#زهرة_البيت_بقلم_روان_الشبلاق
#واقعية
@rwayate
الجزء الاول والثاني
ام احمد. روعة روحي ساعدي مرت اخوكي بالمطبخ عم تحط فطور للشباب اللي عم يشتغلو
روعة. والله اللي بشوفكن يا امي عم تعمرو هالطابق التاني بقول مافي حرب بهالبلد ومافي بيوت كل يوم عم تنهدم
ام احمد. لك يا بنتي البيت صغير واخوانك بدهم يتزوجو هيك كل واحد بيسكن بشقة
لأن اذا بدنا نستنى الحرب لتخلص بحياتا ما بتخلص
روعة. طيب انا رايحة ع المطبخ ساعد حنان
ام احمد. اي وانا رايحة اخد موعد من جماعة بقولو عندهن بنات للخطبة
مشان نروح عليهن بكرا
روعة. اي ان شاء الله خير
في المطبخ
روعة. الله يعطيكي العافية يا احلى مرت اخ
حنان. يعافي قلبك
روعة. بشو ساعدك
حنان. لا خلصت تعي خلينا نطلع الاكل للشغيلة
روعة. انا وانتي !!
حنان. اي مافي مافي الا زلم تنين كبار بالعمر
الحقيني بالخبز والشاي يلا
روعة. اي يلا
طلعنا ع السطح وطالعنا الاكل
نزلت حنان وانا كنت نازلة
ناداني واحد من الزلم لتنين.. ياعمي اغلبك
روعة. تفضل
ابو وسام. معليش تجيبيلي كاسة مي
روعة. اي اكيد هلأ كنت نازلة جيب المي
طالعت مي ع السطع واعطيتو ياها
ابو وسام. انتي بنتو ل ابو احمد
روعة. اي بنتو
ابو وسام. ماشاء الله عليكي .. كم عمرك
روعة. 26 سنة .. يلا عن اذنك لازم روح
نزلت وعملت قهوة الي ولحنان
وقعدنا نشربها بغرفة حنان
روعة. معقول تزبط العروس اللي بدها تشوفها امي بكرا
حنان. ياريت ان شاء الله
روعة. بس انتي ليش مابدك تسكني بالشقة الجديدة ليش حابة تبقي معنا هون
حنان. مو فارقة معي المهم كون مرتاحة
وبصراحة اخوكي ماعم يشيل فكرة السفر من راسو
عم يقول بدنا نطلع ع الاردن بس عم يستنا حتى امك تزوج اخوانك لأنو بدو ياكن تروحو معنا انتي وامك وابوكي
روعة. يعني مافقد الأمل لأن امي مستحيل توافق
حنان. وقت الجد بيقنعها
روعة. الله يختارلنا الخير .. بس ليش ع الاردن ليش مو ع الكويت لعند اخي ابراهيم
حنان. والله مابعرف
روعة. انتي حابة تسافري
حنان. بس مشان الأولاد كتير عم خاف عليهم واهكل همهم وهني بالمدرسة
روعة. اي معك حق الله يفرجها
حنان. امين يارب
روعة. لك هاد الزلما اللي عم يشتغل عنا وقف معي وسألني عن عمري .. ليش شو بكون بدو
وسألني انو انا بنتو لأبو احمد
حنان. بتكوني عجبتيه وبدو يتزوجك هههههه
روعة. ههههه الله ياخدك لك هاد اكبر من ابي
حنان. اي مزالك معندة وماعم تقبلي تتزوجي بكرا مابقى يجيكي الا بعمرو
روعة. انا ماكنت متخيلة اني اترك دراستي واقعد بالبيت لا شغلة ولا عملة
ومجرد ما اتخيل اني اتزوج وابعد عن امي بشيل الفكرة كلا من راسي
حنان. لك لأيمتى يعني اذا امك حابة تفرح فيكي وكلنا كمان مو بس هيي
روعة. ليش اجا الشخص المناسب وانا قلت لا
حنان. ليش من شو بيشكو اللي عم يتقدمولك
روعة. ولا من شي بس حتى يصير نصيب .. قولي انك حابة تخلصي مني
حنان. بالعكس والله رح يفضى البيت لك كبرنا سوا انا وياكي وتعودنا ع بعض كيف رح يجي يوم
ونفترق
روعة. اي والله خلص بطلت اتزوج هههههه
حنان. هههههه
بالليل كانت سهرانة روعة هي واهلها
ابو احمد. روعة اعطيني كاسة المي والدوا من جنبك خليني اخدهن
روعة. اي تفضل بابا
ابو احمد. يسلم هالديات يابنتي
روعة. وايديك بابا
ابو احمد. تذكرت شغلة ، اليوم الزلما اللي بيشتغل عنا اللي اسمو ابو وسام حكا معي بخصوصك يا روعة
اتفاجأت روعة واتطلعت بحنان وضحكو التنتين
روعة في نفسها العمى والله طلع حكي حنان صحيح هاد الزلما معقول بدو يطلب ايدي
ابو احمد. شو ليش عم تضحكي .. شو رأيك الزلما حابب يجي ويطلب ايدك لأبنو
شو قلو ؟
روعة. لأبنو ؟
ابو احمد. اي لكن الو قال انو ابنو عمرو 27 سنة .. شو رأيك
روعة ضحكت واتطلعت بحنان وقالت مابعرف
