📚قصص||روايات||منوعة📚

ع الاقل ابوها بدبرلك شغل بالكويت عند ابنو وهي بيطلعلها ورثة من اهلها بتعيشك احسن عيشة
وسام. مابدي
ابو وسام. مشان العمر يعني
وسام. هيك شي
ابو وسام. اي اتطمن مارح ترفضك لأنو قلت لأبوها انو عمرك 27 يعني اكبر منها بسنة
ع الاقل بنخبي الحقيقة لحتى تتزوجو
وسام. كمااان .. مابدي انسى الموضوع فوق مابدك ياني ادخل ع طمعة مكزب بعمري
ابو وسام. والله مشانك روح شوف عيشتهم لك الحرب مو مأثرة عليهم بشي لك العالم عم بتهرب من بيوتها وهني عم يعمرو بيوت وبيعرفو انو طيارة رايحة وصاروخ جايي ورغم هيك مو فارقة معهم
وسام. والله مابعرف انسى انو معهم مصاري بس يعني ماعم تزبط معي انو اكبر مني
ابو وسام. لك مو مبين عليها انت بس تشوفها بتغير رأيك عأساس انت لقيت غيرها واحسن منها وقلنا لا
مين بدها تقبل فيك وانت واسمك مابتعرف تكتبو
شو قلت ؟
وسام. اي بس اذا زبطت وصار نصيب مابتقولو قدام الناس انها اكبر مني
ابو وسام. ماشي
يوم الخميس كان الموعد وروعة جهزت حالها لأن وسام واهلو بدهن يجو يشوفوها
في بيت وسام @rwayate
ابو وسام. خلصنا اتأخرنا ع الجماعة
وسام. في شغلة بدنا نتفق عليها قبل مانروح
ابو وسام. شو الشغلة
وسام. انا مع مرتك مارح اسكن رح بستأجر بيت لوحدي وبسكن فيه
ابو وسام. وطي صوتك .. هي اللي عم تقول عنها مرتي هيي اللي ربتك انت واخوك بعد ما ماتت امك
ورغم المنيح اللي عملتو معكم عم تحكي عليها
وسام. انا ماعم قول انها مو منيحة بس مابدي يصير مشاكل شوف اخي وسيم من لما تزوج كل يوم عم يصير مشكلة بهالبيت @rwayate
ابو وسام. الحق ع مرت اخوك هي مو منيحة وكمان لا تنسى اخوك اصغر منك وتزوج قبلك كان صغير لهيك كان يصير مشاكل بس هلأ بعد ماتتزوج انت بتتغير حياتنا
ولا تقول هالحكي قدام امك بتبطل تروح معنا اليوم
وسام. كم مرة قلتلك لا تقول امي .. امي الله يرحمها
ابو وسام. لك اي خلص فهمنا .. انا قصدي انو خالتك بمقام امك ربتك من وهوا عمرك 3 سنين
وسام. طيب انا جاهز خلينا نمشي
في بيت روعة
دخلت حنان لعند روعة ع الغرفة
روعة واقفة ع المراية وعم تحاكي حالها لك الله يسعدني ما احلاني امووواه
حنان. ههههههه عم تتغزلي بحالك
روعة. هههههه من ايمتى انتي هون

حنان. انتي جاهزة الساعة صارت 9 مابقى الا يوصلو
روعة. اي جاهزة
حنان. كتير طالعة حلوة
روعة. عيونك الحلوة @rwayate
حنان. نيمت الاولاد قبل مايجو مابدي يصرعونا هلأ بالسهرة
روعة. اي منيح
حنان. مابعرف ليش حاسة انو هالمرة رح يصير نصيب ويطلع الشب منيح
روعة. ان شاء الله
حنان. مانك متوترة
روعة. شو شايفيتني عمري 18 سنة
حنان. بالموقف هاد مادخل العمر .. الباب عم يندء اكيد هدول هنن
وصلو بيت ابو وسام وتعرفو ع بعض
ابو وسام. هي ابني وسام وهي مرتي ايمان
امو ل وسام الله يرحمها
وهي ابني وسيم الاصغر من وسام متزوج وهي مرتو اسراء
ابو احمد. تشرفنا اهلا وسهلا فيكم
شافو روعة وقدمتلهن القهوة وتعرفو اكتر وحكو بأمور كتير
شافت وسام وهوا كل الوقت يتطلع فيها
كانت تطلع فيه وهي محتارة وعم تفكر انو توافق او لا
بس ع الأغلب رح توافق
وسام عجبتو روعة وماكان باين ابدا انها اكبر منو
بالليل بعد ماراحو دخلت حنان لعند روعة ع غرفتها
حنان. شو فكرتي ولا لسا
روعة. والله محتارة انتي شو رأيك ؟
حنان. القرار الك بس انو شو اللي محيرك
روعة. هلأ هوا حلو وحلو كتير كمان بس يعني هوا مانو دارس وغير هيك رح نسكن مع مرت ابوه لو مع امو عادي وكمان اخوه ومرت اخوه بنفس البيت ماعندي مشكلة بس بخاف اذا صرت قارن بين عيشتنا هون وبين هنيك تخرب حياتي
ومافي فرق كبير بينا بالعمر @rwayate
حنان. هلأ موضوع الدراسة مانو مهم هي اخوتك مو دارسين بس كل واحد بأيدو شغلة احسن من الدراسة
وبالنسبة لمرت ابوه معك حق يعني اكيد مارح تكون متل امو
ومشان وضعو المادي ماتهكلي هم اكيد اخوتك وابوكي رح يساعدوكم وتطلعو ع بيت لوحدكم
واهم شي انو اكبر منك حتى لو بسنة
وبعدين سمعتي حكيو باين انو محترم وفهمان وغير هيك شخصية
روعة. مرت اخوه باين انو منيحة كتير حسيتها مرحة ورح نتفق انا وياها صارت تحكي معي وكأنو بتعرفني من زمان
حنان. ع كل حال فكري منيح وان شاء الله بصير خير
في بيت وسام
ايمان. بتعرف يا ابو وسام اذا صار نصيب رح نقبر الفقر لك مامعقول اديش معهم مصاري لك باين من الضيافة اللي ضيفونا ياها ومن عفش بيتهم ومن تيابهم
ابو وسام. انتي ماشفتي شي انا اشتغلت عندهم وبعرف كل شي عنهم
ايمان. وسام شو رأيك بالبنت
وسام. هلأ انتو شو مفكرين حتى عم تخططو يعني اهلها رح يصرفو علينا
ايمان. اي وين المشكلة اذا ساعدونا
وسام. وليش ليساعدونا
ايمان. مابكفي انو كتر خيرنا قلبلنا ناخد بنتهم وهي اكبر منك
وسام. من هلأ بلشنا بقصة اكبر منك منيح حكيتو هالحكي قبل مايصير شي خليتوني ارجع فكر لحتى اعرف اخد قرار
ابو وسام. هلأ لا تعملي فيها انك الشب المثالي ومابتقبل تاخد بنت اكبر منك
كتر خيرها اذا قبلت فيك مابكفي انك لا شغلة ولا عملة
على شو شايف حالك مابعرف @rwayate
وسام. انا اذا بدي اتزوجها لأن عجبتني مو مشان مصاريها بس رح خبرها بعمري الحقيقي
اسراء مرت اخوه. اي والله يا وسام اذا بتخبرها بكون احسن
ايمان. انتي اخرسي ماحدا اخد رأيك مفكريتها متلك ماسدئتي لقيتي حدا يتزوجك هي اذا خبرها مستحيل تقبل فيه
تاني يوم بالليل في بيت روعة
ابو احمد. شو روعة بدي رد خبر للجماعة صارو متصلين مرتين لأنو مستعجلين شو خبرهم
انا سألت عن الشب والكل قالو انو سمعتو منيحة بس بقولو انو مرت ابوه قوية
روعة. موافقة اذا انتو موافقين
في بيت وسام
ابو وسام. هي الجماعة اتصلو وقالو موافقين
يا وسام لا تعملي مشاكل بعد ماتكتبو الكتاب بتخبرها اللي بدك ياه
هيا كذبة صغيرة وما بتأثر عليكم اذا كنتو متفقين وحابين بعض
وحاول ماتخليها تشوف هويتك
وسام. طيب اتوكل ع الله
بعد كم يوم كتبو كتابهن وعملو حفلة خطبة عائلية واتفقو ع موعد العرس بعد شهرين لحتى يجي ابراهيم اخو روعة من الكويت
مرق اول شهر بالخطبة بسرعة و وسام كتير كان منيح مع روعة
وهي حبتو كتير وتعلقت فيه
وايمان كانت توصي وسام كل مايروح ياخد معو هدية تقيلة ل روعة
وسام كان بعاني من مشكلة وهيي انو ماعم بصيرلو يقعد مع روعة
في غرفة روعة كانت عم تحكي مع وسام
وسام. روعة والله بكفي هيك احكي مع اخوكي خليه يرجع من السفر يعني لسا بدنا نستنا شهر والله كتير
روعة. ياحبيبي والله ع قد ما بتظل تحكي بهالموضوع قلتلو لأبراهيم انو مستعجلين وقال مابيقدر يجي قبل شهر
وسام. طيب ارجعي حاولي معو
روعة. لك لحتى تجهز غرفة النوم وحتى خلص جهازي انا بكون صار اكتر من شهر
ليش مستعجل مابعرف
وسام. بدي انو نتزوج يعني بدنا نقضيها هيك ع التلفون لك وقت بجي عليكم ماعم بقدر احكي معك كلمتين فورا بيستلموني اخوتك
روعة. هي وقت روح لعندكم عم بكون لوحدي وبنظل طول النهار مع بعض
وسام. اي هني مرتين روعة. مو عاجبك مرتين بالشهر
وسام. ليكي مابقى افتح هالموضوع معك
بس بكرا جايي لعندكم وبدي نقعد انا وانتي لوحدنا @rwayate
روعة. اممم
وسام. شو امممم !! شو قلتي
روعة. ههههه لك كيف بدي قلن لا تقعدو معنا
وسام. مابعرف تسطفلي
روعة. انا مادخلني مو انت اللي علمتهن ع الاركيلة ولعب الشدة وهني مابقى يقعدو بدونك

