Telegram:@rwayate
جولي : اماني اموش
اماني : ايييه جولي شوفي من الصبح
جولي : احزري مين شفت
اماني: هلء عم تصحيني من بكير مشان تحزريني
جولي : هلء جددد احزري
اماني : مين يعني
كريستيانو رونالدو ؟؟
جولي : هئة اصلن ما بحبو
اماني : اصبح رئيس الجمهورية الموزنبقية
ما في غيرو بخليكي مبسوطة هيكي
جولي : هههه ياربي منك
طب رح قلك مين .. المحاااااامي
اماني : اي خفي شوي علينا لشو كل الحماس
انسان طبيعي بيروح وين ما بدو
جولي : وكك دخل على البناية ومعو اغراض من السوبر ماركت
وحط على الطابق العاشر
اماني: اي وازا ؟؟
جولي : مابعرف بس كتير فرحت .. قولتلك بكون بيعرف انو ساكنين هون
اماني؛ ما يهمني رح ارجع نام شوي ع ١١ صحيني مشان نروح لعندو واعطيه باقي اتعابو والسلام
Telegram:@rwayate
جولي : اوك نوم الهنا .. انا بدي اقرأ رواية جديدة اسمها قلوب من ورق عجبتني ..
اماني : اي حلو اسمها ازا حلوة مشان انا اقراها ماشي روحي ... لا تنسي تصحيني
جولي : تمام
وطلعت جولي على البلكونة ومدت على الأرض وجابت ركوة القهوة وبدأت تقرأ الرواية الي معها اندمجت بالقصة وما انتبهت للساعة وصارت قريب ١٢
دخلت عليها وهي معصبة جوج صارت الساعة ١٢ اتأخرنا وبدنا مشوار لعند المحامي ..
جولي : لا تواخزيني يا روحي بس اندمجت بالقصة وحاسة حالي عم عيش أحداثها
اماني : حلو اصبح بس تخلصيها عطيني ياها
جولي : من عيوني يلا روحي نجهز حالنا ونروح على المحامي وبعدين نروح على اختك تهاني
اماني : يلا ماحطول
وجهزو حالن واتصلت اماني على اختها وسالتها عن موعد الدكتورة وحكتلا ع ٦ المسا
وطلعت من البيت هي وجولي واليوم النفسية احسن صح مو مبسوطة مية بالمية بس خلص اقتنعت بقدرها ..
وصلو على مكتب المحامي وطلبو انو يقابلوه ودخلو
اماني : اتفضل استاذ هدول بقية المبلغ وشكرا كتير آلك
Telegram:@rwayate
المحامي: لا مافي داعي الشكر هاد واجبي وتكرمي مدام اماني
جولي : استاذ ماجد ممكن سؤال
اماني فهمت السؤال وعم تأشر ل جولي بحواجبها لاء
المحامي : اتفضلي انسة جولي
جولي : الك حدي بمنطقة المزة جبل
المحامي : لا انا عايش هنيك
بس لي عم تسألي
جولي: لان اليوم الصبح شفتك بالبناية عنا ومعك اغراض
المحامي : اي صح انا ساكن بالبناية الي انتي ساكنة فيها
اماني : حلو هيك طلعتو جيران
يلا جولي اتأخرنا
جولي : يلا مشي
مع السلامة استاذ
المحامي : الله معكن
(حكى بقلبو ليش استعجلت بالقضية كان شفتك اكتر
بس بنفس الوقت مابدي ياكي على ذمتو لهداك .. بس طالما عرفتو انو جاركن الا مالاقي وقت النا لنحكي)
وطلعو الصبايا من عندو وانفتحت جولي على اماني ..
يعني كان ضروري تحكي انو تأخرنا!!
اماني : لا حبيبتي لازم اخدي وعاطية معو .. شبك خليكي تقيلي الرجال بحب المرأة الراكزة
وهي جارك يعني الفرص متاحة الك بعدين يا جدبة
Telegram:@rwayate
جولي : وهلء على وين
اماني : لعند اختي عازمتنا على الغدا وقال بنقعد عندها للمسا بعدين بنروح على الدكتورة
الشام رغم العجقة والزحمة بس بتجنن فيها سحر خاص والواحد لما يقعد فيها لفترة وبعدين يسافر رح يكتئب ورح يشتاق الها وهوي بعدو لسة ماسافر
رنة الجرس ببيت التهاني .. عرفت انو اختها وجولي وراحت تفتح بس استغربت انو جمال على الباب
تهاني : خير يا طير
جمال: اكيد خير بنت حماي السابقة
تهاني : شو بدك لسة .. اختي وما عاد مرتك لي عم تجي لهون
جمال : بصراحة الها هاد الظرف ياريت تعطيها ياه
تهاني : ماشي الله معك
وسكرت الباب بوجهو وعصب جمال من تصرفها ونزل ركب سيارتو ومشي وهون وقفت التكسي
اماني : ياخ جولي هي سيارة جمال شو جابو لعنا
جولي : امشي ننزل وبنفهم من تهاني
حاسبو الشوفير ونزلو ورنو جرس البيت وفتحتلن تهاني وكان بايدها الكرت ومنصدمة
سلموعليها
اماني: اختي كان هون جمال شو كان ب..
شو هاد هاتيه
اخدتو منها بسرعة
تهاني : اختي عطيني ياه مامهم
Telegram:@rwayate
اماني : هههه عم يعزمني على عرسو هالموجب
يا ريتني لو بقدر كان حضرت بس لازم سافر
جولي : الحقارة لوين وصلت
اماني : عادي جوج ما همني
تهاني : اختي لا تزعلي حالك يلا ريحو شوي على بين ماجهز الطاولة
وقامو تغدو وكانت جولي وتهاني عم غيرو جو كرمال اماني تنبسط
وصارت تحكيلااماني عن تياب بيبي الي اشترتن واخدت صور الها مع اختها وولاد اختها
ومع جولي واختها .. و بالبيت
وسوالف اخدتن وقرب موعد الدكتورة وصار لازم يطلعو بس ماكانت بعيدة عنن
ونطرت اماني موعد كانت متحمسةومتوترة اول مرة رح تشوف لبيبي
ودخلت وبقيت جولي وتهاني برا
فحصت على ايكو وطمنتها انو هية والجنين بخير وكتبتلا على بعد الفيتامين وحديد ومثبت
الدكتورة : بصراحة استغربت ناطرة الشهر الثالث لاجيتي بس مو مشكلة ماشاء الله جسمك منيح وشكلك بتهتمي بغذاءك بس الافضل تشربي هالادوية