مدیر مسئول : علی حامد ایمان
سردبیر : رضا همراز
اوستاد شهرانی، اوچ جیلد کیتاب « تاریخ ادبیات ترکی اوزبیکی» فارسجایا چئویریب.کیتابین اصلی «پروفسور میلله یف» ایشی دیر.
بیرینجی جیلدی: اؤزبک تورکجه سینین تاریخی اسکی زامانلاردان «لطفی هروی» یه کیمین. ایکینجی جیلدی « میر علیشیر نوایی» یه راجع دیر و اوچونجو جیلدی «ظهیرالدین بابور» دان « پادشاه خواجه» یه کیمین دیر.اوچونجو جیلدینین سونوندا بیر دیرلی تکمله سی ده وار.بو کیتاب پاکستان مملکتینده چاپ اولونوب.دیمه لی ییک کی افغانستان دا چوخلو تورک ، اؤزبک و تورکمن لر یاشاییرلار.👇👇👇👇
رحمتلیک دوکتور حمید نطقی، آذربایجان بؤیوک شاعر و یازیچی سی👆👆👆👆
بوگون تیر آیی نین ییرمی بئشی، دوکتور نطقی نین دونیادان کؤچمه سینین ایل دؤنومودور.آلله رحمت ائله سین و یولو داواملی اولسون.
دوکتور نطقی، وارلیق درگی سینده ایللر بویو چالیشیبدیر و اوردا چوخلو تورک ادبیاتینا عائد اولان مقاله لر بیزیم ایچون قویوب گئدیبدیر.
دوکتور نطقی نین ادبی چالیشمالارینی بوراخساق، ایراندا «روابط عمومی» رشته سینین تملداشلارینی قورانلاردان ساییلیب و بو رشته نین آتاسی تانینیر. دوکتور نطقی له آرتیق تانیش اولماق ایچون بو لینکی اوخویا بیلرسیز: http://salarsolmaz.blogfa.com/post/74
يادبود استادان
ـــــــــــــــــــــــــ
زندهياد عباس اسلامي «بارز»
در همان سنين 12 سالهگي با شاعري آشنا شدم كه پيش از ديدنش دفتر شعرش را به نام «ائل داياغينا سلام» داشتم و خوانده بودم. اين يكي از نخستين نظيرههاي حيدربابا بود كه آن سالها ممنوع بود.
او معلمي در روستائي از اطراف اهر بود. شعر خوش ميسرود و خوشتر ميخواند. سبلتي كلان بر فك سترگ زيرين يله كرده مردي بود بيباك. روستازادهاي كامل. درس طلبي هم كم و بيش خوانده بود. پنجشنبهها براي شركت ر انجمن ادبي شهريار به تبريز ميامد و عليرغم ممنوعيت شعر تركي خواندن غالباً مرتكب اين خطا ميشد. جمعة آن هفته كه تبريز بود با هم به عينالي ميرفتيم. شعرها ميخواند و سخنها مي گفت. سؤالهاي من بيشتر در حول ادبيات تركي و نظام سلطنت بود.
ـــــــ
تربيت خياواني طرفيندن شيشهگرخانا بازارينين باشيندا صاغ الده بيرينجي كتاب دكاني حاج حسين اميديزدانينين دكاني ايدي. 4 ـ 3 اوغلويل بيرليكده كتابفروشيني اداره ائدردي. هر دن بير يا ايكي اوغلو دوراردي پئشخوان آرخاسيندا. من گئديب اليمه گلن كتابي قفسهلردن گؤتور قوي ائلر و هئچ بيريني ده آلازديم. بير گون حاجي گولر اوزله صوروشدو:
اوغول بالا سن نهجور بير كتاب آختاريسان كي تاپانميرسان؟ او دقيقه تام فرصتيدير دئيه:
ـ «آقا تورك كتاب» دئديم. گولدو:
هه ... اما توركي كتاب اولماز كي بيزده..
من قاييتديم:
ـ بس هاردا اولار؟
والله بولمورم. گمان كي هئچ يئرده .. (اما بو جملهدن شيطنت ياغيردي.»
گئت بير دولان گينه گل گؤروم سنه نه تاپا بولهرم.
ـ «اولدو. خدافظ هله» دئئيب چيخديم. بير آز بازاردا وار گل ائتديكدن صونرا اميديزداني كتابخاناسينا گيرديم.:
ـ سلام.
گلدون؟ ياخشي.
ميزين آلتيندان بير كيچيك و نئچه صفحهليك جزوه چيخاريب وئردي. اوزرينده يازميشدي: «ترياكيلر» اثر عباس اسلامي «بارز».
