📚قصص||روايات||منوعة📚

أول منجرب الطب العربي والوصفات الطبيعيه

رنا : مشان الله يا امي تساعديني .. حاسه حالي رح موت ما حدا حاسس فيني ببوس ايدك تعملي اي شي مشان الله

أمي : لا تبكي تئبريني لا تبكي من بكرا رح جيبلك خلطة و امسحلك وشك وجسمك وبتشوفي بدك ترجعي احلى من قبل

رنا : الله يسمع منك .. ان شاء الله

راحت أمي من عندي و ضليت لحالي بالغرفة على طلبي ، ما كنت حابه شوف حدا و لا احكي حدا ... دورت على مراية بالغرفة بس ما لقيت .. المسا اجا جلال رميت حالي بحضنو وصرت ابكي

رنا : صرت بشعه كتير مو قادر تطلع فيني صح ؟

جلال : لا تحكي هيك يا رنا

رنا : لكن ليش ما عم شوفك جنبي ؟

جلال : عم اركض بين المدرسة و البيت .. عم ضل واقف فوق راس الشغيله ليخلصو بسرعه مو حابب نضل قاعدين هون

رنا : بس انا بحاجتك كتير جلال .. كتير بحجاتك حاسه النار لهلأ شاعلة بجسمي ما عم اقدر نام ولا اكول شي .. كل ما غمض عيوني بتزكر المنظر الي شفتو .. يا ريتك ما تركتني هداك اليوم يا رييييييييييت

ضميتو بقوة اكتر .. بس هو كان جامد كتير .. كأنو ما بدو قرب منو او كأنو مجبور على قربي .. رجعت شوي لورا وبعدت عنو : انا اسفه بعرف كل شي صار بسببي

جلال : خلص لا تبكي حبيبتي

رنا : امي قالت انو هي الحروق بتتعالج وبدها تجيبلي دوا

جلال : دوا شو ؟

رنا : طب عربي بكرا بدها تجيبلي .. وازا ما مشي الحال منعمل عملية تجميل الي قال عنها الدكتور ؟

جلال : العملية بتكلف كتير رنا .. ما معي نص المبلغ الي بتكلفو خلص طولي بالك لنشوف شو بصير و ان شاء الله الحروق بتروح على الدوا الي حكت عنو امك..

فتلت وشي على الحيط وانكمشت على حالي وكملت بكي .. تمدد جلال جنبي بدون اي حركة .. بس عم اسمع انفاسو و حاسستو صاحي ..

بنص الليل هديت بعد ما تعبت من البكي ..

جلال : رنا نمتي ؟

رنا : _ _ _

قام من جنبي و طلع من الغرفة .. قمت ولحقتو و فتحت الباب شوي .. لقيتو رمي حالو على الكنباية الي بالصالة ونام .. رجعت لمكاني و كملت بكي ..

#بعد_مرور_شهرين

رنا : امي .. مرق شهرين وما استفدت على اي دوا جبتيه لك شو اعمل بحالي شووووووو اعمل شو اعممممل

مسكت امي ايدي و هدتني مشان ما ضل اضرب بحالي : لك كتير خفو الحروق عن قبل انتي مو ملاحظة بس هن كتير اخف من قبل

رنا : امي ما تضحكي علي ... انا جسمي بقرف .. و وشي مشوه جوزي ما عم يطيق يقرب علي عم يقرف مني ما عم ياكول شي من طبخي لك انا ما عاد متحمله بدي اتطلق بدي ارجع على البيت لك بدي موت لحالي وارتااااااااااح

امي : لك يا مجنونة جوزك بحبك بس هو تعبان من زعلو عليكي ، كبري عقلك وبلا جنان لو واحد غيرو كان هو طلقك بس جوزك بحبك

رنا : معقول ؟

امي : اي اصلا هو وصاني مشان جيبلك دوا منيح ، المهم ايمت راجعين على بيتكن ؟

تنهدت بتعب : الاسبوع الجاي منقدر نرجع بس مو حابه ارجع..عم اتسلى مع هالة تعودت عليها .. مو حابه اقعد لحالي صرت خايفه كتير ابقى لحالي بالبيت .. على الاقل هون ما بفوت المطبخ بنوب

أمي :شو هالحكي هاد ؟ لازم تساعدي حماتك وبنت حماكي !

رنا : عم ساعدهن والله .. بس المطبخ ما بفوتو ..

أمي : طيب طيب .. كملي انتي على هاد المرهم وبكرا راجعه لعند ام سلطان شوف شو عندها خلطات تانيه

رنا : مل قلبي من الخلطات .. خلينا نعمل العملية وخلص مشان الله

أمي : حبيبتي امي وحياتك عندي ازا ما مشي حال الكريمات والمراهم الك علي بيع دهباتي وخلي ابوكي يبيع الارض ونعملك العملية .. ولا بخليكي هيك تدبلي قدام عيوني

رنا : عنجد امي ؟

أمي : اي طبعاً كيف لكن .. بس انتي اسمعي كلمتي وما تشيلي هم شي .. وجوزك ضلك سايريه لتمرق هالمشكلة

بعد ما طلعت امي من عندي فاتت هالة ..

هالة : شو طمنيني ؟

رنا : شوفة عينك .. متل ما انا

هالة : رنوش ... جبتلك شغله

رنا : شو ؟

طلعت كيس من وراض ضهرها واعطتني ياه

رنا : شو هاد ؟

هالة : افتحيه

اخدتو و لقيت فيه فستان حفر وقصير ..

رنا : لمين هاد ؟

هالة : الك ! ما لحقتني تتهني بجهازك و شايفتك مو فاضيه تحكي راسك .. شفت هاد بالسوق وقلت بجيبلك ياه

رنا : انا .. شو .. شو بدي اعمل فيه ؟

هالة : لك البسيه لجلال ! اخي بعدو عريس ما لحق يتهنى يعلي عليه

نشف دمي وما عرفت رد شي .. انا دايماً عم البس لبس طويل وكامل رغم انو بختنق من الشوب بس ما برضى اكشف اي شي من جسمي .. تطلعت بالفستان بحرقة وهمست : بس انتي بتعرفي وضعي

هالة :ممممممممم يمكن معك حق

سحبتو من ايدي بقوة : خلص انسي اعطيني ياه بخبيه ألي .. ما رح ينفعك

تطلعت فيها وانا ساكته .. اكيد عم تمزح !

هالة : ما بدك تتغدي انتي ؟

رنا : امبلى بس كأنو تأخرتو بالغدا ؟

هالة : يوووه نحنا تغدينا من ساعه و جلال تغدا ونايم برا

رنا : ليش ما ندهتولي ؟

هالة : امك كانت عندك

رنا : وإذا .. شو يعني ؟

هالة : ما بعرف ما حبينا نزعجكن !

رنا : خلص ما بدي اتغدا مو حاسة حالي جوعانه .

. رح نام شوي

____ ____ ____

#قلوب_مشوهة_بقلم_مال_الشام

الجزء التاسع

رنا : هالة ؟ ... لطفي ؟

وقفت مرت عمي هي ومصدومة .. وفاتت هالة بسرعه لجوا هي وعم تبكي وتصرخ : قلتلكن ما بدي اتجوز .. ما بدي اتجوز خلص اتركوني بحالي ما بدي اتجوز

ام جلال : شو .. شو في ابني ؟ شو الي صار ؟

لطفي : خالتي هي بنتك عندك .. انا ما لمستها ولا قربت عليها ... انا ما بدي ياها

ام جلال : الله لا يوفقك مرجعلي بنتي بليلة عرسها و بتقلي خديها .. مجنون انت شو الشغله على كيفك !!!!!!

لطفي : انا الي الله لا يوفقني ولا انتو الي رميتو علي بنتكن ..هي مو بني ادمة .. ما بدي ياها خلوها عندكن ما بدي ياها

فتل ضهرو ومشي و حماتي عم تعيط عليه وتترجاه يرجع ..

