📚قصص||روايات||منوعة📚

rwayate

ومابعرف كيف سهيت عيني ونمت عند علي .
امو: .....طيب مرة تانية بتتصل ازا سمحلك اخوك فيها المرة التانية .
جاد بلع ريقو: ....ليش وينو .
امو: ....نايم لساتو ......
ها ابن الحلال عند زكرو .ببان الله لا يحرمني منكن ياحق .
جاد: صباح الخير اخي .
بدر:.....هلا والله ....بعد زمان ياافندي شو وين كنت ليلة مبارح ....(والتفت بدر لامو وقلا)
امي فيقي البنات وجواد وجهزو الفطور .
امو: ....اي من عيوني .
حط بدر ايدو عكتف جاد ومشى معو لغرفة المكتب .
بدر: .....اي يابطل ....سمعني شو مغامراتك هالليلة ....وين كنت .
جاد بحرص شديد انو يثير غضب بدر: ....حبيبنا بدور ....مافي لا مغامرات ولاشي كنت مع رفقاتي سهرت عندهن غلبني النوم ونمت مافقت الا من شوي .
بدر: .اممممممم ومع مين كنت سهران .
جاد: ...مع ....مع علي وحسام وايهم .
بدر: ....طيب شو رايك تحكي السدق بلا ماقوم اعمللك اللازم .
جاد عرف انو بدر كاشفو : .....اي بقلك بس مابتعصب عليي .
بدر بعصبية: ....قووول.
جاد: ...الصراحة كنت متدايق كتير نفسيتي تعبانة ضليت امشي بالسيارة لدخلت عمطعم وبعدها نمت بالسيارة ماعرفت كيف لطلع الصبح .
بدر: .....اكيد جاد ...مابدي ارجع عيد سؤالي ....ولا تخليني افقد ثقتي فيك .
جاد: ....والله العظيم هاد اللي صار ..
مااسترجى جاد يقول لبدر انو نام بمكتب سهر لان رح يقلو بدل مانمت عند الغريب ليش مارجعت عالبيت.
بدر قاعد وحاطط ايديه عرجليه : ....نحنا من ايمتا بننام برات البيت.
نزل جاد راسو: .....مافي بالعادة ....هي اول مرة .
بدر: ...واااخر مرة .....ماتنسي عندك اخوات بنات بالبيت مابصير حدا فينا ينام برات البيت فهمان .
جاد: ...اي اخي حقك عليي .....بس كمان اغفرلي هالغلطة لانو اول مرة ومافي بالعادة .
بدر: ...اي هالمرة رح مرقلك اياها بس ماتعيدها لأن مابعرف شو بيطلع معي .
لمحة عن عيلة جاد ...
بدر الأخ الكبير عمرو 32 سنة شب شخصية مهيوب عيونو سود رموشو كثيفات شعرو اسود ناعم بشرتو سمرا شخصيتو قوية كتير كتير وهو الآمر الناهي بالبيت ،عندو نادي رياضي فخم وكبير كتير بيحوي جميع انواع الرياضات وهو مدير للنادي وصاحبو ...هو المسؤول عن امو واخواتو البنات والشباب والوحيد اللي مادرس فيهن جامعة اخد البكالوريا وماكمل لأن ترك ابوه عليه حمل تقيل وقت اللي تركهن بحجة انو بدو يسافر ليأمنلهن مستقبل منيح وخصوصي وقت صار بدر بالبكلوريا وصار لازمو مصاريف للجامعة ومن بعدها لا شافو ولا شافهن رغم انهم عرفو اخبارو انو سافر وتجوز واجالو ولاد كمان لكن مافكر يرجع او يسأل عن ولادو ومرتو اللي تركهن مشان مستقبلهن.
بعد بدر في يارا 27 سنة وهيام 25 سنة وجواد 23 سنة وجاد 21 سنة ..واخيرا اخر العنقود جينا 19 سنة .
نرجع لسهر ...
بقيت سهر بعد ماراح جاد مزعوجة من تصرف سالم وانو ليه هيك عم يعمل وحست انو مو لحالو وانو في حدا عم يبعتو ويدفشو ليشوه سمعة المطعم وسمعة سهر....لكن سهر كانت بنت قوية بشخصية فولاذية عندها قدرة عالتحمل وكانت شايلة حمل كبير من صغرها ...ومع هيك كبرت المطعم وحسنت منو ومن شغلو ووسعت من مساحتو وضافتلو اشياء كتير ليعطي جمال اكتر ويجذب الزوار والناس اكتر ....وبنفس الوقت مااهملت دراستها ومااهملت امها وابوها المريضين العاجزين ولا ورودها الصغار اللي هنن اخواتها ورد ووردة .
مرق الاسبوع عخير وماصارت فيه ابدا مشاكل ولا شي ...
بيوم الجمعة قرر جاد ياخد امو واخواتو عالمطعم لعند سهر ويفطرو عندها وسأل بدر وجواد ازا بدهن يروحو معهن وخبرو بدر انو اليوم تحديدا عندهن مسابقة بنادي السباحة اللي عندهن ....رحبو امو واخواتو بالفكرة وخلال ساعة كانو عند سهر بالمطعم .
من بعيد كان بدر وراهن وشافهن وين راحو ولأي مطعم فاتو ...مو قلة ثقة بس بدر كان من النوع الحريص على عيلتو بشكل جنوني وبخاف عليهن كتير وبحب يعرف عنهن كل شي بدون مايحسسهن لحتى مايشعرو انهن مراقبين ومقيدين.
شغل سيارتو بعد مااتطمن عليهن وراح للنادي تبعو .
بالمطعم ....
مجد : .....سهر اليوم الجمعة وانتي بتعرفي عجقة الجمعة بالمطعم الزباين برا كتار وماعم نلحق شو نعمل ..والتراس الخارجي مليان واللي فوق مليان .
سهر:.....ااااااااخ يلا جاية لساعدكن انا ...يوم الجمعة اللي هو راحة عند الناس عندي انا تعب زيادة ...الحمدلله عكل حال .
طلعت سهر عالتراس اللي فوق وشافت طلبات الزباين وبعتت الطلبات للمطبخ ...مشت شوي ولمحت جاد قاعد مع عيلتو بس ماكانت بتعرف انهن عيلتو .
راحت لعندهن : .....صباح الورد اهلا وسهلا فيكن ....نورتو المطعم .
اتطلع فيها جاد حس كأنها عم تحكي برسمية ماحب يحرجها او يزود بالحكي .
ام بدر: ....اهلا فيكي بنتي ماشاء الله المطعم جد خياااال كتييير حلو .
سهر عم تبتسم برضى: ....تسلمي مدام هاد من زوئك ....شو بتحبو تطلبو .
اتطلع جاد بأخواتو: ....شو بتحبو تفطرو .
يارا موجهة الكلام لسهر: ....شو عندكن للفطور ...
سهر: ....كل شي موجود ...المنيو عندك فيكي تختاري اللي بيعجبك ..
جاد عم يحكي لسهر: ....شو رأي