تشكر ائديب آلديم و پولونو اؤدهمك اوچون قيمتيني صوروشدوم، او منه:
هئچ زاد. بيز بونو صاتماروخ . ايندي ده سنين شانسيندان تاپيلدي. گوتور اپار. .سنه من دن پاي اولسون. هله دء گؤروم آدين نهدي؟ كيملردنسن؟
كتابي يولدا گئدرك اوخودوم چيخديم. صاباح بير داها گئتديم:
ـ سلام آقا! اونو اوخودوم. يئنه گئديم دولانيم گليم؟
او قهقههايله گولدو:
هه ! دئمك دادانميسان دولمييه، اما بلكه بير گون اولميه
ـ اولار اولار حاجيآقا.
گئت گز گؤراخ
ـ باش اوسته خودافيظ
بير آز صورا قاييتديم. نه گؤردوم؟ روزنامهيه جولقالاميش قيرميزي بير كتابي اليمه قيصديردي.
ـ حاج آقا نئچه اولار؟
هئچ زاد.
ـ خير حاج آقا پول آلماساز آغام صاواشار
وئر ايكي تومن.
وئرديم چيخديم. كتابين آدي «ائل داياغينا سلام» ايدي. حيدربابانين وزني و قالبينده يازيلميشدي. بير ايكي بند تاپديم ايچيندن كي تند يازيلميش دي.
ازبرلهديم. آقاي شيدانين يانينا گئتديم. كتابي گؤرستديم. آقاي شيدانين قوناغي واردي. كتابي گؤرن كمي گولدو و قووزاييب قوناغينا گؤستردي. او دا توم بوغلارين آلتيندا گيزلهنن دوداقلاريني آچيب يومدو. دئمك گولورموش.
دئمك بو ائله «عباس بارز»ين لاپ اؤزويدو.
«بارز»ده اولان انساني كيفيتلر، شاعرانه احوال و صون درجه نزاكتلي رفتار آنجاق بارزده اولاردي.
او فردوسي خياوانيندا اولان بير مسافرخانادا قالاردي. جمعه گونو و يا هفته نين هر هانسي بير گونو بيرليكده عئينالييا گئدر، ايلان اوچاندا اوتوروب دينجهلر و صحبتلر ائدرديك.
بير گونده تربيتده سانترال عكاسخاناسينا گئديب عكس صالديرديق.
او عكاسدان بير شيريق كاغاذ آليب كتابينين جلدينده كي مقدمهيازانين آدينين اوستونو اؤرتدو. سن دئمه ناشر كتابين جواز الا بيلمه سي اوچون اونو بير قوهومو اولان يازيچييا وئريب، يئرسيز بير فارسجا مقدمه يازديرميشدي و بو بارزين خوشونا گئتمزدي.
بارز كيمي انسان هله گؤرمهميشم.
تورکجه شاهنامه:
فردوسی نین شاهنامه سی٬ تکجه بیر ایران افسانه لری دئییل. بو کیتابدا فارس٬ هند٬ تورک و بین النهرین اسطوره لرینین ایزی گؤرونور.
شاهنامه تورک اؤلکه لرینده دفعه لرله تورکجه یه چئوریلیبدیر. بو آرادا «حسین بن حسن آمدی» نین ترجمه سی شعر اولدوغونا گؤره ادبیات ساحه سینده اؤنملی بیر یئری وار. «شریف آمدی»٬ شاهنامه نی ۹۱۶ ق ایلینده قاهره شهرینده تورکجه یه چئویریب و اونو «سلطان قانصوه غوری» (مصر اؤلکه سینده اولان ممالیک دؤولتینین سلطانینا) اتحاف ائلییبدیر. بو کیتابین استانبول نسخه سی ۲۰۰ دن آرتیق مینیاتورلا بزه نیبدیر. بو نسخه نین مینیاتور صفحه لرینی بو لینکده گؤره بیلرسینیز:
https://digitalcollections.nypl.org/items/510d47e3-c9f5-a3d9-e040-e00a18064a99/book?parent=8a473cb0-c6c4-012f-4a5c-58d385a7bc34#page/125/mode/2up
🔷 میر تقی فاضلی (1309 - زنگان)
🔷🔷تانیتیم:
زنگانلی «میرتقی فاضلی»، آذربایجانین بؤیوک یازارلاریندان ساییلیر. میرتقی 1309 گونَش ایلینین بهمن(دوندوران) آیینین بیرینده، زنگانین شووقو (شوقی) محلهسینده دونیایا گؤز آچدی. ایندی ده (آبان1395) زنگان شَهَرینده یاشاییر.
میرتقی فاضلی بئش یاشیندان، اوچ ایل بیر آخوند یانیندا مکتبه گئدیر. ایلک تحصیلاتینی «سعادت» اوخولوندا باشا یئتیریر، سونرا اؤزو اوخویوب، مدرسهیه گئتمهمیشدیر. دؤرد ایل آمئریکانین باریش قوروپوندا (گروه صلح آمریکا)، انگلیسجه اؤیرهنیر.
عائلهنین ایکینجی اوشاغی اولان میرتقی، سککیز یاشیندان (دؤردونجو صینیفده درس اوخویان زاماندان) یازی یازماغی، هابئله شعر دئمهگی باشلاییر. آتاسی میرمحمد فاضلی 20.جی یوزایللیکده(قرن) باکی شَهَرینده یاشارمیش، سونرالار (بوتای) آذربایجانا –زنگانا- کؤچوب، قالارغی اولور.
