تاليا (الجزء التاسع)
@rwayate
بهاللحظة كان نعيم عم يستازن من تاليا واما ليطلع..

تاليا: الله معك .. بشوفك بكرة

نعيم: بخاطركن

طلع نعيم من الباب ..
مسكت ام تاليا ايدبنتا وسحبتا لجوا الصالة ..

ام تاليا: شو عم يصير هون

تاليا: شو بدو يصير امي .. انا ونعيم رح نرتبط

ام تاليا: ،ترتبطو!!!.. انت متاكدة من هالشي

تاليا: شبك امي .. اي متاكدة

ام تاليا: لك انت ع طول كنت تقولي مستحيل ارتبط بنعيم ومستحيل شوفو كحبيب

تاليا: امي ان.......

وقطع حديثن صوت نعيم .. تاليا .. تاليا

ركضو ع الباب .. فتحت تاليا الباب ونصدمت وقت شافت بهاء بين اديه لنعيم ..

تاليا: شو صار .. شبو

نعيم: ما بعرف .. كان واقع بالحديقة

ام تاليا: دخلو لجوا ابني .. دخلو

دخلو نعيم ع غرفتو .. قربت تاليا منو وصارت تفيق فيه وتسعف فيه وعيونا كلن دموع ..

وقف نعيم ع جنب وهو مصدوم من شكلا لتاليا .. شاف بعيونا نظرة لبهاء ع طول كان يتمنى يشوفا عم تطلعلو فيها ..

عصب كتير ووجعو قلبو ... وطلع فورا من عندن ومن غير ما حدا فيهن ينتبه عليه ..

ام تاليا: تاليا .. شبك .. اهدي امي لتقدري تساعديه

بلش بهاء يفتح عيونو .. اطلع بتاليا .. هاني .. هاني .. انا هاني ..

اطلعو فيه تنيناتن ..

تاليا: هاني!!

بهاء: اي هاني .. انا اسمي هاني

ام تاليا: انت عم تتزكر يا ابني .. الحمد لله.. رح اعملك شي يريحلك اعصابك

طلعت ام تاليا وتركتن سوا ..

تاليا: هاني .. شو كمان تزكرت

هاني: تزكرتا .. بنت شقرا .. عيونا خضر .. حلوة كتير
تاليا: مين هاي

هاني: ما بعرف .. بس باينتا حبيبتي

وجعا قلبا لتاليا وغصت ..

تاليا: شو كمان

هاني :الناس.. الناس يلي عم تصرخ.. عم يصرخو باسم رهف .. هاد كلشي تزكرتو

تاليا: كتير منيح .. ما زالك عم تتزكر وضعك كتير منيح

برمت حالا لتروح .. مسكا من ايدا ..
دق قلبا .. غمضت عيونا وشدت عليهن .. رجعت فتحتهن واطلعت فيه ..

هاني: بتمنالك السعادة مع نعيم من كل قلبي .. انت بتستاهلي كل خير

سحبت ايدا منو بعصبية وطلعت من عندو ع غرفتا وهي عم تبكي ..

زتت حالا ع تختا وفرطت بالبكي .. يا ربي شيلو من قلبي .. ما عم اتحمل .. ما عم اتحمل

ام تاليا جهزت كاسة زهورات لهاني وراحت لعندو ع غرفتو وعطتو ياها ...

ام تاليا: هاني ابني .. انا رح اطلب منك طلب

هاني: تفضلي

ام تاليا: بعد عن بنتي لتقدر تعيش حياتا

غص هاني واطلع فيها .. انا بعتزر منكن .. خربطتلكن حياتكن .. انا من بكرة رح روح

وبهاللحظة دخل عليهن ابو تاليا ..

ابو تاليا: لوين رح تروح

هاني: انا رح استاجر غرفة من الشغل يلي حضرتك عطيتني ياه .. جمايلكن كترت .. صار لازم شيل هالحمل عنكن

ابو تاليا: هالشي مستحيل قبل لتصح

هاني: دكتور ان.......

قاطعو ورفع ايدو .. لا تكمل .. ما في اعذار ابدا .. طلعة من هون ممنوع

وتركو وطلع هو ومرتو ... لغرفتن ..

ام تاليا: بنتك عم تتعزب .. تركو يروح

ابو تاليا: بنتي جنت .. هالشب ممنوع يطلع من هون ليصح بالكامل

ام تاليا: الشب تزكر اسمو وبلش يصح .. و تاليا حاكتو لنعيم ورح يرتبطو .. خلي الامور تمشي منيح

ابو تاليا: اي كتير منيح .. ورح نكتب كتابن باسرع وقت .. لحتى ما تعود تفكر بغيرو

ام تاليا: ان شاء الله

نعيم رجع ع بيتو وهو قلبو عم يحترق .. تاليا بتحبو لهاني .. اي بتحبو .. وهالشي كان واضح بعيونا ومن لهفتا عليه .. بس ليش وافقت عليه لنعيم ازا كانت بتحبو لهاني ..

كل هالاسئلة كانت براسو لنعيم .. وبدو يلاقيلا جواب..

تاليا (الجزء الثالث)
@rwayate
بهاء: شوي .. يسلمو

تاليا: الله يسلمك .. شو يلي صار معك

بهاء: ما بعرف.. كابوس او واقع يلي شفتو .. ما بعرف .. دم كتير وقواص وصريخ .. ضجة كبيرة جواة راسي

تاليا: صار لازمك دكتور نفسي .. رح ابعتك بكرة لعند رفيقي

بهاء: وبشو رح يفيدني الدكتور النفسي

تاليا: كيف بشو رح يفيدك .. هو بيعرف شغلو منيح .. لا تخاف

بهاء: ففففففف .. ماشي

تاليا: نام هلا وريح حالك

بهاء: ماشي .. يسلمو كتير

تاليا: عشووو .. ما عملت شي .. يالا تصبح ع خير

وهي طالعة من غرفتو ..