ابو احمد. رح قلو يجي يوم الخميس وبنتعرف عليهم واذا كان الشب مناسب ليش لأ
روعة. اي متل مابدك
دخلت روعة ع غرفتها ولحقتها حنان
حنان. والله بتكوني مجنونة اذا رفضتي هي الشب عمرو مناسب يعني اكبر منك كل مرة بتكون حجتك انو بكون العريس اصغر منك
روعة. اي طولي بالك لسا ما شفتو
حنان. الله اعلم شو العلة اللي رح تطالعيها فيه
روعة. ههههههه والله اذا كان مناسب رح وافق
حنان. اي ان شاء الله
في بيت ابو وسام
وسام. شو الشي اللي بدك تقلي ياه
ابو وسام. اليوم شفت بنت الزلما اللي بشتغل عندو بنت حلوة ومأدبة
حكيت مع ابوها اذا وافقو بنروح وبنشوفها
وسام. هيك بهالسرعة ليش انت بتعرفهن للجماعة
ابو وسام. اي بعرفهن البنت وحيدة لأهلها عندها اربع اخوة شباب
وابوها معو مصاري مابتاكلها النيران وعندو اراضي ومزارع وهي دارسة ومتعلمة
بس في مشكلة صغيرة
وسام. شو هيا
ابو وسام. انو البنت اكبر منك بسنة
وسام. اها .. اي !!
ابو وسام. شو اي .. اذا وافقو رح تتزوجها
وسام. لا مابدي قال اكبر مني
ابو وسام. لا تجن عم قلك ابوها عندو املاك وهي البنت الوحيدة عندو
بتتزوجها يعني واذا اكبر منك شو بصير
فكر منيح عاجبيتك حياتنا هيك بالفقر وانت قاعد لا شغلة ولا عملة

#زهرة_البيت_بقلم_روان_الشبلاق
@rwayate
الجزء الخامس والسادس انتهت 👇
وسام و وسيم جهزو اغراضهم وراحو ليحكو مع ابوهم
ابو وسام. شو هي الشناتي
وسام. نحنى بعد شوي طالعين ع الاردن
ابو وسام. مافهمت كيف يعني طالعين ع الاردن
وانا وين بدكم تتركوني
وسام. اذا بتحب روح معنا
ابو وسام. والبيت هون لمين بدنا نتركو
وسام. البيت مافيه شي ينخاف عليه
ايمان. انت عم تحكي هيك لأنك مانك تعبان بشي
وسام. روعة واهلها هلأ بالاردن صرلهن يومين
ونحنى هلأ بدنا نطلع كمان
ايمان. شوووو روعة طلعت من البلد
وسام. اي .. اذا بتحبي تلحقيها
ايمان. لك ليش ماخبرتونا ليش خبيتو عنا
وسام. هي عم نخبركم
ايمان. وبلكي ماسمحنالكم
وسام. ماسمعت منيح شو قلتي ؟
ايمان. خلي مرتك ترجع وخليكن هون
وسام. مسكينة انتي هلأ على مين بدك تنكدي ههههه
ابو وسام. وسام مابصير تحكي هيك
ايمان. لأ خليه يحكي اصلا هاد كلو من مرتو هوا مالو كلمة والطلعة ع الاردن كلها خطة منها ومن اهلها الله لا يسرلهم ولا يهنيهم
وسام. كلامك كلو مردود عليكي
سلمو ع ابوهم وطلعو من البيت وراحو لعند اخوات روعة وطلعو كلهن من هنيك
ايمان. مابكون ايمان اذا مابرجعك لهون متل الكلبة ياروعة
ابو وسام. اتركيهم يشوفو حياتهم
ايمان. بالله شو ونحنى ليش مانشوف حياتنا متلهم
لك ما سألو حالهن كيف رح يعيش ابونا لك بيعرفو انو صحتك تعبانة وانو انت بحاجتهن جنبك
ابو وسام. هي ماكانو جنبي شو كنت مستفيد منهن الا وجع الرأس بسببك
ايمان. بس انا رح ذلها لروعة بس لأنها طلعت هيك فجأة بدون ماتخبرني
بعد 8 ساعات وصل وسام لعند روعة
وقعدو ببيتهم اللي استأجروه وقعدو معهم وسيم و اسراء
بعد شهر اخوات روعة طلعو ع الكويت وظل اخوها احمد بالاردن
واحمد فتح محل حلويات وشغل فيه وسام واخوه وسيم
وتحسنت حياتهم كتيرررر كتير عن قبل
وهلأ وسام مافي احسن منو مع روعة
وروعة واسراء متل الاخوات وساكنين سوا حتى يتحسن وضع وسيم ويقدر يفتح بيت لوحدو
وام روعة تحسنت صحتها بوجود روعة جنبها واولادها كلهم بخير ومتطمنة عليهم
وهلأ الضحكة ماعم تفارق وجهم ونسيو كل الماضي وبلشو حياة جديدة كلها حب وفرح وسعادة
بعيد عن كل شي مو حلووو
وسام كان كل كم يوم يتصل بأبوه ويتطمن عليه وبلش يبعتلو مصاري دفعات قليلة لأن شغلو لسا بأولو
وسام. بتعرفي روعة هاد احسن قرار بناخدو بحياتنا
لك صرلي شهر مرتااااح من مرتك عملت ومرتك راحت ومرتك ومرتك...
