#يوم_الجريمة

(( علي وقت شاف رولا مغطسة بدما بمكتب علي كان مصدوم ماكان متوقع تقدر رولا تصل لزيد بس كان متوقع مقتلها لو وصلتو..لهيك هاد كان سبب رفضو هو وعشتار ليخبروها مكانو قبل ليقدرو يوقفوه عن حدو او ينصبو لالو فخ متل ماكانت مخططة عشتار..وقت اخد الطفل واختفو من المكتب..كانت عشتار موجودة.. عم تتواصل مع علي عن طريق الرسائل..

رسالة علي :- ست عشتار مصيبة وقعت ..

عشتار :- شو في

علي :- زيد قتلها لرولا..

عشتار :- شو ..ومين وصلها لالو

علي :- مابعرف شي بس هو هلق معي هو والطفل وهي بقيت بدمها بمكتبو

عشتار :- ماتت

علي :- لاء ما اعتقد تركتا عم تتنفس اذا فيكي تلحقيها

عشتار :- قفل قفل ..

(( كل يلي قدرت تعملو لحظتها انها تخفي معالم جريمة زيد لانو ماكان وقتا ولا وقت تتنقم من زيد..رولا بحركتا دمرت كل مخططها....عشتار يومها وصلت المكتب وقدرت تمحي كل شي صار بساعتها..اسعفت رولا..ومسحت معالم الدم كلا..حتى المسدس يلي قوصها فيه اخفتو..والكاميرا حذفت كل شي من عليها..وهون صار مقتل رولا كابوس بحياة زيد ..مرقت شهر ع الجريمة ..

رولا :- بدي ابني ينام عندي

عشتار :- حاليا لاء.ليكو عم يجي لعندك من الصبح للمسا ..اصبري شوي مشان ماتصير اي مشاكل ..

رولا :- والله تعبت من هالحال

عشتار :- بعرف انتي غلطتي من وصلتي مكتبو ..يعني شفتي بعينك ليش كنا رافضيين زيد مو بعقلو وقتلو وقتل ابنك سهل عندك ومنيح انو الامور وصلت لهون ماقتل الطفل كمان..

رولا ؛- 😭 😭 وينو علي

عشتار :- رح يوصل ابنك لعند مرتو وراجع ..

بعد ساعتين..

عشتار :- اتفضل

علي :- نايمة

عشتار :- اي انا رح روح ع الفيلا تارك الخدامة معها..المهم انت شو صار معك

علي :- فيكي تقولي عم يقتل حالو بالبطئ

عشتار :- شو كان متوقع يضل وحش كاسرعم ينهش بالكبير والصغير

علي :- بس انا مافيني اتركو هيك

عشتار:- لا تخاف اليوم بضغط ع ابي وبخليه يجيبو ع الفيلا

علي :- ست عشتار ليش مابدك تخبربني شو رح تعملي انا خايف يتأذى

عشتار:- لا تخاف بس هي حرقة كرت..

علي:- بس اذا بقي ع هالحال الباشا ممكن

عشتار :- لاء بابا مابهمو القصص العائلية بس بهمو يضل زيد عندو مضوي متل النجم ..

.بسيطة يا زيد..متل ما طفيت فرحتي.. بهووف وحدة رح طفييك..

علي :- ست عشتار عم تحكي شي

عشتار :- لاء تعا وصلني للبيت

علي :- امرك..