روعة. وسام والله مو صحيح هالحكي لك انا ايمتى عيرتك بشي
والله العظيم كلو كذب معقول انا يطلع مني حكي هيك
لك وقت كانت تطلب مني مصاري كنت استحي احكيلها لا او مامعي
وسام. كل شي كنت ممكن سدئو انو كذب وتأليف لو ما قصة الاركيلة اللي ماحدا بيعرف فيها غير انا وانتي
انا كنت محتاج بوقتا واخدت منك الفين بس وهلأ عم تعيريني يا روعة
روعة. وسام خلينا نفوت ع الغرفة ونحكي شوي واشرحلك كل شي صار والله الحكي مو هيك كان
وسام. اهاا يعني الحكي صار
روعة. لك لا لا والله لا
وسام. روحي انقلعي ع الغرفة ولا تطلعي منها
روعة. لك وسام شو صرلك معقول تسدء هيك شي
وسام بصوت عالي. انقلعي ع الغرفة
دخلت ع غرفتها وصارت تبكي
ليش هيك عملت ايمان كل هاد لأنو ما اعطتها مصاري
وسام ظل قاعد مع اهلو للساعة 3 الصبح وايمان استلمتو وعبت براسو ع روعة والفت عليها حكي كتير
و وسام سدء كل شي انو ليش روعة عملت معو هيك
ابو وسام. شوف وسام مرتك بلشت تعمل مشاكل بالبيت لهيك انا مابدي وجع رأس من بكرا بتدور ع بيت وبتطلع لوحدك
وسام. لا شو اطلع من وين بدي جيب اجار بيت ومن وين بدي اصرف لك اصلا شو بدي افرش البيت
ماعندي شي
ابو وسام. هي ماصار عندك محل وبلشت تشتغل
وسام. المحل رح سكرو ورح رجعلهن كل المصاري اللي دفعوها
ابو وسام. اي بتكون عملت منيح لأن رح تجي ايام ويقولولك نحنى اللي عملنا منك رجال ونحنى اللي اصرفنا عليك وطعميناك .. انت ابني ومابتخلى عنك
لهيك يا اما بتحط حد لمرتك يا اما بتطلع ع بيت لوحدك
وسام. لا خلص انا رح بحكي معها وبس لاقي شغل رح حاول رجع كل المصاري اللي كنتو اخدينهن منها
ابو وسام. بس عندي شرط لحتى خليك بالبيت
وسام. شو هوا
ابو وسام. مرتك ممنوع تزور اهلها لأنو بس تروح عليهن عم يكبرو برأسها علينا هه لكن الخانم طلعت مو عاجبيتها عيشتنا
وسام. طيب مارح خليها تروح .. انا رايح نام راسي رح ينفجر من الوجع .. تصبحو ع خير
ابو وسام. وانت بخير
ايمان. بتستاهل هالحيوانة
ابو وسام. مبسوطة هلأ .. هي رح يمنعها تروح ع بيت اهلها
ايمان. اي بتستاهل خليها ولسا كمان رح كسرلها راسها اكتر واكتر والايام جاية
دخل وسام ع الغرفة كانت روعة عم تبكي وكانت بدها تحكيلو الحقيقة بس سكتها
وسام. روعة راسي رح ينفجر مابدي اسمع ولا حرف اللي فيني مكفيني
نام ع التخت ودار وجهو ع الناحة التانية
ومارضي يسمع شي
ايمان ما اكتفت بهالشي وتاني يوم اتفقت مع جارتهم ع كلام وخلتها تحكيه قدام وسام وروعة لحتى يسمعو وسام
جارتهم. شو وسام كيف شغلك كيف المحل الجديد
وسام. الحمدلله
جارتهم. عم بقولو انو كلف اهل مرتك كتير وانو ان شاء الله انت تقدر هالشي وتلتزم بشغلك
وسام. مين اللي عم يقول هيك
جارتهم. كل الناس عم تحكي هيك وقال حتى لو فتحولك اهل مرتك معرض سيارات انت مو خرج شغل ومارح تكمل الشهرين
ايمان. ياحبيبي هي بلش حكي الناس
انو شو بيستفيدو الناس لما بيحكو هيك مابعرف يعني حتى لو اهل مرتو ساعدوه شو بصير ماهوي زوج بنتهم يعني متل ابنهم
روعة. ياريت كل الناس تلتهي بحالها وكل واحد يضب لسانو بحلقو
وسام. روعة خلص اسكتي
دخل وسام ع الغرفة ولحقتو روعة
وسام. انا الحق عليي اللي وافقت من الاساس بس انتي السبب ظليتي ورايي حتى صرت علكة بتم الناس
واول حدا عيرني وسمعني حكي هوا انتي
روعة. يعني انت مصر ماتسدئني
وسام. قلتلك لا بقى تفتحي الموضوع لأن بالغصب عم حاول انسى اللي حكيتيه انا تزوجتك لأني حبيتك مو طمعا بمصاري اهلك
وهي صرلنا 4 شهور متزوجين كل اللي اخدتن منك مابيطلعو عشرين الف
وكنت قلك ياروعة لا تعطي ايمان شي وماتردي علي
لحتى اجا اليوم اللي سمعتيها وسمعتيني حكي
بس منيح صار هالشي لأن لحد هون وبكفي هي مفاتيح المحل هلأ رايح اعطيهن لأهلك وخالصين
والخسارة اللي خسروها بس الله يرزقني رح عوضهم فيها ومارح اوكل حقهم كل شي اخدتو واخدوه اهلي هاد دين عليي و رح رجعو
روعة. مشان الله ماتحكي هيك انا بحبك ومستحيل احكي شي عنك ليش عم تسدء ايمان وتكزبني
وسام. اسمعي روعة انا لحد الان ساكت وماعملت شي لسا لهلأ عم تنكري
اذا بدك تبقى علاقتنا منيحة وحابة تبقي معي سيرة اهلك مابقى تفتحيها وممنوع تروحي عليهم
روعة. وسااام ليش عم تعمل فيني هيك لك هدول اهلي بدك تحرمني منهن
وسام. وانا زوجك واللي عندي قلتو ف انتي تسطفلي
طلع وسام من الغرفة وتركها عم تبكي
وراح اعطا مفاتيح المحل لأهلها وحكا معهم بنشافة وماعرفو شو السبب
رجع وسام يدور ع شغل من اول وجديد وظل اسبوع هوا وروعة علاقتهم مامنيحة وكل شوي يتخانئو بسبب نفس المشكلة
واسراء بتعرف انو كل الحكي اللي حكتو ايمان كذب وماسدئتها وعلاقتها بروعة كتير منيحة وكل مالها عم تقوى اكتر واكتر
وهاد الشي كان يزعج ايمان
ايمان تمكنت من وسام وكل يوم عم تشكيلو من روعة وسام عم يسدئها ع قد مابتشكي وبتبكي
روعة. هي صرلنا اسبوع ع هالحالة وسام زعلان مني وحارمني شوف اهلي
بس اكيد مع الايام بروق وبيعرف انو ايمان كذابة

الله لا يوفقك يا ايمان متل ماخربتي حياتي مع وسام ان شاء الله بتنخرب حياتك يارب
بعد مرور اسبوع
وسام. شو شايف علاقتك قوية ب اسراء لسا من فترة كنتي عم تحكي عليها
روعة. انا ماحكيت عليها وانا وياها متل الاخوات وللمرة المليون عم قلك ايمان كذابة
وسام. بس والله منيح اسراء رغم كل الحكي اللي قلتيه عنها لساتا منيحة معك
طلعت بنت اصل ومابتهون عليها العشرة
وليكا صابرة ومتحملة ايمان وبلشانة بأولادها وماعم تحكي شي
انتي من اول كم شهر بلشتي تشكي
روعة. يا الله ع هالنهار يعني انت عم تجاكرني
وسام. الحقيقة بتزعل ماهيك
روعة. مارح رد عليك
وسام. طبعا مارح تردي ليش مين انا لتردي عليي
روعة. لك خلصناااا بكفي والله بكفي انو ماكنت تنسى يعني والله لو كنت حاكية شي مابزعل بس كل القصة تأليف من مرت ابوك
وسام. لا ما خلصنا مرت ابوي شو عرفها انو اخدت منك حق معسل للأركيلة
روعة. واللهي مابعرف اسأل حالك بتكون انت حاكي بالغلط
او بتكون تسمعت علينا
حنان اتصلت بروعة وسألتها انو ليش ماعم تروح عليهم وانو امها اشتاقتلها وروعة حكتلها كل شي صار وحكتلها انو ماتخبر امها واخوتها بشي
بعد اسبوعين شكت روعة انها حامل وحللت بالبيت وطلعت النتيجة ايجابي فرحت كتير لأن كانت عم تستنى هاليوم
كان وسام برات البيت وكانت كتير متشوقة انها تخبرو بحملها وتشوف ردة فعلو
وصارت تفكر بأنو اكيد حياتها رح تتحسن ورح تطلع ع بيت لوحدها ورح يعمللها كل شي بدها اياه بعد مايسمع الخبر
يتبع...

وسام. انتي تساعديني هه من مصاري اهلك
روعة. هلأ هاد اللي فهمتو من كلامي
وسام. انا ماعندي
مشكلة بالطلعة وبعرف انو افضل النا وبعرف انو ايمان مانها قليلة بس انا جكر فيكي وبمرت اخوكي مارح اطلع
روعة. ليش شو دخلها حنان
وسام. مو هيي اليوم قالت لرحاب والله لنطالعها من البيت غصبا عنكم
روعة. يا الله ع هالشغلة
وسام. شو ماعجبك الحكي
روعة. شو نحنى اولاد صغار لنجاكر بعض
حنان حكت هيك لأن كانت معصبة تخيل انت انو ايمان قلعتهم من البيت بترضى هاد الشي لأهلك
وسام. لا مابرضاه بس الحق ع اهلك ليش جايين بدون موعد
روعة. هاد الناقص اذا بدهن يجو ع بنتهم بدهم موعد
وسام. اي لأن لو معي خبر انو جايين كنت ظليت بالبيت وماخليت ايمان تحكي شي
روعة. يعني واخيرا انت مسدء انو ايمان قلعتهم
وسام. اي مسدء
بعرف انو ايمان بتكبر القصص قالت انو حنان كانت بدها تضربها وانو امك بهدلتها
روعة. لك والله كذب
وسام. اي بعرف انو كذب
روعة. لكن انت ليش بتسدئها وبتوقف معها
وسام. اول شي لأن انتي كمان مانك هينة ومن لما صارت اول قصة مابقى سدئتك وتاني شي اذا ماوقفت مع ايمان ابي مارح يخليني بهالبيت
روعة. اهااا
وسام. لكن انا مجنون بدك ياني اطلع ع بيت لوحدنا ومارح يعجبك الراتب اللي باخدو ورح ترجعي تجيبي مصاري من اهلك بحجة انو الولد بدو مصروف وماعنا شي ومن هالحكي
لهيك مارح اسمح لهالشي يصير
روعة. ليش انت هيك اوقات بحسك منيح كتير واوقات بحسك بميت وجه
وسام. لا تتمادي بالحكي
روعة. لكن بتعرف انو ايمان كذابة ولساتك عم تسدئها
وسام. خلصينا سكري ع القصة
تاني يوم اتصلت ام احمد ع روعة
سلمو ع بعض وام احمد عم تبكي ع التلفون
روعة. امي والله انا منيحة كتير ومو صاير عليي شي
ام احمد. والله مبارح مانمت طول الليل وانا فكر فيكي
روعة. انا منيحة سدئيني هي ايمان بتكبر الامور
و وسام كتير منيح معي وسدئيني هوا بحبكم بس هيا اللي مابدها اياكم
ام احمد. انتي عم تكذبي مانك مبسوطة انا حاسة فيكي
يا امي اذا مو مرتاحة مانك مجبورة ع هالعيشة

