مرفت محمد

(الجزء الثاني)
@rwayate
بس فارس ما وقف ع قصة علي.. رجع كرر الموضوع مع ايهم ..ايهم يلي كان عمرو سبع سنين..

مرفت: ايهم ..من وين هاد الدم

ايهم:...........

مرفت: ايهم لا تخاف حبيبي.. احكي

ايهم: اذا حكيت بيقتلني

مرفت: مين هو

ايهم: (ببكي)........

مرفت: فارس؟

هز براسو انو اي..

مرفت: تعا يا روحي تعا.. هالمرة رح اخد بحقكن انت وعلي

راحت فورا لعند امين..

مرفت: سيد امين.. فارس رجع كرر عملتو مع ايهم.. ليكو ايهم سالو.. هالمرة ما لازم تسكت

امين: (بعصبية) مرفت انا بتصرف..حكيتلك من قبل ما بدي فضايح.. خدي لايهم ع غرفتو

مرفت: لك ايا فضايح هاي.. هاي روح اطفال يتامى.. وهاد تصرف حيواني مو تصرف بشر

امين: انا المسؤول عنن.. وانا بتصرف.. انت بتنفذي يلي بقولو وبس

مرفت: انت سالتو شي يوم لوين بياخدهن.. ولشو لحتى ياخدهن هو ..لك مانا حكيتلك شو عمل بعلي.. ليش لساتو بشغلو

امين: و كيف بدي اتاكد انو ما عم تفتري عليه لتغطي ع شي عملة من عمايلك

انصدمت مرفت من جوابو..

مرفت: انا؟؟؟؟؟

امين: تركي هالقصة.. بلالك المشاكل.. فارس مانو هين

تركتو مرفت وطلعت من عندو.. وهي طالعة التقت بفارس ع الباب..
ركض ايهم واتخبى وراها وهو عم يرجف..

مرفت: لا تخاف حبيبي.. لا تخاف انا معك

اطلع فيها فارس بخبث وابتسم بوجها ابتسامة صفرا..

مرفت: مااا رح اسكت ولا رح اسمحلك تاذيهن وتعمل فيهن يلي عملتو بعلي .. انا يلي رح وقف بوشك

رجعت هي وايهم ع غرفتن ونامت حدو وضمتو لحتى تحميه..

باخر الليل دق تلفونها لمرفت وفاقت عليه..

مرفت: الووو

اية: ماما ليه ما رجعتي ع البيت

مرفت: حبيبتي ماما عندي شغل كتير مهم.. وينو بابا

اية: نايم

مرفت: من وين عم تحكي.. لمين هاد الجوال

اية: هاد لعمو

رجف قلبا لمرفت وعدلت قعدتها..

مرفت: مين عموو

فارس: شو يا حلوة.. انا مع ابنك وبنتك بالبيت وزوجك مانو دريان عن شي.. اذا ما سكتي وتركتيني بحالي ولادك التنين رح يلحقو علي بالمرة الجايي

حكا هيك وسكر الخط معا..

مرفت: والله اذا...... لك فارس ...فارس

فاقت ع صوتا سالي..

سالي: شبك.. شو في

مرفت: فارس.. فارس ..ببيتي مع ولادي

شهقت سالي وحطت ايدا ع تما.. وسحبت الغطا عنا وقامت من تختا فورا..

سالي: لك ولساتك هون.. روحي لعندن فورا

قامت مرفت من تختا وراحت لعند باسل..

مرفت: باسل بترجاك.. بدي توصلني لبيتي ضروري

باسل: شبك!! ليش عم ترجفي ..صاير شي

مرفت: هلا بخبرك ع الطريق

باسل: اي مشي معي

حمل باسل مفاتيح السيارة وطلعو سوا..

ركبو سوا باسل ومرفت بالسيارة..
مرفت خبرتو لباسل بكلشي شافتو وسمعتو..

مرفت: هدول يلي انا كشفتن.. الله اعلم بالمخفي.. سالي عم تلمحلي ع اشيا صايرة هون قبل لاجي..