تاليا: بابا .. يعطيك العافية

ابو تاليا: الله يعافيكي يا بنتي .. شو كيف بهاء هلا

تاليا: مانو منيح .. عم يكوبس

ابو تاليا: قلك شي

تاليا: عم يشوف دم وقواص وصريخ

ابو تاليا: بس ما يكون وراه شي قصة

تاليا: الله اعلم بابا .. حاكيتو هلا لاخدو عند الدكتور نعيم .. اكيد رح يساعدو

ابو تاليا: برافوو عليكي .. كتير منيح .. وانت من بكرة بترجعي لشغلك ع المشفى .. حاج اهمال ..

تاليا: حاضر بابا

تاني نهار .. فاقت تاليا ع بكير .. لبست تيابا وجهزت حالا .. وطلعت ع غرفتو لبهاء ..

دقت الباب .. بس ماحدا جاوبا .. رجعت دقت كمان ما جاوب ..

تاليا: ياربي .. بس ما يكون صايرلو شي .. رح فوت

فتحت الباب وفاتت وهي كتير خايفة عليه .. بس ما كان موجود .. دقت باب الحمام وكمان مانو موجود .. وقفت بنص الغرفة وهي عم تسال حالا..

تاليا: وين بيكون راح .. لك ما بيعرف حدا ولا بيعرف شي

وهي عم تحاكي حالا وسرحانة دخل بهاء ع الغرفة وسكر الباب من غير ما ينتبهلا ...
وع تسكيرة الباب نقزت تاليا ..

تاليا: مييين

بهاء: تاليا .. اسف ما شفتك

تاليا: جيت لشوفك بس ما لقيتك

بهاء: طلعت لاتمشى شوي

تاليا: اي كتير منيح .. غير تيابك لنطلع سوا ع مشوارنا

بهاء: ماشي .. يالا

غير تابو بهاء وطلع لعندن ع الصالة .. كانو كلن قاعدين ع السفرة ليفطرو..

بهاء: صباح الخير

ابو تاليا: صباح النور يا ابني .. يالا الفطور برد

قعد بهاء معن ع السفرة وبلش بالاكل ..

ام تاليا: كيف كانت ليلتك .. ان شاء الله ارتحت يا ابني

بهاء: الحمد لله .. يسلمو كتير .. عم عزبكن معي

ابو تاليا: شو هالحكي هاد .. لا تقول هيك بزعل منك ها

خلصو فطورن وطلعو سوا لعند الدكتور نعيم ..
دخلو ع العيادة .. ودخلتن السكرتيرة فورا..

تاليا: كيفك دكتور نعيم

وقربت منو وسلمت عليه ..

نعيم: اهلا وسهلا بدكتورتنا .. شو يلي زكرك فينا هههه

تاليا: بهاء .. الفضل لالو ههههه

اشرت لبهاء وهي عم تحكي .. قرب بهاء من نعيم وسلم عليه ..

بهاء: يعطيك العافية دكتور

نعيم: الله يعافيك .. اهلا وسهلا

تاليا: انا رح اتركن تاخدو راحتكن .. رح روح ع دوامي .. وقت تخلصو دقلي نعيم لو سمحت

نعيم: اي حاضر .. من عيوني

طلعت تاليا وبقي نعيم وبهاء بجلستن..

تاليا ( الرابع عشر)
@rwayate
رجعت تاليا ع بيتا وهي طايرة من الفرح ..

ام تاليا: واخيرا شفت هالضحكة ع وشك الحلو

قربت تاليا من اما وضمتا .. بحبك امي بحبك بحبك

ام تاليا: ع مهلك .. هدي هدي .. شو صاير .. شو عملك نعيم لحتى هيك فرحانة

بعدت تاليا عن اما..

تاليا: نعيم .. ااخ يا امي .. نعيم فاجاني كتير .. لك صدمني

ام تاليا: تعي خبريني شو صار .. تعي

قعدو تنيناتن ع الكنب وبلشت تاليا تخبر باما يلي صار ..

ام تاليا: نعيم اخدك باديه لعند هاني !!

تاليا: اي والله يا امي

ام تاليا: هالشب نظلم كتير معك

تاليا: ااخ يا امي .. والله مو بئيدي يا امي

ام تاليا: اي.. وكيفو هاني وشو صار معو

خبرت تاليا اما بكلشي صار مع هاني وخبرتا عن شركتو .. وكملت .. اي امي و... و.. والمسى رح يجي لعنا

ام تاليا: اي اهلا وسهلا

تاليا: امي .. رح يجي ليحكي مع بابا .....

ام تاليا: لك شبك تغير لونك .. شو بدو يحكي مع بابا

تاليا: رح يطلبني من بابا

اطلعت ام تاليا ببنتا وهي كتير فرحانة باللمعة يلي بعيونا وبالفرحة يلي ارتسمت ع وشا..

ام تاليا: ربي يسعدك يا بنتي ويريح قلبك .. هلا بدقلو لابوكي لحتى ما يتاخر المسا

دخلت تاليا ع غرفتا وهي مانا مصدقة يلي صار .. عم تسترجع كلشي صار بذاكرتا ..

مرق الوقت واجا المسا .. دق الباب..

تاليا: هاد هاني .. رح افتح

فتحت الباب .. ووقت شافا هاني بفستانا الازرق الناعم يلي عاكس ع عيونا .. رجف قلبو وبقي واقف بمطرحو وعم يطلع فيها..