وهون الحمدلله عم بشتغل
وانتي جنب اهلك بظل متطمن عليكي و عالبنت
واخي ساكن معي ومفاهمين
بس كنت بتمنى لو ابي معنا بس بدون ايمان
كتير مشتاقلو
روعة. ظلك احكي معو ولا تنساه وكل ماتحكي اسألو اذا محتاج شي
وسام. اي هيك عم بعمل
روعة. مزبوط كلامك
وانا كتير مرتاحة ومبسوطة
ومابعد الضيق الا الفرج
واهم شي عندي اني هون بقدر امن لبنتي حياة حلوة وان شاء الله مابنحرمها من شي
وسام. ان شاء الله
وسام. احمد اخوكي بعد شوي رايح ع مدينة الملاهي مشان اولادو يلعبو هنيك قومي جهزي حالك خلينا نروح معهم ونغير جو
روعة. اي ياريت لأن ملينا من القعدة بالبيت ونوال جننتني كل الوقت تبكي
وسام. وشوفي اسراء اذا بتروح معنا
روعة. اي هلأ بقوللها
جهزو حالهم وراحو ع الملاهي وهنيك انبسطو كتير
وكل القعدة كانت ضحك ومزح
يوم كان من العمر
وسام واحمد و وسيم قعدو يأركلو و روعة وحنان واسراء والاولاد راحو يلعبو بالألعاب
روعة. انا بدي اطلع بلعبة بالدولاب
اسراء. انا بالسلاسل
حنان. وانا كمان بالدولاب
روعة. تمام لكن خلينا بالاول نطلع بالدولاب كلنا وبعدين بالسلاسل
حنان. هلأ شو رح يحكو علينا الناس عم نلعب متل الاولاد الصغار
روعة. هههههه لك دخيلك كل الناس عم يلعبو وقفت علينا
طلعو كلهن بالدولاب وروعة صارت تلعي نفسها ومعدتها تقلب
ماعرفت شو تعمل
روعة. لك وقفو اللعبة وقفوهاااا
وقفوها ونزلو منها
حنان. روعة شبك
روعة. يمكن لأن زماان مالعبت هيك صار معي
دايخة كتير ماعم اقدر اوقف ع رجليي ونفسي عم تلعي
حنان. امشي خلينا نروح نقعد مشان ترتاحي
روعة. لا خلينا نروح ع البيت كتير تعبانة
حنان. تمام
رجعو ع البيت وروعة كانت مفكرة اللي صار معها بسبب الالعاب
ماخطرلها انو ممكن تكون حامل
بعد اسبوع اكتشفت هالشي وحللت وطلعت حامل
فرحت كتير وبنفس الوقت ماكانت حابة هلأ لأن بنتها لساتها صغيرة كتير
وسام. يااارب يكون المرة هي ولد
روعة. ليش بطلو يعجبوك البنات
وسام. لك لا موهيك بس مشان اعرف انو صار لنوال اخ واتطمن عليها رح يكون سندها بس تكبر
ام احمد. ان شاء الله بكون صبي متل مابدك يارب
وسام. امين يارب .. يخليلنا ياكي
ام احمد. وانتو الله يخليلي ياكم ومايحرمني منكم يارب
مرق خمس شهور من حمل روعة وطلع فيها صبي وحملها كان صعب كتير مابقى قدرت تهتم ببنتها
وكانت تبعتها لعند امها وقت تكون تعبانة
لانو مابتقدر تخليها عند اسراء لأنو اولاد اسراء بكفوها
كانت حياة روعة من اجمل مايكون ماصار فيها لو مشكلة صغيرة
لحد مابيوم تعب ابوه لوسام شوي ونقلتو ايمان ع المشفى

الجزء السادس والأخير
@rwayate
#زهرة_البيت_بقلم_روان_الشبلاق
الجزء السادس الأخير
وسام خبر روعة اللي صار معهم
وكان الخبر صدمة بالنسبة الها وظلت يومين عم تبكي ع حظها
وسام ماقدر يستقر بالبلد لأن تعود ع العيشة هنيك
كان يطلع الصبح ع الشغل ويرجع العصر
ياخد روعة ويروحو يسهرو ببيت اهلها
وايام يروح مشوار ع حديقة او يتمشو او ع الملاهي
هون مو عارف شو يعمل
لا قادر يقعد بالبيت ولا قادر يطلع لعند مرتو
وكل الوقت معصب
ابو وسام. قلتلك يا وسام اطلعو ومارديت عليي
وسام. لك انا بعرف انو بدو يصير هيك
وسيم. هاد اخر شي كنا منتوقعو
ايمان. هي بلدكم هلأ بطلتو تقدرو تعيشو فيها
وسام. المشكلة انو روعة هنيك مابعرف شو بدي اعمل