باسل: اي وانا حسيت ع هيك شي.. وضع الميتم مانو مزبوط..

مرفت: لك والمصيبة الاكبر انو وصلت معو للقتل.. وما في مين يوقف بوشو.. والسيد امين متل ما قلتلك.. ما بدو فضايح.. وباينتو خايف من فارس

باسل: باينتو ماسك عليه شي ممسك

مرفت: هيك قولتك؟!

باسل: اي.. انت لا عاد تحكي شي معن.. انا رح تابع القصة وحاول وقعو لفارس من غير ما نتاذا نحنا

مرفت: اي ماشي.. قلبي عم يغلي غلي.. بترجاك عجل شوي

وصلت مرفت ع بيتا.. فتحت الباب وطلعت ركض ع غرفة ولادا.. كانو غفيانين وفارس مو بالبيت..

من رعبتا قعدت ع الارض وحطت ايدا ع قلبا.. ودموعا بعيونا..

مرفت: الحمد لله يا ربي.. الله ياخدك يا فارس

قضت مرفت ليلتها ببيتا وتاني نهار فاقت ع بكير وراحت ع الميتم..

سالي: صباحو .. كيفك

مرفت: مو منيحة.. قلبي واجعني

سالي: اهدي واتركيه لفارس.. الا ما يوقع.. انا سالت باسل عنك وطمني

مرفت: (تبكي) لك بغرفة ولادي كان.. لك لو عملن شي شو كان صار فيني

سالي: مرفت تركي هالقصة بلا ما يصير فيكي متل ما صار بهبة

مرفت: مين هبة؟؟!!

سالي: هلأ روحي ع شغلك والمسا بخبرك بكلشي

مرفت: اي ماشي حبيبتي

كانت عم تشتغل مرفت وقلبا واجعا.. عم تتخيل ولادا مدبوحين متل علي...

مرفت: يا ربي تحميهن ..يا الله

خلصو مرفت وسالي شغلن وراحو ع غرفتن ..

مرفت: ما بدي ابقى هون.. بدي روح لعند ولادي.. قلبي عم يغلى عليهن

سالي: اي الله معك حبيبتي.. بس متل ما وصيتك.. انسي موضوع فارس

مرفت: لك صحيح ما خبرتيني.. مين هبة وشو قصتا

تنهدت سالي وغصت ودمعو عيونا.. قعدت ع طرف تختا ..

سالي: هبة كانت تشتغل هون معنا.. وبيوم اجت لعندي وجسما كلو عم يرجف

سالي: شبك.. شوفي

هبة: لك هالكلب فارس.. لك الله ياخدو

سالي: شبو فارس

هبة: لك عم يبعت بنات الميتم لشباب صغار مقابل كام ليرة

شهقت سالي ورجف جسما..

سالي: وكيف عرفتي؟

هبة: هلا سمعتو عم يحاكي شب.. باينتن مختلفين ع كام ليرة

سالي: يخرب بيتو

هبة: انا لازم خبر الاستاز امين

سالي: اي لازم يعرف

راحت هبة لعند السيد امين ع مكتبو..

هبة: وهاد كل يلي سمعتو

امين: لك الله يلعنو

وبعت وراه لفارس ع المكتب .. فارس وقت سمع حكيا لهبة جن ..

740- خطابات السلطة باري هندس مرفت ياقوت

740- خطابات السلطة باري هندس مرفت ياقوت

بحث
د. مرفت عبد السلام
٦٦ صفحة

740- خطابات السلطة باري هندس مرفت ياقوت

740- خطابات السلطة باري هندس مرفت ياقوت

مرفت: شو يعني انسى!! .. وكيف بدي انسى!! ..لك هيك بتسمح انو دمو يروح ببلاش.. طفل يتيم هاد.. لو كان ابنك او ابن رفيقك كنت بتسمح بهالشي

امين: مرفت سكري ع القصة.. ما بدي فضايح بالميتم.. وما بدي اعلق مع فارس

مرفت: اي ماشي رح سكر ..بس دمو لعلي برقبتك ليوم الدين

طلعت مرفت من عندو ودموعا ع خدا ..صورتو لعلي وهو غرقان بدمو كانت عم تحرقا من جوا..