رجعت هي وعم تضرب حالها وتبكي : انخرب بيتي ، شو بدي قول لجلال .. ما رح يسدئني انخرب بيتي انخرب بييييييييتي .. رح يقتل اختو .. رح ننفضح .. شو هالمصيبه .. شو هالمصيبه

منظرة هالة وهي راجعه مكسورة و لابسه عبايه سودا علف براسي .ٍ. اكيد هي هلأ عم تعيش الي انا عشتو بالضبط .. اكيد فهمت الشعور الي مريت فيه .. بس انا ابطلت السحر ليش هيك صار معها ! ..

وانا عم فكر ما شفت الا حماتي وقعت على الأرض وما عاد نطقت بشي .. حاولت صحيها و رش على وشها مي ما صحيت .. اتصلت بجلال و قلتلو يجي بسرعه .. اجا واسعف امو وما قلتلو انو هالة جوا ..

اجت قمر لعندي وقعدنا نحنا بالبيت و سكرنا الباب علينا.. فتت اطمن على هالة .. لقيتها واقفه قراد التخت وعم تطلع فيه ..

رنا : هالة ؟

التفتت علي .. بعدين حطت ايدها على التخت : شوفي .. الفرشة دافيه كأنو كان حدا نايم فيها مع

انو انا ما نت فيها صح ؟ تعي شوفي

رنا : شو قصدك ؟

هالة : هاد هو ... هو عم يستناني بالتخت ما رح يتركني بحالي خلص .. رح يضل يلاحقني .. لازم انتحر و اخلص منو ..

حطت ايديها على راسها وصارت تبكي : بدي ارتاح خلص بدي ارتاح ما عاد متحمله ..

لحقتني قمر .. تركتهن التنتين سوا وطلعت على غرفتي حاولت نام .. ضليت اتقلب بالتخت شوي حس بالندم .. وشوي حس بالفرح لان انتقمت منهن .. شوي ازعل عليها كيف رجعت مكسورة وكيف حالتها .. وشوي اتزكر كيف جوزت جوزي وانا مريضه و مقهورة وما سألت عني ..

وش الصبح لقيت جلال عم يصحيني ..

رنا : جلال ؟ هاد انت شو في ؟
جلال : امي ... بالعناية المشدده .. اجتها جلطة
رنا : شووووووو
جلال : اي ... امي بين الموت والحياة هي تاني جلطة بتجيها .. ايدي مربطة يا رنا ..

لوقت ما استوعبت انو جلال عم يبكي قدامي متل ولد صغير ... ما لقيتو الا عم يضمني و يبكي على كتفي ..

جلال : ما في شي عم يصير بحياتي صح ، كل ما حاول عيش متل كل هالناس بتطلعلي مصيبه .. اول شي انتي و بعدين هالة وهلأ امي ... وما بعرف شو لسه مخبالي

حطيت ايدي على شعرو ومسحت عليه : لا تخاف مرت عمي رح تقوم بالسلامة ، هي قوية وما بينخاف عليها سدئني ... و اختك منيحه .. وانا ..
انا نسيتني من زمان

جلال : بدي قلك سر....
انا بحبك كتير....بحبك و بحب ريحتك وصوتك.... لك انتي حبي الاول....ما الي غيرك وما حدا بحس فيني الا انتي... بس انتي بتحبيني شي؟ ...

رنا : بتحبني الي ؟ .. انا ؟

جلال : اي .. اي انا حبيتك عنجد من قلبي حبيتك .. بس

رفعت راسو من على كتفي و تطلعت بعيونو :بتحبني وانت نسيان اني مشوهة .. هلأ هيك لما تطلع بوشي بعدك بتحبني ؟

ضل يتطلع فيني وانا عم اتأمل عيونو الي متل الجمر الدمع عم

#قلوب_مشوهة_بقلم_مال_الشام

الجزء العاشر

رنا : قمر شو صارلك ؟ .. قمر ؟

نزلت على الارض و صرت هديها وهي تصرخ .. طلعت هالة على الصوت وشافة قمر عم تنزف بالأرض

هالة : شو صرلها ؟؟؟؟؟؟؟

رنا : ما بعرف .. انا ما بعرف شبها ما دخلني

هالة : اتصلي بوحده من اخواتي يجو يشوفوها بسرعه

رنا : اتصلي انتي .. ماسكتني ما عم تتركني قوم

اتصلت هالة على خواتها المتزوجات وما ردو .. بلش صوت قمر يخف شوي شوي .. وبلشت ايديها الي ماسكيتني فيهن يرتخو

رنا : قمر ؟ ولي .. رح تغيب عن الوعي .. هالة الحقيها

هالة : قمر تطلعي فيني .. تطلعي فيني لا تغمضي عيونك

قمر : هالة ابني مات .. كنت حاسه فيه وبنبضو .. بس هلأ مات ، ابني مات

دبلت بين ايدي شوي شوي ... غابت عن الوعي وما عاد ردت علينا .. جمعنا الجيران على اصواتنا .. اجو وساعدونا واسعفو قمر .. بالمستشفى اتصلت بجلال و قلتلو الي صار مع قمر ، كان موجود بنفس المشفى وفوراً اجا لعنا ليشوف شو فيه ..

كنا ناطرين كلنا بالممر و جلال حاطط راسو على الحيط .. كأنو جثة عم تتحرك ملامحو و نبرة صوتو .. حتى انفاسو بطيئة و غير منتظمة ..

طلعت الدكتورة والممرضات بعد ساعه ونص (( وين زوجها ؟ ))

جلال : انا .. شو صار ؟

الدكتورة : البقية بحياتك ..

انقبض قلبي وحسيت وجع بصدري ..

اتطلعت فيها وانا خايفه : مات الجن

ين ؟

الدكتورة : خسرنا الأم و الجنين .. شدو حيلكن

وقعت هالة بالأرض و صارت تصرخ و جلال حط ايدو على تمو وصار يبكي .. وانا قمت ومشيت ورا الدكتورة بدون وعي وانا عم اسالها : شو ؟ قمر ماتت ؟ لا ما بصير بس الولد لازم .. وين قمر ؟ .. قمر ماتت !!

فتح جلال عزا و كنت انا متل الي مضروبة على راسي مو مستوعبة شي ، و بالعزا بلشو النسوان يحكو على هالة لان مبين عليها مو طبيعيه وعم تتلفت حواليها متل الي خايفه من شي ..

مرقو تلات ايام العزا وبلش البيت يفضى من العالم و انا هلأ مو مسدئة انو حماتي و قمر ماتت ..

كنت قاعده مع النسوان لما حسيت انو هالة من زمان مو مبينه ، قمت على غرفتها لشوف وينها .. فتحت الباب عليها ولقيتها واقفه على الشباك وعم تطلع لبرا ..

رنا : هالة تعي اقعدي مع العالم عم يسالو عنك

هالة : مين الي جابو لهون ؟

رنا : مين هو ؟

هالة : هو ..
اشرت باصبعها على التخت بدون ما تلتفت علي ورجعت قالتلي : هو

رنا : ازا بدك ترتاحي خلص خليكي

هالة : امي ماتت بسببي

رنا : مو بسببك انتي ما دخلك

هالة : و قمر قتلت حالها وابنها

رنا : مــ ا .. ما .. هي .. اكيد ماخده الدوا بالغلط

هالة : كيف بالغلط ، من وين جابتو .. بالمشفى قالو هاد الدوا ما بيتاخد لشي إلا للإجهاض .. هي قتلت ابنها ما كان بدها يا هيجي على هي الحياة لانو قمر نظيفه كتير وما قدرت تكون وسخه متلنا .. وخافت على ابنها ..

كانت تحكي بنبرة غريبه وبطريقه بتخوف ..

رجعت لورا وسكرت باب الغرفة ورجعت قعدت مع العالم ، بالليل ما ضل حدا بالبيت .. فات جلال و متل العاده نام على تخت امو وما حكى مع حدا اي حرف ..