ايمان. اكيد رح تخليها ترجع .. ولا ناوي تبقى لوحدك هون
وسام. خليني بحالي مشان الله .. ماهيي حامل كيف بدها ترجع وغير هيك معها البنت ولوحدها رح ترجع
ايمان. اي بتدبر حالها
وسام. اتطمني لو رجعت رح استأجر بيت واسكن فيه
ايمان. اي عادي المهم ترجع لك ما اشتقت لبنتك
احكي معها وخليها ترجع
وسام. مو هلأ خليها بعد اسبوع بلكي صار شي وقدرنا نطلع
بعد اسبوع اتصل وسام بروعة وخبرها مشان ترجع
وكانت صدمة كبيرة بالنسبة الها
كيف بدها تترك اهلها
وكيف رح ترجع وهيا حامل ومابتقدر تمشي خطوتين
في الاردن
روعة عم تبكي وتحاكي امها
روعة. امي شو رح يصير فيني هلأ وسام بدو ياني ارجع وانا مجرد فكرة انو ارجع ع سوريا بتخليني موت خوف كيف لو رجعت
مشااان الله يا امي لاقيلي حل
احكي مع وسام خليه يخليني هون
او خلي ابي واحمد يحكو معو
مابدي ارجع والله بخاف ع بنتي
ام احمد. لا حول ولا قوة الا بالله من وين اجتنا هالشغلة ماسدئنا انو ارتحنا واجتمعنا كلنا سوا بمكان امن
روعة. الله يوفقك يا امي مابدي ارجع
ام احمد. يعني شو طالع بأيدي يا امي اذا زوجك عم يقول بدو ياكي
رح خلي احمد يحكي معو ويقلو انو تبقي هون
روعة. والله مارح يرضى وسام كتير متعلق ببنتو وكل يوم كان يقلي اديش مشتاقلها ومو مسدء ايمتى يشوفها
مارح يقدر يقعد بدونا
وانا مافيني كون بعيدة عنكم
اتصل وسام بروعة مرة تانية
وسام. روعة شو صار معك ايمتى رح ترجعي
روعة. وسام مافيني ارجع هلأ والله كتير بتعب والدكتورة قالتلي لازم ظل مرتاحة كيف بدك ياني ارجع ونوال معي مابقدر مستحيل
وسام. يعني عندك حل تاني انا رح جن هون مو قادر اتحمل ولا دقيقة
روعة. ياحبيبي طول بالك عليي بس لأولد وبعدين بنشوف شو بصير
وسام. من كل عقلك بدك استنى شهرين
روعة. يعني شو اعمل
مابكفي اني قبلت ارجع
وسام. لك افهمي عليي ماقادر عيش هون لوحدي
لا تخافي اذا رجعتي مارح سكنك مع ايمان رح ناخد بيت النا
روعة. طيب بس والله هلأ مابقدر اصبر عليي فترة
وسام. اسمعي روعة معك مهلة اسبوعين لترجعي ومن هون لوقتا انا رح استأجر بيت وافرشو وانتي بتكوني جهزتي حالك
روعة. اوففف يا الله منك
سكرت روعة ورجعت تبكي
بالليل
احمد. حكيت مع وسام مشان تبقي هون وما وافق
روعة تبكي. ليش هيك عم يصير معنا
ام احمد. وهلأ مارح تقدر ترجع ولا بدو ياها تموت ع الطريق
روعة. ان شاء الله بموت وبرتاح من هالعيشة
كل ماقول فرجت بترجع بتسكر بوجهي
شو عاملة انا ياربي حتى هيك عم يصير معي
احمد. يعني شو نعمل قال انو رح تسكنو ببيت لحالكم
روعة. لك انا وين وهوا وين مو هي مشكلتي
المشكلة انو هون تعودت عالهدوء ع الامان ع حياة جديدة بتختلف تماما عن اللي كنا عايشينها
وبدو ياني ارجع بعد اسبوعين بكون فتت بشهري التامن
لك والله اذا عم بمشي خطوتين بتعب
احمد. مافي حل الا انو انتي تحكي معو وتقنعيه انك تظلي هون حتى تولدي ومن هون لوقتا بنكون لقينا حل
روعة. رح جرب بعد يومين بحكي معو بلكي يكون غير رأيو
ام احمد. ان شاء الله
بعد يومين اتصلت روعة بوسام
روعة. والله هلأ رجعت من عند الدكتورة وشرحتلها وضعي وقالت خطر ع اللي ببطني ويمكن اخسرو
وسام. طيب والحل

#زهرة_البيت_بقلم_روان_الشبلاق
الجزء الرابع
@rwayate
رجع وسام ع البيت و روعة كانت بأنتظارو
وسام. في الك عندي خبر حلو
روعة. وانا كمان
وسام. شو هوا
روعة. انت احكي بالأول
