📚قصص||روايات||منوعة📚

الحلقة السادسة
حاولت أسماء تطلع من البيت بس أنا وقفتها وحكيتلها يلي حكت معي كيف عرفت انتي شو قلتيلي !؟.. قالت ما بعرف أنا مصدومة متلك !!.. بس أنا متأكدة إني شايفه البنت يلي بالصورة.. قلت انها حكت انه البنات يلي لابسين متل بعض بكونو اخوات !.. وبيتهم قبال مقبرة ويلي كان بشتغل فيها أبو صاحبتها المرحوم!.. بتذكر كلام ميادة ووجد لمّا حكو عنهم قالو انه البنت يلي إسمها ايناس أبوها كان بشتغل بالمقابر.. وهاد دليل إنه هالبنت بتكون صاحبتهم.. بس مين يلي اتصلت وليه لتخبرني بمكانهم!.. حكت أسماء خلينا نطلع من هون لأنه بالفعل بيتك بخوّف ومسكون.. فتحت الباب بالمفتاح وشافتنا شروق على الدرج.. قالت الزبال الحقير ما أجا يوخد الزباله وريحة العمارة كلها زبالة.. غرفة الزبالة نتنة كتير.. حكيتلها عن يلي صار وقالت هالكلام بتحكيه لزهراء لأنه ما فيكي تروحي تدوّري على بيت بعلامة بشجرة جنب مقبرة!.. انتي عارفة كم مقبرة في بالبلد !!.. حكتلها أسماء بتقدري توخدينا عند زهراء يلي قلتي عنها !؟.. حكت ايوه بقدر بس خلوني ألبس أي شي وأسكّت الولاد جوا.. دخلت وسكّرت الباب وبقينا نستنى برا وقت ونحنا بنحكي.. حكتلي أسماء بيتها هادي مو سامعة صوت ولاد !.. حكيتلها أكيد بيتها كبير متل بيتي وقاعدين جوا.. طلعت وحكت حكيت معها وبتستنانا.. وصلنا بيت زهراء.. قالت نايا بنتي بتضّل تسأل عنك يمكن لأنه أسمك بشبهها تعلقت فيكي.. قلتلها وينها ؟!.. حكت بالمدرسة هلأ.. سألتني عن ليلة مبارح أسئلة كتير وجاوبتها بكل شي شفته.. قالت السحر تحوّل لربط.. حكيتلها كيف يعني!.. قالت الجنية مرتبطة بزوجك وعم تحاول تبعده عنك وهوه ببعد بس بنفس الوقت بده تضلي معه عشان تضل تعذبك !.. حكيتلها هاد يلي حسيته مبارح.. كل يوم رح تتعمق بزوجك لتصير جزء منه وبتشبهه.. رح تعيش فيه ويمكن توسوسله بقتلك.. بس انتي مو لازم تبعدي عن البيت لأنه خلاصك الوحيد فيه.. لازم تبقي معه عشان تنهي هالقصة الصعبة.. ويلي تأكدت منه إنه في سحر تاني.. بس السحر ما إله أي علاقة بوجود هالجنية بحياتكم.. يلي مسحور هوه انتي!.. ويلي ملبوس هوه زوجك!.. خربطتني وخوّفتني!!.. قلتلها يعني أنا مادخلني باللي عم يصير معه والعكس صح ؟!.. قالت بالزبط.. مايا انتي عليكي أكتر من أذيّة ومن الممكن يكون سحر أسود !.. انتي لازم تلاقي البنات هدول بأسرع وقت!.. وياريت تجيبي أغراضهم لأنه من خلالهم أنا رح أكشفلك كل هويّتهم!.. حكيتلها بس الأغراض بغرفة اخوات زوجي وأنا لو أموت ما بدخلوني عليها !.. كيف أجيبهم الشنطة لسه معهم وما بعرف وين حاطينها !.. ومن بعد يلي عملته حماتي مستحيل تستقبلني.. قالت أسماء أنا رح أتصرف!.. حكيتلها شو رح تعملي!.. قالت حمادة رح يساعدنا بس يارب يلي عم بفكّر فيه يقدر يعمله.. حكتلي زهراء إنه ما في وقت وكل دقيقة عم تمر عم تنهيني أكتر.. سألتني إذا بحس بوجع بمكان! قلتلها بحس بدوخة وإرهاق بكل جسمي وعضمي وبحس بوجع براسي وشعور بإنه رح أستفرغ!.. حكتلي انتي فحصتي اذا حامل أو لأ !!.. قلتلها ما صرلي شهر متزوجة.. قالتلي السحر!.. طلعنا محتارين وأنا ما كنت صابرة وكان بدي أعرف وين بيتهم!.. ونحنا طالعين شفنا يوسف صاحب زوجي صدفة.. كان بدخّل أغراض بسيارته شاريها من السوبر ماركت.. ولأنه كنت كتير أشوفه وأسلّم عليه بوقت الخطبة عرفني فوراً وسألني عن زوجي!.. قلتله ليه هوه مو معك بالمكتب؟!.. قلي لأ أنا تركت المكتب من شهر ونص.. ومحمد صرلي أكتر من شهرين ما شفته!.. قلتله هوه بخير بس ممكن تعطيني رقمك لأنه زوجي ضيّعه وبدي اعطيه ياه.. قلي أكيد.. أسماء سجّلته على تلفونها وحكتلي زوجك كان بكذب عليكي!.. اعطتني مفتاح بيتي وقالت هلأ رح أروح أحكي مع حمادة عشان يلي طلبته زهراء.. شافتني شروق تعبانة قالت انا تأخرت على البيت.. انتي لوين ماشية.. خلص لا تضلي تفكري أنا متأكدة رح تنشفي وتنحل أمورك.. وزوجك يرجع متل الأول متل ما صار معي!.. حكيتلها هالصيدلية بتشتغل فيها صاحبتي نانسي.. أنا بدي أشوفها انتي ارجعي!.. حكتلي متل ما بدك.. راحت وأنا دخلت على الصيدلية.. شافتني نانسي استغربت وقالت حبيبتي كيفك!.. صرت أبكي.. حكيتلها ما عم تتركني.. بدها تقتلني ومو فاهمة تصرفاته وكل شي بقول إنه في بنات بالموضوع.. أنا خايفة أرجع على البيت بس زهراء بتقول لازم أرجع! حكيتلها عن المكالمة وقلتلها بدي أروح أدوّر على البيت.. أنا مو صابرة!.. حكت ما بتركك تروحي لحالك.. دخل وليد صاحب الصيدلية يلي بتشتغل عنده وسمع كلمة مقابر.. ولأنه ما كان بدي أوتّر علاقتهم من بعد ما طلب يخطبها حاولت اطلع من المكان بس حكتلي نانسي ما بتروحي لحالك.. فهّمت وليد وقلها باخدك بالسيارة وبنلف بكل مقابر البلد.. بس الدليل ضعيف ياريت حكتلك اسم شارع أو المنطقة !.. طلعت معه وبقيت نانسي بالصيدلية لحالها.. وصلنا أول مقبرة وكانت كبيرة وكلها شجر.. قلي هون ما في أي بيوت متل ما انتي شايفة خلا.. حكيتله مو هيّه اكيد..

 الحلقة الأولى

* الفوبيا أو الخوف المرضي هو مرض نفسي يصاب به الانسان نتيجة حادث ما أو خلل نفسي , وتسبب الفوبيا شعور غير عقلاني بالخوف المفرط من شيء أو موقف ما.

السبت واحد وعشرين شباط كان اليوم يلي وصلنا فيه للسكن.. قبل لنوصل كنت طول الطريق ساكتة.. يمكن كنت مستغربة الوضع الجديد.. ويمكن لأنه ماكنت عارفة كيف رح تكون حياتي الجديدة معهم.. نزلنا من السيارة ونحنا حاملين شنطنا للطابق يلي فيه شقتنا الصغيرة الموجودة بالسكن الجامعي.. ولأنه بطبيعتي بنت غريبة الأطوار متل ما بحكو.. فكان لازم أحلل كل شي بشوفه قبال عيني.. ولأني مؤمنه بإحساسي يلي بوعّيني دائماً.. كنت حاسة بشعور غريب.. وكنت مقتنعة إنه هدوئي وصمتي الكبير ما كان عبث.. أنا بعرف نفسي إنسانة غريبة كتير والأفكار والهواجس الغير مبررة بتطاردني على طول.. لحتى بتخليني أفكر بكل شيء بشوفه بطريقة خاصة ماحد بعرفها إلا دماغي المزروع جوا راسي.. هالأفكار ما بتطلع لأي حد وما حد بعرفها غيري.. بس هالمرة ومع وجودي مع صديقات الطفولة رهف وسحر فمن الممكن بإني أبوحلهم فيها.. مخاوفي الكبيرة يلي جواتي.. وفزعي من أبسط الأشياء.. كل هاد ما كان بعرفه إلا أخي مهند.. طلعنا لآخر الدرج لوصلنا للطابق التالت.. وقفت صافنة بالبناية ورهف وسحر دخلو للشقة.. الباب كان مفتوح وأنا جنبه عم بفكّر وجوا دماغي في مصنع أسئلة.. سألت نفسي ياترى مين قبلنا سكن هالشقة ؟.. طيب كيف ممكن تكون شخصياتهم !؟.. بخافو متلي ولا بنات طبيعين ؟.. يلي دهن حيطان البناية شب ولا زلمة كبير ؟.. ياترى عنده ولاد ومتزوج ولا لسه عم بكوّن نفسه !؟.. في سيجارة على الأرض جنب الباب.. مين يلي ممكن يكون دخنها !؟.. لو شب كيف ممكن يكون شكله.. أسمر ؟.. ولا أشقر ؟!.. ممكن حنطي !!.. أو ممكن تكون لولد مراهق دخنها وهوه رايح عالمدرسة بدون لأهله يشوفوه !.. بس لأ أنا نسيت إنه هاد سكن جامعي يعني أكيد مافيه أطفال ولا مراهقين إلا بنات متلنا.. طيب البنات يلي ساكنين ورا هالبواب كيف أشكالهم وشو أطباعهم !؟.. وفجأة سمعت سحر بتقلي.. فرح شو لسه بتعملي!.. ادخلي على شو عم تتطلعي.. دخلت الشقة وسكرت الباب.. تطلعت شفت أثاث بسيط وتلفزيون صغير وكم كرسي.. قالت رهف.. تعو نشوف الغرفة يلي جوا.. دخلنا شفنا غرفتنا.. تلات تخوت جنب بعض وفي بينهم كم شبر صغير و ستاير موديلهم قديم و ملمسهم بشع.. وسجادة صغيرة لونها مزعج للعين.. ذوق مين هدول وليه إختاروهم بهالأشكال وبهالألوان بالذات ؟!.. تحليلات كتيرة جواتي لكل شي.. تفاصيل التفاصيل وأدق التفاصيل لكل غرض بلمحه ومستعدة أعمل من كل شي موضوع.. قالت سحر.. منيح يلي في مرايه بالغرفه.. وباينه نظيفه وأصلية.. كنت خايفة ما ألاقي لأنه ماضل معي فلوس من بعد الشي يلي أشتريته وقلت بنتشارك.. حكتلها رهف ليه شو مشتريه ؟.. قالت بعد شوي بتعرفو.. الشقة كانت غرفتين وحمام.. ومطبخ صغير كتير جنب الحمام.. مابتعدى المترين.. نفسِي كان دايق وماكانت مرتاحه.. بس سعادة صديقاتي كانت عم تنسيني هالشعور السيء وخصوصاً لأنهم فرحانين بإنه رح نعيش سوا طول فترة الجامعة.. وكنا كتير نتمنى يجي هاليوم ونحنا على مقاعد المدرسة.. دخلنا للغرفة التانية وتركنا غرفة النوم تتهوى.. قالت سحر أنا بعرف أطبخ.. رح أدوقكم أكلة هلأ رح تحبوها.. بس لا تطمعو مو عطول هالشي!.. اتفقنا نتشارك.. قالت رهف متل مابدك عالأقل بضل هون أهون من إزعاج عيلتي وتحكمهم فيني كل الوقت.. بعدين مو مصدقة إنه رح أخلّص وأخيراً من أخواتي الصغار وصراخهم وأهم شي إنه رح أروح أشوفهم مرة كل شهر أو أكتر.. دخلت سحر تعمل الأكل ورهف فتحت التلفزيون وأنا دخلت آخد ملابس نظيفة من غرفة النوم لأدخل عالحمام أخد شوّر.. الشبابيك مفتوحه والهوا بارد.. طلّعت كل ملابسي من الشنطة وأغراضي الشخصية واخترت كومادينو من التلاتة يلي جنب تخوتنا وحددت سرير لإلي.. طلعت مشطي وسشوار صغير وكم بكلة شعر وفتحت جارور الكومادينو.. الجارور ماكان فاضي.. كان فيه علبة صغيرة ودفتر صغير كمان.. أخدتهم وتطلعت عليهم.. العلبة كانت علبة دوا والدفتر كان فاضي بس مكتوب بكل ورقة فيه رقم 13.. استغربت وفتحت علبة الدوا لقيتها مليانة وما عرفت الدوا لشو .. أخدتهم وطلعت لعند رهف وسحر.. قلتلهم الظاهر الشقة كان فيها بنات قبلنا متل ماتوقعت.. شوفو.. تطلعو عليهم واستغربو وحكتلي رهف كبيهم بالزباله.. شوي ورح نبلش تنظيف.. الحرامات والستاير وكل شي رح نغسله.. قالت سحر لو معنا فلوس كنا جددنا العفش وأنا يلي معي مابكفو وعارفين وضع أهلي !.. حكتلها رهف أنا معي بس في شغلات كتير أولى هلأ.. الجامعة والأقساط وكتير غيرهم.. بس أنا جبت معي وسادة جديدة.. لأنه بصراحة أنا بقرف وبتوسوس.. تطلعت عليهم ورجعت للغرفة لأجيب ملابسي.. طلعت أغراض تانية.. مجموعة علب مناكير صغيرة وأقلام كحلة وربطات شعر.. فتحت الجارور التاني لأحطهم وقعت مني علبة مناكير حمرة صغيرة على كل ملابسي.. تلخطت بلون شبه الدم ونرفزت وعصبت من المنظر.. طلعت فاي

