#الجزء_الثاني ....
شمس :اسمو عامر بيك. ابو حسان وهوة صاحب شركة غدير للإستيراد والتصدير وهالزلمة عندو ولدين والتنين مسافرين برة البلد... واحد بيدرس لسا والتاني متزوج ومستقر برة ...ابو حسان حاليا عايش مع مرتو لحالون ... وطبعا عندو شركاء شي تنين او تلاتة بس نحنا ما بهمنا غير عامر بيك ...
شهد :اي وكيف رح نحتال عشخصية متل هاد ؟ نحنا مابعمرنا ما احتلنا عحدا
شمس :ليش انا كيف بستدرج هالخوريف ؟مو بالاحتيال ؟ 😒
ميرا :صح شموسة بس عحسب حكيك هالرجال كبير وشكلو مخلع سنانو بهالئصص ..مو متل هالمراهقين ...😦
شمس :اتطمنو انا حاسبتا عالليبرا ،كل اللي بدنا اياه هوة سند بيع شراء موقع بخط إيدو والباقي بالقانون وهيك بنصير نحنا صحاب الشركة ..ساعتها مابعود يسترجي حدا يجي صوبنا ،لأنو القانون لايحمي المغفلين 😎
يمنئ: ازضك بدك تستدرجي متل مابتستدرجي الشباب ؟
شمس :هالمرة مو انا يلي رح نفذ 😏
الكل: ميين لكن ؟
شمس :ميرا
الكل :شووووووو
شمس :اي شبكوون ؟
ميرا :بس ليش انا ؟؟ 😦
شمس :لأنك اكتر وحدة بتناسبك هالشغلة
يمنئ :وليش مابدك تنفذيها انتي شموسة ،بالعكس انتي انسب وحدة لهالشغلة
ميرا :كلام يمنئ مزبوط ،انتي عطول اللي بتنفذي شو عدا مابدا ؟
شهد :انا بألكون ليش ،هاد ياستي منك الها ،يمنئ كلمتين عبعضون مابتعرف تحكي ولسا صغيرة بعمر 18 سنة ومابظن هاد البيك يطلع بخلئتها ،اما انا رح افضحكون من اول يوم لأنو تصرفاتي بتشبه تصرفات الشباب ومابئدر عحركات الدلع هي 😂 اما شمس يلي شفتو انها بالزور عم تسحب هالعاهات لحتا نسرئون وهية خايفة تفئد اعصابها شي يوم وتليخو ضربة تجيب اجلو للزلمة لهيك مرمر انتي انسب وحدة لهالشغلة لأنك واعية وعمرك مناسب ومتزنة وبتئدري تدلعي 😂😂😂
ميرا :😦😦
شمس :شبنا مرمر هي شهد اللي هية شهد فهمتها وانتي الذكية ام عئل كبير وبتوزع عبلد ماتفهميها 😂)
شهد :نعم نعم نعم لتكوني شايفتيني مضيعة وهربانة من مشفئ المجانين 😒
شمس :شهد خرسي خليني اعرف اتفاهم مع ميرا احسن بتعرفي شو بيصير
شهد :خلص خرسنا تضربو من بين الصحبة 😒
ضلت شمس ورا ميرا لحتا قنعتا بالآخر لحتا تئبل بالشغلة ...
وبنفس اليوم ئعدت شمس لحتا تعلم ميرا علئ شغلها الجديد ... وتعرفها علئ عامر بيك ومرتو عن طريق الصور وعلئ شركتو وعلئ كم شخص من المقربين الو ...
شمس :شو حفظتيون ؟
ميرا :اي بس...انتي شو عرفك بكل هدول الأشخاص ؟؟
شمس :اه.... كـ گكنت عم بعمل تحرياتي من زمان
شهد :لكك شموسة انو ليش هالزلمة بالتحديد ؟
شمس : عادي لا عن التعيين ...اي ميرا رتبيلنا خطة مناسبة لحتا تئدري تتئربي منو
ميرا :هلء انتي ئلتي انو عندو ولاد برا البلد ،وعايش مع مرتو لحالون بالبيت !
شمس :اي ...
ميرا :لا لا مابتزبط
شمس :شوهية ؟
ميرا :عم فكر بشغلة رح تجيبو كرفتة لهون
شمس :كييف ؟؟ رح تجيبي لهون ؟
ميرا :لا حبيبتي مو انا ...سوزي يلي رح تجيبو 😏
شمس :مين سوزي ؟
فاتت ميرا علئ غرفتها وجابت اللابتوب وئعدت. عليه وبلشت تفتح مواقع
شمس :بس فهمينا شو رح تعملي ؟
ميرا :سوزي البنت الدلوعة بنت صاحب اكبر مشاريع اسكان هون بالبلد ...اسمها الكامل سوزان الساحر العمر 29 سنة الحالة عزباء المحصل الدراسي ادارة اعمال بنت جميلة جدا... البنت مسافرة من كزا سنة وعلئ ما اظن مارح ترجع ...
شمس :اي وشو دخلها بشغلنا ؟؟
يمنئ :ميرا انتي عم تفكري تنتحلي شخصيتها ؟؟
ميرا :بالزبط ..هاد اللي رح يصير
شمس :وليش نئيتي هالبنت بالذات ؟
ميرا: رح ئلكون...خدو شوفو صورة البنت
صفرت شهد وئالت :يخربيتا محلاها هلء هي بنت ونحنا بنات 😂
شمس :ميرا عفكرة فيها شبه منك
ميرا :هاد ازضي ،الصبية وحيدة لأهلا وهنن حاليا ئاعدين برا البلد وانا تئريبا بشبهها مع شوية ميك أب بطلع نسخة عنها مشان ازا حاول عامر بيك يتأص عني ،وانا رح اعمل شوية أوراق ثبوتية مزورة لحتا ماحدا يشك فيني ،وابو الجود رح يساعدنا
سندت شمس حالها عالكرسي ورفعت رجلا عالطاولة ...
شمس :والله مانك ئليلة مرمرتي
يمنئ :بس بركي هالبنت رجعت عالبلد ؟
ميرا :يعني الها عشر سنين برا البلد هلء رح ترجع ؟ وشهودة جهزي حالك انتي رح تكوني الشوفير الخاص تبعي
شهد :امرك معلم 😄
ميرا :وانتي يمونة ... رح تكوني المرافقة الخاصة يعني متل السكرتيرة
يمنئ :حاضر 😕
ميرا :وانتي شمس ... رح احتاجك انتي وابو الجود لحتا تسهلولي الطريق من خلف الكواليس كرمال فوت عالشركة
شمس :فهمت عليكي ،رح نخسر شوية مصاري بس يلي رح نكسبو اكتر بكتير 😏
ميرا :معناتا اتفأنا 😌
حطت ميرا ايدها ورجعو البنات حطو ايديهون علئ ايدها وئالو «نحنا عصابة صبايا وياويلو يلي رح يوئع بين ايدينا 😂»
يمنئ :ههههه بتكون امو داعية عليه 😂😂
مضيت فترة الصبح وبلشو البنات يجهزو حالهون من كلشي ... الاكسسوارات والمكياج والتياب لحد الأوراق واتصلت شمس علئ أبو الجود ..
شمس :كيفو احلا معلم ميكانيك
ابو الجود :مشتاء لشوف الشمس بنص الليل 😍