وسام. لقيت شغل ورح بلش من بكرا .. وانتي شو الخبر اللي بدك تقوليه
روعة مسكت ايديه واتطلعت بعيونو وقالتلو انا حامل
وسام. عنجد بتحكي
روعة. والله عنجد الصبح حللت وطلعت حامل
وسام. لك من الصبح بتعرفي وهلأ لحكيتيلي
روعة. مبسوط
وسام. لك شو مبسوط لك انا مو عاطي فرحتي لحدا واخيرا رح صير اب
روعة. اي ان شاء الله
وسام. والله هاد احلى خبر بسمعو بحياتي
بس في مشكلة
روعة. شو المشكلة
وسام. انا لهلأ مابعرف شو بدي سمي الولد
روعة. ههههه هلأ هي المشكلة .. وبلكي كانت بنت
وسام. هلأ اذا كانت بنت سميها انتي لأن انا مابعرف
بس اذا ولد شو رح نسميه
روعة. شو رأيك نسميه عمر حلو هالأسم كتير
وسام. لا رح نسميه محمد
روعة. اي متل مابدك
وسام. رح اطلع خبر اهلي
وسام خبر اهلو والكل فرح بالخبر الا ايمان فورا صارت تحكي
ايمان. ايواا بكرا بتبلش قصص الحمل يوم تعبانة ويوم ممغوصة ويوم مو قادرة اشتغل كأنو ماحدا حمل غيرها
الله يمرق هالتسع شهور ع خير
وسام. اذا صبي رح نسميه محمد
ايمان. اكيد مرتك اللي اختارت الاسم
وسام. لا انا .. ليش مو حلو
ايمان. حلو بس المفروض تسميه ع اسم ابوك
وسام. اذا ابي ماعندو مانع انتي شو مضايقك
ايمان. تسطفلو
تاني يوم وسام بلش شغل بمحل حلويات
وروعة اتصلت بأهلها وخبرتهم بحملها
امها ماسدئت وفرحت كتير
وبعد 3 ايام اجت امها لروعة ومرت اخوها وجايبين معهم اغراض كتير
و وسام كان بالشغل
ايمان بس شافتهم جنت
دخلو ع البيت وامها باركتلها بالحمل وكانت مشتاقيتلها كتير
ايمان ما اعطتهن وجه لهيك استغربت ام روعة انو شو القصة
ايمان. شو ماخبرتكم روعة شو صاير عنا بالبيت
ام احمد. لا خير شو صاير
ايمان. وسام وروعة متخانئين من شهر و وسام منعها تروح عليكم
وكمان حكالها ممنوع اهلك يفوتو عليكي بس مابعرف كأنو هيا ماخبرتكم بهالشي لهيك جايين
روعة. لك حاجتك كذب
وسام مابيحكي هيك وهوا بحب اهلي كتير
ايمان. انا ماعم اكذب جوزك حكالك ممنوع اهلك يجو لعنا وانتي لسا عم تستقبليهم
ام احمد. ايمان نحنى قاعدين ببيتك شو هالحكي هاد يعني عم تقلعينا
ايمان. هيك زوج بنتك بدو والحق عليها ماخبرتكم
ام احمد. ليش فهموني شو صاير يعني شفتو شي مننا لا سمح الله مو منيح
ايمان. بس تروحو خدو هداياكم معكم
روعة. لك خلصنا حلي عني وعن اهلي هني بيجو ايمتى مابدهم انتي مادخلك .. امشي ماما خلينا نفوت ع غرفتي
ام احمد. لا انا مابقى فوت هاد البيت شو قلة هالزوق عم تقلعنا عينك عينك شو عملنالها
ايمان. لك بالناقص
حنان. والله لنطالع روعة ع بيت لحالها ورح خليكي تندمي ع كل كلمة حكيتيها معنا الله ينتقم منك متل ماعم تخربيلها عيشتها
ايمان. انقلعو من بيتي يلا ماناقصني ناس وسخة
روعة. والله مارح اسكتلك يا ايمان
ايمان. اللي بيطلع بأيدك اعمليه والله لخلي عيشتك سودا
راحو اهل روعة من عندها وامها طول الطريق تبكي
وحنان شرحتلها شو القصة
وانقهرت كتير ع بنتها اللي كانت تفكرها مبسوطة
بس رجع وسام من الشغل استلمتو ايمان وقلبت كل الحكي ع روعة
وقالتلو انو اهلها اجو وتهجمو ع ايمان وضربوها
دخل وسام ع الغرفة
روعة. من غير ماتحكي شي اكيد ايمان حطت كل الحق عليي وهي طالعت حالها بريئة
وسام. اهلك ليش جايين
روعة. اجت امي وحنان ليباركولي بالحمل
وايمان بهدلتهم وقلعتهم بس والله مارح اقعدلها بهالبيت
