقلتي أنك جاية أنتِ وعدي ولهلق ما أجيتو

جوري: ماخلاني ليث

نغم: أيوااا أيوااا قلتيلي ماخلاكي ليث

جوري: يلا حاج بياختك ، ع فكرة مو مشان سواد عيوني قلي مشان خالة أم محمد وهي كمان قالتلي هيك ، وكمان مشان المعهد بعيد عليكِ هلق المعهد

نغم: أي قال أمي بدا تخلي ابن جيرانا هو يلي يعطيني دروس البكلوريا هههههه

جوري: بربك؟

نغم: لك الشب يمكن أهلو طلعو برا البلد عم يدرس حقوق قال ، ليش في شباب عم ضل ؟ ياعم يطوعوا يا عم يسافروا

جوري: هههه امك مهضومة من يوم يوما

نغم: اي بعرف ، أنتِ مشان ليث خلي ياخد وقتو مشان يطلع من قصة لانا تماماً وفوتي أنتِ بعدها وليكِ رجعي لحالك القديم مالي معك أنا لآخد المكياج من إيدك ، حطي بس مو هلق لتمشي قصتكن فهمي لا تخلي دمي يفور جوري ، هلق هو قرفان من لانا مابدو لانا جديدة ببيتو لاتكوني متلا كوني أنتِ .....

....................
أم محمد: مانزلت ع الغدى جوري

ليث: طالع شوفا

طلع وفتح الباب كنت مسكرة مع نغم وماسكة جوالي بإيد وكرت سامر بالإيد التانية
قرب وشاف الكرت

ليث: هاد رقم سامر؟

#يتبع🌍🌸

خلص النهار وطلعت من المعهد ، مالقيت عدي ومادقيتلو قررت أمشي كان كتير دايق خلقي
مشيت شوي وبعدين بسمع أسمي من ورى ، وماكان الصوت غريب أبداً

............................
نغم: أمي مشان الله عم تروح عليِّ الدروس وبيفصلوني بعدين

أم نغم: اي وتنفصلي شو أخدك الطريق بدو ساعتين لهنيك ودوامك طويل وصعب كأنك مسافرة طول النهار بالمعهد نامي بفرد مرة فيه

نغم: أمي هاد المعهد ممتاز ، والكادر يلي فيه من الوزارة

أم نغم : نغم الحكي هاد حفظتو مابدي عيد وزيد مافي يعني مافي

نغم: أي ماشي ، أتأكدي أنك عم تروحيلي مستقبلي مشان ولا شي ، لك ياريتني متت وخلصت ، ومارجعت ، _فاتت ع الغرفة _ بضلو تقولو للبنت درسي ودرسي وكملي والشهادة سلاح ولا بتخلوها تدرس متل العالم ولا تختار فرعها متل العالم ، ع شو بدنا ندرس بالله

أخوها: ماما شبها نغم !!

أم نغم: أنبحتت

.......................
ليث: خالتي بتجي نغم لهون زيارة وهي هيك هيك ح تجي مشان المعهد مارح ضل المعطلة

أم محمد: قال أمها ماعم تخليها

ليث: أي بكرى بيحكي عدي معها وإذا اضطر الأمر أنا كمان بروح ، يومين كمان بتلاقي نغم بالمعهد إن شالله ، بتشوفا هون

أم محمد: أي يعني هلق جوري بدا تروح زيارة ، خلص ح أبعتها اليوم وبتجي بعد يومين

ليث: لا إله إلا الله ، مارح تروح لمكان ، ما ح تروح لا لعند نغم ولا لغيرا ، تقعد تلتهى بدروسا

أم محمد: يلا برضاي عليك

ليث: خالتي والله مو حابب أحكي ، رحت وشفت الوضع هنيك مو راكز ، وأمها لنغم الله يعينا حتى عفش بيتن واضح أنو مأخود ، الحي مافي عالم يعني بدهن شي بدن يطلعوا للأحياء التانية ليجيبو ، والحالة المادية صعبة ، وجود جوري ح يزعجن ، بس خلص إذا أنتِ كتير بدك عطي جوري مصاري وتروح يومين بس

