#حكم_القلب
-7-
@rwayate
باسل : لك انا من وقت دريت انك جاي عالبيت ما كان بدي اجي .. بس الله جابني لاكشف وساختك

يزن : معليش باسل عيب هالحكي ..انا نيتي خير لا تفهم غلط

باسل : لك خير شو البنت مخطوووبة

يزن : لسه ما في شي كلها قراية فاتحه .. والقرار بيرجع لاسيل
هي حياتها هي .. و قرارها هي ... ما بتقدر تفرض عليها شي

باسل : لا غلطان كتير يا استاز .. بقدر افرض عليها انا اخوها

وهون انا ما بعرف الله من وين اعطاني القوووة .. بس حسيت انو ما ضل بيني وبين يزن الا خطوة صغيرة وبوصلو
خطوة وحده

اسيل : باسل لو سمحت ممكن تروق

باسل : شوو ياه .. شو يا خانوم ما بكفي غلطك الي سامحتك عليه من زمان
لحقتي تنسي شو عملتي فيني ؟ وهلا بدك ترجعي تكسريني ؟؟

اسيل : ما عاش الي بيكسرك اخي بس انا

باسل : انتي شووو ؟

يزن : ممكن ما تضغط عليها ؟ خليها تحكي الي بدها ياه ازا بتريد

وبلش باسل يقرب لعندي حتى صار جنبي تماماً و همس بأدني

باسل : قلعيه من هون ولا رح اعطيه رسالة اروى ، رح يعرف انو حبيبتو كزابه
قلعيه يا اسيل

وقف قلببببببببببببببببي من الي سمعتو يا الله دخيلك شو بدي اعمل

يزن : شو قلتلها باسل ؟ اسيل لا تخافي طول ما انا جنبك محدا رح يزعلك بس قولي انتي بدك يانا ؟

باسل : يلا .. قرري

اسيل : انا .. انا
انا بحب ماجد .. عفواً منك يزن يا ريت هلا تمشي من هون

يزن : اسيل لا تخافي .. لا تخافي واحكي الي بقلبك
اتطلعي فيني يا عمري ... حطي عينك بعيني .. بدك ياني روح من هون ؟

اسيل : يزن روح من هون ... اطلع من هون بسرررررررررعه
اطلع لبرااااا

ضحك باسل بصوت عالي .. وانا غمضت عيوني و سندت حالي عالحيط
و سمعت صوت باب البيت انطرق بقوة ... فتحت عيوني وما لقيت يزن واقف قدامي

صارو دموعي ينزلو متل النهرررر
ركضت اتطلعت من البرنده لقيتو ركب بالسيااارة
بدون وعي صرررخت باسمووو ..

#حكم_القلب
-8-
@rwayate
باسل : صوتك وليه فضحتيناااا

وسحبني من ايدي لجوا عالصالة

باسل : هاد الحقير اخد حبيبتي مني .. سامحت و غفرت
تحملت كل شي بس هلا ما رح اعطيه اختي
نجوم السما اقربلك لك اختي ..

وطلع من البيت و اجت امييي رميت حالي بحضنهاااااااااا و صرت ابكي من كل قلبي
نفسي انزل اركض ورا يزن
ما عم اتحمل غيابو عني تعبببببببت تعبت من كل شي
تعبت من الموت من النصيب من الصبر
بدي ارتاح
تعبت
ضليت ابكي بحضن امي لوقت ما حسيت ع موبايلي عم يرن

مسكتو و رديت بدون ما حس .. كنت مخدره

اسيل : يزن ؟
الو .. يزن ؟

ماجد : لا انا ماجد

اسيل : اه ماجد .. اهلين

ماجد : ناطرة مكالمة من يزن ؟

اسيل : اه ؟ ايه هلا كان ع اساس
والله ما بعرف مو مهم انت كيفك

ماجد : منيح .. بس شو كان بدو يزن ؟

اسيل : خلص بئى لسه يزن يزن .. ما دخلك شو بدو مو من هلا تبلش تتحكم فيني فهمان
شو هاد ياه

ماجد : ليش هيك بتحكي معي ؟

اسيل : هاد الي عندي عجبك اهلا وسهلا ما عجبك لسه ما صار بينا شي كل واحد يروح بطريقو