وسام. ليش وين بدك تروحي
روعة. بدنا نطلع من هاد البيت خلينا نستأجر بيت ونعيش لوحدنا بكفي لك بكفي مليت من مشاكل ايمان
كل يوم نفس القصة بس ترجع ع البيت بتعبي راسك عليي وبنتخانئ انا وانت بسببها
وسام. اي اطلعي .. اطلعي لحالك
روعة. شو بفهم من حكيك
وسام. انا ما بتخلى عن اهلي
مشان حضرتك ترتاحي
روعة. ماعم قلك تتخلى عنهن بس نحنى من حقنا نعيش مالنا اولاد صغار حتى يتحكمو بحياتنا
رح نصير ام واب
هيك رح تظل حياتنا بعد ماييجي ابنا
وسام. اي هيك وهاد الموجود
روعة. انا مابقبل عيش بهيك وضع لا انا ولا ابني
وسام. هداك بيت اهلك مفتوح
روعة. لك وسام انت جنيت لك مبارح كنا متفاهمين وكنت مبسوط وعم تدللني شو بيجيك فجأة
وسام. انا هيك ليكون مو عاجبك
روعة. اي مو عاجبني مرت ابوك هيا اللي امشيا حياتنا ع كيفها
وسام. انتي شايفة حالك علينا بمصاري اهلك وماعم تعجبك عيشتنا صحيح نحنى مامعنا مصاري بس انتي كنتي تعرفي هالشي من الاساس
روعة. لك يلعن ابو المصاري اذا بتجيب سعادة
لك يا حبيبي افهم عليي البيت صغير وحياتنا مو مستقرة وكل يوم مشكلة ولساتنا عرسان واهلك بيتدخلو فينا بكل شي
كيف بدك ياني كون مبسوطة وابقى بهادا البيت
انا بعرف انو انت منيح والحكي اللي عم تحكيلي ياه كلو حكي ايمان داحشيتو براسك بس خلينا نطلع ونجرب مابنخسر شي
يمكن يكون هالشي احسن النا والهم
وهي انت صرت تشتغل بنفتح بيت صغير ع قدنا وانا بساعدك وبنبعد عن المشاكل

الجزء الثاني
@rwayate
#زهرة_البيت_بقلم_روان_الشبلاق
الجزء الثاني
مرق تاني شهر من اجمل ايام حياتها ل روعة
ام احمد تبكي. ماعم سدء ياحنان انو روعة رح تتركنا وتتزوج بعد بكرا كيف رح عيش بدون ماشوفها كل يوم لك هي زهرة البيت وزهرة حياتي
الله يسعدها ويهنيها
حنان. لا تبكي مين قلك انو مارح تشوفيها كل يوم اول فترة بس رح تكون صعبة بعدين بتتعودي
مانك شايفتيها اديش مبسوطة الله يهنيها يارب
وانا والله رح افتقدها كبرنا سوا انا وهيي النا عشر سنين مع بعض مابعمرنا تخانئنا ع شي
بس شو نعمل كم يوم وبنتعود
اهم شي حياتها وسعادتها
وهي صبرت ونالت الله عوضها بوسام ابن حلال وبحبها
ام احمد. وينها هلأ جايي ع بالي ضمها لقلبي
حنان. سهرانة ع البرندا مع وسام عم يودعو العزوبية
ام احمد. واخوتها وين
حنان. هلأ بيجو حكيت معهم ع الطريق بس لا تقولي قدامهم انو وسام هون هلأ بجن نبه عليي انو مايعرفو حتى ماينزعو عليه السهرة هههههه
ماعم يخلوه يسهر معها
ام احمد. اي لا تخبريهم قولي انو روعة نامت بكير
ع البرندا
وسام. سامعة صوت الضرب
روعة. اي سامعة
وسام. هي فرحانين انو بعد بكرا عرسنا لهيك عم يضربو
روعة. ههههه هي قبل العرس وهيك لكن يوم العرس من فرحتهن رح يبعتو الطيران اللي يضرب
وسام. ههههههه انتي اعتبريهم العاب نارية
روعة. اي ممكن
وسام. ياريت الليل مايخلص حلوة السهرة تحت ضوء القمر متل مابقولو
روعة. قصدك تحت شظايا القذائف ههههه
وسام. ههههههه مافي فرق التنين اجوائهم رومنسية ماهيك
روعة. اي امبلى
وسام. انزلي انزلي ع الارض
روعة. شو في
وسام. لك اخوتك رجعو مابدي يشوفونا
روعة. مجنون هلأ خوفتني مشان هيك
وسام. ليش خفتي
روعة.اي خفت ماكنا نحكي عن القذائف وهيك اي فكرت انو صار شي
وسام. هههههه لك مو قلت لحنان انو ماتخبر اخوتك اني هون مابدي ينزعو علي السهرة
