📚قصص||روايات||منوعة📚

rwayate

«اطلع هاني بابنو يلي لسا ما شاف النور والدم عم يغطي جسمو .. واطلع برفيقة دربو وحبيبتو يلي شافت ابنا كيف تقوص قدام عيونا ..
بلشو النيرسات صراخ .. رهف .. رهف تصاوبت .. رهف ..
هاني ما كان مستوعب شي .. نزل ع ركبو ع الارض وابنو بين اديه .. اطلع بابنو واطلع برهف .. يلي تبسمت بوشو والدمعة بعيونا ..

رهف: ابني مات .. مات يا هاني

وراحت مع ابنى .. ماتو تنيناتن »

ما قدرت استوعب يلي صار .. تركتن تنيناتن ع باب المشفى وركضت ورا السيارة يلي قوصت علينا .. كانو عيوني مغبشين وماني قدران وازن السيارة .. واخر شي بتزكرو .. وقت فلتت السيارة مني وما قدرت اتحكم فيها ..

كان عم يحكي وتاليا عم تبكي .. تبكي بحرقة عليه ..

تاني نهار طلع هاني من المشفى .. دخل غرفتو ولم تيابو بشنتة صغيرة وطلع ..

تاليا: خلص قررت

هاني: ما عاد في داعي لوجودي هون .. بتشكركن من كل قلبي .. وهالمعروف ما رح انسالكن ياه

قرب منو ابو تاليا وحط ايدو ع كتفو .. الله معك يا ابني .. ربي يفتحا بوشك ويعوضك عن يلي راح

ام تاليا: رح نشتقلك يا هاني

هاني: بخاطركن

📚قصص||روايات||منوعة📚

rwayate

📚قصص||روايات||منوعة📚

rwayate

تاليا (الثاني عشر)
@rwayate
بعد ما راح هاني تاليا صابتا حالة اكتئاب .. حبست حالا بغرفتا وما عادت طلعت منا .. وبعد بيومين من هالشي اجا نعيم لعندن ..

نعيم: خالة فيني شوفا لتاليا

ام تاليا: طبعا يا ابني .. يا ريت لو تقدر تطالعها من حالتا هاي

نعيم: رح حاول .. بالازن منك

دق نعيم الباب اكتر من مرة وتاليا ما جاوبت .. فتح الباب ودخل ..
كانت متسطحة بتختا وعيونا منفخين من البكي .. والغرفة كلا عتمة والشبابيك مسكرة ..

نعيم: تاليا .. فيني فوت

جاوبتو بصوت يا دوبو مسموع .. فتت وخلصت

نعيم: لك ليش هيك الغرفة .. شو هاد

راح ع الشبابيك فتحهن وفتح الستاير ..

غطت تاليا راسا بالحرام لحتى ما تشوف الضو .. قرب منها نعيم وشال لحرام عنها ..

تاليا: نعيم لو سمحت .. تركني

نعيم: كل هاد كرمالو لهاني .. لهالدرجة بتحبي

وقت قلا هيك فرطت بالبكي ..

نعيم: ليش عم تبكي

تاليا: تعبانة يا نعيم .. تعبانة كتير

نعيم: سلامة قلبك..
شال لحرام عنا .. قومي لشوف .. رح اخدك مشوار

تاليا: لااا نعيم .. لو سمحت .. ما فيني

نعيم: ممنوع الاعتراض.. مشي معي

مسكها من ايدا ووقفا ..

نعيم: رح اطلع لتبدلي تيابك وتغسلي وشك .. لا تتاخري

تاليا: نعي.....

حط ايدو ع تما وما خلاها تكمل ...

نعيم: هشششش .. ممنوع الاعتراض .. لبسي بسرعة

هزت براسا وايدو لساتا ع تما ..

تركا وطلع لبرا .. لبست وجهزت حالا وطلعت ..

نعيم: جاهزة ؟

تاليا: اي جاهزة

طلعو تنيناتن سوا بسيارة نعيم .. نعيم طول الطريق عم يحاول يغيرلا جو وهي مانا معو .. وساندة راسا بايدا يلي حاطتا ع شباك السيارة ..