أم محمد: مابترضى تاخد ، بتعزبني كتير والله

ليث: جوري؟ ليش عادي ، يعني أنتِ بترضى معك أنت بمقام أمها

أم محمد: كتير عفوفة دخيل البها ، ومؤدبة ، مابترضى تاخد

_سرح شوي ليث_
ليث: خلص خالتي مافي مجال ، وقت بدا بتروحي معا ساعتين وبتجو ، مافي مجال تنام هنيك

.............................
سامر: أبداً ، كنت مارق من هون بالصدفة وشفتك ماشية قلت بسلم عليكِ

ماحكيت معو برمت ضهري ومشيت

سامر: ماعم أطلب إيدك ع فكرة ، وقفي وحاكيني ، لكك _مسكني ما ايدي وفتلني لعندو_ عم حاكيكِ

جوري: شيل إيدك شوبدك خير؟

سامر: منقعد بشي مكان ومنحكي ع رواق

جوري: رواق شو أنت التاني، انا وحدة متزوجة ومابقدر حاكيك زوجي مابخليني

سامر: هـهـهـه متزوجة قلتيلي ؟ ومين سعيد الحظ

جوري: مادخلك مين متزوجة ، المهم تحل عني روح التهى بحياتك وبمرتك وولادك وطلاع مني

سامر: لك ااااه شو كنت غبي وحمار وأنا عم ضيعك مني ...... مافي وحدة متلك ياجوري ..... اشتقت لصوتك ، ولضحكتك ، ولهضامتك

عدي: جووووري _كان جاية باتجاهي_

سامر: هاد زوجك؟

جوري: ............ _وصل_

عدي: سامر بيك ، ماصحلي هديك المرة أتشرف بحضرتك أكتر ، اتمنيت شوفك مرة تانية من قلبي
#يتبع🌍🌸

سامر: وأنا حابب شوف زوجا لجوري كتيير

حكين ماكان بطمن ، ونظراتن لبعض نفس الشي

جوري: عدي خلينا نمشي

عدي: طلعي ع السيارة أنتِ ، رُوحِي

سامر: معناها مو أنت زوجا ، مين زوجا؟

عدي: مالو فاضي لأندال متلك

سامر: اه يعني أنت فاضي؟ هـهـه

عدي: لأ ، أنتو أختصاصي

ضربو بعض ، وانا واقفة وعم حاول معهن ليوقفو ، ماكنت فهمانة شو دخل عدي بالموضوع وليش ليضربو ، أجو كم واحد فضوها بينن ، كان عدي عم يهددو ويتوعدلو إذا شافو شو ح يعمل فيه
أشرلي اطلع ع السيارة وطلعت
بس بهالموقف حسيت بالسند ، حسيت أنو عدي أخدلي يلي ماقدروا أهلي ياخدولي ياه
ماكنت قدرانة أحكي مع عدي ولا كلمة كان معصب ومو منيح أبداً .....

عدي: شو مشيكي لهنيك

جوري: أنو مالقيتك أنت تأخرت قلت برجع لحالي

كتم غضبو وماحكاني شي ، كمل الطريق ع الساكت ، نزلني ع باب البيت وراح

أم محمد: شبك تؤبريني كأنك مو ع بعضك ؟

جوري: أجى سامر ع المعهد وشافو عدي واتضاربو

أم محمد: لا حول ولا قوة إلا بالله ، شو مارح يحل عنا هاد ؟

جوري: لأ مارح يحل طول ما أنا هون مارح يحل

طلعت ع غرفتي وأنا بقمة توتري ، دقيت لنغم وخبرتا

نغم: طولي بالك أنا أمي بلشت تقتنع يمكن بعد بكرى تلاقيني عندك ، وهاد الحيوان شو لسى بدو دخيلك ياربي والله الي استحوا ماتو

جوري: هاد سامر مصيبة نغم مصيبة ، ماشفتي كيف كان يلحقني من مكان لمكان ، ماحل عني الا لما اتزوج ، وهلق رجع العن من أول ، لعفى ما أوقحو