ن وصرت بمسح بكل ملابسي وشلحت الجكيت يلي كنت لابسته.. مسكت الفاين الوسخ بإيدي وصرت بدوّر على سلة الزبالة بالغرفة.. شفتها جنب المراية.. رحت لأكبهم لقيت بالسلة حقنة فيها دم.. نزلت راسي وتطلعت عليه وماقدرت ألمسها.. كبيت الفاين جنبه ورفعت السلة بإيدي.. لمحت عيني بالمراية على بناية شباكها مفتوح.. وشفت شب جوا شقة بتطلع عليه.. لفيت راسي ورحت بسرعة نزلت الستارة.. بس فضولي خلاّني أتطلع مرة تانية.. رفعتها مالقيته بس شفت كلمة سكن طلاب على لوحة تحت.. عرفت وقتها إنه قبالنا سكن شباب.. أخدت السلة ورحت للغرفة جوا.. قلتلهم المكان مو مناسب لإلنا أبداً.. قالتلي سحر وهيه عم تقطع البندورة بالسكين.. ليه مو مناسب؟!.. حكيتلها جنبنا سكن طلاب وشوفو شو بالزباله.. وقبل لأفرجيهم الدم يلي بالحقنة صرخت سحر صوت.. تطلعت عليها رهف وركضت لعندها وأنا تركت السلة وقربت لعندها.. شفت أصبعها بنزف وعم تتوجع.. غمضت عيوني وصرخت صوت عالي.. لأااا.. وصرت أبكي.. وأحكيلها فيكي شي!!.. صرلك شي.. احكيلي بترجاكي.. مسحت أصبعها وحكتلي فرح ليه بتبكي؟.. جرح بسيط ليه هيك نتفضتي وصرختي ؟!.. حطتلها رهف لزقه على أصبعها من شنطتها وأنا لسه ببكي وبرجف.. تطلعت عليه رهف وقالت فرح شو فيكي!.. ليه هيك عملتي!؟.. مسحت دموعي ورحت أخدت ملابسي ودخلت على الحمام بدون لأحكي كلمة.. وأنا بتحمم داق نفسي.. مكان مسكّر وصغير وأفكار كتيرة براسي.. حيطان وسخة وسودة وشفت بسلة الحمام في كمان حقنة فاضية !!.. سكرت المي وسمعت صوت من ورا الباب.. كانت سحر بتحكي مع حد من بعد ماسمعت صوت الجرس رن.. ورهف بتبهدلها ومعصبة.. فتحت الباب وطلعت.. كان مع سحر طير .. قلتلها شو هاد !؟.. حكت ببغاء.. جبتها لتسليني.. قلتلها هاد يلي اشتريته بالمصاري ؟.. قالت بالزبط.. حكتلها رهف.. أنا قلتلك مابطيق الحيوانات وبكره الطيور والحشرات والزواحف.. بتجيبي ببغاء على البيت!!.. حكتلها من زمان نفسي بطير ببغاء.. بس أهلي منعوني.. خلوني أحس بالراحة وأعمل كل شي نفسي فيه!.. حطته على قاعدة خاصة فيه.. وحطتله أكل.. حكتلها رهف مين الشب يلي جبلك ياه ؟!.. قالت هاد شب فاتح محل حيوانات بالسوق.. كنت اروح اشتري من عنده سلاحف وأرانب وسمك.. بس كلهم كنت مربيتهم برا البيت إلا السمك سمحولي أهلي أحطه جوا.. كانت فرحانة بالببغاء .. بس رهف كانت عم تتطلع عليه بطريقة غريبة من التصرف يلي تصرفته بس جرحت سحر أصبعها.. مر الوقت بسرعة.. أكلنا ورهف ضلت تنظف بالستاير والعفش وملايا التخوت.. لوقت مارن الجرس بنص الليل.. فتحنا الباب دخلت مره كبيرة بالعمر تقريباً بآخر الخمسين.. ابتسمتلها رهف وعرفت إنها بتعرفها.. قالتلها أهلين ست حنان.. حكتلها المره بس جيت أتطمن عليكم.. اذا بدكم شي احكولي أنا شقتي بالطابق الأول.. نزلت بسرعة وأنا سألت رهف مين ؟.. قالت صاحبة السكن.. حللت من ملامحها أكتر من شي بس لهاللحظة ماكنت متطمنه.. قلتلهم كنت رح أسألها عن الحقن يلي بالبيت.. قالت رهف لا تسأليها بلا ماتفكرنا مو مرتاحين للمكان.. مابدنا نعرف شي وبكفي ملاحظات!!.. بآخر الليل فتحت رهف على فيلم.. كان فيلم رعب.. كله مشاهد دم وقتل.. كانت مستمتعه مع الضو المطفي وأنا كنت مغمضة عيوني.. سحر لاحظت عليه الارتباك.. قالت لرهف اطفيه وخلينا نحكي.. طفته وتطلعت عليه وقالتلي ليه خايفة لهالدرجه؟!.. قلتلها مافي شي عن شو رح نحكي.. حكت سحر أنا بخاف من العتمه خلينا نضوي الضو.. قامت ضوته وقعدنا نحكي سوا عن ايام المدرسة ونضحك.. وببغاء سحر كان عم بردد كل شي عم نحكيه بنبرة قريبة من نبرات صوتنا.. وهاد الشي زاد ضحكنا وفرحنا.. رهف اقترحت على سحر تعمل عشا لأنها حسّت بالجوع.. وسحر راحت للمطبخ.. بقيت مع رهف.. صارت تتطلع عليه وتحكيلي بصوت واطي.. خلينا نكب الببغاء بكرا من الشباك ونقلها إنه طارت.. مع انها عنيده وبليده وشكلها مابتحب تطير.. حكيتلها يعني نقتلها ؟!.. حكت ايوه انا مابقدر اتحمل صوتها المزعج لحظة وحده!.. حكيتلها لأ بترجاكي رهف.. بلاها مابقدر خليها مافي مشكله.. حكتلي شو فيكي ليه هيك انتي اليوم!.. وفجأة صرخت سحر مره تانية بصوت عالي.. رحنا لعندها شفنا في شي أسود عم بمشي على الأرض.. حكت رهف عقربه صغيرة وكانت بتصرخ وبتقول كيف أجت لهون !!.. مسكت كندرتها وضربتها بأقوى ما عندها لماتت.. أنا صرخت وصرت أبكي.. وجسمي صار يرجف.. تطلعت عليه رهف وقالت شو فيكي.. لهالدرجه بتخافي! ليه هيك بتبكي متل المجنونة.. قلتلهم ماخفت منه بس أنا بخاف من أي شي بموت قدامي.. بخاف من الموت.. وفجأة سمعنا الببغاء بتحكي كلمة موت.. موت.. موت.. عادتها تلات مرات.. سمعناها بتحكي كلام غريب.. كأنه ناس تانيين عم بحكو.. عم بتردد كلام مو مفهوم.. كان صوت بنت عم تحكي لا تقتلني ووحده تانية بتقول اقتلها.. وفجأة صارت تردد كلام بصوت أخشن بقول.. قتلتلها وانتي السبب ..لازم تموتي.. رددت بصوت أنعم.. أنا مابدي أموت.. بترجاك لا تقتلني الله يخليك.. ماتخنقني ماتعذبني.. أتركني.. صفنا كلنا ب

