#ﺰهّـرةّ_شُـبًأّبًنِأّ,,,,,🍀#بًقُلَمً_HajarSh#الجزء_الرابعبالسيارة كان علاء سايئ وئلبو طاير من الفرحة وكان حاسس حالو مالك الدنيا ومافيها...
اما ليلاس كان عئلا مشغول بشي... وقرر علاءيكسر الحاجز اللي بيناتون
علاء :لساتك بتشتغلي سكرتيرة عند محامي ؟
ليلاس :اي ...
علاء :هلء جنئ ئديش صار عمرها ؟
ليلاس :3 سنين ونص
علاء :ماشاء الله بتعرفي بتزكر لما تجوزتي كنتي لسا بتدرسي
ليلاس :اي تجوزت واحد اكبر مني بـ15 سنة بس الله يرحمو
علاء :بتعرفي لحد الآن ماعرفت كيف توفئ المرحوم
ليلاس : جوزي كان مريض بالسرطان ومات بعد العمليه يلي عملها
علاء :الله يرحمو ... مسكينة هالجنئ تيتمت علئ بكير الله يبعتلا ايام حلوة وانتي الله يعوضك
ليلاس :يعوضني بشو .؟
علاء :بيلي ينسيكي المرحوم
ليلاس :..انا مابدي اتجوز ... مو محبة بالمرحوم بس هيك ...لوسمحت وئفلي هون .شكرا عالتوصيلة
نزلت ليلاس وضل علاء عم يطلع عليها ...
ورجع مشي وراح علئ شغلو ... ركن السيارة ونزل ورن جرس الباب وفجأة فتحتلو بنت حلوة بشعر أحمر ناعم ووشا كان فيه
نمش عالخفيف وعيونا زرق أصفا من لون مية البحر بيوم صيفي
....:مين حضرتك ؟
علاء :وين هشام بيك ؟
....:وشوبدك بـ هشام بيك ؟
علاء :لاحول ولاقوة الا بالله ،انتي السكرتيرة الجديدة ؟ بعدي من طريئي
...:لك شو جنيت انتة ...مين سمحلك تفوت...
علاء :لك تركيلي ايدي ...يي علئ هالدبئة هشام بيك تعال شوف هي ...لك منين جايب هالعاهة ؟
نزل هشام عالدرج وشاف البنت وعلاء علئانين وعم يبهدلو بعض
....:ليك انا مابسمحلك ...تأدب وعريف مع مين عم تحكي
علاء :يعني مع مين بتلائيكي شئفة موظفة بشركة هشام بيك يا اما الشغالة الجديدة بس هيئتك رح تتألعي اليوم انشالله
...: شغالة ؟؟ عنجد انك تماديت كتير لك انتة مين مفكر حالك لحتا تألع العالم
علاء :انا بكون...
هشام :شو عم بيصير هون ؟
علاء :صباح الخير هشام بيك ...ليك هي الموظفة ابدا ابدا ما فيها ادب او زوء ... يخربيت ابوها كانت رح تألعني من هون
هشام :عنجد ميرنا
ميرنا :اي بابا
علاء :شفت ...بـ بابا 😰!!!!!!!!!
هشام :ئلتلي يخربيت ابوها ؟
ميرنا :ئلتلي بدك تألعني من هون ؟
علاء :😱😰😰😰😨😭👊✊
علاء :معليش صار في سوء تفاهم ،مشان الله يابيك مرئلي اياها هالمرة 😭
ميرنا :لا بابا لا تمرئلو اياها هاد لازم تنمسح الأرض فيه 😏
اتطلع علاء بـ ميرنا تطليعة حقد وئلا :أنسة ميرنا كوني محضر خير لو سمحتي
ميرنا :لحتا تتربا
علاء :وحياتك مربئ
ميرنا :عمشمش وللا علئ تين 😂
علاء :بايخة علئ فكرة 😒
هشام :خلص انتي واياه ... وانتة علاء الحئني بالشنتة عندي اجتماع مهم اليوم
علاء :تكرم يابيك
واتطلع. بـ ميرنا وغمزها وكأنو كان عم يجاكرها 😂
اما ميرنا نرفزت و نفخت علئ غرتها لحتا بين جبينها
وبالسيارة ... كان هشان عم يئرا بأوراق شغل لما سألو علاء :هشام بيك هي أول مرة بعرف انو عندك بنت ...ياترئ وين كانت ليش ما ئابلتا غير اليوم ؟
هشام : وليش بدك تعرف ؟
علاء :بصراحة البنت الله يخليلك اياها ابدا ما بتشبهك ...لا والله عيونها متل عيونك بس هية كلها عبعضا وطبعها ابدا ما بيشبه طبعك 😅
هشام :ميرنا شبه امها وشخصيتها هي امها يلي بنتلا اياها ...
علاء :الله يرحمها
هشام :لمين ؟
علاء :للخانم ام الانسة ميرنا
ضحك هشام وئال :بس انا مائلك انها ماتت
علاء :ولي مشان الله ..
هشام :ما اخذك... فهمناها هالاسطوانة ... بس بدي انصحك نصيحة ...لا تحكي كلام ئبل ما تفكر فيه ...ولا تدخل بأمور غيرك ... ماشي
سكت علاء وكفا طريئو ...
هشام :من بكرة بتصير تجي بكير أكتر
علاء :ليش يابيك ؟
هشام :بدي وكلك توصل ميرنا كل يوم علئ جامعتا ...
علاء :بس ... وانتة يا بيك
هشام: بتوصلها وبترجع بتاخدني مابدها معجزة
علاء :ليش يابيك... الانسة ميرنا ماعندا سيارة؟
هشام :انا مانعها من سوائة السيارات ...
علاء :ليش يابيك ؟
هشام :كترو أسألتك
علاء :عراسي يابيك....سامحني
علاء «بئلبو » :يا حبيبي انشالله بدي صير شوفير عند هالمتخلفة 😒
سكت هشام شوي ورجع ئال :انتة مركب حدا بالسيارة اليوم ؟
اتلبك علاء وماعرف شو يجاوبو ...
هشام :احكي علاء ليش ساكت ؟
علاء :أأي والله بس انتة كيف عرفت يابيك ؟
هشام :من ريحة العطر يلي معبية السيارة ،وبظن انو تكون بنت
علاء :والله يابيك ماشالله عنك بتلئطها عالطاير ..أي والله سدئت اليوم وانا جاي لعندك صادفت جارتي ومالئيتا حلوة ماوصلها علئ شغلا بما انو شغلا عطريقي عرضت وصلها ..😅
هشام :أول مرة وآخر مرة فهمت
علاء :خير يابيك ليش ؟
هشام :لأنو سيارة شغلك لشخص واحد مو ضروري تئلبها تكسي لمين ماكان
علاء :تكرم هشام بيك ...
تاني يوم الصبح طلع علاء أبكر من موعدو بساعة وصدف ليلاس وهية طالعة من بيتها...
طارعئلو لما شافها ...
علاء :صباح الخير
ليلاس :أهلين علاء صباح النور
ورجعت نزلت ... نزل علاء وراها وشافها عم تمشي بالحارة ورجع لحئها ونادالها ...
علاء :ليلاس