بعد مرور اسبوع..
الياس :- شوفي خالتي ام سامي انا والله صرلي ايام ناطر زيارتك..
ام سامي :- ياحبيبي ياعمري مني وعلي لك انا رح رووح اخطبها لالك بس خليني اسال سامي بالاول ياخد رأي البنت اذا وافقت تخلينا نجي نخطبها بنروح انا واختك شو قلت.
الياس :- اعطيني راسك ابوسها ، انتي بمكان الوالدة خالتي ام سامي ..
ام سامي :- الله يرضا عليك حبيبي .. خليني مع اختك شوي..
الياس :- ماشي انا رايح على شغلي ..
لبنى :- لاتدايقي خالتي والله عاجبتو البنت وحاببها..
ام سامي :- الله يفرحو ويفرحك يارب..جاي اقلك شي..
لبنى :- عم اسمعك خالتي..
ام سامي :- بدك منك تسامحي هالحدا..
لبنى :- مين هالحدا..
ام سامي :- ام سعيد..
لبنى :- بس انا مسامحتها ..
ام سامي :- مو من قلبك بنعرف قلبك صافي بس صاير حالها يقطع القلب على طول ماسكة بنت ابنها وقاعدة على عتبة هالباب وعم تهلوس شكلا خرفت هالمرا ..
لبنى :- الله يعينا يا ام سامي كيفها بنت هيثم..
ام سامي :- مسكينة هالبنت ما اجت الا براسها مربطين ايديها لان بصير معها تشنجات وبتصير تخرمش حالا وعيونها مسكينة مبلش البياض يزيد فيهن.
لبنى :- ياحرام الله يشفيها ..
ام سامي :- المهم جاي افاتحك بموضوع بيني وبينك بس دخيلك حكمي عقلك اهم شي..
لبنى :-شو هو هاد الموضوع..
ام سامي :- شوفي رح بلش من البداية بعرف صعبة عليكي وانو مو سهلة بس والله يابنت الناس نحنا كلامنا خير عليكي وانتي بعدك صبية وبعز شبابك ومالازم تدفني حالك بالدنيا لازم تشوفي حياتك اطلقتي وصفيتي عند اخوكي ليكو بدو يتزوج وياخد غرفتو وين بدك تنامي بالصالة انتي وابنك ..انا مابقلك لادايقك لاء انا بدي لالك الخير..وبصراحة اكثر ابني طالب ايديك.
لبنى :- بس..
ام سامي :- اتركيني اكمل حديثي ..انا من زمان نفسي افرح بابني وتكون كنتي بتخاف الله وبتحترمنا كنت احسد ام سعيد على النعمة يلي عندها وعلى صبرك وادبك واخلاقك..انا مابهمني اذا انتي مطلقة او لاء وابني مطلق كمان .وهو نفسو يعيش مثلو مثل رفقاتو مع ست بيت عربية يرجع يلاقيها عم تستقبلو باحلا الكلام تجهز لالو لقمة وكاسة شاي وتياب نضيفة ..لاتقولي انا جاهلة وهو دكتور ..ابو سامي ظابط وقد حالو وانا ليكني لابعرف الالف من الباء وانتي ماشاء الله عليكي بتعرفي تقرأي وتكتبي ..يختي والله بشوفك فهمانة ومتعلمة عن عشر نساوين مخلصات دكتوراه انا شاريكي قبل ابني والله بتذكري من سألتك اذا في لالك خوات بعدهن مو متزوجات كان نفسي بوحدة مثلك لابني..هو ابني الكبير كل اخواتو اتزوجو وهو لهلاء ما استقر وانتي بتعرفي قلبو الطيب واذا على ابنك بعيونا بنحطو وانتي شايفة قديش ابني بحبو قلي بشيلو بعيوني واذا مابدك تسكني معنا مشان دار اهلو لهيثم انا ابني بشتري بيت برا..
لبنى :- خالتو ام سامي افهميني..
ام سامي :- انتي يلي لازم تفهميني اطلعي على حالك بالمرايا ماناقصك شي ..غير راحة البال والاستقرار انا مابغصبك على ابني فكري يابنتي..وبعدين لاتفكري بطليقك صار ابنك عمروا سنتين واتعالج مافكر يرجعك ولا حتى سائل عنك..
لبنى: اتركيني خالتو افكر رح ردلك خبر...
ام سامي :- لاتتأخري عليه يابنتي والله ابني قاعد على نار ... ومفيقني من الصبح مشان هالشي..
لبنى :- حاضر خالتي تشربي شي سخن..
ام سامي :- لابنتي بدي حاول امشي قبل لتصير الدني ليل ...
(( طفيت ضو غرفة اخي يلي نايم بالصالة وقربت ابني لحضني معقول هالزمن بدو يفتح لالي ابواب سعادة جديدة ..معقول صار وقت ينصفني من هالدنيا لبنى زوجة الدكتور سامي صاحبة الشخصية الرائعة..لبنى المطلقة يلي كان عندها ابن مشوه ..وصار ملاك رح تصير زوجة ابن جارنا...معقول شي يوم يكبر ابني ويطلع يلعب على باب البيت ويشوفو ابوه ويتحسر عليه .. انا ليش عم فكر بعدني بأبوه ماهو كسرني وضيع عمري وباعني عند اول ابتلاء وقعت انا فيه وتركني اقرش الصخر والحنظل المر لحالي ..انا ماعم انتقم بس لازم يعرف انو يلي خسروا كبير ..انا موافقة انا لازم اعيش حياتي واوقف انطر الناس يلي بايعتني واشتري يلي اشتراني ...
بعد يومين..
لبنى :- الو كيفك خالتي ام سامي..صوتك مانو عاجبني
ام سامي :- الحمد لله يابنتي بس مرشحة وتعبني وجع الحلق ..وينو الياس..
لبنى :- بشغلو شو قليلي طمنيني .
ام سامي :- والله مابقول لطمني قلبي بالاول..
لبنى :- خالتي ام سامي انا فكرت منيح ومابعرف شو اقلك..
ام سامي :- دخيلك لاتخيبي املي..
لبنى :- خالتي ام سامي انا موافقة ..
ام سامي :- لوليييييش لك كنت حاسة والله اسمعي مادامك فرحتي قلبي قولي لالياس انو العالم موافقين والبنت موافقة ...ويجي مشان الشوفة الشرعية..
لبنى :-هيك بسرعة..
ام سامي :- ابني سامي مابقولوا لالو شي..
لبنى :- احم اي خالتي 😗.
ام سامي :- مادام هيك انا عازمة ابني الخميس عندك هو وحماكي..
#يتبع ↯↯
الجزء السابع عشر..
((خبرت اخي الياس باللي صار معي وهو اول شخص يفرح لالي ويشد على ايدي ويشجعني وخاصة بنظر