تاليا: شبك هاني .. تفضل

دخل هاني وسهرو كلن سوا .. وطلب ايدا واتفقو ع موعد كتب لكتاب والعرس يلي رح يكونو بنفس النهار...

ابو تاليا: ما في داعي للتاجيل .. من بكرة بلشو بالتجهيزات

هالليلة كانت اول ليلة بتنام تاليا بهدوء من وقت ظهر هاني بحياتها..

ومن تاني نهار بلشو يجهزو لعرسن .. وحجزو صالة فخمة وفستان عرس ودعوات للعرس ..

مشا الاسبوع واجا يوم زواجن ..

كانت تاليا بقمة الجمال .. فستانها الابيض ومكياجها الناعم زادها جمال فوق جمالها ..

دخلو الصالة سوا وعيون الكل عليهن .. كانو بيجننو سوا .. ولابقين كتير لبعضن ..

امها .ابوها كانو عم يطلع باميرتن يلي صارت عروس ولبست فستانا الابيض .. نعيم كان عم يطلع بحبيبتو يلي راحت منو للابد وقلبو ع شوي رح يوقف ..

قطعلن هالافكار صوت لقواص يلي ضج بالصالة مرة وحدة .. الكل وقف وصار يتلفت حواليه ..

هاني: تالياااااااااااااااا

كانت تاليا مليانة بالدم وواقعة بارضا .. ولقواص لساتو شغال .. الكل صار يصرخ وعم يحاول يحتمي بايا شي ..

ومن بينن كلن ركض نعيم لعند القاتل يلي مخبي وشو والمسدس بايدو ..

نعيم: وقف ولااااا

القاتل وقت شاف تاليا وقعت بالارض ونعيم ركض لعندو .. طلع من الصالة ليهرب .. بس حراسو لهاني مسكو عن الباب وسحبو لسلاح منو ..

ومن غير وعي ركض نعيم لعندو وبلش ضرب فيه من غير وعي .. قتلتا يا كلب .. لك قتلتا لتاليا .. قتلتا .. والله لاشرب من دمك .. مسكو الشباب وبعدو عنو بالزور ..

حملا هاني بين اديه وهي مليانة دم وركض فيها ع السيارة .. وابوها واما لساتن ما عم يستوعبو يلي صار ..

هاني كان عم يسوق باقصى سرعة .. وعيونو ما نشالو عنا لتاليا .. يلي مغمضة عيونا وجسما كلو دم ..

وصلو للمشفى حملا هاني وركض فيها وامها وابوها وراهن .. دخلوها للطوارئ .. ودخل ابوها فورا ليعالجها ..

هاني وامها بقيو برا عم ينطرو شي خبر عن تاليا .. وبعدا وصل نعيم .. ساعات مرقت وهني عم ينطرو.. امها عم تبكي بنتا الوحيدة وتدعيلا ..
هاني عم يسترجع ذكرياتو مع رهف وكانو اليوم صارت وعم يدعي بانو ما يتكرر مع تاليا ..
نعيم ما كان حمل وجع زيادة .. العذاب يلي تعذبو بكفيه .. لوقت طلع ابوها من الغرفة..

عيونو كلن دموع .. ومانو قدران يوقف ع رجلي ..
ركضو كلن لعندن.. كيف تاليا

ابو تاليا: كانت رح تروح من بين اديي .. بنتي كانت رح تموت قدامي

ام تاليا: كيفا هلا .. بترجاك ما عاد فيني

ابو تاليا: هي منيحة .. بس بدا وقت لتفيق

تاني نهار ...

ام تاليا: شو صار بالتحقيقات .. مين يلي تجرا ع بنتي .. مين

ابو تاليا: مو تاليا المقصودة .. هاني المقصود

ام تاليا: اي!!!

ابو تاليا: متل ما كان متوقع هاني .. هدول الشركة المنافسة لالن .. قتلو حماه لهاني .. كانو مفكرين هيك رح يقضو ع الشركة .. بس هاني فاجان وقت دار الشركة هو ورهف متل ما كانت واحسن .. حاولو يقتلو .. بس الموت ما كان من نصيبو .. وماتت مرتو وابنو ..
وهلا وقت شافو رجع مرة تانية ورح يرجع يوقف الشركة ع رجليها رجعو حاولو يتخلصو منو ..

ام تاليا: حسبيا الله عليهن .. وشو صار هلا

ابو تاليا: اعدام فورا .. تلت رواح راحو ع ايدون

ام تاليا: خرجن .. الموت قليل عليهن

تاليا (الجزء الثاني)
@rwayate

كانت تاليا ماشية حدو وسرحانة بعالم تاني .. ما كانت مسدقة انو هي ماشية حدو .. صرلا شهر ما عم تفارقو .. تعلقت فيه قبل لتعرفو ..

تاليا: (عم تحاكي حالا) فففففف .. لك شو صرلي انا ... ياا ربيييي

بهاء: تاليا.. تاليا .. شبك .. بشو شاردة

تاليا: هااا .. لا ولاشي .. ما في شي

ركبو سوا بسيارتها لتاليا وراحو ع بيتن ..

بهاء: هاد بيتكن؟!

تاليا: اي .. عجبك

بهاء: باينتو حلو

كان بيت كبير وبابو حديد وكتير عالي .. ومحاوط بالشجر من كل الجهات .. وزهر الياسمين مدلى ع الباب ..

دخلو سوا ع البيت وكانت اما باستقبالن .. ست بكامل الاناقة .. ملامحها قريبة من ملامح تاليا .. كلا هدوء وركازة..

