همس:-ماحلو من دونكن..على العموم في خبر يجنن..

جيهان :-شوو هو قولي..

همس:'ممم حسام طلقها لسمر..

جيهان :-شوو.

همس:-اي والله هيك اسمعتو على التلفون..قدامي

جيهان :-لك رانيا اسمعي هالخبرية ..لك حسام طلق حبيبتو..

رانيا :-كذب..

جيهان :-ولك اختك سمعتو بذانها..

رانيا :-اعطيني الموبايل..اي همس انتي متاكدة..

همس:-والله العظيم اسمعتو عم يقلا هالحكي..

رانيا :-مم مابعرف لا تستعجلي خليكي مثل ماعم نتفق اتقلي ولا تخليه يلعب لعبة عليكي..

همس:-مافهمت شو قصدك اختي..

رانيا:-احتمال عم يعمل هيك ليبعد عن حالو الشبهه ..وانك ماترجعي تمسكي شي عليه لو عمل معك شي..

همس:-مممم شو افهم ..

رانيا :-ضلك مثل ما انتي ونفس ما بنقلك اعملي..

همس:-طيب وغيرتوا عليه..

رانيا :-حبيبة قلبي الرجال بحب التملك ..يعني من شاف قصي واخوه عم يهتمو فيكي وانك شي مهم بالبيت بلش يغار..

همس:-والحل..

رانيا :-لاتعطي الموضوع اي اهتمام ..واعتبري هالشي عادي

همس:-ماشي رح روح اختي هلاء بلا خالتي تقلق عليه .

رانيا :-الله معك حبي..

....

في المساء..

حسام :- شو شلون كان الفرح..

همس:-حلو..

حسام :-ليش طول الطريق ساكتة ماحكيتي شي معي..

همس :-شو بدي قلك..

حسام :-اي شي عن الفرح ..

همس :-مابهمك..

حسام :-اها جوعان قومي حطيلي اكل..

همس :- غريبة شو قلت اعملك فطور مو كنت تقرف من اكلي وما تقربو..

حسام :-اها خلص شكرا..

همس:-لا عادي بعمل بس بدي اخد دووش والبس بجامتي واعملك فطار..

حسام :-طيب خدي راحتك..

همس:-صاير كتير خلوق ..

حسام :-شو قلتي..

همس:-لاء ولا شي ..

حسام :-اها ..

...

بعد ساعة..

حسام :-طيب العشا..

همس:-صحتين ..

حسام :-يسلمو اديكي..

همس:-اهلين..

حسام :-بدك تنامي..

همس:-اي بس بدي اقرا جزئية من مصحفي..

حسام :-اها تقبل الله تحضري معي تلفزيون..

همس:-لا ما قدراني شكرا..

حسام :-طيب احكي معي قبل لتنامي..

همس:-شو بدك احكي معك ..انت بتكره تلاقيني فايقة ومابتحب تحكي معي شو يلي غيرك..

حسام :-انا مامتغير عادي بس هيك ..

همس:-بدي بكرة نروح نزور ستي مع اهلي.

حسام :- اها بروح معك..

همس:-لا مايحتاج..

حسام :-مشان مايصير معك نفس يلي صار..

همس :-حسام اللي صار بسببك وانا لهلاء مانسيت لوسمحت لاتقلب عليه المواجع..

حسام :-بدي اعرف شي منك من اخي كان يقرب عليكي شو يلي خطر ببالك تضربيه هيك ماخفتي بموت وتنسجني ..

همس:- اللي خطر ببالك اني بنت غالية ومرباية وبتخاف على شرفها حتى لو يلي حواليها طراطير مابخافو على عرضها وبنعدم كمان مو بنسجن..

حسام :-شو قصدك بطراطير..

همس:-اللي على راسو بطحة يحسس عليها..

حسام :-شوفي لهلاء متحمل طريقة كلامك احترمي حالك معي..انا كرمالك طلقتها لسمر..

همس:-قلتلك مابخصني ولا تقلي كرمالي لان لامرة المليون مابيعني لالي شي ..

حسام :- لا بيعني

همس:-شو يلي بعيني..

حسام :-انا قررت اتزوجك ونعيش مرتاحين..

همس:-قررت شو تزوجني اي على جثتي..

حسام :-انتي مرتي ومن حقي..