تاني نهار الصبح بكير قبل ما يجي اي بني ادم ، سحبت حالي و طلعت اخدت سيارة و طلبت منو ياخدني على مكان ال

#سيلار_بقلم_مال_الشام

الجزء الثاني
@rwayate

مد ايدو ليسلم علي (( كيفك سيلار ؟ ))

جربت اتجاوزو وكمل طريقي بس كان يوقف بوشي .. سألتو بعصبيه (( ما بكفيك الي صار فيني بسببك ، انا لهلا ما قدرت خبر اهلي انو رح انفصل من الجامعه .. بعد عن طريقي ))

سامر : لهاد السبب انا هون ، بدي احكي معك بهاد الموضوع لو سمحتي
سيلار : لما انا حاولت اجي احكي معك تجاهلتني .. ورفعت ورقتي للعميد وتسببتلي بتهمة انا بريئة منها ، قلتلكن في حدا بدو يورطني
انا ورقتي الي حليتها هي الي اخدت علامة 37/50 ..الورقة التانيه الي بعلامة 49 مو الي .. مو الي مو الي .. بس انتو ما بتفهمو
سامر : طيب ممكن تهدي شوي ؟
سيلار : لك كيف بدي اهدى وانا رح انعرض على لجنة تحقيق الأسبوع الجاي ؟ .. كيف بدي اهدى وكل زملائي عم يحكو علي انو غشاشه و بكون معي نسخه مسبقة من الأمتحان بحصل عليهن بطرق غير مشروعه
انت بتعرف انو في طلاب اتهموني اني بجيب اوراق الامتحان عن الطريق التقرب لمدرس المادة ؟! ..لك انت وجامعتك نزعتو حياتي اكتر ما هي منزوعه
سامر : بس هاد مو غلطي ، انا قمت بواجبي ك محاضر مادة .. لما لقيت ورقتين باسمك كل وحده بخط مختلف واجوبة مختلفه ما كنت بقدر الا سلمهن لعميد الكلية ليحقق بالموضوع.. هدفي كان نوصل للحقيق ما توقعت يتهموكي بدون تحقيق
سيلار :ليش ما اعطيتني فرصه اشرح!
سامر : انتي لهلا ما عندك شي تشرحيه !
@rwayate
كنت مشتهية اضربو بنص وشو اكسرلو انفو ، قدرت اتجاوزو وكنت بدي امشي بس فجأة قلي ( بس انا بقدر اشرحلك مين الي عمل فيكي هيك )
التفتت عليه ورفعت حواجبي : كيف ؟

سامر : انا ما تركت الموضوع أبداً .. حسيت انك مظلومة و رجعت دققت كل اوراق الامتحان مره وتنتين وعشره .. وعرفت مين الي قدم الورقة الإضافيه باسمك
سيلار : مين ؟
سامر: رفيقتك سلمى ..

___________________________
___________________________

وانا قاعده عند سلمى كانت هي عم تحكيلي كتير خبريات وانا مو قادرة ركز معها بعد الحكي الي حكاه سامر .. ليش ... وكيف عرف ! .. خبرني انو منلتقي بعد يومين الساعه 6 المسا بمطعم وبشرحلي كل شي وبيثبتلي ،فكرت انو ما لازم روح
اكيد الو هدف مخفي
سلمى رفيقتي الوحيده مستحيل تعمل فيني هيك !
@rwayate
سلمى : وما تشوفي الا الكل صار يضحك وانا ركضت من الغرفة وقعدت ابكي وفجأة ضحكت على غبائي هههههههههه

سيلار : - - -

سلمى : مرحبااااااااااا .. وين صافنه

سيلار : اه ؟ .. انا ؟ .. معك شو

سلمى : لااااا مو شكلك معي بنوب .. بعرف مشغول بالك بس لا تعملي بحالك هيك ، بتعرفي شو ؟ رح قوم اعمل كاستين عصير لنروق ونحكي بالموضوع بهدوء

سيلار : ايه تمام

طلعت سلمى من الغرفة .. قمت قفلت باب غرفتها وصرت فتش باغراضها ودفاترها بلكي بلاقي شي يريح بالي
بعد خمس دقايق ما لقيت شي ابدا .. رحت فتحت الباب ورجعت قعدت مطرحي ... وسحبت الرواية الي جنب تخت سلمى عملت حالي عم اتصفح فيها
و بالنص لقيت في صورة للأستاز سامر .. سألت حالي ليش صورتو موجوده هون! وليش ما حكتلي من قبل ؟ .. سمعت صوت خطواتها جايه سكرت الرواية بسرعه ورجعتها لمكانها
@rwayate
سلمى : امي عم تطبخ محاشي مو بتحبيها لهل اكله ؟

هزيت براسي وابتسمت : اي .. بحبا..شكراً كتير ..

___________________________
___________________________

صارت الساعه 2 نص الليل وما عم اقدر نام ابداً ، قمت من تختي وقفت على الشباك لاتنفس هوا نظيف وتطلعت بالنجوم : شو حلوين هالنجوم من بعيد
بس ما حدا بيعرف انهن حجر عم يحترق ! .. متل حياتي تماماً .. محدا عرفان حقيقتها بس عم يشوفوها من بعيد

تنهدت وكنت بدي سكر الشباك بس سمعت صوت غريب كأنو حدا عم يبكي .. حاولت ركز اكتر بس الصوت بعيد جاي من جهة شباك المطبخ

نزلت من غرفتي لتحت شوي شوي وصار الصوت واضح اكتر ، هيك لفتت على المطبخ وشفت خالتي عم تبكي عند الشباك وتدخن
@rwayate
سيلار : خالتي !

رمت السيجارة من ايدها فوراً ومسحت دموعها : شو مصحيكي بهل وقت ؟
سيلار: ما عم اقدر نام من التفكير .. بس سمعت صوت جاي من هون .. ليش عم تبكي ؟
خالتي : ههه ابكي ؟ لا حبيبتي ما في هيك شي
وقفت جنبها قدام الشباك : من متى بتدخني ؟
خالتي : سيلي ما في شي من هالحكي ، ارجعي ع تختك ونامي عندك درس موسيقى بكرا ودرست اتيكيت
سيلار : قلتلك ما بحب تندهيلي سيلي ! .. ليش عم تبكي بدي افهم .. عياش زعلك ؟
خالتي : لا ابدا عياش كتير بحبني مستحيل يزعلني
سيلار : اها لهيك بيضربك ؟
تلبكت كتير و طلعت سيجارة تانيه شغلتها ورجعت تدخن : هو بيحبني كتير .. ما بيضربني الا لما يكون شربان ومو بوعيو ...
سيلار : شو بكرهو .. لليوم نفسي اعرف ليش تجوزتيه
خالتي : لانو بحبو
سيلار : كذب .. كذب كذب كذب .. انتي بس بتحبي بابا إبراهيم لا تكذبي

سكرتلي تمي بايدها : وطيييييييييي صوتك ولا تخبصي .. انا بحب جوزي وبس .. ع غرفتك سيلار

#سيلار_بقلم_مال_الشام

الجزء الثالث
@rwayate
مرقو تلات ايام وخالتي ما عم ترضى تحكيلي شي ، او بالأصح ما عم تحكي معي ولا كلمة .. بتتهرب مني وبتحاول ما تلتقي فينا .. كل الوقت بغرفتها وقافله الباب على حالها
وعياش بقلي انها تعبانه وما بدا تشوف حدا ..
@rwayate
جهزت حالي وطلعت لان كان موعدي مع لجنة التحقيق ، كل ما حاول احكي يقطشوني و سامر قاعد معهن وعم يأشرلي بعيونو لاحكي الي اتفقنا عليه
هيك حتى بالأخير عصبت كتير وما قدرت امسك اعصابي .. عيطت بصوت عالي وطلبت منهن يسمعوني ويخلوني احكي كل شي عندي
قلتلهن ما فيهن يعاملوني متل متهمة انا طالبة جامعه متعلمة ومحترمة ولازم يسمعوني باحترام ! .. جزء من اللجنة شاف تصرفي عدم احترام
وجزء شافو شجاعة وقوة شخصية .. بس الي بهمني سامر .. ابتسم و غمزني .. فهمت انو تصرفت صح !
وبلشت اشرحلهن متل ما فهمني .. طلبت إعادة التحقيق بالورق وسامر قلهن انو هو كمان عندو رغبة يرجع يحقق بالورق .. وعلى هالأساس كان عندي موعد تاني مع اللجنة بعد ما سامر يحقق بالأوراق
خلصنا كل شي وطلعت وسلمى ناطرتني على الباب برا

سلمى : شو طمنيني ؟
سيلار : ما في شي عادي .. لسه في اجتماع تاني بعدو بتقرر
سلمى : اجتماع تاني لشو ؟
سيلار : لان بدهن يرجعو يفتحو ورق الأمتحان ويتأكدو منو .. كل اوراق الطلاب رح تنفحص وممكن يحققو مع كم طالب
سلمى : شو ؟ يعني هن اقتنعو انو مو انتي
سيلار : مبدئياً ايه بس شبك ما فرحتيلي !
@rwayate
مرق سامر جنبنا وتطلع فيني .. سلم علي بعيونو وسلمت عليه وكمل طريقو .. لما رجعت تطلعت بسلمى لقيت عيونها معلقين فيه وعم تبتسم
ضليت عم راقبها لفهمت انو هي البنت مغرومة بالدكتور سامر ! ! ! عيونها هيك كانو عم يحكو !