وقف نعيم السيارة ع باب شركة كتير كبيرة ..

تاليا: لوين جايبني .. نعيم مالي خلق لشي

نعيم: اي نزلي .. نزلي

تاليا: ففففففف منك يا نعيم .. مدري ليه عم اسمع كلمتك

نعيم: هههههههه

نزلو من السيارة ودخلو ع الشركة .. يلي كانت بقمة الفخامة والروعة .. طلعو بالاصانصيل وتوجهو لمكتب المدير ..

السكرتيرة : اهلا دكتور نعيم .. الاستاز هاني بانتضارك

نعيم: شكرا

تاليا وقفت مصدومة .. ما عم تستوعب يلي عم يصير .. ضلت واقفة مكانا ..
اطلع فيها نعيم .. شبك .. امشي

تاليا: لك .. لك لوين جبتني انت

نعيم: ههههه لعند هاني

اطلعت تاليا فيه بعيونا المليانة دموع ..

تاليا: شكرا كتير لالك .. انت انسان رائع .. وما في منك .. يسلمو نعيم .. يسلمو كتير

اطلع فيها نعيم بعيونو المليانة حب ووله ..

نعيم: هالضحكة يلي بعيونك كتير بتعنيلي .. وهلا مشي معي بلا ما ينطر هاني اكتر

دخلو لعند هاني يلي كان لابس طقم رسمي كحلي وقميص ابيض وقاعد ورا مكتبو ..
وقت شافن وقف وراح لعندن.. اهلا وسهلا .. اهلا وسهلا ..

تاليا ما قدرت تتمتلك حالا وقربت منو وضمتو ..

تاليا: شتقتلك .. شتقتلك كتير

لفا هاني باديه .. حبيبة قلبي .. وانا شتقتلك يا قلبي

📚قصص||روايات||منوعة📚

rwayate

📚قصص||روايات||منوعة📚

rwayate

تاليا (الثالث عشر)
@rwayate
نعيم كان عم يطلع فيهن وقلبو عم يغلا غلي .. لتاني مرة بيخسرا لتاليا .. بس ما كان فيه غير انو يعمل هيك .. كان عم يشوف حب هاني بعيونا لتاليا .. ما كان فيه يقبل يرتبط فيها وهو متاكد بانو بتحب غيرو ..

انتبه هاني لنعيم ولنظراتو الن .. اتوجه لعندو وضمو ..

هاني: قد ما تشكرتك ما رح اوفيك حقك .. ولا رح ردلك هالجميل

نعيم: بتردلي ياه وقت بتنتبه ع تاليا منيح .. تاليا اغلى من روحي .. ايااك تازيها او تجرحا مرة تانية

هاني: لا تخاف .. رح حطا جواة عيوني وغمضن عليها طول العمر

تاليا: (عبست واطلعت فيه) اي وكيف رح تشوف وانت مغمض عيونك

هاني.. نعيم: ههههههههه

قعدو تلاتن سوا وشربو قهوتن مع بعضن ..

نعيم: وهلا .. لوين وصلو الشرطة

هاني: لساتن مطرحن

تاليا: وشو عم يعملو .. هاي تالت مرة بيتعرضولك .. اول مرة راح فيها حماك وتاني مرة مرتك وابنك وهالمرة كنت رح تروح انت

هاني: هني عم يدورو ع صاحب السيارة .. منيح يلي صورتا .. هالصورة عطتن طرف الخيط

نعيم: بدك تنتبه ع حالك منيح .. خلي معك تنين بدي جارد .. بس لحتى تخلص هالقصة

هاني: الشرطة ما قصرو .. وعطوني شباب من عندن

تاليا: اي كتير منيح

وقف نعيم .. سمحولي .. بالازن منكن

هاني: لوين

نعيم: لك العيادة رح تقفل بسببكن ههههه

وقفت تاليا وسلمت عليه.. لساني عم يعجز عن شكرك .. بتشكرك كتير .. انت اعز صديق ع قلبي .. بتمنى تلقى البنت يلي بتستاهلك عن قريب

تبسم نعيم بوشا وهو من جوا رح يموت .. لا هو مات وخلص .. تاليا هالمرة خلصت عليه .. قتلتو ..