نغم: أنتِ قلتيلو إنك مزوجة كمان هـهـهـه

جوري: لك أي سكتي كيف بدي أخلص منو يعني ، قلتلو متزوجة لأخلص والله مو بشي

نغم: طيب تعي لعندي زيارة ولو مو ع أساس ح تجي لعندي ونقنع أمي سوا ونرجع نداوم سوا عم داومي لحالك

جوري: لك أي بدي أجي أكيد
..........................
ليث: مو الحق عليه ، الحق ع هديك المصروعة الي عم تتمشى

عدي: قال لأني تأخرت بدا ترجع مشي لك وأنا ما تأخرت دقيقتين ، لك ومعها تلفون مادق تشوفني وين صرت ، شي بفور الدم قسماً بالله

ليث: أنا هلق مضطر قعد عندي شغل وجرد وبدي أستلم أدوية وعندي مشوار ع المشفى ، بس أرجع بتفاهم معها ، بس يسلم أديك واللهِ إنك كفو وماقصرت

عدي: لأ أنت عم تحكي وعم تخبي الضحكة وانا خلاقي ب ...... هلق ، ليش عم تضحك ليش

ليث: هـهـهـهـه لك ماعم أضحك ، هلق ضحكتني

أجى ممدوح ومعو كاسة عصير ليمون وعطاها ل لعدي

ليث: شراب ليمون لتروق أعصابك ، وهي فتحنالك الصيدلية قهوة ، بس بالله رجاع عدلي هي جوري قالتلو أنو أنا زوجها؟

عدي: والله عرفان ياواطي والله ، هي النقطة الي علقت عندا أنت ، لك علقت معو رح ندمي بعض ، وانت راسك بجوري

ليث: لك والله ماقصرت وفضلت ع راسي وعطيتك نشرة حب التهاب وهلق بعطيك دوا للمغص وهي ظرفين حب مص بما أنك بتحبو مسيك
#يتبع🌍🌸

ماقدر عدي مايضحك

عدي: لك عالم زبالة ياربي هـهـهـهـه

ليث: أنا أوعك تفكر مشان جوري ، بس أنو كيف هيك بتقول عني ، مابصير شو الشغلة لعبة يعني

عدي: آه هاد على أساس قلبك ماعم يقول حق بق

ليث: _ابتسم ليث_ لك قوم من وشي مو فاضيلك عندي شغل _ورجع للاب توب_

عدي: لما قلي أنت زوجا قلتلو أي أنا زوجا خير ، عندك مشكلة مع مرتي

اطلع ليث نظرة تانية أنو كيف ؟ رجاع عيد الي حكيتو

عدي: هـهـهـهـهـه شفت أنك واطي وقلبك عم يقول حق بق

................................

كان ليث عم يعمل مقارنة بيني وبين لانا
وطالما في مقارنة بينا ف بشكل منطقي رح ترجح الكفة لألي ......

خلص هالنهار الطويل ع الكل وأجى ليث ع البيت
فات لابس وجه تاني غير وجهه ، فات وسلم علينا

أم محمد: رح حطلك أكل طبختلك اليوم مندي

ليث: أي خالتي يسلم أديكِ

جوري: ح أجي ساعدك

ليث: بدنا نحكي

راحت أم محمد وضليت واقفة أنا

ليث: وين بتحبي نحكي؟

جوري: عدي حكالك أكيد

ليث: ماجاوبتيني

جوري: هون

ليث: قعدي لكن ، شلون بتعملي هيك؟

جوري: واللهِ اضطريت قلو إني متزوجة وماقصدت حدى وماقلتلو أسم ، عملت هيك ليمشي بس

ليث: ماقلتيلو أسم

جوري: واللهِ أبداً

ليث: أي ماقصدي على هي ، شلون هيك بتمشي ومابدقي ل عدي مثلاً؟

جوري: ماعملت شي ....

ليث: بعرف أنا مو ضد أنك ترجعي مشي ، ضد أنك مانطرتي ولا اتصلتي لا ب عدي لا فيني وبتعرفي أنو نحن دائماً منجي مناخدك ، طب بركي كان صايرلو شي مثلاً ل عدي

استغربت من كلامو يلي ماكان بِدل على الوجه الي لابسو فكرت ح نتخانق ، بس أنو كان في تفهم بالكلام وللموقف كتير

جوري: بعيد الشر ، ح دق تاني مرة خلص ....