الحلقة الثانية
ارتبكت سحر وقالتلها كيف عرفتي ؟ .. حكتلها شفتك بتعطيها فلوس أكتر من يلي أخدتهم.. قالت سحر.. أنا في معي وثائق شخصية مزوّرة.. لأنه أنا بنت غير شرعية لواحد عديم ضمير وماما عملت المستحيل حتى تنسبني لإله بس ماقدرت.. لتزوجت واحد تاني ونسبتني لإله بس بقي في مشاكل ببعض الوثائق وحنان قدرت تكشفني وطلبت مني اعطيها مصاري كل فترة حتى ماتفضحني لأنه لو الجامعة عرفت أو حد تاني رح تكون مصيبة.. قلتلها أنا.. كيف قدر أبوكي يتركك وغيرك بتمنى يكون عنده أب لو ساعة وحدة.. رهف كانت معصبة وبشخصيتها القوية قررت تنزل تواجه حنان لحتى ماتمسكنا من الإيد يلي بتوجعنا وتبقينا بالشقة بالغصب.. نزلنا نحنا التلاتة للطابق الأول بالشقة يلي بتعيش فيها.. فتحتلنا الباب ودخلنا وشفناها خلّت الباب مفتوح.. قالت شو في؟!.. حكتلها رهف إنه نحنا حاسيين إنه الشقة مو مناسبة لأنها بتطل على سكن طلاب شباب لهيك مارح نوخد راحتنا.. قالت بغيّرلكم ياها لو حبيتو من الجهة التانية وبستبدلكم مع بنات تانيين.. حكت لأ الشقة كلها مو مريحة.. حكت شو شفتو فيها ؟!.. قالتلها الشقة صاير فيها شي مو هيك!.. في حد مات أو نقتل فيها ؟!.. قالت لأ.. طلبت منها رهف ترجعلنا فلوسنا بس رفضت وهددتنا بإنها تفضح سحر وتبلغ عنها الشرطة بتهمة التزوير أو بنبقى بالشقة.. وفجأة قالت اسكتو وقفّلو السيرة.. دخل بهاللحظة شب لعندها معه كياس.. تطلع فينا بطرف عينه واعطته فلوس وحكتله روح.. عرفت وقتها إنه شب بخدمها وبجيبلها خضرة للبيت.. وكان باين من ملابسه الوسخة إنه بدهن شقق فمن الممكن كمان بإنه بساعدها بدهان غرف السكن!!.. قالتلنا الشقة مافيها شي بس يمكن إنتو شفتو كم شغلة فيها بس أنا الحق عليه كان لازم أبعت ألما تنضفها والغبية يمكن فكّرتني بحكي عن شقة تانية فراحت نضفتها.. قالتلها رهف مين ألما ؟!.. قالت بنت بتشتغل عنا بالسكن وبتنضف غرف ومسؤولة عن خدمات الطالبات.. خلص بناتي أرجعو للشقة وأنا هلأ ببعت ألما تنضفها.. اقنعتنا ورهف وسحر صدقوها بس أنا ماكنت مبسوطة وحاسه إنها كذابة ومخبية شي عنّا.. رحنا بإتجاه الباب سمعنا صوت حد بمشي وفي خيال سريع مرق.. انا انتبهت عليه لأني طلعت أول وحدة فيهم.. سكّرت حنان الباب بسرعة بدون لتحكي معنا شي.. ورجعنا طلعنا للطابق مرة تانية.. السكن كان قريب من الجامعة يلي أصلاً وجودها على جبل وبمنطقة بعيدة ونائية ووجودنا فيها كان غصب عنّا لأنه تخصص المحاماة يلي نحنا التلاتة كنا بنتمنى ندرسه ماطلعلنا ولا بأي جامعة إلا بهالجامعة.. والمنطقة يلي فيها السكن مخصصة للسكنات الطلابية وقريبة من هالجامعة ويلي حبيناه أكتر إنه المنطقة هادية كتير وبعيدة عن المدينة والسكان هون قلال.. ولو قررنا نرجع لأهالينا لازملنا ساعتين ونص بالسيارة!!.. حكتلنا رهف مافي أي خيار تاني.. نحنا لازم نبقى هون.. حنان بتهدد سحر وهاد السكن الوحيد القريب من الجامعة وأنا تأكدت ودوّرت بكل المنطقة.. مافي غيره.. حكتلي فرح حبيبتي بكفي تفكير.. وإذا هاد الببغاء حكا هيك فمو معناته إنه الكلام صحيح وإنه في حد نقتل هون.. يمكن سمع هاد الكلام من محل الشب يلي اشترته منه سحر.. ممكن سمعه من تلفزيون أو راديو او حد حكا هيك.. طلبت من سحر تطيّر الببغاء وترميها.. بس قالتلها مستحيل هاد كان أمنية من أمنياتي مابستغني عنه!.. قلتلهم في حد كان واقف ورا باب بيت حنان وعم بسمع كلامنا.. ولمّا طلعت شفت خياله على الحيط عم بهرب بس سمع صوتنا.. قالت رهف وبعدين معك.. خلص بكفي!.. ماعدت أتحمل.. اذا بالفعل خايفة هالقد ارجعي على بيت اخوكي!!!.. انا بكيت وصرت احكيلهم انتو مو حاسين فيه.. ولا رح تحسو باللي أنا شفته زمان.. حضنتني سحر وقالت احكيلنا كيف ماتو أهلك.. وليه نحنا كنا بعاد عن بعض هيك ومابنعرف حياة بعض الشخصية.. قلتلهم لأنه نحنا كنا رفقات مدرسة ومابعمرنا زرنا بعض ببيوت أهالينا.. كنا نضحك سوا بالصف بس الألم يلي جواتنا كان مخفي ومُبهم.. حكت رهف طيب خلينا نتقرّب من بعض هلأ ونواجه مخاوفنا.. احكيلنا كيف ماتو اهلك؟.. قلتلهم كنت صغيرة وكان عمري سبع سنين.. كنا مستقرين ببلد وضعه السياسي سيء وبسبب شغل بابا.. كنت وقتها مع اخي مهند ويومها كنا راجعين من المدرسة.. بهاليوم صار حرب وشفنا صواريخ بتنزل من السما من كل مكان.. وقفنا نتطلع من بعيد وأخي ضمني بإيده لأنه الصواريخ كانت بتنزل جنب بيتنا.. أهلي طلعو من البيت يصرّخو.. بابا وماما واخواتي وفاء وهناء واخي الكبير مصطفى.. شافونا واقفين وأجو يهربو لعنا.. بس قبل ليوصلونا نزل عليهم صاروخ همه الخمسة وخلّاهم أشلاء بلحظة وحدة قدام عيونّا.. ماقدرنا نقرّب منهم وماعرفنا وين رح نروح.. دخلت بحالة نفسية واخي عمل المستحيل لنطلع من البلد.. ولأنه كان يحب بنت ماكان راضي يتركها وصارح أهلها بشعوره تجاهها.. حكوله بنهربك معنا عن طريق البحر.. وبتتزوجو بس توصلو لبلد تاني.. بالبحر صار مشاكل بالقارب يلي راكبينه بسبب التحميل.. وغرقنا كلنا..

فوبيا
تطلعت عليّه وقالت.. اسفه ماكنت بعرف إنك عم تغيّري ملابسك.. بس كنت حابة أشوف الغرفة إذا وسخة حتى أنده لألما تنضفها !.. قلتلها مافي مشكلة ولبست ملابسي.. حكتلها رهف نحنا نضفناها الصبح.. مافي داعي حد ينضفها !!.. كانت حنان بتطلع على عيوني حتى تشوفني إذا مرتبكة أو لأ لتتأكد إذا في عندي حد وأنا ماقدرت أتطلّع على قيس لحتى ما تحس.. طلعت من الغرفة وسكّرت الباب.. وأنا شفت قيس ورا الباب منزّل راسه وخجلان.. قلي بصوت واطي بعتذر حطيتك بهالموقف.. حكيتله مافي مشكلة لأنه أنا لو ما عملت هيك كان فتشت الغرفة وما سألت بس بهالطريقة أنا خليتها تطلع بسرعة.. قلتله خليك بالغرفة أنا رح أطلع وأشوفها إذا راحت.. طلعت وتركته.. وكنت خايفة ومرتبكة.. كانت عم تقول لرهف مافي داعي لخوفكم الغير مبرر.. الشقة مافيها شي.. وإذا على العقرب يلي لقيتوه فبكون محشّر بمكان من الصيفية الماضية وبسبب تعزيلكم طلع.. حكتلها والحقن يلي موجودة بالسلال ؟! شو قصتها !!.. قالت البنات يلي سكّنو الشقة قبلكم طلعو منها من فترة قصيرة.. يمكن شي وحدة منهم مريضه وكانت عم تتعالج !!.. أنا مابقدر أعرف شو بدور ورا هالبواب يا بناتي !.. وعكل حال أنا حكيت مع ألما وجاية تنضف البيت.. حكتلها سحر هلأ نحنا تعبانين خليها لبكرا والبيت هلأ نضيف.. قالت متل مابدكم.. لفت راسها وشافت الببغاء.. قالت شو هاد الطير يلي واقف !!.. قالتلها سحر هاد لألي.. ببغاء أليفه مابتغلب.. ومابتعمل شي.. قالت طيب مو مشكله.. بس إذا بطلع صوت مزعج بلا ما تزعجو البنات يلي جنبكم!!.. طلعت من البيت وسكرنا الباب وراها.. أخدت رهف نفس وقالت كنا رحنا فيها !!.. هوه جوا ؟!.. حكيتلها بالغرفه عم بستنى.. طلع قيس من الغرفة وقرّب من الباب ليسمع إذا ست حنان بعدها برا أو لأ.. حكا هالمره فعلاً بتخوّف .. حسيت إنها عرفت إنه رح أحكيلكم شي.. لأنه أنا الوحيد يلي بعرف شو صار.. صحيح بتوثق فيه بس يمكن شكّت إني حبيت أساعدكم لتطلعو من الشقة .. لهيك يمكن لمحتني طالع لعندكم.. حكتله رهف وإذا عرفت شو ممكن تعمل ؟.. قال مستعدة تقتلني ولا أحكي شي.. أنا شاكك إنها بتعرف ناس واصلين بهددو البنات معها ليبقو هون.. لأنه السكن طلعت ريحته وبطّل حد يقرّب منه.. يلي بعرفه سر.. وأنا يلي ساعدتها لنمنع القصة تطلع والشرطة تعرف.. لأني ابن اصل ومانكرت يلي عملته معي ومع أمي طول الفترة الماضية.. بس إذا في أشخاص تانين رح يتأذو فضميري مابسمحلي أسكت.. وفجأة سمعنا صوت خبطة باب قوية طالعة من تحت.. قال قيس.. سكّرت الباب الخارجي !!.. أنا كيف رح أطلع من هون!.. قالتله رهف مافيك تطلع.. إنت خوّفتنا منها ونحنا مابدنا يصير فيك شي بسببنا.. إذا هالمره خطيرة فعلاً فممكن تأذيك وماتسأل عن شي لو عرفت إنك قلتلنا شي.. لأنه شكّت إنه عرفنا.. ويلي عرفناه من هالببغاء يلي مابنعرف كيف صار هيك.. قالتله بتضل عنا للصبح.. بتنام هون بالغرفة.. ووجه الفجر بتطلع من البناية.. قالت سحر.. كيف رح نخلّي شب معنا بالبيت!!.. كيف رح نغفى ونأمن لواحد مابنعرفه.. قالتلها رهف.. خايفه من شب غريب ومو خايفة من جثث ميته تحت البلاط !.. أدعي الله يسترها معنا لنخلص من هالمصيبة يلي حطينا نفسنا فيها !.. قعدنا كلنا على الأرض بجنب البلاط يلي قال عنه وحكالنا هون كانو البنتين يلي ماتو.. وحدة مخنوقة ووجهّا أزرق.. ووحدة مشوّهه وجسمها كله دم.. المشهد لسه بين عيوني ماغاب لحظة.. وكل ما كنت أقرّب من هالشقة أنتفض وأخاف.. بقيت فترة فاضية ومافيها حد.. لوقت ماعرفت إنه في بنات سكنوها من شهرين تقريباً.. وهربو منها.. مابعرف شو صار معهم وليه هربو.. بس يلي كنت بعرفه إني كنت مبسوط إنهم تركوها وراحو.. قالتله رهف بصوت واطي.. هالشي من متى صار؟.. قال من سنتين.. ومن وقتها هالشقة مابتتأجر.. مو لأنه ست حنان مابدها.. لأ.. لأنه ربنا مابده حد يدخلها.. قرّبت من البلاط وصار يتلمّس الأرض وأنا عيوني بتتطلع عليه وأديه بترجف.. قال هون بالزبط دفنتهم.. طلبت مني أنزل أسكّر باب البناية وأمنع أي حد يدخل.. وقالتلي وقتها أحكي للبنات يلي شقتهم جنب هالشقة إنه الريحة يلي طالعة من الشقة من قطط ميتة جواته لأنه البنات يلي كانو ساكنين فيها هربو وتركو قططهم يموتو من الجوع.. وعفكرة هالشي صحيح لأنه أنا كنت أشوف مع البنات يلي ساكنين هالشقة قطتين صغار.. بس قبل ما ينقتلو بفترة بطلت أشوفهم معهم.. نزلت احكيلهم وهيه سكرّت الباب.. رجعت لقيتها دفنتهم.. أنا تقريباً صرت حافظ أشكال نص البنات يلي ساكنين هالبناية.. لأني دهنت ورتبت أثاث كل شقة فيهم.. شد البلاطة بإيده بقوة وصار يحكيلنا شايفين الشق يلي بين البلاط كيف سهل ينفك.. بس هلأ مافينا نشيله لأنه صرله سنتين بالأرض.. وفجأة صار يعيد الببغاء كلمة أرض.. تطلعت عليه سحر وقالت أنا صرت خايفة من الببغاء.. قلنا قيس أنا مافهمت كيف الببغاء حكت هالكلام وبالتفاصيل ؟!.. حكت رهف مابنعرف يلي عم بصير هون عنجد غريب..