سيلار : سلمى

سلمى : شبك سيلار

سيلار : رح تاكليه بعيونك خلص .. بتحبيه !

التفتت علي وارتبكت كتير : مين هو ؟ شو عم تحكي انتي

سيلار : جاوبيني بتحبيه ؟

سلمى : ههه يعني .. انو كل بنات الكلية بيحبوه مو شي غريب

سيلار : لا انتي عنجد بتحبيه شوفي كيف عيونك عم يلمعو
@rwayate
سلمى : يا الله بلشتي تخبصي ، هلا تعي نفطر وتحكيلي بالتفصيل شو صار معك .. امشي

______________________
______________________

فتحت باب السيارة وقعدت على الكرسي جنب سامر

سامر : عازمك على العشا

سيلار : شكراً دكتور بس انا لازم ارجع على البيت ما خبرت خالتي انو طالعه .. بالعاده ما بطلع بهيك وقت

سامر : الساعه 8 مو متأخر الوقت

سيلار : لا بعتذر ما معي وقت كتير

سامر : طيب .. عموماً انا حبيت نلتقي بهاد الوقت لان ما بدي حدا شوفنا مع بعض .. بخاف يعتبرو انو في اتفاق بيني وبينك

سيلار : معك حق وانا حسبت حساب هاد الشي لهيك ما سلمت عليك بالجامعه

سامر : هلأ رح استنا اسبوع وقدم الأوراق للعميد واللجنة .. وبعدا رح يستدعو سلمى وبتعترف بكل شي .. كيف عملت هيك وليش

سيلار : بتعرف انو سلمى بتحبك ؟

ابتسم وهز راسو : بعرف

سيلار : واثق بحالك؟
@rwayate
سامر : لا أبداً .. هي صارحتني !

سيلار : معقووووووول !!!!!!!!! وانا ما انتبهت أبداً ولا عندي خبر

سامر : عموماً بعتقد هاد سبب تصرف سلمى

سيلار : ما فهمت ؟

التفت على بلور السيارة وضل ساكت

سيلار : عفواً ممكن تفهمني شو بتقصد ؟

سامر : هلأ أنا .. كنت مهتم فيكي نوعاً ما .. يعني فينا نقول إعجاب .. و .. و أنا لفتت نظر سلمى لهل موضوع متعمد مشان تشيل هي الأفكار من راسها
تعمدت اسألها عنك..عن تفاصيل حياتك .. بس الي حكتلي ياه سلمى مختلف .. قاللتلي انك بنت عيلة غنية جداً
مبسوطة كتير بحياتك
بتمارسي هواياتك و مقربة من عيلتك جداً ... تصورت حياتك مثالية وكاملة لهيك تراجعت لورا .. ما حبيت اتقابل بالرفض
بس الواقع انو حياتك مو كاملة .. اهلك متوفيين وانتي عم تعيشي تحت وصاية خالتك و حسب ما عم شوف انو علاقتكون فيها توتر و قراراتك مو شخصيه

سيلار : _ _ _
@rwayate
سامر : عفواً انا ما بقصد شي ، و شرحتلك الي صار ليكون عندك فكرة .. بالنهاية أنا

سيلار : دكتور انا لازم ارجع على البيت فوراً .. عن اذنك

نزلت من السيارة وقلبي عم يخفق بسرعه .. ركضت باتجاه البيت و وصلت على غرفتي ومشاعري كلها مخربطة
شوي مبسوطة و شوي خايفه و شوي ملبكة ... الحقيقه انو متل ما قالت سلمى (( كل بنات الجامعه معجبات فيه )) وانا للاسف وحده متلن
وزاد اعجابي فيه لما تقربت منو اكتر وشفت اهتمامو بمشكلتي ومساعدتو الي

كل شي افكار كانت عم تجي براسي وعم اتذكر ملامحو وصوتو هو وعم يحكي (( انا مهتم فيكي ... فينا نقول إعجاب !! ))

شغلت اغاني بصوت عالي ورقصت وانبسطت ... هيك لتعبت .. اخدت دش ولبست بيجامتي ونزلت اتعشا مع خالتي وعياش .. وما لقيت حدا على الطاولة

طلعت لفوق ودقيت عليهن باب الغرفة .. طلعت خالتي و سكرت الباب وراها

سيلار : ما بدكن تتعشو ؟

خالتي بصوت اقرب للهمس : عياش راسو عم يوجعو كتير ودايخ ما بدو يتعشا .. وانا مو جوعانه

#نقطة_تحول_بقلم_مال_الشام
@rwayate
الجزء الرابع

خفت ينتبهو علي و رجعت فوراً فتحت باب البيت و فوتت ولادي لجوا و قفلت الباب …

اتخربطت كتير و صرت فكر شو القصة!! شو عم يصير…

احترق الاكل و انا عقلي مو معي و حطيت لايمن حواضر..

ايمن: هالة شبك؟ مو عادتك تضلي ساكته هيك؟

هالة: اه؟ انا؟ لا مافي شي… انت فوت ارتاح شوي..

فات ايمن بعد ما يئس انو احكيلو شي… و انا كنت متاكده ازا بقلو شو سمعت رح يمنعني ارجع زور سلمى بعد ما تعلقت فيها و تغيرت كل حياتي بجيتها! ..

تاني نهار خفت روح لعندا… بس لقيت الباب عم يدق وهي اجت لعندي…

هالة: اهلا فوتي

سلمى: لك حطيت ركوة القهوة و نطرتك وينك لهلأ؟

هالة: لا ولاشي بس حسيت حالي تعبانه شوي.. يلا انا وانتي واحد فوتي انا بشربك القهوة…

فتنا عالمطبخ و شربنا قهوة… كنت عم لف ورق عنب و سلمى عم تحكي…

سلمى: بتعرفي يا هالة… مافي شي بنفسي غير زور بيت الله
اوقات بنام و بحلم اني هنيك عند الكعبة… شعور ما بينوصف
الله. يرزقني روحه انا وياكي سوا

هالة: امين يا رب الله يسمع منك

سلمى: طمنيني عم تنسي شي صلاوات؟

هالة: لا ابدا الحمدلله… و عم صلي الوتر و السنن و صلاة الضحى و دايما بصلي ركعتين بالليل… وشوفة عينك عطول عم شغل القرآن ببيتي اخدت هالعاده منك هههه

سلمى: كتيييير فرحتيييييني ياعمري انتي

سكتنا شوي و بعدين ما قدرت ضل ساكته اكتر..

هالة: سلمى… هلأ كيفك انتي و جوزك؟

سلمى: جوزي؟ شو خطرلك تسالي؟

هالة: عادي شو المشكلة انا عطول بحكيلك عن ايمن بس و لا مره انتي جبتي سيرة جوزك...يعني مرتاحه معو بتحبيه هيك شي احكيلي…

كنت عم كمل شغلي عالمجلى و هي وراي عالطاولة…
اختفى صوتها…
التفتت وراي ما لقيتها!!!

هالة: سلمى!!... لك سلمى وين رحتي؟؟؟

مابعرف ليش للحظة خفت على ولادي… ركضت و اطمنت عليهن و ارجعت و انا ملبكة كتير ومتوترة…

هالة: يمكن صار لازم قاطعها لهل مخلوقة… البي مو مرتاح ابداً…

و فعلا مرق اسبوعين لا انا زرتها و لا هي زارتني و اشتئتلها كتير… كان شي ناقص بحياتي بغيبتها..