📚قصص||روايات||منوعة📚

rwayate

ك تجيبيلنا عزوئك انتي .
سهر: ....ازا هيك بدكن عطول.
طلبت سهر فطور ملوكي لجاد واللي معو ...وبعتتهن بشكل مرتب وانيق ملفت للأنتباه.
اعجبت ام بدر والبنات بالمطعم كتير وعجبهن الأكل والرقي الموجود برص الصحون وطريقة التقديم كانت فخمة ورائعة .
ام بدر: ....ماشاء الله جد هالمطعم تحفة وراقي وهادي ...لك ابني من وين اندليت عليه.
جاد ::...اااه امي كنت اجي انا ورفقاتي احيانا لهون .
رجعو عالبيت مبسوطين ورضيانين بهالمشوار وحست سهر عليهن انو عجبهن الاكل والمطعم وكل شي ...وهالشي عطاها بسمة امل وراحة نفسية .
ببيت بدر...
ام بدر: ...ياالله ياامي شو اشتهيناكن معنا اليوم عالفطور جد انو مطعم فاخر بتحسو من التراث كل شي في حلو ومرتب ونضيف .
بدر: ...المهم انبسطتي انتي والبنات.
يارا: ....اي والله يااخي كتير هي اول مرة برتاح بالأكل وبمكان تحفة متل هيك.
جواد: ....اهم شي ست الحسن طلعت وغيرت جو بدل نكد مبارح اللي عيشتينا فيه .
جينا: ....اي يعني مو كتير .
بدر: ....خلصنا بقى جينووو.....قلتلك رح بخليكي تتعلمي سواقة بس مو هلأ ...بس لتخلصي هالسنة والله براسي لروح سجلك وخليكي تتعلمي بس طولي بالك ...بعدين عشو مستعجلة وشو ناقص عليكي عندك جواد بوصلك الصبح واي واحد فاضي برجعك من الجامعة يعني ماعم تتعزبي بالمواصلات عشو عاملة فيها زعلانة.
جينا: ....وعد بدر .
بدر: ......شو هي وعد ليش من ايمتا انا بقول وبغير كلامي اااه.
جينا عم تضحك:....لا بعرف انك قد كلامك الله يخليلي اياك ومايحرمني منك يارب .
جواد: ....ليك الملعونة مبارح طقت عروقنا ونحنا نقنع فيكي انو خليكي للسنة الجاية وماضل واحد بالبيت الا وتحايل عليكي لترضي وهلأ وقت قلك بدر هالكلمتين اوام اقتنعتي. مع انو ماحكى شي زيادة .
جينا: .....اي هاد بدر يؤبر البي مابقدر خالفو انا .
جاد: ....ياعيني عليكي لو بنعرف انو رح بتقتنعي مباشرة من بدر ماكنا عزبنا حالنا مبارح وخسرت حالي اليوم حق فطور لأرضيكي ياخانوم .
صار الكل يضحك عجاد وعأسلوبو .
جينا: ....مافيي خالفو لبدور انا وبعرفو قد كلامو حبيب البي هاد .
ام بدر: ....الله يخليكن لبعض ومايحرمني منكن ولا يحرمكن من بعض.
صارت سهر تشوف جاد بالجامعة واحيانا مايكون معها وقت تسلم عليه من قريب وتوقف معو كانت تكتفي انو ترفعلو ايدها من بعيد.
......
جواد: ....امي عايزك بموضوع .
امو: خير امي شو فيه .
جواد: ....امي كنت بدي قلك انو بدي اخطب .
امو: ...كيف بدك تخطب هلأ قبل بدر .
جواد:....رح اسألو اكيد مارح اخطب من دون علمو.
بالنادي قعد جواد وبدر بالمكتب .
جواد: ....اخي كنت بدي قلك انوو...ازا ماعندك مانع بدي اخطب ...تعرفت عبنت وعجبتني وبدي اخطبها .
بدر: ...لا اكيد ماعندي مانع ...بس من وين عرفتا لهالبنت .
جواد: ....كانت معي بالجامعة والتقيت فيها صدفة بتشتغل بشركة ادوية لأن دارسة هي صيدلة .
بدر كان عطول عينو على اخوانو الشباب والبنات وبيعرف مين برافقو ومين بحبو حتى حزن جاد ومأساتو كان بدر سببها لأسبابو الغامضة ...رح بنعرفها من خلال القصة .
بدر: ....طيب ومتأكد من اخلاقها ومن عيلتها وكل شي .
جواد: ...مارح اسأل عن عيلتها لحالي وقبل لأخطبها رح بتساعدوني انت وجاد اكيد .
بدر: .....على خيرة الله ...بس عطيني عنوان بيتهن واسم عيلتهن واترك الباقي عليي.
جواد: ....يعني ماعندك مانع انو اخطب قبلك .
ضربو عكتفو بوكس: .....طبعا ماعندي مانع منى عيني شوفكن عم تفتحو بيوت وتكبرو ويصير عندكن ولاد وتستقلو بحياتكن.
جواد: ...بس اخي انا مابدي عيش بعيد عنكن ولا بدي استقل بحياتي بعيد عنك انت تحديدا .....انت مو بس اخي انت ابي كمان انا وعيت عليك انت .
ابتسم بدر وقت سمع هالكلام من جواد وحس بحبو الو قرب منو وخربطلو شعراتو بحنية وطلع من عندو .
وقف بدر بعيد ...ماحب اخو يشوفو ومشاعرو بهالشكل كان بدر مبسوط انو خوانو عم يكبرو بالشكل الصحيح ومابيغلطو وبيشاورو بكل شي وبخافو عمشاعرو من اي شي ....وحس بشعور الأب وكأنو فعلا ابوهن مو اخوهن الكبير.
بقيو فترة الشباب عم يسألو عن البنت واهلا وتحديدا بدر سأل عنها بشكل مشدد مابدو اخو يتعزب بحياتو ....ومن بعدها راحو وخطبوها للبنت وتحدد موعد الخطبة.
بيوم جمعة راح جاد لعند سهر عالمطعم ليعزمها عندهن عحفلة جواد.
سهر: ....مبارك ياجاد وعقبال عندك ....بس بصراحة مابظن انو فيي اجي لأن حفلتكن بيوم جمعة وانت بتعرف يوم الجمعة عندي قديشو صعب وعجقة كتير .
جاد: ....لااا سهر جد مافيكي تعتزري الحفلة من 8 لل 11 يعني معك وقت تعي لو ساعة كرمالي ماتفشليني .
سهر: ....لا والله مو قصدي فشلك ....بس مابعرف شو ظروفي .
جاد: .....قلتلك تعي بس ساعة .
سهر: .....خلص بشوف ازا قدرت ان شاء الله بجي .
جاد: اي مو تتحججي ....رح بستناكي .
سهر: ....ههههه ازا الله راد بجي خلص .
مرقت الايام سريعة واجى يوم الحفلة ...قررت سهر تروح وقت شافت انو صار عندا مجال ...لبست فستان توتي غامق دانتيل طويل مكسم عجسمها ومفتوح الضهر من ورا وتركت شعرها مفرود