صرّخ عليه وقله ابعد عنهم.. بس شادي ماقبل.. قلنا اطلعو أوصلكم.. حكيناله لأ بنوخد تكسي.. قلنا لا تخافو.. انا بعرف ست حنان.. اطلعو لأخلصكم منه.. سحر قالت خلونا نطلع لأنه هاد رح يفضحنا بالشارع.. طلعنا كلنا وأمّنا لإله لنخلص منه.. بس أنا كنت خايفة كتير وما ارتحت للتنين.. شفت قيس كان جاي من آخر الشارع وشافنا طلعنا بالسيارة.. قلت للشب أوقف ونزلنا.. بس مشي بسرعة.. وشفت قيس بضرب شادي وبتخانق معه.. حاولت أحكي معه من الشباك بس الشب يلي قاعدين معه سكّر الشبابيك من لوحة التحكم يلي جنبه وقللنا.. أنا بعرف انكم قتلتو بنات مبارح بالشقة.. في بنت بعرفها وصلتلي كل شي.. وتقريباً صوّرتكم جنب الجثث وانتو بتترجو ست حنان ماتخبّر عنكم.. أنا إسمي فادي صاحبه لشادي.. الشب حاببها للبنت صاحبتكم وشافها وبده يتعرف عليها.. هاد من حقه.. لهيك بتعطيه رقمك ونحنا بنهيألكم جو مرتب عنا بالشقة.. نحنا عنا شقتين.. إذا في حفلة تعارف مع شي وحدة من سكن البنات بنفضّي شقة لإلهم وبننام بالشقة التانية.. لهيك اليوم بتيجي لعنا لنفضيلكم وحدة منهم.. حكتله رهف اخرس ياعديم الأخلاق.. نحنا مو متل البنات يلي بتعرفوهم.. والله لأخبّر عنكم الشرطة وأفضحكم.. أعطاها التلفون وقلّها شوفي الصور.. شافت رهف الصور.. كنا جنب جثث البنات عم نبكي وعرفنا إنه في بنت صورت الصور لمّا كانو كلهم عالدرج.. حاولت رهف تحذفهم بسرعة ونحنا نبكي.. اخد التلفون من إيدها بسرعة.. قلناله خلص بصير يلي بدك ياه بس بترجاك بلا ما الصور توصل لحد.. حكا اليوم عالتسعة بتيجو لعنا.. السكن قريب وصاحبه تاركلنا ياه نوخد راحتنا فيه.. بيجي لعنا بس الأحد والأيام الباقية لأ.. رح تنبسطو.. هيك كانو البنات يلي قبلكم وبعدين كل شي صار طبيعي.. وصلّنا للجامعة.. بقينا نبكي وكل الطلاب يتطلعو علينا.. حكت رهف رح تروحي؟!.. قلتلها رح يفضحنا.. لازم أروح.. بس مارح يصير شي أبداً.. لأنه رح أخد معي سكين.. حكت رهف هدول باينين مو هينين.. كلام قيس كله طلع صحيح.. ومابنعرف إذا مسلحين كمان.. رحنا على المحاضرات وأنا بقيت بتلمّس وبتطلع بوجوه الناس بشكل مريب.. توقعّت أشوف الشب الأسود بوجهي بأي لحظة.. وأول ماخلصت رحت بسرعة للمكتبه.. كنت ناسية أنا وين حطيت الكتاب يلي لقيته المرة الماضية.. استرجعت ذاكرتي بلونه وبعنوانه.. وقدرت أتذكّر.. بحثت بالأحرف وبكل رف.. وفجأة لقيته.. أخدت زاوية وصرت بقرأ من أول صفحة.. كلام بخوّف وغريب.. عن الأرواح والموت والعالم الآخر.. وحتى عن فوبيا الموت.. نفس الفوبيا يلي فيني.. قلت وين السر يلي قال عنه !؟.. كنت متوترة ورح أبكي وضايعة بين الورق.. شو كان قصده!!.. بقيت بقرأ لغفيت.. وبسبب عدم نومي مبارح غرقت بالنوم.. حسّيت إيد بتقرّب من إيدي.. إيد خشنة كتير.. وصوت همس بأذني بقلّي إرجعي سبع صفحات لورا.. وكررها مرتين.. فتحت عيوني بهدوء.. شفت عيون بيضه ووجه أسود قريب مني.. كان هوه.. صرخت بصوت عالي قدام كل الطلاب.. كنت مفزوعة وبرجف وخايفة.. وفجأة فتحت عيوني كويّس شفت وحدة واقفة قبالي وكل الطلاب واقفين وعيونهم لعندي.. قالتلي خير شو فيكي!.. أنا المسؤولة عن المكتبة.. وكنت بحاول أصحّيكي لتقومي لأنه في لجنة جايين يشرفو على المكتبة.. تطلعت بوجوه الطلاب وحاولت ألاقيه.. بس ماشفته.. تذكرت الكلام ومسكت الكتاب والمسؤولة بقيت تحكي فوق راسي.. حكيتلها اخرسي بصوت

عالي ورجعت سبع صفحات.. كنت بصفحة 20 صرت بصفحة 13.. وقتها عرفت إنه بهالرقم بالفعل في سر.. وبتعلّق فيني انا مابتعلّق لا بالشقة ولا بالجثث.. بدأت أقرأ مذهولة.. ويلي قرأته خلّاني أتأكد من هالشي
طلعت من المكتبة بسرعة وبإيدي الكتاب.. خايفة وبتطلع بكل الإتجاهات.. أستعرت الكتاب وخبيته بشنطتي ورنيت لرهف.. كانت مشغولة وفصلت عليه.. حكيت مع سحر قالتلي إنها مع سيلين وسلسبيل.. رحت أشوفها كانت قاعدة معهم.. حكيتلها لازم نمشي أنا خايفة ومو قادرة أضل بالجامعة.. حاولت اتهرب من أسئلتها لحتى البنات يلي معها ما يعرفو شي.. بس سيلين كانت مُصرة تعرف وقالت وجهك كتير أصفر وباين إنك خايفة كتير.. قلت لسحر حاسة إني تعبانة والخوف عم بسيطر عليه أكتر.. شبح الشخص الأسود مابفارقني والكتاب يلي قرأته وقلي عنه كان في كلام كتير خوّفني عن الماضي والموت والعالم الآخر ومابعرف شو.. وفوق هاد رقم 13 طلع في إله كتير أدلّة.. صفنو البنات فيّه وقالو كلامك غريب ونحنا مو فاهمين.. قلتلهم مارح تفهمو شي لأنه أنا عم بمر بحالة نفسية.. حكتلي سلسبيل هون في دكتورة نفسية اسمها زينب.. شو رأيك نروح عندها وتشرحيلها عن حالتك.. يمكن تساعدك.. حكيتلها الشي طلع أكبر من مرض نفسي.. أنا عم بعيش المخاوف حقيقة.. وفي شي تاني مرتبط بالماضي وبالشقة يلي عايشين فيها عم بصير وأنا مو قادرة أفسّره.. حكتلي سيلين مابتخسري تعي معنا.. الدكتورة بتعطينا علم نفس.. وهيه كتير منيحه صدقيني.. قالت سحر شو رأيك نروح لعندها ؟!.. قلتلهم اتطلعو على أصابعي كيف بترجف.. أنا تعبانة !!.. اخدوني غصب عني لمكتب الدكتورة زينب.. طلبت منهم يطلعو وقالتلهم استنوها برا.. حكت معي وطلبت مني أشرحلها شو بحس.. قلتلها بخاف من فكرة الموت وبخاف على الأشخاص يلي بحبهم من الفقدان.. في كتير لحظات صعبة مرّت بحياتي وأنا صغيرة سبب لهالشي ومابعرف إذا صحيحة أو لأ.. قلتلها عن الحرب وعن لحظة موت أهلي وحتى عن تعلّقي بأخي مهند لأنه ربّاني.. حكتلي هاد السبب.. بس انا حاسة خوفك أكبر من ماتكون هالمشاهد شكّلتلك فوبيا نفسية من الموت.. في شي تاني عم بصير معك ؟!.. تهرّبت من السؤال بس قالتلي لا تخافي واحكيلي.. انتي بأمان والكلام يلي بنحكى جوا هالمكتب مابطلع برا بابه.. قلتلها الشقة يلي نحنا فيها تحت بلاطها في جثث لبنتين مابنعرفهم.. قلتلها عن الشخص الأسود وعن مكالماته وعن كل شي شفناه وحتى عن كلام الببغاء !!.. قالتلي هاد السبب الأكبر.. اعطيني الكتاب أشوفه!.. قرأت الصفحة 13 وقالتلي.. الصفحة عم تحكي عن الموت وعن أسراره.. وفي كتير تفاصيل عن الخوف منه.. وبتشرحلك عن العالم الآخر بشكل مفصّل.. وفي كلام أشبه بالألغاز.. شو معنى رؤيا الرجوع للماضي لمشاهدة الأموات بالحلم ؟!.. قلتلها صحيح أنا بشوف كوابيس.. من وقت يلي دخلنا البيت لليوم.. ومبارح شفت أهلي كلهم.. وشفت رقم 13 ولمّا قمنا من النوم لقيناه مكتوب على الحيط.. معقول كل شي بشوفه بالحلم بتحقق !.. قالت لأ.. أبداً مافي هيك شي بعلم النفس.. قالتلي يلي صاير بالبيت انتي متأكدة منه ولا بس تهيؤوات !؟.. قلتلها انا مو مجنونة الست حنان اعترفت.. ماقدرت أحكيلها عن الجريمة التانية.. فضّلت أسكت وأسمع شو حتقول.. حكتلي رح تيجي لعنا عالبيت لتعرف الموضوع أكتر.. وبدها تشوف الببغاء.. قلتلها واذا ست حنان مادخّلتك!.. حكتلي قوليلها أني امك!.. طلعت من عندها وبقيت سحر تسألني.. ماجاوبت شي.. رجعت معها على البيت.. باللحظة يلي وصلت فيها البناية شفت شادي واقف جنب سكنهم.. ركض لعندي بسرعة.. وسحر حكتلي خلينا ندخل قبل ليوصّل.. دخّلتني لجوا وهوه حاول يدخل بس ماقدر.. طلعت معها وصرت أبكي.. قلتلها هاد مارح يتركني.. ويمكن اذا شاف رهف يأذيها.. وفادي صاحبه بهددنا بالصور.. أنا كيف بدي أروح لعنده احكيلي!!.. قالتلي لازم قيس يساعدنا.. نحنا رح يتدمر مستقبلنا لو الصور راحت للشرطة.. وبنفس الوقت كيف رح تخاطري بحياتك !.. حكيتلها صحيح خليّنا نستنى رهف.. فتحت سحر العلبة البلاستيك وشافت الببغاء.. حكتلي إنها تعبانة كتير.. وباين رح تموت.. حاولت تطعميها ماقبل تاكل.. وأنا شفت وجهي أصفر كتير من الخوف.. وكنت حاسه بوجع براسي قوي.. قلتلها أنا زاد خوفي أكتر من يلي صار مبارح.. وصرت خايفة هون وحتى جنب البيت بالشقة يلي قبالنا !.. وصلت رهف السكن وقالتلنا شفت قيس وحكيت معه.. للأسف عرف يلي بده ياه شادي منك والصبح ضربه.. وبحكيلك لا تروحي أبداً وحتى لو بلّغو عنا.. اعطيته البكلة يلي لقيناها مبارح وقلي كمان إنه الدوا يلي لقيتيه هوه دوا مسكن للأعصاب.. وقدّر يفك بعض الألغاز من كلام الببغاء.. بس قلّي ضروري تروح لطبيب لنعرف منها أكتر !!.. بس كيف رح نطلع وعديمين الضمير بستنونا برا !.. قلتلها عن الدكتورة زينب وعن حلم مبارح.. قالتلي كيف رح تيجي لعنا !.. قلتلها اعطيتها العنوان والمسا رح تيجي.. وقالتلي احكي لست حنان إنها أمي لتدخل بسهولة للسكن.. تغدّينا وبقينا على أعصابنا.. خوف وترقب وفزع كل الوقت..