وسكرت الخط بوشو

قمت غسلت و شربت مي وقعدت بالمطبخ و كنت كتير تعبانه ..
و فات لعندي باسل

باسل : صباحو

ما رديت عليه .. سحب كرسي وقعد معي عالطاولة

باسل : لا تزعلي مني .. حبيبتي هالاشكال ما بتناسبك

اسيل : اسمع باسل

باسل : شو ؟

اسيل : الرسالة الي عندك انا رح اخدها بايدي ليزن هاللعبه خلصت .. وانا ما بتهدد

باسل : شو عم تحكي انتي

اسيل : متل ما سمعت اخي ... انا هلا رح بدل تيابي ورايحه لعندو ازا بتحب جيب الرسالة الحقني
انا رح كون مخبرتو كل شي تمام ؟

و قمت رحت ع غرفتي ... لبست تيابي .. و توكلت ع الله و طلعت
وصلت ع بيتو وكانت السيارة قدام البيت
دقيت الباب كتير ما حدا رد ..
اتصلت عليه ما رد

لفيت من الجهة التانيه على باب الصالة .. و شفتو من الشباك كان نايم
مسكت حجر و طرقت الباب .. فاق مرعووب
وصل لعند الباب وفتحو

وقت شافني واقفه صار يحك عيونو
ترك الباب مفتوح
وراح قعد عالكنبة وحط راسو بالأرض وانا ماكنت عرفانه شو بدي اعمل

كنت بدي فوت و فجأة حكى

يزن : خليكي برا

#حكم_القلب
-9-
@rwayate
يزن : خليكي برا

رجعت لورا وكنت خايفه كتير .. انا فعلا ما كان عندي اي نية احكي ليزن عن علاقة اروى و باسل
لانها امنتنا هالسر يموت معها .. بس انا خاطرت و كنت عم راهن ع اخلاق اخي
اخلاقو الي خلتو يسامحها اول مرة .. يرجع يسامحها هالمرة

وكل ما كان الوقت يمر اكتر كنت اتطلع وراي لأتكد انو ما لحقني و وقتا كان قلبي يرتاح اكتر

اسيل : ما بدك تخليني فوت ؟

يزن : بخليكي تفوتي بشرط واحد

اسيل : شو هو ؟

يزن : بس فتي ما عاد في طلعه

اسيل : كيف ما فهمت ؟

يزن : يعني بدك تقرري .. يا بتفوتي على هالبيت لتصير زوجتي
او خليكي برا وبعمرك ما تفكري تدوسيه وتضلك .. صديقتي !

ابتسمت .. و فرحت كتير

اسيل : ايه انا بدي صير زوجتك

يزن : اسيل ، رح جيب شيخ وشهود وينكتب الكتاب هلأ انتي قد قرارك ؟

اسيل : شووو ؟ انت مجنون

يزن : لا مو مجنون بس الي عم يصير معنا هو الجنان بعينو وانا بدي حط حد للكل ... شو رح تفوتي ؟

كنت كتير متوترة وخايفة .. و عم اتطلع وراي لسه لاتاكد انو باسل ما لحقني .. غمضت عيوني واخدت نفس
و باللحظة الي كنت رح فوت فيها عالبيت .. سمعت صوت سيارة جايه من وراي

رجعت رجلي لورا وحطيت ايدي على قلبي .. يا ربي دخيلك معقووول هاد باسل

اتطلعت وراي و كان فعلاً باسل

رجعت خطوة لورا

يزن : وين رايحه ؟ شو صاار اسيل شو صار ليش كل ما نقرب من بعض بتخربي كل شي فهميني

وصرت ارجع لورا اكتر و يزن وقف وصار يجي باتجاهي ... نزل باسل من السيارة و انا لفيت ضهري و ركضت لعندو
بنفس الوقت كان يزن وراي

اسيل : باسل لا تحكي شي .. لا تحكي شي انا راجعه معك

يزن : شو الي ما بدك ياه يحكيه ؟

اسيل : باسل امشي معي خلص الي بدك ياه بيصير

باسل : هالموضوع لازم ينحطلو حد ... ومد ايدو عالسيارة وطلع منها الرسالة

وانا مسكت ايدو و صرت شدها وقلو باسل بلا جنان
يا باسل لا تعملها
لك بااااسل

بعدني عنو و مد الرسالة ليزن

باسل : هي الرسالة لازم تقرأها
وتعرف كتير شغلات .. ما كنت تعرفها ..