📚قصص||روايات||منوعة📚

rwayate

عطولو وحطت ميك اب خفيف وراحت بعد مااخدت عنوان البيت من جاد وقت التقت فيه بالجامعة مرة تانية.
وقت دخلت انحرجت لأنو مابتعرف حدا ...شافها جاد من بعيد وركض لعندها سلم عليها واخدها لعند امو واخواتو سلمت عليهن وتعرفت عليهن وراحت للعرسان وسلمت وباركت.
اخدها جاد عطاولتهن لتقعد مع امو واخواتو.
بعد شوي اجى بدر شافها وسلم عليها بعد ماعرفو عليها جاد .
بدر عم يحكي بحالو انو مين هي كيف مالمحتا ولا مرة مع جاد معقول بسبب هي قدر جاد يتخطى اللي صار معو مع حبيبتو هديك.
بقي بدر كل الوقت عينو عجاد وعسهر.
سهر قربت من جاد عم تهمسلو: .... جاد هلأ انتو كلكن هيك ماشاء الله عمالقة وعندكن عضلات هيك .
جاد انفجر بالضحك: ...هههههههههه نحنا عنا نادي رياضي بديرو اخي بدر وجواد ....لهيك شي طبيعي تشوفي عنا هيك اجسام.
سهر: ...اااها لهيك بيوم اللي ضربت ابن عمتي ماشاء الله مااخد معك كفين كنت مكومو بالأرض.
جاد: ....هاد وانا الصغير ...لكان لو تشوفي بدر شو بتقولي .
سهر😮: ....ليش هو كمان بيضرب متلك.
جاد: .....انا مابعرف اضرب قدام بدر .
سهر: ......كماااان.
جاد: ....بدر اخي الكبير وعندو بالنادي بتلاقي جميع انواع الرياضات ...كل شي رياضة بيخطر عبالك موجود عنا بالنادي ...وبدر فيكي تقولي ماهر بكل انواع الرياضات .
سهر: ماشاء الله واضح عجسمو انو رياضي كتير ...وانت كمان والعريس.....بس قلك عشي .
جاد: قولي .
سهر: ....يعني صحيح انو انتو بتلعبو رياضة واجسامكن قوية بس مو بشعة متل المصارعين .
جاد:....ههههه لا مو متل المصارعين نحنا مابنحب هيك اجسام بصراحة لأن ازا اهملنا الرياضة فيها بترخي العضلات وبترهل وبتصير مقرقة لهيك نحنا رياضيين بعضلات اي بس مو مصارعين ....يعني ماتخافي من بوكس يجييكي فجأة عأنفك😜.
سهر: .....لاااا يااا عم تنغش حضرتك ...مااحلاك تستقوي علي .
بدر كان عم يحاول يسمع شو عم يحكو لكن صوت الاغاني كتير كان عالي ماقدر يفهم شي ...لكن اكتفى بالمراقبة .
#يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثاني...
صار وقت رجعت سهر عالبيت مافيها تتأخر اكتر ..
سهر: ....جاد انا صار لازم روح .
جاد: ....شو سهر لسا مالحقتي تقعدي ...خليكي شوي تانية .
سهر: ...والله مافيي اكتر انا خبرتك من الاول انو مابقدر اتأخر.
جاد: طيب ماشي رح وصلك .
سهر: ....لأ انا بروح لحالي خليك مع اهلك انت.
جاد: ...وكيف رح ترجعي لحالك لأ مابصير .
اجى بدر وهنن عم يحكو .
بدر :..خير شو في.
جاد: ....مافي شي اخي بس سهر بدا ترجع عبيتا وبدي وصلا.
سهر: ...مافي داعي ياجاد معي سيارتي وبرجع لحالي من شو قلقان انت.
مال جاد بحالو لعندها وحكى بطرف تمو: .....مو انا اللي رح اعترض ورح اقلق رح تشوفي شو رح يقول بدر .
بدر حط ايدو عأدنو ليسمع كان صوت الاغاني عالي كتير : ....ماعم اسمع شو قلت.
جاد بصوت اعلى : ....عم قلك سهر بدا ترجع عالبيت لحالا وكنت قلا اني بوصلا انا ماعم تقبل.
بدر قرب منها اكتر : ....مابصير ترجعي لحالك عالبيت بهيك وقت اتتي صبية ورح تتعزبي كتير ....لهيك خليك جاد انت مع امك واخواتك وانا بوصلها .
سهر : ....ماتقلق عليي انا معي سيارتي .
بدر: ...حتى ولو الوقت تأخر رح وصلك بسيارتك وبرجع لحالي .
ماقدرت تناقش سهر اكتر وقت شافت اصرار بدر الي كان اكتر جدية وقلق من جاد .
وهنن بالطريق عرفها بالأول بدر عن حالو .
بدر :.....انا بدر اخو الكبير لجاد.
سهر: ...اهلا وسهلا عرفني فيك جاد من شوي .
بدر: ....انتي من وين بتعرفي لجاد .
