#نـــورايـــةالجزء(10.يتبع
(10)
ميسم بحدة: مبسوط بهالصوت هاد ... تخيل صار معنا حادث وأدى لوفاتنا شو بدها تكون نهايتنا.. اهاا جاوبني
كريم: وإنت شو خصك فيني
ميسم: أنا بنصحك مش أكثر.. إنت متخيل نهايتك تكون أغاني
كريم شعر بالذنب ولكن لم يظهره: طيب خلص اسكتي
بعد مدة وعند مشارف القرية..
ميسم: ليش وقفت
كريم: العجل بنشر شكله (ونزل)
بعد دقائق نزلت ميسم تنظر حولها...
ميسم: يا الله الدنيا عتمة كثير
كريم: اها نحنا مش بالمدينة
ميسم بخوف: مطول في أصوات
كريم مقهقها: هههههه خايفة عادي هدول ضباع إذا شفنك بتكوني مقبلات مش أكثر هاهاها
ميسم بخوف: اسكت اسكت.. يلا خلص بسرعة
كريم: في قنينه مي ع باب سيارتي جيبها
ميسم بضيق: ليش
كريم: تخافيش بدي أغسل إيدي
وجاءت بالماء
سبقته إلى السيارة وجلست.. تسمع فجأة صوت طلقات نارية تصرخ بخوف وإذا بها تجد كريم يسقط أرضا
تخرج مسرعة ...
ميسم: كريييييييم
ميسم بذعر ممزوج بدموع: كريم رد عليّ
كريم بتعب: بتعرفي تسوقي سيارة
ميسم: اها بس من زمان ما سقت
كريم: طيب يلا كح كح في مستوصف قريب
ميسم ذهبت إلى السيارة تبحث عن شيء لتربط به الجرح حتى توقف النزيف... إلى أنها لم تجد ما يناسبها .. فشقت أسفل بلوزتها وربطت به كتف كريم.. وحاولت جاهدة ايصاله للسيارة... وركبت خلف المِقود وبدأ يرشدها بتعب للطريق... بعد مدة وصلوا إلى المستوصف.. نزلت مسرعة إلى الداخل
ميسم بخوف: الحقوني في واحد معي مصاب الحقوني
ليذهب المسعفين وينقلوه إلى إحدى الغرف... تجلس على إحدى المقاعد قلقة
****
أما في بيت آل النجار .. وبالتحديد على طاولة العشاء
سناء بخوف: رياض ..كريم اتأخر
رياض: اها والله وبتصل عليه ما برد
سديل: وكمان ميسم بتصل عليها ما بترد وقالت بدها ترجع اليوم
رغد بتساؤل: هو كريم وين
ميادة بتهكم: راح المدينة
رغد بحقد وخبث: يعني كريم في المدينة وكمان ميسم.. ولحد الآن ما وصلوا ..
سديل بحدة: شو بتقصدي رغد هانم
رغد: قصدي واضح مثل عين الشمس.. يعني كريم وحركاته حافظينهن.. والكل بعرف إنو عندو شقة بالمدينة.. وغير هيك الدكتورة المصونة حلوة وشكلها عجبتوا... للسيد كريم
ميادة: ضبي لسانك أحسنلك يا رغد ...
رغد بتهكم: ليش أضبوا لأني بقول الحقيقة
رحمة بحدة: إنت بتزهقيش رمي حكي ... بتسكتي ومابدي اسمع صوتك.. وما تجيبي سيرة ميسم ع لسانك لأنك ما بتعرفي أخلاقها ماشي
في المستوصف
ميسم بذعر: اه دكتور طمني كيف كريم
الدكتور: اطمني إنت زوجتوا
ميسم أتت أن ترد إلى أن الممرضة جاءت وقطعت الكلام
الممرضه: دكتور المريض فاق
الدكتور:الحمدلله هيني جاي
ذهب وترك ميسم .. فافتكرت هاتفها الموجود في سيارة كريم... ذهبت وأخذته ولقت كمية كبيرة من الاتصالات فقامت بالاتصال على سديل
سديل بخضة: هي ميسم بتتصل
رغد بسخريه: ردي عليها ردي مش ضروري تتخضي
ميادة بحزم: رغد اسكتي.. سديل ردي
سديل: الو يا ميسم وينك لهلأ
ميسم: اسمعي سديل حاولي تكوني طبيعية عشان ما حد يلاحظ
سديل بخوف: شو صاير
ميسم: يا بنتي انا بحكيلك اهدي.... اسمعي أخوكي في حد صابوا بالرصاص
سديل بصراخ: شووووو مالو كريم شو صرلوا
ميسم: اهدي كريم بخير
رياض أخذ الهاتف من سديل: أيوا يا ميسم شوفي
ميسم: عمي رياض (وقصت له ما حدث)
رياض: يعني إنتوا بمستوصف القريه
ميسم: اهاا
رياض: نحنا جايين حالا(واقفل الخط)
سناء ببكاء: كريم مالو يا رياض
رياض: تخافوش عرضية.. انا رايح اشوفوا
سناء ومياده وسديل : جايين معك
رياض: يلااجهزوا
****
في غرفة كريم... وبدأ بالأفاقة
الدكتور: الحمدلله على سلامتك يا أستاذ كريم
كريم بتعب: الله يسلمك
الدكتور: بصراحة لولا زوجة حضرتك ما كنت بهاي الحالة
كريم بتعب: زوجتي؟
الدكتور: اها زوجت حضرتك اللي جابتك يعني لو ما ربطتلك مكان رصاصة كان فقدت دم كثير ... وكمان اتبرعتلك بدم لأنك كنت محتاج
كريم صامت
الدكتور: انا رايح أطمنها لأنها خايفة وأخليها تدخلك
***
خرج الطبيب ودخلت ميسم
ميسم: الحمدلله على سلامتك
كريم بتعب: الله يسلمك.. شكرا الك
ميسم: العفو ما عملت اشي .. هاد واجبي
كريم يضحك
ميسم بتساؤل: عم تضحك في اشي بضحك
كريم: هاا لأ لأ عم بتذكر شو حكالي الدكتور بس
ميسم بفضول: شو حكالك
كريم: مش ضروري تعرفي كلام رجالة
ميسم منغاظة ولكنها غيرت السيرة: رح تيجي الشرطة توخذ افادتك
كريم: بعرف مين اللي قوصني
ميسم: مين؟
كريم: إنت يا بنت فضولية كثير عن اللزوم.. بس بتعرفيه اللي هددتوه إني اسجنه اذا ما دفع اللي المصاري
ميسم بخوف: بدك تشتكي عليه
كريم : طبعا
ميسم: خاف من الله يا كريم.. يعني هو عمل اللي عمله أكيد لأنك اهنته كثير.. وطبعا مش قادر يدبر مصاريك.. اعتبرها يا كريم ساعة غضب وسامحه
وفي هذا الوقت تدخل عائلته بالتي ينتهي حديثهم... ويبدأ حديث الاطمئنان وماذا حصل وكيف حصل
تجلس ميسم على إحدى الكراسي بإرهاق وتعب واضح على ملامحها
سديل تقترب منها: ميسم هههه ليش هيك بلوزتك
ميسم نظرت إلى نفسها