#حكم_القلب
-10-
@rwayate
اسيل : يزن لا ترد عليه لا تفتحو لهاد الظرف

باسل : انتي اسكتي .. يلا افتحو و اقرأ الي فيه بصوت عالي

اسيل : يزن .. كرمالي
كرمال أروى .. كرمال كل شي .. لا تفتحو

كان عم يتطلع فيني و يتطلع بالظرف بنفس الوقت

عيوني معلقة بأيدو كأني عم اترجااااه

و فجأة مسك الظرف .. وبلش يقطعو .. قطعة تنتين .. تلاته و عشره لصار قطع وراق صغيرو و طارو بالهوااا

صرت اضحك متل المجنونه ... اضحك وامسح دموعي

و ركضت ليزن وضميتو

حسيت هالكابوس انتهى .. كل شي خلص

كنت اضحك من جوات جوات قلبببببببببببببي

باسل : هيك ببساطة ؟

يزن : ما بهمني شو كان فيه ، ازا اسيل

قالتلي لا تفتحتو .. ف ما بهمني افتحو

بعدت عنو و اتطلعت بأخي الي انجرح كتير و انئزى كتير

اسيل : انا اسفه

باسل : لا تعتزري .. لا تعتزري
هي مو اول مره بتتخلي عني

وطلع بسيارتو و راح ..

فتت انا ويزن عالبيت و شربني مي لان كتير كنت ارجف

اسيل : عنجد ما بهمك تعرف شو كان بهداك الظرف ؟

يزن : مممم لا ما بهمني ... كل شي بهمني بهل حياة هو انتي

اسيل : عنجد عم تحكي ؟

يزن : طبعاً عنجد .. تعزبت كتير لعرفت حدد مشاعري تجاهك مرق علينا كتير وجع
وصار لازم نبدا صفحة جديده فيها انا وانتي وبس

اسيل : و أروى ؟

يزن : لا بس انا وانتي ..

هيك اخي رجع سافر وقاطعني فتره كبيرة .. وكل محاولاتي لصالحو ما نجحت بنوب

تزوجت انا ويزن .. كنت كتير بعشقو حياتنا بتختلف عن كل المتزوجين
تعبنا كتير وتعزبنا كتير
دايماً كان في غصه بقلبي انو هاد الرجال كان بيوم من الأيام خطيب رفيقتي !! ما بعرف بس حبو كان اقوى من هاد الشعور
لوقت ما عرفت اني حامل بتوأم وكتير فرحت وكنت بعرف اديه يزن نفسو بعيلة واولاد لان عيلتو دايماً كانت بعيده عنو
عملتو مفاجئة حجزت يخت بالبحر

لبست فستان احمر طويل و فردت شعري كنت بقمة جمالي و أناقتي و جهزتلو عشا فاخر
وهو كان رح يجن ليعرف شو مناسبة هالأحتفال المميز

بس خلصنا العشا .. قلتلو ضل الطبق الأخير

جبت صحن كان مغطى .. رفعت الغطى وكان فيه ببرونة زهر و ببرونة زرقا

يزن : ههههه شو هاد ؟

اسيل : لك يا دب ركز .. هي المفاجئة

ضفن شوي .. بعدين قام من مطرحو و قلي انتي حامل ؟

اسيل : ايه و احزر شو .. توأم

فرح كتييييييييييييير و صار يصرخ بنص البحررر بحببببببك بحبك بحبك

وانا رح جن من الفرحة بس شفت سعادتو

اسيل : هههه خلص روق ... شو بدنا نسميهن ؟

يزن : رح نسميهن أروى و باسل

أسيل : حلو على اسم اروى و اسم اخي بس شو خطرلك

يزن : خطرلي انو انا حرمتهن يلتقو بهل دنيا .. ف خليني اجمعهن بعلاقة اهم واكبر من الحب
الي هي علاقة الأخوة

وقع الصحن من ايدي .. ووقعو الأغراض بالأرض وما عاد عرفت شو احكي

اسيل : انت بتعرف ؟

يزن : ايه بعرف وما بهمني شي ... بهمني بس انتي

وحط ايدو ع شعراتي و اتطلعت بعيونو ولأول مره بشوف نظره غريبه كتير
مو مفهومة و مو مريحه .. الي بعرفو بس
انو صوت كل امواج البحر ما قدر يغطي صوت ضربات البي بهديك اللحظة

اسيل : هي كانت تحبك

يزن : وانا هلأ بحبك .. وهاد القلب و حكم القلب .. هو الي بيختار وهو الي بيحب

اسيل : ههههه يئبرني يزن كفوري

يزن : حبيبتي .. بتتزكري لما قلتلك بدي بلش حياة جديده انا وانتي وقلتيلي و اروى ؟
قلتلك لا بس انا وانتي
ووقتا زعلتي مني
يا ريت هلأ تستوعبي شو كان قصدي .. وتفهمي انو انا ما عاد بدي حدا غيرك انتي

اسيل : صعب يا يزن .. اروى شقفة من روحي .. ازا بدك ياني بحياتك
لازم تتقبل ذكريات أروى