سهر: ...جاد رفيقي بالجامعة هو سنة تاتية وانا سنة رابعة بس نحنا بنفس التخصص بكلية الأقتصاد.
بدر: ....ايواااا بس مو باين عليكي مبينة اصغر.
سهر: ....مع انو ظروف الحياة مكبرتني بحسها بتعطيني عمر اكبر من عمري.
بدر:...لا ماشاء الله مو باين شكلك معززة مدللة عند ابوكي شو بيشتغل الوالد.
وقتها انحبست الدمعة بعينها : ..ً..عنا مطعم ونحنا الي بنشتغل فيه.
بدر: ...ايوااا ....طيب فيي اسأل سؤال خاص شوي.
سهر:....اي تفضل .
بدر: ....شو طبيعة علاقتك بجاد.
اتطلعت فيه نظرة استغراب وحست كأنو عم يستنطقها.
سهر: ....كيف بدها تكون علاقتي فيه يعني زمالة بس لااكتر ولا اقل.
بدر: ....ماتفهميني غلط بس شفتكن منسجمين كتير مع بعض لهيك سألتك .
سهر: ....لأ ابدا علاقتي فيه عادية جدا...بس جاد عفوي كتير وسهل انك تحتك فيه وتختلط فيه مباشرة .
بدر : .....اهااا يلا حصل خير.
وقت وصلها بدر كان هو اللي سايق وقفتو سهر وقالتلو وصلنا.
انصدم بدر انو نفس المطعم اللي اخد جاد امو واخواتو عليه من فترة ....وقال بحالو مستحيل يكون مافي شي بينهن بس بهالسهولة قدر ينساها للارا.
نزلت سهر وتشكرتو عتوصيلها وراح بدر .
خلال الأسبوع اجى بدر عالمطعم وكانت سهر موجودة بس ماكتير عم تبين وهو اصلا ماكان بدو اياها تشوفو كان قاعد بصالة المطعم وطلب فنجان قهوة بس واكتفى انو يتطلع بس من بعيد حب يتأكد باللي عم يشك فيه ازا صحيح او لأ ...لأنو كان يشوف وضع جاد بالبيت مو تمام وعطول حزين وكئيب .
بعد شوي انطفت الأضوية بالمطعم وتشعلت سبوتات بأنارة حمرا رومنسية وكانت سهر واقفة وبدا تحكي شي .
سهر: ....اهلا وسهلا بكل الحاضرين الليلة عندي شي حابة انكن تشاركوني فيه ، الليلة انخلق احلى شخص بهالكون اللي كنت ناطرتو من سنين واللي عم يكبر قدام عيوني واللي رح يصير شي كتير كبير بهالبلد واللي رح يضوي عتمة حياتي بدي تباركو معي وتشاركوني فرحة عمري بهاليوم اللي رح يكبر سنة ورح يحلى اكتر ..
بدر قاعد مصدوم وقت فتح موبايلو وتزكر انو اليوم عيد ميلاد جاد ...وقال بحالو شكوكي بمحلا معناها ...بجوز تكون هي اللي راكدة ورا مو هوي .
بعد ماخلصت سهر كلاما قالت رحبو معي بحب عمري ...وسقفت سهر وقت انفتح الباب مع صوت غنية لعيد الميلاد ...وركدو عليها ورودها اخواتها ورد ووردة ..
وكملت كلامها للحاضرين: .....اليوم احلى يوم بحياتي انا وقت ربنا رزقني بأخوات تنين وانا بحسهن واحد مو تنين لأنهن توأم لهيك خلينا نقلهن Happy Birthday ونستمتع معهن بتقطيع الطرطة سوا ....
حضنت اخواتا وبوستهن وسقفلهن الكل وقالو بصوت عالي ....Happy Birthday لأحلى تنين ...🎉🎉 .
جابولهن قالبين طرطة كل واحد عليه صورتو ...صرخو اخواتها من الفرحة وقت شافو مفاجأة سهر الهن وقطعو الطرطة واخدوا الهدايا من سهر وكان هاد احلى عيد ميلاد بالنسبة الهن لان كانو مفتكرين انو سهر نسيانة موضوع ميلادهن.
نزل راسو بدر وقت شاف انو سهر عم تحكي عن اخواتها مو عن جاد وفجأة لمعة براسو فكرة💡.
اتصل بالبيت وردت عليه يارا.
بدر: ...كيفك يارا .
يارا: ....اهلا ببدر البدور .
بدر: .....يارا بدي اسألك جاد وينو .
يارا: بغرفتو ....بدك اياه .
بدر: ....لأ مابدي اياه بس شكلكو نسيانين انو اليوم عيد ميلادو لجاد ماهيك.
حطت يارا ايدها عتمها : ...يييي اي والله مزبوط كيف هيك نسينا .
بدر: ....طيب خلص ماتحكيلو شي بس اتفقي مع امي والبنات وانا رح خبر جواد انو رح نعمل لجاد مفاجأة اوك ىح جبلو انا طرطة وانتو اعملو اي شي بس ماتحسسو بشي اي اعملو حالكن نسيانين