حتى ولو كنتي حامل ارجعي لعنا والله لنحطك انتي وابنك بعيونا
روعة. لك امي مافي هيك شي وسام كتير منيح معي
ام احمد. لكن ليش ماعم يخليكي تيجي لعنا
روعة. بسبب مرت ابوه
يا امي فترة وبتمرق واكيد كلا كم يوم وبروق وسام وبترجع الامور طبيعي بينا
ام احمد. لك لا تحرقيلي قلبي انا ماعندي غيرك مابهون عليي شوفك زعلانة يا امي
مشااان الله اذا مو مرتاحة اتطلقي منو
روعة. انا بحبو وهوا بحبني معقول نتطلق مشان وحدة خباصة عم تحاول تفرق بينا
ام احمد. وزوجك ليش يرد عليها
روعة. وسام بيعرفها ع حقيقتها بس بتظل وراه لحتى يسدئها
ام احمد. الله يفرجها عليكي ويبعد بنت هالحرام عنك
روعة. امين يارب ظلك ادعيلي
ام احمد. قلبي معك يابنتي .. لا تطولي الغيبة علينا
روعة. ان شاء الله وانتي لا تزعلي وتضايقي حالك انا بخير ومنيحة كتير
مرق 4 اشهر ع هي الحالة
وسام مايخلي روعة تزور اهلها
وكل مايكون وسام منيح مع روعة ايمان تعمل مشكلة جديدة
اخوان روعة حكو مع وسام وتخانئو وقالو لروعة انو تروح لعندهن ولا بقى ترجع لعندهن بس هيا مارضيت
وقالت انو مافي مشاكل بينهم الا انو بيمنعها تروح ع اهلها
وانو عم يشتغل و وضعهم ماشي حالو هلأ
وامها انحرق قلبها عليها
ايمان صارت تحب اسراء وتكره روعة وحاولت تعمل مشاكل بينهم ماقدرت
بالليل بعد مارجع وسام من شغلو وكان مزعوج كتير
روعة. شبك وسام صاير معك شي بالشغل
وسام. انا تركت الشغل
روعة. عنجد بتحكي . ليش
وسام. اتهموني بالسرقة من مصاري المحل وبس عرفو اني ما الي علاقة اعتذرو مني وانا تركت الشغل
روعة. الله لا يوفقهن متل ماقطعو برزقك
وسام. شو بدي اعمل هاد اللي صار .. اي خبريني انتي شو صار معك عند الدكتورة
روعة. رح يجينا بنوتة
وسام. ههههه عنجد .. اكيد رح تطلع حلوة لأمها.. شو رح نسميها
روعة. اممم مابعرف
وسام. سميها شو مابدك
روعة. يعني لأنو بنت مابدك تسميها
وسام. لك لا شو الفرق بين الولد والبنت بس انا مابعرف بأسماء البنات يعني اذا قلتلك نسميها ع اسم امي بتوافقي
روعة. اي ليش حتى ما وافق
وسام. عنجد بتوافقي ؟
روعة. اي حلو اسم امك الله يرحمها صحيح قديم بس حلو
اذا انت حابب هالشي انا مافيني امنعك
وسام. خلص لكن رح يكون اسمها نوال
روعة. متل مابدك
وسام. متل مابدك انتي .. اذا مو حابة عادي انا مابجبرك
روعة. لك لا عادي
وسام. شو رح يصير ب ايمان بس تعرف هههههه خليها تجن
روعة. اي مابتكون توقعت هالشي منك
وسام. ههههههه
روعة. اعملك قهوة
وسام. اي ياريت
راحت روعة تعمل قهوة لوسام وبس خلصت دخلت ع الغرفة شافتو ماسك صورة امو وعم يتطلع فيها وعيونو كلها دموع
روعة. الله يرحمها
وسام. امين يارب .. ياريتها بينا .. ياريت ماتركتنا
روعة. لا اعتراض على حكم الله
وسام. ونعم بالله .. بس لو انها موجودة كانت حياتنا غير
روعة. كيف يعني
وسام. ونحنى صغار بتذكر وقت نعمل شي غلط انا و وسيم ايمان كانت تحمي ملعقة ع الغاز وكانت تحرقنا فيها
وكنا نبكي ونصرخ وماحدا يسأل عننا
روعة. يالطيف الله لا يوفقها .. طيب وابوك شو كان يعمل
وسام. ابي بيعرف ومابيحكي شي
كانت تحبسنا بالغرفة انا و وسيم من وقت يطلع ابي ع شغلو لوقت يرجع
لأنو كنا مشاغبين هيك كانت تقول
كنا نتحجج انو بدنا نروح ع الحمام لحتى تتركنا نطلع
وايام تتركنا بالبيت لوحدنا وتقفل الباب علينا وتروح ساعة وساعتين
روعة. حسبي الله ونعم الوكيل فيها
وسام. مرة كان وسيم صغير ويلعب بالكهربا وكانت طالعة وقافلة علينا وصار ماس كهربائي ولو ما الله سترو وفصلت الكهربا كان راح فيها
روعة. ياويلي كل هاد
وسام. اذا بدي احكيلك شو كانت تعمل مستحيل تسدئي
ظلت هيك معاملتها لحتى صرنا نشتغل ونطالع مصاري ونعطيها لحتى تحسنت معاملتها
حتى كنت صف رابع لما خلوني اترك المدرسة وبلش شغل .. يلا ع الحالتين انا ماكنت شاطر
وهلأ تعلمت الكتابة من التلفونات لولا هيك ماكنت بعرف اكتب اسمي
ماااافي حدا ممكن يعوض مكان الام لو مهما كان منيح
روعة. اممم
وسام. شو فتح هالموضوع هلأ .. بردت القهوة
روعة عم تبكي بدون مايحس عليها وسام
وسام. ليش عم تبكي
روعة. ماعم ببكي
وسام. اكيد عم تحكي عليي بقلبك
روعة. لا ليش
وسام. لأن مشتاقة لأمك
روعة. اي مشتاقتلها
وسام. اي جهزي حالك بكرا بكير باخدك لعندها وبنزل دور ع شغل
روعة. ماعم سدء لتكون عم تمزح
وسام. لا ماعم امزح
روعة. طيب واهلك
وسام. ما الهن دخل
روعة. هييييي لك دخيل قلبو الحنون .. بحبك والله بحبك
تاني يوم راحت روعة لعند اهلها وامها رجعتلها الحياة بعد ماشافت روعة
روعة. مو قلتلك يا امي انو وسام منيح بس اهلو هنن اللي مو مناح
ام احمد. الله يهديه يارب .. الله وحدو بيعلم شو صار بحالي بدونك
حنان. اي والله كانت كل يوم تتعب وناخدها ع الدكتور
وكل وقتها تحكي روعة وروعة
روعة. طب وليش ماخبرتوني بهالشي
حنان. حتى مانزعجك
روعة. الله يسامحك يا امي ماقلتلك ماتزعلي حالك هي انا قدامك ومو صاير عليي شي
انتي بتعرفي شو بصير فيني اذا بصير عليكي شي ليش هيك عم تعملي
في بيت وسام