ام تاليا: اهلا وسهلا .. تفضل يا ابني

دخل بهاء بخجل ومد ايدو وسلم عليها ...

بهاء: اهلين فيكي .. بعتزر منك .. رح تقل عليكن

ام تاليا: شو هالحكي يا ابني .. تفضل جهزتلك غرفة لالك لتاخد راحتك .. غير تابك واتدوش من ريحة المشفى لجهز القهوة ..
واطلعت بتاليا ... تاليا امي خدي ع غرفتو

تاليا: حاضر امي

مشيو سوا بممر صغير لوصلو لغرفة باخرو .. فتحت تاليا الباب ودخلو ..

تاليا: تفضل .. ان شاء الله تعجبك

دخل بهاء وهو عم يتفحص الغرفة بعيونو ..

بهاء: اي.. كتير حلوة .. شكرا كتير

كانت الغرفة كبيرة وفيها تخت ومكتب وخزانة صغيرة و حمام خاص.. وشباك كبير بالجدار يلي مقابيل الباب .. راحت تاليا لعند الشباك وفتحتو .. اطلعت ببهاء كان ماسك راسو بئدي التنتين وعم يتوجع .. ركضت لعندو لتشوف شبو ..

تاليا: بهاء.. شبك

بهاء: راسي ... كتير عم يوجعني

تاليا: خود حبة دوا لتريح شوي ..

اطلع بهاء فيها بعجز ..

بهاء: قولتك رح ارجع اتزكر

تاليا: اكيد رح تتزكر .. بس هالشي بدو وقت .. رح اتركك لتتدوش هلا .. ولا تنسى الدوا

طلعت تاليا من الغرفة وبقي بهاء لوحدو .. وقف ع الشباك ..

بهاء: يا ربي .. مين انا .. ومن وين .. شو اسمي .. وينن اهلي .. يا ربي ساعدني

تنهد واخد نفس عميق .. واخد المنشفة يلي كانت ع التخت ودخل ع الحمام ليدوش ..

وهو تحت المي السخنة .. عم يحاول يسترخي ويهدي اعصابه .. كان مغمض عيونو .. وفجاة سمع صوت رصاص وقواص براسو .. فتح عيونو كانت الارض كلا دم .. نقز وصار يتلفت حواليه .. شاف اديه كلن دم ..
سكر المي وهو كتير متلبك وغمض عيونو واخد نفس.. رجع فتحن ما كان في شي ع الارض غير المي..

بهاء: شو صرلي .. دم وقواص!!

خلص حمام ولبس تيابو وطلع لبرا .. كانت تاليا مغيرة تيابها ومدوشة .. لابسة بنطلون جينز وقميص ابيض خفيف وفاردة شعراتا ع ضهرا ووشا مورد ..

كانت قاعدة ع الكنبة متل الملاك .. اول ما شافا ما قدر يشيل عيونو عنا ومن غير ما ينتبه ع حالو ..

تاليا: شبك .. في شي

انتبه بهاء ع حالو ..

بهاء: هاا .. لا ولاشي .. سلامتك

ام تاليا: يالا شباب .. القهوة جهزت

قعدو سوا وشربو قهوتهن .. حط بهاء الفنجان ع الصبنية ..

بهاء: شكرا كتير ع القهوة .. رح روح نام لارتاح شوي

تاليا: الله معك

راح بهاء ع غرفتو .. تسطح ع السرير وغمض عيونو .. ومن تعبو غفي فورا..

تاليا: مسكين هالبهاء

ام تاليا: والله هالموضوع مخوفني يا امي

تاليا: ليش امي

ام تاليا: لك دخلنا بيتنا ونحنا مو عرفانين اصلو وفصلو .. الله اعلم شو قصتو

تاليا: امي .. الشب باين عليه حباب كتير

اطلعت فيها اما نظرات تحذيرية..

ام تاليا: تاليا .. انتبهي منيح منو .. فهمانة علي

تاليا: ماشي ماشي امي

**********

جمعة ناس .. وصريخ وبكي .. اصوات كتيرة .. وطفل صغير عم يبكي ... وقواص بكل الاتجاهات .. اديه التنتين مليانين دم.. اصوات كلا براسو لبهاء وهو غفيان.. خلت نفسو يديق وينخنق..

بهاء: اااه .. اااه .. ااااه

ونقز من نومو ...

بهاء: راسييييي .. لك راسيييييي

تاليا من غرفتا سمعت صوت صريخو لبهاء .. تركت الكتاب يلي كان بئيدا واجت لعندو ركض ..
دقت الباب بقوة من برا ...

تاليا: بهاااء .. بهاء... شو صاير .. رح افتح

فتحت الباب ودخلت لعندو .. كان ماسك راسو بئدي التنتين وعم يصرخ ..

تاليا: بهااء.. طول روحك .. وينو الدوا

فتحت الدرج يلي حد التخت وطالعت علبة الدوا .. وعطتو حبة ..

تاليا: شراب هاد بسرعة

بهاء: اااخ .. ماني قدران اتحمل

شرب الدوا ... وهو كتير تعبان ومتلبك ..

قعدت تاليا حدو ع التخت .. تطلع فيه بعيون دبلانة وحزينة .. شكلو وهو عم يتوجع بيالما من جوا ..

تاليا: هدي حالك .. خمس دقايق والوجع بيروح

اخد بهاء نفس وهو عم يحاول يهدي حالو ..

بهاء: شكرا كتير .. عزبتك

تاليا: رتحت؟

تاليا (الجزء العاشر)
@rwayate
تاني نهار فاقت تاليا ع صوت تلفونا ..