وهيك مرقت حياتنا .. بين ذكريات حلوه ومره
بين خوف وراحه
سعاده و الم

وولادي لما أجو مسحو كل الماضي .. و كتبولي بدايه جديده
يمكن الأشخاص بحملو نفس الأسماء
يزن .. اسيل .. اروى .. باسل

بس الأدوار كتير مختلفة
#تــــــــــــــمــــــــــــــت

قصة جديدة: #حكم_القلب
.............
قراءة ممتعة🦋💙"
#ⴅÂÐЄĦÂ

#حكم_القلب
-1- 2 - 3 - 4 - 5 - 6 -7 -8-9-10
@rwayate
أروى : حبيبتي أسيل انا طلبت شوفك انتي بالذات ما طلبت شوف لا يزن ولا امي ولا اختي
اوعديني هلأ تسمعيني منيح

أسيل : يا عمري لا تتعبي حالك ان شاء الله بتطلعي من هون وبتحكي معن كلن

أروى : هس ..الله يوفئك بكفي انا ما رح اطلع من هون كلنا منعرف هاد الشي
ازا جد بدك ارتاح بس اسمعيني منيح

كان وشها دبلان وايديها باردة كتير ... كنت عم ضمهن لألبي و حاول دفيهن
رفيئة عمري عم تدبل قدام عيوني ومحدا قدران يعمللها شي ، خبيت دمعتي
غصيت ... اختنقت .. شهقت واخدت تنفس وقلتلها
أحكيلي يا بعد عمري شو الي بريحك ؟

أروى : يزن ... أمانه توقفي جنبو
أمانه بس تغيب عيني عن هالدنيا ما تتركيه لحالو ... وقفي جنبو
قليلو انو انا حبيتو و رح ضل حبو كل عمري انا غلطت بحقو كتير بس
قليلو انو هالقلب خلق الو و رح يموت على اسمو ... امانه تخليه يوقف على رجليه
ازا بدك روحي ترتاح وانا تحت التراب ... خلي يزن يكون منيح
امانتي عندك حبيبي ... امانه يا اسيل و خلي سري يموت معي لا تخلي يزن بعد موتي يكرهني و باسل هو كان
كان ... كان ...أأ

أسيل : اروى بس بس خلللص لا تحكي ، لا تحكي لا تحكي هيك مشااان الله مشان الله

قوتي كلها راحت ... حسيت روحي تقطعت الف قطعة
ابكي دموع ؟ لا ببكي دم
ببكي قهر ببكي وجع ببكي قلة حيلة و ضعف
طلعت و ندهت للدكتور يطمن عليها لان ما قدرت تكفيي حكيي

كانت الدنيا كلها عم تفتل فيني
دموع امها ... اختا الي مرميه وغايبه عن الوعي
و خطيبها يزن الي مبين مسلوب الملامح
وانا ؟؟ لك وانااااااا وانا وانا
يا الله هي مو بس رفيقتي هي شقفه من روحي
كيف هيك
كيف حادث سيارة بياخدها منا

كل الأطباء أكدو انو ما عم يقدرو يساعدوها بشي ابداً ... كلنا كنا ناطرين معجزة من السما
ترجعلنا بسمتنا بأخر لحظة
محدا منا يأس ابداً
ولا واحد منا كان مستوعب فكرة أنو أروى تروح من بين ايدينا!!

ياااااااااا الله شو هالإمتحااااااااااااان

رجلي ما كانو حامليني ... بصعوبة وصلت لعند يزن ... و همس بصوت مسموع بصعوبة

أسيل : أروى خايفه عليك لا تورجيها أنك ضعيف

يزن : حبيبتي رح تقوم بالسلامة

أسيل : ايه اكيد .. اكيد بس قول يارب

رفع راسو و اتطلع فيني تطليعه بتجرح القلب
متل الطفل الي مضيع امو
عيونو فيهن دمعه كانت على طرف جفنو
رمش رمشه ونزلت الدمعه و قلي أسيل

أسيل : لا تبكي الله يوفئك مشان الله لا تبكي يزن لا تبببببكييييي

يزن: وقت رحت خطبتا… فاتت لتضيف القهوة
كانت لابسه فستان زهر و حاطة على شعراتها وردة حمرا
وقت ضيفتني الفنجان همستلي و التلي و هلا فتت على سجني و محدا رح يطلعك

كان البي عم يرجف متل كأنو عم يئلي جهزي حالك لصدمة عمرك!!