📚قصص||روايات||منوعة📚

rwayate

اوك.
يارا: ....اوك حبيبي خلص هلأ بخبر ماما والبنات وبنعمل شي سريع.
وصى بدر عقالب طرطة كبير وطلب يزينو بأحلى الرسومات ويحطو اسم جاد عليه .
اتصل بجواد وخبرو .
وقت رجع عالبيت كانو اخواتو عاملين اشياء بسيطة وكان جايب بدر هدايا للكل عاساس انو منهن ومايحسسو جاد انهن نسيان عيد ميلادو .
اتصل بدر بجاد وطلب منو ينزل ينادي لأمو بدو يحاكيها .
نزل جاد واستغرب انو ليه اضوية البيت كلا مطفية ....
نزل عمهل وصار ينادي لأمو ولأخواتو...
جاد: .....امي .....امي .....يارا....جينا.....هيام ....لك وينكن ...وين راحو هدول .
اجالو جواد من ورا وحط شي عأساس مسدس براسو لجاد وغير صوتو ...
جواد: ......ازا بتحاول انو تعمل اي حركة ماتلوم غير حالك ...امك واخواتك صارو بأيديي...لهيك روح وجيب شوفي مصاري ودهب بالبيت بسرعة والا رح بدبحهن ورا بعض وقدام عينك .
جاد كان متهور ومتسرع وعصبي كتير بس الموضوع بخص عيلتو لهيك قرر هالمرة يتأنى ...
جاد: ......مافشرت بعينك ولااا انت بدك تأذي امي واخواتي
...لك لسا مابتعرف مين انا ولا مع مين واقع يامسكين ..هههه....لك عندي اخوات بياكلوك بلا ملح.
جواد: ...اي قصدك الصيصان اخواتك بدر وجواد ...هههههههااي لك هدول بأصبعي الصغير بكومهن فوق بعض لسا انت اللي مابتعرفني .
كان بدر وامو واخواتو واقفين بعيد وعم يسمعو كل الحديث وعشوي كانت رح تفضحهن جينا عقد ماضحكت لولا بدر اللي كان سادلها تمها بأيدو .
جاد: ....لعلمك انت واقع مع الناس الغلط وامثالك اللي بتعمل هيك ولدنات هيي الصيصان ...لهيك قول عحالك الله يرحمني .
وبلمحة قدر جاد يخلص حالو من ايدين جواد لكن جواد كان عرفان حركة جاد واستغرب جاد انو كيف قدر يعرف شو الضربة اللي رح يوجهلو اياها وتفاداها جواد ووقعو بالأرض وحاول يثبتو وجاد قدر يفلت منو وضربو لجواد بوكس عوجهو وصاح جواد من الوجع.
وقتها جينا وهيام مااستحملو اكتر وصوت ضحكتهن ملت البيت ...ههههههههههههههههههه....ههههههههههههههههههه...تعيش وتاكل غيرااا.
وشعل بدر شلال الألعاب النارية وضوو شموع صغيرة ...وراحو لعندو .
اتطلع جاد حواليه وشاف البوالين والورد وشلال الألعاب النارية وطاولة مليانة اكلات طيبة وهدايا .
وقف جاد شوي واتطلع بجواد وشافو حاطط ايدو عوجهو ..
انفجر جاد وبدر من الضحك عمنظر جواد وهو عم يتوجع ..
بصوت واحد كلهن Happy Birthday احلى جادو بالدنيي كلااااااا .
بدر مسك جينا وهيام من ادنيهن وقلهن: .....لك لو ما طق معلاقكن كنا شفنا مصارعة بث مباشر هلأ .
يارا: ....لك اخي اي بث مباشر بالعتمة .
بدر: ....اي موضروري نشوف كنا سمعنا صوت الضرب ...هههههههههه.
ام بدر راحت لجواد عطول وقتها : .....شو ياامي توجعت حبيبي.
جواد : ....لا امي عادي ...والله ايدك قوية ياضرسان ماتوقعتك هيك .
جاد :.....اي لكان بدك تعمل عليي حرامي بدك.تاكل نصيبك والا لا بدّور.
بدر عم يضحك ماعم يمسك حالو : ........امبلى ...هههههههه هيك ....ههههههه.
جاد راحلو لجواد وباسو عراسو : ....حقك عليي اخي والله اكيد مو بقصدي بس مالقيت الا دور الحرامي .هههه.
جواد: ....اي لاااا مو بس حرامي وخاطف كمان ....يعني عندي اكتر من صنعة انا ....ههههههههه.
صارو يضحكو وانبسط جاد كتير بالمفاجأة الغير متوقعة وتشكرهن كتير لعيلتو اللي بحبها كتير .
بدر بينو بين حالو عم يقول (لازم تتشكر سهر اللي زكرتني فيك ).
تاني يوم بالجامعة التقى جاد بسهر سلم عليها ..
سهر: ....كيفك اليوم ان شاء الله منيح.
جاد: ....بدك الدغري مبارح كنت كتير مزعوج بس صارت معي حركة خلتنني اضحك كل الليل لنعست ونمت.
سهر: الله يبسطك خير ان شاء الله.
جاد: مبارح كان عيد ميلادي وامي واخواتي الشباب والبنات عملولي مفاجأة بس شو مفاجأة ياسهر ...هههههه اشتهيتك معي ...هههه.
حكى جاد كل شي لسهر وصارت تضحك هي واياه مع بعض .
سهر: بتعرف لك حتى ورودي مبارح كان عيد ميلادهن ....وعملتلهن حفلة بالمطعم قدام الزباين بس بصراحة حبيتا لأن فرحو اخواتي كتير فيها مع الهدايا وكان الكل يباركلهن بهاليوم ويتمنولهن سنين حلوة .
.................
عم تطوي الايام وتمرق بسرعة ومرق اسبوع تاني وبيوم جمعة راح بدر مع عيلتو كاملة الصبح لعند سهر عالمطعم ليفطرو عندها .
وبحكم انو يوم الجمعة عجقة كتير بتضطر متل ماقلنا من قبل سهر تساعد الشباب بالشغل بالمطعم ....اختار بدر التراس الفوقاني لأنو بيطل عالجبل كلو وعالمطعم كامل والمنظر من فوق بيفتح النفس ...
سهر وعم اتدور بين الطاولات لمحت جاد من بعيد عم يأشرلها ...راحت لعندو وتفاجأت انو العيلة كلها موجودة .
كانت سهر رائعة ملفتة جدا ....لابسة بنطلون قماش بقصة حلوة كتير ماسك عالجسم باللون الأسود وقميص ابيض ضاببتو بقلب البنطلون وكندرة سودا بكعب عالي ...وعاملة شعرها ديل الفرس .
سهر: ....صباح الخير نورتو مية اهلا وسهلا ....مبروك ياعريس والله يتمملك عخير.
ام بدر: ....بنتي انا وين شايفتك قبل هيك.
سهر: ...ههه خالة انا اجيت على خطبة الاستاز جواد الاسبوع الل