نعيم: ولا يهمك .. بالازن

طلع نعيم و تاليا لساتا عم تطلع ع الباب وتحكي..

تاليا: كيف قدر يعمل هيك .. ما عم بعرف

اجاها هاني من وراها ولفا.. وطبع بوسة ع رقبتا .. دخلتا لعالم تاني ..

هاني: شتقتلك .. شتقتلك كتير

فلتت حالا منو .. وبعدت عنو بخجل ..

تاليا: حاسة حالي عم احلم .. ماني مصدقة ابدا

هاني: ههههههه .. لك اااخ انا يلي عم احلم .. بهالسرعة اجاني العوض من ربي .. بتعرفي شو .. اليوم المسا رح اجي لحاكي الدكتور كرمال كتب لكتاب .. ما رح اجل

لمعو عيونا من فرحتا واطلعت فيه..

تاليا: جد عم تحكي

هاني: اي طبعا جد .. لك رح موت ع اللحظة يلي تجمعنا سوا

تاليا: يخليلي ياك .. مممم.. هاني

هاني: يا عيونو لهاني

تاليا: انا خايفة عليك كتير .. مين بدو يكون يلي عم يلاحقك

هاني: ما بدي اظلم حدا .. بس .. في جماعة شاكك فيهن وما بعرف ازا كان شكي بمحلو

تاليا: مين هني

هاني: قبل مقتل حمايي باسبوع كنا ماخدين مناقصة .. وازا ما خاب ظني صحابين الشركة المنافسة هني يلي قتلو

تاليا: اي وانت ومرتك وابنك

هاني: شبنا

تاليا: ليش ليتهجمو عليكن

هاني: مرتي وابني راحو بالغلط .. هني كانو رح يقتلوني انا .. وبالنسبة لالي . انا وقت مات حمايي بلشت فورا دير الشركة وجدد صفقات ومناقصات .. لهيك كانو رح يتخلصو مني ..

تاليا: ففففففففف .. انتبه ع حالك منيح لوقت ينمسكو

اطلع فيها هاني وهو عم يتبسم .. لا تخافي .. وركزي هلا بالمهم

تاليا: ما في اهم من هالشي

هاني: لا في .. حياتنا الجاية ومستقبلنا

📚قصص||روايات||منوعة📚

rwayate

📚قصص||روايات||منوعة📚

rwayate

تاليا ( الرابع عشر)
@rwayate
رجعت تاليا ع بيتا وهي طايرة من الفرح ..

ام تاليا: واخيرا شفت هالضحكة ع وشك الحلو

قربت تاليا من اما وضمتا .. بحبك امي بحبك بحبك

ام تاليا: ع مهلك .. هدي هدي .. شو صاير .. شو عملك نعيم لحتى هيك فرحانة

بعدت تاليا عن اما..

تاليا: نعيم .. ااخ يا امي .. نعيم فاجاني كتير .. لك صدمني

ام تاليا: تعي خبريني شو صار .. تعي

قعدو تنيناتن ع الكنب وبلشت تاليا تخبر باما يلي صار ..

ام تاليا: نعيم اخدك باديه لعند هاني !!

تاليا: اي والله يا امي

ام تاليا: هالشب نظلم كتير معك

تاليا: ااخ يا امي .. والله مو بئيدي يا امي

ام تاليا: اي.. وكيفو هاني وشو صار معو

خبرت تاليا اما بكلشي صار مع هاني وخبرتا عن شركتو .. وكملت .. اي امي و... و.. والمسى رح يجي لعنا

ام تاليا: اي اهلا وسهلا

تاليا: امي .. رح يجي ليحكي مع بابا .....

ام تاليا: لك شبك تغير لونك .. شو بدو يحكي مع بابا

تاليا: رح يطلبني من بابا

اطلعت ام تاليا ببنتا وهي كتير فرحانة باللمعة يلي بعيونا وبالفرحة يلي ارتسمت ع وشا..