مابدي يشوفوني
روعة. ليش مطول هون ماتنسى انو بكرا الحنة ورح اتعب كتير لهيك بدي نام بكير
وسام. اي لا ماحزرتي وهي قعدة
روعة. لك وساااام والله لازم نام
وسام. ياعيون وسام .. تعي نامي ع كتفي
روعة. ههههه ما اغلظك
يوم العرس
روعة عملت عرس وعزمت ناس كتير وحلوة كتير كانت الحفلة
و وسام ماعزم ناس كتير ورفقاتو عملولو حفلة صغيرة
وقت الزفة ام احمد تبكي وماوقفو دموعها وظلت طول الوقت بعيدة عن روعة حتى ماتشوفها بهي الحالة
بالمطبخ
حنان. والله ياعمتي مابصير هيك عم تبكي بدل ماتفرحيلها
بعد شوي رح تطلع من هالبيت وانتي لسا ماشفتيها وكل شوي عم تسألني عنك عم قوللها بلشانة بالمعازيم
ام احمد. بس تطلع من هالبيت روحي رح تطلع معها
حنان. لا تحكي هيك والله مابصير
دخل ابراهيم لعندهن
حنان. هاا هي ابراهيم اجا
ابراهيم. شو في .. امي ليش عم تبكي اكيد ع روعة
يعني شو بدك تظل طول العمر بلا زواج
البنات بعمرها بكون عندهن تلت اولاد
ام احمد. والله فرحانتلها من كل قلبي بس صعبة طلعتها من هالبيت
ابراهيم. طيب مانك فرحانة لأني رجعت من السفر
حتى استقبال ما استقبلتيني منيح
يبدو انو بس روعة اللي غالية عليكي
ام احمد. والله كلكم بغلات بعض بس روعة لانو بنت بظل خايفة عليها
ابراهيم. الله يخليلنا ياكي .. يلا هلأ اهل العريس ع الطريق مابقى الا يوصلو روحي باركيلها واقعدي جنبها وما تبكي قدامها
حنان. اي حرام تبكيها
طلعت امها لعندها باركتلها ولبستها طوق ذهب تقيل
روعة باست ايد امها والتنتين نزلو دموعهم
واصوات السيارات برا لأن وصل العريس
حنان. روعة شبكي ليش عم تبكي هاد احلى يوم بحياتك
ليكي كيف نزعتي مكياجك

#زهرة_البيت_بقلم_روان_الشبلاق
الجزء الثالث والرابع
@rwayate
بعد مرور اسبوع روعة مافاتحت ايمان بقصة الهوية
ورجعت علاقتها ب وسام منيحة كتير
بس روعة بلشت تتضايق من وجود ريم كل الوقت بغرفتها ليل ونهار ماعم تاخد راحتها
والشغلة ماوقفت بس ع ريم كمان اولاد ايمان كلهن اوقات بتبعتهن ينامو عند روعة
وروعة خجلانة تحاكيها وخايفة انو تزعل
بالليل في غرفة روعة
وسام. اشتقتلك
روعة. اي
وسام. اشتقتلك كتير
روعة. وسام لشو هالحكي والبنت هون
وسام. ريم قومي روحي نامي عند امك اليوم
ريم. مابدي رح ابقى هون
وسام. عم قلك روحي
لعند امك
ريم. وانا بدي ابقى عند روعة انت شو دخلك
وسام. والله هلأ بضربك ها
ريم. روعة مابتخليك
روعة. خلص اتركها اليوم
وسام. شو اتركها اليوم الها اكتر من اسبوع ع هالحالة وبعدين يعني
ريم. والله بقول لبابا انك عم تقلعني
وسام. اي روحي قوليلو هلأ
ريم. اي رايحة قلو ورح ارجع
وسام. اي الله معك
قام وسام وقفل الباب
وسام. ليش معطيتها وجه قولي لأمها
روعة. بدك الصراحة وانا بلشت اتضايق يعني ماعم باخد راحتي كل النهار هي واخواتها هون واذا بروح ع غرفة اسراء لنقعد سوا بيلحقونا
وسام. خلص انا بكرا بحكي لأيمان
روعة. بلكي زعلت
وسام. اي وتزعل مو فارقة معي
روعة. بس مابدنا مشاكل
وسام. اي خليها تزوء ع حالها وتظب اولادها يعني مابتعرف انو لساتنا عرسان ومابصير بنت بعمرها تظل بينا
رجعت ريم ولقت الباب مقفول
ريم. وسام افتحلي .. قلت لبابا وقال بكرا بتشوف شو رح يعمل فيك
لك افتح الباب وساااام افتحلي
روعة. وسام افتحلها هلأ البيت كلو بفيق ع صوتها
وسام. شايفة انو انتي اللي عم تعطيهم وجه