📚قصص||روايات||منوعة📚

rwayate

ي مضى وبكون زميلتو لجاد بالجامعة .
ام بدر: ....اي اي مزبوط اهلين فيكي ....انتي بتشتغلي هون .
سكتت سهر شوي: ...اي خالة انا بشتغل هون ....شرفتونا ...شو بتحبو تفطرو .
استغرب بدر انو ليه ماقالت لأمو انو المطعم الهن .
جابتلن الطلبات وتوصت فيهن متل المرة الماضية .
...........
جاد عم يشوف البنت اللي بحبا بالجامعة بس مافيو يسألها انو ليه تركتو عندو كرامتو فوق كل شي وبماانها هي اللي نهت معناها هي اللي لازم تبرر سبب البعد لكن كان يشوفها من بعيد ومقهور حابب يعاتبها ويفهم منها ، لكن اللي حيرو انها لساتها عم تتطلع فيه متل قبل نفس نظرات الحب اللي كانت نفس دمعات العتب القديمة نفس احساسها بالغيرة وقت بيحاكي بنت غيرها ...بس ليش شو اللي صار هاد اللي حيرو .
شافتو سهر بكليتهن .
سهر: .....شو بشوفك عنا خير بدك مساعدة .
جاد : ....اي شفت رفيق الي طلبت منو يشرحلي كم شغلة ومشي الحال.
سهر: ....وليه هيك حزين ....باك شي جاد .
جاد: ....ماعاد فيي ضل مخبي بألبي اكتر ....بطق بجن ازا مابحكي ياسهر.
سهر: ....انا خبرتك من قبل انو فيك تحكيلي بس ماحبيت اضغطك .
جاد: ....لازم ارتاح ولازم افهم ولازم يتوضح كل شي مابصير ضل هيك مو عرفان شي .
سهر: ....معلش تهدا شوي وتروق وفيك تعتمد عليي ازا بدك.
جاد: .....القصة اني اول ما دخلت الجامعة من سنتين تعرفت عصبية معي وحبينا بعض ....كنا نشوف بعض كل يوم ونلتقي حبينا بعض بشكل جنوني .....فجأة من فترة اجتني بدون مقدمات وقالتلي انو نحنا مابناسب بعض وانو ماخلقنا لنكوك سوا ...بالأول فكرتا عم تمزح او عم تعمل فيي مقلب ....بس وقت شفتا عم تبكي حسيت انو الموضوع جد ...وحاولت افهم منا ...طيب يابنت الناس فهميني شو السبب شو اللي صار سمعاني عني كلام عاطل حدا موصللك شي عني شفتي مني او عليي شي اشرحيلي وضحيلي ..لكن ابدا ...كل اللي علسانها نحنا مو لبعض وانساني واتركني وخلص .
ومن يومتا لليوم وانا محتار شو اللي صار وليه هيك بيوم وليلة قلبت عليي ...واللي مجنني اكتر انو كل مابشوفا بتعطيني نفس النظرات اللي كانت تعطيني اياهن ونحنا مع بعض نفس مشاعر الغيرة المحها عوشها وقت تشوفني مع بنت تانية او عم احكي مع وحدة غيرها وفوق كل هاد واللي زاد من حيرتي اكتر انو سمعت من ناس انو قال ماعاد بدها اياني قال تعرفت عشب ظروفو ووضع المادي احسن مني ورح يعيشها عيشة احسن .....وانا بعرفا للبنت مو مادية وولا مرة استغلت اني من عيلة مرتاحة ماديا رغم انو ظروفها اقل من عادية... واللي شفتو انها متل زمان لساتا بترجع عالبيت بالميكرو ومابشوفها مع حدا ومابتوقف مع شباب ولا شي بالعكس كل مابتشوفني بحسا بدا تبررلي ليش هيك عملت وبترد بتتراجع .....محتار ياسهر شو اعمل كيف بدي افهم القصة .
سهر: ....معك حق مو معقول شخص بتحبو وبحبك يتغير عليك بيوم وليلة اكيد في سبب قوي ورا اللي عملتو وخاصة انو لساتها عم تتطلع فيك متل قبل متل ماعم تقول .
حط راسو بين ايديه .....هاد اللي مجنني انو اكيد في شي ماعم تقدر تقولو.
سهر: .....بتحب احكي معها انا وافهملك منها بلكي بتقدر تحكيلي اللي ماقدرت تحكيلك اياه.
جاد: .....شو رح تحكيلها انو مين انتي لتسألي .
سهر: ...رح قلا زميلتك وبعرف بعلاقتكن ببعض وحبيت ساعدكن .
جاد: ....اااااااخ ياريت ياسهر ياريت تقدري تفهمي منا وتفهميني .
سهر: ....ولا يهمك انا رح بعرفلك كل شي بأزن الله بس قلي وين بلاقيها وشو اسمها ..
عرفها جاد عليها من بعيد وراحت سهر لعندها ...
سهر: .....صباح الخير .
لارا: .....صباح النور .
سهر: ...انتي لارا مو ...انا سهر زميلة جاد حابة اتعرف عليكي وافهم منك بعض شغلات .
لارا: ....اهلا وسهلا ....جاد اللي بعتك .
سهر: ...مارح بلش معك بالكزب بحب كل شي يكون واضح وسادق ..اي ياستي جاد اللي بعتني حابب يعرف سبب تغيرك المبهم بدو تفسير لكل شي صار معكن ....ازا ماقدرتي تحكيلو فيكي تخبريني نحنا بنات وبنفهم عبعض الا ازا هالشي كان خاص فيكي ومو حابة تشاركي حدا فيه.
صارت لارا تبكي قبل لتحكي وحست انو سهر بنت طيوبة وفيها تتفهمها وانو بتقدر تحكيلا اللي ماقدرت تحكي لجاد.
#يتبع