ام تاليا: ربي يسعدك يا بنتي ويريح قلبك .. هلا بدقلو لابوكي لحتى ما يتاخر المسا

دخلت تاليا ع غرفتا وهي مانا مصدقة يلي صار .. عم تسترجع كلشي صار بذاكرتا ..

مرق الوقت واجا المسا .. دق الباب..

تاليا: هاد هاني .. رح افتح

فتحت الباب .. ووقت شافا هاني بفستانا الازرق الناعم يلي عاكس ع عيونا .. رجف قلبو وبقي واقف بمطرحو وعم يطلع فيها..

تاليا: شبك هاني .. تفضل

دخل هاني وسهرو كلن سوا .. وطلب ايدا واتفقو ع موعد كتب لكتاب والعرس يلي رح يكونو بنفس النهار...

ابو تاليا: ما في داعي للتاجيل .. من بكرة بلشو بالتجهيزات

هالليلة كانت اول ليلة بتنام تاليا بهدوء من وقت ظهر هاني بحياتها..

ومن تاني نهار بلشو يجهزو لعرسن .. وحجزو صالة فخمة وفستان عرس ودعوات للعرس ..

مشا الاسبوع واجا يوم زواجن ..

كانت تاليا بقمة الجمال .. فستانها الابيض ومكياجها الناعم زادها جمال فوق جمالها ..

دخلو الصالة سوا وعيون الكل عليهن .. كانو بيجننو سوا .. ولابقين كتير لبعضن ..

امها .ابوها كانو عم يطلع باميرتن يلي صارت عروس ولبست فستانا الابيض .. نعيم كان عم يطلع بحبيبتو يلي راحت منو للابد وقلبو ع شوي رح يوقف ..

قطعلن هالافكار صوت لقواص يلي ضج بالصالة مرة وحدة .. الكل وقف وصار يتلفت حواليه ..

هاني: تالياااااااااااااااا

كانت تاليا مليانة بالدم وواقعة بارضا .. ولقواص لساتو شغال .. الكل صار يصرخ وعم يحاول يحتمي بايا شي ..

ومن بينن كلن ركض نعيم لعند القاتل يلي مخبي وشو والمسدس بايدو ..

نعيم: وقف ولااااا

القاتل وقت شاف تاليا وقعت بالارض ونعيم ركض لعندو .. طلع من الصالة ليهرب .. بس حراسو لهاني مسكو عن الباب وسحبو لسلاح منو ..

ومن غير وعي ركض نعيم لعندو وبلش ضرب فيه من غير وعي .. قتلتا يا كلب .. لك قتلتا لتاليا .. قتلتا .. والله لاشرب من دمك .. مسكو الشباب وبعدو عنو بالزور ..

حملا هاني بين اديه وهي مليانة دم وركض فيها ع السيارة .. وابوها واما لساتن ما عم يستوعبو يلي صار ..

هاني كان عم يسوق باقصى سرعة .. وعيونو ما نشالو عنا لتاليا .. يلي مغمضة عيونا وجسما كلو دم ..

وصلو للمشفى حملا هاني وركض فيها وامها وابوها وراهن .. دخلوها للطوارئ .. ودخل ابوها فورا ليعالجها ..

هاني وامها بقيو برا عم ينطرو شي خبر عن تاليا .. وبعدا وصل نعيم .. ساعات مرقت وهني عم ينطرو.. امها عم تبكي بنتا الوحيدة وتدعيلا ..
هاني عم يسترجع ذكرياتو مع رهف وكانو اليوم صارت وعم يدعي بانو ما يتكرر مع تاليا ..
نعيم ما كان حمل وجع زيادة .. العذاب يلي تعذبو بكفيه .. لوقت طلع ابوها من الغرفة..

عيونو كلن دموع .. ومانو قدران يوقف ع رجلي ..
ركضو كلن لعندن.. كيف تاليا

ابو تاليا: كانت رح تروح من بين اديي .. بنتي كانت رح تموت قدامي

ام تاليا: كيفا هلا .. بترجاك ما عاد فيني

ابو تاليا: هي منيحة .. بس بدا وقت لتفيق

تاني نهار ...