ابو وسام. مين سمحلك تبعتها لعند اهلها بدون ماتخبرني
ايمان. مو قلت انو بدك تطالع اهلها من حياتنا
وسام. صرلها اكتر من 3 شهور ماشافتهن شو بدك احرمها منهن
ابو وسام. طب ع الاقل خبرني انا ماني رجل كرسي بهالبيت
وسام. انت الكل بالكل بس هي مرتي وانا حر بطالعها ايمتى مابدي
ماحدا بحقلو يتدخل
ايمان. لك انت كل يوم بوجه لسا من يومين كنت صافف معي
وكنت تسمع كل شي بقلك ياه ابوك
وسام. اي هاد الحكي من يومين
ايمان. بالله شو يعني نحنى بدنا نمشي ع مزاجك
ياحوينة الترباية فيك بس
وسام. لك انتي مين اصلا
ايمان. هلأ هيك صار الحكي .. انت ما الك امان ومين ماوثق فيك بتغدر فيه
وسام. هههههه اي هي نتيجة تربايتك
ايمان. ماشي يا وسام بيجي يوم وبتحتاجني
روعة فكرت انو ايمتى مابدها فيها تروح عند اهلها بس وسام ماقبل وقاللها هي اتطمنتي ع اهلك وشافوكي وشفتيهن
بس مابقى في روحة الا حتى انا قرر
روعة ماحكت شي و وافقت
مرقت فترة حمل روعة وصارت بشهرا الأخير
وكل هي الفترة كانت حياتها مشاكل مع ايمان وابو وسام
حتى علاقتها بوسام يوم منيحة ويوم لا
بس هلأ صار منيح معها لانو رح تولد وبعتها مرة تانية لعند اهلها وخلاها يومين عندهم
وايمان عملتلو مشكلة لانو بعتها مارد عليها وطنشها
لهيك بس رجعت روعة من عند اهلها دبرتلها ايمان قصة واتهمتها بالسرقة وسام وقف مع روعة وماتركها و وقف ايمان عند حدها
روعة ضبت اغراضها وبدها تروح لعند بيت اهلها بس وسام ماخلاها
روعة. وسام اتركني بدي روح
وسام. روعة طولي بالك
هيك بدك تروحي وتتركيني
روعة. انا مافيني اتحمل اكتر من هيك وصلت معها انو تتهمني بالسرقة
وسام. طيب شو بدك منها انا معك ومسدئك
روعة. انت اللي وصلتنا لهون وسمحتلها تتمادى وتتهمني هيك اتهام
وسام. لا انا ماعملت هيك
انا كنت اسكت عن اللي بتعملو لأن مو قدرتي استأجر بيت النا
روعة. لكن بس يتحسن وضعك وتأمن بيت نسكن فيه بتلاقيني ببيت اهلي
وسام. هلأ هيك يعني بدك تحرميني من بنتي قبل ماتجي بكم يوم
روعة. انت هيك بدك
وسام. انا بدي تبقي معي وجنبي وماتبعدي عني بسبب ايمان
روعة. وسام بعد من طريقي بدي روح لعند اهلي يعني بدي روح
وسام. لا مافي تروحي .. اصلا نوال مو راضية بدها تبقى جنب ابوها .. مو هيك يا بابا .. قولي لماما ماتبعد عني
روعة. هههههه عم تحاكيها ولسا ما اجت
وسام. واخيرا روقتي
روعة. انا مابدي اتركك انا بحبك بس انا تعبت والله تعبت من اول حملي وانا كل يوم بمشكلة وكل يوم بخنائة واللي قاهرني انو انت السبب انت اللي بتسمحلهن يعملو فيني هيك
وانت ساكت مابتحكي شي
والله لو مابحبك مابقعد عندك دقيقة وماكنت انجبرت اتحمل هيك عيشة كلا مشاكل
وسام. وانا بحبك بس معليش بدنا نتحمل
روعة. ليش شو ظل شي ماتحملتو انا
بعدتني عن اهلي
حرمتني من شوفة امي
حرمتني الطلعة والفوتة
لك استكثرت عليي بيت نعيش فيه لوحدنا
وسام. طيب شو طالع بأيدي ليش فكرك انا مابحبك تكوني مبسوطة ومرتاحة
روعة. لك المشكلة انو قلبي طيب ومافيني ازعل منك شو ماتكون عاملي بس اسمع كلمة حلوة منك بنسى كل شي .. وسام انا بعرف انك شخص منيح وقلبك طيب ومن جواتك نضيف كتير بس مشكلتك انك بتسمع لكلام الناس
وهاد الشي اللي مدمر عيشتنا
وسام. طيب بوعدك من اليوم رح اتغير وحاول صير شخص تاني وكون متل مابدك
روعة. بدي تبقى متل ما انت بس لا تسمع كلام ايمان ولا تسمحلها تفرق بينا
وسام. تكرم عينك .. وشو غير هيك
روعة. بدي تخليني روح لعند اهلي ايمتى مابدي
وسام. كمان تكرم عينك .. وشو كمان
روعة. نطلع ع بيت لوحدنا
وسام. هي لأ ما الي قدرة عليها بلكي مع الايام بس يتحسن وضعي
روعة. طيب ان شاء الله
وسام. احكي مع امك خليها تجي تزورنا
روعة. لا هلأ مابدي خليها حتى اولد
مابدي تجي هلأ وايمان تسمعها حكي مو منيح
وسام. متل مابدك
بعد اسبوع ولدت روعة وجابت بنت وسمتها نوال ع اسم امو لوسام
وسام فرح كتير فيها
اول يوم اجت امها لروعة وطول النهار ايمان تسمعها حكي بس حاولت تتحملها مشان بنتها
بالليل وسام عم يحاكي بنتو
وسام. بنتي الحلوة .. لك يسعدها القمر .. ياويلي ما احلاها حبيبة قلبو لبابا
تسلميلي شو طالعة حلوة لأمك
ام احمد بس سمعت حكي وسام عرفت انو عنجد بحب روعة وانو اهلو هني السبب بمشاكلهم
ايمان. شو رح نستفيد من جمالها اذا كانت اخلاقها وتصرفاتها وتربايتها متل امها
وسام. لك نيالها اذا طلع كل شي فيها لأمها بعدين انتي عرفي ربي اولادك بالأول بعدين احكي
ايمان. هه يعني هلأ المفروض نقول القردة بعين ابوها غزال هههههه
وسام بمسخرة. هههه بايخة
تاني يوم بلشو الضيوف يجو ليباركولهم
و وسام ماكان ع بعضو لأن ماكان معو ولا ليرة وماعرف شو يعمل كان محتاج مصاري
روعة عرفت هالشي وراحت تحكي معو
روعة. وسام انا بعرف شو اللي شاغل بالك هلأ
وسام. عن شو بتحكي
روعة. انت محتاج مصاري ماهيك
وسام. لا
روعة. وسام اتفقنا مانخبي عن بعض شي
وسام. اي بحاجة مصاري بدي شوف بلكي بلاقي حدا يديني
روعة. طيب بتقبل تدينهن مني

وسام. شو عم تحكي انتي .. مستحيل
روعة. ليش مستحيل .. انا رح دينك ياهن وبس يصير معك بترجعلي ياهن
وسام. روعة خلص
روعة. لا يا سيدي وهي 20 الف وبدك تاخدهن غصبا عنك
وسام. لا يااا .. غصبا عني
روعة. اي لأن انا مرتك ومافي بيني وبينك فرق
احسن ماتدينهن من الغريب ويجي يطالبك فيهم
وسام. معليش انا بدبر حالي
روعة. كرمال بنتنا تاخدهن مني وبوعدك ماحدا يعرف لا اهلي ولا اهلك
وسام. طيب رح اخدهن لفترة وبرجعهن
روعة. اي متل مابدك
مرقت فترة ولادة روعة وصار عمر نوال 3 شهور
وكانت هي كل حياتهم بحبوها كتير وقت يكونو متضايقين يتطلعو فيها وينسو كل همومهم
وضع البلد صار سيئ جدا والناس بلشت تطلع من بيوتها شي بسبب القصف وشي بسبب الغلا
ومافي شغل والناس مابترحم
علاقة روعة بأهلها كتير منيحة
و وسام بطل يقعد بالبيت اغلب وقتو مع اخواتها لروعة ومع رفقاتو
وايمان متل ماهيي مابتتغير ظالمة وحقودة ومابتخاف الله
ومن يوم ولدت روعة ماشالت البنت ولا مرة ولا باستها وبتكرها ع كره امها
وبس تبكي البنت وتكون امها عم تشتغل بتظل تدعي عليها
وما بتخلي حدا من اولادها يقرب عليها بتقوللهم البنت مو نضيفة وبتقرف لحتى صارو يكرهوها
وقت ماتكون روعة موجودة جنبها كانو يقرصوها او يضربوها لحتى تبكي
مشان يخلو امها تتلبك ويلها الشغل و ويلها البنت اللي عم تبكي
وهيك ع هالحالة لحد مابيوم كانت روعة عم تتصل بوسام وتلفونو مسكر والو يومين مو موجود بالبيت
روعة. اف ياه لك وينو هاد صرلو يومين مو مبين وتلفونو مسكر
والبنت مرضانة حرارتها مرتفعة وماعم تسكت بدنا ناخدها ع الدكتور
شو اعمل ياربي
ايمان عم تنادي لروعة.. روعة .. لك ياروعة
روعة. عم تناديني
ايمان. اي اطلعي اشطفي البرندا جايي علينا ناس هلأ
روعة. قولي لأسراء لأن والله نوال حرارتها مرتفعة ومابعرف شبها ماعم تسكت
ايمان. لك خلصيني رح يوصلو لضيوف .. اسراء عم تغسل مو فاضية
روعة. طيب خلي نوال جنبك
ايمان. خليها بغرفتك مو ناقصني تصرعني هلأ من غير شي رأسي عم يوجعني
روعة. بس خمس دقايق مابطول
طلعت روعة تشطف البرندا وخلت نوال عند ايمان
وكانت عم تبكي
ايمان ماتحملت البنت وحاولت تسكتها مارضيت
ايمان. خلص لك خلص صرعتيني .. لك ياروعة تعي سكتي بنتك
لك اسكتي الله ياخدك .. الله ياخدك ويريحنا من هالصوت طالعة لأمك فاجرة
دخلت روعة وسمعتا وهي عم تدعي ع البنت
روعة. لك انتي مافي بقلبك رحمة مابتخافي الله .. كيف بتدعي هيك ع البنت .. لك انتي مالك ام مابتحسي
لك البنت موجوعة وانتي عم تدعي عليها
ايمان. بنتك صرعت الحارة كلها بصوتها
روعة. حسبي الله ونعم الوكيل فيكي

ايمان. لكن الله ياخدك انتي وياها فوق ماعم نعمل منيح معك وعم نحاول
نسكتها
روعة. الله لا يسامحك ماعم سدء انو عم تدعي ع طفلة عمرها كم شهر
لك كيف بطاوعك قلبك
بس ماشي الحال عند الله مابضيع شي
ايمان. حاج تمثلي دور المظلومة والام المثالية
رن تلفون روعة اخدت البنت وراحت لترد
كان وسام عم يتصل
روعة. لك وينك انت وين نمت مبارح انشغل بالي عليك
وسام. كنت مع اخواتك ونمت ببيت اهلك
ماكان معي شحن حتى اتصل فيكي
روعة. وهلأ انت معهن
وسام. لا
روعة. طيب اسمعني وسام مرت ابوك عم تدعي ع بنتي وانا مارح اقعد ولا دقيقة بالبيت
هلأ رح ضب اغراضي وروح ع بيت اهلي
وخلي هالبيت لمرت ابوك
وسام. ليش شو صاير
روعة. عم قلك عم تدعي ع بنتي
والله حرقتلي قلبي
وسام. طيب اسمعيني منيح شو رح قلك
بتضبي اغراضك وهويتك ودفتر العائلة وكل شي اوراق عنا ورح ابعت اخوكي يجي ياخدك
اهلك بدهم يطلعو ع الاردن وانتي بتروحي معهم
روعة. عنجد ايمتى وليش
وسام. مانك شايفة الاوضاع كيف.. اليوم بالليل طالعين
روعة. طب كيف كانو رح يطلعو بدون مايخبروني
وسام. ما انا اتصلت حتى خبرك
مبارح حكيت مع امك ورح تروحي معهن
روعة. وانت ؟
وسام. انا بلحقك
روعة. ايمتى
وسام. كم يوم بس حتى شوف اهلي وبلكي بقنع وسيم يطلع معي
خلص انتي اطلعي ومايهمك شي واصحك تخبري ايمان بشي عأساس انك رايحة زيارة ع بيت اهلك
روعة. طيب هيك بدون ماشوفك
وسام. عم قلك يومين وبلحقك
روعة. طيب .. بدي قلك انو نوال حرارتها مرتفعة وبدنا ناخدها ع الدكتور
وسام. هلأ روحي مع اخوكي عالدكتور وطمنيني عنها وانا اذا صحلي بمرق بشوفكن قبل ماتطلعو ع الاردن
روعة. خلينا نطلع سوا الله يخليك
وسام. لك شو هلأ وشو بعد يومين لا تخافي رح الحقك
روعة. تمام
وسام. يلا سلام
روعة. الله معك
بنفس اليوم بالليل جهزو حالهن اهل روعة
امها وحنان واحمد اخوها وابوها كانو طالعين ع الاردن
اما اخوتها التانيين بدهم يلحقوهم بعد يومين مع وسام وبدهن يظلو طالعين ع الكويت لعند ابراهيم
راح وسام لعند روعة وشافها قبل ماتطلع
وسام. انتبهي ع البنت منيح
روعة. بعيوني
وسام. كيف صارت هلأ اتحسنت ؟
روعة. اي الحمدلله منيحة
وسام. ايه توصلو بالسلامة
روعة. وسااام
وسام. عيونو
روعة. يومين مو اكتر مو بكرا ايمان تقلبلك عقلك
وسام. ههههه لا اتطمني اصلا انا لهيك مارح روح ع البيت الا وقت بدي خبرهم
ورح اتفق مع اخي وسيم ونلحقكم كلنا سوا
روعة. ههههه يعني بتعرف حالك انك بترد عليها وبتسمع كلامها
وسام. هههههه
ودعو بعض وروعة كانت فرحانة كتير لأن رح تبلش حياة جديدة ببلد امن بدون خوف بدون مشاكل
مع زوجها وبنتها واهلها ومع سلفتها اللي بتحبها
وسام كمان كان مبسوط ومو سائل ع شي بس بدو انو ياخد وسيم معو حتى يبقى بجنبو ويبقو مع بعض
مرق اول يوم والتاني و وسام حكا مع وسيم واقنعو واتفقو انو تاني يوم يطلعو مع اخواتها لروعة
روعة وصلت ع الاردن وطلعو فورا من المخيم واخوها احمد استأجر بيتين جنب بعض بيت الهم وبيت لروعة وتاني يوم فرشوهم وظل عليهم كم غرض
حكت روعة مع وسام وطمنتو عليهم وحكالها انو بكرا هني طالعين
يتبع...