فاضلی بو گونه قدر شعر، حکایه، چئویرمه، تاریخ و فلسفه قونولاریندا اوخویوب، یازیب، چالیشیب، چوخلو اثرلر یارادیبدیر. بو یازارین یازیلاری-شعرلری بو گونه قدر امید ایران، امید زنجان، صدای زنجان، بهار زنجان و موج بیداری درگیلرینده ؛ هابئله "غزل غزللر" کیتابیندا یاییلمیشدیر.
بو یازارین بیر سیرا اثرلری آشاغیدا گلیر. اونلاردان علاوه، آیری چئویرمهلر و اثرلری ده واردیر.
«کور بایقوش» صادق هدایتین «بوف کور» آدلی آدلیم رومانینین تورکجهیه چئویردیگی اثری. / «ترلان»–رومان / «قارانلیقدا بیر پارتیلیت»–رومان / «یوللار و تیکانلار» -رومان/ «آلوودان تونقالا»-رومان / حیات یولو-شعر توپلوسو.
فارسجا اثرلر: همرنگ ارغوانی کتاب بیچیمینده چاپ اولموشدور.-رومان / همسر قانونی («فریب زندگی» آدی ایله دا تانینمیشدیر)-رومان / چهرهای در تاریکی-رومان / راهها و خارها-رومان / ترلان-رومان: بو ایلک دفعه تورکجه یازیلیب. بو اثرین فارسجا ترجمهسی (طرلان) آدی ایله دا چاپ اولموشدور. / از درون شعلهها-رومان / معبد خورشید / جوانان ما / فلسفه از دیدگاه تاریخ / سال حوادث (25-1324 ایللرینده، بیر ایللیک دئموکرات فرقهسینین زامانیندا، زنگاندا اوز وئرن اولایلار و خاطیرهلری).
🔵🔵اوستاد میر تقی فاضلی نین نئچه تورکجه اثرینی آشاغیدا ائندیره بیلرسینیز
#سس_سیز_رادیو
@turku_radio
آزاده دارایی (۱۳۹۹-۱۳۱۰ ش) ابدیته قووشدو.
برهان السلطنه خسرو میرزا دارایی نین شاعیره و ادیب قیزی آرامیزدان کؤچدو.
بو احساسلی قادین زنگانین ان نجیب عائله سینه منسوب دور.
شاعر خیام رباعی لرینی تورکجه میزه ترجمه قیلمیش و بو کلاسیک اثری لس آنجلس ده نشر ائتمیشدیر.
آزاده خانیمین زنگانیما قوربان اولوم منظومه سی خالق ایچینده مشهور اولوب و ماهنی لادا سسله نیر.
البته من او منظومه نین قافیه سیزلیگینه حساس ایدیم آما گؤزل لحنی و صمیمی فضاسی عیبلرینی اؤرتوردو.
روحو شاد. یولو داواملی.
۲۴ آذر- ۱۳۹۹
آزاده خانیمین شعری: 👇👇
زنگانیما قوربان اولوم
آنا یوردو وطنیم زنگانیما قوربان اولوم
شهریمین او یاراشیقلی آدینا قوربان اولوم
دولانیم دؤوره سینه، باغینا دروازه سینه
آغ چیچکلر آچیلاندا یازینا قوربان اولوم
او گؤزل منظره سی، بهشته بنزر هاواسی
او باشیم دردیمه درمان سویونا قوربان اولوم
یئل اَسَنده اوجا بوی آغاج لارین اویناماغی
آغ بولودلاردان اوچان دورناسینا قوربان اولوم
گون چیخاندا او طراوتلی آغاجلار باشینا
گون آشاندان سورا گؤیچک آیینا قوربان اولوم
گؤرن الله! وطنیمده کیم اؤلۆب، کیمسه قالیب
نوجوانلیق زامانین تای توشونا قوربان اولوم
فیکری روشن اولانا، شیعر و ادب آنلییانا
بیر به بیر عِلم و هُنر پرورینه قوربان اولوم
بی ریا مؤمنینه ساده موسلمانلارینا
اورگی پاک اولانین اخلاصینا قوربان اولوم
غوربت اؤرگتدی منه هموطنین ارزیشینی
پیسینه، یاخچیسینا، هامّیسینا قوربان اولوم
هر نه ایمانلی شرفلی متعهدلرینه
بیر به بیر ترتؤکن انسانلارینا قوربان اولوم
نئجه لذتلی زامانلار، نه شیرین خاطیره لر
اؤلکه مین صولح و صفا ایّامینا قوربان اولوم
دانیشاندا او شیرین تورکو گؤزل لهجه سینه
اِئلیمین سِئومه لی گؤیچک دیلینه قوربان اولوم
نه قَدَر وصف ائله سم زنگانیمی آز دئمیشم
او صفالی یارادان آلّلاهینا قوربان اولوم
فاصیله محو ائده بیلمز بو گؤزل موهیبتی
جان کیمیندیر من او جان پاره سینه قوربان اولوم
سن ده « آزاده » لال اول چون وطنی ترک ائله دین
سونرادان داش آتیران توپّوقونا قوربان اولوم.