ام تاليا: شو صار بالتحقيقات .. مين يلي تجرا ع بنتي .. مين

ابو تاليا: مو تاليا المقصودة .. هاني المقصود

ام تاليا: اي!!!

ابو تاليا: متل ما كان متوقع هاني .. هدول الشركة المنافسة لالن .. قتلو حماه لهاني .. كانو مفكرين هيك رح يقضو ع الشركة .. بس هاني فاجان وقت دار الشركة هو ورهف متل ما كانت واحسن .. حاولو يقتلو .. بس الموت ما كان من نصيبو .. وماتت مرتو وابنو ..
وهلا وقت شافو رجع مرة تانية ورح يرجع يوقف الشركة ع رجليها رجعو حاولو يتخلصو منو ..

ام تاليا: حسبيا الله عليهن .. وشو صار هلا

ابو تاليا: اعدام فورا .. تلت رواح راحو ع ايدون

ام تاليا: خرجن .. الموت قليل عليهن

📚قصص||روايات||منوعة📚

rwayate

📚قصص||روايات||منوعة📚

rwayate

تاليا (الخامس عشر)
@rwayate
بعد باسبوع ...

تاليا نايمة ع سرير المشفى .. دق هاني الباب ودخل وحامل بئيدو علبة كبيرة ..

هاني: صباحو حبيبي

تبسمت تاليا وحاولت تسند حالا .. صباح الورد

قرب هاني منا وباسا ع جبينا .. كيفك

تاليا: منيحة بوجودك حياتي

هاني: هههههههههه

تاليا: شبك .. هههههه .. ليه عم تضحك

هاني: عم اتزكر اول مرة فتحت عيوني بنفس هالغرفة وع هالسرير هاد .. وقت كنت انت ع هالكرسي قاعدة وكتابك ىبايدك

تاليا: هههههه

هاني: هالهدية لالك يا قلبي .. وعطاها العلبة يلي معو

تاليا: شو هاااد

هاني: فتحي وشوفي

فتحت تاليا العلبة وفرطت ضحك .. لك ليش جايبوو لهون ..

كان فستان عرس .. حملو ورفعو من العلبة ..

هاني: يالا وقفي لبسي لشوف

تاليا: هههههه عم تمزح مو

هاني: ههههههه لا ما عم امزح .. رح نطلع هلا ع بيتنا .. ما عاد فيني اصبر اكتر

قرب منا هاني ووقفا لحتى تلبس الفستان ..

تاليا: هاني .. لك شبك

هاني: لا تضطريني لبسك ياه انا .. يالا بسرعة

ندق الباب ودخلو نيرستين وهني حاملات بئيدن مكياج ..

النيرسة: الحمد لله ع سلامتك دكتورة

تاليا: ههههههه .. لك شوو هاد

هاني: حاااج حكي .. رح اطلع لبرا لوقت تخلصو .. وازا اتاخرتو رح اجي واسحبك من ايدك .. بسرعة عجلو

بعد بنص ساعة طلعو النيرسات من الغرفة وخبرو لهاني بانن خلصو ..

دخل هاني لعندا لتاليا .. يلي كانت بقمة الجمال والروعة ..

قرب منا هاني وضما .. حطت تاليا راسا ع صدرو وغمضت عيونا .. تنيناتن ساكتين ليسمعو دقات قلوبن .. سرحو بعالمن الخاص .. عالم ما في غير هني تنيناتن .. كلشي حواليهن تلاشى وما بقي غير صوت دقات قلوبن ..

قطعلن هالشرود دقة الباب .. ودخل ابوها لتاليا واما ..
ام تاليا: الله يحميكن يا رب

قربت منن وبوستن تنيناتن ..

ابو تاليا: يالا يا ولاد .. قدامي

طلعو من الغرفة وهني ماسكين ادين بعض ... ونصدمت تاليا بيلي شافتو بالممرات .. واطلعت فيه..