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثالث.....
سهر: ....لارا انا مااجيت لزيد وجعك او ازعجك اجيت بس لأفهم منك اللي طلبتي من جاد منك انتي والا في حدا معبي براسك عليه .
لارا: .....والله والله انا بحبو لجاد من كل البي بس .......بس في ظروف خلتني بعد عنو وقلو انو نحنا مو لبعض .
سهر: ....بتقدري تحكيلي شو هيي والا مابدك .
لارا: ....ازا جاد متدايق وزعلان طاق فأنا مخنوقة ومقهورة مية طاق ....انا مافيي عيش من دونو والله ....
سهر: ....ياعيوني روقي شوي واحكي عمهل لأقدر افهمك .
لارا: ....بس بتوعديني ماتحكي لجاد اللي بدي قلك اياه هلأ .
سهر: ....كيف مابدي قلو اياه ازا انا جاية كرمالو والموضوع متل مابخصك بخصو الو وانا جاية بالاساس مشانو ومشان يعرف سبب بعدك عنو .
لارا: ....انا مابدي جاد يزعل من اخوو او ياخد عخاطرو منو .
سهر مستغربة : ....من اخوو ......مين اخو اي واحد قصدك ..وشوودخل اخو بالموضوع.
لارا:..ياستي هاد من فترة اجى لعندي اخو لجاد الكبير بدر ...وطلب يقعد معي وقلي انو انا علاقتي بجاد مو محترمة لأن شافنا مرة ونحنا قاعدين مع بعض وكان جاد قريب كتير مني يعني فيكي تقولي ضاممني ...بس والله ياسهر انو ماصار شي بيني وبينو بحرمو الله ..كل قعداتنا مع بعض بريئة بس بنكون قراب من بعض شوي ...وبهاللحظة كأنو بدر لامحنا وشاف انو علاقتنا ما بحيطها الأدب ....وقلي روحي وتجوزي من واحد يليق فيكي اكتر من جاد ...وطلب مني ابعد عن طريقو نهائي ..وهاد اللي خلاني اعمل هيك ياسهر والا انا مابدي غير جاد والله شاهد عليي .
سهر : .....اهاااا يعني بدر السبب ...طيب وانتي ليه ماقدرتي اتدافعي عن حالك وعن حبكن انتي وجاد وليه ماخبرتي لبدر انك بتحبي لجاد ومابدك غيرو.
لارا: ....ماعطاني فرصة وانا بعرف شو بدر هوكتير منيح وجاد بحبو كتير ومافيو يقلو لأ عشي وانا بحب بدر عحب جاد الو بس استغربت من موقفو ونظرة السوداوية الي .
سهر: ....خلص ولا يهمك بس جاد من حقو يعرف سبب تركك الفجائي الو .
لارا: ...خبري اي شي ..بس لا تجيبي سيرة بدر ابدا الله يوفقك مابدي الأخوان تصير بينهن مشاكل من تحت راسي مهما كان بضل انا غريبة.
سهر:...رح دبرلي شي قصة رح قول انو اهلك شافوكي معو وانك عملتي هيك بس لحتى ما يأذوو.
لارا: اي هي فكرة منيحة وخبري علساني اني لساتني بحبو ورح ضل حبو .
رجعت سهر لعند جاد وكان ناطرها عنار ليعرف السبب ...وخبرتو سهر بكل شي بس اكيد مو السبب الحقيقي متل ماطلبت منها لارا لحتى مايصير مشاكل بين الاخوان ..وانبسط كتير وقت اللي عرف انو لساتها بتحبو وانو ماخانتو وتركتو مشان رجال تاني متل ماسمع من رفقاتو .
تغيرت نفسيتو لجاد ورجع لنشاطو الاولي ولاحظ بدر عليه هالشي وافتكر وقتها انو خلص قدر ينساها للارا وانو رح يستعيد حياتو من جديد .
بقيت سهر كل الليل قبل لتنام عم تفكر ببدر انو ليه عمل مع لارا هيك ..و ليه ليتهم بنت بس لأنها كانت قاعدة قريبة منو بجوز يكون معو حق انو تصرفها غلط لكن هاد مو مقياس ليتهمها بأخلاقها ازا هالشي صار ..ومو من حقو يعزب اخو اكيد ويبعدو عن البنت اللي بحبا وانو بالغ راشد بيقدر يختار ومن حقو هالشي .
سهر عم تحكي بحالها ....اااااخ منك يابدر لك شو قصتك انت ليش لتتدخل بحياة اخوك مين اعطاك الحق لتتلاعب بمشاعرهن وتحول قصة حبهن لعزاب وحزن واسى ومين انت لتظلم بدون وجه حق ...معقول يكون ابو لبدر هو اللي طلب منو يعمل هيك بماانو الكبير ...بس جاد بعمرو ماحكى شي عن ابو ...اي عادي ولا انا ولا مرة حكيت لحدا شي عن بابا او عن حياتي الشخصية ....بس هاد بدر قصتو غريبة .
بيوم خميس راح بدر مع رفقاتو المدربين اللي معو بالنادي عمطعم سهر ...كان بدر يحس بأحساس كتير حلو وقت يروح لهونيك بحس براحة نفسية يمكن لان المكان كتير هادي ورايق .
مجد خبر سهر بحضور شباب مبينين متل البودي جارد وخاف كتير انو يكون سالم اللي باعتهن وطلب من سهر تتأكد منهن .
طلعت سهر عالتراس الفوقاني ووقت شافت بدر ضحكت من البها عمجد وخبرتو انو هاد بكون اخو لجاد واللي معو اكيد رفقاتو من اجسامهن اللي بتشبه جسم بدر وجاد .
شافها بدر جاية صوبو ابتسم بسرو وقت لمحها ..
سهر: ....صباح الخير اهلاووسهلا فيكن .
بدر : ....اهلا فيكي ....كيفك ..ان شاء الله منيحة .
سهر وهي مقهورة منو بس مضطرة تجاملو: ....الحمدلله بخير ...شو طلبكن .
بدر : ...عزوئك متل المرة الماضية وكل شي موجود نزلي منو ...
سهر: ..تكرم عينك ..بس طلبكن بدو شوية وقت بتحبو تشربو شي ليجهز الفطور .
بدر: ....اممممم مابعرف شو رأيكن شباب ..
طلبو الكل قهوة سادة.
سهر: بتحبو معها حلو والا كيف .
بدر: ...اي نزلي حلو مافي مشكلة .
سهر: على عيني شوية وقت والقهوة بتكون حاضرة .
واحد من الشباب اللي معو : ...شو حلوة هالصبية بتفلج .
كان عم يحكي باعجاب كبير ماعجب بدر .
وقت جابتلهن القهوة لمحت سهر جاد داخل عالمطعم .
سلم عليها وشاف بدر راح لعندو وقعد معو .
قرب بدر منو مستغرب : ...انت شو عم تعمل هون مو المفروض بهالوقت تكون بجامعتك .
جاد: اي اخ