@Alimohamadbayani
در توصیف حال و هوای ماه محرم و گریز به احوالات جناب مسلم (س)
گجه گوندوز دولانیب گلدی گنه ماه عزا
آغلیور عالم حسینه چکیلوب عرشه قرا
سالیب آفاقه او مولانین آدی شور و نوا
یغیشوب بیرده حسینیه لره اهل ولا
نوحه خوانلار اوخیولار آقاما مدح وثنا
نجه گون باشینه منظومه شمسی دولانار
دولانیب شمعین اودوندا نجه پروانه یانار
نجه بلبل باغی شیدالیقی چون یاخشی سانار
یار یولی اوسته نجه منتظر عاشق دایانار
ایلروک بیزده حسین آدی گلن یرده صفا
روضه سی نقل اولونان یرده بولود تک دولاروخ
یاده سالوق سوسوز اطفالینی گل تک سولاروق
بیز حسینیله خداونده مقرب اولاروخ
آلسا الله بوحسین آدینی بیزدن نولاروخ
بیزه اربابیمیزون درگهیدور باب رجا
اوج عزتدی اولاخ درگه مولایه غلام
دوزگون انسانلارا قسمتدی بوشایسته مقام
بو مقامه چاتان انساندا اولار نیک مرام
یازلوب درگه مولایه بوسوز ختم کلام
بورا اخلاصیله کیم گلسه اولار کامروا
بوحسینون گوزل آدیلا انیس اولسا بشر
نفس اماره باشین تیغ محبتله کسر
ائول کسی کی اورگی عشق ولایتدن اسر
بی ریا طاعتیله نامه اعمالی بزر
اولماز اول نامه یازان کوفه لیلر مثلی دغا
نامیه قید الیوبلر کی آقا کوفیه گل
بیعته گور نه سنیلن هامی ایستور ویره ال
قولیمیز بیردی بیزیم یوخدی ارامزدا جدل
ایلروک سن بویوران سوزلره الساعه عمل
ایسته سن کوفیه گل خوش دی بو شهر ایچره هاوا
چای چیمنلر گل آچیب هر گورنی شاد الیور
نهریلردن سو آخور گولشنی آباد الیور
بوطبیعتده بشر خالیقینی یاد الیور
حیف اولا ظلم عدو کوفه ده بی داد الیور
چات بیزیم دادیمیزه ائول بیزه سلطان هدا
عترتیندن صورا بیر شاه کی اونا یوخدی نظیر
امر ایدیب حضرت مسلم گده ائول شهره سفیر
میندی اوز مرکبینه مسلم پاکیزه ضمیر
باشلاسین کوفیه جن راه بیابان وکویر
بیر وداع ایلدی حضرت ده اونی قیلدی دعا
ایلمیشدی غم هجرانی ئورکلرده کمین
یولا سالجاق اوبرازنده سفیرین شه دین
سوزولن گوز یاشلان اهل وعیال اولدی عجین
اونون آیرلماقی عترتدن او قدر اولدی چتین
دیدی دردانه بالاسی بیزی تک قویما بابا
طول عمرونده اولان رهبرینه یار صدیق
سنت خاتم مرسلده ایدن طی طریق
نچه گون یول گدیب ائول سالک هوشیار و دقیق
کوفیه یتجگ اولوب ملت او سرداره شفیق
امرینه چوخلار اولوب تابع بی چون وچرا
بیلیب اخباری اولان صدر خلافتده یزید
کوفه نین والی سی نعمانی ایدیب عزل او پلید
یرینه قویدی عبیداللهِ مزدوری جدید
تاپشریب خاطی لریلن ایده برخورد شدید
فتنه کابینه سینی ایلدی تجدید بنا
مسجده گلدی عبیدالله اولوب خلقه خطیب
ووردی بیر مسلمه حامی اولان اشخاصه نهیب
قویدولار نامه یازانلار اونی تک اولدی غریب
غرق اولوب غصیه غربتده اومهمان نجیب
ویردی رخسارینه قلبینده اولان غصه جلا
گوردی عمال جفا شهره سالوبلار خفقان
یوخودی شهریده مأمور حکومتدن امان
دولانوردی چولی گیزلین تاپا بیر امن مکان
بیر خانم طوعه آدیندا اولوب امداد رسان
شرح حالین سروشوب ایلدی احسان سو اونا
یاندی احوالینه دلسوز ئورگی چکدی بیر آه
مسلمه قصد ثوابیله صورا وردی پناه
ایوده بیر ناخلف اوغلی واریدی اهل گناه
او اوغول بیر ایشه باخدی کی بو ایش اولدی تباه
نقشه چکدی ایده والی اونا بیر تحفه عطا
جایزه فکری اونون قلبینه دولدوردی شرر
