#اصدقاء_ولكن
وراحت سيلين ورجع تيم للسجن وقعد ع التخت يلي متل الحجر ..
فتح الورقة وبلش قراءة وكان المحتوى: [[السلام عليكم تيم..بنصحك تحاول تبعد عن بنتي سيلين..انا مالي غيرا بهالدنيا ومابدي انزع سمعتها بإنها تكون مخطوبة لواحد خريج حبوس ومابيهمني ان كان مظلوم او لاء..ورجاءً ماتجادل بدك تفسخ الخطبة ولا تهكل هم رح جيب المحامي لعندك ..خليت بنتي تجي تزورك ع مضض بس كرمال تعطيك هالرسالة..وطبعا سيلين مابتعرف شو محتواها ومالا زنب ..نحنا ادرى بمصلحتا]]
خلّص تيم من قراءة الرسالة تسطح ودمعو عيونو لحالن وصار يحكي بينو وبين حالو:ليش بتعاقبو المظلوم؟ ليش مصرّين كلكن تحرقو قلبي ..بدي آخد حقي بإيدي من يلي حطني بالسجن مارح استنى لا الشرطة ولا حدا ..خبط ايدو عالتخت خلا كل المساجين تحس عليه ويحكو بين بعض شي يقول مجنون وشي يقول بكرا بيتعود..
《ببيت سيلين》
جود بيدق الباب عليهن بيفتح ابو سيلين:ياهلا سيد جود تفضل
جود:يزيد فضلك عم
فات وقعدو سوا..
جود:عمي لسا بدكن تزوجوها لسيلين واحد خريج حبوس؟؟ مشان سمعتكن عم اسالك مو اكتر
ابوسيلين:طبعا لاء..ومن بكرا نازل عالمخفر مع المحامي ونفسخ الخطبة
جود:اي بتعمل خير بتعمل خير
(وقلبو عم يرقص من جوا انو حصل ع سيلين)
بتفوت سيلين:مرحبا بابا ...هاا جود هون؟ شوو عم تعمل
جود:زيارة لابوكي ..عندك مانع؟
سيلين:هه لاء (وفاتت عغرفتا وسكرت الباب)
ابوسيلين:لا تواخذنا بس بتعرف انت البنات كيف عقلن
جود:اي عمي عادي ولو كلن هيك ..اذا بدك مساعدة مشان بكرا في محامي العيلة
ابوسيلين:يكتر خيرك ياابني
جود:بكرا انا وياه بنكون عندك عالساعة ١٢ الظهر منيح؟
ابوسيلين: توكلنا ع الله
جود:يلا خاطرك
ابوسيلين:الله معك (وراح وسكر الباب وراه)
طلعت سيلين من الغرفة وحطت ايدا ع خصرا وحكت: ولشو المحامي؟
ابوسيلين:بكرا بتعرفي
سيلين:هلأ بديي اعرف
ابوسيلين:مشان تنفسخ خطبتك من تيم مابجوزك لواحد خريج حبوس ..شلون بدك سمعة ولادك ولا سمعتك
سيلين:بابا انا بدي تيم ومابتركو لأي سبب من الاسباب (وطلعت برا البيت وسكرتو بقوة وراحت للحديقة)
ابوسيلين:يخربيت قلبك شو مجنونة مابتفهمي بمصلحتك ..حسبي الله ونعم الوكيل
ام سيلين:لا ترد عليها..بكرا خود المحامي وفسخو الخطبة وعطيها لجود..عالاقل جود ابن عالم وناس والمصاري عم تلعب بايديه لعب
ابو سيلين:اي طبعا بعرف شو عم اشتغل..هلأ بتروق وبتجي
قعدت سيلين ع كرسي بالحديقة و شردت..حتى اجا ولد صغير قلا: انتي حلوة لا تخلي عيونك يسكنهن الحزن
سيلين:هههه اديش عمرك حبيبي؟
الولد:عمري ٩ سنين واسمي وائل
سيلين:اهلين بوائل البطل ..شو عم تعمل هون..وين اهلك؟
وائل:انا هون بيتي ..ماعندي اب وام..سبقوني عالجنة 😢
سيلين:لاتزعل حبيبي هنن راحو عالجنة واكيد بيحبوك
قعد وائل جنبا:لأ مابيحبوني..لو بيحبوني كانو اخدوني معهن وماتركوني لهالدنيا القاسية
مررت سيلين ايديها بشعراتو:هيك الله بدو..مشان بكرا بس تروح عالجنة تاخد قصر كبييييرر كتير لانك صبرت..ماتحكي هيك مشان ابوك وامك ينبسطو منك ومايزعلو منك ابدا
وائل بدهشة:ليش هنن بيحسو فيني؟
حطت سيلين ايدا عقلبو:اي بحسو فيك بالضبط متل ما انت مشتقلهن وقلبك بينبض باسمهن
ابتسم وائل وراح لبعيد..
قامت سيلين تتمشى وبعدا رجعت عالبيت وفاتت فورا ع غرفتا ..
ابو سيلين:شو اسما هي يعني؟
ام سيلين:خلص تركا بيكون اخدة على خاطرها
ابو سيلين:اي مو ع كيفها و بكرا نازل بدي افسخ الخطبة
ام سيلين:لاحول ولا قوة الا بالله ..انا قايمة كمل الطبخة
(سيلين بدلت تيابا وقعدت ع تختا ..حطت راسا بين رجليها وصارت تبكي ..)
《ببيت اسيل》
ابو اسيل:لك شبا البنت صرلا اسبوعين ع نفس القعدة مابتشرب الا كاسة هالمي
ام اسيل:مابعرف مابعرف
ليان بقلبا:شو حانن عليها؟ هه
ابو اسيل:بدكن تموتوها انتو للبنت! قومي خليها تاكل
ام اسيل:والله ماعم ترضى تاكل شو اعملا انا
ابو اسيل:كلو منك ومن خلفتك العاطلة
ام اسيل:ليان حبيبتي قومي لعند اسيل
ابو اسيل:لبسوها اواعيها بدي اخدها عند دكتور نفسي
ليان وقفت مصدومة بابوها وقالت: ح حاضرر
اخدوها عند دكتور نفسي وبلشو بالجلسات ..
تاني يوم الصبح يلي هو السبت ..
طلعت سيلين من غرفتا لعند ابوها وقعدت جنبو
سيلين:بابا
ابو سيلين:اي حبيبتي سيلين
سيلين:بابا بترجاك انا مابد..
قاطعها ابوها:لا تعترضي ع شي قررتو ..انا ادرى بمصلحتك..مستحيل جوّزك لواحد خريج حبوس و..
قاطعتو سيلين:بابا تيم ما هيك ما هيك هو محبوس ظلم ظلم
ابو سيلين:ولو كان ظلم ما بجوزك ياه عم تفهمي؟ ليكي جود بيمسك التراب بيقلب بإيديه دهب ..من اول كان بدو ياكي جود
سيلين:
#يتبع