وايمان استغلت هالفرصة لتنتقم من روعة وصورت ابو وسام وبعثت الصور لوسام ع الواتس
جن وسام بس شاف الصور واتصل فيها
وسام. طمنيني كيفو ابي .. شو صاير معو .. هوا بخير هلأ
ايمان. لا والله يا وسام ابوك تعبان كتير وحالتو خطرة وهوا بحاجتكم هلأ
وسام. لا حول ولا قوة الا بالله .. طيب بقدر احكي معو
ايمان. لا عم قلك لا بيحكي ولا بياكل هوا بحاجتكم تكونو جنبو
يا وسام لا تتركو ابوكم
وسام. طيب شو اعمل شو طالع بأيدي
ايمان. مابعرف انا هون لوحدي والاولاد لحالهم بالبيت
ومابقدر اتركهم اكتر من هيك
واذا رجعت لعندهم ابوك رح يبقى بالمشفى لحالو ومابنعرف شو بصير عليه
وسام. طيب خليكي جنبو وخلي حدا من قرايبك يروح يقعد مع الاولاد
ايمان. ليش في حدا لحدا بهالأيام
وسام. يا الله كيف هيك صار لسا اول مبارح حكيت معو وماكان فيه شي ويضحك
ايمان. اي والله تعب فجأة والدكاترة عم يقولو وضعو مابطمن .. انت مانك ناوي ترجع تطمن عليه بلكي لا سمح الله صار عليه شي وقتا رح تعض اصابعك ندم انك ماشفتو
وسام. لا تحكي هيك ان شاء الله مابصير عليه شي
ايمان. ان شاء الله
وسام. طيب هلأ رح سكر لشوف احكي مع شي حدا بسوريا يجي لعندك
ايمان. اي بأسرع وقت يا وسام لان ابوك وضعو صعب
وسام. طيب يلا سلام
ايمان. مع السلامة
ابو وسام. ليش هيك خوفتيه وانا مافيني شي
ايمان. كيف مافيك شي لكن ليش نحنى بالمشفى
ابو وسام. يعني ماتعودتي عليي كل كم شهر بتعب وبجي عالمشفى وبرجع بطلع مابصير عليي شي
ايمان. اي واذا كان اولادك لازم يكونو جنبك
ابو وسام. لك هلأ بكون انشغل بالو اتصلي فيه قوليلو الحقيقة
ايمان. مارح اتصل وانت مادخلك
خليهم يرجعو ويشوفو حالتنا كيف
تركونا وطلعو وماسألو ع حدا
ما سألو حالهن كيف عايشين من وين عم ناكل ونشرب
ابو وسام. ليش اذا رجعو شو رح يفيدوكي
ايمان. ع الاقل هون بعيشو متلنا مو احسن منا
ابو وسام. مابعرف كيف انتي بتفكري
ايمان. انت خليك بحالك وماتتدخل
ابو وسام. شو قال الدكتور عن وضعي
ايمان. مستقر حاليا
وسام رجع ع البيت وشاف وسيم
وسام. حكيت مع ايمان وابي هلأ بالمشفى بعتتلي صور
بتقول وضعو مو منيح ابدا
ومامعها حدا هنيك
وسيم. عنجد بتحكي
وسام. اي والله من لما خبرتني متربطة ايديي ومو عارف شو اعمل
وسيم. طيب حكيت معو
وسام. عم قلك مابيقدر يحكي يعني مو متل كل مرة بيتعب شوي هي المرة كتير وضعو خطر
مو عارف شو اعمل .. شو رأيك انت ؟
وسيم. مابعرف .. كتير زعجتني بهالخبر
روعة. سلامتو ان شاء الله
طولو بالكم يمكن تكون ايمان عم تبالغ
وسام. لا مو معقول تكذب بهيك شي
لانو ابي دائما بيتعب بس هي المرة عم تقول انو غير
روعة. طيب شو بدكن تعملو
وسام. عم تقول انو مابتقدر تظل معو لانو اولادها بالبيت لوحدهم والوضع هنيك مو منيح مافيها تتركهم
وسيم. شو رح نعمل
وسام. انا رح ارجع ع سوريا
روعة. شووو انت شو عم تحكي
وسام. اسبوع بس لحتى يتحسن ابي
روعة. انت مفكر الرجعة بهالسهولة
وسام. كل الناس عم تروح وتجي
روعة. بس انت مادخلت نظامي
وسيم. هاد مو حل انك ترجع .. استنى كم يوم يمكن يتحسن
وسام. مافيني اذا صار عليه شي مارح نسامح حالنا
هيك ع الاقل واحد منا بكون عندو
وسيم. يعني خلص اخدت قرارك
وسام. اي ان شاء الله
روعة. مافيك تاخد هيك قرار لوحدك
وسام. ومافيني اترك ابي لوحدو بالمشفى
روعة. طيب وانا ونوال شو رح يصير فينا
وسام. كلها كم يوم وبرجع
انتي بتظلي هون
وسيم. لكن اذا هيك انا رح روح معك كمان
وسام. مافي داعي برجع لوحدي
وسيم. هوا ابي متل مانو ابوك
ومتل ماقلت بخاف يصير عليه شي وماشوفو
اسراء. طب وانا
وسيم. ارجعي معي اذا بدك
اسبوع وبنرجع
اسراء. لا مابدي
وسيم. لكن بتبقي هون مع روعة
روعة. يعني مارح تغيرو رأيكم
وسام. والله مارح نطول لا تخافي
اسراء. خلص وسيم انا رح ارجع معكم كمان
وسام. لك ياجماعة مافي داعي انتو لتنين ترجعو خلص بكفي انا
وسيم. كلو اسبوع بنروح بنتطمن ع ابي وبنشوفو وبنرجع مارح يصير شي
وسام. طيب انتي يا اسراء خليكي هون مع روعة
وين بدك تاخدي الاولاد ولساتهن صغار بلبكونا
اسراء. لا عادي مو مشكلة متل ماقال وسيم زيارة وراجعين
وسام. طيب ان شاء الله خير
خلينا لكن بكرا نسجل ع الرجعة
وسيم. ماشي
احمد اخو روعة قاللهم انو بينقللهم ابوهم ع مشفى منيحة وهنيك بخلي الممرضين حوليه ويهتمو فيه
احسن مايرجعو
بس وسام كان ماخد قرارو انو يرجع
جهزو حالهم للرجعة وما اخدو شي معهم الا الأثباتات
وسام. نوال حبيبة بابا رح اشتقلك ولا تعزبي ماما .. بدك تشتاقيلي .. بموووت عليكي
لك يا الله ما احلى البنات
روعة. انتبه ع حالك
وسام. وانتي انتبهي ع حالك وع اللي ببطنك
روعة. ماتطول
وسام. بدك شي جبلك ياه معي بس ارجع
روعة. لا سلامتك مابدي شي
اسراء. روعة بدك شي
روعة. لا الله معك وانتبهي ع حالك
سلمو ع بعض
ورجعو وسام واسراء و وسيم ع سوريا
وكانو ع تواصل مع ايمان وخبروها انو راجعين
وهي فكرت انو روعة معهم
وانبسطت كتير انو صار اللي بدها ياه ورجعتهم
وصلو ع سوريا وراحو ع بيتهم