قویمادی اوندا قالا رحم و مروتدن اثر
قوش مثالی آچیب ائول مست هوا اوچماقا پر
ایوین اسرارین عبیداللهَ تز وردی خبر
بیلمدی اولماز او روبه صفت عهدینده وفا
چکیلیب اوخ آتان اشراریله اطرافه حصار
طوعه نین منزیلینه غیظیله بیر عده سوار
حمله ور اولدی ایده مسلم بی یاری شکار
طوعه گورجک بو قضایانی اولوب نی کیمی زار
دیدی الله نجه گور باشیمیزه گلدی بلا
طوعه نی ایتدی مخاطب بیر عدو نعره کشان
ده گوروم هاردا ایدوبسن بو فرارینی نهان
بوهیاهونی بیلیب مسلم پاکیزه روان
ایتدی نورانی اوزون تیره دل عماله عیان
دیدی ایو صاحیبینه بیلمیون ایذانی روا
طوعیه دوتدی یوزون شرمیله ائول نیک خصال
عرض قیلدی آنا جان مسلمی گل ایله حلال
ویرسون الله سنه عقبا ده گوروم یاخشی جلال
چکدی تیغین شهدا بزمینه ائول مست وصال
تنگ اولوب مسلم أزادیه بو دار فنا
قهریلن خارج ایدیب ایوده کی اشراری چوله
کیم جسور اولدی دوشوب لاشهُ مرداری چوله
شیر هیجادی چکوب عرصه پیکاری چوله
هیبتی سالدی اونون چوخ یل قداری چوله
دیدیلر سیف بنی هاشم اولوب جلوه نما
ذکر تکبیر اونی مست می ناب الیور
تشنه دور کیم جدله قانیله سیراب الیور
هر کمردن یاپوشور داملارا پرتاب الیور
تیغینون برقی اونی سرور مهتاب الیور
یری وار همتینه فخر الیه بدر دجا
نجه بیر شیر ایدر بیر سوری روباهی اسیر
رم ایدور دوروبرینده دولانان خرد و کبیر
دیدیلر یوخدی بو جنگاوره دنیاده نظیر
گتورون عرصه پیکارینه سرباز کثیر
اخذ ائدر تحفه بونا کیم وورا دعواده یار
بیر زمان گوردی میِ عمری لبِ جامه چاتور
گل مثالی یورولان ُ جسمینه مین خوار باتور
ادامه شعر👇👇
شب عاشورا
.
✍️ زبدة الاشعار ✍️
🆔: @nohe_torki
.
.
کربلایی ابوالفضل عباسی معروفان
.
آچیب عزت قاپوسین شاه شهیدان بو گجه
گلور عشاق و ملک خیمیه مهمان بو گجه
.
یغشوب پیر و جوان جمله حسینون باشینا
آخرین سؤزلرینی ایلیه اعلان بو گجه
.
رخ زیبای حسین هر طرفه نور سالیب
آفتاب و قمری ایلدی حیران بو گجه
.
تا سکوت اولدی عیان پیر طریقت دیدی هو
باشلیرام الله آدیلان بودی فرمان بو گجه
.
خوش گلیبسوز سیزی بیر امره مخیر ائدورم
اولمیا غالب اولا نفسوزه شیطان بو گجه
.
چون سحر یوم بلا جنگ و شهادت گونودی
ایستورم واقف اولام وار نچه قربان بو گجه
.
بی تعارف دیورم خیمه که تاریک اولدی
کیم گئدور گئتسون اگر اولسا پشیمان بو گجه
.
من حسینم ئوزومه عاشق صادق گزیرم
قالماسون هر کس اولور ناقض پیمان بو گجه
.
کیم حسین عاشقیدی یار حق رحماندی
قالاجاق عمر ابد تابع قرآن بو گجه
.
من اونون اللرینی ویرسه اجازه ئوپرم
اودی وارسته بشر طالب جانان بو گجه
.
الغرض سؤندی چراغلار کسیلوب همهمه لر
هرکس ئوز ذائقه سین ایلدی کتمان بو گجه
.
او قرانلوقدا گئدن گئتدی یازار مقتلده
قالدی با عاطفه یئتمیش ايکی انسان بو گجه
.
شمعلر روشن اولان وقتده مظلومین آقامین
روحی گؤیلرده اوچوب شاد و خرامان بو گجه
.
باخدی سالار شهیدان کمگین ائتدی مرور
قییدوب منفک اولان جسمینه بیر جان بو گجه
.
دئدی صد شکر خدایا بولارین غیرتینه
قویمیوبلار قالا تک شاه لب عطشان بو گجه
.
فکره دولدی ایله بیل نقشه چکور جنگاهه
لشکره ایستوری ویرسون سر و سامان بو گجه
.
ئوز خیالینده مجسم ائلدی صبح اولسا
کیمی اول ائده جاق عازم میدان بو گجه
.