فوبيا
قلت لرهف أنا تعبانة مو قادرة أنزل.. حكتلّي تحمّلي شوي بترجاكي.. طلعنا من البيت ووقفنا ورا باب الشقة يلي صارت فيها الجريمة.. حكت سحر وين ممكن تكون نتقلت البنت يلي كانت ساكنة فيها مع صاحباتها ؟!.. مو معقول تبقى فيها بعد يلي صار !.. قالت رهف أسمعوني.. كل وحدة فيكم بتروح عشقة.. بتطق الباب وبتطلب ملح.. بتحاولو تستجوبوهم بشكل مو مباشر.. تعرفو عليهم قد مابتقدرو وحتى لو بهدلوكم.. وأنا بس أخلص بروح عشقة تانية.. بس انتبهو لا نخربط.. توزّعنا على التلات طوابق.. انا بالطابق التاني وجنب الشقة اليمين.. طقيت الباب.. طلعتلي البنت يلي نقتلو صاحباتها !.. حكتلي انتي شو يلي جابك لهون !!.. حكيتلها انتي ظلمتينا نحنا ماقتلنا حدا.. أنا جيت أتعرف عليكي وأطلب منك شويّة ملح !.. حكتلي يعني صاحباتك مو معك !.. قلتلها ايوه.. حكتلي أستني شوي عالباب.. دخلت وأنا بقيت بستنى وبدعي أخلص من هالإمتحان الصعب.. طلعت من الشقة واعطتني ملح وحكتلي إذا بتحبي أدخلي لنتعرف !.. ابتسمتلها وأنا مرهقة وتعبانة ودخلت.. تطلعت شفت الصالة هادية بس التلفزيون شغّال وفي تلات صحون فواكة وجنبهم تلات سكاكين.. حكتلي كانت هون ست حنان وألما ليخففو عليه فراق صاحباتي وراحو من شوي.. انا إسمي علا.. أنا مارح أنسى إنه إنتو متهمين بقتل صاحباتي يلي عشت معهم نص حياتي الجامعية.. بس مع هيك رح أفتحلك مجال لنتعرف عبعض لأنه أنا مو متأكدة لسه.. انتي شو جابك لشقتنا بهداك الوقت انتي وصاحباتك ؟!.. قلتلها صدقيني مابعرف في رقم برنّلي من روسيا وشخص قلي روحي عالشقة رح تلاقي شي.. بس نحنا ماقتلنا حدا !!.. حكتلي انتي تعبانه وجهك أصفر.. حكيتلها أنا مرهقة كتير.. جسمي سخن ودايخة.. حكتلي رح أجبلك مي.. قلتلها لأ مابدي شي.. حكتلي مارح أسمّك.. خليكي شوي.. دخلت لجوا وأنا صرت بتطّلع حواليه بالشقة.. قمت وصرت بتطلّع عكل شي.. لقيت كتاب مقلوب عوجهو كأنه حد باقي يقرأ فيه وتركه.. لفيته لقيت لغة غريبة أول مرة بشوفها.. سمعت صوتها جايه ورجعته.. دخلت واعطتني المي.. شربتها وقلتلها بدي أطلع.. منعتني وقالتلي لسه ماتعرفنا.. قعدت مرة تانية وفجأة فتح الباب.. شفت شادي دخل البيت.. انا نصدمت وصرت بدي أصرّخ.. مسكت سكين من يلي على صحون الفواكة وحاولت اضربه فيها بس حط إيده على تمي وضربني على وجهي.. حكالها شكراً إلك وفادي بتشكرك.. حكتله خدها بسرعة لأنه ست حنان ممكن تيجي لعنا.. كان مشغول بالحكي معها وانا خبيت السكين ورا ظهري بشكل طولي جوا ملابسي وبهاللحظة اغمى عليه.. صحيت لقيت حالي بالشقة عندهم والمكان كلّه دخان أديّه مربطة بحبل وعتمّي لزقة.. فادي وشادي وشب تاني.. كنت مرهقة وتعبانه وكان شادي بطلب منهم يطلعو.. حاولت أصرّخ ماقدرت.. طلعو لشقتهم وأنا بقيت معه .. شال عن تمي وحكيتله كيف خبّرتك.. قلي مو مهم اتركينا مبسوطين.. حكيتله بعّد إيدك عني.. صار يقرّب مني ويقلّي ريحتك حلوة.. وأنا ماقدرت أصرّخ لأنه كان بضربني على وجهي وبسكّتني.. حسيت طاقتي بتنفذ وبستسلم للموت.. قبل ليصير شي نطرق الباب.. قام بسرعة وحكا مين.. ماحد رد.. فتح الباب.. شفت حد بضربه بعصاية كبيرة على راسه.. وقع وصار يتوجع.. كان قيس.. دخل وفكّني بسرعة وقلي خلينا نطلع.. مسكني من إيدي بس أنا ماكنت قادرة.. حملني وقبل لنوصل الباب مسك شادي رجله ووقعنا.. صار يصرّخ وينادي على فادي.. طلعت السكين من تحت ملابسي وحاولت أقتله بس قيس دعس على راسه ورجع حملني وطلعني برا الشقة.. ونحنا نازلين على الدرج فتح باب الشقة يلي جنبها وطلع فادي معه مسدّس.. صار يلحقنا وبده يضرب علينا طلق.. نزلّني بصعوبة.. وماعرف وين يروح لأنه لو دخلنا السكن رح يلحقونا ويقتلونا ولو بقينا بالشارع رح يشوفونا.. دخلني لبناية قديمة جنب السكن.. وحكالي هون أمان مارح يتوقعو انه دخلناها.. حكيتله كتير عتمة أنا حتى مو شايفتك.. قلّي لا تخافي قلتلك أنا معك.. كان بتنفس بصعوبة وأنا كنت بفقد توازني.. كنا بنطلع لدرج طويل.. والمكان ريحتة وسخة.. حكيتله ليه هالبناية مافيها حدا !.. قلّي اطلعي بهدوء لفوق.. سمعنا صوتهم من تحت.. كان صدى صوت واضح.. فادي بقلّه.. مستحيل يدخل هالبناية.. شو هوه مجنون !.. انا بتوقع رجعّها للسكن خلينا نطلع نشوفهم.. بهاللحظة كنت ماسكة السكين وتذكّرت إنه تلفوني بقي بجيبي.. حكيتله تلفوني معي الحمد لله.. قلّي اضوي لنشوف.. ضويت شفت حيطان وسخة وبواب شقق مفتوحة وفاضية.. حكيتله هلأ عرفت وين جبتني.. هي الشقة المسكونة يلي قلتلي عنها !.. ويلي الناس تركو بيوتهم بسبب الأصوات يلي بتطلع منها ؟!.. قلي لا تسألي شي.. دخلنا لشقة فاضية وعتمة ومافيها ولاصوت .. سكّر بابها وقعدت معه بزاوية على ضو التلفون.. تطلّع فيه وقلّي.. وجهك أزرق.. ضربوكي!.. صرت أبكي.. مسح دمعتي بإيده وصار يحكيلي رح يندمو !.. قلي بهدوء إنتي بأمان ما تخافي.. حكيتله ليه عملت كل هاد لتحمينا.. قال لأنه تأكدت إنكم بنات نضاف من أول لحظة شفتكم ومابتستاهلو تعيشو بسكن متل هيك !..

ولأني حبيتك من أول مرة شفتك فيها.. تطلعت فيه وحكيتله وأنا.. صرت أضحك وأنا ببكي.. قلتله شوف حظنا كيف.. يعني ما لقينا مكان أحسن من هاد لنعترف فيه بحبنا لبعض.. جوا بناية مسكونه!.. صار يضحك معي ويقلّي فعلاً معك حق.. قلتله برغم أني موجوعة وحاسة رح أموت بس مابقدر أخبّي مشاعري لأنه أنا ممكن أول ما أطلع من هون أموت.. قلّي بعيد الشر مارح أخليهم يمسّو شعرة منك.. انتي معي بأمان.. حكيتله أنا خايفة عليك مو على نفسي.. خايفة تموت بسببي.. أنا عنجد حبيتك وحبيت تضحيتك.. أنا بخاف على الأشخاص يلي بحبهم من الموت.. بخاف أخسرهم.. وخايفة عليك.. اتركني أول ما أكون بأمان بترجاك.. لأنهم مارح يتركوك.. ويمكن يأذو أمك.. انت قلي مين الأهم أمك المريضة أو البنت يلي حبيتها !؟.. حكالي التنين.. قلّي مارح أتركك أبداً وشد على إيدي.. حكيتله كيف رح نطلع من هون وهمه محاوطين الحارة.. قلي رح نتصل بالشرطة من موبايلك.. قلتله لأ رح نروح فيها ويتدمر مستقبلنا.. حكالي انتو ماعملتو شي.. ليه خايفة هالقد !!.. والصور مو دليل.. انتو ماقتلتو حد ومافي دليل عليكم.. وفجأة رن التلفون.. قلتله رهف بترن!.. قلي ردي بس لا تحكيلها وين نحنا ممكن يكونو جنبها.. حكتلي وينك!؟.. حكيتلها مو مهم أنا منيحه وبخير انتو بخير؟!.. حكتلي أيوه بس شادي وفادي تحت عند ست حنان وبسألو عنك.. نحنا سكرنا الشقة علينا ومنعنا حد يدخل.. قالولها اول مارح نشوفها رح نقتلها ونقتل قيس
كانت بتتصرف معهم طبيعي وكأنها بتعرفهم وماسألت بشي.. نحنا خايفين كتير.. وفي بنت حكتلي كلام بخوّف.. قلتلها شو قالت.. حكت البنت من البنات يلي رحنا نتعرف عليهم.. طلعت بتعرف كل شي صاير عنا.. وقالتلي لا تسأليني بس اعرفي إنه أول ما حيموت الببغاء يلي عندكم حتموت صاحبتك فرح !.. أنا نصدمت وحاولت أعرف منها أكتر بس سمعت صراخ شادي وفادي وهربت مع سحر لشقتنا.. قالتلي خدي بالك من نفسك.. قلت لقيس الكلام.. خاف وقلّي هاد يلي حسبت حسابه.. أنا لهيك كان بدي تطلعو.. لحتى مايأذوكم.. السبب منهم!.. أنا مابدي أخسرك!.. حكيتله وأنا مابدي أخسرك.. فجأة صارت تطلع أصوات بالبناية.. بواب بتتسكر فجأة وأغراض بتنجر وبتوقع من الطوابق العلوية.. حكيتله أنا خايفة.. كنت برجف وشعور الموت قرّب مني أكتر.. طلّعني لبرا الغرفة.. وأنا حاولت أطلع معه بس كنت دايخة ونفسي طالع بصعوبة.. قلّي اتحمّلي واخد من إيدي السكين.. سمعنا صوت حد بفتح الباب الخارجي.. قلّي دخلو البناية !!.. شكّو انه نحنا هون.. لا تحكي شي.. كنا سامعين صوت رجليهم بطلعو على الدرج وصوتهم بضحكو وبنادو فرح.. نحنا بنعرف انك معه.. نحنا جايين لألكم ورح نقتلكم!.. حكالي لا تطلعي ولا صوت وضلّي امشي معي.. حكيتله مو شايفه.. وفجأة في شي وقّعني.. حكيتله في أغراض بتوقعّني لوحدها.. حاول يبعدهم عني بس أنا صرت أبكي وصوتي علّي.. ويلي تحت سمعوني وتأكدو اني فوق.. صوت شادي بقله فوق!!.. سامع صوتها بتبكي.. صارو يمشو ويركضو.. وانا شفت وجه بالعتمه من بعيد بتطلع عليه.. وقفت متشنجة وصوتي بطّل يطلع.. قلي فرح شو فيكي.. حكيتله الشخص يلي لونه أسود قبالي.. حكالي وينه!.. قلتله بتطلع عليه ولو مشيت لهناك رح يمسكني.. حكالي مافي شي.. ظلمه وسواد مو شايف حدا.. قلي امشي رح يوصلو.. حكيتله خايفة مابقدر بترجاك.. شدّني من إيده غصب عني وحكالي رح يقتلونا.. لازم نمشي.. كنت بقرّب منه وهوه بتطلع عليه بعيونه البيضه اللامعه.. شفته قبال وجهي وصرّخت بصوت عالي.. البناية كانت بترج من صوتي وبوابها بتتسكر فجأة وبترجع تفتح.. ضل يطلّعني لفوق بالعتمه وأنا شايفه الشخص الأسود بلحقني بدون مايتكلم.. طلعنا لآخر طابق.. صرت أبكي من خوفي وحط إيده على تمي لأنهم وصلولنا.. ماحد كان شايف شي.. بس سامعين صوت كنادرهم بتقرّب منا.. حكالي أول مارح يوصلو رح أضربهم بالسكين ورح نرجع ننزل بسرعة.. حفظتي المكان !.. قلتله حفظته.. سمعنا صوتهم جنبنا بالزبط بس ماكانو شايفينا ولا نحنا شايفينهم.. كتمنا حتى نفسنا.. لوقت ما حسيت بقيس بشد على أصبعي.. كان قصده هلأ رح نقوم.. فجأة قام وضربّهم على رجليهم بالسكين بالعرض وبشكل سريع وبقيت السكين معه.. توجّعو وصرّخو.. وهوه مسكني وصار ينزل معي لتحت.. سمعنا صوت طلق وقيس حكالي نزلّي راسك.. بهاللحظة تصاوب قيس وانا مابعرف وين تصاوب.. شفت الشخص الأسود قبال وجهي تماماً وقريب!.. صرت أبكي.. وشادي وفادي بنزلو من فوق لعنا.. تذكرت كلام دكتورة زينب.. وفجأة أخدت السكين من أيد قيس وضربتها فيه حسّيت إني قوّية وعم بواجه الموت.. مخاوفي عم تتحوّل لحقيقة.. ويا أنا بغلبها يا أما هيه بتغلبني! الشخص الأسود إختفى والعتمة بلعته.. ما لحقّت أعرف كيف لأنه عيوني ما كانت عارفة وين تتطلّع.. رجعّت السكين لجيبي وحاولت أسحب قيس بأكتر ماعندي من قوّة بس للأسف كانو أسرع مني!.. قيس قام وقلّي الطلقة صابت كتفي.. بس أنا قادر أمشي.. امسكي إيدي ولا تفلتيها رح نطلع من هون قبلهم..