اسراء دخلت ع غرفتها وشافت اغراضها كانت كتير مشتاقيتلها
وصارت تتفتل بالبيت وتتذكر الظلم اللي كانت تظلمها ياه ايمان
وانو وين كانت وين صارت
اسراء. حسبي الله ونعم الوكيل احسن شي
وسيم. ظل مع اسراء بالبيت عند اخوتو الصغار
و وسام طلع ع الشام ع المشفى لعند ابوه
وصل وشافو بخير وبيحكي وبصحة منيحة سلم عليه و ع ايمان
وسام. الف الحمدلله انك بخير ومنيح
الف الحمدلله ع سلامتك ياغالي والله متنا من خوفنا عليك
ابو وسام. انا منيح ليش رجعت
وسام. شو ليش رجعت بعد ماخبرتني ايمان انك تعبان ماقدرت ظل هنيك ولا دقيقة
و وسيم واسراء كمان رجعو معي
وروعة بتسلم عليك كتير
ايمان. كيف يعني .. روعة مارجعت
وسام. لا ظلت هنيك مابتقدر تجي لأن حامل وتعب عليها
ابو وسام. اي منيح الله يرضا عليكم
وسام. انا بدي روح شوف الدكتور واتطمن عنك
ايمان. وسام انا بشوف الدكتور انت روح جيب هدول الادوية من الصيدلية انا مامعي مصاري
وسام. اي بس بالاول بدي روح اتطمن من الدكتور وبعدين ارجع
ايمان. لك خلص روح انا بطمنك
وسام. طيب
ايمان ماخلت وسام يشوف الدكتور حتى مايعرف انو ابوه من الاول كانت صحتو منيحة و وضعو مستقر ومابخوف
بعد ماراح وسام ع الصيدلية
راحت ايمان لعند الدكتور وحكت معو مشان تطالع ابو وسام من المشفى
والدكتور قال انو بيقدرو يطالعوه وانو ضروري يراجع الدكتور بعد شهر ليتطمن اكتر ويتأكد انو منيح
بس رجع وسام لقا ايمان مجهزة كل الاوراق حتى يطالعو ابوه من المشفى
ايمان. باين انو مانك مبسوط انو رح يطالعوه
وسام. لا بالعكس بس انو خليه بالمشفى لنتطمن عنو
ايمان. الدكتور حكالي انو هلأ منيح بس بعد شهر ضروري يراجعو
وسام. اي منيح الحمدلله
وصلو ع البيت
واسراء وسيم سلمو ع ايمان و ع ابو وسام
اتصل وسام ع روعة وطمنها انهم بخير
وروعة حكت مع ابو وسام وسلمت عليه
ايمان. انو بس بدي افهم روعة ليش مارجعت معكم ليش لتبقى هنيك
وسام. مافي داعي لرجعتها حملها صعب كتير
ونحنى رجعنا ع اساس اسبوع
بس هلأ رح نبقى شهر هون لنتطمن ع ابي بس يروح مراجعة ع الدكتور وبعدين بنرجع
ومن هون لوقتا بكون اقنعتو انو تروحو معنا
ايمان. اهاا يعني ناويين ترجعو
وسام. هلأ رح نبقى شهر .. شو رأيك وسيم .. اذا بدك ارجع انت ومرتك وانا ببقى هون
وسيم. لا كلها شهر بنبقى سوا
وسام. طيب
بالليل اتصل وسام بروعة وخبرها انو بدو يبقى شهر
زعلت كتير
روعة. شهر كتير انت وعدتني اسبوع وترجع
وسام. يعني شو اعمل هيك صار
روعة. بس انا رح اشتقلك كتير
ونوال كمان
وسام. وانا كمان من هلأ اشتقتلكم بس شو طالع بأيدي
روعة. هي اول مرة رح نبعد عن بعض كل هالفترة
وسام. يلا كلو شهر وبيمرق
روعة. شو ناوي تعمل هلأ
وسام. والله مابعرف حاسس حالي وحيد وحاسس بخنقة
قاعد هلأ بغرفتنا وعم اتذكرك واتذكر نوال
ياريتكن معي
روعة. ماتحكي هيك رح تبكيني
وسام. لو ماكنتي حامل كنت جبتك معي حتى ماتبعدي عني
روعة. وانا لو اعرف بدك تبقى شهر كنت رحت معك
وسام. يلا شو نعمل نصيب .. بكرا رح روح شوف صحابي وافتل بالمدينة
روعة. اي بتتسلى
وسام. طيب حبيبتي تصبحي ع خير هلأ لأن انا كتير تعبااان
روعة. وانت بخير .. بحبك
وسام. وانا بحبك .. الله معك
مرق اسبوعين و وسام كتير كان مشتاق لروعة ونوال ومو عارف يقعد بدونهن
بس قرب موعد رجعتو فتح مع ابوه الموضوع وقلو انو يطلع معهم ع الاردن لكن ابوه رافض الفكرة نهائيا وماقبل
ابو وسام. انا بعرف انك مشتاق لمرتك وابنك ومو عارف تقعد بدونهم
لهيك خلص روح شو عم تستنى
وسام. مارح روح قبل ما اتطمن عليك كل اللي ظل اسبوع
ابو وسام. يا ابني انا منيح ومن الاساس مافيني شي بس ايمان ضخمت القصة مشان ترجعو
لانها مافيها تشوفكم مبسوطين وماتعمللكم مشاكل
وسام. انت عم تحكي عنها !!
ابو وسام. اي لأن طول فترة غيابكم لك صرعتني ماخلتني اعرف عيش ومرضي كلو بسببها ع قد ما بتنق ع راسي
مابيمرق يوم ومابتجيب سيرتكم ع انو اولادك مابيسألو عنك اولادك مابحبوك
اولادك تركوك وراحو .. لهيك يا ابني روح لا تظلك تستنى ع الفاضي انا ماكان فيني شي يعني متل كل مرة بتعب يومين وبرجع منيح
وايمان عملت هيك قصدا مشان روعة ترجع بس ماصار متل مابدها
وسام. مابعرف شو بتستفيد لما بتعمل هيك.. بس ع كل حال كسبنا شوفتك
ابو وسام. الله يهديها
وسام. ع كل حال ظل اسبوع بتطمن عليك وبنرجع
ابو وسام. متل مابدك
في الاردن
روعة. يا امي والله كتير تعبانة ماعم بقدر شيل كاسة مي
والله لما حملت بنوال ماصار معي شي
ليش هيك
كتير موجوعة
ام احمد. طولي بالك يا بنتي ان شاء الله بتقومي بالسلامة
الحمدلله الدكتورة طمنتنا عنك وقالت انو لازم تظلك مرتاحة
روعة. بس مطولة كيف رح اتحمل كل هالوقت
ام احمد. فكري بأبنك الي جايي بتنسي وجعك ظل اقل من 3 شهور وبيجي ع الدنيا
وبتشيليه بحضنك وبتلاعبيه
روعة. هلأ انتي اتعزبتي فيني وبأخواني هيك
ام احمد. بأخوانك ماتعزبت ابدا
بس انتي عزبتيني كتير لما كنتي صغيرة عمرك يادوب شهرين كنتي دائما تبكي وماتسكتي لا ليل ولا نهار

تعي شوفي حالتي هون
الكل عايش ومبسوط الا انا
لك والله اشتقتلكن .. معقول انتي ما اشتقتيلي
روعة. الله وحدو بيعلم اديش اشتقتلك .. بس انت بترضى يصير ع ابنا شي بس مشان ماتصبر هالشهرين
وسام. اليوم عم يمر عليي كأنو سنة الوقت ماعم يمشي
عم بقعد بالغرفة دقيقتين بختنق فورا بطلع منها
عم بشوف العاب نوال بمسكهن وبتذكرها
يا الله اديش اشتقتلها وحابب شوفها
مابدي بنتي تكبر ولا يوم وهي بعيدة عني
روعة. ياعمري انت ياريت ما رجعت
وسام. نصيبي
روعة. هلأ ببعتلك صور نوال وببعتلك مقاطع فيديو الها
وسام. اي ياريت
روعة. طيب هلأ شو مشاني
وسام. خلص خليكي بس بعد ما تولدي بأسبوعين بترجعي
روعة. اكيد ان شاء الله
سكرت روعة وبعتتلو صور نوال صار يشوفهن ودمعو عيونو
ابوه شافو وزعل عليه
ابو وسام. شو صار مع مرتك بدها ترجع
وسام. هلأ مابتقدر لبعد ماتولد
ايمان. بس حرام عليها هالشي ليش هيا انانية بدها تبقى عند اهلها وانت هون محروم من شوفة بنتك
وحتى ابنك رح تكون بعيد عنو
وسام. هني شهرين وبيمرقو
ايمان. ليش ما يجيبها اخوها
وسام. مابيقبل
ايمان. ليش جربت
وسام. لا
ايمان. لك بهالشهرين يمكن نوال تنساك وتتعلق بخالها اكتر منك
وسام......
ايمان. لا تزعل مني بس انا عم بحكي مشانك خلص خليها ترجع واستقرو هون
وسام. ان شاء الله
ايمان. بنتك بلشت تحكي
وسام. بتقول ماما وبابا ههههه
ايمان. ورجيني صورها .. ياعمري شو حلوة لك دخيل قلبها .. كيف قادر تصبر وهي بعيدة عنك
وسام. رح بحكي مع اخوها وبشوف شو بصير معي
ايمان. اي اصر عليها خليها ترجع
شو يعني ماحدا جاب اولاد غيرها
هي اسراء جابت ولدين وكانت وهي حامل تشتغل كل شغل البيت وتغسل سجاد وبلشانة بالعيلة كلها
بس روعة عم تضحك عليك عم تتحجج بحملها مشان ماترجع بدها تبقى عند اهلها
وسام. لا من لما كنت هنيك كانت تتعب وماكانت تقدر تهتم بنوال كانت تبعتها لعند حنان تهتم فيها
ايمان. ايواا لكن بكرا بتصير تقول لخالها احمد بابا
وسام ترك ايمان ودخل ع الغرفة واتصل بروعة
وسام. روعة اسمعيني منيح من هون لأسبوع بدك تكوني هون
كيف مابعرف المهم بدي ترجعي
روعة. شو صرلك مو حكينا وقلتلي عادي ابقى هون
وسام. لا مو عادي بكرا بس يجي الولد بتصيري تقولي لحتى يكبر شوي
روعة. لك مو انا وعدتك انو بعد ما اولد بأسبوعين ارجع
وسام. وانا مابدي بدي ترجعي هلأ بأقرب وقت
خلي احمد يجيبك اذا خايفة ع حالك
روعة. اهاا ما اشطرك واحمد كيف بدو يرجع لهون
وسام. لا تجننيني لكن بترجعي لوحدك
شو انتي الوحيدة بهالدنيا اللي حامل
شو رح يصير عليكي يعني
روعة. امانة مو ايمان هي اللي اقنعتك بهاد الحكي
وسام. لا مادخلها انا مالي قادر عيش بدونكم
روعة. وانا مارح ارجع لحتى اولد
وسام. هاد اخر كلام عندك
روعة. اي اخر كلام
وسام. ماشي ياروعة لكن كنتي تضحكي عليي مشان تبقي عند اهلك
روعة. لا اله الا الله لك والله مو هيك
وسام. الاسبوع الجايي بتكوني هون عم تقهمي
روعة. لااا واللي بطلع بأيدك اعملو
وسكرت الخط
ام احمد. يعني زوجك كل دقيقة بعقل
روعة. كلو من ايمان هيا عم تعبي برأسو علي
ام احمد. لا تظلميها بلكي مو هيا
يمكن عنجد مو قادر يقعد بدونكن
روعة. بعرف هالشي بس هيا عم تزودها عليه
وانا ماعم بظلمها لأن طريقة حكيو كأنها هيا اللي عم بتحاكيني
ام احمد. قلت لأخوكي اني ارجع انا وابوكي وانتي بس مارضي قال اذا رجعنا رح يرجع معنا
والاولاد صارو يبكو مابدهم يرجعو
بخاف اذا رجعنا وصار عليهم شي تكون خطيتهم برقبتنا
روعة. مو عارفة شو اعمل
ام احمد. الله يصلحو زوجك لو يستنى كم شهر لحتى تولدي ويكبر الصبي شوي وبعدين بترجعي
روعة. مو راضي تخانئنا وسكرت الخط بوجهو
مفكرني عم اضحك عليه قال شو مافي غيرك بالدنيا حامل
ام احمد. هلأ اتركيه فترة وبس يروق احكي معو واقنعيه
روعة. ماشي
مرق شهر وهني ع هالحالة كل يوم بيتصل وسام عشر مرات بدو ياها ترجع
وايمان عم تقنعو انو روعة عم تضحك عليه
روعة صارت بشهرها وسام بدو ياها ترجع قبل ماتولد ومو طالع بأيدو يعمل شي
روعة. لك مليييت واللهي مليت
ليش هيك عم يعمل معي كل يوم خنائة ع التلفون انو ماكان يمل ويقتنع انو مارح ارجع هلأ
حنان. طولي بالك عليه وحطي حالك مكانو
روعة. لك انا شو ذنبي انا قلتلو يرجع ويظل شهر هنيك
لك لو بعرف هيك كنت رجعت معو وماصار فيني اللي عم بصير
لك جنني كل دقيقة بيتصل ماكان يمل
حنان. معليش حبيبتي فترة قصيرة وبتمرق اتحملي تلفوناتو حتى لو عصب عليكي اتحمليه وحاكيه بالمنيح لا تخلي ايمان تلعب بعقلو وتقلبو عليكي
روعة. هه ما كل هاد بسبب ايمان
في بيت وسام
ايمان. يخربيتها لروعة شو طلعت قوية وماحدا بيقدرلها
لك اصبر كم يوم والله مابقى اصلا ترد ع تلفوناتك
وسام. رح اصبر وشوف اخرتها معها