گؤردی اکبر یاراشور یازدی آدین اولده
سالار البته علی عرصه ده طوفان بو گجه
.
ولی حیف اولسون اونون قامتینی دوغرادیلار
یئری وار تازه جوانلار اولا گریان بو گجه
.
قاسمون بیلدی که وار باشدا شهادت فکری
آدینی یازدی مبادا اولا نالان بو گجه
.
تازه داماد ولی طوی گونی قرمز گئیدی
قاره پوش اولدی عروسی شب هجران بو گجه
.
تا که عباسه گؤزی دوشدی چکیب دلدن آه
بیلدی قارداشی دوشر نهرده بی جان بوگجه
.
سالدی دشمن او علی بوسه ووران اللرین
روز عاشوردن الواندی نیستان بو گجه
.
نقشه لر چکدی خیالینده او شه طولانی
بیر نچه لحظه غرض هوش آپاریب مولانی
.
درک ایدیب عالم رویاده رسول اللهی
وار یئری جدی مخاطب ائلیه اول شاهی
.
عارف اول سنسن اوغول آل محمدده شهید
سن گرک فاش ائده سن سر فنا فی اللهی
.
سالما تاخیره حسین گل که نه تنها ملکوت
گؤزلیور آدم و خاتم یولوی واللهی
.
بو گجه ای گل زهرا سنه آخر گجه دی
قوی باشون بالشه یات برهم اولان خرگاهی
.
استراحت ائله شاید باشون اللرده قالا
اولمیا گل بدنین مشتری دلخواهی
.
هوشه گلدی دئدی هیهات حسین بن علی
جدینون امرینه بیر لحظه ائده کوتاهی
.
ایندی آماده اولون گودی مقتلده گورک
نجه درک ایلدی زینب بو غم جانکاهی
.
داشلاری نیزه لری ووردی کناره او خانم
گؤردی بی سردی یاتیب قاندا مبارک ماهی
.
وا اخا ناله سی قؤزاندی او دم زینبدن
دئدی ایوای یارالی عالمی اولسون واهی
.
ایندی منده یازورام شعر حسین وای دیلده
اون بش ئیل بو قاپیدا ایله میشم مداحی
.
ایستورم لطفیله الله گؤره (معروفه) روا
ایلده بیر دفعه ئوپه جنت اولان درگاهی
.
.
#شب_عاشورا
#آچیب_عزت_قاپوسین_شاه_شهیدان_بو_گجه
#معروف_اهری
#ترکی
.
✍️ #زبدةالاشعار ✍️ ...
#ترکی #زبدةالاشعار #شب_عاشورا #معروف_اهری
متن کامل را در سایت مشاهده بفرمایید ...
zobdatolashaar.ir
"مرثیه نین آذربایجان ادبیاتینا بؤیوک خدمتلری اولموشدور. اگر تورکجه مرثیه اولماسا ایدی، تورک شعری و نظمی ده بو درجه ده عمومیلشمیجک و آذربایجان خالقی احتمال کی، بیر چوخ زمان داها دوغما ادبیات اوزو گؤرمیجکدی. ملی حس و تعصبو قوروماق باخیمیندان مرثیه نین رولو عوضسیز اولموشدور.
قمری، راجی، دخیل، شعاعی، دلسوز ایشته دیندار آذربایجان خالقینین دوغورموش اولدوغو مظهر شاعرلری... مرثیه لر آذربایجانلی لارین ابتدائی ادبیاتدیر... ذاتا بوتون مدنی ملتلرده ادبیات دینی منظومه لرله باشلامیش دئیل می؟ سید عظیم لری، هوپهوپلاری تقدیر ائدرکن جوانلاریمیز راجی لره و باشقالارینا آراز چایینی آتدامیش بعضی روضه خوانلارا باخان کیمی باخماسینلار. شیخ نظامی نه قدر بویوک شاعر بینظیر اولسا دا، آذربایجانلی لاری دوغما تورکجه لرینه قایتارماق نقطه نظریندن، منجه راجی، دخیل، قمرینین موقعیی احراز ائدمز. عجبا، شیخ نظامیه آبیده تؤکمک هوسینده اولان نسلیمیز راجیسینی اونوداجاق، قمریسینه خور باخاجاق، دخیلینی آتاجاق می؟"
مقبل و محتشم
.
✍️ زبدة الاشعار ✍️
🆔: @nohe_torki
.
مرحوم انور اردبیلی
.
حسینه هر او کسون قلبیده محبتی وار
ایکی جهاندا سرافرازدور جلالتی وار
.
خلوصیله اولوب هرکیم اونا پناهنده
نقدری واردی جهان ئولمیوب قالوب زنده
.
سعادته یتیشوب آیری بیر مقام آپاروب
یازوبلار آدینی تاریخلرده نام آپاروب
.
یادیمدادور اوخودی حاجی شیخ حسن مرحوم
همین بو بیر خبری عیناً ایلورم مرقوم
.