اشتقت اسمع القرآن بصوتها و اشتقت لقعداتها و اشتقت فضفضلها و شاركها همومي..

بس هي ليش راحت بهل طريقه هي وقاطعتني هيك!!
هاد كلو لاني سالتها كيفها هي و جوزها!! … طيب انا شو دخلني بلكي ما بتحبو و خجلت مني!! … ليش حشرت انفي بخصوصياتها!! …

قررت ارجع زورها و نتجاوز الموقف الي صار… استغربت كتير لما رحت لعندا كيف استقبلتني بحرارة و فرحت فيني
بلشت ترجع علاقتنا احسن من اول الحمدلله و ما عاد تدخلت بخصوصياتها بنوب…

اجا رمضان و اقترحت هي انو انا يوم علي الفطور و هي يوم مشان نقدر نتفرغ للعبادة و الصلاة و منرتاح شوي…
وجد هيك صار… كانت كل وحده تطبخ يوم ايه يوم لا و تبعت للتانيه الي ما تكون طابخه…

و نصلي التراويح مع بعض و ختمنا القرآن سوا… و بعدين اتفقنا نبلش حفظ كتاب الله…
سلمى عملت مني انسانه جديده باخلاقها العالية و روحها الحلوة.. و كانت تحب ولادي كأنو ولادها… تعمللهن اكلات طيبة و دايما تطلب مني خليهن عندا تلاعبهن شوي…
و صار عندي وقت اكبر لارتاح او احفظ قرآن او اهتم بحالي
يا الله جد لو انها اختي ما كانت بهل طيبة و الحنية هي..

بس كان في شي… هي من وقت ما سكنت ما طلعت من البيت وكل ما اقترح علبها ترفض… و ما كان معها جوال...و بعمرو ما حدا زارها…
كنت ازعل عليها بس هي عطول كانت عم تضحك وبعمرها ما اشتكت بنوووب…

اجت عطلة الصيف… و سافرت انا و جوزي و ولادي عالبلد و هن ما سافرو...قعدنا شهرين غم قلبي فيهن من المشاكل و النق و استقت لراحة البال…
ما سدئت و رجعنا سافرنا كانت رح توصل بيني و بين ايمن للطلاق بهل عطلة!!

اول ما رجعنا قلت لايمن بدي سلم على سلمى بالاول…
دقيت الباب و طلعلي جوزها و لما سالتو عنها قلي سلمى مو هون و سكر الباب بوشي!!!

رجعت عالبيت لوني مخطوف و قلبي عم يدق بسرعه

ايمن: شبك هالة؟ ..

ما كنت عم اسمعو… كان بالي مشغول… سلمى قعدت جنبي سنة و لا مره طلعت… كيف هلأ مو بالبيت!! و بهل وقت هاد!!

ضليت تلات ايام روح دق عليها الباب و ما تفتحلي بنوب..
وخفت احكي شي لجوزي لانو مابدي يخاف من الجماعه ويقطعني عنهم…
اخر شي رحت عليها بالليل الساعه 10 و اخدت معي سكبة اكل و دقيت الباب…

و فتحلي جوزها

هالة: كيفك استاز محمود… بدي سلمى لو سمحت

محمود: سلمى مو هون

كان بدو يسكر الباب بس شفت عند الباب حفاية البيت الي عطول بتلبسها سلمى… حطيت ايدي عالباب و حكيت معو بعصبية

هالة: كيف يعني مو هون؟ … سلمى جوا… ناديلي ياها هلأ يلا لشوف…

و صرت صرخ ( سلمى انا عالباب… يا سلللمممممى…. سللللممممى انتي جواااا؟؟؟؟ )

#يتبع

#نقطة_تحول_بقلم_مال_الشام
@rwayate
الجزء الخامس

محمود : لك خلص خلص اسكتي وطي صوتك

هالة : ليش ما بدك تخليني شوفها ؟ انت شو عامل فيها ؟

طلع على صوتي جوزي ايمن واتطلع فينا وهو مو فهمان شي

ايمن: شو في !!!!!!11

هالة : حبيبي الاستاز محمود عازمنا على كاسة شاي عندهن وكنت بدي اندهلك .. وهو كتير مصر علينا .. يلا تعال

محمود : أ .. أ

هالة : اسمحلي انا فوت لعند سلمى وانتو بقى بتحكو سوا على رواق

نزل ايدو الي كان مسكر فيها الباب .. وفتت انا لجوا وضل هو وايمن عم يحكو عالباب

هالة : سلمى وينك ؟ يا سلمى ؟

بلشت اسمع صوتك سلمى بس كات ضعيف كتييييييييييييير وبعيد .. سمعتو جايه من غرفة نومها ولفتت عالغرفة وشفتها
مرمية بالتخت و وشها اصفر كتيرررر وحسيتها نحفااانة كتييييير ..ركضت عليها وانا مرعوبة
مب
هالة : سلمى .. سلمى حبيبتي شبك شبك

سلمى : الحمدلله عالسلامة ايمت رجعتو من السفر ؟ اشتئتلك كتير

هالة : النا خمس ايام وجوزم ما رضي يفوتني لعندك .. ووقت اجي دئ عليكي الباب الصبح ما بتفتحيلي . شبك ليه هيك حالتك؟

ابتسمت سلمى بهدوء : انا حامل

هالة : عنننننننجدددددددد ؟

سلمى : ايه والله .. بس حملي كتيييييييير متعب كتير .. ما عم اقدر قوم من الفرشة ولا اكول شي عم اتعب كتير
بس مع كل هاد مو مسدئة انو رح يجيني طفل .. فرحانة بطريقة ما بتتخيليها رغم كل التعب الي عم حس فيه

هالة : يا عمري انتي الف الف مبروك لك والله بتستاهلي كل خير .. طيب الدكتور شو قلك ؟

سلمى : ما شفنا دكتور

هالة : شو ؟؟! ليكي كيف حالتك لازم تشوفي دكتور

سلمى : سكري الموضوع لانو صعب كتير .. كيف كان سفرك ؟

سكتت وقعدت على جنب وما عرفت احكي شي .. المخلوقة تعبانه كتير ليش ما بدهن يروحو على مستشفى

هالة : سلمى .. هلأ انتي جوزك شايف مني شي لا سمح الله حتى ما عم يسمحلي فوت لعندك؟

سلمى : لك لاااا .. انتي ما بتتخيلي محمود شو انسان لطيف و محبوب .. بس الظروف .. الظروف يا هالة بتخلق من الملاك
وحش

هالة : اوف .. اي ظروف هي

لمعت عيونها وهي عم تحكي عن جوزها : الله يخليلي ياه وما بهمني كيف رح يكون .. المهم اننا مع بعض وهاد بكفي بالنسبة الي

عملت لسلمى عشا هديك الليلة وشربتها عصير .. وما تحملت شوفها بهل منظر رحت زرت دكتورة وشرحتلها عن حالتها وقلتلها عندها
ظروف ما بتسمحلها تجي ابداً
اعطتني مقويات للحوامل وفيتامينات و دوا مشان الاستفراغ والدوخة
ورجعت لعندا واعطيتها ياهن وكتير انبسطت لانو جسمها ما كان عم يتحمل اكتر ..