تاليا: فففففففف.. مين يلي عم يدقلي بهيك وقت .. يا ربي منك نعيييم

فتحت الخط وردت.. الوو

نعيم: صباحو حياتي

تاليا: صباح النور .. هلا نعيم

نعيم: رح اعزمك ع لفطور .. ولا تخجليني

فركت جبينا بايدا .. ماشي .. رح اجي

نعيم: ناطرك حياتي .. بمطعمنا .. لا تتاخري

تاليا: ماشي .. ما حاتاخر

بدلت تاليا تيابا .. وجهزت حالا .. طلعت ع الصالة كانو كلن قاعدين ع السفرة وعم ينطروها ..

تاليا: صباح الخير

ابو تاليا: هلا حبيبة بابا .. يالا تعي

اطلعت بهاني بطرف عينا ع هاني..

يسلمو بابا .. رح افطر انا ونعيم .. و ما رح داوم بالمشفى هلا .. بعد شي ساعة بجي

تشردق هاني بالاكل يلي بتمو .. قربت تاليا منو عطتو كاسة المي ..

هاني: شكرا

ابو تاليا: ماشي يا روحي .. خدي راحتك

وقف هاني .. دايمة ان شاء الله..

تاليا: تعا معي لوصلك بطريقي

هاني: بلا ما عزبك

تاليا: لا .. ما فيها عزاب .. تعا

طلعو سوا بالسيارة .. كانو ساكتين .. تاليا عم تحاول تقاوم ريحتو يلي بتعشقا .. عم تحاول تشغل حالا بالسواقة .. ما بدا تفكر فيه ابدا ..

هاني عم يفكر كيف رح يكون لقاءها مع نعيم .. وقديه نعيم محظوظ بهيك انسانة .. كسر هالصمت وقت هاني شاف سيارة عم تلحقن وين ما راحو ...

هاني: تاليا .. هالسيارة السودا بتعرفيها شي

اطلعت تاليا بالمراية ع السيارة .. لا ابدا .. ما بعرفا .. شبها

هاني: من وقت طلعنا وهي عم تلحقنا

تاليا: يا ربي .. شو بكونو بدن... شو عم تعمل

هاني: عم صورا .. رح اعرف لمين هي

ولساتن عم يحكو ما شافو غير السيارة ضربتن من جنبن وطالعو يلي فيها مسدسات وبلشو قواص عليهن ..

هاني ومن غير وعي مسك راسا لتاليا ونزلو لحتى ما يجي فيها لقواص .. بس لرصاصة كانت اسرع منن وصاوبتو لهاني بكتفو ...

تاليا: هانييي .. شو صرلك

ومن لبكتا لتاليا برمت السيارة فيهن وصارت تروح يمين وشمال .. ولقواص لساتو عليهن ..

هاني وبلحضة وحدة صور كتيرة بلشت تعصف براسو .. كلا ورا بعضا .. هو عم يتزكر وصوت لقواص حدو وصوت تاليا عم تستنجد فيه ..

فقدت تاليا سيطرتها ع السيارة وضربت بالحيط .. ووقفت .. وغط ع قلبو لهاني ..

تاليا (الجزء السابع)
@rwayate
نصدم كتير بهاء وقت زكرلو اسم تاليا ..

نعيم: تعرفت ع تاليا ومن نحنا بالجامعة .. حبيتا كتير ووصل حبي،للعشق .. كنت مفكرة بتبادلني المشاعر .. بس صدمتني،وقت خبرتني بانو انا بالنسبة الها مجرد صديق..

«نعيم: صديق!! بس صديق .. لك انا بعشقك تاليا .. بعشقك

تاليا: انا بعتزر منك ازا كنت بعلاقتي معك وصلتلك انو بحبك .. جد بعتزر .. انا بحبك اي،.. بس بحبك كصديقي ورفيقي الوفي وبيت اسراري .. مو اكتر من هيك

نعيم: طيب جربي .. جربي فكري فيني بغير طريقة .. رح انطرك

تاليا: نعيم .. انا ماني صغيرة لتقلي هيك .. انا مشاعري واضحة لالي .. انا ولا مرة فكرت فيك بالطريقة يلي عم تحكي فيها »

نعيم: سنين وانا عم حاول معا .. لحتى ستسلمت بانو ما رح تتغير مشاعرها اتجاهي

كان نعيم عم يحكي وبهاء حاسس بنار جواتو عم تحرقو ..

نعيم: بهاء.. انت معي

بهاء: هاا .. اي اي .. صار لازم روح .. بعتزر منك .. جد بعتزر

طلع بهاء من العيادة ونعيم لساتو مصدوم من تصرفو .. لك شبو هاد .. فففففف انا الغلطان يلي عتبرتو رفيقي

كان عم يمشي بالشارع وهو كتير مدايق ...

بهاء: لك شبني انا .. لك ويحبا .. شو المشكلة .. هي ما بتعنيلي شي .. وين المشكلة .. ويييين

بعد هاليوم بهاء عرف قديه بيحبا لتاليا وقديه بيغار عليها .. بس شو الفايدة .. هو مجرد مجرم وقاتل .. وغير هيك هو عندو حبيبة ..

مشت الايام وبهاء وضعو النفسي عم يسوء اكتر .. ما عاد طاقو لنعيم ولا راح لعندو .. تاليا بطلت تحتك فيه نهائيا .. ووقت يقعدو ع سفرة وحدة ما بتحاكيه ابدا وازا اجت عينها بعينو بتهرب منن فورا ..

الشي الوحيد يلي كان يخفف عنو شغلو لجديد بمحل الموبايلات .. يلي من اولتا نجح وانفتحلو منو باب رزق..