ليث: مافي شي أسمو تاني مرة ، مابقى تطلعي من المعهد لنجي نحن ، لنشوف كيف بدنا نتصرف مع سامر

جوري: مو منطق هاد الحكي ، شو بدي ضل طول حياتي عم أتخبى منو ، أنا بواجهو لحالي ، _رجف صوتي شوي وانا عم كمل حكي_ يعني الله من وين بلاني فيه ، كل مابكمل حياتي بيرجع بيطلع ليخربها من أول وجديد ، كل وصل لحياتي بيخربا ، والله تعبت منو ، مابقى رح أحسب حساب لشي أوف يا

خلصت وآخر شي شفتو كان ليث وهو صافن فيني وحاطت العقدة بس بنفس الوقت كان في ابتسامة مابعرف شلون ، أنا كانت ناقصتني هالنظرة وأنا أساساً حاببتو ، بس لما طفت الكهربا وأنا نسيانة أنها ح تطفي قعدت ع الكنباية وغمضت عيوني نطرتو يجي يشغل ضو او يحكيني بس ماعاد سمعت حركة عنجد خفت وفكرتو راح قام بكيت وناديلتو بصوت نايص

ليث: ليكني ، كنت عم شوفك صرتي ئبضاية ولا لسى

قعد معي وضمني لعندو ، بس هالمرة والله ماكانت متل مرة ، هالمرة رغم خوفي حسيت فيه

ليث: بضلي بالمعهد لنجي ، خلص مو قلتيلو انك متزوجة خلي زوجك يعرف يتصرف

جوري: ماقصدتك بكلامي ع فكرة

ليث: أنا الي قصدت حالي ، بدي أنطرك لتقصديني ؟ هَزُلت

والله ضحكني بعدت عنو وضليت مغمضة عيوني لبين مااحت خالتو ومعها ضو ، كان هالموقف من أحلى المواقف يلي عشتها بالعتمة بعد شهور من القسى فيها
#يتبع🌍🌸

بالصدفة....قدرت تمسك جواله و تشوف محادثته مع ريتا اللي كانت على طول تبعتله صور لوكاس و تطمنه انو هو بخير هون راحت للشرطة و عملتله كمين بالاتفاق معهن و قدرو يقبضو عليه وبعتوه على بلده يتحاكم فيه
بهالاثناء كان في ثغرة تانية وهيه وجودي معك بنفس البناء....و لما انبعتت صورة لوكاس على مكتبي بنفس اليوم كنتي عند ندى بالبيت و شفته وقتها معك و بتتزكري اكيد كيف حملته....بس لاتاكد منه
و لانو اخوكي ايمن مابيعرف بعلاقتنا السابقة و لابيعرف مين بكون و لا شو بشتغل....وحتى ريتا ما فكرت تسأل مين انا و لاحاولت تحتك بندى!...كل هاد ساعد انو نوصلو عن طريق لوكاس و عن طريقك انتي!
و تاني يوم بعتت الشباب ليقبضو عليكي لانك كنتي المتهمة
لانك من وقت وصلت الحوالة الضخمة باسمك انحطيتي تحت المراقبة....وتحركاتك كلها كانت توصلني اول باول
وسكني جنبك هو الصدفة الوحيدة بالموضوع...لانو اجاني امر بمراقبتك بعد ماسكنت جنبك!
انتي و وائل و لوكاس....لنشوف شو الكن يد بخطف الطفل....وشي بيجر شي!....و توجهتلك التهم الي بتعرفيها
وبفترة التحقيق معك....كان وائل هو الخيط الي خلانا نمسك ريتا....اللي بعد ما انمسكتي بلش يصفي امورو و عمل جوازات السفر لعيلته وجهز اموره ليطلع من البلد
واجا لهون بعد كم يوم وطلقك كرمال يظهر ادامنا بصورة الرجل الشهم و المخلص اللي مابتشرفه زوجة مجرمة
بس لعلمك هو طلع من عندك و تم اعتقاله قبل مايطلع من الفرع...وفورا اعترف على ريتا اللي انمسكت بالمطار قبل ماتسافر بدقايق....وريتا اعترفت على كل شي و الادلة كلها كانت ببيتها....محادثات مع ايمن و اشعارات البنك...اما ايمن...ف هلأ عم يمثل دور المريض النفسي حتى ينفد من العقاب....بس كل شي واضح وضوح الشمس واصلا اعترافو مو ضروري لأن جرائمه برا البلد كتييييرة و كبيرة
و كل الاموال تصادرت بعد مادلتنا ريتا على المخبأ تبعهن