روعة سمعت صوت محمد يبكي
شالتو حنان وكانت بدها تعطيه لروعة بس روعة ماقبلت تشيلو من خوفها عليه وصارت تبكي
سكتتها حنان وحاولت تهديها
روعة. وين نوال
حنان. نامت من شوي
رن تلفون روعة وكان المتصل وسام
حنان. بدك تخبريه
روعة. مابعرف
ردت ع التلفون وحكت معو
وسام. كيفك روعة
روعة. الحمدلله انت كيفك
وسام. منيح كتير .. كيف الاولاد
روعة. بخير الحمدلله
وسام. بلشت دور ع بيت مشان استأجرو .. ماقلتيلي ايا يوم بالزبط راجعة
روعة. هلأ هي الفترة ماني راجعة
وسام. روعة لا تجننيني هي عمر محمد صار شهر لأيمتى بدي استنى يعني
روعة. يا وسام افهم عليي انا تعبانة مافيني ارجع
والله هلأ اجينا من عند الدكتور
وسام. سلامتك شو مرضك
روعة. مابعرف
وسام. لك انتي عم تضحكي عليي كل يوم عم تطالعي حجة شكل وبعدين يعني
لأيمتى بدي ظل استنى
انتي عم تتهربي وعم تتحججي بالمرض
روعة. والله بشو احلفلك اني مرضانة
وسام. اي هون بتتعالجي اذا كنتي مرضانة
روعة. لك اي بس كيف بدي ارجع مع الاولاد مافيني والله مابقدر
وسام. اسمعي روعة بكرا بتروحي بتسجلي ع الرجعة وبعد بكرا بترجعي فهمانة
روعة. قلتلك لا بدي اقل شي شهر حتى اتعالج
وسام. لك تتعالجي من شو
لسا كل الوقت تعبانة ومرضانة
وكل هاد مشان تبقي عند اهلك
وانا مانك سائلة عليي
ابني صار عمرو شهر ولسا ماشفتو وبنتي مابسمع صوتها ولا بشوفها الا حتى تحني عليي وتبعثيلي صورها
روعة. طيب وسام بعدين بنحكي عنجد تعبانة باي
وسام. اي الله معك لشوف شو اخرتها
ايمان. شو قالتلك
وسام. مابدها ترجع عم تقول مرضانة وبدها شهر حتى تتعالج
ايمان. وانت سدئت طبعا
لك شو هوا المرض اللي بدو شهر علاج
هي اذا كان في مرض من الاساس
ليش عم تعطيها وجه حطلها حد
لانو سدئني اذا ظليت هيك اولادك بحياتك مارح تشوفهم
وسام. رح اعطيها فرصة اسبوع بس وشوف بعدين شو حجتها
كل يوم عن يوم كانت تسوء حالة روعة اكتر
و وسام مايتركها بحالها وكل ماتقنعو انها مريضة وعم تتعالح
ايمان تقلو انو كذب ومافيها شي
وكل يوم كان يتصل وايام ماترد عليه لأن تعبت قد ما شرحتلو وما كان يسدء
الايام عم تمر وروعة كل مالها للأسوأ
نحفت كتير لدرجة انو شكلها صار يخوف
وبنتها مابقى تقبلتها
والعلاج ماعم يجيب نتيجة
وبالليل كانت توصل للموت وبالنهار ترجع تعيش طبيعي ومافيها شي
بعد شهرين اتصل وسام
وسام. والله العظيم غير خليكي تندمي يا روعة
ع اللي بتعمليه فيني
روعة. طيب ماشي
وسام. شو مانك مهتمة
روعة. يعني شو بدي قلك
وسام. لك حرام عليكي اللي بتعمليه فيني كل هالقد بتكرهيني حتى مابدك ترجعي
روعة تبكي. لك لو تعرف اديش بحبك واديش انا بحاجتك جنبي
وسام. طيب تعي لعندي انا والله اشتقتلك واشتقت للأولاد
لك شكل ابني مابعرفو غير بالصور
والله مليت قد ما قلتلك ارجعي
بيرضيكي هيك عايش لوحدي
ليش انتي هيك بتعملي
لك اسراء مرت وسيم بس عرفت انو راجعين اسبوع ع سوريا مارضيت تترك زوجها وانتي اكثر من خمس شهور وكل يوم عم توعديني انو ترجعي وبيطلع حكيك كذب
روعة. انا هون مالي مرتاحة
وماني حابة كون بعيدة عنك
بس الدكتور ماعم يعرف شو مرضي وكل يوم عم يعطيني دوا شكل بس بدون فائدة
وسام. وبعدين مع هالحالة يا الله
سكر الخط وسام وايمان استلمتو
ايمان. شو لساتها عم تضحك عليك وانت متل الاجدب عم تسدئها
وسام. هم تقول انو مرضانة والدكاترة مابيعرفو مرضها شو
ايمان. بدك نصيحتي .. لا تعطيها وجه اكتر من هيك وهددها انك تاخد الاولاد منها وهيا تظل عند اهلها
وسام. اي وانا كيف بدي جيب الاولاد
ايمان. لك بس تهديد بلكي تخاف وترجع
وسام. بلكي عنجد مرضانة
ايمان. لك حاجتك غباء يعني لو مرضانة مافي علاج هون
بعد اسبوعين
في بيت روعة
روعة. شو بتمنى ضمو اولادي وبوسهم شو بتمنى لو وسام جنبي
حنان. حبيبتي يا روعة الدكتور ماقال ممنوع قال الافضل انو مايقربو منك
ومارح يصير شي لو ضميتيهم
روعة. لا مستحيل
حنان. حسبي الله ونعم الوكيل
بعد اسبوع اتصل وسام فيها
وسام. اذا مابدك ترجعي ابعتيلي الاولاد
روعة. لا تخاف بس موت رح تاخد لولاد طول العمر
وسام. ليش عم تحكي هيك
روعة. لأني عم بموت
وسام. لك شبك شو صايرلك
روعة. وسام انا معي السل
وسام. شو السل وعنجد بتحكي ولا متل العادة
روعة. والله عنجد من لما ولدت لهلأ وانا عم اتعذب
اولادي ماعم بقدر قرب منهم
ياريتك معي ياريتك جنبي
وسام. روعة حلفتك بأغلى شي عليكي تحكي الحقيقة
روعة. والله العظيم انا معي السل
وسام. اي وشو حكالك الدكتور
روعة. عم بتعالج
وسام. طب كيف وضعك احكيلي
روعة. بالنهار بكون منيحة وبالليل بتعب كتير
وسام. طيب والاولاد كيفهن
روعة تبكي. بخير امي وحنان عم يهتمو فيهن .. يلا بدي سكر مو قادرة احكي اكتر من هيك
بعد اسبوعين حنان اخدت الاولاد ع الحديقة مشان يلعبو
وبس رجعو
روعة. حنان ابعتي الصور لوسام حرام بكون قلبو محروق بدو يشوف الاولاد
حنان. خليني ابعتلو صورة الك
روعة. لا اصحك تعمليها مانك شايفة شكلي كيف بخوف مابدي يشوفني بهالحالة

حنان بعتت الصور لوسام وشافتهن ايمان
ايمان. من هالصور لازم تبين معك كزبة روعة
وسام. مافهمت
ايمان. لك روعة مانها مرضانة وكذابة شوف اولادك واولاد احمد كيف مبسوطين بالحديقة
وشف تيابهم
هلأ معقول لو روعة مريضة بيطلعو هيك طلعة
انت مجنون بتسدء كل شي بتقلك ياه
بتعرف ليش ماعم تبعثلك صور الها
وسام. ليش
ايمان. حتى ماتشوفها اديش مبسوطة هه مسكين يا وسام عم تتسلى فيك
شوف ابنك اديش صار عمرو
وانت لسا ماشفتو
وسام. كيف بدي اتأكد
ايمان. مابتقدر تتأكد رح تظل تكذب عليك
لأنك بتظل تسدئها
وسام. شو الحل برأيك
ايمان. هددها انو بدك تتزوج عليها وشوف كيف رح ترجع من تاني يوم
وسام. مليت من الكذب مليت من الانتظار مليت من كل شي
تعبت روعة كتير واخدوها ع المشفى ظلت هنيك 3 ايام
شكلها تغير كتير
حتى عظام جسمها كلها بينت ع قد مانحفت
حتى ابتسامتها الحلوة راحت وجها مافيه الا الجلد
طالعوها من المشفى وحالتها امها كانت بتبكي ليل نهار تبكي
ع بنتها
وحنان بتهدي فيها
وسام بعت مقطع صوت لروعة وحكالها روعة انا بعرف انو مافيكي شي وانو كل هاد خطة مشان ماترجعي بس واللهي اذا مارجعتي غير اتزوج وخليكي عند اهلك خليهن ينفعوكي
روعة ماكانت بحال انها تقدر تحكي
سمع مقطع الصوت احمد واتصل فيه وماسلم عليه
احمد. لك انت مابتستحي ع حالك مرتك كانت نايمة بالمشفى وابنك ماعم يرضع من امو وانت عم تهدد انو بدك تتزوج
انقلع اتزوج وخلصنا منك
وسام. كزبتكن مارح تمشي عليي .. اعطني روعة احكي معها
احمد. روعة مابتقدر تحكي .. وسكر بوجهو
ايمان كانت قاعدة جنبو وسامعة حكيو
ايمان. يالطيف وصلت معو انو يبهدلك
وهيا بطلت تحكي معك وخلت اخوها يحاكيك مشان يهددك ويحطلك حد
وسام. ليش ماخلاني احكي معها