ما عاد عرفت واسي حالي و لا واسي اهلو و لا واسي يزززن
قعدت عالارض و ما ضل عندي طاقه لوقف ع رجلي
عيوني نشفو من البكي و البي كان رح يوقف كتر ما دئ…

و اخر شي شافتو عيوني
عجئة
و عالم
و صراخ ام اروى عم تقول لأ بنتي مسنحيييل تموووووت
صرت شوف كل الناس حوالي متل خيالات عيني ما عاد رمشت
و الزمن وقف….

#حكم_القلب
-2-
@rwayate
(بعد مرور عامين على وفاة أروى)

أسيل: لك يزن اعملك سندويشة جبنة و لا زيت و زعتر خلصني

يزن: يا مجنونة تاخرنا عالدوام

أسيل: فهمني انت شو خسران اصلا انا مديرتك بالشغل يعني مافي شي تحمل همو، مافي تطلع قبل ما تفطر

أم اسيل: ابني اسيل معها حق الها سنتين عم تعودك تفطر قبل الشغل و ما تعودت

يزن: اصلاً الحق علي بمرق اخدها معي عالدوام بس ما بهون علي خليها تطلع بالمواصلات… يلا خلصونا بقى

بهدول السنتين جرح الكل برد الا جرحي انا… بهداك الوقت الكل انهار و انا كان لازم كون السند الهن لانهن حبايب الغاليه!
كبست ع جرحي… و تركت روحي عم تصرخ
و صرت اركض من بيت اهلها لاروى لبيت يزن
واسي هدول و اسند هداك
تعاملت مع طبيب نفسي لاني كنت على وشك افقد عقلي من كتر ما كنت حمل حالي فوق طاقتي
قلتلو انو بعد وفاتها ما بكيت ابداً و حذرني انو الدموع شي ضروري و ما لازم امنع حالي من البكي و لازم فرغ مشاعري بس كان صعب كتير
كنت اشتغل بشركة كبيرة و معروفة و براتب خيالي و الي مركزي
اضطريت قدم شغل ع شركة يزن حتى اضمن كون حواليه هالفترة و فوراً قبلوني بس بربع راتبي الي كنت اخدو بس ما همني المهم و صية أروى..
و ولاء اخت اروى كنت حس حالي مسؤولة عنها و خاف عليها اكتر من حالي و امها كانت متل امي بالضبط كانت حنونه و تحبني كتيررررررر….
و بس شفت الكل وقفو ع رجليهن… حسيت هالحمل راح و حسيت انو اروى هلا مرتاحه بقبرها

اسيل: نازلة نازلة يلا
ركبت بالسيارة و اعطيتو سندويشتو

يزن: ما بدي اكول كليها انتي

اسيل: عفواً منك بس انا ما سألتك ازا بدك تاكول او لأ… مافي نقاش بهل موضوع انا مديرتك و بدك تسمع كلمتي

يزن: مديرتي بالشغل مو هون، بس رح اكلها لانك عملتيها بايدك الحلوة

اسيل: يا لطييييف شو مكولك… اجازة ساعيه

مافي هلكت و انا غطي وراك

يزن: ماشي حضرت المديرة يا لطيف شو قوية…

كنت خاف عليه كأنو ابني الايام قوت علاقتنا ببعض كتير يمكن لان كنا نتشارك ذات الوجع بس السر الي كنت مخبيتو بقلبي كان تقيل على صدري…
علاقة اروى بأخي باسل!!
كانو يحبو بعض و على وشك الارتباط قبل ما يعجب يزن فيها و يصير يحاول يحكيها و ما كان بيعرف انها مرتبطة و يزن طبعاً شب حلوو متعلم و من عيلة غنيه كتيرررر ف استغنت عن اخي و خانتو…. اخي جن بس عرف انو خسر حبيبتو و انها باعتو و كان بدو يفضحها بالصور و الرسائل الي عندو بس انا تدخلت و حذفت كل شي و حرقت كل الرسائل و حميتها منو… اخي ما تحملو عقلو سافر على اللبنان ليشتغل و انا و اروى كانت علاقتنا اصعب من انها تتحطم بعد هالموقف
مع الايام هي حبت يزن انا متاكده
لان صعب كتير الي يشوفو ما يحبو

حتى انا…
حتى انا وقعت ضحية سحرو و جاذبيتو
و بدون ما حس ع حالي
بلشت اعشق الرجال الي وصتني عليه رفيقتي!!