همس:-كان اثبتت هالشي من اول يوم للاسف فاتك القطار..

#يتــبع😜

يمكن ما صارت من قبل .. بس انا بنت ربيت حالي لحالي .. وكبرت حالي لحالي .. وكل يوم كنت اكبرو كانت تكبر جواتي مشاعر الوجع والألم وحتى يمكن الحقد .. لان ولا مره لقيت جواب مناسب ( ليش دمرولي عيلتي ؟؟!! ... كان فينا نعيش احلى حياة سوا ... ما كان ناقصنا شي )
كتير كنت حس حالي وحيده ..ليش ابي وامي عملولي هيك حياة ؟
ليش نزعو حياتنا الحلوة الي كنا عايشينها ؟ لهلأ بتزكر كيف كنا عم نعيش
واديش كانو يحبوني ويدللوني ... واديه كانو يحبو بعض .. ليش صار فينا هيك !!

يا الله اديش شربت المخده من دموعي ... يارب ... يارب تريحني بئى

مرت ابي كان الها اخ .. كنت اسمع صوت رجليه وهو طالع لعندا .. بآخر فترة صارت مرت ابي تنزل لعندي تتروك اخي وسيم وتروح تقضي مشاويرها
شي على السوق شي زيارات .. مع انو كنت غار من وسيم كتير بس كنت انبسط فيه واشتقلو

ام وسيم : ليكي ملك ازا عزبك دقيلي ايه ؟ .. حبيبي ماما لا تعزب اختك .. يلا بدكن شي ؟

ملك : سلامتك خالتي الله معك ..

سكرت الباب وفتت انا و وسيم

ملك : لك اهلا وسهلا .. جوع ان شي ؟ اعملك اكل ؟ .. طعمتك امك ولا متل العاده ؟
تعا حبيبي خليني اعمل ساندويش الي والك

وقفت على المجلى و كنت عم اعمل ساندويش زيت وزعتر وعم فكر بمرت ابي كيف بتتروك ابنها كل يوم هيك و بتكزب على ابي
الشي الوحيد الي كان يمنعني انو احكي لأبي كل شي هو وسيم ..

ما كان بدي ياه يخسر عيلتو متل ما انا خسرت عيلتي .. كنت خاف عليه يعيش نفس الشعور و نفس الوجع ..

خلصت وحاولت طعمي وسيم بس ما قبل ياكول .. وبلش يبكي وانا ما كنت اعرف شبو

ملك : حبيبي وسيم عم يوجعك شي يا عمري ؟ .. وسيم ؟ .. .يا ربي دخيلك شبو الولد

حطيت ايدي على جبينو وحسيت انو حرارتو عاليه بس ما كنت متاكده .. ضل يبكي وانا صرت ابكي معو
تمنيت موت بهي اللحظة ما بعرف شو حسيت تنيناتنا قاعدين عم نبكي وما في حدا معنا ولا في حدا يساعدني

حملتو بين ايدي وطلعت فيه على الصالون وانا عم بوسو وحاول شربو مي و سمعت حدا عم يدق باب البيت

ملك : ميييين ؟

ركضت على الباب وفتحتو وانا عم امسح دموعي .. وشفت اخوها لمرت ابي واقف على الباب
كان اسمو زيد ازعر كتير وعلى طول يجي ياخود مصاري من شذى وهي تعطيه لتخلص منو ،، هي اول مره بشوفني وبيعرفني .. يمكن سمع صوت وسيم وهو عم يبكي

كنت عم اشهق وابكي و وسيم عم يبكي بايدي .. تطلع فيني

زيد : شبو وسيم ؟

ملك : ما بعرف ما بعرف والله ما عم يسكوت معي بنوب يمكن مريض

اخدو من ايدي وحملو وحاول يسكتو .. بعدين تطلع فيني بنظرات غريبه من وق لتحت ..

زيد : وينها شذى

ملك : طلعت من نص ساعه

زيد : طيب خليني فوت لجوا

فركت عيوني ومسحت انفي بكم كنزتي وتطلعت فيه وانا مستغربه
ملك : ما فيني فوتك ما في حدا بالبيت

زيد : ايه بس الولد كتير عم يبكي خليني فوت لجوا لشوف شو قصتو
#يتــبع😜