شغف(بخيبة)يعني طلعو الكل متحالفين ضدي!

جواد:كل واحد لمصلحة و لغاية

شغف:بس انا ما اذيت حدا فيهن!

جواد:انا الشخص الوحيد الي اذيتيه بحياتك....وليكني واقف بصفك...احيانا مو ضروري نئذي الناس حتى يتحالفو ضدنا.....مصالحهن بتحتم عليهن يحققوها من خلالنا....مابيكون ذنبنا غير طيبتنا الزايدة و صفاء نيتنا تجاهن...لانو منكون مفكرينهن متلنا!

شغف:انت ........بصفي؟؟؟؟

جواد:انا انسألت عنك ....و انا الي راقبتك ......وانا شهدت فيكي مو عليكي.....انا حكيت عنك كلام خلا الجهات العليا تنظرلك بعين الرأفة و يصدقو انك فعلا ضحية مو شريكة بالجريمة!.....ما اشتركت بقتلك شغف.....ماقدرت خليكي تكوني ضحية اكتر من هيك...رغم كل شي....ورغم الموقف الي اخدو منك!
خليت المشاعر و المواقف الشخصية عجنب و وقفت معك موقف انساني..موقف بيمليه عليي ضميري...والماضي الي كان بيناتنا

شغف:ما.....مابعرف شو احكي!...شكرا جواد!

جواد:هلأ لاتحكي شي.....محاكمتك انتي و المجرمين ال3 بعد يومين...رح يجي محامي و يفهمك شو تحكي بالمحكمة!

شغف:انا بدي اتحاكم معهن!!!!!!!!مو انت قلت انك بتعرف اني بريئة

جواد:الاعترافات هيك بتقول....بس براءتك بيحددها القاضي مو انا

شغف:يعني يمكن انحبس اكتر من هيك؟

جواد:(شغل سيكارة)مابعرف....يمكن اي...ويمكن لا

_:حضنت راسي بين ايديي وشديت شعري ماعاد الي سيطرة على دموعي ابدا...صرت ابكي وما اقدر وقف
وهو عم يطلع فيني....وماتحرك فيه ساكن...مافي غير بيطفي سيكارة وبيشغل غيرها...بقي قاعد حتى هديت لوحدي...بعد مافرغت حزني...مسحت دموعي بإيدي وطلعت فيه....هو كان على نفس القعدة...والارض تعبت اعقاب سكاير....طلعت فيه....بعيونه....حتى هو حزين...بس عم يكابر....بقينا عم نطلع ببعض..بدون ولا كلمة....يمكن ارتحت شوي لما شفت انعكاس صورتي بعيونه....لما طلعت فيه...بملامحه الهادية...كنا ساكتين...بس قلوبنا و عيوننا عم تحكي حكي كتير
طفى اخر سيكارة ولما شاف العلبة فضيت قام و عدل تيابو وانا لسا عم طلع فيه_

جواد:ارتاحي هلأ....رح ابعتلك عنصر يشيل عنك الاسلاك و بكرا رح يجي المحامي يفهمك شو تحكي بالمحكمة....ونشالله بتنحكمي براءة...سلام

شغف:جواد!!!!!!!!!!

_وقف و التفت لعندي_

جواد(بلع ريقه وعيونو مخضوضين بالدموع)سيادة الرائد اذا سمحتي.....بالاذن

_خاب املي...لما سكر كل بوابه بوجهي وبنى سد عالي كتير بيني وبينه....حتى هو قرر يدعس عليي مع الباقيين و مافكر يرحمني او يترأف بحالي_

#يتبع💜💜