اسيل: الو يزن تعشيت؟

يزن: ايه تعشيت و ليكني بتختي بدي نام

اسيل: ممممم سكرت جرة الغاز؟

يزن: ايه

اسيل: قفلت الابواب؟

يزن: ايه

اسيل: جهزت خطة العمل بكرا؟

يزن: ----

اسيل: لك يزن نمت؟ الووو يا دب نمت؟ ههههه متل الصغار
يزززن؟ لك ابو الزوز؟
يزن بتعرف؟ …. انا بحبك…

و نزلت دمعتي و سكرت الخط… تاني يوم الصبح بطريقنا للشغل يزن كان وشو ما بيتفسر مقلوب قلب و معصب و انا كنت خايفه يكون سمعني و ما عم انطق بحرف
اخر شي طلعت عن سكوتي و رسمت ابتسامه باهتة لتخفي خوفي و خجلي و قلتلو لك يزن شبك هيك من وش الصبح؟

يزن: ما في شي!!

زاد خوفي و حسيت حالي عرقت.. و تلبكت..

اسيل: بلا هالاسلوب احكي شبك و خلصنا…

اتطلع فيني بطرف عينو
كانو عيونو حمر
صف السيارة ع جنب و حط راسو عالدركسيون ( مقود السيارة)
و قلي اسيل

اسيل: نعم؟

يزن:..

#حكم_القلب
-3-
@rwayate
يزن : حلمت بأروى

لهلأ لهل لحظة حروف اسمها بتزلزل كياني
بشتقلها
بحنلها
بتزكر ضحكتها
بتزكر كل صداقتنا و زكرياتنا
رجف قلبي و صحيت لحالي وخفت يكون مستقصد يقلي هاد الحكي لان سمعني امبارح
بلعت ريقي و ما قدرت امنع دمعتي و هو عيونو كانو حمر متل الجمر

اسيل : طيب لازم تكون مبسوط .. انا كتير بتمنى احلم فيها
بتعرف انا كتير اشتئتلها .. كل ليلة بدعي احلم فيها يمكن هالحلم يكفيني
اشتقت احكيلها شو بصير معي
اشتقت اتخانق انا وهي و اشتقت وقت ازعل يكون في حضن ارتمي فيه
من وقت ما راحت وانا كتير وحيده ياريت احلم فيها بس ما حلمت فيها ولا مره

يزن : انا كنت مبسوط بس وقت صحيت وما لقيتها معي وجعني قلبي
خلص اسيل لا تبكي ... بعدين انا جنبك ليش عم تقولي انك وحيده

أسيل : لا انت مو جنبي انت بعيد كتير عني
انا عنجد وحيده و لحالي ومحدا عم يفكر فيني ولا حدا حاسس انا شو موجوعه
محدا حاسس الا تربة اروى الي شربت من دمعي لشبعت
محدا بيعرف شو في بقلبي الا حجار قبرها
حجر حجر حفظوني

ما حسيت الا يزن عم يقرب مني ... رفع شعري عن وشي وضمني وقلي خلص هس
لا تحكي هيك انا معك فهمانه ؟

بهي اللحظة كنت كتير ضعيفة ... مسكتو بقوة وقلتلو لا ترركني انا ما الي غيرررك

راح هداك النهار ... و حسيت انو يزن كمان عندو مشاعر تجاهي
فكرت انو الي مخوفني هو نفسو الي مخوف يزن
انو ممكن نكون عم نخون أروى بهل طريقة !! ما بعرف شو كان عم يدور براسو

لوقت ما صار موقف ... وضح كل شي
للكل

قررنا نطلع سيران بما انو الجو ربيع ... طلعنا على مزرعة يزن انا وهو و امي و ام اروى و اخت اروى ولاء

كنا كتير مبسوطين وعم نضحك و يزن عم يعمل مشاوي ونحنا عم نفرم التبولة

كان يزن واقف عند المنقل و التفت ليحكي معنا ومانو منتبه ضربت ايدو بالمنقل وانحرقت

ما بعرف شو صرلي

صرخت صوت كأنو ايدي الي انحرقت

لا لا كأنو روحي الي انحرقت

ركضت عليه متل المجنونه و مسكت ايدو و صرت انفخ عليها وقلو صرلك شيييييييييي ؟؟ صرلك شي ؟

ضحك ضحكة بسيطة وقلي لا يا مجنونة ... ما بني شي بسيطة

اسيل : لا ليك حمرا كتيرر تعال حطلك عليها مي تعاااال

و سحبتوو و عم اسكب على ايدو مي باردة ما انتبهت الا حدا ضربني على وشي كف قوي كتيرررر

ما استوعبت بالأول انو كف

حطيت ايدي ع خدي

والتفتت لشوف مين الي ضربني وليش !!..