بيوم من الأيام .. طلع ايمن على شغلو .. وسكرت الباب وراه .. كنت عم رتب البيت وافتح الشبابيك .. وانتبهت على شب واقف تحت
كان عم يلتفت حواليه كأنو عم يدور على شي .. وفجأة رفع عينو واتطلع على شقتنا !! سكرت البرداية وانا خايفه كتير ما بعرف ليش
بس نحنا طابق سادس .. يعني ما بتصير صدفه انو شخص من الشارع يتطلع على شقتنا تحديداً من بيت كل الشقق

هداك النهار خفت اطلع من شقتي مع انو الموضوع مو مستاهل .. بس يوم عن يوم صرت راقب تحت البناية ..
الجو عنا حار كتير ورطب .. ومع هيك كان يضل واقف تحت .. ما عم يتحرك بس واقف تحت .. الشب نفسو ..
وكان يتطلع على بنايتنا نفسها ..
وكالعاده خبيت على جوزي لان اكيد رح ينزل يحكي معو وانا ابداً ما كنت مرتاحه للموضوع .. ابداً

وقتها كانت لازم زور سلمى .. لان قطعتها فترة .. عملتلها فطاير و اخدت ولادي وكنت حذرة وانا عم اطلع لعندا

فتحتلي الباب وفتت بسرعه بدون ما سلم عليها وكنت عم اتنفس بسرعه

سلمى : هالة شبك ؟

هالة : هههه لا ولاشي بس الاولاد بجننو الواحد بكرا بتجربي

حطت ايدها هلى بطنها : ياااااااااااارب .. يارب الله يكرمني يااااااااارب

هالة : يارب حبيبتي ... اكيد ما اكلتي كالعاده .. يلا تعي جبتلك فطاير

سلمى : ريحتهن بتاخد العئل .. يلا رح جيب كاستين شاي واجي

سالم : وانا بدي كاسة

هالة : هههههه جيبي لابني الشب كاسة معك دخيل عينك

سلمى : لك سيد الشباب سالم بيك تكرم يا حبيبي

قعدنا ناكول وكانت سلمى احسن من قبل شوي .. وانا كنت متوترة وعقلي مو معي
قررت للمره التانيه افتح معها موضوع خاص ... مع اني شفت النتيجة بالمرة الأولى .. بس سلمى ما عادت مجرد جارة
هي متل اخت واعز بالنسبة الي ..

هالة : سلومة

سلمى : ايه حبيبتي

هالة : جوزك بيضربك شي ؟ او بيسي معاملتك ؟

تركت سلمى الخبزة من ايدها : يضربني ؟ محمود ؟ شبك انتي

تلبكت من ردة فعلها وما بعرف كيف اعترفتلها وقلتلها شي ما كان لازم احكيه بنوب

هالة : ليكي .. انا سمعتكن .. بالصدفة طبعاً .. لما مره قلتيلو انا ماشية عالاتفاق تماماً وما الك اي حق تحاسبني
يعني كيف بيكون في بين مرا وجوزها اتفاق .. وشو هو هالاتفاق الي ماشيه عليه !!

سلمى : _ _ _

هالة : سلمى انا مو غريبة .. ما ضل سبب لتخبي علي .. احكيلي شو في

سلمى : وشو سمعتي كمان ؟

هالة : بس هيك

سلمى : متأكده ؟

هالة : ايه لو سمعت شي تاني كنت رح قلك

سلمى : طيب خلص .. بحكيلك بس مو اليوم خليها لبكرا

هالة : لا احكيلي هلأ

سلمى : خلص لبكرا .. رح تعرفي كل شي ..

هالة : طيب لكن انا خليني روح .. خلي سالم عندك لان بدي احشي كوسا رح يغلبني

سلمى :لا هالة خديه معك

هالة : ليش !

سلمى : تعبانه كتير انا بخاف تغفل عيني عنو ..

هالة : طيب متل ما بدك .. بشوفك

سلمى : بشوفك

ما بعرف كيف مضي هداك النهار بصعوبة كبيرة .. حتى بالليل ما عرفت نام .. بس طلع الضو .. جهزت حالي من بكير
نظفت البيت كلو وجهزت طبختي .. وصحي ايمن واستغرب من نشاطي .. ما بيعرف السبب انو بالي مشغول
طلع على شغلو .. و انا فورا طلعت لاعرف شو قصة سلمى و محمود... ورنيت جرس الييت .. فتحتلي الباب و فتت لجوا

#يتبع

#نقطة_تحول_بقلم_مال_الشام
@rwayate
الجزء السادس

هالة : كيفك اليوم احسن ؟

سلمى : ايه احسن الحمدلله

هالة : انا طول الليل ما قدرت نام لاعرف حكايتك يلا احكيلي

سلمى : هههه طيب

قعدت سلمى قدامي وضلت ساكته شوي وما حكت شي

هالة : سلمى حبيبتي فيكي شي ؟

فجأة صارت تبكي !!

سلمى : لك ااااااااخ يا هالة اااااااااخ .. والله مصيبتي ما بتنحكى .. ما بتنحكى بس رح جن .. رح جن
بدي حدا يشيل معي هالهم .. بدي حدا يوقف معي

قربت منها وحطيت ايدي على كتفها : طولي بالك واحكيلي

سلمى : انا يا هالة من قرية صغيرة .. اهلها محافظين كتير كتير .. فيكي تقولي متعصبين .. انا عندي ست اخوه شباب
وابي وامي ميتين .. كانت حياتي متل جهنم عندهن .. شفت الذل على ايدين نسوان اخواني .. تعزبت كتير والله محدا بيتخيل اديش تعزبت

هالة : يا البي انتي يعلي عليكي الله لا يسامح كل ظالم

سلمى : محمود بكون ابن خالي .. حبني من لما كنت صغيرة بس لما كبرت لا عاد شفتو ولا شافني .. بعدين اجتو فرصة شغل عالخليج
وطلبني من اخواني .. طبعاً متلو متل مية واحد قبلو رفضو .. لان بدهن ضل مذلولة وخدامة تحت رجليهن

هالة : ياربي دخيلك .. وكيف تجوزتو ؟

سلمى : حاول كتير .. هلك وهو يروح ويجي ويأخر سفرو ويحلف انو ما بيسافر الا وانا معو وعلى ذمتو وقال انا بنت خالتو
وهو الو حق فيني وانو اخواتي عم يسيئو معاملتو .. هاد الحكي الضيعه كلها كانت تعرفو والكل كان يزعل علي ويتعاطفو معي
وبليلة من الليالي .. اجا اخي الصغير .. عمرو 28 سنة .. الوحيد الي كان يحن علي
وقلي انو هو رح يجوزني لمحمود بس لازم سافر معو ونطلع من الضيعه

هالة : ايه كملي كملي ؟

سلمى : بالفعل قال لاخواني انو بدو يطلعني مشوار .. ورحنا على بيت خالي .. كتبنا الكتاب وكان هو ولي امري
ورجعني معو عالبيت ... ونطرنا موعد السفر .. وما طلعت معي ولا شي من بيت اهلي .. هربت لعند محمود الصبح
وطلعنا عالمطار فوراً

هالة : طيب ليش خايفه مو اخوكي الي جوزك ؟

سلمى : ما حدا بيعرف انو اخي جوزني .. اخي اصغر شي هاد ومسكين كتير .. هو جوزني وبعدا خاف كتير
وانا لحالي قلتلو ما في مخلوق رح يعرف انو انت الي جوزتني .. وهلأ اخواني بفكروني هربت بدون عقد زواج
و خالي قلهن انو كتبنا الكتاب بس ما عم يسدئو .. وبنظرهن انا طلعت بلا شرف ونزلت راسهن وهلأ بدهن ينظفو شرفهن

هالة : ياربي لطفك معقووووووول ؟؟؟؟؟؟؟

سلمى : لهيك محمود متل مو شايفتيه .. عطول خايف علي كتير .. ما بخليني لا اطلاع ولا فوت
وما بدو اتعرف على حدا لان ما بيثق بحدا .. ولهيك عطول بيحاول يبعدني عنك لان بيقلي دايماً نحنا وضعنا مختلف
نحنا مو متل باقي الناس .. بس انتي دخلتي البي وحسيتك رفيقه واخت .. و وعدتو انو صداقتي معك ما تعمللنا اي مشاكل
وهاد هو الاتفاق الي بيني وبينو ... وانتي هلأ بدك توعديني انو سري رح يضل امانة عندك .. اوعديني

هالة : بوعدك .. بوعدك ما بتخافي ابداً .. انتي ما بتعرفي غلاتك على قلبي .. انتي غيرتي كتير بحياتي
نسيتيني وحدتي و خليتي حياتي تتغير حتى علاقتي بجوزي تحسنت .. وولادي بطلو يهدو ازا ما سمعو قرآن
وانا ماعدت ارتاح ازا ما صليت كل الصلوات .. واكبر حلم عندي صار زور بيت الله .. انتي فضلك كبير علي

وهيك رجعت علاقتنا استمرت كجيران واصدقاء و خوات .. مر الوقت و خلفت سلمى .. جابت صبي
يا الله شو بينحب وبيفوت عالقلب .. مع انو عندي تنين ولاد بس لهف قلبي للولد كتييييييييييييير
ضحكتو بتاخود العقل .. كان محبوب بشكل فظيع ..

