طلوع دومین شماره غروب
مدیر مسئول : علی حامد ایمان
سردبیر : رضا همراز
مدیر مسئول : علی حامد ایمان
سردبیر : رضا همراز
لطفا پایلاشیلسین
@hekaye
تورک دونیاسی کاشغرلی محمود حکایه یاریشماسینا قاتیلماق ایسته ین یازارلاریمیزین، حکایه لرینی ان گئج 12 شهریور 1395 (2 سپتامبر 2016) تاریخینه قدر اشاغیدا یازیلمیش اولان وارلیق درگیسی نین ایمیل آدرسینه گؤندرمه لری گرکیر.
یاریشما ایکی مرحله ده گرچکلشه جک. بیرینجی مرحله ده (اؤلکه چاپیندا) بیرینجی اولان 3000 تورک لیره سی، ایکینجی اولان 1500 تورک لیره سی و اوچونجو اولان 1000 تورک لیره سی اؤدول قازاناجاق.
اؤلکه بیرینجیسی عینی زاماندا تورک دونیاسی حکایه یاریشماسینا قاتیلما حاقی الده ائده جک. تورک دونیاسیندا بیرینجی اولان 15000 تورک لیره سی، ایکینجی اولان 10000 تورک لیره سی و اوچونجو اولان 7500 تورک لیره سی اؤدول قازاناجاق. دؤردونجو اولانا ایسه 2500 تورک لیره سی تشویق وئریله جک.
حکایه یاریشماسی نین شرطلری:
1- حکایه تورکجه (آذربایجان تورکجه سی) اولاجاق،
2- حکایه ان آز مین (1000) کلمه و ان چوخ اون مین (10000) کلمه دن اولوشاجاق.
3- حکایه الدن و یا ایمیل آراجیلیغی ایله تسلیم ائدیله جک.
4- هر یازار ان چوخ ایکی حکایه گؤندره بیله جک.
11- حکایه لر بلیرتیلن تاریخه قدر وارلیق درگیسی نین ایمیل آدرسینه گؤندریله جک. آد (تخلوص) یازیلاجاق. یازار، آدینی و تخلصونو آیری بیر بلیرته جک. گرجک آدینی حکایه اوزرینده یازان یازارین حکایه سی یاریشمایا آلینمایاجاق.11
6- یاریشمادا اؤدول قازانان اثرلرین بوتون حاقلاری آوراسیا یازارلار بیرلیگینه عاید اولاجاق.
7- گؤندریلن حکایه لر دؤرد ژوری طرفیندن دگرلندیریلیب، درجه لندیریله جک.
8- یاریشمانین بیرینجی آشاماسی نین سونوچلاری 30 سپتامبردا آچیقلاناجاق.
9- یاریمشانین ایکینجی آشاماسی نین (اولوسلار آراسی) سونوچلاری نوامبر 2016-دا آچیقلاناجاق.
10- دسامبر 2016-دا اولوسلار آراسی اؤدوللر سونولاجاق.
11- حکایه لرین بلیرتیلن تاریخه قدر وارلیق درگیسی نین ایمیل آدرسینه گؤندریلمه سی گرکیر.
varliqdergisi@gmail.com
محمدرضا هیئت
وارلیق درگیسی صاحیبی و یازی ایشلری مودورو