📚قصص||روايات||منوعة📚

rwayate

ي بس الدكتور اليوم اعتذر وقال مارح يحضر وقلت في وقت ساعتين للمحاضرة اللي بعدها قلت بفطر هون وباخد ارجيلة وبعدها برجع للجامعة .
بدر: ....بس هيك.
جاد: ...شو بدو يكون فيه يعني .
بدر: ...يعني مو جاي لتشوف حدا و ليه سهر اليوم ماراحت عالجامعة .
جاد: ...سهر اليوم ماعندا جامعة ...جامعتا بتكون بس احد ثلاثاء اربعاء باقي الاسبوع بتضل هون عم تشتغل.
بعد شوي جابتلهن سهر لفطور وقامت القهوة .
جاد: ....لمين كان الحلو اللي هون .
بدر: الي انا .
اتطلع جاد بالأكل اللي جايبتو سهر وقلا الحقي جيبي قدو كمان مرة .
سهر: ....ليه يعني ...ماشاء الله الاكل كتير .
جاد: ....اي بس الي مابتعرفي انو بدر وقت ياكل حلو بعد شوي بياكلنا كلنا ازا ماشبع.
ضحكو كلهن عليه وخبطو بدر بكتفو .
سهر: ....ليه يعني .
جاد: ...لأن بطبعو وقت بياكل حلو بجوع كتير وانتي الله يسامحك جايبتيلو حلو .
سهر::.....هههههه اي صحة وعافية ازا ماكفى الأكل المطبخ مليان.
جاد: ....طيب انتي ليه ضحكتي هيك وانتي مستغربة.
سهر: ..لا مافي شي ....انسى .
بعد شوي اجو الشباب وقامو الأكل ولحقهن جاد ليحكي مع سهر بخصوص لارا .
شاف مجد جايبلا ساندويشة كبيرة .
جاد: ...هلأ انتي بتاكلي هي كلا .
مجد: ....اي اكيد مو اكلت حلو لازم تاكل بسرعة بعدها .
صفن جاد فيها وقلا: ...لهيك استغربتي من بدر ....عندكن نفس الطبع.
..........
قدرت سهر تغير شوي من نفسية جاد وصارت تأمنلو اوقات ليقدر يشوف لارا بدون ما يحس بدر وقت فهمت من جاد اوقات تواجدو بالنادي درست الوقت مزبوط وعأساسو زبطت لقائاتهن .
جواد عند.خطيبتو عم يختارو سوا عفش البيت لأن بدو يتجوز بسرعة وقررو بالقريب العاجل يكون العرس يعني معهن بس اسبوعين .
واتفقت ام بدر والبنات مع خطيبة جواد يحكو مع دار ازياء معينة ليختارو اللي بناسبهن لحفلة جواد .
بيوم جمعة بعد الضهر قررت ام بدر تعزم عخطيبة جواد يروحو لعند سهر عالمطعم ويتغدو عندا وراحو كلهن الشباب الصبايا وخطيبة جواد.
وقت وصلو حاكى جاد سهر وخبرها انهن موجودين بالمطعم.
طلعت لعندهن ورحبت فيهن بشكل حلو ومميز، طلبو غداهن ونزللهن احلى واشهى واطيب اكل ....ومن بعدها اجى اتصال ليارا من دار الأزياء خبروهن انو جابو البضاعة المطلوبة ازا بحبو يروحو يشوفوها .
راحو الصبايا مع ام بدر عدار الأزياء وبقيو الأخوان التلاتة ...طلبو اراجيل وشاي.
بعد شوي اجت سهر وجابتلهن الشاي وهي عم تحكي معهن بحلقت عيونها ناح باب المطعم ....اتطلعو تلاتهن فيها مستغربين سبب صفنتها .
التفت جاد للبوابة ووقف عحيلو لوقع الكرسي من وراه.
وقت شافت سهر جاد وقف بعصبية هيك اخدتو بعيد عن اخواتو .
سهر: ....الله يوفقك جاد اتركلي الموضوع والله بعرف اتصرف انا ماتخلي اخواتك يشتلقو عشي الله يخليك .
جاد: ...سهر انتي اختي الرابعة والله مابتركك لحالك مع هالواطي .
قرب بدر وجواد منهن ليفهمو شو فيه .
سهر: ...مافي شي شباب ارتاحو وهلأ بتوصلكن الاراجيل .
وصل سالم وسكر مجد باب المطعم الداخلي .
طلبت سهر من جاد بعد ترجي كبير انو يرجع مع بدر وجواد عطاولتهن ويشوفو من قريب ...بس مايتدخللو.
كان سالم ناوي عالشر لكن وقت شاف جاد تراجع خطوة لورا.
اخدتو لسالم لجنينة صغيرة بتكون تحت التراس اللي قاعدين عليه بدر واخواتو ومابيعلى التراس كتير يادوب بس متر متر وشوي .
كانو الشباب قاعدين مستنفرين وكانت قعدتهن كالتالي ...
جاد واقف وحاطط رجل وحدة عحفة التراس وعم يضرب ايدو بوكس بأيدو التانية .
جواد واقف مرتكي للحيط ومكتف ايديه ببعض.
اما بدر فكان قاعد بهدوء عطرف التراس وعم يلعب بفتاح السيارة ويزور سالم .
سهر: .....خير شو جابك .
سالم: ....شو صار معك .
سهر: بشو .
سالم: ....مارح ترجعيلي حق امي .
سهر: ....لك انت مامليت وانت رايح جاي لهون عنفس الموال كل مرة ....سالم انتو ماللكن عندي شي خلصنا بقى حاج اتضل تعمللي مشاكل ....فكرك اهل المنطقة مافهمو عليك وماعرفو ندالتك .
سالم: ....انا هالحكي مابيمشي حالو معي ...رجعيلي حق امي وخلصنا.
سهر: .....لك انت رجال ولااا ؟انت رجال ؟ .....عواض متوقف معي بظروفي عم تبتزني وبدك تاخد حق امك مرة تانية ومارح تكتفي اكيد رح ترجع اتطالب بغيرو.
قرب سالم منها اكتر وحاول يفهمها شي ويأشرلها بعيونو لكن سهر كان معمي عألبها وماكانت تفهم عليه شو بيقصد .
قرب منها اكتر واجى ليمسك ايدها وقتها نطو الشباب متل الوحوش من فوق بحركة خفيفة وصارو قبالو لسالم .
سهر: ....جاد بترجاك خليني احكي معو انا .
جاد: ....لأ اتتي مابصير تكوني لحالك انا معك رح ضل عم تفهمي .
سالم كان مركز اكتر شي عجاد وتزكرو وقت اللي ضربو اول مرة وماانتبه لجواد وبدر منيح .
سالم : شو ست سهر جايبة فتوات عندك .
سهر: ......لا والله هدول مو غرب ومو فتوات ....هاد السبع وحطت ايدها عجاد وهاد الضبع واشرت بأيدها التانية عجواد اما هاد وحولت نظرها لبدر .....فهاد الملاك الحارس .
اتطلع فيها بدر ..
جاد: ....شو هالحكي هلأ نحنا سباع وضباع وحضرتو الملاك الحارس كيف ز