روعة. يعني عاجبك صوتها
وسام. اسمعي ريم هلأ كلهم نايمين وهلأ بيطلعلك جني والدنيا عتمة او بيجي حدا وبيخطفك وبنخلص منك
ريم. يا ماماااا
وسام. هههههه راحت
روعة. ههههههه ما اقواك
تاني يوم بالصالون ماكان في الا وسام وايمان
ايمان. وسام ليش هيك مخوف البنت مبارح
وسام. اها منيح ذكرتيني انا بعرف ليش عم تبعثيها تنام عنا وتظل عنا طول النهار
ايمان. البنت بتحب مرتك وبتحب تنام عندها وين المشكلة
وسام. انتي عم تبعثيها لعنا لتحكيلك شو بصير بينا
لو توفري عليها هالتعب وتسأليني الي كنت انا بحكيلك كل شي بتحبي تعرفيه
ايمان. يا الله تفكيرك وين بروح
وسام. هلأ المهم ماعم ناخد راحتنا فوق مو حاشين حالنا بهالبيت كمان استكثرتو علينا هالغرفة
ريم مابقى تبعثيها لا بالليل ولا بالنهار
ايمان. شوف حبيبي هي غرفة اخوها بتفوت ايمتى مابدها انا مابحقلي امنعها
وسام. بس بحقلك تضبيها
ايمان. اي بقص ايدي اذا مو روعة هي اللي شاكيتلك منها
لأن انت مو كل النهار بالبيت
حتى تعرف اذا كانت عم تفوت ع غرفتكم او لا
وسام. خلص سكري ع الموضوع
تاني يوم دخلت ايمان لعند روعة
ايمان. شوفي روعة والله لو مو وضعي صعب ماكنت بجي وبحكيلك
روعة. خير شو في
ايمان. انتي شايفة بعينك انو عمك ماعم يشتغل والشباب كلهم قاعدين بلا شغل
ماسألتي حالك من وين عم نصرف
والله الوضع كتير صعب
حتى انتي اكيد عم تلاقي فرق بين عيشتنا وعيشة اهلك بس شو نعمل كل واحد بعيش ع قد مصاريه
وماحدا هكلان هم هالبيت غيري انا
وكل شي غالي الاسعار نار
ومافي مصاري شو اعمل
قلت بحاكيكي بلكي بتحكي مع وسام يدبرلي خمسين الف ضروري لانو البيت فاضي وما عنا شي ناكلو
روعة. معك حق يعني اكيد البيت بدو مصروف بس والله وسام عم يطلع كل يوم يدور ع شغل
وكل الشباب قاعدين بلا شغل مو بس هوا
يعني لو معو اكيد مارح يقصر ع اهلو
ايمان. احكي معو خليه يدبر متل المرة الماضية ضروري عم قلك رغيف خبز مافي بالبيت
روعة. مستحيل من وين بدو يجيب خمسين الف
ايمان. يعني نموت من الجوع احسن
روعة. طيب .. هي 30 الف مامعي غيرهم والله كنت مخليتهن مصروف لحتى يلاقي وسام شغل بس البيت اهم
ايمان. بس هدول مابكفو
روعة. والله لو معي غيرهن مابيغلى عليكي
ايمان. يسلم ايديكي حبيبتي بس قولي لوسام بدنا خمسين الف ضروري
خليه يدبر حالو
روعة. المسا بحكيلو
ايمان. اي ماتنسي
روعة. ولا يهمك
بالليل
روعة . ايمان قالتلي انو خبرك تدبرلها خمسين الف ضروري
وسام. ههههه خمسين الف والله كل اللي معي مابيطلعو 3 الاف
لشو بدها ياهن
روعة. قال مصروف للبيت
وسام. لك مابتشبع هالمرة
روعة. معها حق مين بدو يصرف ع البيت
وسام. شو مين لك مبارح وسيم اعطاها 25 الف الو شهر يجمع فيهن وظلت وراه حتى اخدتهن وين اختفو من مبارح لليوم
روعة. وانا اليوم اعطيتها ال 30 الف اللي كانو معي
وسام. لا انتي اكيد مجنونة لك عنجد عم تسدئيها
لك شو عم تحكيلك حتى عم تضحك عليكي
كل هاد ولسا بدها خمسين مني
انتي بتعرفي انو كل هالمصاري اللي عم تاخدهن وحتى الميت الف الماضيين عم بتاخدهن لعند اهلها وبتخليهن معهم عم بتأمن مستقبل اولادها
روعة. عنجد بتحكي
هيي قالت لجارتكم
وسام. اي عنجد وقلتلك لا تعطيها وماسدئتيني
لك شغلي كلو وشغل وسيم وابي من زمااان وهي تاخدو منا وتروح فورا توديه ع بيت اهلها وتتركنا بجوعنا