نجیکه شرح اولونوب نظملن گلور قلمه
وئرولّه نسبتینی مقبلیله محتشمه
.
خلاصه متن خبر مقبلون روایتیدور
جواهر آدلی کتابون الان عبارتیدور
.
دیور او شاعر عالی مقام خوش فطرت
حسین زیارتین ائتمیشدی حق منه قسمت
.
گجه لرون بیری بیر منزله گئدوب چاتدوم
ز بسکه خسته ایدم گئتمدوم قالوب یاتدوم
.
گجه نون عالمی درک ایلدوم بو رؤیانی
اولوبدی طی قوتارمیش او راه طولانی
.
عزیز فاطمه صحنیندیم قیامت وار
دولوبدی صحن حسین حدّسیز جماعت وار
.
قویوبلا بیر طرفه صحنیده اوجا منبر
واریدی منبرون اون پله سی چوخ عالی تر
.
ندور دلیلی ولی بیلمورم قرا چکیلوب
صاقینا هم صولونا پوشش عزا چکیلوب
.
دئدیم جماعته من بیلمورم بو احوالی
بو بزم غم ندی سیز ایلیون منی حالی
.
دئدیله با خبر اول دهۀ محرّمدور
بو بزم، بزم عزای عزیز خاتمدور
.
قباقدادور یته آز قالدی روز عاشورا
اودور که صحن حسینده بو بزم اولوب برپا
.
گله جک ایندی پیمبر حسینینون یاسینا
سوسوز باشی کسیلن نور عینینون یاسینا
.
بو سؤزی من ائشیدن وقته اشکبار اولدوم
دایاندوم اللری قوینیندا انتظار اولدوم
.
او قدری کچمدی گوردوم جناب پیغمبر
مزیّن ائتدی او بزمی رسول غم پرور
.
احاطه ائتمیشیدی دوره سینی بیر دسته
خمیده قامتیلن چیخدی منبرون اوسته
.
غم حسین اثر ائتدی او منجی نوحه
بویوردی محتشم هاردا گلوب دئسون نوحه
.
گلوبدی پلۀ اوّلده دوتدی استقرار
یوخاری پلّیه حضرت اونی ائدوب احضار
.
خلاصه پلّۀ نهّمده محتشم دوردی
دل پیمبره بو سوزلریله اود ویردی
.
زبانحالیدی ترکی دیلیجه عرض ائدورم
بو شعری محتشمون نوحه سینه فرض ائدورم
.
اشاره ائتدی حسینون مزار انورینه
سؤزون یتوردی رسول گرامی محضرینه
.
بو کشتۀ ره جانان سنون حسینوندور
بو دستمازی اولان قان سنون حسینوندور
.
بو شاه تشنه جگر که ئولن زمانینده
باخوب فراته وئروب جان سنون حسینوندور
.
بو نخل تر که اوگون آتش حرارتدن
اولوبدی دودی نمایان سنون حسینوندور
.
بو سرور شهدا که گوگون ستاره سی تک
کچوبدی یاره سی ساندان سنون حسینوندور
.
یتیشدی سوز بورا غش ائتدی حضرت طاها
بیر آز زمانی کچوب غشّیدن گلوبدور حالا
.
نظاره ایله او صاحب جلالت و حشمه
چیخارتدی خلعت عباسی وئردی محتشمه
.
دیور بو حالتی مقبل گورن زماندا گوزوم
دئدوم قبوله یتیشسیدی گر منیمده سوزوم
.
یازیلمیشیدی آدیم عزّ و جاهیله لوحه
دیوردوم ایندی یقین محتشم کیمین نوحه
.
دایاندوم اللری قوینیندا ایلدوم افسوس
گوزومده گوزیاشی شرمنده حالیلن مأیوس
.
بو فکره دوشدوم اولام خلق ایچینده من پنهان
اقلّی بیلمیه لر خدمتیمده وار نقصان
.
او دم یتوب بو خبر دوتدی قلبیم استقرار
دئدیلر حضرت زهرا سنی ائدوب احضار
.
خانم دیور بالامی اوخشاسون ائدوم افغان
طرف منبره اوز قویدوم اوندا ناله کنان
.
شروع قیلدوم حسینون همین زمانیندن
حضوره وئردوم عریضه چتین زمانیندن
.
چتین زمانی او ساعتدی سیدالشهدا
جهاد ائدردی سوسوز یاره لی ئوزی ...
