((#عقلة_الإصبع))
#نــورايــةالجزء6+7+8+9+10+ الخاتمه
#انتهت@rwayate
_6_
مصطفى باستغراب: ليش رفض
أخفض رأسه حرجا وسكت
مصطفى بحدة: محمود ليش رفض احكيلي
محمود ابتلع ريقه: يعني هو
مصطفى بنفاذ صبر: احكي يا محمود
محمود مسرعا في حديثه: هاني حكى قدام ابي انه زميلك في الدراسه (ثم اخفض رأسه)
مصطفى بألم يحاول إخفاءه: لأني زميله رفضه ..كل هاد انا شخصية سيئه
محمود: هو بحبك يا مصطفى بس يعنـ
مصطفى مقاطعا بنهوضه: محمود الوقت اتأخر لازم تروح ع البيت بعدين امي بتقلق عليك
محمود : ما بدك تحلقلي
مصطفى ادار وجهه حتى لا يرى دموعه المجتمعة في عينيه: بعدين يا محمود
محمود: ماشي... يلا مع السلامه
مصطفى: احكي لراما ما تزعل إن شاء الله بتنحل القصة
_ @rwayate
بعد مرور عدد من الأيام
يضع يده على كتفه قائلا بمواساة: ما إلك نصيب فيها ..رينا بعوضك خير
هاني بأسف: دخلت قلبي يا سائد ..اظن صعب أنساها
سائد: طيب حكيت مع مصطفى
هاني: بس أشوفوا ببعد ..مش عارف شو بدي احكي معو .. اظن عندو هموم كثيرة الثاني
سائد: ان شاء الله تنحل امورك
.....
ابوعلي بجدية: أمل مابدك تشوفي يعني
امل: جدو عمي فايز بدو يجوزني لمصلحته وانا هاد الاشي رافضته
ابوعلي: طيب انسي المصلحه يمكن يكون الشب منيح وترتاحي معو
امل بتبرم: جدوو لو إنه منيح كان زوجو لبنتوا سنى صح
ابوعلي بتفكير: صح..طيب شو بدنا نعمل ..عمك بهدد
امل بلامبالاة: بحكي حكي ..ما بسترجي يعمل شي ..المهم إنت ما تقلق نفسك @rwayate
ابوعلي في سره: الله يستر
______
تعود إلى جامعتها بعد غياب ...
تبحث في عينيها عنه حتى تجده فتبتسم
..
سامر: ما بدك تحكيلي شو قصتك
مصطفى بسرحان: لأ
سامر: طيب انا مستعد اساعدك
مصطفى: شكرا بس اظن صعب حد يحللي مشكلتي
سامر: طيب شو صار مع اختك وهاني
مصطفى: كنت بدي احكي مع ابي بس هاي الفترة كانت امي تعبانه بهاليومين رح أحاكيه
سامر: ربنا يصلح الحال @rwayate
مصطفى: كلو قوم وهاي البنت الجديده قوم ثاني
سامر بتفكير: مين قصدك
مصطفى: هاي اللي رحت تحل قبل اسبوع مشكلتها
تذكر سامر فانخرط بالضحك فجأة
مصطفى رافعا حاجبيه : كل هاد سيرتها بتضحك
سامر: ههههه ما تذكرني ...بس ما لها
مصطفى لاويا فمه: يا زلمة لاحقتني ع الدعسة..شوي بتصير ظلي
سامر: ههههههههه ليش
مصطفى: علمي علمك عامله مثل مفتش كونان
سامر يغمز له: شكلها معجبه
مصطفى بامتعاض: ع ايش معجبة يا حسرة
سامر: كل هالشبوبيه ما بدها تعجب
مصطفى: وك مبينه مثل بنتي هاي
سامر: ههههههه بتعملوا رقم عشره مع بعض
مصطفى يضحك: اما تشبيهات اسكت اسكت
سامر: طيب شو ناوي تعمل
مصطفى: مش رح احكي معاها .. آخرتها بتزهق
سامر فقط يبتسم @rwayate
مصطفى: اضحك اضحك شو وراك
_
فايز: شو صار معك يا ابوعلي
ابوعلي: الجواز قسمة ونصيب
فايز: شو يعني
ابوعلي: واضحه يعني البنت مش موافقه
فايز بحدة: هو بمزاجها
ابوعلي: ولا غصب عنها
فايز نهض غاضبا: اه بالغصب
ابوعلي بتهديد: اوعى تصيب امل بمكروه يا فايز
فايز ذهب بلامبالاه بكلامه
_ @rwayate
تخرج من جامعتها تدندن بصوت خافض: ترا ترا ترا ..لما البي شافها دئ 3 دئات اعمل ايييه لما انا
قاطعها شخص يمسك بيدها
نظرت له بحدة وأفلتت يدها قائله: شو بدك يا أنس
أنس بحدة: امشي معي يا بنت عمي بدون ما تعملي بلبله
نظرت له باستهتار: بأحلامك
أنس: امشي قبل ما يتجمعوا الناس
سارت دون أن تنطق بكلمة.. فلحق بها وامسكها بقوة من معصمها يجرها ناحية سيارته
حاولت الإفلات من منه لكنه لم تستطع لقوته فقالت بغضب: أنس اتركني مين إنت حتى تمسكني
أنس: بدك إعاده ترباية
امل: فشرت اللي مثلك بدهم
رفع يده ليضربها فتم الإمساك بيده @rwayate
انس نظر إليه بغضب: مين إنت؟
امل في سرها: مصطفى!
مصطفى: كيف بتمسك ايد بنت وكمان بدك تضربها
انس: ما إلك دعوى بنت عمي وانا حر فيها
مصطفى: إنت قلت بنت عمك مش اختك (نظر لها جديا قائلا) امشي ع بيتك يلا
امل رمشت بعيونها بقوه قائله بارتباك: مـ ماشي
انس بعصبيه: مين هاد حتى تردي عليه (ذهب ناحيتها ليمسك بها)
إلا أن مصطفى قام بإمساكه ودفعه على الحائط قائلا بتهديد: بدك إياها بتروح ع بيتها وبتحكي معها مش بنص الشارع تشحطها مفهوم هاد تحذير
أنس ابتلع ريقه من ملامح وجهه
أفلته مصطفى وابتعد عنه عندما تأكد ذهابها
....