تاليا: هاني .. شو هاد

كانت الممرات كلا ورود وشموع ع الجهتين وكل موظفين المشفى ع باب الغرفة ..

الكل كان فرحان لتاليا .. البسمة ع وشن كلن ..
وبعد ما الكل باركلن .. طلعو سوا بسيارة ابوها لتاليا .. يلي اخدن ع بيتن لجديد .. بيتو لهاني .. يلي كانت تاليا لساتا ما بتعرف عنو شي ..

كان قصر ومانو بيت .. ودعو ابوها ودخلو سوا ع قصرن ..

هاني: عجبك

تاليا: اكيد رح يعجبني .. ايا مكان بيجمعني فيك هو جنة بالنسبة لالي

هاني: اي تعي لكن

حملا هاني وصار يتفتل فيها .. وهي عم تضحك وتصرخ .. هاااااني .. بحببببببك

حياتن لتاليا وهاني كانت يوم عن يوم عم تحلا .. هاني كان بالشركة عم يحاول يوقفا من جديد .. وبالفعل كانت من احسن لاحسن .. وتاليا كانت بدواما بمشفى ابوها ..

نعيم بعد يلي صار دخل بحالة اكتئاب .. طول هالسنين ما فقد الامل بانو تكون تاليا الو .. ويلي صار اخر شي عطاه امل .. بس وقت رجعت لهاني كسرتلو قلبو وقطعتلو ايا امل بوجودا معو ..

ما كان شي يخفف عنو غير شغلو بالعيادة .. وقت يسمع مشاكل الناس .. ويحس بكسرة قلوبن ..

وبيوم... دق تلفونو ..

نعيم: الووو

الست: (تبكي) دخيلك يا دكتور نعيم .. بنتي رح تروح مني دخيلك

نعيم: هدي حالك يا اختي .. شو صاير

الست: بنتي .. بنتي كتير تعبانة .. ومانا قبلانة تطلع من البيت لجيبا لعندك .. دخيلك ساعدني .. لا عم تاكل ولا تشرب ولا تشوف ايا حدا

نعيم: عطيني عنوان بيتكن اختي .. المسا وقت خلص دوامي بمر عليكن

الست: ربي يجزيك الخير

عطتو عنوان بيتن .. ووقت خلص الدوام مر عليهن ع العنوان ..
دق الباب .. فتحتلو ست باول الاربعينات ..

ام نغم: دكتور نعيم!

تبسم نعيم : اي هو

ام نغم: اهلا وسهلا .. تفضل

دخل نعيم ع بيتن .. كان بيت كتير بسيط وهادي ... كلشي فيه مرتب ومنظم ..

ام نغم: ما بدي عطلك دكتور .. رح خبرك كلشي

نعيم: تفضلي اختي

ام نغم: بنتي نغم .. صرلا شهر ع هالحالة .. تركا حبيبا

حطت اديها ع عيونا وفرطت بالبكي ..

نعيم: هدي اختي .. ليش تركا

ام نغم: الله لا يسامحا امو .. حبتو وهني بالجامعة وهو حبا كتير .. تلت سنين وهني سوا وما يفارقو بعضن ووقت اجا ليطلبا امو ما وافقت

نعيم: وليش ما وافقت

ام نغم: بدا تزوجو لبنت خالو .. ويلي حرق قلبا لنغم انو ما دافع عن حبن .. ورضخ لامو فورا .. وما مضي اسبوع الا كانو صارو سوا .. واصرت نغم تروح وتحضر عرسو .. وقتا ما خليتا تروح الا وانا معا .. كان طاير من الفرح وكانو صرلو سنين عشقانها .. ولا كانو تارك بنت وراه قلبا مكسور .. ومن وقتا وبنتي حابسة حالا بغرفتا وما عم تتقبل ايا شي .. الاكل عم حطو بتما بالزور بس لحتى ما تموت جوع .. ما عاد فيني اتحمل شوفا هيك .. ابوها بيشتغل ببلاد برا وما الي غيرا .. هي كل حياتي ..

نعيم: ما تقلقي .. هلا بشوفا

📚قصص||روايات||منوعة📚

rwayate