تاليا كل حبها لالو قلب لحقد عليه وكره لحالا .. كانت متاكدة بقرارة نفسها بانو هو بيحبا .. بس رفضو لالها ما قدرت تتقبلو ولا تستوعبو ..

ام تاليا: تاليا .. صاير بينك انت وبهاء شي؟

تاليا: لا ماما .. شو بدو يصير

ام تاليا: لكن ليش ما عم تحاكي

تاليا: ها.. لا ماما .. ما عم افضى لشي

ام تاليا: ازا كان مدايقك بشي احكي .. ولا تستري عليه

تاليا: ماماااا .. شو بدو يكون مدايقني .. ما في شي

وقفت تاليا وهي كتير معصبة وراحت ع غرفتا ..

تاليا: انا لازم احرق قلبو متل ما حرقلي قلبي .. لازم طالعو من قلبي .. لازم طالعو

وهي عم تحاكي حالا دق تلفونا .. اطلعت فيه شافت المتصل ودمعو عيونا ..

تاليا: الوو .. هلا نعيم

نعيم: كيفك تاليا

تاليا: تمام

نعيم: بدي اسالك عن بهاء .. شو اخبارو .. وليش ما عاد اجى لعندي

تاليا: ما بعرف .. يمكن مشغول بشغلو لجديد

نعيم: لك عم دقلو وما عم يرد

تاليا: مممم .. ما بعرف .. نعيم بدي شوفك هلا ضروري

نعيم: شو صاير

تاليا: لاقيني بالكفيه يلي كنا نلتقي فيه من قبل

نصدم نعيم وقت قالتلو هيك .. من سنين ما عادو قعدو بهالكفيه ..من وقت تاليا رفضت حبو لالها ..

تاليا: نعيم.. انت معي!!

نعيم: اي .. اي ... معك معك

تاليا: ماشي .. لا تتاخر .. رح بدل تيابي وروح

نعيم: ماشي .. رح اطلع فورا

سكر نعيم الخط وهو مانو مستوعب شي .. ودق للسكرتيرة فورا.. الغي كل المواعيد

#ذكرى_وجع_بقلم_امل_احمد

(الجزء الاول)
@rwayate

كانت واقفة حد التخت يلي نايم عليه وعم تتصفن فيه وهي مشلبكة اديها ببعضن ..

تاليا: لايمت رح تضل هيك .. ايمت رح تفتح عيونك

ندق الباب ودخل الدكتور..

تاليا: هلا بابا .. لايمت رح يضل ع هالحالة هاي .. صرلو شهر ع هالوضع هاد

ربت ابوها ع كتفا بحنية وهو عم يطلع عليه ..

ابو تاليا: والله يا بنتي ما بعرف .. بايا لحظة ممكن يفتح عيونو ويفيق

تاليا: بس شي غريب كل هالفترة ما حدا سال عنو .. معقول ما يكون الو قرايبين

ابو تاليا: الله اعلم يا بنتي .. يمكن هلا اهلو قالبين الدنيي عليه .. ما بتعرفي

برم ضهرو ومشى ليطلع من الغرفة .. وهو عم يفتح الباب اطلع فيها ..

ابو تاليا: لا تضلي هيك فوق راسو .. رتاحي شوي .. وشوفي غير مرضى كمان

هزت راسا ..

تاليا: لا بابا .. ما فيني .. حابة كون حدو وقت يفتح عيونو

ابو تاليا: هههههههه .. والله انت امرك غريب يا بنتي

تاليا بنت قمة بالهدوء .. وهالهدوء معطيها جمال انثوي ملفت .. شعرا الخروبي لمطعج وبشرتا البيضة وعيونا العسليات يلي فيهن لمعة ساحرة .. جسما المتناسق .. كلا ع بعضا كانت ملفتة كتير لكل مين شافا .. وهي دكتورة بمشفى ابوها ..

طلع ابوها من الغرفة ورجعت تطلع ببهاء .. او يلي هي سمتو بهاء .. ما كانت تشبع منو .. من وقت اسعفو ع المشفى وهي ما الها شغل غيرو ..

ع طول معو بالغرفة .. عم تعتني فيه بكل حذر .. وع طول عم تتامل بهالانسان يلي كان متل نجوم السينما .. شعر اسود ناعم .. وعيون لوزية .. سمار شرقي .. جسم كلو عضلات ..
كلشي فيه كان ملفت بالنسبة لتاليا .. وكانت عم تنطر الوقت يلي يفتح فيه عيونو لتعرف تحل هاللغز يلي قداما..

تاليا .. كمالة الاول
بعد بيومين.....

فتح عيونو بكل صعوبة .. راسو عم يوجعو كتير .. عيونو منفخين .. مانو قدران يحرك اديه .. ومانو حاسس بجسمو ..

اطلع بصعوبة شاف بنت قاعدة ع كرسي وماسكة كتاب بئيدا .. ما ميز ملامحها .. بس شافا لابسة ابيض ..

بهاء: ااااخ .. ااخ .. وين انا

وقفت تاليا واجت لعندو ركض وقلبا عم يدق من فرحتو ..

تاليا: واخيرا .. الحمد لله ع سلامتك

كان عم يحاول يفتح عيونو منيح ليحسن يشوفا ..

بهاء: وين انا .. وشو صار

اطالعت عليه تاليا بوشا الناعم البريئ وتبسمتلو ..

تاليا: انت بالمشفى .. لا تقلق

بهاء: راسي عم يجعني .. كتيير

تاليا: سلامتك .. رح جبلك دوا وناديلو للدكتور

طلعت تاليا ركض لعند ابوها ..