سالي: لك شبك.. ليش عم تبكي

مرفت: لك بس بدي افهم.. كيف ناس متل هدول بيشتغلو بدار ايتام.. لك هدول مانن بشر

سالي: اهدي شوي.. شو صار

مرفت: استاز امين سكر ع قصة علي ..ما بدو يعلق مع فارس

سالي: اي انا قلتلك هالحكي.. فارس مانو هين ابدا.. لا تعلقي حالك معو

وهيك تقفلت قصة علي..

#ليسو_بشر_بقلم_امل_احمد
#مستوحاة_من_حادثة_واقعية
@rwayat
(الجزء الاول)

دنيي مطر والعتمة بلشت تطلع.. وطفل صغير عمرو خمس سنين غفيان ع الرصيف تحت المطر..

فارس: ولااااا شو عم تعمل هون

ضربو للولد الصغير بسباطو.. نقز الولد ووقف..

علي: (ببكي) تعبو رجليي ..ما عم بقدر امشي اكتر وبردان كتير

فارس: بردان قلتلي.. اي مشي معي مشي

كان علي كل جسمو يرجف.. برد وخوف..
شحطو فارس وراه لوصلو لبيت مهجور و قديم..

فارس: مشي معي ولااا

علي: ليش بدي ادخل لهون.. انا بخاف من البيوت القديمة كتير

فارس: اي لا تخاف.. انا معك.. مشي

دفشو لجوا البيت..

*بعد نص ساعة*

فارس: اذا بتحكي لايا حدا رح اقتلك وادفنك هون

علي:(ببكي) انا موجوع ...موجوع كتير

فارس: هلا بيروح الوجع.. مشي معي

علي ولد يتيم صغير.. متلو متل كل يلي بالميتم ما الن لا ام ولا اب ولا حدا يرعاهن.. فارس واحد من يلي بيشتغلو بالميتم.. او يلي بيشغلو الايتام بالميتم..

رجعو فارس وعلي ع الميتم..

امين:(مدير الميتم) شو يا علي يا ابني.. انبسطت بمشوارك

حط علي عيونو البريئة بالارض.. واطلع بطرف عينو ع فارس.. يلي كان يطلع عليه بنظرة تهديد..

فارس: اي اي كتير انبسطنا.. فتلتو بالمنطقة كلا

امين: بس ليش هيك كلو مي.. هلا بيمرض

فارس: هو حب انو يمشي بالمطر وانا ما حبيت اكسر بخاطرو

مسح امين بايدو ع شعرو لعلي..

امين: مرفت خدي لعلي غيريلو تيابو ودفيه منيح

مرفت: تعا يا روحي

ضمتو وبوستو.. واخدتو لتغيرلو تيابو..

مرفت: علي.. شو هاد.. شو هاد الدم

علي:(ببكي) ...........

ضمتو مرفت لصدرا ومسحت ع شعرو..

مرفت: احكي حبيبي وما تخاف.. مين عمل فيك هيك.. احكي يا ابني.. فارس؟؟؟

وقت نطقت اسمو لفارس رجف جسمو كلو لعلي وحط اديه التنتين ع ادانو وصرخ باعلا صوتو....

مرفت: خلص خلص اهدى حبيبي اهدى

غيرتلو مرفت تيابو ونيمتو بعد ما هدتو.. وراحت لعند فارس..

مرفت: فارس وين كنت انت وعلي

فارس: وليه عم تسالي

مرفت: لانو علي كان ينزف(معصبة)

فارس: (تلبك) اي وانا شو بعرفني

مرفت: اذا كنت ماذي للولد ما تلوم غير حالك

مسكها فارس من رقبتها...