فوبيا
بالوقت يلي كنت شايفته فيه كانت ذاكرتي بترجع لورا.. شفت أبي قتل أمي.. وجزء من ذاكرتي صحي.. صرّخت لا تقتلها.. لا تقتلها !!.. كنت بصارع الموت مع نفس مشهد وفاة أمي يلي شايفته.. وبهاللحظة أختفى كل شي.. بعد وقت فتحت عيوني وكنت على سرير المستشفى.. سحر ورهف بطمّنوني إني بخير.. قالولي إنتي عايشة وبخير.. ماتخافي نحنا جنبك.. قلتلهم وقيس؟! حكت رهف بخير كمان.. بالغرفة يلي حدك.. قلت الحمد لله وبعدها طلبت منهم يحكو مع أخي مهند لأنه كان بدي أشوفو.. اعطيتهم تلفوني وقلتلهم خبروه إني بالمستشفى.. لازم يجي بسرعة.. طلعت رهف وخبّرته.. وسحر حكتلي ست حنان ضحكت علينا.. قلتلها كيف ؟!.. مر الوقت وطلعت من المستشفى تاني يوم من بعد ما شفت قيس وتطمّنت عليه لأنه كان المفروض يبقى وقت أطول.. حكيتله برجعلك.. وصلت السكن مع رهف وسحر ومهند وشفنا بابه مفتوح بس ماكان في حد بالشقق .. طلعنا للطابق التالت لشقتنا لقينا الشرطة فوق والأرض كلها محفورة .. وشفناهم بطلّعو بقايا جثث ميّته مبهمة الشكل.. المنظر كان صعب وماقدرّت أتحمل.. شفت الببغاء واقف على القاعدة سليم مافيه شي.. ولفتت عيني على الشقة يلي جنبنا.. كان بابها مفتوح وشفت كل البنات العشرة قاعدين وجنبهم شرطة تانية بحققو معهم.. دخلت لجوا بركض مع سحر ورهف وصرت بصرّخ عليهم.. قلتلهم كيف قدرتو تعملو فينا هيك وعشان شو كل هاد !!.. شفت علا بتطلّع عليه وبعدين قالتلي.. نحنا اسفين.. كانت لعبة منّا.. كنا حابين نلعب معكم.. جو الرعب يلي كنتو عايشين فيه كان بسببي وبسبب يارا ونسيم.. بس صدقوني نحنا ما كنا بنعرف بموضوع الجثث يلي بالبيت.. لو بنعرف ماكنا دخلناها بالأصل!.. أنا طلبت من ألما تعطينا نسخة من مفتاح شقتكم.. ولأنه انتو بحالكم ماكنا حابين نترككم بحالكم!.. أخدت نسخة من المفتاح من بيت ست حنان واعطتنا ياه وصرنا ندخل على الشقة بسرعة من بعد ما تنزلو لعندها وتحكو معها.. حاولنا نخوّفكم ونغيّر بالأثاث ونحطّلكم عقرب بس الببغاء يلي عندكم فضحتنا لأنه الكلام يلي كنا نحكيه جوا كانت تعيده.. وهاد غير الكلام المخيف يلي كانت عم تحكيه كمان !.. انتو ما بتعرفو انه نحنا بندرس معكم بنفس الجامعة بس بتخصص تاني.. وعرفنا هالشي كله بنفس اليوم يلي دخلتو فيه الشقة.. نحنا كنا مقررين شو رح نعمل من قبل لتوصلو.. وحطينا حقن الدم يلي بنسحبها لشباب السكن يلي قبالنا ويلي بنعرفهم عندكم لأنه طفح الكيل فينا وماقدرنا نصبر أكتر.. ويمكن كنا بننتقم منهم فيكم برغم انتو مادخلكم.. بس نحنا تعبت نفسيتنا كتير!!.. قلتلهم ليه بطلبو منكم دم !.. حكت بعاقبونا وماسكيّنا من إيدنا يلي بتوجعنا لأنه نحنا مدمنين مخدرات وهمه بعطونا البضاعة.. وفي حال مادبرنالهم فلوس كافية بطلبو منا نسحب من دمنا عقاب لإلنا وغير الضرب والإبتزاز التاني لطلبات تانية!!.. للأسف نحنا بعنا نفسنا بهاد السكن وماكنا بنعرف ليه نحنا بنعمل هيك!.. نحنا عرفنا متأخر بوجود الجثث يلي بالبيت من بعد ما سمعنا كل الكلام من خلال تلفون ألما يلي دخّلناه ليسجّل الحكي لنقدر نعرف شو سبب كلام الببغاء المخيف.. ووقت الفجر كنا نفتح الشقة وندخل لنجيب موبايلها لنسمعكم أكتر.. ووقتها ألما خافت لأنه سمعنا الببغاء بتقول جملة.. عشر أشخاص بنعرفهم وتلاتة غرباء عنهم عرفو.. ونحنا لازم نبعد من هون قبل ليصير يلي خايفين منه.. لازم ماننسى.. مافهمنا شي وسحبنا دم من إيدنا بحقن لنحطلكم ياه والببغاء صارت تعيد كلمة أسحبي بعد الجملة المخيفة الغامضة يلي قالتها وتتطلّع علينا بشكل غريب.. طلعنا مرعوبين خصوصاً من بعد ما سمعنا بالتسجيل بوجود شخص أسود بتشوفيه خفنا أكتر.. وقررنا نتراجع بس يارا قالت خلينا نكمل اللعبة ونحطلّها كتاب أموات بالمكتبة من بعد ماراقبناكي!.. كنتي تتطلعي قبالك على شي مو موجود وتتحركي بطريقة مو طبيعية!.. وشفنا صدمتك بالكتاب وصرنا نضحك أكتر.. ونحنا تأكدنا إنك مجنونة لأنك بتشوفي شي ماحد بشوفه.. وبتهذي لصاحباتك بحلم برقم 13 .. قلنا بنكمل عليكي وبنخلي واحد من معارفنا يتصل معك.. حبيبي يلي بدرس بروسيا ويلي كان هوه المنقذ الوحيد لإلي من قرف السكن يلي عايشه فيه.. قلتله احكي معها وقلها انه هوه الشخص الأسود يلي بتشوفه وإنه موجود تحت البيت.. وهالشي كان بطلب من ست حنان لأنها بدها منكم تبقو بالشقة وما تفضحوها من بعد ماكشفتلنا السر بس لألنا.. لأنه ألما خافت وخبرتها شو بنعمل فيكم.. لهيك طلبت منا نقول لحبيبي يحكي معك ويطلب منك تفتحي البيت وتروحي عالشقة لحتى تشوفي يارا ونسيم عأساس مقتولين بالبيت وتخافي.. الدم كان دم قطتين كانو معنا من وقت يلي اختفو البنتين يلي كانو ساكنين جنبنا.. اخدناهم وربّيناهم بس ست حنان قالت بنقتلهم ليكون الدم حقيقي والمشهد واقعي أكتر.. اللحظة صارت وأنا جيت شفتكم وصرخت.. وست حنان طلعت عصوتي مع البنات العشرة ليشهدو.. وبهالطريقة صار فيها تمسك عليكم ممسك.. من بعد ما صار هيك نقلتنا لشقة تحت بالطابق التاني لحتى ماتلاحظو..