اطلع بهاء بالغرفة يلي هو فيها وهو متلبك كتير ..

بهاء: شو عم يصير معي .. رااااااسي

دخل ابوها لتاليا ( الدكتور ) وهو كتير فرحان بانو بهاء واخيرا فاق..

الدكتور: اييييي.. واخيرا فاق مريضنااا .. الحمد لله ع السلامة يا ...... شو ناديلك .. نحنا طول هالفترة عم نندهلك بهاء .. هيك تاليا سمتك ههههههه

اطلع فيه بهاء بخوف ..

بهاء: كيف يعني؟ ما فهمت

الدكتور: وقت اسعفوك لعنا من شهر .. ما كان معك حدا بيعرفك .. وما لقينا معك شي يثبت هويتك

اطلع فيه بهاء وهو كتير متوجع ..

بهاء: دكتور انا ... انا ما بعرف اسمي .. ما بعرف شي .. انا ما بعرف شي .. راسي .. رااااااسي

كان عم يحكي بهاء بصوت عم يرجف وبخوف ..
اطلعت تاليا بابوها واختفت البسمة عن وشن .. مسك الدكتور ايدو لبهاء .. وشد عليها..

الدكتور: لا تخاف يا ابني .. نحنا معك .. ما رح نتركك

اطلعت تاليا ببهاء بحزن ...

تاليا: كلشي رح يكون احسن .. اطمن

بعد بيومين ..

بهاء عم يغير تيابو بغرفتو بالمشفى .. ندق الباب ودخلت تاليا ..

تاليا: صباح الخير

بهاء: صباح النور

تاليا: كيفك .. جهزت

بهاء: تمام .. اي جاهز .. بس ...

اطلع فيها بهاء بحيرة ووجع ...

تاليا: بس شو .. شبك

بهاء: يعني ما بعرف .. رح تقل عليكن هيك

قربت منو تاليا وبلشت تلم تيابو وتحطن بالشنتة وهي عم تحاكيه..

تاليا: لساتك عم تفكر بهالموضوع .. عم قلك بيتنا كبير .. وما في حدا .. انا وبابا وماما بس .. وهيك بتضلك تحت اشراف بابا ع طول

بهاء: انتو ما في منكن .. ربي يجزيكن الخير

تاليا: لا تقول هيك بهاء .. نحنا تعودنا عليك .. وما فينا نتركك

بهاء: بس وجع راسي ما عم يروح

تاليا: اي هاد شي عادي .. رح نتابع ع الادوية ولنشوف شو بصير

مشيت تاليا قدامو واشرتلو بئيدا انو تعا .. وطلعو سوا ...

تاليا (الثاني عشر)
@rwayate
بعد ما راح هاني تاليا صابتا حالة اكتئاب .. حبست حالا بغرفتا وما عادت طلعت منا .. وبعد بيومين من هالشي اجا نعيم لعندن ..

نعيم: خالة فيني شوفا لتاليا

ام تاليا: طبعا يا ابني .. يا ريت لو تقدر تطالعها من حالتا هاي

نعيم: رح حاول .. بالازن منك

دق نعيم الباب اكتر من مرة وتاليا ما جاوبت .. فتح الباب ودخل ..
كانت متسطحة بتختا وعيونا منفخين من البكي .. والغرفة كلا عتمة والشبابيك مسكرة ..

نعيم: تاليا .. فيني فوت

جاوبتو بصوت يا دوبو مسموع .. فتت وخلصت

نعيم: لك ليش هيك الغرفة .. شو هاد

راح ع الشبابيك فتحهن وفتح الستاير ..

غطت تاليا راسا بالحرام لحتى ما تشوف الضو .. قرب منها نعيم وشال لحرام عنها ..

تاليا: نعيم لو سمحت .. تركني

نعيم: كل هاد كرمالو لهاني .. لهالدرجة بتحبي

وقت قلا هيك فرطت بالبكي ..

نعيم: ليش عم تبكي

تاليا: تعبانة يا نعيم .. تعبانة كتير

نعيم: سلامة قلبك..
شال لحرام عنا .. قومي لشوف .. رح اخدك مشوار

تاليا: لااا نعيم .. لو سمحت .. ما فيني

نعيم: ممنوع الاعتراض.. مشي معي

مسكها من ايدا ووقفا ..

نعيم: رح اطلع لتبدلي تيابك وتغسلي وشك .. لا تتاخري

تاليا: نعي.....

حط ايدو ع تما وما خلاها تكمل ...

نعيم: هشششش .. ممنوع الاعتراض .. لبسي بسرعة

هزت براسا وايدو لساتا ع تما ..

تركا وطلع لبرا .. لبست وجهزت حالا وطلعت ..

نعيم: جاهزة ؟

تاليا: اي جاهزة

طلعو تنيناتن سوا بسيارة نعيم .. نعيم طول الطريق عم يحاول يغيرلا جو وهي مانا معو .. وساندة راسا بايدا يلي حاطتا ع شباك السيارة ..

وقف نعيم السيارة ع باب شركة كتير كبيرة ..

تاليا: لوين جايبني .. نعيم مالي خلق لشي

نعيم: اي نزلي .. نزلي

تاليا: ففففففف منك يا نعيم .. مدري ليه عم اسمع كلمتك

نعيم: هههههههه

نزلو من السيارة ودخلو ع الشركة .. يلي كانت بقمة الفخامة والروعة .. طلعو بالاصانصيل وتوجهو لمكتب المدير ..