فارس: انا ما بتهدد.. فهمانة

دفشتو مرفت ...

مرفت: بعد هيك

طلعت مرفت من عندو لفارس وراحت فورا لغرفة المدير امين..

مرفت: وينو الاستاز امين

باسل: مو هون ..عندو شغل مستعجل وطلع

مرفت: اي ماشي

طلعت مرفت من عندو وراحت لعند علي لتطمن عليه.. قبل لتدخل غرفة الاطفال شافت خيال رجال ..ارتعبت ودخلت فورا ع الغرفة..
جمدت بارضا من يلي شافتو.. ركضت لعندو لعلي وبلشت تصرخ..
كان جسمو كلو دم... ومذبوح بسكينة..

فاقو لولاد ع صوتا لمرفت ..ووقت شافو لرفيقن علي كلو دم كلن بلشو يصرخو...

باسل: شو صاير هون

مرفت:(تبكي) قتلوو.. قتلوووو

شافو باسل غرقان بدمو وما قدر يستوعب ..

باسل: لك شوو هاد.. شو هااد

طالع باسل جوالو ودق فورا لامين..

امين: شو هالحكي هاد.. جايي جايي فورا

اجا امين يلي جن جنانو من يلي شافو..

مرفت: لازم نخبر الشرطة.. دقولن ليجو

امين: انت شو عم تحكي.. عرفانة شو يعني الشرطة تدرى.. يعني فضيحة وع الاغلب رح يتسكر الميتم

مرفت: لكن شووو.. خلص هيك

امين: طبعا لا.. انا رح تابع القصة

مرفت: لك هو ما في غيرو الكلب فارس

امين: كيف!! وكيف عرفتو انو فارس

مرفت:(تبكي) وقت قلتلي انو غيرلو تيابو كان في دم ع تيابو.. سالتو من وين الدم بلش يبكي.. ووقت سالتو اذا فارس يلي عمل هيك بلش صراخ بصورة هستيرية.. وانا رحت لعندو لفارس وهددتو.. لهيك قتلو ليخبي جريمتو البشعة

امين: خلص هدي.. انا بتابع القصة

وتاني نهار دفنو لعلي ودفنو قصتو معو.. مر يوم وتنين وتلاتة وما حد حرك ساكن.. ولا تحاسب فارس.. وبقي بالميتم بشغلو ..وكل يوم ياخد معو شي ولد ويطلع من الميتم ع اساس انو بدو يغيرلن جو..

مرفت: سالي.. انا رح جن.. ما عم استحمل شوفتو لفارس

سالي: لك خلص انسي

مرفت: انت كمان عم تحكي انسي.. لك صورتو لعلي لساتا ما راحت من بالي.. عم كوبس فيه (تبكي)

قربت منا سالي وضمتا لتهديها..

سالي: خلص اهدي ..شو طالع بئيدك لتعملي ازا كان امين ما بدو يعمل شي

مرفت: عم حس بتانيب ضمير.. ماني مرتاحة ابدا

سالي: لك وليش تانيب الضمير.. انت ما الك علاقة

مرفت: انا بدي تابع القصة.. رح روح لعند امين

وقفت مرفت ومشت لتروح لعند امين.. بس سالي مسكتا من ايدا..

سالي: لك بعدي عنن اريح لراسك.. انت جديدة هون وما بتعرفي شي

مرفت: شو قصدك

سالي: مو ضروري تفهمي.. بعدي عنن وخلص

مرفت: هالشي مستحيل.. انا ما بسكت.. رح روح لامين..

وبالفعل ..راحت مرفت لعندو ع المكتب.. دقت الباب ودخلت..

مرفت: يعطيك العافية استاز

امين: اهلا يا بنتي.. تفضلي

مرفت: استاز كنت بدي اسالك... شو صار بقصة علي

امين: علي... انسي يا بنتي انسي .. فارس انكر وانا ما فيني اعمل شي

dawah00369 احتساب الشيخ محمد بن عبدالوهاب رحمه الله مرفت كامل.pdf