كنت عند سلمى لما قالتلي افتحلها الشباك لتفوت الشمس شوي .. فتحت الشباك .. وانتبهت انو في شبين واقفين تحت
الشب نفسو الي كان
وشب تاني ... وصرت فكر انو انا نسيت الموضوع .. هن كل الوقت كانو هون ولا غابو ورجعو بهل فترة
صار لازم خبر ايمن !!

سلمى : هالة شبك ؟ على شو عم تطلعي ؟

هالة : اه ؟ لا حبيبتي ولا شي .. اعطيني هالحلو لشوف هاتي لهون
حبيب خالتوووو ما اطيبوووووو .. بدي جيب بنت وجوزك ياها دخيل البك انا

بالفعل بس رجعت عالبيت .. نطرت ايمن ليجي وقلتلو عن موضوع الشباب الي بضلو تحت البناية

ايمن : وانتي ليه خايفه ؟ عادي المجمع في 8 طوابق نحنا شو دخلنا .. بكونو عندهن مشكلة مع حدا من السكان وعم يراقبوهن مثلاً

حكيو خلاني اربط هالموضوع بموضوع سلمى .. معقول هدول يكونو اخوتها !!

ايمن : هالة وين سرحتي ؟ شبك حبيبتي ؟

هالة : لا ولاشي .. بس .. خلص مابعرف

ايمن : ازا في شي احكيلي ؟

كنت بدي احكيلو عن قصة سلمى بس تزكرت الوعد .. وما قدرت احكي للأسف .. تركتو وفتت على غرفتي ..
اتطلعت من الشباك .. كان في شب لسه بمطرحو والتاني رايح ..

هالة : ياربي شو بدي اعمل هلأ ؟ .. ما رح احكي لسلمى ما بدي ياها تخاف .. وما بدي ياهن ينقلو من البناية
تعلقت فيها كتير .. اصلاً هي مجرد افتراضات .. يمكن هدول ما الهن اي علاقة بسلمى .. لازم انسى الموضوع

وفعـــلاً اقنعت حالي انو انسى .. او بالأصح تناسيت .. وبيوم من الأيام كنت بدي اطلع من البيت و قبل ما افتح الباب
سمعت صوت رجال برا .. وقربت من الباب

الشب الاول : ايه هون بهاد الطابق .. انا لحقتو وشفتو طالع لهون بس ما عرفت اي بيت فات

الشب التاني : ندق على كل الابواب ؟

الشب الاول : لااا يا مجنون بدك تعمللنا مشاكل ؟ مشي انزل معي .. المره الجايه منحاول نعرف اي بيت الي فات عليه
يلا امشي

التزمت ببيتي اسبوع كامل .. بس كنت اتصل على سلمى اطمن عليها يومياً ..
وبيوم من الأيام .. دق باب بيتي بقوة كبيرة
ركضت عالباب وفتحتو

سلمى : هالة الحقيني .. الحقيني مشان الله

هالة : لك شبك شبك شووووووو في ؟؟؟؟؟؟؟؟؟؟

سلمى : ابني .. ابني من امبارح سخنان وعم يبكي .. و حدقة عينو عم تتوسع
ابني رح يموت يا هالة ابني رح يموت

هالة : لك اتصلي بمحمود خليه يجي خدوه عالدكتور

سلمى : ما عم يرد .. انا رايحه اخدو عالدكتور .. ازا اجا محمود قليلو اني رحت عالدكتور

نزلت سلمى متل المجنونة عالدرج حتى نسيت تغطي وشها وكانت عم تبكي وضامة ابنها لصدرها .. وانا عم اصرخ وقلها ما تروحي لحالك مشان الله
بس ما كانت تسمعني ... ما سمعتني ابداً .. ما سمعتني

#يتبع

#نقطة_تحول_بقلم_مال_الشام

الجزء السابع.. الاخير
@rwayate
اتصلت فوراً بأيمن وانا ميته رعبه وقلو خبر محمود انو سلمى نزلت لحالها .. خليه يعمل شي ..
ايمن ما كان فهمان ليش انا هالقد مرعوبة .. بس قلي خلص رح خبرو اهدي انتي
وفعلاً خبرو بسرعه .. بس شو الفايدة !! سلمى ما معها موبايل .. وما منعرف على اي دكتور راحت .. اصلا حتى هي اكيد ما بتعرف حالها وين رايحه

طلع جوزي و جوزها يدورو عليها .. بس ما لقولها اثر .. وصارت الساعه 9 بالليل وما بينت سلمى !! سلمى ضاعت !!

كنت عم ارجف وجوزها كان عم يبكي وايمن الوحيد الي مو فهمان شي .. ضليت عم راقب الشباب الي تحت بس كمان ما كان الهم اثر
للحظة حسيت حالي دخت .. انا قتلت سلمى !! بس انا ما كان بدي ياها ترتعب بفترة حملها .. ما كان بدي تروح من جنبي

مرو تلات ايام وما في اي خبر عنها .. وبعدين قدمنا بلاغ للشرطة ... باليوم الرابع اجا محمود اتصال لما كان ايمن سهران عندو
وطلعو تنيناتهن وحكولي انو الشرطة اتصلت و يمكن لقو سلمى ..

رجع جوزي بهديك الليلة وهو مصدوم وما عم يحكي شي وانا عم اترجاه يفهمني شو الي صار

ايمن : بهداك اليوم .. لما سلمى راحت .. هي بنفس اليوم .. توفت ..

كلماتو نزلت علي متل الصاعقة !! كيف يعني توفت ؟ كيف يعني ؟ من اربع ايام كانت هون جنبي .. وكنا عم نشرب قهوة سوا
بأي منطق انت عم تقول انو خلص ماتت ؟ كيف ؟؟؟

الشوارع بهي البلد كلها مراقبة .. وكل شارع فيه كاميرات .. بهداك النهار وقت نزلت سلمى لحقوها .. وهي حست انو حدا لاحقها
من رعبتها قطعت بين السيارات بدون انتباه وضربتها سيارة .. اخوتها الي بلا شرف اخدو ابنها منها وهربو ..الكاميرات لقطتهم وقدرو
يمسكوهم قبل ما يطلعو من البلد .. مسكوهم بالمطار و حجزوهم واخدو الولد .. وقت اشتكى محمود انو مرتو مفقوده ربطو القضيتين
وطلبو منو يجي يتعرف عالجثة .. وكانت الجثة لجارتي .. واختي وحبيبتي سلمى ..
سلمى ماتت .. والولد سلموه لمحمود .. ومحمود مات من بعد هديك الحادثة صار عطول منعزل مكتئب و حس انو هو السبب بوفاتها

و كمان هالة ماتت .. ايه ماتت .. صارت جسد بدون روح .. لو خبرت سلمى ما كان صار هيك شي !!
فتت بحالة اكتئاب فظيعه .. اهملت ولادي وجوزي .. كنت طول الوقت ابكي وحابسه حالي بغرفتي عم صلي واقرأ قرآن ليرتاح قلبي
لولا كتاب الله بهديك الفترة اكيد كنت رح افقد عقلي

كتير ايام كنت اشتاقلها ,, ولا صبح من بعدا مر علي بهدات بال .. صوتها ونصائحها وضحكتها
ورضاها بنصيبها من هالدنيا وحبها لزوجها .. و ظلم اخوتها الها من وقت ما ماتو ابوها وامها لوقت ما ماتت هي
كلو كان عبارة عن كمية هائلة من الألم عم يتجمع بصدري ..

ايمن لما خاف علي كتير اجا واقترح انو ينزلني عالبلد لأرتاح شوي ..

هالة : بدك ارتاح ؟

ايمن : ياريت .. بدي هالة ترجعلي

هالة : خدني عمرة .. هنيك رح ارتاح ..