السكرتيرة : اهلا دكتور نعيم .. الاستاز هاني بانتضارك

نعيم: شكرا

تاليا وقفت مصدومة .. ما عم تستوعب يلي عم يصير .. ضلت واقفة مكانا ..
اطلع فيها نعيم .. شبك .. امشي

تاليا: لك .. لك لوين جبتني انت

نعيم: ههههه لعند هاني

اطلعت تاليا فيه بعيونا المليانة دموع ..

تاليا: شكرا كتير لالك .. انت انسان رائع .. وما في منك .. يسلمو نعيم .. يسلمو كتير

اطلع فيها نعيم بعيونو المليانة حب ووله ..

نعيم: هالضحكة يلي بعيونك كتير بتعنيلي .. وهلا مشي معي بلا ما ينطر هاني اكتر

دخلو لعند هاني يلي كان لابس طقم رسمي كحلي وقميص ابيض وقاعد ورا مكتبو ..
وقت شافن وقف وراح لعندن.. اهلا وسهلا .. اهلا وسهلا ..

تاليا ما قدرت تتمتلك حالا وقربت منو وضمتو ..

تاليا: شتقتلك .. شتقتلك كتير

لفا هاني باديه .. حبيبة قلبي .. وانا شتقتلك يا قلبي

تاليا (الثالث عشر)
@rwayate
نعيم كان عم يطلع فيهن وقلبو عم يغلا غلي .. لتاني مرة بيخسرا لتاليا .. بس ما كان فيه غير انو يعمل هيك .. كان عم يشوف حب هاني بعيونا لتاليا .. ما كان فيه يقبل يرتبط فيها وهو متاكد بانو بتحب غيرو ..

انتبه هاني لنعيم ولنظراتو الن .. اتوجه لعندو وضمو ..

هاني: قد ما تشكرتك ما رح اوفيك حقك .. ولا رح ردلك هالجميل

نعيم: بتردلي ياه وقت بتنتبه ع تاليا منيح .. تاليا اغلى من روحي .. ايااك تازيها او تجرحا مرة تانية

هاني: لا تخاف .. رح حطا جواة عيوني وغمضن عليها طول العمر

تاليا: (عبست واطلعت فيه) اي وكيف رح تشوف وانت مغمض عيونك

هاني.. نعيم: ههههههههه

قعدو تلاتن سوا وشربو قهوتن مع بعضن ..

نعيم: وهلا .. لوين وصلو الشرطة

هاني: لساتن مطرحن

تاليا: وشو عم يعملو .. هاي تالت مرة بيتعرضولك .. اول مرة راح فيها حماك وتاني مرة مرتك وابنك وهالمرة كنت رح تروح انت

هاني: هني عم يدورو ع صاحب السيارة .. منيح يلي صورتا .. هالصورة عطتن طرف الخيط

نعيم: بدك تنتبه ع حالك منيح .. خلي معك تنين بدي جارد .. بس لحتى تخلص هالقصة

هاني: الشرطة ما قصرو .. وعطوني شباب من عندن

تاليا: اي كتير منيح

وقف نعيم .. سمحولي .. بالازن منكن

هاني: لوين

نعيم: لك العيادة رح تقفل بسببكن ههههه

وقفت تاليا وسلمت عليه.. لساني عم يعجز عن شكرك .. بتشكرك كتير .. انت اعز صديق ع قلبي .. بتمنى تلقى البنت يلي بتستاهلك عن قريب

تبسم نعيم بوشا وهو من جوا رح يموت .. لا هو مات وخلص .. تاليا هالمرة خلصت عليه .. قتلتو ..

نعيم: ولا يهمك .. بالازن

طلع نعيم و تاليا لساتا عم تطلع ع الباب وتحكي..

تاليا: كيف قدر يعمل هيك .. ما عم بعرف

اجاها هاني من وراها ولفا.. وطبع بوسة ع رقبتا .. دخلتا لعالم تاني ..

هاني: شتقتلك .. شتقتلك كتير

فلتت حالا منو .. وبعدت عنو بخجل ..

تاليا: حاسة حالي عم احلم .. ماني مصدقة ابدا

هاني: ههههههه .. لك اااخ انا يلي عم احلم .. بهالسرعة اجاني العوض من ربي .. بتعرفي شو .. اليوم المسا رح اجي لحاكي الدكتور كرمال كتب لكتاب .. ما رح اجل

لمعو عيونا من فرحتا واطلعت فيه..

تاليا: جد عم تحكي

هاني: اي طبعا جد .. لك رح موت ع اللحظة يلي تجمعنا سوا

تاليا: يخليلي ياك .. مممم.. هاني

هاني: يا عيونو لهاني

تاليا: انا خايفة عليك كتير .. مين بدو يكون يلي عم يلاحقك

هاني: ما بدي اظلم حدا .. بس .. في جماعة شاكك فيهن وما بعرف ازا كان شكي بمحلو

تاليا: مين هني

هاني: قبل مقتل حمايي باسبوع كنا ماخدين مناقصة .. وازا ما خاب ظني صحابين الشركة المنافسة هني يلي قتلو

تاليا: اي وانت ومرتك وابنك

هاني: شبنا

تاليا: ليش ليتهجمو عليكن

هاني: مرتي وابني راحو بالغلط .. هني كانو رح يقتلوني انا .. وبالنسبة لالي . انا وقت مات حمايي بلشت فورا دير الشركة وجدد صفقات ومناقصات .. لهيك كانو رح يتخلصو مني ..

تاليا: ففففففففف .. انتبه ع حالك منيح لوقت ينمسكو

اطلع فيها هاني وهو عم يتبسم .. لا تخافي .. وركزي هلا بالمهم

تاليا: ما في اهم من هالشي

هاني: لا في .. حياتنا الجاية ومستقبلنا