#حكم_القلب
-4-
@rwayate
التفتت لشوف مين الي ضربني وليش ..

كانت ولاء !! ما فهمت شي كنت متل المصدومة ما عم احكي بس كانو عيونها عم يطلع الشرار منهن

وقف يزن و وعصب كتير وقلها ولاء شوووو الي عملتييييييييه جنيتي ؟؟؟؟؟

ولاء : زعلت على الخانوم مو ؟ مو شايفها كيف عم تتحركشك
خلص بئى بكفييييييييييي بكفيييييييييييييييي كلنا شايفين شو عم تعملي وساكتين ، كلنا عم نكزب حالنا ونقول اسيل ما بتعمل هيك شي
بس انتي تجاوزتي حدودك وما عاد محترمه حالك .. شو بدك ؟ بدك تسرقي خطيب اختي قدام عيوني
؟
ردي ليييش ساااكته

كان حكيها عم ينزل علي متل الناااار

اتطلعت على امها وعلى امي والكل كان مصدوم

كنت عم ارجف و مصدومه منها ، كل شي عملتو كرمالها وهيييك بتعمل فيني ! بتضربني قدام الكل
وبتوصفني بأبشع الوصف

هيك بتعمل فيييني بعد ما كنت اقسم راتبي الي والها
جبلها تياب متل ما جيب لحالي
واسهر عليها ازا مرضت و اخدها سيرانات لتغير نفسها
اديش نامت بحضني ؟ اديش مسحت دمعتا
اديش بستها ع جبينها و غمرتها
ردتلي كل شي بكف واحد
كف واحد بس هاد الكف كان اهون علي من رد يزن عليها

يزن : ولاء انا بعمري ما زعلتك بس برحمة اروى ازا هلا ما بتعتزر لاسيل ما رح يصير خير

ولاء : ههههه لا ياه شكلك انت كمان عشقانها و خجلانين تحكولنا ... طيب خبرونا كنا منفرحلكن
الا ازا خجلانين من حالكن ها ؟

يزن : لك انتي شو عم تخبصي شووو عم تخبصيييي

ولاء : انا ما عم خبببببببص انتو الي عم تخبصو داقت فيها الدنيا تحط عينها على خطيب اختي الله يرحمها
ما ضل شب غيرو بهل دنيااا .. وانت يا استاز كيف بترضى ؟ لك مو كنت تحب اختي

يزن : اسمعي رح قلك كملتين و رد غطاهن ... اسيل متل اختي

لا شعورياً وقفت وحطيت ايدي ع خدي

اسيل : كتر خيرك حبيبتي ولاء ... شكراً عالكف انا فعلاً بستاهلو.. و متل ما قلك يزن
انا ما بعتبرو الا اخي و افكارك هي لانك لسه صغيره ومو فاهمة الحياة
انا مستحيل فكر بيزن غير انو اخي ..
اتطلعت فيه و كان الوجع جوا بقلبي مو على خدي .. اتطلعت بعيوني و عدت الجمله وقلتلو
اخي ... وبس

(( اسيل متل اختي ))
اسيل متل اختي
اسيل متل اختي
ضلت هالجملة ترن براسي اسبوع كامل
كان صوتو يتردد براسي
كنت رح جن ومو عرفانه كيف بدي اهرب منو .. كيف بدي اهرب من حبو الي مسيطر على كل ذرة فيني

وانا عم فكر رن جرس البيت .. رحت فتحت وكانت ام اروى عالباب

اسيل : اهلا وسهلا خالتي تفضلي فوتي

فاتت وعملتلها فنجان قهوة وحكينا حكي عادي و اعتزر عن تصرف ولاء وحكيها بعدين طلبت من امي تتركنا لحالنا
قامت امي وبعدا حكيت ام اروى وقالت

ام اروى : حبيبتي اسيل ... انا بعرف انك بتحبيه ليزن

صدمتني كلمتهاااا وانفعلت وصرت قلهااا لا لا ليش كلكن بتفكرو هيك

ام اروى : اهدي واسمعيني ... انتي بتشكي انو بعتبرك بنتي ؟
ولاء مراهقة ومندفعه وما عم تفكر بشكل صحيح
بس يا عمري انتي الله عوضني فيكي لتكوني بنتي
ويزن من ريحة الغالية وما بريدو يبعد عني
انا بدي اجمعكن ببعض ... بدي تكونو لبعض لارتاح
انا رح حاكي يزن بموضوعكن ... ورح افرح فيكن فهمانه يا روحي انتي ؟؟؟