ايمان. اكيد مشان ماتقنعها
لكن يا حبيبي هي بنتهم الوحيدة مارح يستعنو عنها بهالسهولة
خلص انساها احسنلك
وسام. لك شو انساها طب اذا مابدها اياني اولادي كيف بدي شوفهم
ايمان. انت ليش مابتتزوج عليها
وسام. لا مستحيل
ايمان. ليش مستحيل
اصلا روعة من حالها رح تطلب الطلاق
في الاردن
احمد. روعة رح ابعت صورك لهالحيوان خليه شوفك ماعم يسدء
روعة ويادوب قادرة تحكي قالتلو مشان الله يا احمد مابدي حدا يشوفني بهالحالة واهم شي وسام
احمد. طيب شو الحل معو هاد
روعة. مرت ابوه هي السبب
كانت تحكي والدمعة ع خدها
مابدي تبعتلو الصور وتشوفني مابدي حدا يشفق عليي ومابدي ياها تشمت فيني
هي السبب بكل شي صار فينا
هي الي كانت تدعي علي و ع بنتي
هي سبب تعاستي
يا امي ماخلتني اتهنى ولا يوم بحياتي
ام احمد تبكي. حسبي الله ونعم الوكيل فيها
حنان تبكي. وسام مو مشكلة هلأ انتي اتحسني وماعليكي كل شي بلتقالو حل
روعة. وسام اشتاق لاولادو انا مابلومو .. بحبو لو شو ماعمل بحبو كنت بتمنى نعيش كل العمر مع بعض
شو رح يصير بأولادي
احمدعم يبكي ع حالها. لا تحكي هيك الله يخليكي فوق راسهم
روعة. اولادي امانة برقبتكم كلكم انت وبابا وماما وحنان
ولا تحرموهم من ابوهم
ام احمد ماقدرت تسمع حكيها واغمي عليها
صحوها وكانت تعبانة كتير
بعد اسبوع في سوريا
ايمان. لك اتزوج شو عم تستنى لهلأ
لك حتى ع اتصالاتك مابقى ردو
وسام. وروعة
ايمان. لسا بقول روعة .. روعة لو بدها ياك كانت رجعت
او ع الاقل ردت ع تلفونها
وسام. بس انا بحبها واذا عرفت بتجن
ايمان. دخيلك عأساس هيا سائلة عنك
انت اذا تزوجت عليها بتكون قهرتها وكسرتها ورديتلها اللي عملتو فيك
وسام. انا موافق اني اتزوج بس مو مشان جاكر روعة لا
انا بدي استقر خلص اذا مابدها اياني هيا حرة
مابقى اتصل فيها تسطفل هي اختارت هيك
مارح اجبرها ع شي
ايمان. اي هاد احسن شي بتعملو بحياتك
وانا رح شوفلك عروس وخلال اسبوع رح كون مزوجتك
في الاردن بعد اسبوع
تعبت كتير روعة واخدوها ع المشفى وماكان في ايا اتصال من وسام
في سوريا
ايمان. وسام لقيتلك عروس حلوة ومؤدبة واهلها موافقين وعمرها 24 بس ارملة
وسام. خلص انا بطلت شيلي الفكرة من رأسك
ايمان. شو الشغلة لعبة صرت حاكية مع الجماعة
وسام. خلص انسي بلكي روعة رجعت رح استناها
ايمان. لك والله انت مجنون
وسام. ليش
ايمان. اديش صرلك ما اتصلت فيها سألت عنك شي
لك هلأ بتكون مو عاطية فرحتها لحدا لأنك حليت عنها
وسام. ضايع ومخربط وكل شي فيني مو منيح
ياااارب
ايمان. رح احكي مع ابوك مشان نروح نطلبلك البنت .. شو قلت
وسام. اعملي اللي بدك ياه
ايمان. ايه ان شاء الله خير
وسام. بس بتخبريهم انو بدون عرس وبدون شي
ايمان. لك لا بنفس اليوم بتكتبو الكتاب وبتزوجو
اصلا هني مو مسدئين ايمتى يزوجو بنتهم
بعد مرور 5 ايام وسام تزوج من البنت ياسمين اللي شافتلو ياها ايمان
تاني يوم بالأردن
روعة دخلت بغيبوبة
واهلها كلهن يبكو حواليها
الدكتور قال احتمال ضعيف جدا انو تصحى من الغيبوبة
بعد 3 ايام وسام بعث مقطع صوت لروعة
وسام. روعة انتي اخترتي طريق تكفي فيه حياتك لوحدك
وانا اخترت طريق سامحيني ع الشي اللي بدي قولو بس انتي بدك هيك
ماعاد سألتي عني ولا رديتي ع تلفونك
يمكن كان بدك تبقي جنب اهلك وانا ضغطت عليكي بس كان بدي ترجع وتبقي جنبي انتي والاولاد
كنتي بتتخيلي كمية الشوق لأبني اللي صار عمرو ست شهور و13 يوم ولهلأ ماشفتو
ولبنتي اللي كبرت بعيد عني
ورغم كل هاد كنتي تتسلي فيني يوم مريضة ويوم تعبانة خلص كل واحد راح بحال سبيلو انا تزوجت من 3 ايام
انتبهي ع الاولاد وظلك ذكريهم فيني يلا سلام
للأسف رسالة وسام ماوصلت لروعة لأنو روعة بنفس اليوم ماتت
في الاردن
الدكتور. ان لله وانا اليه راجعون .. العمر الكم
احمد. روعة ماتت
ام احمد صرخت صوت سمعوه كل اللي بالمشفى لاااااااااااااا
ياربي ليش
ياااااااربي ليش بنتي ليش بنتي يارب
احمد يبكي. امي وحدي الله .. استهدي بالله
ام احمد. لا اله الا الله بس ليش بنتي ليش وحيدتي
ياربي ليش اخدت شمعة عمري
ليش اخدت زهرة بيتي لك روووووعة يا امي يا امي مافيني عيش من دونك
يا امي يا روعة
حنان وابو احمد عم يبكو بحرقة
ام احمد. لك يا روعة ارجعيلي يابعد عمري ارجعيلي
يا امي اولادك بحاجتك ليش رحتي وتركتيهم
ياروعة محمد بحاجتك ونوال عم تسأل عنك وعم تنادي ماما ليش تركتيهم لك ليش
يا ااااااالله يا الله
ياربي راحت بنتي راحت وحيدتي
ليش ما اخدت روحي وتركتها يارب
يابعد عمري يا روعة
احمد. حسبي الله ونعم الوكيل
بنفس اليوم بعد الدفن احمد سمع مقطع الصوت اللي باعتو وسام
اتصل فيه احمد وقلو
احمد. يا وسام روعة اليوم الصبح ماتت ان شاء الله تكون سدئت هلأ
وسام. شوووو لك شو عم تحكي
احمد.مابعرف شو بدي قلك بس حسبي الله ونعم الوكيل بمرت ابوك وفيك
روعة الله يرحمها كانت مسامحيتك قبل ماتموت والحكي اللي باعتو ماسمعتو لأن كانت بغيبوبة
اتحمد الله انو ماكانت سامعيتو

بدون مايشوف ابنو وبنتو
بدون مايعرف انو مرتو لجديدة طلعت حامل
لحق روعة وترك كل شي وراه
لهالدرجة كان مشتاقلها حتى لحقها بعد 15 يوم
طب واولادو لمين تركهم هيك بدون ام وبدون اب
واخوه وسيم كيف تركو

ترك وسام الدنيا كلها ولحق روعة

خبر استشهادو كان متل الصاعقة ع ابوه و وسيم اخوه

ابوه تعب ونقلوه ع المشفى
وسيم دمعتو مانشفت ع اخوه

اهل روعة زعلو عليه كتير وزعلو ع الاولاد اللي ظلو بدون ام وام

راح بهدوء بهدوءءء كتيررر

بعد عشر ايام الحزن كان كبير ع وسام وروعة بالعيلتين

ومرتو لوسام طلعت حامل

اسراء اخدت رقم حنان مشان تحكي معها وتطمن ع الاولاد
وحاكتها ع الواتس

حنان. مين كان يقول يا اسراء انو رح يموتو بنفس الشهر

اسراء. لك اخ اخ والله كل ما اتذكرهم بصير ببكي كل الوقت عم فكر فيهن
لك ليش راحو ليش تركو اولادهم

حنان. الله يرحمهم يارب والله زعلنا كتير ع وسام المسكين ماشاف ابنو وابنو التاني ع الطريق
كل يوم بسمع مقاطع الصوت اللي كان يبعتها لروعة كان يقوللها اديش مشتاق لنوال وحابب يشوفها

سبحان الله ما الو نصيب يشوفهم لا حول ولا قوة الا بالله العلي العظيم

اسراء. وام روعة كيفها
حنان. المسكينة الله يعينها الدمعة ماعم تنشف ع خدها وكل الوقت تنادي بأسم روعة اذا ظلت ع هالحالة بعيد الشر رح تموت من قهرها ع روعة

اسراء. الله يصبر قلبها هي بنتها الوحيدة

وابوه لوسام كمان هيك حالتو كل مايتذكر وسام بصير يبكي
و وسيم حابس بقلبو وعم يبين انو قوي
ومرتو لوسام رجعت ع بيت اهلها

حنان. الله يكون بعونهم ويصبرهم وجعنا و وجعكم واحد

بعد 9 شهور ولدت ياسمين مرت وسام وجابت ولد وسمتو وسام ع اسم ابوه

وام روعة هي وحنان عم يهتمو بأولاد روعة وماعم يخلوهم يحتاجو
كبرو الاولاد
ومحمد صار ينادي لحنان ماما لأن هي الي عم تربيه

ام روعة اللي مصبرها لحد هلأ هني اولاد روعة عايشة مشانهم
وكل يوم بتذكر روعة وبتبكي

حنان بتعامل نوال ومحمد كأنهم اولادها بتموت عليهم ومابتحرمهم من شي وطلباتهم اوامر

ايمان ماتابت بعد كل شي عملتو وطالبت بالأولاد وقالت انو هيا بدها تربيهم مشان تلم عليهم مصاري لأنهم ايتام الام والاب

بس اهل روعة رفضو يبعثوهم واحمد هدد ايمان ومابقى استرجت تطلبهم

وهلأ نوال تخرجت من الروضة وحمودة طالع ولد ازعر وكل الوقت يعمل مشاكل ويضرب الاولاد التانيين وبدو كل شي الو لحالو
وبالشكل طالع بيشبه ابوه كتير نسخة عنو

حمودة ونوال وقت يسألو عن امهم وابوهم بتحكيلهم ام احمد حكاية انهم بالجنة هلأ وانهم مبسوطين وهني مع بعض
وانو ابوهم ماترك امهم تروح لحالها وراح معها ... 💔

( النهاية )