بالأول ما كنت مصدقة يلي قلتوه بس بعد ما سمعت التسجيل وتأكدت من إنه كلام الشب يلي قاله لزوجي تحقق بنفس اليوم صرت خايفة!.. إذا زوجي وهوه أقرب الناس لإلي ما كان
بعرف إني منحوسة وأنا يلي جايبتله النحس والشؤم انتو كيف عرفتو!!!.. فهموني بترجاكم.. شو بالزبط رح يصير معي!.. وشو الصفقة يلي رح تصير!.. قال تاركان.. لا تنفعلي.. نحنا رح نفهمك كل شي.. ونحنا كنا متأكدين انك رح ترجعي لعنا برجليكي.. عشان هيك نشفنا فنجانك القديم واحتفظنا فيه مع فناجين ولادك لحتى نتأكد مرة تانية من يلي شفناه.. حكت أدرينا.. انتي وزوجك رح توقعو بمصيبة كبيرة.. ورح تكونو موافقين عليها.. ورح تدخلو لبوابة جهنم يلي رح تنفتح عليكم.. وكله بسبب الخسارة يلي صارت معه.. انتي لازم توقفي معه وأي شي رح يحكيلك ياه لا توافقي عليه!.. أوعك توافقي!.. طالعك سيء كتير.. قرّب تاركان من فناجين ولادي وطلع الفناجين القدام ومليكة بقيت عم تتفحص فنجاني وأدرينا عم تفهمني شو شافت.. قالت ياريت توخدي الموضوع بجدّية أكتر.. لأنه الموضوع متعلق بولادك ومستقبلهم!.. قلتلها بصوت واطي.. شو يعني رح أخسرهم.. ولادي رح يموتو!؟.. وزوجي بالفعل رح يطلقني؟.. وفجأة شفت انس صار وجهه أحمر وعيونه حرّقت وقال ماما أنا خايف.. مسكت إيده وقلتله حبيبي لا تخاف.. هاد مجرد حكي نحنا بدنا نعرف شو رح يصير عشان نحميكم!.. قالت نايا بس انتي عم تقولي نحنا رح نموت!.. ماما طلعينا من هالمكان انا ندمت اني طلبت ندخله.. بابا هلأ بكون بستنانا خلينا نطلع.. وفجأة قال تاركان هشش.. بس.. لا حد يحكي.. قال لمليكة في بالفنجان يلي معك شي متل شكل المارد أو الطير ؟.. قالت صح موجود.. قلها وعم يتكرر بأكتر من منطقة ؟.. قالت صح!.. وعفكرة هالشي موجود بفنجان زين.. حكيتلهم نحنا على أعصابنا احكولنا شو تفسير هالأشياء كلها !!.. قال تاركان روح شريرة.. رح تلحقك وتلحق ولادك.. ورح تضل تلف حواليكم لتاخدكم لعالم الأموات.. هالروح رح تكون متمسكة بزوجك وما رح تبعد عنه بسهولة.. يعني القرار بإيده هوه.. والمصير هوه يلي بحدده.. انتي لازم تبعديه عنها!.. حكيتله كيف؟!.. شو لازم اعمل؟!.. وفجأة انس صار يبكي ويحكي ماما كلامهم بخوّف.. طلعينا من هون!.. حاولت اهديه بس كان يبكي بصوت عالي.. قال تاركان فنجان زوجك بقي عنا ونحنا شفنا نفس هالشكل.. المارد ممكن يكون مخلوق ناري ميّت.. بس مو باين لأنه كمان شبه الطير.. صرّخت بوجهه وقلتله انت قلت انه حد مات ورح يجي ياخد ولادي.. كيف بتقول مخلوق ناري!.. بهالمعنى يلي رح يدخل حياتنا هوه جن!؟.. قالت ادرينا لأ.. انا متأكدة انه الطير روح ميّته.. قالت اهدو دقيقه.. كبست على تلفونها وطلعت صورة.. قالت شوفي هالصورة لرسم كرتوني لشخصية ماتت.. شايفه كيف صانعي أفلام الكرتون بوضحوها للصغار.. كأنها صارت طير وطارت بالسما.. قالت نايا صح الشخصيات بس تموت بأفلام الكرتون هيك بتصير متل الملاك.. وهاد كرتون نحنا بنحضره انا وانس!.. هدّيت انس وفهمته انه يلي بنحكي عنه هوه الكرتون يلي بحضره!.. قال تاركان يبقى خلص.. طلبت منه ما يحكي عن الموضوع بشكل مباشر ويكتفي بالألغاز لحتى يهدى انس.. وطلبت منه يحكيلي شو أعمل لحتى ابعد هالشي عنّا.. قال زوجك وبس.. ارفضي أي شي بقلك ياه شو ما كان.. لأنه لو قبلتي كل خطوة لورا رح تصير أصعب ويمكن صعب تصير.. قلتلهم وضحت الصورة.. مستقبلنا واحد.. ومرتبط بقرار من زوجي.. وهيّه الصفقة يلي رح يعملها.. حكت ادرينا تماماً.. هاد التحليل الأنسب لكل شي شفناه.. قلتلها بس انتي حكيتيلي رح يدخل حياتي شخص رح يعمل تغيير جذري بشكل إيجابي.. حكت الإسم مو واضح كإسم.. قال تاركان اسمه مكوّن من أربع حروف وبعطي معنى الأبدي أو الأزلي أو الا نهائي.. شي من هالمعاني.. حكيتلهم وحدة او واحد؟.. حكت مو باين!.. قال تاركان رح يجي يوم توافقي فيه على الغلط بدون تفكير ولا عقل لوجهة بطريق مسدود.. قرأت هالشي بكفة إيدك!.. قلتله كيف وانا ما سلمتك إيدي!!.. قال صرلي وقت طويل صافن بإيدك وانتي عم تهدّي إبنك وحاطيتها ورا ظهره!.. قلتله انتو عنجد بتخوّفو!.. انتو كيف هيك!؟.. طلبت ارقامهم من بعد ما شفت الساعة مشيّت وانا تأخرت.. وحسيت انه انس ونايا تطمنو وراحو يلعبو بآخر الغرفة.. صرت بحكي معهم بصوت واطي.. وقلتلهم طمنوني على ولادي.. انا رح اخسرهم؟.. ما كان في جواب.. قالو حافظي عليهم قد ما فيكي.. ناديت عليهم وشديت على إيدهم وطلعت من المحل.. وأدرينا طلبت من البنت تفتح الباب ودخلت للغرف عند تاركان ومليكة.. وقبل لنطلع من الباب الخارجي نايا وقفتني وقالتلي اخدت هي العروس التحفة الجبصين الصغيرة يلي كانت جوا عالمكتب!.. بهدلتها وطلبت منها ترجعها.. البنت يلي بالإستقبال قالت مو مشكلة اعطيني ياها انا برجعها.. قلتلها لأ خليها هيه تدخل ترجعها لتعرف غلطها وما تاخد شي مو الها مرة تانيه وقلتلها اعتذري منهم.. دخلت لجوا وانا طلعت استناها برا انا وانس.. ورجعت بعد دقيقتين..

خير حكي
قيس: رهف
رهف : اي قلي
قيس : عم تحكي مع نور
رهف : نور ؟مين نور
قيس : نور يلي كانت معك بالثانوية
رهف : اييي اتذكرتا .. بس انا ماني رفيقتا ما كنت حبا وبحياتي ما وقفت معا
قيس : متأكدة
رهف : هههه اي متأكدة بس انت ليش عم تسأل شكلك عم تحن لايام زمان بس اتطمن اتزوجت من زمان
قيس : حن لايام زمان
رهف : اي ليش انتوماكنتو تحبو بعض
قيس : شووو نحب بعض
رهف :لك اي انت ونور ما كانت كل المدرسة بتعرف انكن بتحبو بعض
قيس : لا اكيد انتي غلطانة
رهف : لا ماني غلطانة شكلك انت النسيان او مابدك تعترف وبالعلامة كنت تجي ع المدرسة لحتى تشوفا وانا اكتر من مرة شفتك واقف معا
قيس : شوووو ... طيب شو عرفك انو بنحب بعض
رهف : هية كانت طابلة الدنيا ..
قيس : رهف بس انا ماكنت بحبا
همام صار يبكي
رهف : بالاذن بنحكي بعدين
طلعت فاطمة من المطبخ ومعا الرز بحليب
فاطمة : شو وينا رهف
قيس : ابنا صار يبكي
فاطمة " يلا هلق بعد ماترضعو بتجي بتاكل
قيس : امي قوليلي ليش رهف اتطلقت
فاطمة: ياحرام هالبنت من يوم يوما مكسورة الخاطر ومالها حظ .
قيس : ليش شو صار
فاطمة : لك ما المغضوب جوزا تزوجا بس لانو ماضللا حدا وكان يضل يهتا انو حاويها وهو مابحبا وتزوج عليها
قيس : شوووو ... ليش ما اخدو بعض عن حب
فاطمة : لك اي حب رهف بحياتا ماحبتو ولا هو حبا .. ياحرام انظلمت بهل الجوازة وهلق هالولد الصغير عم ينظلم معا
قيس : لك اكيد في شي غلط
فاطمة : شبك ماما
قيس : اذا طلع يلي ببالي صح فأنا واحد جحش
فاطمة : لك شوفي
قيس : هلق حتى تجي رهف بحكي
طلعت رهف مع ابنا
رهف : ليك ماما تيتي عملتلنا رز بحليب يميي
قعدت وصارت تطعمي ابنا
قيس : رهف بدي اسألك
رهف : اسأل
قيس : نور بأيام الثانوية ماجابتلك رسالة
رهف : لا رسالة شو
قيس : انا عطيتا اياها بأيدي قلتلا عطي هاي الرسالة لرهف
رهف : لا ما ماصار هيك شي وشوفيها الرسالة
قيس : متأكدة
رهف : اي متأكدة هالحكي من ٥ سنين ماصرلو زمان يعني ماحلي انسى
قيس : طيب انتي بوقتا كنتي تحبيه لنصر
رهف : هههه اكيد لا وماكنت مفكرة فيه لانو اكبر مني بعشر سنين بس سبحان كتاب النصيب ... بس انت شوبدك بكل هالاسألة
قيس : مابعرف شو رح تقولو عني مجنون مراهق قولو يلي بدكن اياه ..
فاطمة : لك شووفي
قيس : بتتذكري لما رحت انا عبيروت من ٥ سنين تقريبا
فاطمة : صح
قيس : بتعرفي ليش رحت
فاطمة : لا بس بتذكر كنت متل المجنون وبين يوم وليلة سافرت
قيس : ما انا سافرت مشان الخانم واشر على رهف
رهف : عشانييي
قيس : اي عشانك لانو انا كنت بحبك
رهف : شووو
قيس : اي كنت بحبك وكنت اجي ع المدرسة مشانك وكتبتلك رسالة وبعتا مع نور وهية عأساس جابتلك الرسالة وردتلي قال انتي بتحبي ابن عمك نصر
رهف : لك شو عن تحكي ماني عم افهم شي
قيس : يلي اسمعتيه كلو صحيح
رهف : بس انا ماكان معي خبر بكل هاد الحكي
قيس : والله هاد يلي صار
رهف : بس انتي ليش ماجيت واجهتني الي ليش بعتت مع نور
قيس : كنت خجلان
رهف : يلا شي ماضى وراح وماكان في داعي تفتحو
قيس : شو ماضي وراح .. لك راح سنين من عمري وانا بعيد عن البلد مشان ماشوفك وكنت كل يوم اتعذب
رهف : قيس انا ماني عم افهم عليك
قيس : لك انا لليوم بحبك
فاطمة ورهف: شوووووو
قيس قعد قداما على ركابو وقال رهف : انا بحبك وكتير ولا يوم نسيتك حاولو يفرقونا بس شكلو رب العالمين كاتبلنا نرجع لبعض
رهف : قيس انا بحترم مشاعرك بس انا مستحيل كون الك
قيس : ليش .. مشان الله انا عم اتعذب صرلي سنين خلينا نتزوج
فاطمة : ماما رهف بالعدة انطر لحتى تخلص العدة وبتتزوجو
رهف : لا خالتي انا مستحيل اتزوج
فاطمة : ليش يابنتي بعدك صبية وبأول عمرك وقيس طلع بحبك وانا مارح لاقي كنة احسن منك
رهف : لك نسيانين همام .. اذا رح اتزوج رح ياخدوه مني وانا مستحيل فرط فيه همام قلبي وعمري اسفة قيس بس عنجد مالنا نصيب نكون لبعض وبعدين انا بعتبرك متل اخي مو اكتر
قيس : انا ماني اخوكي لازم تعطي حالك مجال انتي عشتي قهر كتير انتي كوني معي وبوعدك عوضك عن كل دمعة نزلت من عينك
رهف : لو سمحتو انا بدي فوت ارتاح
تركتون وفاتت
رهف : معقول القدر قرر يضحكلي بس همام اكيد رح ياخدوه مني
بس قيس والله شب مافي منو معقول حبو .. لك ياربي ليش بتحطني بكل موقف اصعب من التاني ياربي دخيلك
رهف : طيب وبعدين يارهف هيك بدك تضلي ..لنصر انا مستحيل ارجعلو طيب انا وين بدي روح بحالي معقول ضل طول حياتي هيك ... ياربي دخيلك عقلي مشوش دخيلك ياربي ساعدني

............................................