#انور_اردبیلی #ترکی #جلوه_عاشورا2 #حسینه_هر_او_کسون_قلبیده_محبتی_وار #حسینیه_شهادت #زبدةالاشعار #کربلا #کوچ_کربلا #محتشم #مقبل #ورود_محرم
متن کامل را در سایت مشاهده بفرمایید ...
zobdatolashaar.ir
🌺عبّاس عشقينده بير كلمه🌺
يا حسين سن ديني احياء ائيلدون اؤلمز داهي
بير چيراغ ياندورموسان وارليق بويي سؤنمز داهي
✅
شرق و غربي كُفر دوتموش توسسوسي گوزياندرور
هر گلن بير سؤز دئيور مين فتنه ني قوزاندورور
مردما روزنامهلر جورجور يالان سؤز قاندورور
گوز گورر مين كربلا، امّا سني گؤرمز داهي
✅
روزگاري شمر دوتموش حرمله هرياندا وار
بير يزيدي سهليدي تك يوز ميني تهرانداوار
بير چوپان يوخدي تمام يا قورتيدي يا كي داوار
چوخلار عادت ائليوب بو رسميدن چؤنمز داهي
✅
اولماسيدي دهريده گر عشقيون ديل بستهسي
قالماسيدي گر سنه تابع اولانلار دستهسي
فاسد اؤلموشدي يقين نخل وجودين هستهسي
واردي تا عشقون سنون وار يوخلوقا دؤنمز داهي
✅
ذكر ائدر آزادهلر آدون ابوالاحراريدور
ذكر خيرون سايه سينده شيعهلر بيداريدور
ورديميز «اَلْمَوْتُ اَؤْلي مِنْ رُكُوبِ الْعار» يدور
باش وئرر آزاده انسان، ظولمه باش اگمز داهي
✅
آدووه واردور يري گر جانميز قربان اولا
بلكه لايقدور سنه قربان اولان، قرآن اولا
بو عدالت دور گرك أجر و عمل يكسان اولا
سن اؤنا، قرآن سنه قرباندي چوخ گلمز داهي
✅
بيله فيكر ائتمه غلوّون نقشي وار بو فصليده
احتياط ائيله، برائت دور سنه بير اصليده
بيلميسن بيل، بيردي قرآن و حسيني اصليده
كيم عقب گرد ائتسه استصحابيله بؤلمز داهي
✅
اصطلاحاتيله بير چاره تاپوبسان اشتغال
عشقيله حالدان سني محروم ائدوبدور قيل و قال
قانمادون حقّي وئروبسن هر كسه عنوانِ غال
فقهي بير حاله سالوبسوز سيز يوزي گولمز داهي
✅
فيكر و ذكرون حيضيدور يا استحاضه يا نفاس
يا قياسي دانماقا ائتدون هميشه سن قياس
اعتبارون يوخدي قرآنداندا گر گيسون لباس
قلب ائونده نقطة آغ ذرّه گورسنمز داهي
✅
وقتووي اشغال ائدوب قورتاردي بحث نحو و صرف
عُمرووي ائتدون بوتون عبد و أَمَه بابينده صرف
اجتهاداتونده عشقه اولمادي بير كلمه حرف
دفتر ديلدن، ديلون بير كلمه سؤز بولمز داهي
✅
عربي نين اوغلوني عرفان آتاسي سسلي سن
يا جُنيدون جان ائوينده جرّ و بحثين بسلي سن
عرفان عرفان آسقيررسان يا تصوّف أسني سن
كيم سنون تك ياتسا دنيا باتسا اوشگونمز داهي
✅
هر حسين اؤلماز حسين بن علي واضح دي بو
حلاّجين هنگامه سي حيلهيله مكريدي عمو
وار فرات كربلاده يتميش ايكّي عشقه سو
آرتيقي آرتيقدي هرنه اولسا دوز گلمز داهي
✅
گئت كتاب كربلاني سير ائله عرفاني گور
نيزه باشيندا اوجالمش باشيني قرآني گور
قتلگه دن عرشه جاق باخ حضرت رحماني گور
اؤندا قلبون آيناسي آللهدان اؤلكونمز داهي
✅
باخ ابوالفضله وفا و عشق و عرفان كاني دور
علقمه ني عشقه عرش ائتماق اونون ايماني دور
فاطمه اوغلي امامي، روحي، عشقي، جاني دور
گورسه مولاني گولر، دردين بولوندورمز داهي
✅
هر نه قدري ياره گلدي يار يولوندا جان دئدي
اؤتدي شمشير ساق قولوندا صول قؤلوندا جان دئدي
لشگر بي رحمي گوردي ساق صولوندا جان دئدي
كيم دئسه ايواي دئيوبدي عشقي اؤرگنمز داهي
✅
بير به بير اوچ قارداشون مولايه قربان ايلدي
همّت عالي سينه عرش اهلين حيران ايلدي
گون جمالين قامتين قرمز قيزيل قان ايلدي
ياندي عشقينده حسينون گون كيمين سؤنمز داهي
✅
صحّتي چوخ يول گئدوب، چوخ يولچيلار يول سوزگورب
چوخ كويرلرده ايتوب، چوخ چوُللري چول سوزگوروب
چوخ علملر قوزانوب، چوخ قهرمان قولسوز گوروب
آمّا عبّاسين نظيرين گون گوزي گورمز داهی🌺
م. صحتی سردرودی/ 10 / 7 / 70 / قم/ ر.ک : عاشورا عشقینده/ص 46 - 49 .
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com