بالفعل اخدني ايمن عمرة .. ورحت زرت الكعبة وبكيت كتير هنيك وارتويت من مية زمزم ورجعت الحياة لقلبي
اتزكرت سلمى لما كانت تقلي الله يطعمني انا وياكي زيارة لبيت الله .. دعيتلها كتير واخدت عهد على حالي ارجع اعمل عمرة عنها
وتزكرت ان و ضل من ريحتها طفل صغير بحاجتي ..

رجعنا وكانت حالتي تحسنت بشكل كبير .. ضليت ببيتي يومين .. وقررت ارجع قوية .. وقررت انو من اليوم صار عندي تلات ولاد
مو ولدين ..

صرت اعتني بطلال .. ابنها لسلمى .. كنت دللو اكتر من ولادي بكتير واهتم فيه ..
محمود كان بدو يرجع عالبلد وياخد حق مرتو بس قعدت معو وزكرتو انو عندو ولد بحاجتو ولازم يكون فوق راسو
جيران ل25 سنه ...ضلينا جيران كل هالوقت .. و طلال كان واحد من ولادي .. انتقلنا من المجمع لبيت احسن ومحمود انتقل لبيت جنبنا

صارو ولادي شباب .. وجبت بنتين .. زهرة وسلمى

طلال حبها لزهرة .. كنت شوف الحب بيناتهم عم يكبر شوي شوي .. وقررت دير بالي على هالحب ليثمر ويصير زواج
اصلاً هاد كان حلمي .. انو طلال يصير صهري ..

كنا نحنا ومحمود بيت واحد .. ما بيفرق بيناتنا شي .. وبالفعل بس خلص طلال جامعتو تقدم لخطبة زهرة وانا فوراً وافقت
وكانت سعادتي ما بتنوصف ابداً ..

ايمن وعدني انو ما يحكي لحدا اننا كنا ملاحظين وجود اخوات سلمى تحت .. بالنهاية نحنا ما كنا نعلم بالغيب .. وكل شي مقدر من رب العالمين

تمت جوازت زهرتي و طلال حبيب قلبي ... وبعد فترة محمود تجوز ست بعمر الثلاثين بس ما قدرت اتقبل وجودها لان كنت اعتبرها بديلة لسلمى

سلمى كانت نقطة التحول بحياتي ... كانت ونعم الجارة ... تحبني وتريدلي الخير وبعمرها ما اذتني بشي ..

اليوم وبعد كل هالوقت .. وبهل احداث الي عم تصير .. وقت شوف كيف صار الجار للجار بزعل .. بزعل كتير

بس انا لهلأ عم حاول كون الجارة سلمى .. الي بتساعد عالخير .. و وين ما راحت بتزرع الحب ..

لليوم .. عم حاول كون جارة منيحه .. ولليوم .. عم ادعيلها بكل صلاة كانت تزكرني فيها .. وبكل ختمة قرآن كانت تشجعني عليها

#حكم_القلب
-10-
@rwayate
اسيل : يزن لا ترد عليه لا تفتحو لهاد الظرف

باسل : انتي اسكتي .. يلا افتحو و اقرأ الي فيه بصوت عالي

اسيل : يزن .. كرمالي
كرمال أروى .. كرمال كل شي .. لا تفتحو

كان عم يتطلع فيني و يتطلع بالظرف بنفس الوقت

عيوني معلقة بأيدو كأني عم اترجااااه

و فجأة مسك الظرف .. وبلش يقطعو .. قطعة تنتين .. تلاته و عشره لصار قطع وراق صغيرو و طارو بالهوااا

صرت اضحك متل المجنونه ... اضحك وامسح دموعي

و ركضت ليزن وضميتو

حسيت هالكابوس انتهى .. كل شي خلص

كنت اضحك من جوات جوات قلبببببببببببببي

باسل : هيك ببساطة ؟

يزن : ما بهمني شو كان فيه ، ازا اسيل

قالتلي لا تفتحتو .. ف ما بهمني افتحو

بعدت عنو و اتطلعت بأخي الي انجرح كتير و انئزى كتير

اسيل : انا اسفه

باسل : لا تعتزري .. لا تعتزري
هي مو اول مره بتتخلي عني

وطلع بسيارتو و راح ..

فتت انا ويزن عالبيت و شربني مي لان كتير كنت ارجف

اسيل : عنجد ما بهمك تعرف شو كان بهداك الظرف ؟

يزن : مممم لا ما بهمني ... كل شي بهمني بهل حياة هو انتي

اسيل : عنجد عم تحكي ؟

يزن : طبعاً عنجد .. تعزبت كتير لعرفت حدد مشاعري تجاهك مرق علينا كتير وجع
وصار لازم نبدا صفحة جديده فيها انا وانتي وبس

اسيل : و أروى ؟

يزن : لا بس انا وانتي ..

هيك اخي رجع سافر وقاطعني فتره كبيرة .. وكل محاولاتي لصالحو ما نجحت بنوب

تزوجت انا ويزن .. كنت كتير بعشقو حياتنا بتختلف عن كل المتزوجين
تعبنا كتير وتعزبنا كتير
دايماً كان في غصه بقلبي انو هاد الرجال كان بيوم من الأيام خطيب رفيقتي !! ما بعرف بس حبو كان اقوى من هاد الشعور
لوقت ما عرفت اني حامل بتوأم وكتير فرحت وكنت بعرف اديه يزن نفسو بعيلة واولاد لان عيلتو دايماً كانت بعيده عنو
عملتو مفاجئة حجزت يخت بالبحر

لبست فستان احمر طويل و فردت شعري كنت بقمة جمالي و أناقتي و جهزتلو عشا فاخر
وهو كان رح يجن ليعرف شو مناسبة هالأحتفال المميز

بس خلصنا العشا .. قلتلو ضل الطبق الأخير

جبت صحن كان مغطى .. رفعت الغطى وكان فيه ببرونة زهر و ببرونة زرقا

يزن : ههههه شو هاد ؟

اسيل : لك يا دب ركز .. هي المفاجئة

ضفن شوي .. بعدين قام من مطرحو و قلي انتي حامل ؟

اسيل : ايه و احزر شو .. توأم

فرح كتييييييييييييير و صار يصرخ بنص البحررر بحببببببك بحبك بحبك

وانا رح جن من الفرحة بس شفت سعادتو

اسيل : هههه خلص روق ... شو بدنا نسميهن ؟

يزن : رح نسميهن أروى و باسل

أسيل : حلو على اسم اروى و اسم اخي بس شو خطرلك

يزن : خطرلي انو انا حرمتهن يلتقو بهل دنيا .. ف خليني اجمعهن بعلاقة اهم واكبر من الحب
الي هي علاقة الأخوة

وقع الصحن من ايدي .. ووقعو الأغراض بالأرض وما عاد عرفت شو احكي

اسيل : انت بتعرف ؟

يزن : ايه بعرف وما بهمني شي ... بهمني بس انتي

وحط ايدو ع شعراتي و اتطلعت بعيونو ولأول مره بشوف نظره غريبه كتير
مو مفهومة و مو مريحه .. الي بعرفو بس
انو صوت كل امواج البحر ما قدر يغطي صوت ضربات البي بهديك اللحظة

اسيل : هي كانت تحبك

يزن : وانا هلأ بحبك .. وهاد القلب و حكم القلب .. هو الي بيختار وهو الي بيحب

اسيل : ههههه يئبرني يزن كفوري

يزن : حبيبتي .. بتتزكري لما قلتلك بدي بلش حياة جديده انا وانتي وقلتيلي و اروى ؟
قلتلك لا بس انا وانتي
ووقتا زعلتي مني
يا ريت هلأ تستوعبي شو كان قصدي .. وتفهمي انو انا ما عاد بدي حدا غيرك انتي

اسيل : صعب يا يزن .. اروى شقفة من روحي .. ازا بدك ياني بحياتك
لازم تتقبل ذكريات أروى

وهيك مرقت حياتنا .. بين ذكريات حلوه ومره
بين خوف وراحه
سعاده و الم

وولادي لما أجو مسحو كل الماضي .. و كتبولي بدايه جديده
يمكن الأشخاص بحملو نفس الأسماء
يزن .. اسيل .. اروى .. باسل

بس الأدوار كتير مختلفة
#تــــــــــــــمــــــــــــــت