طول عمري كنت بخاف منه!.. دخلت البيت شفت عزة بتضحك بصوت عالي مع امي وكنت لأول مرة بشوفهم مبسوطين هيك.. بقيت اتطلع عليهم بدون لأتكلم وبهاللحظة نسيت كل شي صار.. قرّبت منهم بهدوء وأنا ببتسم ونزلت على رجلين أمي وحطيت راسي على ركبها.. قرّبتني وحضتني.. كان بدي أنسى أي تفكير سيء.. وأمي على الفور صارت تلعب بشعري وتحسس على وجهي ولسه بتضحك.. عزة غارت وحاولت تبعدني وصارت تقول مو بكفي اقتحمت جلستنا وكمان بدك تاخد أمي مني!.. حاولت تبعدني وأنا غمضت عيوني مو مهتم لكلامها ومبسوط بأمي.. قرّبتها أمي منها وقالتلها لا تغاري وانتي الك حصة بقلبي تعالي.. حطت راسها جنب راسي على طرف ركبة رجلها التانية وصارت تلعب بشعرها وتضحكلنا.. وتدعيلنا تزوجنا.. عزة ضحكت وقالت انا موافقة يجيني أي عريس.. لو يجي أي واحد من الشارع هلأ ويدق الباب دغري رح بقبل بس ابنك هاد المفلسف يلي بده وحدة من الخيال شو بده يزوّجه؟!.. قالت امي لا تحكي على اخوكي.. رح يتزوج.. وأحسن بنت بالعالم يلي تستاهلو وتستاهل عقله وخياله.. بس يأشر عليها وأنا رح أروح برجليه أخطبله ياها لو كنت مكرسحه وبلا رجلين!.. قلتلها أنا بدي أضل معك ما بدي أي وحدة تاخدني منك يا أمي.. قالتلي انت رح تضل ابني المدلل يلي اتحملت كل أسئلته الفضولية كل حياتي.. بس خليني اتطمن عليك.. حكيتلها بتطمن بس أكون بحضنك .. قالت عزة شفتي كيف بيتهرب؟.. ما ضل بنت ما عينها فيه.. معجبات كتار وبكل رواية بجذب عدد أكبر منهم.. إذا ود قتلت حالها ليعبرها.. وبالجامعة!.. اتطلعت فيني وقالت بدك امي تعرف؟!.. ضميت حواجبي بعصبية.. وعزة قالت لا امي بس الله اعلم كم وحدة بتحبو!.. أنا شفت رسائل الغزل كلها!.. حطيت إيدي على تمّها وسكرتو.. وبقيت تحاول تحكي.. وامي تضحك.. قالت ود؟.. كل هاد بطلع من هالفصعونة وأنا بحكي ليه بتحب تيجي عنا كتير!.. والله ود حلوة ومرتبة شو رأيك نخطبلك ياها؟!.. ضحكت وبعيوني دمعة فرح.. تفكير أمي فعلاً كان يضحكني!.. حكت عزة أنا ماخدة ود على قد عقلها وبعرف انو مستحيل يحبها بس ما بدي أكسر بخاطرها للبنت.. بس المشكلة بإبنك يلي عم يجذبها بكل رواية بكتبها.. عم تعشقو بكل مرة أكتر!.. كانت عزة بتقلّب بتلفونها وفجأة شهقت.. امي سألتها شو في؟!.. قالت في بنت منتحرة بجامعة قتيبة!.. هالشي صح!.. قالت امي اعوذ بالله!.. قلتلهم صحيح وفي حد اغتال دكتور.. امي توترت وخافت وعزة بقيت تقرأ الخبر حكت ناشرين إسمها.. وهالإسم مو غريب.. انا اتطلعت عليها وقلتلها شو يعني بتعرفيها؟!.. قالت كنيتها سامعتها والإسم.. رح أتصل مع تسنيم.. هي صاحبة الي بتدرس معكم بنفس الجامعة وشاكة انو بتعرفها!.. دقيقة ورنت.. ومن طريقة كلامها عرفت انه البنت بتعرفها صاحبتها.. قفلت الخط وأنا قلتلها شو حكت؟!.. قالت بتعرفها صاحبتها وقريبة منها كتير.. وبتقول إنه البنت عندها اضطرابات نفسية وآخر فترة كانت مو طبيعية.. عم يقولو في شي أثر عليها وغير أسلوبها يعني يمكن انتحارها ما كان بإيدها!.. قالت امي كيف يعني؟!.. قالت عزة يعني ممكن تكون البنت مسحورة!.. قالت امي سحر وقتل.. نحنا وين عايشين!.. في ناس بتأذي هيك؟!.. قلت لعزة بتقدري ترجعي تتصلي مع تسنيم وتطلبي منها تيجي لعنا.. حكت عزة تسنيم ما عمرها اجت لهون.. ليه لتيجي.. قلتلها الموضوع بخص الرواية.. انا رح اعملك أي شي بدك ياه بس خلي هالبنت تيجي لهون!.. دخلت لغرفتي وحكيت الكلام يلي صار لوسام.. زاد التوتر.. بإنه موضوع البنت قريب من أختي.. يعني بالفعل الموضوع راح بإتجاه الحتمية بإنه كل شي عم يصير لسبب حتمي بس مجهول!.. قفلت البرادي ومن المغرب قررت أنام.. طفيت تلفوني ومن شدة القلق صابني وجع معدة.. توترت وما عرفت أغفى.. اندق الباب.. دخلت عزة.. حكتلي قتيبة.. انا حكيت لتسنيم تيجي بكرا.. بس بتقول إنه في كلام خاص صاير مع البنت صعب تحكيه.. يعني بتضل صاحبتها وما بدها تطلّع يلي صار عالملا عشان رواية.. قلتلها ضروري تيجي.. خليها تيجي وبعدين هالحكي!.. قالت رح تيجي.. بس في شي كمان خوفني من شوي.. حكيتلها شو!؟.. قالت وصلتني رسالة من رقم مجهول بتقول إنها بنت معك بالجامعة إسمها بنان.. بتحكيلي قولي لأخوكي يشيل الحظر قبل لأفضحو وأحكي لمين منتمي وشو عم يخبص.. بلا ما يوصل الكلام لوالده.. هي مين وكيف جابت رقمي!.. مو نفس البنت يلي كنت تعرفها بالجامعة؟!.. هديك ما كان إسمها بنان !!.. سبّيتها وعصبت.. وقلتلها احظريها وأنا هلأ بتفاهم معها.. قالتلي شو قصدها؟.. انت منتمي لحزب مو كويس؟!.. حكيتلها اطلعي عزة واقفلي الباب.. طلعت ورنيت على بنان.. حكيتلها من اليوم بتنسي واحد اسمه قتيبة.. انسي كل شي بينا.. نحنا تركنا خلص.. مو انتي البنت يلي بدي ياها.. ولو بوصل خبر لأهلي رح أدمرك وإعتبريه تهديد!.. قفلت بوجهها وحظرتها وبسبب عصبيتي قدرت أنام.. كان الجو هادي ولأول مرة بكون متل المخدر بالتخت.. حاسس بتعب وبراحة.. بدأت تتشكل صور..

ومن هالوقت مزعت قميصي ودفنته بالشارع.. ووعدت نفسي أقطع الوقت وما أحس فيه.. تعرف ليش؟.. لأني متت.. قلتلها مين؟.. مين يلي مات؟.. حكت أنا.. الساعة سبعة وستة وعشرين دقيقة المسا خلص كل شي.. شفتها بتقلّب عيونها للسقف وبإتجاه الشباك.. وبتحاول تفتحه.. قلتلها بس!!.. تركتك ما فيكي شي.. شو صرلك؟.. شفتي حدا؟.. ضحكت وقالت شفته بتطلّع عليه هناك.. قلتلها وين هناك؟.. أشّرت على الممر بإتجاه باب الحمام.. وقالت رجع السفاح.. رجع ورح يقتلكم وإنت أول واحد!.. ورجع يقتلنا وإحنا أصلاً متنا.. متنا يا آصف.. يلي صار زمان رح يتكرر بهالبيت.. رح تقتلهم.. زي ما قتلت رونان.. ضحكت أمي بصوت عالي وتغريد إتطلعت عليّه بنظرات غريبة.. وقالتلي شو قصدها عن شو عم تحكي؟.. عم تتطلع على باب الحمام.. شو شايفة مين هناك ليه عم تتصرف هيك!!.. بترجاك شو هالكلام؟!.. إنت رح تأذينا وإنت قتلت؟!.. قلتلها أسكتي!!.. مو أمي يلي بتحكي.. في حدا جواها.. في شي صار من لمّا طلعنا.. شفتها بتتطلع على أيوب.. وقرّبت منه وأخذت البروش.. أيوب صار يبكي.. وهيّه كانت بتحسس بأصابعها فوق البروش بهدوء.. وقالت القميص يلي دفنته ورا البيت.. أيوب طلّعه اليوم.. برافو حبيبي.. مبسوطة إنك عم تساعدنا.. ولسه بريفان وجيلان رح يحكولكم تتمة القصة.. بس بطريقتهم الخاصة.. قلتلها مين بريفان ومين جيلان؟.. قالت بناتي التوأم الصغار.. أما نهلة فهيّه هلأ عند بيت ماجدة.. إشتاقتلهم لأنها كانت تحبهم زمان.. بس همّه حاولو يقتلوها حتى بعد ما ماتت!!.. مسكت إيد أمي وقلتلها.. عزيزة إتطلعي عليّه.. شو صار بس طلعنا؟.. قالت عزيزة هلأ جوا بيتنا.. عم تتعرّف على فايزة ولبابة ووتين.. قلتلها مين؟.. مين هدول؟.. وليه عم تتطلعي للممر.. شو شايفة؟.. قالت هناك رح يقتلني.. شفتها بتبكي.. وقالت رح يقتل ثريا.. رجع.. رجع من جديد!!.. بهاللحظة إنفتح باب الحمام.. وإنفتح شباكه.. ودخل هوا قوي.. وسكّر بقوة!!!!.. قالت سمعني ورجع دخل للحمام!!.. روح طلّعه.. طلّعه وقلّه يبعد عني وعن بناتي.. قلتلها مين ثروت باشا؟!.. صرّخت وقالت لا تجيبلي إسمه.. مو قادرة أنسى.. الساعة سبعة وستة وعشرين دقيقة.. دفنت القميص ومتت.. ثريا ماتت.. قلتلها إنتي ثريا؟.. حكت صح.. ثريا العالي مرته لثروت.. تغريد قالت خلينا نعمل شي!.. أمي بتروح منّا.. طلبت منها تسكت وقلت لأمي.. يبقى عزيزة بالبيت هلأ؟.. حكت قلتلك بالبيت!!.. هناك جوا.. أنا ثريا.. أكثر إنسانة إنظلمت.. روح إلحقه طلع من الشباك.. حكيتلها ثروت؟.. قالت لأ.. مش ثروت.. قلتلها مو ثروت يلي كان هون وإنتي خايفة منه؟.. صرّخت وقالت لأ.. لأاااا.. قلتلها مين؟!.. بهاللحظة إنطرق باب البيت.. طلبت من تغريد تمسك أمي.. وتبقى مع أرغد وأيوب.. الطرق كان قوي.. تغريد قالت رجلّيه عم يهتزو.. مسكت إيد أرغد وأيوب وكانت بتتطلع على الباب خايفة.. رحت وفتحت الباب.. شفت جويرية واقفة عالباب بتتطلع عليّه بهدوء بالعتمة وشعرها على نص وجهها وزاهر وماجدة ولارا بالشارع عم يركضو.. إتطلعت عليهم وضحكت وقالت مع إني بلعت المفتاح بس بياع الأنتيكا قدر يفتح الباب بطريقته ويطلعهم.. حكتلي دخلني وسكّر الباب.. حاولت أبعدها بس كانت أقوى مني وفتحته ودخلت.. شفتها بتدخل لجوا.. وزاهر وصل مع أمه وأخته لارا وقلي خلينا نلحقها.. بسبب صدمتنا فيها تركنا الباب مفتوح.. وانجمعنا كلنا بالغرفة يلي بتنام فيها تغريد مع أرغد وأيوب.. كانت جويرية حاضنة أمي.. والثنتين صامتين وشادين على بعض.. زاهر قال لجويرية إرجعي هاد مو بيتك.. صح مو بيتي وأنا مو أختك.. أنا نهلة.. أختك جويرية بالبيت مع عزيزة.. قلها وشو بدك منا؟!.. خلينا نتواجه هلأ وفهمينا!.. قالت بصوتها مو بصوت نهلة.. في أرواح انظلمت بسببكم.. وفي روح شريرة بينكم.. نحنا خايفين منها.. بدها تأذي وتقتل وتخرّب الدنيا.. أجت لهالشارع لتخرّب كل شي.. وتقتلكم واحد واحد.. عم بنبهكم إنه يلي صار ممكن يتكرر.. قلتلها مين؟.. عن مين قصدك؟.. إتطلعت أمي فيني وقالت ثريا إنظلمت.. وفي أم إنظلمت مثلها.. بس نحنا خايفين.. قال زاهر لا تخافو قولو ليش ظهرتو من جديد ومين يلي ظلم مين؟.. قالت وهيّه مدمّعة.. رونان.. رونان ما إنتحرت.. رونان إنقتلت.. والقاتل مو بعيد.. والجاي أكبر وأعظم.. جويرية صرّخت وهيّه بترجف وقالت لا تقولي.. نحنا دخلنا أجسامهم لحتى نحكي هالكلام ونشوف إذا رح ننقتل أو لأ.. معقول يهونو بهالسهولة؟.. معقول أنا أهون؟!.. بس حتى لو قتلتونا رح نرجع.. أنا قلت برجفة صوت.. فيكم تتطمنو نحنا ما رح نأذيكم.. بس قولو مين قتل رونان؟!.. قالت جويرية أسكت.. إنت كله منك.. إبعد عنّا.. شفتهم بتطلعو عليّه وتغريد قالت ما بتعملها صح آصف؟.. قالت جويرية نحنا خايفين نحكي.. من كثير أشياء.. بس بنعرف كل شي.. وباقي أهل البيت رح يوضحولكم يلي صار وتوصلكم الرسالة.. لتعرفو إنه السفاح واحد مهما تغيّرت الشخوص والأوقات.. بهاللحظة إنفتح الشباك.. سمعنا صوت بنتين عم يبكو..