#حكم_القلب
-5-
@rwayate
جربتو شعور الأختناق ؟
يديق نفسك وتحسي ما ضل هوا بالدنيا كلها ... تكوني بحاجة نفس واحد وحاسه حالك عم تموتي
و فجأة يحطولك الأوكسجين لتخادي نفس ؟

حكي ام اروى كان متل الأوكسجين !! نور جديد عم يضوي جوات البي
ما بعرف كيف كانت دمعتي عم تنزل و عم اضحك بنفس الوقت
حطيت راسي بحضنها وقلتلها انا كتير بحبو
ضلت تلعب بشعراتي وتوعدني انو كل شي رح يتصلح .. ضلت توعدني تجمعني بحبيب عمري
بس تماسكت شوي طلبت منها ما تصرحلو بموافقتي الا لما تاخد موافقتو لاطمن ووعدتني بهاد الشي

وطلعت من عنا من البيت على اساس رايحه لعندو فوراً لتحل الموضوع

حسيت الروح ردتلي كنت كتير كتير مبسوطه

صرت عد الثواني والدقايق
ما عرفت كيف الوقت رح يمضى لاسمع من تمو كلمة حبيبتي !! كنت كتير متوترة ومبسوطة
ما بدي شي من الدنيا غيرو
يا الله شو بعشئو .. كتير بحبوووو

مضي وقت منيح .. ساعه وساعتين و تلات وما وصلني خبر من ام اروى
بلشت اتدايئ و اعصابي تفلت

كنت خجلانه دئلها بس قررت احكي معها ... مسكت موبايلي ... وقبل ما اعمل شي
شفت انو يزن عم يتصل علي
وقف قلبي
ما عرفت افرح لما خاف
رديت و انا متردده

يزن : الو كيفك اسيل ؟

اسيل : انا ؟ منيحه انت كيفك

يزن : ليش من وقت الي صار بالسيران ما حكيتي معي
شو ما اشتقتيلي وليه ؟

ابتسمت و ما بعرف ليش زادت دئات البي

اسيل : اشتئتلك كتير.. بس

يزن : لا بس ولا بطيخ .. اسمعي شو انا نهيت الموضوع

اسيل : عفواً ؟ انو موضوع

يزن : اليوم اجت لعندي مرت عمي وقال بدها يانا نتجوز ههههههههههه
لك شكلهن عنجد فهمانين غلط ، قعدت معها ساعتين كاملين ع رواق وفهمتا منيح انو نحنا متل الأخوة
وما في بيناتنا شي ابداً ... بقى روقي وخليني اسمع هالضحكة الحلوة خلص كل شي انحل

اسيل : هه ... عنجد يزن ؟

يزن : ايه عنجد شبك ؟

اسيل : بتعرف انو انا كتير بكرهك ؟

يزن : حاجتك غلاظة بقى .. الي كتير ما شفتك خرج اجي اسهر عندكن ؟

اسيل : لا

يزن : اوف ليش ؟

اسيل : لانو ... لانو

يزن : ايه ؟ لانو شو ؟ ليكون ما اشتقتيلي ؟

اسيل : لا بس لانو خطيبي هلا رح يجي

سكت يزن خمس دئايئ
كنت عم اسمع نفسو و انا كان نفسي عم يزيد بسرعه .. بعدين حكى وصوتو كان مهزوز

يزن : خطيبك ؟

اسيل : ايه .. عملتا مفاجئة الكون .. وهيك كمان بترتاح عالأخير من شكهن بعلاقتنا .. و لا شو رأيك يا اخي ؟

يزن : الف مبروك .. تتهني

اسيل : الله يهنيك يارب وعئبال عندك

و فجأة رجعت الحيوية لصوتو كأنتو انتعش من جديد

يزن : هههه قلتلكن الف مرة انا ما بعد اروى ما رح اتجوز .. يلا لكن يا قطة بلا ما اخرك عن حبيب القلب

جملتو هي دمرت الأمل الي باقيلي .. اعطيتو فرصه
اعطيتو فرصه ليقلي لا انتي الي
اعطيتو فرصه ليعترف
عملت كل شي .. بس رفضني .. رفضني بكل الطرق

ماما : حبيبتي اسيل شبك ؟

اسيل : ماما ..رديتي خبر للجماعه الي طلبوني من اسبوع ؟

ماما : والله يا امي خجلت شو بدي قلهن الشب كتير معجب فيكي
هي تالت مره بيدقو بابنا وخجلت قلهن لا اجلتهن شوي

اسيل : ممتاز .. قليلهن انو نحنا موافقين ..

#يــــــتــــــبــــــع